أخذ موعد في مؤسسة حمد الطبيه

[نوفة قطر]

السلام عليكم ورحمة الله وبركاته

عندي ملاحظه صغيره على فكرة اخذ المواعيد من مستشفى حمد

يعني قبل كنا نروح نودي التحويله من المركز الصحي .. وناخذ موعد وعادي لو يعطونا موعد بعد 6 شهور

الحين ناخذ التحويله من المركز الصحي .. ونروح نتعنى لين المستشفى ونتأخر او نستأذن من دواماتنا

عشان نحط ورقة التحويل على الطاوله ويقولون لنا اوكي بنكلمكم ونمشي :rolleyes2:

ونقعد ننتظر اتصال ! .. انزين شالحكمه من اني اروح وادور بارك والا اعتمد على خدمة المواقف وغيره

عشان بس اقدم الورقه ؟

مادري ليش ما يكون في نظام بالسستم يدخلون بياناتي وبعدها مستشفى حمد يتصلون

او اي فكره ثانيه تكون افضل

انتوا شرايكم

؟

[بوحمد111]

من المفروض قطر من الحكومات الالكترونيه ولا فيه داعي تروح وتتبهدل علشان اخذ المواعيد وكلها نظام تدخل عليه وتقدم طلبك الكترونيا ويجيك تأكيد بالموعد عن طريق الايميل وانتهت السالفه ونتمنى تطبيق هذه الخدمه حالنا حال الدول المتطورة الكترونيا

تحياتي

[بـــــدوي]

اتفق معاك ان الربط الالكتروني في مؤسسة حمد الطبيه ميييح واذا حبيتي تضبطين اموورك شوفي لك فررراش وادهني سيره بـ 100 وازهلي الباقي :thumbdown:

[باراكودا]

المفروض يستخدمون وسائل التكنولوجيا الحديثة لانجاز الاعمال بسهولة
وبسرعة وبدون تعقيد .

[العربية نت]

فيه ما هو أسوأ من ذلك :)
اذا اخذت تحويل من المركز الصحي وسويت موعد عند دكتور معين وراجعت الدكتور في موعد وموعدين المهم انه لو يمر عليك سنه ما راجعت الدكتور وجيت تبغي تسو ي موعد عنده راح يقولون لك جب تحويل مره ثانيه ونفس السيناريو الممل :omg::eek5:

الصراحة اذا سمعتوا انهم حطو رئيس استرالي او امريكي مسئول عليهم اقول انهم يستاهلون لعدم كفاءة الموجودين :)

[R 7 A L]

المراكز الصحية تتبع الرعاية الأولية والتقصير منهم
وليس من مؤسسة حمد

اذا صحوا اللي في الرعاية الأولية من سباتهم
راح يتغير النظام اللي كأنهم في الستينيات

[رايق البال x]

غباء بعيد عنك

[Bozizoo]

فيه ما هو أسوأ من ذلك :)
اذا اخذت تحويل من المركز الصحي وسويت موعد عند دكتور معين وراجعت الدكتور في موعد وموعدين المهم انه لو يمر عليك سنه ما راجعت الدكتور وجيت تبغي تسو ي موعد عنده راح يقولون لك جب تحويل مره ثانيه ونفس السيناريو الممل :omg::eek5:

الصراحة اذا سمعتوا انهم حطو رئيس استرالي او امريكي مسئول عليهم اقول انهم يستاهلون لعدم كفاءة الموجودين :)

الاسترالي هذا الي تمدح فيه
تدري هذا لو تروح عندهم في مستشفى قسم الطواري تقعد ساعتين بس عشان يشوفك ويفحص عليك
سلم لي على oz

[راشد محمد]

انا صار لي شهر انطر الموعد..
الحين لما ناخذ التحويل ننطر يتصلون ...واذا ما رديت راح عليك الموعد..
اجراءات عقيمة

[خزامئ]

تخلف
واهمال
ولا ماعليهم قصور موضفين
او تكنلوجيا
بس مابه حد يخاف الله

[طبيب قطري]

غباء بعيد عنك

:victory:

[نوفة قطر]

على قولتكم ...

المفروض يكون في متابعه يشوفون الامور اوكي والا ! والا على الاقل بروحهم يشغلون مخهم ويفكرون هههه

للحين ما اتصلوا والله العالم متى بيتصلون

ياريت الملاحظه توصلهم

-

[نوفة قطر]

أزيدكم من الشعر بيت : )

اتصلوا فيني ( العيادات الخاريجه ) قالوا الاستشاري شاف التحويله وحولج على رميله

لازم تجينا سلمج الله تاخذين تحويلتج وتروحين رميله تودينها لهم

بالله هاي كلام !؟!!!؟

-

[بصمة قطرية]

يا ليت يرجعون للنظام السابق
نروح العيادة المسائية و ندفع 50 ريال
و ممكن نشوف الدكتور في نفس الوقت ..