نصيحتكم (باترول أو لاند كروزر)

[Abu Ma6ar]

السلام عليكم أخوتي:

بغيت مشورتكم ، قاعد أدورلي على موتور ومحتار بين اللاند كروزر وبين الباترول ، الموديل المطلوب هو القديم يعني من اللاند 2007 ومن الباترول 2009 ، الي يهمني في الموضوع تكاليف قطع الغيار ، والسيرفس ، وسعر البيع لو حبيت ابيعه في المستقبل ، أي موتور ينفعني اكثر ، واي موتور بيريحني من عوار الراس ؟ أي موتور بيحافظ على سعره لو حبيت أبيعه في المستقبل، ونصيحتكم بعد فموضوع اذا حبيت اشتري كم لازم يكون ماشي على الأقل ؟؟؟؟ أنا باخذه مو على شان التطعيس يا دوب رحلات بر من غير تطعيس.

والله لو تفيدوني لأنه صارلي فترة محتار وما ادري ايش اشتري ،،

[العربية نت]

الكروزر 2007 ما يحتاج شيخ المواتر خاصة في اكس آر 2007 بس وين تحصل النظيف اتوقع مستحيل تعينه لان اخوانا الخليجيين ما شاء الله اول باول منظفين السوق فلو عينت كروزر نظيف 2007 خذه وانت مرتاح وهو افضل موديل نزل من تويوتا

بالتوفيق ،،،

[Abu Ma6ar]

وبالنسبة للمشى كم لازم يكون على الأقل؟؟ حصلت وحدة ماشية 179 الف جي اكس ار فحصتها في الالماي وطلع فحصها 88 فالمية .. وعلى ذمة البايع يقول سايقها شيبة واستعمال البيت ولا طلعت على الرملة ابدا والسعر الي طلبه ب 113 الف بس حسيت انه السعر غالي شوي خاصة اني حصلت غيرها ماشية اقل وسعرها شوي ازود ... اش رأيكم ضيعت فرصة زينة من ايدي ولا عادي واقدر احصل لي شي زين

[حمد911]

اخذ لاندكروزر افضل من نواحي عديدة اول شي قطع الغيار ارخص من النيسان والموتر فية جودة لاتوجد بنيسان خصوصا موديلات 2007 وقت البيع معروف ان التويوتا يمسك سعرة اكثر

بنسبة للممشى الطبيعي في السنة بين 25 الف كيلو الى 30 الف كيلو خلنا نقول 30 الف يعني لو سيارة موديل 2007 المفروض ايكون الممشى الطبيعي لها 150 الف كيلو والممشى لة دور بتحديد السعر بالاضافة الى حالة السيارة يعني ممكن تحصل سيارة ماشية 50 الف كيلو وسيارة ماشية 200 الف كيلو بس تحصل اللي ماشية 200 الف حالتها افضل من اللي ماشية 50 الف

اهم عنصرين الممشى وحالة السيارة ومافيها حوادث او صبغ

بنسبة للسيارة اللي انت محصلها لو موديل 2007 يعتبر هاذا سعرها

وموفق ان شاء الله

[Abu Ma6ar]

اخذ لاندكروزر افضل من نواحي عديدة اول شي قطع الغيار ارخص من النيسان والموتر فية جودة لاتوجد بنيسان خصوصا موديلات 2007 وقت البيع معروف ان التويوتا يمسك سعرة اكثر

بنسبة للممشى الطبيعي في السنة بين 25 الف كيلو الى 30 الف كيلو خلنا نقول 30 الف يعني لو سيارة موديل 2007 المفروض ايكون الممشى الطبيعي لها 150 الف كيلو والممشى لة دور بتحديد السعر بالاضافة الى حالة السيارة يعني ممكن تحصل سيارة ماشية 50 الف كيلو وسيارة ماشية 200 الف كيلو بس تحصل اللي ماشية 200 الف حالتها افضل من اللي ماشية 50 الف

اهم عنصرين الممشى وحالة السيارة ومافيها حوادث او صبغ

بنسبة للسيارة اللي انت محصلها لو موديل 2007 يعتبر هاذا سعرها

وموفق ان شاء الله

أخوي حصلت سيارة ثانية موديل 2008 جي اكس ماشية 145 الف .. على حسب قولة صاحبها انها مصبوغة بالكامل واللون لؤلؤي .. والعمود الى من صوب السايق مضروب بس يقول انه وداها الفحص و كانت النتيجة 93% والسعر حوالي 105 الف .. ايش رأيكم يا ريت تفيدوني

[Abu Ma6ar]

مشكلتي يا اخوان انه هاي اول مرة بشتري موتور دفع رباعي ومالي خبرة فموضوع الصبغ والدعمات وكيف اعرف انه مطعس فيها وايد او لا ولا اعرف شي عن نظافة الموتور وكيف اكشفها .. كل هلي اعرفه انه لازم اوديها الفحص بس هل الفحص يشوف كل شي من عيوب الموتور .. و وين احسن مكان للفحص او اذا في شخص موثوق اقدر اخذ الموتور عنده ويقلي سيرته الذاتيه ... وبعد ابي اعرف ايش هي الاشياء الي تسوي ضربة قاضية حق الموتر وتخليني اغير وجهة نظري فيه ؟؟؟ عذبتكم معاي يا الربع بس هاي حالة الي ما عنده خبره وما يبي يخسر فلوسه بسبب قلة الخبرة

[حمد911]

اخوي لو بغيت نصيحتي ابتعد عن ذي الموتر اولا ماشي وايد وثانيا مصبوغ يعني يامقلوب او متعرض لحادث زيدها 20 او 30 الف وخذ موتر صبغ شركة ومافية مشاكل.

ولو تبي الشور السنع افضل محل فحص الطاير للسيارات هو بطريق سلوى وجنب معرض الشرق للسيارات عندهم ذمة وايطلع كل عيوب السيارة من صبغ الى ضربات الى حوادث يعني بيطيك سيرتة العطرة.

اي سيارة فيها ضربة شاصي ابتعد عنها ولاتفكر تشتريها او لو الموتر متعرض لحادث خشن كل ذي الامور اتاثر وقت البيع

وبالعكس انت اخونا وماعذبتنا ولا شي واي استفسار تفضل والاخوان مب مقصرين وياك

[Abu Ma6ar]

اخوي لو بغيت نصيحتي ابتعد عن ذي الموتر اولا ماشي وايد وثانيا مصبوغ يعني يامقلوب او متعرض لحادث زيدها 20 او 30 الف وخذ موتر صبغ شركة ومافية مشاكل.

ولو تبي الشور السنع افضل محل فحص الطاير للسيارات هو بطريق سلوى وجنب معرض الشرق للسيارات عندهم ذمة وايطلع كل عيوب السيارة من صبغ الى ضربات الى حوادث يعني بيطيك سيرتة العطرة.

اي سيارة فيها ضربة شاصي ابتعد عنها ولاتفكر تشتريها او لو الموتر متعرض لحادث خشن كل ذي الامور اتاثر وقت البيع

وبالعكس انت اخونا وماعذبتنا ولا شي واي استفسار تفضل والاخوان مب مقصرين وياك

والله انك كفو يا خوي يا حمد والله انك ما قصرت وان شاء الله من اشتري الموتر لكم احلى حلوان .. كنافة نابلسية .. بس لا تنسونا من دعاءكم

[qtr qtr]

اخوي السياره اذا نسبة مكينتها اقل من 90% ابعد عنها وغير الشاصي .. اذا كان فيه نفخه فالشاصي فوق الدفرينش الخلفي اعتبر ان راعيه يطعس فيه .

وانصحك مليون مره خذ الفي اكس ار من 2003 لين 2007 من افضل الموديلات وتر ممشى ال8 سلندر من ناحيه الكيلو متر مايعيبه لان ال8 سلندر يتحمل مب نفس ال6 سلندر .. وغير سواقته حلوه ومريحه وصرفيته زينه .. ابعد من ال6 سلندر ثقيل وسواقته ممله .

الله يوفقك ويعينك بالسياره اللي تطيب خاطرك

[Abu Ma6ar]

اخوي السياره اذا نسبة مكينتها اقل من 90% ابعد عنها وغير الشاصي .. اذا كان فيه نفخه فالشاصي فوق الدفرينش الخلفي اعتبر ان راعيه يطعس فيه .

وانصحك مليون مره خذ الفي اكس ار من 2003 لين 2007 من افضل الموديلات وتر ممشى ال8 سلندر من ناحيه الكيلو متر مايعيبه لان ال8 سلندر يتحمل مب نفس ال6 سلندر .. وغير سواقته حلوه ومريحه وصرفيته زينه .. ابعد من ال6 سلندر ثقيل وسواقته ممله .

الله يوفقك ويعينك بالسياره اللي تطيب خاطرك

مشكورين والله اني ما عارف كيف اشكركم على هالمعلومات والنصايح ... بتم معاكم على الخط لين اشتري هالموتور :) تعبت من الكورولا

[الوسيط العقاري]

تويوتا وبس

[وحش قطر]

إذا ميزانيتك تسمح خذ جي أكس ظ¦ سلندر ظ¢ظ*ظ*ظ¨ وطالع

[Abu Ma6ar]

إذا ميزانيتك تسمح خذ جي أكس ظ¦ سلندر ظ¢ظ*ظ*ظ¨ وطالع

أخوي ممكن توضح ... لأن اللي وصلني كلام مشفر مثل ما تشوف