..اشعر بالفرح والسعادة ....

[ام ناصر1]

السلام عليكم ..
جاني اكتئاب من الشعور المؤلم ...:secret:
قلت بما إننا بالاستراحة ...الأحسن ننتعش بالحديث عن
الشعور المفرح والسعيد ....

اشعر بالفرح أو السرور أو السعادة ...لأنه ...: )
http://www.almraah.com/wp-content/uploads/2012/05/4639_large.jpg

[ام ناصر1]

اشعر بالفرح والسعادة لأنه مدير ادارتنا طار من كرسيه ( اقالوه ) ..: )

[sweet qatar]

^
الله يعوضكم بالي احسن منه.. ومشكورة على الطرح المشجع..


اشعر بالفرح والسعاااااااادة.. لان الدوام خلص اخيرااااااا ... :dance

[حميداني]

اشعر بالفرح والسعادة لما اشوف موضوع يجلب السرور مثل هذا

[لاجل QT]

يازين السعادة زيناة في ذمتى:nice:

اشعر بالفرح لما احس انى شخصية محبوبة :shy:

حب الناس غاية لاتدرك ..ولله الحمد على قبولى في قلوب الناس:)

اية بنشكور الله:nice:

[بومحمد المطاوعه]

اشعر بفرح وسعاده لما اشوف امي تضمني وتسلم علي

[محب قطر 64]

أكيد بشعر بالفرح والسعادة لما شيء مما في بالي يتحقق
الكل يعرف لحظات السعادة
و وسنين الألم
شتان

[نور الحور]

أم ناصر جزاج الله خير ..أنقذتينا من الزعفراني ..شيء مؤلم وشيء يضايق ..والذاكرة شغالة على السلبيات ههههه

أشعر بالفرح لما أشوف عيالي فديتهم ..شوفتهم تسوى الدنيا ومافيها ..
أحس بالسعادة لما أشوف أمي وأبوي خاصة وهم فخورين فينا وقد أدوا الأمانة جزاهم الله عنا كل خير
وأشعر بالسعادة لما أفكر بنعم ربي علي الظاهرة والباطنة وأنا أشعر بالامتنان
وأحس بالسعادة لما أبتسم ..
وأحس بالسعادة لو حد فاجاني بمفاجأة حلوة غير متوقعة
وأحس بالسعادة لو موضوع تصعب علي وفجأة انحل
وأحس بالسعادة لما يرزقني ربي من حيث لا أحتسب ..
وأحس بالسعادة لما أقعد في أجواء حلوة وخاصة على البحر أو في حديقة بين الورود :)
وايد أمور تسعدني الحمدلله ..لو بعدها عليج بيتسكر موضوعج من طوله ههههه

[حفيد الأنصار]

اشعر بالفرح والسعادة لأنه مدير ادارتنا طار من كرسيه ( اقالوه ) ..: )




سيم سيم .. وان شاء الله من يوم 1 / 1 / 2013
بيستلم المنصب واحد جديد من الشرقية :victory:

[حفيد الأنصار]

أشعر بالسعادة لما أمي تدعيلي
أشعر بالسعادة لما أرجع للدوام بعد الاجازة بس أقعد ساعتين وارجع اكرره نفسي ههه
أشعر بالسعادة لما أجلس بمكان هادي وجلسة هاديــــة جدا وماحولك الا واحد او اثنين ومايكثرون كلام
أشعر بالسعادة لما أشوف اهلي واقاربنا ملتمين ببيت واحد ومستانسين

[ام ناصر1]

اشعر بالفرح بالشتا ..عندما اكل الكستنا والفندال ...

[نور الحور]

أشعر بالفرح لما أقرأ ردود بعض الأعضاء اللي تضحك .. وعلى راسهم بوحارب :nice:

[نوفة قطر]

أشعر بالفرح وانا اشوف الساعه ويكون وقت الدوام الطويل ماشاء الله قرب ينتهي

أشعر بالفرح يوم احس امي وابوي راضيين عني ومرتاحين

الحمدلله

-

[لاجل QT]

رغم التعب

اشعر بالسعادة لانى انتهيت من تزين قسمى في المدرسة:)

انشالله فالي الفوز:shy:

[حميداني]

أشعر بالفرح والسرور بعد نجاحي في امتحان جداً صعب

[العلم]

أشعر بالسعادة والفرح لأني لاقيت رفيجي أيام الثانوية بعد إنقطاع دام 6 سنين ،، وعزمني على عرسه الجمعة الجاية وبلاقي زملاء الدراسة القديمين .. :weeping:

[sweet qatar]

اشعر بالفرح و السعادة والسرور.. لما يمدحوني.. :shy:

خصوصا هالمرة المدح جاني بدون مجاملة..

[Dana’1]

اشعر بالفرح والسعادة لان أمي وخالتي وصلوا للدوحة اليوم وضميت أمي وشميت ريحتها الطاهرة عسى لا يحرمنا منها آمين يارب العالمين

[غايه الطواش]

اشعر بالفرح لما اروح السوق وارجع محمله بالأكياس والمشتريات
احس بلذه ونشوه
خاصه الحين مع موسم التنزيلات

[غايه الطواش]

اشعر بالفرح لما أجيب نتايج حللوه بالامتحانات

[ANONYMOUS]

اشعر بالفرح والسعاده لين اروح الدوام <------- هذا المشترك يشعر بالكذب

[سيدة الموقف]

اشعر بالسعاده لما اتحدى نفسي وانتهي من عمل كنت متخوفه منه

مثل ركوب الطياره خخخخ

او اشوف فلم مرعب في الظلام

واكثر شي يفرحني اذا شفت طفل مستانس

[sweet qatar]

هههههههههههههه انونيموس.. كنت على وشك اني اصدق..


أشعر بالفرح والسعادة والسرور.. لما يستوي الشي الي خططت له وبالطريقة الي انا راسمتها..

[نور الحور]

اشعر بالفرح والسعادة لان أمي وخالتي وصلوا للدوحة اليوم وضميت أمي وشميت ريحتها الطاهرة عسى لا يحرمنا منها آمين يارب العالمين



الله يخليلج الوالدة ويعينج على برها ..
سبحان الله من استويت أم وأنا أقول يااااالله شلون تعبتوا في تربيتنا يا يمى و يايبه ..الله يحرم وجوههم عن النار ويرزقنا رضاهم ويعينا على برهم ..
أنا انطر هالفرحة بكرة إن شاء الله .. الغوالي بيرجعون من العمرة فديتهم

[العلم]

أشعر بالفرح والسعادة لأني شاري لحم حوار وفقع وبعشي أبوي وأمي الليلة عليهم ... وبيستانسون :shy:

[chillis]

اشعر بالفرح والسعاده لان بنتي حققت حلمي بدخولها الجامعه واشعر بالسعاده لين اشوف رضى والدي علي *_*

[ام ناصر1]

شعرت بالسعادة لأن ابواب مغلقة بفضل من الله وحمد فتحت لي ....

[لولو2022]

عسى فرحج دوم يا ام ناصر:)

[شبح الصمت]

اشعر بالسعاة والفرح وبس

:)

[Aaziz]

الله يهنيكم

مابي اتفلسف بس احس من زمااان ماجاني شي يسعد ،، اللهم لا اعتراض .



اشعر بالفرح بالشتا ..عندما اكل الكستنا والفندال ...

الي بالاحمر ايش يطلع ؟

[الحياة الخالدة]

الله يهنيكم

مابي اتفلسف بس احس من زمااان ماجاني شي يسعد ،، اللهم لا اعتراض .




الي بالاحمر ايش يطلع ؟


اشدعوة ما تعرف الفندال يا عبدالعزيز :omg:

[Aaziz]

ههههه بهذا الاسم ما اعرف اي شي

[الحياة الخالدة]

ههههه بهذا الاسم ما اعرف اي شي


البطاطا الحلوة شتسمونهـــــا ؟؟

[Aaziz]

بل الله يزيد النعمة ... حطيت اسمه في جوجل و طلع لي .
البطاطا الحلوه ههههههههه بصراحه هذا الشي غير معروف عندنا في العائلة ابدا

[سارآ]

أشعر بالفرح والسرور بعد نجاحي في امتحان جداً صعب

صدقت والله :nice:

أكثر شي يفرحني ويفرح الوالده نجاحي واللي بعد يفرحني لم أخلص ماده أمسك الخطة وأمسح الماده بالقلم الأحمر ..

الله يديم عليكم الفرح والسرور ويديم علي النجاح ي رب:victory: