مشاهدة النسخة كاملة : برنآمج في آلضحى
BeN QaTaR
23-12-2012, 11:59 AM
آلسلآم عليكم ورحمه آلله وبركآته
آليوم حبيت آتكلم عن برنآمج "في آلضحى" آلي يعرض على قنآة قطر
في آلبدآية كآن في إعتقآدي إنه يكون بهوية قطرية لكن سرعآن مآخآب ضني
قبل مآ آنتقد آلبرنآمج عندي تعليق بسيط على آلتقديم
مع إحترآمي للمذيعة طريقة تقديمهآ وتعآبيرهآ جدآً بآردة مش عآرف كيف آوصفهآ مدري إذآ في شخص آخر يشآركني آلرأي
وشخصية أم طلآل آلنآقدة للضيف بطريقة مستفزة هل هي متعمدة أم مجرد ردة فعل من شخص كبير في آلسن آلموضوع هذآ يحير
أما مآيطرح في آلبرنآمج غريب جدآً عندمآ آرى تقرير لدرآجين آلهآرلي يقآل إنهم قطريين ومعهم سيدآت من جنسيآت عربية كل سآئق خلفة سيدة منهن ويتفآخرون بذلك علمآً بأنهم يتحدثون عن آليوم آلوطني
سؤآلي هل هذه آلهوية آلقطرية آلجديدة أم أنه موضوع عآدي وآنآ من أضخم آلإمور
نآقشوني فربمآ آكون على خطأ
تغلبية
23-12-2012, 12:04 PM
اليو انا ماداومت .. قاعدة فـ البيت
شفت البرنامج وفعلا وعندي نفس ملاحظاتج
رتم بطيء في السوالف والنقاش .. والمذيعة ادخلت في اشياء شخصية !!
طيب .. والمشاهد شله من هذي السوالف؟! .. مع احترامي لهم جميعاً ..
الظهور الجديد لتلفزيون قطر يثبت يوم بعد يوم انه جاي يثبت للعالم ... شوفوا قطر "الافرنجية" :(
برشلوني قطر
23-12-2012, 12:23 PM
شفت شي بسيط من البرنامج...بس والله فالبدايه ماعرفت من المقدم هههههههههههه
الا يوم قالت تبي خبز وجبن وبناخذ فاصل..:rolleyes2:
@الأدعم@
23-12-2012, 12:31 PM
بصراحه المذيعة بارده وتجيب النوم يالينت لو يجيبون الرميحي
بوحمد111
23-12-2012, 12:57 PM
الحمد لله اني في الدوام ولا اتابع برامج ما لها اهداف معينه
صحيح من قال قطر الافرنجيه الله يكفينا الشر
المالكي
23-12-2012, 01:04 PM
مع احترامي للكل انا بعد عندي نفس الملاحظه وتخلط بالمواضيع ويبيلها دورات تدريبي لطريقة التقديم
كل ماسبق صح
واكثر السالفه حق المذيعه
واكثر اللي يشاركون في البرنامج مستقطرين مع احترامي للكل
باراكودا
23-12-2012, 01:31 PM
للاسف أتضحت الصورة لتلفزيون قطر الجديد أربع وعشرين ساعة برامج معادة
وأغلبها عن جبل فوجي العجيب هل التلفزيون سوف يعلن افلاسه بعد هروب المشاهدين
في اول أسبوع من أنطلاقه كل المؤشرات تدل على ذلك .
Locale
23-12-2012, 01:32 PM
مااعجبني كلش البرنامج ولا المقدمين
ماعرف شنو هدف البرنامج غير السوالف بالامور الشخصيه
مرت محمد
23-12-2012, 01:38 PM
انا بصراحه عجبتني شخصيه ام طلال وحبيتها والمذيعه بعد حبيتها رغم هدوئها وعفويتهم
وحنا شعب ناقد ولا يعجبه العجب ولو يجبون لنا اوبرا وتصير قطريه بعد راح تنتقدونها
واحسن مذيعه بالعالم بينتقدونها بينتقدونها بينتقدونها هاذي طبائع بشريه ماتقدرون تغيرونها بارده حاره عصبيه مرحه حركه طبيعه ياناس طبيعه
حليمه بولند مذيعه متمكنه واثقه من نفسها شكل ومنظر ودلع ماسلمت من الانتقادات وخصوصا كلمتها الشهيره ( ابي امي ابي ابوي ابي ريلي ) انا اقول عطوا الناس فرصه لكي يبدعو ا
معروف جدا ان القطريين يخافون الكيمرا من الجنسين فخلوا الشباب يثبتون نفسهم راح النشاهد الكثير من العثرات الكثير من التخبطات لاكن اتركوهم ليتعلموا من اخطائهم
بس عن جد حبيبت هريس ام طلال
sweet qatar
23-12-2012, 01:47 PM
اتفق معاج مرت محمد في كون الشعب القطري شعب ناقد..
يمكن ما تزعجني هالصفة قد ما يزعجني الاسلوب.. ياليت الي بيحط رايه يوزن كلامه ويثمنه عقب يضيف الرد..
Ben Qatar
انصدمت بسالفة سائقي الهارلي.. معقولة يحطون شاب وبنت على نفس الموتو..؟؟ عيب عليهم..
بومحمد المطاوعه
23-12-2012, 01:48 PM
انا ماشفت البرنامج
ولو شفته بتضايق مدام في هاريليات وبنات قاعدين ورى
ماشاءالله عارفين الدين الاسلامي عدل
لاحول ولاقوه الا بالله
الله يستر عليهم
الأصيلة
23-12-2012, 01:57 PM
بصراحه المذيعة بارده وتجيب النوم يالينت لو يجيبون الرميحي
حرام عليج في الضحى والرميحي ..مايوارج أبدا...
البرنامج خاص بالمرأة والبيت ...لأزم تكون مذيعة وليس مذيع..
بالنسبة لمقدمة البرنامج فقط تحتاج إلى تدريب أكثر...
مع بيان الإنتقادات من المشاهدين لتتلافى الأخطاء بعد ذلك...
مع الوقت والتوجيه والتدريب أحس بتكون جيده..عطوها فرصة ياجماعة؟؟
كذلك بالنسبة لأم طلال أعتقد إنها تجهل بعض الأمور الخاصة بالظهور على الشاشة..
ياليت أحد يوضّح لها ويوجهها ويشرح لها أكثر عن مايجب أن يقال ومالايجب...!!
لاتستعجلون على النتائج...!!!
أحنا نطالب دائما بالوجوه القطرية ونتمناها ...
طيب مستحيل يكون المذيع القطري أو المذيعة القطرية من اول مرة يكون على المستوى المطلوب والخبرة الطويلة..
يحتاجون وقت وتدريب وتوجيه ويإذن الله سينجحون...!!
بالتوفيق للجميع...
do7ani
23-12-2012, 04:44 PM
هههههههههههههههههههه
احنا العرب صج مايعجبنا شي
الله يوفقج يالوالده
عيون الدوحة
23-12-2012, 04:52 PM
أنا الى مش عاجبني الإعادات متى بيسير البث مباشر
do7ani
23-12-2012, 04:53 PM
أنا الى مش عاجبني الإعادات متى بيسير البث مباشر
ممكن من الاسبوع الجاي
نوار قطر
23-12-2012, 04:58 PM
بغض النظر عن انتقدات المذيعه حنان او طريقة تقديمها بس انا اشوفها كقطريه طريقة لبسها للعبايه وطريقة لفتها للشيله واايد حلووه ومحتشمه حتى المكياااج واايد نااعم احسن من غيرهااا الي خطر لا يفصخون العبايه والمكياج الصارخ الي ماله معنى
توني من شوي شفت الاعاده يعني المذيعة سوالفها زينه حق الرادو صوتها هادي ويخليك ريلاكس زينه نسمعها حزة الرقاد تهوي علينا وتحازينا لين
ننام
:omen2:
ثرا من صجي مااتغشمر :nice:
صوت مواطن
23-12-2012, 05:05 PM
مبروك عليكم القناة الجديدة ومبروك على منع البرامج الدينية. وأهلا وسهلا ببرامج الهارلي والهريس
لمعة الالماس
23-12-2012, 05:38 PM
بالعكس البرنامج حلو
والمذيعة مع الايام تكتسب خبرة وتتعلم
وفكرة البرنامج والمواضيع جميله. وانا الحين اشوف الاعادة
الخـود
23-12-2012, 06:02 PM
عجبني أن المذيعة مريحة لي انا كمشاهدة، لأن مظهرها بسيط كميك اب ناعم وعباة ناعمة ومحتشمة،، أما دورها كمذيعة ف ان شاء الله تكتسب الخبرة لأنها جديدة .. وام طلال دورها حلو بعد .. موفقين
صوت مواطن
23-12-2012, 06:04 PM
اهم شي الضيف قال عادي يلبس جاكيت وردي مع الثوب. طرح جميل
نوار قطر
23-12-2012, 06:15 PM
اهم شي الضيف قال عادي يلبس جاكيت وردي مع الثوب. طرح جميل
اي سمعته وصدمني رده مع انه مب مراهق ولا صغير بس تفكيره صبياااني
اهم شي الضيف قال عادي يلبس جاكيت وردي مع الثوب. طرح جميل
هههه عاد عطوهم فرصه صاكين عليهم صكه
ام ناصر1
23-12-2012, 06:40 PM
شفته بالاعادة يرنامج خفيف ..وحليو..والمذيعة مع الوقت بتكتسب خبرة
تربوي
24-12-2012, 12:12 AM
متابع بهدوء
جاسم القطري
24-12-2012, 07:26 AM
ما شفت حلقه الهارلي
لكن خلونا نعطيهم فرصه
توهم في بدايتهم
شويه توجيه و دعم
ونقد بناء
وأم طلال مسويه جو الصراحه
reem_82
24-12-2012, 09:10 AM
السلام عليكم ورحمة الله وبركاته..
انا كنت من اشد المتحمسين لتجديد تلفزيون قطر،، ولكن للاسف انصدمت من اللي شفته،،
التلفزيون صاير يخاطب جيل واحد فقط،، نسوا انه اكثر متابعين تلفزيون قطر هم جيل امهاتنا وجداتنا،، محو برامجهم كليا،،
اوكي حلو يدخلون برامج جديده وافكار حلوه ويغيرون الوجوه الاعلامية،،
بس مب يلغون البرامج الدينية واستضفاتهم لشيوخ كبار مثل المغماسي
وكنت اتمنى اشوف حسن الساعي مع برنامج اجتماعي جريء،،
لكن للاسف شفت برامج شوي بايخه ومالها معنى،،
مثلا برنامج كامل عن وعد مصممة العبايات او مادري من اللي في اليابان،،اوكي سوا برنامج اسمه وجوه قطرية وكل يوم عن احد من هالشباب يتكلمون عنه في حلقة،،
وبعدين وين النشرة الجوية اختفت؟؟؟
سوري تلفزيون قطر توقعت منك شي وطلعت شي ثاني
OutLaw
24-12-2012, 09:39 AM
الشي الجيد في تلفزون قطر بحلته الجديدة بأن أغلب المذيعين قطريين .
لكن انا شخصيا الين الحين ما عرفت منهم الي وراء الكواليس هل هم قطريين ام طاقم أجنبي أجنبي وليس عربي .. واغلب الظن بأنه أجنبي .
صوت مواطن
24-12-2012, 10:48 AM
والله اللي خلف الكواليس السيد عبدالكريم من لبنان وطاقم التصوير من الفلبين والبرتغال شركات خاصه نعم إحنا مع التطوير والبث ال Hd ولكن لا ينسون إخوانا المذيعين الخبراء اللي يساعدون المذيعيين الجدد والشي الأدهى استغنت قناة قطر عن الموظفين اللي عندهم خبره من عشرات السنين والبرامج المتنوعة اللي تشمل الكبير والصغير. اخر كلامي. يا جماعة تطوير تلفزيون قطر نعم والف نعم للتطوير ولاكن مع أخذ رأي المشاهد ورجاء رجاء الابتعاد عن التشبهه بالقنوات التجارية والخاصة. هذا تلفزيون وطني حكومي اهتموا في البرامج الدينية وتعديل ستايل الاخبار شكرًا تلفزيون قطر
BeN QaTaR
24-12-2012, 12:15 PM
انا بصراحه عجبتني شخصيه ام طلال وحبيتها والمذيعه بعد حبيتها رغم هدوئها وعفويتهم
وحنا شعب ناقد ولا يعجبه العجب ولو يجبون لنا اوبرا وتصير قطريه بعد راح تنتقدونها
واحسن مذيعه بالعالم بينتقدونها بينتقدونها بينتقدونها هاذي طبائع بشريه ماتقدرون تغيرونها بارده حاره عصبيه مرحه حركه طبيعه ياناس طبيعه
حليمه بولند مذيعه متمكنه واثقه من نفسها شكل ومنظر ودلع ماسلمت من الانتقادات وخصوصا كلمتها الشهيره ( ابي امي ابي ابوي ابي ريلي ) انا اقول عطوا الناس فرصه لكي يبدعو ا
معروف جدا ان القطريين يخافون الكيمرا من الجنسين فخلوا الشباب يثبتون نفسهم راح النشاهد الكثير من العثرات الكثير من التخبطات لاكن اتركوهم ليتعلموا من اخطائهم
بس عن جد حبيبت هريس ام طلال
مع إحترآمي لرأيك
وإنتقآدك للشعب آلقطري آلي مآيعجبه آلعجب على قولك
بغض آلنظر عن آلطبيعة وآلعفوية وآلإسلوب عندمآ يقدم أي برنآمج يحتم على آلشخص تقديمة بطريقة منآسبة
آلإعلآم درآسة وممآرسة ودورآت وخبره في موضوعي لم أنتقد شخص آلمذيعة ولكن طريقة آلتقديم هنآك إسلوب للحوآر وهذآ مآينقصهآ
أمآ في مآ يخص شخصية أم طلآل نقدي كآن آيضآً على آلإسلوب فمثلآً إن حدث أمر لم تتكيف معه سرعآن مآيظهر ذلك في تعآبيرهآ وردودهآ ممآ يحرج آلضيف وهذآ أمر مكروه
فآلضيف آيآً كآن مآيقوم به ذوقيآً لآيجوز منآ إحرآجة على آلملأ فهذآ ليس برنآمج نآقد
أمآ في مآ يتعلق بآلبرنآمج ذكرت بأنه يفتقد آلهوية آلقطرية
BeN QaTaR
24-12-2012, 12:19 PM
اتفق معاج مرت محمد في كون الشعب القطري شعب ناقد..
يمكن ما تزعجني هالصفة قد ما يزعجني الاسلوب.. ياليت الي بيحط رايه يوزن كلامه ويثمنه عقب يضيف الرد..
Ben qatar
انصدمت بسالفة سائقي الهارلي.. معقولة يحطون شاب وبنت على نفس الموتو..؟؟ عيب عليهم..
أختي ممكن تتآبعين آلحلقة بنفسك عشآن توضح آلصورة
وبآلنسبة للنقد آتوقع موضوعي خآلي من آلإهآنه وآلتجريح
هو مجرد إنتقآد بسيط على مآيتم طرحة وطريقة تقديمة
شآكرلك مرورك
BeN QaTaR
24-12-2012, 12:22 PM
بغض النظر عن انتقدات المذيعه حنان او طريقة تقديمها بس انا اشوفها كقطريه طريقة لبسها للعبايه وطريقة لفتها للشيله واايد حلووه ومحتشمه حتى المكياااج واايد نااعم احسن من غيرهااا الي خطر لا يفصخون العبايه والمكياج الصارخ الي ماله معنى
آلموضوع تطرق لموآضيع أخرى لم آنتقد شخص آلمذيعة هنآك فرق مع إحترآمي للمشآركآت آلآخرى
شكرآً على آلمرور
الزلزال
24-12-2012, 12:23 PM
من ناحيتي اشجع البرامج الجديده
ام ناصر1
24-12-2012, 12:27 PM
والله اللي خلف الكواليس السيد عبدالكريم من لبنان وطاقم التصوير من الفلبين والبرتغال شركات خاصه نعم إحنا مع التطوير والبث ال hd ولكن لا ينسون إخوانا المذيعين الخبراء اللي يساعدون المذيعيين الجدد والشي الأدهى استغنت قناة قطر عن الموظفين اللي عندهم خبره من عشرات السنين والبرامج المتنوعة اللي تشمل الكبير والصغير. اخر كلامي. يا جماعة تطوير تلفزيون قطر نعم والف نعم للتطوير ولاكن مع أخذ رأي المشاهد ورجاء رجاء الابتعاد عن التشبهه بالقنوات التجارية والخاصة. هذا تلفزيون وطني حكومي اهتموا في البرامج الدينية وتعديل ستايل الاخبار شكرًا تلفزيون قطر
هاذيلا أهل فساد وافساد ....والتكثير منهم بالعمل ليس لصالح المجتمع القطري
على المدى المتوسط والبعيد ....
BeN QaTaR
24-12-2012, 12:28 PM
شآكر لكم مروركم جميعآً
sweet qatar
24-12-2012, 12:34 PM
وبآلنسبة للنقد آتوقع موضوعي خآلي من آلإهآنه وآلتجريح
الشكر لك اخوي على الطرح الطيب .. وفعلا موضوعك خالي من الي ذكرته..
بعكس بعض الردود.. الله يهدينا واياهم..
للحين ما شفت تقرير الهارلي.. بس شفت شوي من البرنامج..
ان شالله المذيعة مع الوقت بتتحسن.. عفويتها حلوة..
آنا غيــر
24-12-2012, 01:59 PM
وانا نفس ملاحظتك يا بن قطر ..
بصراحه امس نوعاً ما قطعوا الشباب اللي مستضيفينهم .. نفس يوم قالت له تشترون سيايير بس لما يجي وقت العرس تقولون مانقدر .. او يوم استنكرت ام طلال الولد اللي قال عادي البس وردي فوق الثوب .. سؤالها اصلا هل عادي تلبس جاكيت وردي فوق الثوب ماكان له داعي ابداً ..
هم المفروض يتفادون يكونون وايد specific باسئلتهم عشان مايخلون الضيف يضطر انه يجاوب اجوبه مب عدله!
المذيع المفروض يكون محايد مب يستنكر ردود الضيف ويكشر بويهه ويعاييه ويفرض رايه عليه! .. لازم يكون عنده احساس شلون يخلي الحوار هادف قدر المستطاع .. ويحاول يطلّع احلى ما عند الضيف ..
مادري بس حسيتهم امهات متجمعين في صالة ويتعايوون ويعيبون ..
لازم يحطون في بالهم ان في ناس وايد من كل الطبقات قاعده تطالع البرنامج فلازم يكون في لباقه و اتيكيت مب حلو هالشكل عاد بزياده مسوين ان الموضوع عفوي .. العفويه الماصخه مب حلوه وسخيفه
نوار قطر
24-12-2012, 02:29 PM
آلموضوع تطرق لموآضيع أخرى لم آنتقد شخص آلمذيعة هنآك فرق مع إحترآمي للمشآركآت آلآخرى
شكرآً على آلمرور
ادري اخوي انك ماانتقدت شخصية المذيعه انا قلت بغض النظر عن طريقة تقديمها انا قارنت بينها وبين غيرها وبس :)
الدوحه1
24-12-2012, 02:33 PM
شنهو الهدف من انتاج هالنوعيه من البرامج؟؟
هل تحول التلفزيون الى "جهاز ترفيه"؟؟
نبي برامج تناقش قضايا ومشاكل المجتمع بكل شفافيه وجرأه؟
jassim_007
24-12-2012, 02:46 PM
او يوم استنكرت ام طلال الولد اللي قال عادي البس وردي فوق الثوب .. سؤالها اصلا هل عادي تلبس جاكيت وردي فوق الثوب ماكان له داعي ابداً ..
OMG!!
OMG!!
OMG!!
:eek5:
منو هل المُعد الي اختار هل السؤال العجيب!!!!
ماشفت البرنامج ولا سمعت السؤال، بس فعلاً من قريت السؤال هني حسيت اني اسمع محادثة بين "طفلين" الاكبر صف اول ابتدائي و الاصغر سنه اولى روضة !!!
عيب يطرح هل الاسألة في تلفزيون "محترم" لانه بهل الاسأله إدارة القناة و مُعد البرنامج ما احترموا وقت ولا ثقافة المتابع
Aaziz
24-12-2012, 02:53 PM
السلام عليكم و رحمة الله و بركاته
خل نكون واقعيين و ايجابيين شوي .... اي شيء سيقدمه تلفزيون قطر في شكله الجديد سنعتبره تغيير ايجابي ،، مقارنتا بفتره الضلال طول العقود الفائتة .
بالنسبه للانتقاد او الملاحظات هي ظاهره ايجابيه و تصرف مطلوب بل هو واجب علينا كمواطنين لتقويم المسوولين سواء في التلفزيون او اي موسسة من مؤسسات الدوله .
رغم ايصالي ملاحظه سبق و طرحت موضوع عنها هنا في المنتدى و للاسف كانت ردة الفعل غير ايجابيه ولا تشجع لايصال ملاحظات مستقبلية .
المهم .
ملاحظاتي بخصوص هذا البرنامج ... يوجد تناقض في الفكر و التوجه و التطبيق بشكل مزعج جدا جدا .
مثال غبي شوي و اسمحولي على هذا التعبير ... كيف انتو مهتمين بلبس المذيعات (بالزي القطري المحتشم) و الخادمه او مادري هي موظفه الي كانت تقدم الشاي و القهوه للضيوف لابسه لبس ضيق يبرز ملابسها الد.......
كان هذا مثال لتناقض تطبيق الفكره ... الضيوف قطريين و تهتمون بكل ماهو قطري و هذا امر تستحقون عليه حبه خشم ولكن تدخلون علينا هذه المشاهد المستنكره منا جميعا (الهارليات و سعود الي يقدم الاكل للنساء)
صحح فكرك و اعرف بكل وضوح ماهو توجهك ثم عمم هذه النظره و حدد مسارك و عممه على جميع منتسبي مؤسستك ثم طبق جميع التفاصيل الدقيقه قبل الكبيره بشكل يناسب هذه السياسة .
نعم اعترف انني كمواطن كنت احس بالخزي من تلفزيون قطر سابقا و الان اتابع هذه القناه بشكل يومي متى ما اتيحت لي فرصه مشاهده التلفزيون .
عندي كلام كثير ولكن مابي اطول ( يمكن بعد فتره اجمع كل ملاحظاتي و اردجها في موضوع مستقل )
بالنسبه للاخوان الاعضاء اسمعو نصيحه اخوكم الصغير ،،،، لاتنتقد الا انتقاد بناء مذيل بتصحيح او حل لهذا الانتقاد . يا جماعة الخير اصبحنا ننتقد الانتقاد :rolleyes2:
نوار قطر
24-12-2012, 02:56 PM
omg!!
Omg!!
Omg!!
:eek5:
منو هل المُعد الي اختار هل السؤال العجيب!!!!
ماشفت البرنامج ولا سمعت السؤال، بس فعلاً من قريت السؤال هني حسيت اني اسمع محادثة بين "طفلين" الاكبر صف اول ابتدائي و الاصغر سنه اولى روضة !!!
عيب يطرح هل الاسألة في تلفزيون "محترم" لانه بهل الاسأله إدارة القناة و مُعد البرنامج ما احترموا وقت ولا ثقافة المتابع
لالا السؤال ماكان من ضمن الاعداد بس ام طلال اسالت الضيف عقب ماتحاورت معاه وتطرقو حق كذا موضوع عن لون السيايير الي هابين فيها الشباب اللون الاورنج والفوشي والبنفسجي قال لها عادي شكلها انصدمت من جوابه واسألته عن الجاكيت
Aaziz
24-12-2012, 03:05 PM
نسيت اضيف الفقره الخاصه بمذيعات البرنامج ... حنان و ام طلال
لا تتصنعي ابدا ابدا
كوني حنان
و
كوني ام طلال
فقط لا غير ،،، انتم الان تتصنعووون و هذا امر واضح .
ليش تتصنعين ؟ انتي في طبيعتك العاديه ممتازه جدا و تستوفين جميع الشروط .
اذا وجد تقصير في اعداد البرنامج لا ترتجلي الاسئله (الضعيفة غير المهمه)
و اذا كان الخلل في طول فتره البرنامج ،، قللو المده بدلا من بعض الحشو و تعبئة الوقت.
meeemz
24-12-2012, 07:47 PM
الشي الجيد في تلفزون قطر بحلته الجديدة بأن أغلب المذيعين قطريين .
لكن انا شخصيا الين الحين ما عرفت منهم الي وراء الكواليس هل هم قطريين ام طاقم أجنبي أجنبي وليس عربي .. واغلب الظن بأنه أجنبي .
طاقم فرنسي/لبناني
MoHaMmEd114
24-12-2012, 08:21 PM
الصراحة برنامج روعه والمذيعات فعلاً قايمين بالواجب بكل احترام مع اني ضد فكرة عمل المرأة كمذيعة او في مكان مختلط
اما طبيعة الاسئلة ماعتقد المذيع يستطيع ان يلتزم بتنسيق معين اذا كان الحوار مفتوح
والمذيعة استغربت من رد الضيف
الصراحة حتى انا
بس الصراحة ماركزتوا على الكواري ماشاء الله عليه تبارك الله
فنان ورسام محترف هاوي قطري ماكنت اعرفه
وعن طريق البرنامج عرفته
ولولا البرنامج محد درى عن الكواري وغيره
ركزوا على الايجابيات واتركوا عنكم السلبيات
نور قطر 1
24-12-2012, 10:28 PM
الصراحة برنامج روعه والمذيعات فعلاً قايمين بالواجب بكل احترام مع اني ضد فكرة عمل المرأة كمذيعة او في مكان مختلط
اما طبيعة الاسئلة ماعتقد المذيع يستطيع ان يلتزم بتنسيق معين اذا كان الحوار مفتوح
والمذيعة استغربت من رد الضيف
الصراحة حتى انا
بس الصراحة ماركزتوا على الكواري ماشاء الله عليه تبارك الله
فنان ورسام محترف هاوي قطري ماكنت اعرفه
وعن طريق البرنامج عرفته
ولولا البرنامج محد درى عن الكواري وغيره
ركزوا على الايجابيات واتركوا عنكم السلبيات
انا معاك اختي الفاضلة نعرض شوي الايجابيات برنامج في بدايته
برنامج رائع
يناقش امور الاسرة والفتاة
بصراحة برنامج رائع منوع
عيل لو شفتووو بعض البرامج محطات ثانية .....؟
تحياتي للمذيعة حنان وام طلال
اختكم نور قطر
سكون الليل
02-01-2013, 09:17 PM
انا بصراحه عجبتني شخصيه ام طلال وحبيتها والمذيعه بعد حبيتها رغم هدوئها وعفويتهم
وحنا شعب ناقد ولا يعجبه العجب ولو يجبون لنا اوبرا وتصير قطريه بعد راح تنتقدونها
واحسن مذيعه بالعالم بينتقدونها بينتقدونها بينتقدونها هاذي طبائع بشريه ماتقدرون تغيرونها بارده حاره عصبيه مرحه حركه طبيعه ياناس طبيعه
حليمه بولند مذيعه متمكنه واثقه من نفسها شكل ومنظر ودلع ماسلمت من الانتقادات وخصوصا كلمتها الشهيره ( ابي امي ابي ابوي ابي ريلي ) انا اقول عطوا الناس فرصه لكي يبدعو ا
معروف جدا ان القطريين يخافون الكيمرا من الجنسين فخلوا الشباب يثبتون نفسهم راح النشاهد الكثير من العثرات الكثير من التخبطات لاكن اتركوهم ليتعلموا من اخطائهم
بس عن جد حبيبت هريس ام طلال
برنامج في البداية والمذيعة بطبيعتها هادئة وأم طلال تتكلم بتلقائية
عطوهم فرصة ، وليش الانتقاد الهدام من البداية
بنت شرق
02-01-2013, 09:39 PM
تبون الصراحة والا بنت عمها ..
المواضيع المثاره في البرنامج مهمه والضيوف جيدين جدا ولكن المشكلة ،أنه الموضوع الجاد ما يتناقش
بهالاسلوب السطحي الي يضيع المستمع ، الموضوع الجاد يبي له حوار جاد وراقي وادارة الحوار بطريقة
اكثر جدية ، نفس فكرة البرنامج بمواضيع مختلفه تنطرح ببرامج في الكويت والام بي سي ومصر ولكن الحوار
هناك يوصل المعلومة بطريقة حلوة وباسلوب راقي بالحوار
ms-qtr
02-01-2013, 11:06 PM
فعلا الناس اذواق
انا وااااايد حبيت البرنامج
وحبيت هدوء المقدمة حسيتها مريحه وحتى شكلها مريح
وبالعكس حسيت المواضيع الي تطرح فيه جدا جميلة وتخص المجتمع
وطبيعي يكون في اجانب في التقارير ما 70% من بلادنا اجانب
وحبيت الدمج بين المذيعة وام طلال
Engineer
02-01-2013, 11:10 PM
السلام عليكم ورحمة الله وبركاته
انطباعي الاول عن البرامج غير مرضية و يا ليت يهتمون بالبرامج المفيدة بدال ما تصرف ملايين على برامج فاشله و المشاهد الحين عنده قنوات و حس اعلامي جيد
وشكرا
أحاول
03-01-2013, 02:31 AM
من وجهة نظري تجربة جديدة في الحوار بشكل مباشر وتلقائي مما يضفي على الجلسة العفوية والتلقائية وليس ما تعودنا الطريقة الصحفية الاستفزازية من المذيعين القدماء
كل التحية لمحاولاتهم الجادة في بناء برنامج تحاوري تلقائي تعود المتلقي على المتابعه بهدوء وكنه يسمع سوالف بصراحة انا اتابعهم باستمتاع طبعا المثقفين يبون مثل ما تعودوا موضوع وتتم المناقشة فيةهذا البرنامج حواري اسري منوع اتمنى للمذيعتين كل التوفيق والتخلي عن التعليقات الشخصية فقط حتى لا يقلدهم الاطفال
فرهود
03-01-2013, 03:55 AM
احلى شي في البرنامج الجلسه الاخويه المختلطه بين الشباب والبنات على الكنبه وعلى طاولة الطعام.
ماشالله عليهم تقول عصافير تشع من وجيهم البرائه
الباحثة
03-01-2013, 06:10 AM
انا حبيت ام طلال بصراحه
كالعاااااادة ما يعجبكم شي وعلى طوووووول تنتقدووون المفروض تشجعوونهم
basma222
03-01-2013, 08:05 AM
ما عجبني
بنات و شباب على طاوله الاكل و على الكنب
Aaziz
03-01-2013, 09:00 AM
كالعاااااادة ما يعجبكم شي وعلى طوووووول تنتقدووون المفروض تشجعوونهم
الشخص الي يبحث عن النجاح. يهتم بالانتقاد اكثر من الثناء.
فرصه ذهبيه لكل شخص ان يجد امامه حصر لكل ما يعتبر قصور او ملاحظات على عمله.
و علا العكس تماما فل يبشر بالفشل كل من تعالى بسبب ثقته فيما يقدم.
الحاقول
03-01-2013, 09:24 AM
هذا البرنامج في نظري دعوه للاختلاط البنات مع الاولاد
ورد الدوحه
03-01-2013, 09:30 AM
عجبني احتشام المذيعات في قناة قطر الجديدة
لأنه انتو مايعجبكم العجب تبون المذيعات القدامي اللي ويوهكم فل ميك أب والشعر كله طالع
حبر وقرطاس
03-01-2013, 09:38 AM
الاخت حنان مدري حنين مازالت غير متكيفه مع مهارات الحوار
او اداره الحوار مثل كثير من الاخوه والاخوات في المنتدى هنا
مازالت المواضيع المطروحه غير دسمه
ضيوف البرنامج لا باس ولكن استضافوا مدرب قطري صغير في السن ف مجال تحليل الشخصيه والتواقع
بأسلوبه وحضوره غطى عليهم تماما
والله لو هو الي يقدم البرنامج بتكون طلعه قويه لبرنامج الضحى
مدار قطر
06-02-2013, 11:47 AM
من حقنا كشعب متلقي ان ندقق على ما يطرح علينا من مواضيع وبرامج
استغرب من البعض الذي ينتقد ( انتقادنا )
مو عارفه شنو المطلوب منا يعني شنو المفروض نسوّي بالضبط بعد فترة الانتظار والركود اللي عشناها وعايشناها كانت كل القنوات حوالينا في الخليج تتطور واحنا محلّك سر.. مثل السباق اللي بين السلحفاة ة و الارنب
الان وبعد ان دخل علينا التلفزيون بحلته الجديده ... يتوقع منا البعض ان نشاهده ونتقبله بصمت ونعطيهم فرصه
لاااااااااااااااااااااا و الف لاااااااااااااااااااااااااااااا
عطيناهم فرص كثيره طول السنين اللي راحت ... والمفروض يكونون مستعدين ببرامج مثاليه مش 100 % بس على الاقل 80 الى 85 %
ليش يفرضون علينا مذيعين غير مدربين : على سبيل المثال فيّ الضحى : نعم انا مع كاتب المقال في صحة رأيه المذيعات غير مؤهلات لإدارة البرنامج بحوار ناجح ومشوّق انا فعلا احس بالملل بعد دقائق معدوده من بدء الحوار والاسئله تحتاج الى اعادة صياغه
والاخوات اللي بالبرنامج يحتاجون دورات بصورة عاجله مو دورات حوار و بس.... بل دورات في ردود الفعل وتعابير الوجه والتصرف على الهواء باحترافيه
خطوة ذكيه اتمنى من مخرج البرنامج انه يتبعها : اضافة عنصر ثالث ( مذيع او مذيعه خبيره بالحوار) مثل اللي كانت تقدم برنامج الداروتتوزع الاسئله على الكل على الاقل يحدث توازن شوي
ويا ريت ينوعون في البرنامج شوي حتى يجذب شريحه اكبر
ولا ننكر وجود برامج اخرى جيده ومذيعين على مستوى التوقع
لكن حتى الان احس التلفزيون فيه فجوه .... مازلنا نقلب بين القنوات نبغي عنصر الجاذبيه يزيد .... نبغي مواضيع وبرامج ذات صلة بنا نحن ...... يا ريت نقتبس من اللي حوالينا اللي يناسبنا ونطوره .. ابد مو عيب
والله ولي التوفيق
راشد محمد
06-02-2013, 12:19 PM
لالا السؤال ماكان من ضمن الاعداد بس ام طلال اسالت الضيف عقب ماتحاورت معاه وتطرقو حق كذا موضوع عن لون السيايير الي هابين فيها الشباب اللون الاورنج والفوشي والبنفسجي قال لها عادي شكلها انصدمت من جوابه واسألته عن الجاكيت
ههههههههههههههههههههههههههههههههههههههه ضحكتيني والله:victory:
راشد محمد
06-02-2013, 12:23 PM
طاقم فرنسي/لبناني
:omg: افااااااااا
كود نمبر
06-02-2013, 12:53 PM
في البدايه لابد ان نشكرهم على لبس الاحتشام وعدم التبرج
وهذا يشفع لهم بكل صراحه
اتمنى من الأخت المذيعه ومعدين البرامج ان يكون الضيوف من النساء
واذا كان الضيف رجل ارجو منهم عدم الجلوس معه على طاولة الطعام
ودي أكون
06-02-2013, 01:33 PM
في البدايه لابد ان نشكرهم على لبس الاحتشام وعدم التبرج
وهذا يشفع لهم بكل صراحه
اتمنى من الأخت المذيعه ومعدين البرامج ان يكون الضيوف من النساء
واذا كان الضيف رجل ارجو منهم عدم الجلوس معه على طاولة الطعام
وغدا وضحك وسوالف واخذ وعطى ..؟!
البرنامج كله يبله تغيير ..!.. والله يهديهم ويعينهم على مابتلاهم
نوار قطر
06-02-2013, 01:48 PM
ههههههههههههههههههههههههههههههههههههههه ضحكتيني والله:victory:
دووووم هالضحكه :shy:
Locale
06-02-2013, 02:03 PM
امس استضافوا الدكتور حسن العبدالله وضيفين اخرين
حسيت ان لو مستضيفين الدكتور حسن بروحه كان افضل
لان ماشاء الله كلامه كان رائع والضيفين الاخرين ماكانت لهم فرصه يتكلمون
مدار قطر
06-02-2013, 02:08 PM
جان زين حد من التلفزيون يقرا هالمواضيع ويوصلها لهم
غزلان
06-02-2013, 02:08 PM
شي بسيط لو يغيرونه بيكون احلى وهي اضافة الطبخ والطعام بالأستديو وعلى الطاوله:rolleyes2: لو يقتصر شاي اما مع حبات بسكوت او موالح او قطع من الباستري افضل
Right
06-02-2013, 02:16 PM
يا زين القنوات الكويتية وخاصةً قناة الوطن
أتمنى تلفزيون قطر يآخذون دورات بقناة الوطن !!!
رقي في البرامج والحوارات واختيار مناسب لنوعية البرامج
@الأدعم@
06-02-2013, 03:03 PM
مؤ بس قناه الوطن الكويتية تابعوا قناه البحرين الصبح برامج تفتح النفس مؤ برنامج نوم الضحى هاياام طلال وش رايج :anger1: طول الوقت الخادمه الإثيوبية تقطع الطمام وتفتح الباب :anger1::anger1::anger1::anger1:
بوعلي2
06-02-2013, 03:22 PM
ام طلال تستفز النعيمي صاحب العسل وكذا مره تستفز الضيوف
مايجوز هالنمونه :telephone:
هذيلا بعضهم دكاتره والنعيمي عنده 7 شهادات شلون اتعاين معاه ليكون قاعدين فوق دجه الضحى على بالها :shy: ترى مباشر وهذيلا اصحاب علم شلون تطعنين بعلمهم ماعتقد انج اعلم منهم
عالعموم المذيعه وام طلال محتاجين تدريبات قويه ومشدده ايضا وياحبذا لو يتم استبدالهم افضل بكثير لان وايد نطرنا تلفزيون قطر يرد لنا بطله جديده فمافينا شده بعد نقعد وننطر
والصبر مل وباعني وماقدر اقول .. الخ ويح قلبنا نحن المشاهدون :weeping:
شكلي باقدم معاهم دام اي حد ياخذونه :omen2:
تحياتي
ودي أكون
06-02-2013, 03:36 PM
ام طلال تستفز النعيمي صاحب العسل وكذا مره تستفز الضيوف
مايجوز هالنمونه :telephone:
هذيلا بعضهم دكاتره والنعيمي عنده 7 شهادات شلون اتعاين معاه ليكون قاعدين فوق دجه الضحى على بالها :shy: ترى مباشر وهذيلا اصحاب علم شلون تطعنين بعلمهم ماعتقد انج اعلم منهم
عالعموم المذيعه وام طلال محتاجين تدريبات قويه ومشدده ايضا وياحبذا لو يتم استبدالهم افضل بكثير لان وايد نطرنا تلفزيون قطر يرد لنا بطله جديده فمافينا شده بعد نقعد وننطر
والصبر مل وباعني وماقدر اقول .. الخ ويح قلبنا نحن المشاهدون :weeping:
شكلي باقدم معاهم دام اي حد ياخذونه :omen2:
تحياتي
المشكله ان تلفزيون قطر مايدور الا على هالنمونه .. مايحبون النمونات الثانيه
لو يحطون مذيعيين نموناتكم ويشلون هالنمونه من الحريم .. جان زين :rolleyes2:
Right
06-02-2013, 03:47 PM
رسالة للبرنامج ومن فيه ومن يقوم عليه:
يا جماعة الخير هذا تلفزيون رسمي مو جلسة حريم وسوالف وحش !!!
فرقوا شوي !!!
الدوحه1
06-02-2013, 03:57 PM
يا زين القنوات الكويتية وخاصةً قناة الوطن
أتمنى تلفزيون قطر يآخذون دورات بقناة الوطن !!!
رقي في البرامج والحوارات واختيار مناسب لنوعية البرامج
"قناة الوطن" قناه كويتيه "خاصه"..
وهذا اللي انا اطالب فيه انهم يفتحون المجال للقنوات القطريه الخاصه..
نوار قطر
06-02-2013, 03:57 PM
ام طلال تستفز النعيمي صاحب العسل وكذا مره تستفز الضيوف
مايجوز هالنمونه :telephone:
هذيلا بعضهم دكاتره والنعيمي عنده 7 شهادات شلون اتعاين معاه ليكون قاعدين فوق دجه الضحى على بالها :shy: ترى مباشر وهذيلا اصحاب علم شلون تطعنين بعلمهم ماعتقد انج اعلم منهم
عالعموم المذيعه وام طلال محتاجين تدريبات قويه ومشدده ايضا وياحبذا لو يتم استبدالهم افضل بكثير لان وايد نطرنا تلفزيون قطر يرد لنا بطله جديده فمافينا شده بعد نقعد وننطر
والصبر مل وباعني وماقدر اقول .. الخ ويح قلبنا نحن المشاهدون :weeping:
شكلي باقدم معاهم دام اي حد ياخذونه :omen2:
تحياتي
قدم لي معاك بوعلي وبنسوي لهم خوش برناامج انت تدير الحوار وانا المساعده واذا تبوني اطبخ ترى الراتب بيكون اكثر :nice:
بوعلي2
06-02-2013, 03:58 PM
المشكله ان تلفزيون قطر مايدور الا على هالنمونه .. مايحبون النمونات الثانيه
لو يحطون مذيعيين نموناتكم ويشلون هالنمونه من الحريم .. جان زين :rolleyes2:
افضل شي هالنمونه
صح لسانج هاي الكلام هالنمونه
ان شاء الله بتتحد نموناتنا وبيصير خوش نمونه تلفزيون قطر
:nice:
بوعلي2
06-02-2013, 04:02 PM
قدم لي معاك بوعلي وبنسوي لهم خوش برناامج انت تدير الحوار وانا المساعده واذا تبوني اطبخ ترى الراتب بيكون اكثر :nice:
دام جذي السالفه عيل انا بكون مكان ام طلال لاني احب الطبخ :shy: وانتي مكان العماديه طيب واسالي وانا اعترض عليج :tease:
واذا طولتها هفيني بقلاص او شي او طابي فيه ناشف دجاج ومنها يفنشونا مره وحده ونشتغل فالبلديه وبس :)
:nice:
Right
06-02-2013, 04:05 PM
"قناة الوطن" قناه كويتيه "خاصه"..
وهذا اللي انا اطالب فيه انهم يفتحون المجال للقنوات القطريه الخاصه..
سواء خاصة أو غيرها
أهم شي فيها عقول تفكر وتطرح برامج هادفة وقيمة مو برامج سلق بيض !!!
نوار قطر
06-02-2013, 04:13 PM
دام جذي السالفه عيل انا بكون مكان ام طلال لاني احب الطبخ :shy: وانتي مكان العماديه طيب واسالي وانا اعترض عليج :tease:
واذا طولتها هفيني بقلاص او شي او طابي فيه ناشف دجاج ومنها يفنشونا مره وحده ونشتغل فالبلديه وبس :)
:nice:
هههههههههه محشوووم ياخووي والله خووفي انت اللي تهفني باللي فيدك لي ياني واحد يقهرني وطولتها معاه انت الي في المطبخ والطابي صوبك :weeping: لاااا مابي البلديه ودوني مكان ثاني ولا تدري تعال انا بتوسط لك عاد بيشغلونك بلدية الشمال :shy:
كود نمبر
06-02-2013, 04:45 PM
وغدا وضحك وسوالف واخذ وعطى ..؟!
البرنامج كله يبله تغيير ..!.. والله يهديهم ويعينهم على مابتلاهم
يرجعون برامج ذهبيه جابي
ويشوفون كيف البرامج كانت تدار الموضوع مش صعب عليهم
صوت مواطن
06-02-2013, 08:29 PM
البرنامج يبيله تعديل من الجذور
بالعربي مذيعيين ومعد جيد مع أفكار جديده غير فكرة الجرس هههههههه
ms-qtr
06-02-2013, 08:30 PM
احلى ما في البرنامج
العفوية الي فيه والسوالف والبساطة
وهو اكثر برنامج متميز في القناة
الاسئلة منها البسيط ومنها الجيد جدا
لأن المتابعين من خلفيات مختلفة
وام طلال عقليتها نفس عقلية كثير من كبار السن عندنا
وهذايعطي كل موضوع جمالية
Aaziz
06-02-2013, 09:00 PM
البرنامج كل ماله يصير وضعة صعب .
اطالب بتطبيق عقوبه السجن مؤبد للمذيعة حنان .
و ام طلال سجن 6 شهور مع 30 جلده .
و الي رشحهم للعمل في هذا البرنامج يحتاج تحويل قسم الطب النفسي .
نوار قطر
06-02-2013, 09:33 PM
البرنامج كل ماله يصير وضعة صعب .
اطالب بتطبيق عقوبه السجن مؤبد للمذيعة حنان .
و ام طلال سجن 6 شهور مع 30 جلده .
و الي رشحهم للعمل في هذا البرنامج يحتاج تحويل قسم الطب النفسي .
ههههههااااي :secret:
بوعلي2
06-02-2013, 09:35 PM
:shy:
ودي أكون
06-02-2013, 09:38 PM
البرنامج كل ماله يصير وضعة صعب .
اطالب بتطبيق عقوبه السجن مؤبد للمذيعة حنان .
و ام طلال سجن 6 شهور مع 30 جلده .
و الي رشحهم للعمل في هذا البرنامج يحتاج تحويل قسم الطب النفسي .
الله المستعان اخوي
سؤال .. هم مؤمنات عارفين ربهم .. والا مسلمات بمسمى فقط ..!
يعني عارفين ان باجر في حساب وعقاب ..! .. والا شنو ..؟!
كم عانى النبي صلى الله عليه وسلم ليوصل الامانه ويبلغها .. وفالاخير نشوف هالاشياء ..! والله ان الامر محزن والله المستعان
وعلى فكره انا ماتكلم عنهم .. انا اتكلم عنهم وبصفه عامه .. ظهور بنت او امرأه حتى لو لابسه عبايه وحجابها .. لكنها متبرجه ..!
لكنها اتضحك واتسولف .. وكونها متزوجه مايعذرها هالشيء الا يخلي نقطة استغراب على الزوج خاصه ..!
وكونها ماتناقش شيء غلط .. مايعذرها لانها اتناقش رياييل ووجهاً لوجه وضحك وسوالف وتفضلوا غدى ..!
ولا برنامج وعد هذا فصوب ثاني بعد ..؟!
ولا برنامج الثلاث شباب ماعرف اسمه .. ما ادري شهالدف من البرنامج اصلاً .. ولا ادري ليش هالثلاث وكأن قطر مافيها حد غيرهم ..؟!
وين الخوف من الله ومن الحساب والعقاب وييييييييييين ..؟! ويييين .؟!
بصراحه هزلت :)
والسموحه ع صراحتي ما كان ودي اتكلم بس تكلمت وخلاص :tease:
بوعلي2
06-02-2013, 09:43 PM
انا فهمتكم وفهمت الجميع
ان شاء الله خير
R 7 A L
06-02-2013, 09:44 PM
ممكن أحد يوضح لي
ابي افهم وش هالبرنامج وماذا يعرض
ودي أكون
06-02-2013, 09:48 PM
انا فهمتكم وفهمت الجميع
ان شاء الله خير
وضح ..! شلي بتسويه اخوي ..
عطنا نمونه من اللي بتسويه
بوعلي2
06-02-2013, 09:51 PM
وضح ..! شلي بتسويه اخوي ..
عطنا نمونه من اللي بتسويه
راح تعرفون نمونتي عدل بالوقت المناسب :)
انا فهمت الجميع
خلوني اشتغل لاتزعجوني :telephone:
نوار قطر
06-02-2013, 09:54 PM
راح تعرفون نمونتي عدل بالوقت المناسب :)
انا فهمت الجميع
خلوني اشتغل لاتزعجوني :telephone:
وووويييييي بوعلي يشتغل فالتلفزيون ويتابع شنكتب ويروح يكتب تقارير :secret:
بوعلي2
06-02-2013, 09:57 PM
وووويييييي بوعلي يشتغل فالتلفزيون ويتابع شنكتب ويروح يكتب تقارير :secret:
خاطري في حمص بيروت :(
العلم
06-02-2013, 09:58 PM
ودي اشوف هالبرنامج .. واعرف شسالفته ..
كتبت في قوقل كم مره ولا يطلع شيء
نوار قطر
06-02-2013, 09:59 PM
خاطري في حمص بيروت :(
خلص توهم مسكرين انطر لي الفير مر عليه :secret:
بوعلي2
06-02-2013, 09:59 PM
ودي اشوف هالبرنامج .. واعرف شسالفته ..
كتبت في قوقل كم مره ولا يطلع شيء
تابعه بتلفزيون قطر من الضحى لين 11 وربع تقريبا
هالنمونه يعني :telephone:
وامسك اعصابك لحظتها :shy:
نوار قطر
06-02-2013, 10:00 PM
ودي اشوف هالبرنامج .. واعرف شسالفته ..
كتبت في قوقل كم مره ولا يطلع شيء
الصبح ماادري متى يحطونه بس الاعاده العصر الساعه 4
العلم
06-02-2013, 10:00 PM
الصبح دوام .. بس العصر مادري الحق عليه والا لا
نوار قطر
06-02-2013, 10:05 PM
الله المستعان اخوي
سؤال .. هم مؤمنات عارفين ربهم .. والا مسلمات بمسمى فقط ..!
يعني عارفين ان باجر في حساب وعقاب ..! .. والا شنو ..؟!
كم عانى النبي صلى الله عليه وسلم ليوصل الامانه ويبلغها .. وفالاخير نشوف هالاشياء ..! والله ان الامر محزن والله المستعان
وعلى فكره انا ماتكلم عنهم .. انا اتكلم عنهم وبصفه عامه .. ظهور بنت او امرأه حتى لو لابسه عبايه وحجابها .. لكنها متبرجه ..!
لكنها اتضحك واتسولف .. وكونها متزوجه مايعذرها هالشيء الا يخلي نقطة استغراب على الزوج خاصه ..!
وكونها ماتناقش شيء غلط .. مايعذرها لانها اتناقش رياييل ووجهاً لوجه وضحك وسوالف وتفضلوا غدى ..!
ولا برنامج وعد هذا فصوب ثاني بعد ..؟!
ولا برنامج الثلاث شباب ماعرف اسمه .. ما ادري شهالدف من البرنامج اصلاً .. ولا ادري ليش هالثلاث وكأن قطر مافيها حد غيرهم ..؟!
وين الخوف من الله ومن الحساب والعقاب وييييييييييين ..؟! ويييين .؟!
بصراحه هزلت :)
والسموحه ع صراحتي ما كان ودي اتكلم بس تكلمت وخلاص :tease:
حبيبتي كلامج على العين والراس بس كلمة حق تنقال في حنان بغض النظر عن مساؤها بس كذا حلقه شفتها تكون عباياتها واسعه ولفتها حق الشيله وااايد عدله ولا شعره تطلع ومكياجها خفيييف كللش ،،،، للامانه انا مااشوف البرنامج كل يوم ،، بس قلت لج الحلقات الي اشوفها كانت بهالطريقه
الحاقول
06-02-2013, 10:07 PM
البرنامج رائع ويجب ان نشجع المواهب القطريه
Aaziz
06-02-2013, 10:13 PM
الله المستعان اخوي
سؤال .. هم مؤمنات عارفين ربهم .. والا مسلمات بمسمى فقط ..!
يعني عارفين ان باجر في حساب وعقاب ..! .. والا شنو ..؟!
كم عانى النبي صلى الله عليه وسلم ليوصل الامانه ويبلغها .. وفالاخير نشوف هالاشياء ..! والله ان الامر محزن والله المستعان
وعلى فكره انا ماتكلم عنهم .. انا اتكلم عنهم وبصفه عامه .. ظهور بنت او امرأه حتى لو لابسه عبايه وحجابها .. لكنها متبرجه ..!
لكنها اتضحك واتسولف .. وكونها متزوجه مايعذرها هالشيء الا يخلي نقطة استغراب على الزوج خاصه ..!
وكونها ماتناقش شيء غلط .. مايعذرها لانها اتناقش رياييل ووجهاً لوجه وضحك وسوالف وتفضلوا غدى ..!
ولا برنامج وعد هذا فصوب ثاني بعد ..؟!
ولا برنامج الثلاث شباب ماعرف اسمه .. ما ادري شهالدف من البرنامج اصلاً .. ولا ادري ليش هالثلاث وكأن قطر مافيها حد غيرهم ..؟!
وين الخوف من الله ومن الحساب والعقاب وييييييييييين ..؟! ويييين .؟!
بصراحه هزلت :)
والسموحه ع صراحتي ما كان ودي اتكلم بس تكلمت وخلاص :tease:
هذا شي هم رضو فيه و بينهم و بين ربهم .. ولا نرضا فيه وواجب علينا ننكره .
وللامانه تابعت تلفزيون قطر مع بدايه الانطلاقه كنت احسب عندهم سالفه و حاليا اعتبره مثل الوضع السابق بل اسواء قليلا .. لاننا حرقنا فرصه ان التلفزيون يكون قطري من الالف الى الياء .
تباً للصوره الي مثلو فيها القطري و القطرية .
بخصوص هذا البرنامج،،، المزعج هو الحوار و العلاقه الي تربط بينهم و مستوى عدم التفاهم بين المذيعتين و الكلام و النغزات و غيره الكثير من سوء العلاقه الي تجمعهم .
هذي تنغز هذي و هذي تحرج هذي ... و المذيعه حنان بكل صدق سيئه جدا و تحس نيتها مش طيبه ،، والله ما اعرفها ولاني مستفيد من هذا النقد ولا متضرر ولكن عل وعسى حد منهم او من المسؤولين يقرا كلامي و يعرف ان المشاهد واصلته هذي الصوره لحقيقه الوضع .
ممكن أحد يوضح لي
ابي افهم وش هالبرنامج وماذا يعرض
برنامج سخيف و تركه افضل .. يرفع الضغط .. مذيعتين وحده شبه شابه (حنان) و وحده كبيره في السن (ام طلال) يجيبون ضيوف من كل المجالات و ام طلال تطبخ و تشارك في الحوار و في الاخير يقعدون على الطاوله ياكلون .
-----------------
اقدم لهم حل ممكن يفيد .... يوظفون مذيعة و ثلاث مذيعين جدد . ويكونون كبار في السن فوق 40 سنه
بحيث كل يوم مذيع و مذيعة يقدمون البرنامج .
ويتركون عنهم الفشخره و الكشخه و التظاهر ،،، و يعيشون بعفوية شوي.
و حنان يعطونها فرصة اخيره ان تعدلت ولا تستريح في بيتها .
أنتوا بصراحة مايعجبكم العجب أما أنا أشوف ان برنامج في الضحى أحلى برنامج في تلفزيون قطر ويازين سوالف أم طلال انسانة عفويةواسلوبها شيق بالعكس حتى الأمهات مستانسين على سوالفها والى الأمام يا أم طلال ولا عليج من كلام أحد.أما المذيعة حنان فعطوهافرصة على شان تطور نفسها لأنها أول مرة تطلع على الشاشة أما اللي يقول ليش تضحك ايش تبيها تسوي اتصفق ولا تبكي مسكينة هالمذيعة حتى مااسلمت من السانك وأنا وحدة أتمنى النجاح لبرنامج في الضحى وان شاء الله أشوفه في الدورات السابقة واللي مو عاجبه البرنامج يشوف قناة الوطن الكويتيةلأنهم مساكين مايضحكون ولايلبسون ولا يحطون مكياج ويطلعون امبهدلين جدام المشاهدين وسلامتكم..
ودي أكون
06-02-2013, 10:25 PM
حبيبتي كلامج على العين والراس بس كلمة حق تنقال في حنان بغض النظر عن مساؤها بس كذا حلقه شفتها تكون عباياتها واسعه ولفتها حق الشيله وااايد عدله ولا شعره تطلع ومكياجها خفيييف كللش ،،،، للامانه انا مااشوف البرنامج كل يوم ،، بس قلت لج الحلقات الي اشوفها كانت بهالطريقه
والله ومن متى دينا يسمح ان المرأه تطلع بهالصوره .! واقولج حبيبتي حتى لو ماحاطه ولا نقطه في ويها يكفي تضحك جدام العالم واتغامز .؟! .. بطريقه مافيها حياء عالاقل
صوت المرأءه عوره .. فمابالج صوت وصورة مع ضحك وغشمره ؟!
اقسم بالله لو يحطون لنا شياب بتشوفين شلون بيكون البرنامج ناجح ..
والله يعين ويستر علينا وعلى اخواتنا المسلمات اجمعين يارب
Aaziz
06-02-2013, 10:26 PM
شموخ ... ام طلال اختيار ممتاز جدا الله يوفقها
انا مابي افصل اكثر في الوصف و عن سبب سوء العلاقه بينهم . مع انه واضح.
البرنامج المفروض انه يكون ممتاز جدا جدا ولكن ينرفز و هذا رايي و راي كذا شخص دردشت معاهم عن البرنامج و عندهم نفس ملاحظاتي .
و النقد المفروض يستفيدون منه ،،، وين الشخص يلقى انسان ينتقد تصرفاته عشان يعدل من نفسه ،،، بالعكس هذي خدمه لهم .
و في النهايه هي اراء طبيعي تختلف من شخص الى شخص اخر
ودي أكون
06-02-2013, 10:27 PM
وووويييييي بوعلي يشتغل فالتلفزيون ويتابع شنكتب ويروح يكتب تقارير :secret:
شكله هو اللي مختار هالنمونات عيل :secret:
هالوديه اختار عدل عيل :anger1:
.. الكاش ..
06-02-2013, 10:27 PM
والله انا من اشد متابعين هالبرنامج وشخصيه المذيعه مرموقه وكفايه بنت البلد وصغيره فسن واداءه جميل ورائع وام طلال ملح البرنامج مانستغني عن سوالفه وطباخه الزين
حمد 2002
06-02-2013, 10:28 PM
من وجهه نظري لو ايقدم البرنامج شباب كان نجح ، لان الرجال يتميزون بالعفويه وبحسن تقديم البرامج بعكس النساء :victory:
وبعدين كم يصرف على هالبرناج من ديكورات الى اخره اتوقع مب اقل من 10 مليون بالشهر اذا مب اكثر !!! :)
ومن صاحب فكره هالبرناج ؟!!! :anger1:
نوار قطر
06-02-2013, 10:29 PM
والله ومن متى دينا يسمح ان المرأه تطلع بهالصوره .! واقولج حبيبتي حتى لو ماحاطه ولا نقطه في ويها يكفي تضحك جدام العالم واتغامز .؟! .. بطريقه مافيها حياء عالاقل
صوت المرأءه عوره .. فمابالج صوت وصورة مع ضحك وغشمره ؟!
اقسم بالله لو يحطون لنا شياب بتشوفين شلون بيكون البرنامج ناجح ..
والله يعين ويستر علينا وعلى اخواتنا المسلمات اجمعين يارب
قلت لج انا ماتكلم عن طريقة كلامها ولا ضحكها ولاعن تصرفها انا اقول عن طريقة لفتها للشيله وانتي بنفسج شفتي شلون وعباياتها واسعه واذا علو المكياج حالهاا وااااايد احسن من حال المذيعات الي يطلعون ملطخين ويوهم في المكياج ،،، هي مكياجها يادوب يبين ،،،
امين الله يستر على الجميع
ودي أكون
06-02-2013, 10:30 PM
ومن صاحب فكره هالبرناج ؟!!! :anger1:
أبوعلي :secret:
Aaziz
06-02-2013, 10:31 PM
زين يالله جات فكره جيده في بالي :shy:
يوظفون مذيعين جدد لهذا البرنامج ،، واحد شايب فوق 50 سنه و الثاني اصغر شوي .
و الطباخ يكون هندي .
يعني تصير حلقه شبابيه بحته و حلقه نسائيه .
و حتى طبخه الشباب تكون غير ،، شغل شباتي و طبخات الشباب في الرحلات .
وشوفو النتيجه و ادعولي :victory:
ودي أكون
06-02-2013, 10:33 PM
زين يالله جات فكره جيده في بالي :shy:
يوظفون مذيعين جدد لهذا البرنامج ،، واحد شايب فوق 50 سنه و الثاني اصغر شوي .
و الطباخ يكون هندي .
يعني تصير حلقه شبابيه بحته و حلقه نسائيه .
و حتى طبخه الشباب تكون غير ،، شغل شباتي و طبخات الشباب في الرحلات .
وشوفو النتيجه و ادعولي :victory:
ويخلون صبي صغير يركض يفتح الباب حق الضيوف كل مادق الجرس :secret:
والله انها فكرةٍ منتــــازة :tease:
Aaziz
06-02-2013, 10:33 PM
من وجهه نظري لو ايقدم البرنامج شباب كان نجح ، لان الرجال يتميزون بالعفويه وبحسن تقديم البرامج بعكس النساء :victory:
وبعدين كم يصرف على هالبرناج من ديكورات الى اخره اتوقع مب اقل من 10 مليون بالشهر اذا مب اكثر !!! :)
ومن صاحب فكره هالبرناج ؟!!! :anger1:
نعم نعم هذا المفروض .. والله كتبت فكرتي و للحين ماكنت منزل مشاركتك .
وهذا دليل ان الفكره بتكون ناجحه دام خطرت في بال اكثر من شخص
Aaziz
06-02-2013, 10:35 PM
ويخلون صبي صغير يركض يفتح الباب حق الضيوف كل مادق الجرس :secret:
و الي يسلمج لاتنبريني :secret:
ما انسا حلقه شفتها وكانت الضيفه مختصه بالتصوير ،، بغيت اطيح من الكرسي الي انا قاعد عليه ههههه توترت
ودي أكون
06-02-2013, 10:38 PM
و الي يسلمج لاتنبريني :secret:
ما انسا حلقه شفتها وكانت الضيفه مختصه بالتصوير ،، بغيت اطيح من الكرسي الي انا قاعد عليه ههههه توترت
انا مانبرت شيء :secret:
يعني انت كنت ضيف عندهم في يومٍ من الايام .! والا شسالفه
ممكن توضيح بدون ما ننبر شيء :secret:
@الأدعم@
06-02-2013, 10:39 PM
رجعوا حسن الساعي والرميحي والله افتقدنا هم :anger1:
حمد 2002
06-02-2013, 10:41 PM
رجعوا حسن الساعي والرميحي والله افتقدنا هم :anger1:
عينوهم استشاريين :nice:
Aaziz
06-02-2013, 10:41 PM
انا مانبرت شيء :secret:
يعني انت كنت ضيف عندهم في يومٍ من الايام .! والا شسالفه
ممكن توضيح بدون ما ننبر شيء :secret:
طبعا لا ،،، بس من كثر تاثري بغيت اطيح وانا اتفرج على التلفزيون
حمد 2002
06-02-2013, 10:42 PM
أبوعلي :secret:
أبوعلي المراقب :secret: ولا بوعلي 2 الي ايحط هالفيس >>:shy:
Aaziz
06-02-2013, 10:42 PM
احد يعرف تويتر المذيعة حنان ،، بس يكون متاكد انها هي .
بحث عنها قبل مع بدايه البرنامج بس مالقيت اسمها مع انها كذا مره طرت تويتر في البرنامج
ودي أكون
06-02-2013, 10:44 PM
طبعا لا ،،، بس من كثر تاثري بغيت اطيح وانا اتفرج على التلفزيون
زين بغيت اطيح ، قصدي اتجيك الضحكه من البرنامج اخوي
لان انا عكسك احس ان البرنامج استفزااااازي جداً :)
حمد 2002
06-02-2013, 10:46 PM
احد يعرف تويتر المذيعة حنان ،، بس يكون متاكد انها هي .
بحث عنها قبل مع بدايه البرنامج بس مالقيت اسمها مع انها كذا مره طرت تويتر في البرنامج
وشتبي بتويترها :secret: لاتتهور :eek5: ههههه
ودي أكون
06-02-2013, 10:47 PM
أبوعلي المراقب :secret: ولا بوعلي 2 الي ايحط هالفيس >>:shy:
والله انا ما اركز عدل على المعرفات لانها ماتهمني
بس قريب من هالنمونه اللي ذكرتها انت :rolleyes2:
بوعلي2
06-02-2013, 11:02 PM
والله انا ما اركز عدل على المعرفات لانها ماتهمني
بس قريب من هالنمونه اللي ذكرتها انت :rolleyes2:
:shy:
رمح الضعاين
07-02-2013, 12:43 AM
تابعت عدد قليل من الحلقات
بكل نظرة عدل مقدمه البرنامج اراها افضل بكثير من مذيعه جنسيتها (ع)كانت تقدم سابقا برنامج صباحا لاتمثل بلباسها العباءة الاصيله لمجتمعنا القطري المحافظ لاشكلا" ولا مضمونا
فالاخت مقدمه برنامج فيّ الضحى اراها افضل من كل مذيعه ظهرت على قناه قطر او دعونا نقول تلفزيون قطر من حيث اللبس والحجاب
بالنسبه للفاضله أم طلال اتمنى ان تخفف من مدلاخلاتها للضيوف لان فعلا تابعت حلقه عن المدارس المستقله والتطور بالتكنولوجيا اراها فقط تريد ان تثبت ان القديم افضل وهذه مشكله البعض للاسف يسمع فلان قال القديم افضل فيردد مثل البغبغاء حينما سئلها الضيف كيف افضل قالت فقط هكذا افضل
يعني معارضه بدون برهان وادله فقط معارضه
واتمنى كذلك ان تخفف الفاضله ام طلال من تعابير وجهها المبالغ فيها ولتكن طبيعيه افضل
بشكل عام برنامج جميل لربات البيوت وقت الملل
اخوكم
Aaziz
07-02-2013, 01:36 AM
زين بغيت اطيح ، قصدي اتجيك الضحكه من البرنامج اخوي
لان انا عكسك احس ان البرنامج استفزااااازي جداً :)
لا والله مش ضحك حشا لله .. نفسج استفزازي و يوتر .
وشتبي بتويترها :secret: لاتتهور :eek5: ههههه
بالعكس افضل ان الشخص يوجه ملاحظاته لصاحب الشان مباشره ،، يمكن اي شخص يقرا يظن في نفسه ان انتقادنا تشهير او تحامل لا سمح الله .. بالعكس انا مع المذيعه لو انسخلت من كثير من تصرفاتها الي تتصنعها و منها التعالي على ام طلال من خلال احراجها لها اكثر من مره كونها تجهل امور التكنلوجيا و تضعها بمواقف لابداء رأيها بشكل متعمد في مواضيع محل جدل في الشارع القطري و تحتاج الى شخص متعلم مجرب مطلع يبدي رأيه فيها .
الامر الي اكثر من مره يستفز و يطلع ام طلال من طورها و يخليها تدر ببعض الجمل و التصرفات الي مش حلو تكون في برنامج و احيانا تطنش سؤالها و تقولها ( ايه بعدين بعدين انا مشغوله ) تحاشيا للموقف
تابعت عدد قليل من الحلقات
بكل نظرة عدل مقدمه البرنامج اراها افضل بكثير من مذيعه جنسيتها (ع)كانت تقدم سابقا برنامج صباحا لاتمثل بلباسها العباءة الاصيله لمجتمعنا القطري المحافظ لاشكلا" ولا مضمونا
فالاخت مقدمه برنامج فيّ الضحى اراها افضل من كل مذيعه ظهرت على قناه قطر او دعونا نقول تلفزيون قطر من حيث اللبس والحجاب
بالنسبه للفاضله أم طلال اتمنى ان تخفف من مدلاخلاتها للضيوف لان فعلا تابعت حلقه عن المدارس المستقله والتطور بالتكنولوجيا اراها فقط تريد ان تثبت ان القديم افضل وهذه مشكله البعض للاسف يسمع فلان قال القديم افضل فيردد مثل البغبغاء حينما سئلها الضيف كيف افضل قالت فقط هكذا افضل
يعني معارضه بدون برهان وادله فقط معارضه
واتمنى كذلك ان تخفف الفاضله ام طلال من تعابير وجهها المبالغ فيها ولتكن طبيعيه افضل
بشكل عام برنامج جميل لربات البيوت وقت الملل
اخوكم
جزء كبير من كلامك صحيح ولكن المقارنه ابدا مش معاك فيها ،،، من نواحي كثيره ،، تظلم المذيعه القطريه اذا تقارنها بالمذيعه الي تعنيها .
استغرب انك كثرت الانتقاد على ام طلال المره كبيره السن (كبر سنها اعتبره ميزه ولكن نحط بالاعتبار طريقه تفكير من هم في سنها) و نهائيا لم تنتقد المذيعه الثانيه رغم اتفاق اغلب الاشخاص على انها من احد اهم نقاط ضعف البرنامج و محل الانتقاد الاول .
intesar
07-02-2013, 01:39 AM
بصراحة البرنامج حلووو.. وممتع وخفيف..
وأم طلال ولا حنان.. بداياتهم موفقة.. عطوهم فرصة لإثبات الذات..
intesar
07-02-2013, 01:43 AM
والله ومن متى دينا يسمح ان المرأه تطلع بهالصوره .! واقولج حبيبتي حتى لو ماحاطه ولا نقطه في ويها يكفي تضحك جدام العالم واتغامز .؟! .. بطريقه مافيها حياء عالاقل
صوت المرأءه عوره .. فمابالج صوت وصورة مع ضحك وغشمره ؟!
اقسم بالله لو يحطون لنا شياب بتشوفين شلون بيكون البرنامج ناجح ..
والله يعين ويستر علينا وعلى اخواتنا المسلمات اجمعين يارب
شوفي كونج تنتقدينها نعم.. بس كلمة اتغامز شوي كبيرة.. عيب هالألفاظ.. إذا ما ترضينها لنفسج لا ترمينها على غيرج.. لنا رب يحاسب الجميع يحاسبها ويحاسبني ويحاسبج..
Aaziz
07-02-2013, 01:44 AM
قال من شاهدك يا أبا الحصين قال إذنيبي :pilot:
intesar
07-02-2013, 01:46 AM
:shy:
:nice:
intesar
07-02-2013, 01:47 AM
من غير نغزات..
كون كنت احد ضيوف البرنامج في احدى الايام ما اقول الا إن البرنامج ناجح بشكل كبير و له شعبية كبيرة بين المثقفين و اصحاب البورتوكولات و السبب الكثير من الضيوف يفضلون النوعية هذه من البرامج و الاهم من هذا مشاهدين البرنامج يستفيدون من المعلومات و النشاطات المتعلقة بديرتنا ..
عادتاً البرامج التلفزيونية و خاصة الحلقات المصورة مسبقاً تتقيد ببورتوكولات اعلامية مقيدة و على عكس هذا البرنامج "في الضحى" اللي من ظمن خططها هي العفوية و كسر لبورتوكولات المقيدة ليتسنى للضيف الحرية و الاريحية في وقت البرنامج و خاصة اذا الضيف على دراية بأن عدة اسئلة تنتظره و الخ ،، لكن البعض تناسى مضمون البرنامج و خذ يطعن في شخصية المذيعه و زميلتها ،، مهب عيب نرفع سماعة التلفون و نتصل لتلفزيون قطر و نسأل عن اهداف البرنامج او نختصر الوقت و نسأل السيد جوجل ،،
الاخت حنان لها نشاطات و مشاركات في فن البورتوكول الاعلامية لا تجيدها اي اعلامية في قناة قطر و لا غيرها من الاعلاميات الجيل الجديد لكن عندي نقطه يمكن اوافق عليها مع الاخوان و الاخوات بأن من واجب المذيعة في بداية كل حلقة تعطي نبذه عن خطط مضمون البرنامج لاجل البعض من الاخوان اللي لدرجة ما يعرف ايش تعني بورتوكول او العفوية و متى تستخدم في البرامج و ما هي فوائدها و كيفية الاستفادة منها لاجل ما ينتقد و هو على جهل ،،
الاخت حنان و الاخت ام طلال يعطيكم ربي العافية و منها للاعلى ان شاءالله ،،،
نسخة: حنان، ام طلال.
ريم 28
07-02-2013, 02:27 AM
الله يوفقهم
برنامج ناجح.
النهار
07-02-2013, 02:33 AM
الله يوفقهم
برنامج ناجح.
اضم صوتي لصوتج انا من المتابعين لهذالبرانامج
الله يوفقهم
برنامج ناجح.
تعرفين وين المشكلة اختي ريم ؟
الفرق بين الجاهل و العاقل هو بأن العاقل يبحث عن المضمون لاجل الاستفادة ،، اما الجاهل يبحث نقطة سلبية بنظره لاجل يخلق منها ضحكة جهل ،،
نلاحظ في الثلاثة او الاربعة سنين اللي طافت للاسف البعض من الجيل الجديد اللي طلع لنا مثل الفقع صاير يفهم بكل شي و صاير ابو العريف و على قولة اخواننا المصريين " بتاع كلووه" اذا انطرح موضوع عن الذرة تكلم فيها و اذا انطرح موضوع عن الاسمنت تكلم فيها و اذا انطرح موضوع عن البرمجة تكلم فيها و اذا انطرح موضوع عن البرجر تكلم فيها و اذا انطرح موضوع عن الاقطاوة تكلم فيها و لدرجة إن سلوى الامطيري ما اسلمت منهم ( ما اعرف من تطلع لكن بعد هم اقول ما اسلمت منهم ههههه ) ،، يخرب بيتك ليكون فاكر نفسك اسحق نيتون او انشتاين على غفلة ،،، والله حتى نيوتون و انشتاين ما كانوا جذي حسب الروايات ،، :rolleyes2:
Bo jassim 33
07-02-2013, 03:00 AM
ما شفته ولكن لازم نتطور
R 7 A L
07-02-2013, 04:02 AM
النقـد
اذا كان ( بناء ) الهدف منه الاصلاح فاهلاً وسهلاً
امــا اذا كان تجريح شخصي لن يخدم ولا منه اي فائدة فلا مرحبا ولامسهلا
قرأت بعض الردود ولم اجد الا النقد البناء .
التغيير الذي حصل للقناة شي كنا ننتظرة من زمان
وجود كادر وطني شي ممتاز
الاخطاء واردة والاهم وضع النقاط على الحروف
وشكراً
Aaziz
07-02-2013, 05:27 AM
كون كنت احد ضيوف البرنامج في احدى الايام ما اقول الا إن البرنامج ناجح بشكل كبير و له شعبية كبيرة بين المثقفين و اصحاب البورتوكولات و السبب الكثير من الضيوف يفضلون النوعية هذه من البرامج و الاهم من هذا مشاهدين البرنامج يستفيدون من المعلومات و النشاطات المتعلقة بديرتنا ..
عادتاً البرامج التلفزيونية و خاصة الحلقات المصورة مسبقاً تتقيد ببورتوكولات اعلامية مقيدة و على عكس هذا البرنامج "في الضحى" اللي من ظمن خططها هي العفوية و كسر لبورتوكولات المقيدة ليتسنى للضيف الحرية و الاريحية في وقت البرنامج و خاصة اذا الضيف على دراية بأن عدة اسئلة تنتظره و الخ ،، لكن البعض تناسى مضمون البرنامج و خذ يطعن في شخصية المذيعه و زميلتها ،، مهب عيب نرفع سماعة التلفون و نتصل لتلفزيون قطر و نسأل عن اهداف البرنامج او نختصر الوقت و نسأل السيد جوجل ،،
الاخت حنان لها نشاطات و مشاركات في فن البورتوكول الاعلامية لا تجيدها اي اعلامية في قناة قطر و لا غيرها من الاعلاميات الجيل الجديد لكن عندي نقطه يمكن اوافق عليها مع الاخوان و الاخوات بأن من واجب المذيعة في بداية كل حلقة تعطي نبذه عن خطط مضمون البرنامج لاجل البعض من الاخوان اللي لدرجة ما يعرف ايش تعني بورتوكول او العفوية و متى تستخدم في البرامج و ما هي فوائدها و كيفية الاستفادة منها لاجل ما ينتقد و هو على جهل ،،
الاخت حنان و الاخت ام طلال يعطيكم ربي العافية و منها للاعلى ان شاءالله ،،،
نسخة: حنان، ام طلال.
السلام عليكم
والله يا اخ اوريو حاولت اقرا مشاركتك و اتخطاها ولكن كذا نقطه تستوقفني.
و اتمنى ان تناقشنا ان نتناقش بموضوعيه و انا لا اعلم اخر مشاركتك الاولى و المشاركه الثانيه على اي مشاركة من مشاركات الموضوع بنيتها. و انا لم اقرا الا اخر ردود في هذا الموضوع لهذا اليوم.
عموما تطرقت الى كلمة بروتوكولات و بروتوكولات اعلامية و اصحاب البروتوكولات اكثر من مره و انا لا اجد في الاعلام ماينطبق على هذا المسمى. هل ممكن توضح مقصدك بهذا المصطلح ؟ و من تقصد باصحاب البروتوكولات ؟
للعلم محدثك لدية المام جيد في الاعلام .
اما بخصوص ان البرنامج مسجل فهذا يجعلنا نقف قليلاً :
نحن المشاهدين تظهر لنا الحلقه مسجله على التلفزيون و استوقفتنا كثير من الملاحظات فكيف سيكون الحال لو كانت الحلقه بث مباشر ؟ كم هي كميه الاخطاء و الفقرات غير الموفقه التي تم شطبها بعد التسجيل ؟
كون البرنامج مسجل هذا امر يجعلنا كمشاهدين نطالب بمستوى افضل مماهوعلية.
كيف ربطت بين نجاح البرنامج وشعبيته الكبيره و الاناس الذين يفضلون البرامج المسجله. هل تقصد ضيوف البرنامج يرحبون بالمشاركه في هذا البرنامج كونه مسجل ؟
من جانب اشيد جدا في كثير من مواضيع البرنامج و في نفس الوقت اتحسر ان مثل هذه المواضيع تتم تغطيتها بهذا الشكل السطحي. او كما يصنفه البعض تتم تغطيتها بشكل عفوي.
قبل الختام اذا كنت على درايه ياريت تذكر لنا السيفي الخاص بالمذيعه حنان و الامور الي تجعلها افضل مذيعات جيلها في قطر.
اما ختاما انا و اعتقد كثير مثلي نقدنا نابع من حب لكل ماهو قطري بعيد عن النقد الشخصي و ان قسينا في التعبير قليلا فهذا من خيبه الامل الي حسينا فيها بعد اول كم اسبوع من بدايه بث التلفزيون بحلته الجديده.
اتمنى اعاده الحسابات من جديد و الاخذ بالملاحظات جميعها الصغير قبل الكبير البناء و غير البناء فهذا ليس له تفسير سوى الثقه بالنفس من قبل المسؤولين و العاملين.
intesar
07-02-2013, 05:56 AM
بصراحة وبشكل عام أشيد بالتغير الرائع لتلفزيون قطر.. بشكل عام.. صاير خفيف وحلو.. وبرامجه حلوه..
فيه برنامج هنادي اللي تدور على الأكل والمطاعم.. حلوو وفكرته حلوة..
أول ما كنا نعرف شنهو تلفزيون قطر.. الحين بصراحة صار رقم واحد.. وبالأخص برنامج في الضحى.. اللي أخذ أكثر برنامج متابعة..
بشكل عام بالتوفيق.. وإلى الأمام.. ردت لقناة قطر الروح..
والأخطاء واردة في كل مكان..
ودي أكون
07-02-2013, 07:22 AM
شوفي كونج تنتقدينها نعم.. بس كلمة اتغامز شوي كبيرة.. عيب هالألفاظ.. إذا ما ترضينها لنفسج لا ترمينها على غيرج.. لنا رب يحاسب الجميع يحاسبها ويحاسبني ويحاسبج..
الحمدالله رب العالمين خايفه ربي عشان جذيه مارضيت عالمهزله هاذي :)
ويتغامزون المقصود فيها ام طلال وحنان .. فلا يروح فكرج بعيد انتي حبيبتي :)
انا بتغامز مع ربيعتي جدام الضيوف والشاشه .؟!.. هزلت :tease:
وفالاول والاخير الوحده انقول الحمدلله الذي عافانا مما ابتلاهم به ..
الحمدالله رب العالمين
لا اله الا انت ربي استغفرك واتوب اليك ..
السلام عليكم
والله يا اخ اوريو حاولت اقرا مشاركتك و اتخطاها ولكن كذا نقطه تستوقفني.
و اتمنى ان تناقشنا ان نتناقش بموضوعيه و انا لا اعلم اخر مشاركتك الاولى و المشاركه الثانيه على اي مشاركة من مشاركات الموضوع بنيتها. و انا لم اقرا الا اخر ردود في هذا الموضوع لهذا اليوم.
عموما تطرقت الى كلمة بروتوكولات و بروتوكولات اعلامية و اصحاب البروتوكولات اكثر من مره و انا لا اجد في الاعلام ماينطبق على هذا المسمى. هل ممكن توضح مقصدك بهذا المصطلح ؟ و من تقصد باصحاب البروتوكولات ؟
للعلم محدثك لدية المام جيد في الاعلام .
اما بخصوص ان البرنامج مسجل فهذا يجعلنا نقف قليلاً :
نحن المشاهدين تظهر لنا الحلقه مسجله على التلفزيون و استوقفتنا كثير من الملاحظات فكيف سيكون الحال لو كانت الحلقه بث مباشر ؟ كم هي كميه الاخطاء و الفقرات غير الموفقه التي تم شطبها بعد التسجيل ؟
كون البرنامج مسجل هذا امر يجعلنا كمشاهدين نطالب بمستوى افضل مماهوعلية.
كيف ربطت بين نجاح البرنامج وشعبيته الكبيره و الاناس الذين يفضلون البرامج المسجله. هل تقصد ضيوف البرنامج يرحبون بالمشاركه في هذا البرنامج كونه مسجل ؟
من جانب اشيد جدا في كثير من مواضيع البرنامج و في نفس الوقت اتحسر ان مثل هذه المواضيع تتم تغطيتها بهذا الشكل السطحي. او كما يصنفه البعض تتم تغطيتها بشكل عفوي.
قبل الختام اذا كنت على درايه ياريت تذكر لنا السيفي الخاص بالمذيعه حنان و الامور الي تجعلها افضل مذيعات جيلها في قطر.
اما ختاما انا و اعتقد كثير مثلي نقدنا نابع من حب لكل ماهو قطري بعيد عن النقد الشخصي و ان قسينا في التعبير قليلا فهذا من خيبه الامل الي حسينا فيها بعد اول كم اسبوع من بدايه بث التلفزيون بحلته الجديده.
اتمنى اعاده الحسابات من جديد و الاخذ بالملاحظات جميعها الصغير قبل الكبير البناء و غير البناء فهذا ليس له تفسير سوى الثقه بالنفس من قبل المسؤولين و العاملين.
عليكم السلام ورحمة الله وبركاته ،،
ما يحتاج اعلمك ايش تعني كلمة بورتيكول و لا السيرة الذاتية للمذيعة و هذا مهب من واجبي ،، لكن اللي انت تحتاجة اشوية رقي في ردك السابق و هذا إن دل فهو دليل على الارتجالية السلبية في شخصك .. تفضل شوف الاقتباس اللي تحت و شوف ايش انت مهبب في ردك السابق ،،
عزيزي ،، اذا فعلاً انت مهتم في توجيه النقد البناء كان ما طعنت و تدخلت في شؤون الناس و حكمت عليهم بالجلد و الاعدام ،، ما اظن ترضاها على خواتك لاجل تطعن في بنات الناس و تقلل من قدرهم قدام العالم و خلقه ،،، اشوية ذرابة و تراها ببلاش يا عزيزي لاجل الناس فعلاً تاخذ انتقاداتك البناءة على قولتك ،، لكن سرعان ما ينقلب السحر على الساحر و ينكشف موضوعه و حقده ،، ( خذلك نظرة على الاقتباس اللي تحت و شوف و تمعن و تخيل ان احد الاعضاء قايلها على حد من هلك ) .. الشي اللي ما ارضاها على هلي ما راح ارضاها على بنات الناس ،، فلذالك دوم حاسب على كل كلمة قبل لتنطقها لاجل تكبر بعيون الناس و خاصه في بنات ديرتك و اطلب لهم الهداية ،،،
اتمنى تتقبل كلامي لانه نقد بناء من الطراز الاول و مهب اي واحد يقدر يقولها لك الا الشخص اللي يحبك في الله ،،
البرنامج كل ماله يصير وضعة صعب .
اطالب بتطبيق عقوبه السجن مؤبد للمذيعة حنان .
و ام طلال سجن 6 شهور مع 30 جلده .
و الي رشحهم للعمل في هذا البرنامج يحتاج تحويل قسم الطب النفسي .
بوخالد911
07-02-2013, 04:12 PM
ما شفته
jassim_007
07-02-2013, 04:44 PM
الاخت حنان لها نشاطات و مشاركات في فن البورتوكول الاعلامية لا تجيدها اي اعلامية في قناة قطر و لا غيرها من الاعلاميات الجيل الجديد لكن عندي نقطه يمكن اوافق عليها مع الاخوان و الاخوات بأن من واجب المذيعة في بداية كل حلقة تعطي نبذه عن خطط مضمون البرنامج لاجل البعض من الاخوان اللي لدرجة ما يعرف ايش تعني بورتوكول او العفوية و متى تستخدم في البرامج و ما هي فوائدها و كيفية الاستفادة منها لاجل ما ينتقد و هو على جهل ،،
الاخت حنان و الاخت ام طلال يعطيكم ربي العافية و منها للاعلى ان شاءالله ،،،
نسخة: حنان، ام طلال.
اخوي اوريو ، شنو هاي فن البورتوكول الاعلامية ! ترا جد اول مرة اسمع فيه ، ياليت تتفضل و تعرفنا بهل الفن اذا هو صج موجود !؟ لاني دخلت على مستر قوقل بعد ما لقيت إي حد يتكلم عن هل البرتوكول الي انت اخترعته في ردك !؟
اخوي اوريو ، شنو هاي فن البورتوكول الاعلامية ! ترا جد اول مرة اسمع فيه ، ياليت تتفضل و تعرفنا بهل الفن اذا هو صج موجود !؟ لاني دخلت على مستر قوقل بعد ما لقيت إي حد يتكلم عن هل البرتوكول الي انت اخترعته في ردك !؟
اخوي جاسم لا تسخر و تستهزأ من الناس كونك تجهل ابسط كلمات و معاني اصول التعامل مع الاخرين ،، حبيبي انا ما اخترعت كلمة بروتيكول و لا الفتها و لا كذبت كذبه و صدقتها لكن انت تجهلها و رغم هذا كله ما قدرت تستعين بسيدك جوجل للاسف ،، لكن ما يخالف راح اعطيك معنى كلمة بوتيكول بشكل مبسط كون ثقافتك عالية ،،
حبيبي ،، البروتيكول هو فن الاتيكيت و المجاملة و التعامل مع الاخرين و هذا الاتيكيت يختلف من نشاط الى آخر ،، بعطيك مثال مبسط لاجل المعلومة توصلك بشكل اسرع و افضل ،، تخيل انك عازم رفيجك على مطعم كيما ،، هل من الاتيكيت انك تدخل المطعم قبله او انك تمد يدك بالاكل قبله ؟ طبعاً هذا المثال بشكل مبسط لاجل ما اثقل عليك ،،
عادتاً رؤساء الدول و الدبلوماسين و الوزراء و الاعلامين و المحاضرين و حتى القرصون في المطعم لهم بروتوكولات معينه و خاصه بنشاطاتهم و كيفية التعامل مع الاخرين ظمن ضوابط تحددها البروتيكول لاجل الشخص يطلع بأحسن صورة و الخ ،، خليني اعطيك احدى بروتيكولات الملكة اليزابيث .. من بروتيكولاتها ممنوع منعاً باتاً تلمسها او تلمس ايدها و تسلم عليها يدا بيد ،،
اي رئيس جديد في العالم مجبور و الزامي عليه يحضر دورات في فن البورتيكول و اذا اي رئيس اخطأ او طلع خارج نطاق البروتيكول راح ينعرف انه خرج خارج نطاق البروتيكول لكن يتخطى البروتيكول بشكل حميد و على سبيل المثال عندك سمو الامير الله يحفظه كانت له زيارة من سنه تقريبا لمستشفى الكوبي و هو على مشارف منطقة دخان إالا شاف اليهال واقفين على جانب الرصيف و منظمين لاجل استقبال سمو الامير و لحضات و الا بومشعل ادى اوامره و وقف و نزل من السيارة و سلم على اليهال و يسولف معاهم و الخ ،، و هذا الشي يسمى كسر لبروتيكول و طلع خارج نطاق البروتيكول الرئاسي و الخ و هذا الشي حصل لان بومشعل الله يطول بعمره يحب شعبه و شعبه يحبه ،، فلذا ما نقدر نقول هذا خطأ و كسر للبروتيكول من غير تعمد ،، لان فعلا كان الكسر متعمد و سببه حب الشعب له و حبه للشعب و هذا الشي اللي ذابح شعوب العالم ،، ربي يحفظه و يبعده عن العين و عن كل انسان حقود و حسود ،،
اما البروتيكول الاعلامي يكمن على الطاقم الاعلامي و كيفية المعامله امام الشاشة و ماهي الحدود و الاتيكيت الواجب اتباعه و الخ ،...
و تفضل هذه دورة في فن البروتيكول كانت مطروحه في كلية الاعلام في جامعة دمشق ،،
http://thawra.alwehda.gov.sy/_print_veiw.asp?FileName=107064956520120625085514
اتمنى انك استفدت من ردي و لو بشكل بسيط ،،
ربي يحفظك ان شاءالله ،،،
صغيرون قطر
07-02-2013, 06:26 PM
كون كنت احد ضيوف البرنامج في احدى الايام ما اقول الا إن البرنامج ناجح بشكل كبير و له شعبية كبيرة بين المثقفين و اصحاب البورتوكولات و السبب الكثير من الضيوف يفضلون النوعية هذه من البرامج و الاهم من هذا مشاهدين البرنامج يستفيدون من المعلومات و النشاطات المتعلقة بديرتنا ..
عادتاً البرامج التلفزيونية و خاصة الحلقات المصورة مسبقاً تتقيد ببورتوكولات اعلامية مقيدة و على عكس هذا البرنامج "في الضحى" اللي من ظمن خططها هي العفوية و كسر لبورتوكولات المقيدة ليتسنى للضيف الحرية و الاريحية في وقت البرنامج و خاصة اذا الضيف على دراية بأن عدة اسئلة تنتظره و الخ ،، لكن البعض تناسى مضمون البرنامج و خذ يطعن في شخصية المذيعه و زميلتها ،، مهب عيب نرفع سماعة التلفون و نتصل لتلفزيون قطر و نسأل عن اهداف البرنامج او نختصر الوقت و نسأل السيد جوجل ،،
الاخت حنان لها نشاطات و مشاركات في فن البورتوكول الاعلامية لا تجيدها اي اعلامية في قناة قطر و لا غيرها من الاعلاميات الجيل الجديد لكن عندي نقطه يمكن اوافق عليها مع الاخوان و الاخوات بأن من واجب المذيعة في بداية كل حلقة تعطي نبذه عن خطط مضمون البرنامج لاجل البعض من الاخوان اللي لدرجة ما يعرف ايش تعني بورتوكول او العفوية و متى تستخدم في البرامج و ما هي فوائدها و كيفية الاستفادة منها لاجل ما ينتقد و هو على جهل ،،
الاخت حنان و الاخت ام طلال يعطيكم ربي العافية و منها للاعلى ان شاءالله ،،،
نسخة: حنان، ام طلال.
الاخ الكريم اوريو
لفت انتباهي تكرار كلمة بروتوكول ! هل ممكن توضح ماذا تقصد بعبارة بروتوكول في مداخلتك ؟
ومن هم المقصودين بأصحاب البروتوكول الذين يحبذون هذه النوعية من البرنامج ؟
تحياتي
do7ani
07-02-2013, 06:39 PM
عليكم السلام ورحمة الله وبركاته ،،
ما يحتاج اعلمك ايش تعني كلمة بورتيكول و لا السيرة الذاتية للمذيعة و هذا مهب من واجبي ،، لكن اللي انت تحتاجة اشوية رقي في ردك السابق و هذا إن دل فهو دليل على الارتجالية السلبية في شخصك .. تفضل شوف الاقتباس اللي تحت و شوف ايش انت مهبب في ردك السابق ،،
عزيزي ،، اذا فعلاً انت مهتم في توجيه النقد البناء كان ما طعنت و تدخلت في شؤون الناس و حكمت عليهم بالجلد و الاعدام ،، ما اظن ترضاها على خواتك لاجل تطعن في بنات الناس و تقلل من قدرهم قدام العالم و خلقه ،،، اشوية ذرابة و تراها ببلاش يا عزيزي لاجل الناس فعلاً تاخذ انتقاداتك البناءة على قولتك ،، لكن سرعان ما ينقلب السحر على الساحر و ينكشف موضوعه و حقده ،، ( خذلك نظرة على الاقتباس اللي تحت و شوف و تمعن و تخيل ان احد الاعضاء قايلها على حد من هلك ) .. الشي اللي ما ارضاها على هلي ما راح ارضاها على بنات الناس ،، فلذالك دوم حاسب على كل كلمة قبل لتنطقها لاجل تكبر بعيون الناس و خاصه في بنات ديرتك و اطلب لهم الهداية ،،،
اتمنى تتقبل كلامي لانه نقد بناء من الطراز الاول و مهب اي واحد يقدر يقولها لك الا الشخص اللي يحبك في الله ،،
هههههههههههههه
اخوي اريو اولا مشكور لأن ام طلال تصير امي ترى صج امي
تخيل انا اقرى الردود واضحك يعني الواحد عيب يرد على ناس بنفس الرد
اصلا مب حلوه بحقي ولا حلوه بحق الي تكلم
ثانيا بغض النظر عنها كانت امي او اختي او خالتي ترى كلهم بنات ناس
وقطر صغيره ومحد يرضاها على هله الصراحه
لكن شتقول غير الله المستعان والله كريم
Aaziz
07-02-2013, 10:28 PM
oreo
والله ندمت جدا اني تحاورت معاك + ( تهرف بما لاتعرف )
الله يهدي من رشحك تكون عضو مؤسس في منتدى راقي.
هههههههههههههه
اخوي اريو اولا مشكور لأن ام طلال تصير امي ترى صج امي
تخيل انا اقرى الردود واضحك يعني الواحد عيب يرد على ناس بنفس الرد
اصلا مب حلوه بحقي ولا حلوه بحق الي تكلم
ثانيا بغض النظر عنها كانت امي او اختي او خالتي ترى كلهم بنات ناس
وقطر صغيره ومحد يرضاها على هله الصراحه
لكن شتقول غير الله المستعان والله كريم
الدوحاني مادري اصدق الي كتبته او لا ،، عموما شكلك صادق .
اقدم لك اعتذاري ويعلم الله ردي كان من باب المزح وادري انه خطا ولكن من باب الغشمرة و انا اخطيت .
و اتمنى منك تقرا ردودي و تحاوري مع الاعضاء في هذا الموضوع و اغلب المواضيع الي تكلمت عن تلفزيون قطر من بعد التجديد، راح تعرف اني اتكلم من باب منفعه للبرنامج و الي فيه .
ان شاءالله اذا قدرت بجمعها و ارسلها لك على الخاص .
النهار
07-02-2013, 11:30 PM
oreo
والله ندمت جدا اني تحاورت معاك + ( تهرف بما لاتعرف )
الله يهدي من رشحك تكون عضو مؤسس في منتدى راقي.
الدوحاني مادري اصدق الي كتبته او لا ،، عموما شكلك صادق .
اقدم لك اعتذاري ويعلم الله ردي كان من باب المزح وادري انه خطا ولكن من باب الغشمرة و انا اخطيت .
و اتمنى منك تقرا ردودي و تحاوري مع الاعضاء في هذا الموضوع و اغلب المواضيع الي تكلمت عن تلفزيون قطر من بعد التجديد، راح تعرف اني اتكلم من باب منفعه للبرنامج و الي فيه .
ان شاءالله اذا قدرت بجمعها و ارسلها لك على الخاص .
البرنامج فكرته تجمع بين الماضي والحاضر
وجود ام طلال الله يحفضها اعطى البرنامج نهكه خاصه ام طلال تتكلم بعفويه بدون اسطناع
وهي من الجيل الجميل الذي فقدناه
وحنان من الجيل الجديد تتكلم عن جيلها وحاضرها
عندي اقتراح لهم لماذا لايتم استضافة الجيل القديم من أبأنا وامهاتنا مع وجود الجيل الجديد في البرنامج الكل يحكي تجربته
تربوي
08-02-2013, 12:16 AM
اسمحولي ان اختلف معكم قليلا
فالمذيعة جيدة وتحتاج تدريب ولكنها تتطور يوميا وهذا شيء مميز، فالظهور للجمهور ليس بالامر البسيط
يكفي اننا نشاهد وجوه قطرية ، ولا ضرر ان يتعلموا ويخطئوا ويتدربون حتى يكونوا متمكنين امام الجمهور
فالتلفزيون يحتاج وقت ليثبت على هويته وطريقته ، فلنكن معه وليس ضدهه
وبصراحة رغم كل عيوبه افضل بكثير مما كان
تحياتي للجميع
الله يعطيج العافية يا أم طلال ويا زين سوالفج وصدق اللي قال انتي ملح البرنامج والله يكثرمن يا بنت جوهر وتحية خاصة للمذيعة حنان والله يوفقها يارب..
Aaziz
08-02-2013, 03:18 AM
do7ani
الشيخ ممكن تدخل هذا الموضوع الي كتبته من فتره طويله (مع بدايه برنامج في الضحى)
الموضوع من هنا (http://qatarshares.com/vb/showthread.php?t=534830&highlight=%D4%C7%C8+%C7%E1%C7%DF%E1)
اقراه و راضي بحكمك هل كلامي كلام شخص ناقد لمجرد النقد او لاسمح الله انتقد لاسباب شخصيه او غايه ما .
او انه نقد من شخص يبحث عن الافضل .
و ترى المثل يقول رفيقك من يبكيك مش الي يضحكك .
و كلمه اتمنى ان تصل للمذيعات ام طلال وحنان .... لا تاخذون بكلام من يطبل لكم . فهذه الفئة من الناس هي من تقتل الاعلامي بتطبيلها و ثنائها اللامتناهي و تغافلها عن الاخطاء و القصور في الاداء او الشخصية .
do7ani
08-02-2013, 04:02 AM
oreo
والله ندمت جدا اني تحاورت معاك + ( تهرف بما لاتعرف )
الله يهدي من رشحك تكون عضو مؤسس في منتدى راقي.
الدوحاني مادري اصدق الي كتبته او لا ،، عموما شكلك صادق .
اقدم لك اعتذاري ويعلم الله ردي كان من باب المزح وادري انه خطا ولكن من باب الغشمرة و انا اخطيت .
و اتمنى منك تقرا ردودي و تحاوري مع الاعضاء في هذا الموضوع و اغلب المواضيع الي تكلمت عن تلفزيون قطر من بعد التجديد، راح تعرف اني اتكلم من باب منفعه للبرنامج و الي فيه .
ان شاءالله اذا قدرت بجمعها و ارسلها لك على الخاص .
مرحبا الشيخ لا صدق طال عمرك لو مب صدق جان مادخلت وكتبت ردي
اعتذارك مقبول لكن ان جيت للحق ترى محد يرضاها على هله وخاصه والدته
حتى لو كان من باب المزح والغشمره هاذي امي والحمدلله اني متفهم
بس لو اي واحد ثاني كان سوى جريمه وماتم كلام ماقاله مثل ماقلت محد يرضاها على حلوة اللبن
وعلى فكره ترى الوالده خذت رايي في موضوع ظهورها في التلفزيون كوني ولدها البكر وانا الي شجعتها على هالشي
والقصد من التشجيع مش حبا في الظهور ولا بحثا عن الشهره
الوالده الله يحفظها معروفه بين اهل قطر وخاصه الحريم ومعروفه انها مساعده للجميع فا تشجيعي لها كان كخدمه
لبلادها واهل بلادها كون جيلها انتهى وولى ونادر ماتحصل هالجيل الي انقرض
وانا مهب شايل في خاطري بالعكس هذا النقد ممكن يفيدها ويفيد الي يفكر مستقبلا ان يحل مكانها
تحياتي لج يالوالده والله يحفظج
وتحياتي للجميع والله يحفظ لكم امهاتكم وابائكم
ذيب ازغوى
08-02-2013, 04:29 AM
ولد ام اطلال سلم على ام طلال وقولها ذيب ازغوى يبي يجرب هريس ام طلال
alsoq
08-02-2013, 01:21 PM
انا رد عليج
اول شي الاستاف كله للبنانين وهم من يخيط ويميط في تلفزيون ومسوين شي اسمه للجنه هم اللي يختارون بدون تدخل اي احد
وهم من يضع البرامج كلها ومن يختاره ومن يختار مقدمين البرنامج يعني كل شي بيدهم ومتسلطين على القطرين بالذات
هذا كلام واحد شغال معهم يعني مو كلام اي شخص
دامهم جاين من قناه المستقبل ايش تبين يكون وضع القناه
من فتره خطبه الجمعه قبل لا يخلص الخطبه قطعهوها وحطو اغاني يمكن البعض شاف ها الشي
دام الاجانب يرزونهم على اشياء المفروض يكنون قطرين حاطين اجانب ومسيحين على جهاز مهم في الدوله
تدرين كوادر قطر القديمه كانت تستعين بهم دول الخليج منها الامارات وبالذات تلفزيون الشارجه طلع على ايدي شباب وفنين قطرين
الحين انقلب كل شي صار الاجنبي هو الكل بالكل
والفنين والمذيعين اهل الخبره حطوهم بالتلفزيون القديم مجرد مبنا وشؤن موظفين
تربوي
09-02-2013, 11:41 PM
متابع رغم اختلافي مع البعض
بوعلي2
09-02-2013, 11:49 PM
متابع معاكم
:)
مخطط قطري
10-02-2013, 08:19 AM
هههههههههههههه
اخوي اريو اولا مشكور لأن ام طلال تصير امي ترى صج امي
تخيل انا اقرى الردود واضحك يعني الواحد عيب يرد على ناس بنفس الرد
اصلا مب حلوه بحقي ولا حلوه بحق الي تكلم
ثانيا بغض النظر عنها كانت امي او اختي او خالتي ترى كلهم بنات ناس
وقطر صغيره ومحد يرضاها على هله الصراحه
لكن شتقول غير الله المستعان والله كريم
ونعم فيك وفي امك الدوحاني ودامك شجعتها وطلعت في التلفزيون من حقنا كمشاهدين نمدح الزين ونتقد الاشياء السلبيه واتمنى تبقى هالشجاعه موجوده
لانه لين الحين ظهور المراه في الاعلام شي عند هل قطر منقود وعيب ولو كانت تقدم برنامج ديني
انا مادخلت عشان احط لك هالمقدمه بس ابي منك تشرحلي 4 نقاط رئيسيه وابيها منك انت بالذات مش من حد غيرك
1- جلوس المذيعات مع ضيوف في طاوله طعام وحده وياكلون معاهم وصار على قولهم عيش وملح بينهم فسرلي هذا في مفهومك شمعناته
2- ليش تركيزهم اكثر على مواضيع تخص الرجال ودايمن الضيوف رجال!!!
ليش مايكون العكس التركيز على مواضيع تخص الحريم وخصوصا الصبح اغلب المتابعين حريم
3 - هل صحيح انه المذيعات خصص لهم هالسكن الي في الؤلؤه (الاستديو) محل اقامه لهم والمبيت فيه؟؟؟
4 - هل صحيح انه الوالده تحمل شهاده عليا دكتواره في علم النفس ام اشاعه لاني اتوقع الاخيره اكثر ؟
وفي الاخير البرنامج شفت اول حلقاته ولااخفي اعجابي فيه وفي الخط الي كان مرسوم له وعفويه المذيعات وكنت اراهن عليه انه بيكون اقوى برنامج وافضلهم وكنت مبهر بتلفزيون قطر وعجبني كثير وخصوصا هالبرنامج ومثل ماسمعت انه حصل على اعلى نسبه مشاهده ولكن انحدر المستوى بشكل سريع وصار ممل وراح صوب السخافه اكثر فيليت ينتبهون اكثر لهالنقاط الجوهريه
do7ani
10-02-2013, 10:28 AM
ونعم فيك وفي امك الدوحاني ودامك شجعتها وطلعت في التلفزيون من حقنا كمشاهدين نمدح الزين ونتقد الاشياء السلبيه واتمنى تبقى هالشجاعه موجوده
لانه لين الحين ظهور المراه في الاعلام شي عند هل قطر منقود وعيب ولو كانت تقدم برنامج ديني
انا مادخلت عشان احط لك هالمقدمه بس ابي منك تشرحلي 4 نقاط رئيسيه وابيها منك انت بالذات مش من حد غيرك
1- جلوس المذيعات مع ضيوف في طاوله طعام وحده وياكلون معاهم وصار على قولهم عيش وملح بينهم فسرلي هذا في مفهومك شمعناته
2- ليش تركيزهم اكثر على مواضيع تخص الرجال ودايمن الضيوف رجال!!!
ليش مايكون العكس التركيز على مواضيع تخص الحريم وخصوصا الصبح اغلب المتابعين حريم
3 - هل صحيح انه المذيعات خصص لهم هالسكن الي في الؤلؤه (الاستديو) محل اقامه لهم والمبيت فيه؟؟؟
4 - هل صحيح انه الوالده تحمل شهاده عليا دكتواره في علم النفس ام اشاعه لاني اتوقع الاخيره اكثر ؟
وفي الاخير البرنامج شفت اول حلقاته ولااخفي اعجابي فيه وفي الخط الي كان مرسوم له وعفويه المذيعات وكنت اراهن عليه انه بيكون اقوى برنامج وافضلهم وكنت مبهر بتلفزيون قطر وعجبني كثير وخصوصا هالبرنامج ومثل ماسمعت انه حصل على اعلى نسبه مشاهده ولكن انحدر المستوى بشكل سريع وصار ممل وراح صوب السخافه اكثر فيليت ينتبهون اكثر لهالنقاط الجوهريه
الله ينعم بحالك اكيد من حقك ومن حق الي كل الناس الي يشاهدون البرنامج
اسمحلي اقولك العقليات تغيرت ودور المراه في المجتمع صار واضح
نعم منقود في لكن مايمنع دام يوصل رساله للمجتمع وطبعا الدوله تشجع على هالشي
في الاول منقود المراه تلعب رياضه وتسوق وتشتغل وتتسوق وتسافر بدون محرم
والحين تشوف كل شي تغير المراه دخلت الانتخابات والوزارات وكل مكان في قطر بتلقى عنصر نسائي هل معنى هالشي غلط ؟
المهم ماعلينا الحين راح اجاوبك على اسألتك
- جلوس المذيعات مع ضيوف في طاوله طعام وحده وياكلون معاهم وصار على قولهم عيش وملح بينهم فسرلي هذا في مفهومك شمعناته
جلوسهم مع بعض مايعني ان في شي غلط يصير بالعكس رايي الشخصي هو كانوع من تقدير الضيف والناس تطالع يعني بالعربي مافي شي مخشوش
ومب لأنه بينهم علاقه او اي شي ثاني او قاعدين في مطعم مع بعض او طالعين لاسمح الله طلعه مب عدله
البرنامج عباره عن برنامج اجتماعي + طبخ يتكلمون عن شي محدد وبعدها يتضيفون.
2- ليش تركيزهم اكثر على مواضيع تخص الرجال ودايمن الضيوف رجال!!!
ليش مايكون العكس التركيز على مواضيع تخص الحريم وخصوصا الصبح اغلب المتابعين حريم
بالنسبه للمواضيع ترى لا الوالده ولا المذيعه لهم الحق في اخيار الضيوف ولا المواضيع في معدين ومخرجين قايمين بهالدور.
3 - هل صحيح انه المذيعات خصص لهم هالسكن الي في الؤلؤه (الاستديو) محل اقامه لهم والمبيت فيه؟؟؟
هههههههههه ليش ماعندهم بيوت مثلا ؟؟ لا اخوي ذي كلام فاضي للعلم هالستيديو صمم للبرنامج فقط
4 - هل صحيح انه الوالده تحمل شهاده عليا دكتواره في علم النفس ام اشاعه لاني اتوقع الاخيره اكثر ؟
اي نعم عندها شهاده حياتيه اشاعه طبعا لا عندها دكتوراه في علم النفس ولا شهادات عليا الوالده انسانه عاديه مثل كل الناس الي
عايشو فترات زمنيه مختلفه من سنة الطبعه لين زمنا الحالي (الله يعطيها الصحه والعافيه ويطول في عمرها)
ان شاء الله اكون جاوبتك :)
راشد محمد
10-02-2013, 10:41 AM
الله ينعم بحالك اكيد من حقك ومن حق الي كل الناس الي يشاهدون البرنامج
اسمحلي اقولك العقليات تغيرت ودور المراه في المجتمع صار واضح
نعم منقود في لكن مايمنع دام يوصل رساله للمجتمع وطبعا الدوله تشجع على هالشي
في الاول منقود المراه تلعب رياضه وتسوق وتشتغل وتتسوق وتسافر بدون محرم
والحين تشوف كل شي تغير المراه دخلت الانتخابات والوزارات وكل مكان في قطر بتلقى عنصر نسائي هل معنى هالشي غلط ؟
المهم ماعلينا الحين راح اجاوبك على اسألتك
- جلوس المذيعات مع ضيوف في طاوله طعام وحده وياكلون معاهم وصار على قولهم عيش وملح بينهم فسرلي هذا في مفهومك شمعناته
جلوسهم مع بعض مايعني ان في شي غلط يصير بالعكس رايي الشخصي هو كانوع من تقدير الضيف والناس تطالع يعني بالعربي مافي شي مخشوش
ومب لأنه بينهم علاقه او اي شي ثاني او قاعدين في مطعم مع بعض او طالعين لاسمح الله طلعه مب عدله
البرنامج عباره عن برنامج اجتماعي + طبخ يتكلمون عن شي محدد وبعدها يتضيفون.
2- ليش تركيزهم اكثر على مواضيع تخص الرجال ودايمن الضيوف رجال!!!
ليش مايكون العكس التركيز على مواضيع تخص الحريم وخصوصا الصبح اغلب المتابعين حريم
بالنسبه للمواضيع ترى لا الوالده ولا المذيعه لهم الحق في اخيار الضيوف ولا المواضيع في معدين ومخرجين قايمين بهالدور.
3 - هل صحيح انه المذيعات خصص لهم هالسكن الي في الؤلؤه (الاستديو) محل اقامه لهم والمبيت فيه؟؟؟
هههههههههه ليش ماعندهم بيوت مثلا ؟؟ لا اخوي ذي كلام فاضي للعلم هالستيديو صمم للبرنامج فقط
4 - هل صحيح انه الوالده تحمل شهاده عليا دكتواره في علم النفس ام اشاعه لاني اتوقع الاخيره اكثر ؟
اي نعم عندها شهاده حياتيه اشاعه طبعا لا عندها دكتوراه في علم النفس ولا شهادات عليا الوالده انسانه عاديه مثل كل الناس الي
عايشو فترات زمنيه مختلفه من سنة الطبعه لين زمنا الحالي (الله يعطيها الصحه والعافيه ويطول في عمرها)
ان شاء الله اكون جاوبتك :)
احييك على سعه صدرك وروحك الطيبة ..
ترى الشغل موب عيب وارضاء الناس غاية لا تدرك..
jassim_007
10-02-2013, 10:43 AM
اخوي جاسم لا تسخر و تستهزأ من الناس كونك تجهل ابسط كلمات و معاني اصول التعامل مع الاخرين ،، حبيبي انا ما اخترعت كلمة بروتيكول و لا الفتها و لا كذبت كذبه و صدقتها لكن انت تجهلها و رغم هذا كله ما قدرت تستعين بسيدك جوجل للاسف ،، لكن ما يخالف راح اعطيك معنى كلمة بوتيكول بشكل مبسط كون ثقافتك عالية ،،
حبيبي ،، البروتيكول هو فن الاتيكيت و المجاملة و التعامل مع الاخرين و هذا الاتيكيت يختلف من نشاط الى آخر ،، بعطيك مثال مبسط لاجل المعلومة توصلك بشكل اسرع و افضل ،، تخيل انك عازم رفيجك على مطعم كيما ،، هل من الاتيكيت انك تدخل المطعم قبله او انك تمد يدك بالاكل قبله ؟ طبعاً هذا المثال بشكل مبسط لاجل ما اثقل عليك ،،
عادتاً رؤساء الدول و الدبلوماسين و الوزراء و الاعلامين و المحاضرين و حتى القرصون في المطعم لهم بروتوكولات معينه و خاصه بنشاطاتهم و كيفية التعامل مع الاخرين ظمن ضوابط تحددها البروتيكول لاجل الشخص يطلع بأحسن صورة و الخ ،، خليني اعطيك احدى بروتيكولات الملكة اليزابيث .. من بروتيكولاتها ممنوع منعاً باتاً تلمسها او تلمس ايدها و تسلم عليها يدا بيد ،،
اي رئيس جديد في العالم مجبور و الزامي عليه يحضر دورات في فن البورتيكول و اذا اي رئيس اخطأ او طلع خارج نطاق البروتيكول راح ينعرف انه خرج خارج نطاق البروتيكول لكن يتخطى البروتيكول بشكل حميد و على سبيل المثال عندك سمو الامير الله يحفظه كانت له زيارة من سنه تقريبا لمستشفى الكوبي و هو على مشارف منطقة دخان إالا شاف اليهال واقفين على جانب الرصيف و منظمين لاجل استقبال سمو الامير و لحضات و الا بومشعل ادى اوامره و وقف و نزل من السيارة و سلم على اليهال و يسولف معاهم و الخ ،، و هذا الشي يسمى كسر لبروتيكول و طلع خارج نطاق البروتيكول الرئاسي و الخ و هذا الشي حصل لان بومشعل الله يطول بعمره يحب شعبه و شعبه يحبه ،، فلذا ما نقدر نقول هذا خطأ و كسر للبروتيكول من غير تعمد ،، لان فعلا كان الكسر متعمد و سببه حب الشعب له و حبه للشعب و هذا الشي اللي ذابح شعوب العالم ،، ربي يحفظه و يبعده عن العين و عن كل انسان حقود و حسود ،،
اما البروتيكول الاعلامي يكمن على الطاقم الاعلامي و كيفية المعامله امام الشاشة و ماهي الحدود و الاتيكيت الواجب اتباعه و الخ ،...
و تفضل هذه دورة في فن البروتيكول كانت مطروحه في كلية الاعلام في جامعة دمشق ،،
http://thawra.alwehda.gov.sy/_print_veiw.asp?filename=107064956520120625085514
اتمنى انك استفدت من ردي و لو بشكل بسيط ،،
ربي يحفظك ان شاءالله ،،،
عزيزي اوريو
لا طبعاً ماستفدت لانك لفيت و درت على كلامك : ) و قلت كلام مستهلك و (قديم)
اول شي الكلمه بروتوكول مش بروتيكول !
و انا لا استهزئت ولاشي ،، انا سألتك سؤال و انت غيرته بطريقتك !
ما قلت لك اشرح لي معنى كلمة بروتوكول : ) ماتوقع في حد ما يعرف شنو يعني برتوكول بس يا عزيزي الامثله الي عطيتني عن البرتوكول السياسي و الي يخص الرئساء و الوزراء و السفراء او الدبلوماسيين بالمجمل العام ، لكن انت في اول رد تكلمت عن "فن البرتوكول الاعلامية " على حد قولك و هذي ماله إي دورات
حتى الرابط الي حطيته و الواضح انه كان مجرد كوبي و بيست "أعمى" و ماقريت محتويات الدورة و الي هو دورات تثقيفيه للاعلاميين في البرتوكول الدبلوماسي و السياسي
ونوه أنه من المفيد جداً لكل إعلامي أن يتعرف على هذا البروتوكول والإتيكيت وخاصة في المجال الدبلوماسي السياسي
نعم في دورات في الاتيكيت الاعلامي لكن بروتوكول اعلامي لايوجد : ) الحين حاول تستعين بإي قاموس عربي/عربي و تعرف الفرق بين الاتيكيت و البرتوكول :/
بس بكون "سخي" معاك و بعدل شوي في معلوماتك الخاطئة في تعريف البروتوكول
البروتوكول هو مجموعة من الضوابط والأطر التي تحدد كيفية القيام بنشاط ما. يعني الاتيكيت مكمل للبروتوكول و ليس الاتيكيت = بروتوكول
كلمة اخيرة لك : ) ترا كنت اقدر ارد عليك بنفس طريقتك و اكتب لك روح اسأل "سيدك" قوقل بشكل أدق و انك جاهل و قاعد تنشر معلوماتك الخاطئة للناس
بس هني يبين فن الحوار و اتمنى تاخذ فيه دورات انت قبل ما تدخل و تشارك في برامج تلفزيونيه بالمستقبل
: ) سلامي لك
لـبـيـه
10-02-2013, 10:47 AM
تابعت البرنامج اكثر من مره وملاحظتي يمكن تكون غريبه شوي بس شدني الشي
الي شفته الي هو الكرسي او (الكنب )
حلقة استضافة الدكتور حسن العبدالله والشاعر بن كروز ودكتوره ماعرف اسمها
المهم المكان او الكرسي مايشيلهم كلهم وحسيت بان الشاعر قريب جدا من الدكتوره
ومنحرج جدا يعني المفروض يكون المكان اكبر ويفصلون الحريم عن الرجال
او مايستضيفون الى شخصين او شخص
وثاني شي شدخل استضافة دكتور جلد مع شاعر تناقض كبير
وسلامتكم
jassim_007
10-02-2013, 11:13 AM
يا جماعه هذا الرد للتثقيف -فقط-:)
لفظة بروتوكول protocol ويقابلها في العربية المراسم أو التشريفات أصلها يوناني هو "protocollon" وهو اسم لنوع من الأشجار وضعت إحدى أوراقها يوماً ما على إحدى الاتفاقات الهامة ومدون عليها كيفية تطبيق بعض بنود تلك الاتفاقية، ومن ثم درجت العادة على إطلاق هذه التسمية على ما يتعلق بالتوضيحات وكيفية التصرف حيال تنفيذ التفاهمات والاتفاقات وصولاً إلى كيفية تنظيم أي حدث أو مناسبة والتعامل مع المعطيات الخاصة بالضيوف والمنظمين.
العلاقة بين البروتوكول والإتيكيت هي العلاقة ما بين العام والخاص أو بين المجمل والتفصيل.
أما لفظة "إتيكيت Etiquette" ويقابلها في العربية آداب السلوك فمصدرها فرنسي وتعني في الأصل البطاقة التي تلصق على طرد أو زجاجة لتعرف بالمحتوى ثم استعملت هذه اللفظة للدلالة إلى البطاقات التي كانت توزع على المدعوين إلى القصور الملكية الفرنسية للتقيد بالتعليمات المدونة عليها في حضرة الملك وكبار الحاشية من أمراء ووزراء وتوسع الأمر وصولاً إلى المحاكم والحفلات الرسمية والآداب.
الفرق بين المدلولَين
يمكن القول أن البروتوكول أمر يتعلق عموماً بالإجراءات والتنظيم، في حين أن الاتيكيت أو آداب السلوك يتعلق بتنفيذ التفاصيل وكيفية الالتزام بها، وإذا كان البروتوكول يقتضي الالتزام باللباس الرسمي في حفلة رسمية تدعى إليها فإن التفاصيل المتعلقة بنوع اللباس الرسمي بما في ذلك اللون والطراز ونوعية القماش هي أمور تدخل في باب الاتيكيت، وإذا كنت مدعواً إلى عشاء يقيمه شخص رفيع المستوى فالبروتوكول يقتضي التقيد بالموعد وقيمة صاحب الدعوة لكنّ كيفية أداء التحية كعدم التقبيل أو عدم الضغط على اليد بقوة وغير ذلك يندرج في مجال الاتيكيت، فالعلاقة إذاً بين البروتوكول والإتيكيت هي العلاقة ما بين العام والخاص أو بين المجمل والتفصيل.
و الاعلاميه مالها خص في المراسم او التشريفات علشان تاخذ فيها دورات :/ الا لو كانت مذيعة سياسية و بستقبل كبار الوفود هني يلزمها دورات في المراسم و التشريفات "السياسيه" و ليس الاعلاميه!
Aaziz
10-02-2013, 11:19 AM
اشكرك جاسم
اخذتها مقرر اختياري في جامعة قطر عند الدكتور العبيدان.
دبلوماسية
10-02-2013, 09:48 PM
تابعت بداية انطلاقة تلفزيون قطر المطور بترقب وتفاؤل ... اخذت فكرة عن كل البرامج واكثر برنامج حرصت على متابعته هو برنامج في الضحى. فكرةالبرنامج ممتازة ..... اسلوب المقدمات لا غبار عليه ...
لدي بعض الملاحظات بخصوص الضيوف ... اتمنى بدل استقبال 3 او 4 ضيوف معا .. ان يتم استقبالهم على حده ويخصص لكل ضيف 15 او 20 دقيقة ويتم توديعه ويستقبل الضيف الثاني وهكذا ... لان في بعض الاوقات يكون الضيوف كل واحد في مجال مختلف ويكون من الصعب ادارة الحوار واشراك الجميع في النقاش
وبخصوص تقديم الاكل .... اقترح تقديم فوالة او قدوع او ضيافة بسيطة بدال الاكل الدسم .... لان البرنامج ليس برنامج تعليم الطبخ
الفاضلة ام طلال .... الله يعطيها العافية قايمه بدورها على اكمل وجه واتمنى ان يسند لها برنامج في المستقبل واراها في برنامج خاص بالتراث الشعبي في الاكل واللبس
الفاضلة حنان العمادي ... اتمنى لك التوفيق
الله يعطيج الصحة والعافية ياأم طلال يا بنت الفريج والله انج منورة شاشة تلفزيون قطر وعساج عالقوة وسوالفج وايد حلوة كفاية الأمهات مستانسين على سوالفج..
jassim_007, Aaziz
يزاكم ربي كل خير ،،
Aaziz
11-02-2013, 11:03 AM
هههههه
اجزم و ؤوكد 100%
ان القائمين على البرنامج (وخصوصا حنان) يتابعون هذا الموضوع من اول يوم الى اخر حرف كتب فيه .
دبلوماسية
12-02-2013, 04:21 PM
اثنيت في مشاركة سابقة على اداء الفاضلات ام طلال وحنان العمادي في تقديم برنامجهم اليومي في الضحى ........
لكن اليوم اعتقد انهم رسبوا في اول اختبار لتقديم برنامج على الهوا مباشرة بمناسبة اليوم الرياضي ..... ارجو منهم العمل اكثر على تحسين اداءهم في المستقبل وبالاخص حنان
معماري قطري
12-02-2013, 09:00 PM
انا بصراحه عجبتني شخصيه ام طلال وحبيتها والمذيعه بعد حبيتها رغم هدوئها وعفويتهم
وحنا شعب ناقد ولا يعجبه العجب ولو يجبون لنا اوبرا وتصير قطريه بعد راح تنتقدونها
واحسن مذيعه بالعالم بينتقدونها بينتقدونها بينتقدونها هاذي طبائع بشريه ماتقدرون تغيرونها بارده حاره عصبيه مرحه حركه طبيعه ياناس طبيعه
حليمه بولند مذيعه متمكنه واثقه من نفسها شكل ومنظر ودلع ماسلمت من الانتقادات وخصوصا كلمتها الشهيره ( ابي امي ابي ابوي ابي ريلي ) انا اقول عطوا الناس فرصه لكي يبدعو ا
معروف جدا ان القطريين يخافون الكيمرا من الجنسين فخلوا الشباب يثبتون نفسهم راح النشاهد الكثير من العثرات الكثير من التخبطات لاكن اتركوهم ليتعلموا من اخطائهم
بس عن جد حبيبت هريس ام طلال
هههههههههه نبي حليمه بولند خلاص
تربوي
12-02-2013, 11:54 PM
متابع باندهاش
تغلبية
13-02-2013, 12:02 AM
اثنيت في مشاركة سابقة على اداء الفاضلات ام طلال وحنان العمادي في تقديم برنامجهم اليومي في الضحى ........
لكن اليوم اعتقد انهم رسبوا في اول اختبار لتقديم برنامج على الهوا مباشرة بمناسبة اليوم الرياضي ..... ارجو منهم العمل اكثر على تحسين اداءهم في المستقبل وبالاخص حنان
:victory:
يعني قلنا اخطاء على الهواء ممكن تصير .. وقلنا مبتدئين ... وقلنا مانبي ننتقد .. وبنشوف الاشياء الايجابية ..
بس اليوم صارت اخطاء من العيار الثقيل .. وخاصة مع الوزير !!!!
أتمنى لهم التوفيق والسداد ..
نفخر جداً بظهورهم محجبات ملتزمات بالزي التقليدي القطري
لكن لابد من جمال الصورة والكلمة والمصداقية (مانشك فيها)
لأنها هي ببساطة سر الاعلام الناجح !
Right
13-02-2013, 12:34 AM
أيقنت أن إلي يرفع الضغط مو الملح بس .. بل يفوق الملح في ذلك
ألا و هو برنامج " في الضحى "
!!!
Abdullah_89
13-02-2013, 12:41 AM
المذيعه اشوف ان تقديمها ممتاز ويمكن لأن اول برنامج لها لازم في اغلاط وارتباك فالتقديم ..
التقييم الصح يكون بعد 6 شهور من بداية اول حلقة
اما بالنسبه للهويه القطرية واللي تتكلمون عنها ..
انا اشوف التلفزيون اصبح هويه قطرية 100% والدليل المذيعين ومقدمين البرامج ومذيعي نشرات الاخبار ..
عبدالعزيز الهتمي
13-02-2013, 07:39 AM
بصراحه البرنامج ممتاز ومافيه تصنع والعتب على المصورين والمخرجين
غرِيبهـ
13-02-2013, 08:15 AM
حلو البرنامج خاصة يتابعونه الكبار في السن وهالشريحه تهمني وايد
يحتاجون المذيعات الى براكتس اكثر وراح يبدعون
واظن واصل لهم النقد ويعملون على تحسين اداءهم
الله يوفقهم يارب لما يحب ويرضى
nono80
13-02-2013, 08:45 AM
تلفزيون قطر فاااشل بعد التجديد وفي الضحي سخيف وغير هادف لانه مافي طرح جميل ولا مواضيع حلوة يجيبون الضيف ويسالفون بروحهم ولا يسالونه سؤال ماله خص بتخصصه والله يازين برنامج الرميحي وتقديمه حلو وبرنامج الدار نشجع القطرين بس عقب مايتمكنون اكثر الله يرحم ايام تلفزيون قطر
Aaziz
07-03-2013, 05:37 AM
بعد اكثر من شهرين او ثلاثه
و بكل صدق و امانه ،،، اول مره اشوف حلقه من برنامج في الضحى مفيده و ذات مضمون و نقاش مفيد .
الحلقه كانت مختصة في الصم و البكم
اتعلمون ماهو سر نجاح الحلقة
1- طبيعة الحلقه و يتضح من عنوانها كان لها دور بحيث ان اقل المتحدثين في الحلقه هم المذيعات .
2- ضيوف على مستوى عالي من الادب من جميع النواحي .
حلقة مفيده و على مستوى عالي من التثقيف و المعلومات القيمه
R 7 A L
07-03-2013, 07:25 AM
^
^
^
للنقد البناء دور في الحلقة المذكورة اعلاه
أم نواري1
07-03-2013, 08:20 AM
بعض الردود مستفز
يتكلمون وكأنهم خالين من الذنوب ولو صغرت
ماهكذا تورد الإبل.!
تلفزيون قطر بالسابق كان أجمل من ناحية قوة المقدمين
ومن ناحية إهتمامه بالمرامج المباشرة والدينية منها خاصة
مع تحفظي ع نقطة أن المقدمة تكون من النساء
لكن الأخت يحسب لها أنها ملتزمة بزيها التقليدي الساتر الواسع
مع تحفظي ع نقطة الميك أب وكشف الوجه
المذيعتان يتسمان بالعفوية المطلقة
وهي شي جميل لكن أحيان أحسها مصطنعه.!
وأحيان لا تناسب مضمون الحوار الذي يحتاج للجدية أحيانا
وقوة في إدارة الحوار
كمذيع يجب أن أتوقع ما سيطرح علي من أسئلة
كمذيع يجب أن لا أحرج زميلي المذيع في الحلقة وأجلس معاه نتحاور ونراجع
شنو راح نقول وشلون بندير الحوار
هذا غير نقطة الاختلاط والضحك والغشمرة اللي مالها داعي كلش
وآخرتها القعدة ع الطاولة لتناول الطعام .!
مع قليل من التمرين والأخذ بالملاحظات راح يرتقي البرنامج أكثر
وياريت مب كل شي يسوون له تقرير ويعرضون كتقرير دراجي الهارلي
والصورة السلبية التي ظهرت
عيب والله شبابنا وبناتنا يطلعون أمام الملأ بهالصورة
بحفظ الله
رفيق الصحراء
07-03-2013, 08:42 AM
كل برامج تلفزيون قطر مالها معنى ولا لها اي هدف
شنو هدفنا من هالبرامج وليش كل المقدمين مو قطريييين اصلا؟؟؟
ووين المذيعين القطرييين اللي كانوا بالدورات الماضيه وبالنسخه القديمه اشوفهم افضل واحسن من هالمقدمين الان
يبون يقلدون بعض المحطات وللاسف لا قلدوهم صح ولا ابرزوا هويتهم صح \
Right
07-03-2013, 02:17 PM
الخدامة إلي بالبرنامج
أبيها للبيت إذا يرضون بنقل كفالتها
نوار قطر
07-03-2013, 03:50 PM
الخدامة إلي بالبرنامج
أبيها للبيت إذا يرضون بنقل كفالتها
بتوديها لندن وبتخليها بدال رووز :eek5:
دولة قطر.
07-03-2013, 03:53 PM
بصراحة البرنامج ميت من قلب الرتم بطي لابد الدود
رجل الجزيرة
07-03-2013, 04:09 PM
بعد اكثر من شهرين او ثلاثه
و بكل صدق و امانه ،،، اول مره اشوف حلقه من برنامج في الضحى مفيده و ذات مضمون و نقاش مفيد .
الحلقه كانت مختصة في الصم و البكم
اتعلمون ماهو سر نجاح الحلقة
1- طبيعة الحلقه و يتضح من عنوانها كان لها دور بحيث ان اقل المتحدثين في الحلقه هم المذيعات .
2- ضيوف على مستوى عالي من الادب من جميع النواحي .
حلقة مفيده و على مستوى عالي من التثقيف و المعلومات القيمه
نعم أنا إستفدت من حلقة الصم والبكم.
لولو2022
07-03-2013, 05:14 PM
والله( فى الضحى )ارحم مليون مرة من (درب المدينة )
الي التحيس فية مش طبيعي شئ مخزي وعار على مجتمعنا
ناس مافيهم ذرة من الحياء، هذة بعد سنة شبتصير
Right
07-03-2013, 09:46 PM
بتوديها لندن وبتخليها بدال رووز :eek5:
لا بوديها جزر الواق واق :nice:
زين وين روز؟ .. روز صارت مثل بيض الصعو نسمع بها ولا شفناها :weeping:
النهار
07-03-2013, 09:51 PM
لا بوديها جزر الواق واق :nice:
زين وين روز؟ .. روز صارت مثل بيض الصعو نسمع بها ولا شفناها :weeping:
قاعده لكم بالمرصاد :nice:
نوار قطر
07-03-2013, 10:10 PM
لا بوديها جزر الواق واق :nice:
زين وين روز؟ .. روز صارت مثل بيض الصعو نسمع بها ولا شفناها :weeping:
يايتكم فالطريق :nice:
Right
07-03-2013, 10:15 PM
يايتكم فالطريق :nice:
أهي تمشي ولا تطير .. شدعوة ساحرة :nice:
Aaziz
07-03-2013, 10:18 PM
الدردشه في الاستراحه يا اخوان. لاتفقدون الموضوع اهميته. و السموحه منكم
Right
07-03-2013, 10:19 PM
الدردشه في الاستراحه يا اخوان. لاتفقدون الموضوع اهميته. و السموحه منكم
أبشر يا طويل العمر
أحلى برنامج في تلفزيون قطر وخلكم عن الربربة الزايدة واللي موعاجبه البرنامج لا يشوفه..
Aaziz
07-03-2013, 11:33 PM
أحلى برنامج في تلفزيون قطر وخلكم عن الربربة الزايدة واللي موعاجبه البرنامج لا يشوفه..
اخ شموخ لانه من افضل برامج تلفزيون قطر ننتقد هذا النقد الي ان شاءالله انه نقد بناء
و اتمنى منك اخوي ان تنتقي الالفاظ بطريقه افضل من هذه
حبات الكرز
09-07-2013, 12:57 PM
فعلا إحنا مجتمع ناقد .البرنامج في طور التقدم و يحتاج للتشجيع والمذيعات بسيطات و من المجتمع و طريقتهم تلقائية و سهل تدخل البيوت بجميع المستويات . أنا وااااااايد عجبني البرنامج و الله يعطي حناااان و ام طلال الف عافية والى الامام .
love life
09-07-2013, 08:07 PM
والله البرنامج صار سخيف قبل كل يوم كنت اشوفه يا ريت لو يردون نوره والرميحي
Aaziz
09-07-2013, 08:27 PM
وين البرنامج جديد !!!
لو مجمع سكني بانينه مع بدايه البرنامج كان جهز و سكنوه اهله.
الحاقول
09-07-2013, 10:37 PM
أحلى برنامج في تلفزيون قطر وخلكم عن الربربة الزايدة واللي موعاجبه البرنامج لا يشوفه..
انا مع هذا الراي ويجب ان نشجع الوجوه القطريه
مبرمج QA
11-07-2013, 09:20 AM
والله( فى الضحى )ارحم مليون مرة من (درب المدينة )
الي التحيس فية مش طبيعي شئ مخزي وعار على مجتمعنا
ناس مافيهم ذرة من الحياء، هذة بعد سنة شبتصير
اتفق وبقوة .. اللهم اني صائم
نوار قطر
11-07-2013, 09:23 AM
البرنامج اذا ماخاب ظني الحين مايحطونه ...توقف عشان رمضان .. وانتو للحين اتحندوون
Powered by vBulletin® Version 4.2.5 Copyright © 2024 vBulletin Solutions Inc. All rights reserved.