استفسار عن مبالغ اضافية في فواتير كيوتل

[ابوعلي]

السلام عليكم ورحمة الله وبركاته

حد لاحظ فواتير هالشهر ان في مبالغ اضافية غير عن الاشهر السابقة


بالنسبة لي فواتيري في حدود 500 وهالشهر 1500ريال


واخوي نفس الشي فواتيره في حدود 1000 ريال وهالشهر 1800 ريال


اذا حد ملاحظ نتمنى يذكر الفرق

[برشلوني قطر]

اخبر اخر السنه ياخذون الاشتراك عن السنه

وبعدها كل شهر تنزل فقط الفواتير..

[حسن]

مادريي والله ذكرتني باروح ادفع فاتورتي يابوعلي وباشوف
اما الفاتوره الجايه بتكون عندي عاليه بسبه السفره

[Aaziz]

عادي يكون خطا منهم و ياكثر اخطائهم .
اهم شي الشخص ينتبه لفاتورته ،، اكتشفت اني ادفع فواتير اضافيه لخدمات طلبت الغائها من سنه و نص .
فتحو تحقيق و النتيجه رجعولي في حسابي 5800 ريال .
و واحد من الربع رجعوله في حسابه 28 الف

[مرتبش]

مالاحظت فرق ..
شوف تفاصيل الفواتير..الفرق كبير بين 500 و 1500

[الزعفراني]

انا لاحظت بعد مثلك .. عندي باقة الشهري وماصار لي 10 أيام الا مطرشين لي مسجات اني تجاوزت 80% من قيمة الباقة .. مع انه هالمسج ما يجيني خير شر بحكم محدودية استخدامي .. وهالشيء صار معاي عقب ما خفضوا قيمة الباقة اللي عندي في عرضهم الأخير ..

[العربية نت]

اتوقع انها صح وعادية الشيخ ارجع للتفاصيل بتشوف مستحق وفترة قادمة يعني الفاتورة شاملة لفترتين وهذا غالباً الي تسويه كيوتل بس انت ملزم بدفع المستحق فقط والباقي يرحل لفترته

[ابوعلي]

اخبر اخر السنه ياخذون الاشتراك عن السنه

وبعدها كل شهر تنزل فقط الفواتير..

مايصير اخوي ان خذوا عن اشتراك سنه لان هم ياخذون شهريا اشتراكهم 300 ريال بالاضافة الى المكالمات او الرسايل او النت

[ANONYMOUS]

والله هالكيوتل لخبطوني مع اني حريص اطالع الفواتير

بس الفته الاخيره "اخر سنتين" ادفع وانا مغمض

حتى مادري كم فواتيري اصلا بس مالاحظتها مرتفعه للامانه

احتمال اجيك واعلق ع الموضوع

[Aaziz]

ابي استغل الموضوع و انبه الشباب لنقطه .


الي تلفوناتهم اشتراكها فاتوره (مش هلا) هنا انصح الشخص يكلم كيوتل و يحول اشتراكه الى اشتراك سنوي .
و يقصد بالاشتراك السنوي هو القيمه الثابته الي تدفعها كل شهر سواء استخدمت التلفون او لاء وهي 50 ريال في الشهر .
تقدرون تكلمون كيوتل و تحولون اشتراك التلفون الى اشتراك سنوي و راح يكلفكم في السنه 300 ريال بينما بالوضع العادي بياخذون منك شهريا 50 ريال يعني في السنه 600 و كذا تكون وفرت نص القيمه و الخدمه نفس الشي ما تاثرت و بالعكس افضل للي عنده اكثر من تلفون سواء مسكرهم او يستخدمهم استخدام خفيف ،، بحيث انه في الشهر بيدفع فقط قيمه مكالماته .

[عاشقه الصمت]

و الله ما ادرى .يمكن ايكون فيه خطأ

[بصمة قطرية]

خذت معاي الآيفون لندن خط كيوتل فاتورة
سكرت كل شي في الجهاز
الثري جي
البيانات الخلوية
تجوال البيانات

إنصدمت يوم رجعت و كلمتهم
أستفسر عن الفاتورة
4500 ريال ..!!!
ليش عاد
قالوا لي انترنت الجوال كان شغال :(

[غاردينيا]

صراحه انا جاتني فترة نفس الشي وشكيت في موضوع الفواتير المرتفعه

كنسلت باقة الشهري نصبxنصب

واللمت ألف ريال
وفي السفر اسكره خير شر ومخليه لي هلا

[السيف5]

انا من الناس اللي كنت استخدم التلفون عادي ماتوصل فاتورتي بالكثير 250ريال

ومن حولت الباقة الشهرية 250 صارت فاتورتي دايمه اعلى وتوصل 350ريال

وراجعتهم عن السبب في الزيادة قالولي عندك دقايق لم تستخدمها لكن الزيادة

في استخدام النت ...فنصحني صديق بالغاء الباقة والرجوع على النظام العادي

وفعلا رجعت فاتورتي كالسابق

[لابأس]

سمعت ان فيه موظفيين في كيوتل يوزعون فواتيرهم على كذا مشترك دون ان يعلم,

هالكلام من كذا سنه ولا اعلم هل للحين يسوون هالحركه ؟!

[airbus]

انا جتني قبل خمسة ايام حق شهرين يعني شهر 3 و شهر 4 غريبة ادفع حق شهر وهو اصلا مادخل حتى عجبي

[BuFaisal]

ادخل لموقعهم واطلع على الفاتورة بالكامل وبتشوف التفاصيل
هذا اللي انا اسويه
احتمال دفعوك تكاليف فايبر او غيره مقدما

[jaf111]

لمت التلفون 1000
وقفلوه كم مره علي 2500 ريال

توريدو كيفك ماتوريدو على هواك

[jaf111]

خذت معاي الآيفون لندن خط كيوتل فاتورة
سكرت كل شي في الجهاز
الثري جي
البيانات الخلوية
تجوال البيانات

إنصدمت يوم رجعت و كلمتهم
أستفسر عن الفاتورة
4500 ريال ..!!!
ليش عاد
قالوا لي انترنت الجوال كان شغال :(

نفس الموضوع
اشتركت بالجواز مالهم 10 ايام مرتين 7 ايام و7 ايام الفاتوره 7500 وشابك على شبكتهم المعترفين بها فالخدمه

والبيانات ماوصلت ال1جي بي

الى الان ردهم علي ( هاا ؟! مايصير !!! بنشيك مع القسم وبنرد عليه ! صحيح ظاهر عندنا ماعندك استخدام واجد !! )

الرد ( يقولون تستخدم البيانات !! ) :secret::secret::secret:

لااريدو ان اتواصل معهم حفاظا على عقلي
تنازلت عن حقي

[BuFaisal]

عادة لا ادافع عن اوريدوا ...
لكني استخدمت جواز كيوتل في السعودية والامارات والكويت
الخدمة سيئة نسبيا ومسنجر البلاك بيري حدث ولا حرج احيانا لا يعمل ابدا واحيانا يعمل ببطئ قاتل
لكنهم التزموا بالاتفاقية وحصلت على 100 دقيقة وتحميل 1 جيجا من ضمن خدمة جواز كيوتل

[jaf111]

عادة لا ادافع عن اوريدوا ...
لكني استخدمت جواز كيوتل في السعودية والامارات والكويت
الخدمة سيئة نسبيا ومسنجر البلاك بيري حدث ولا حرج احيانا لا يعمل ابدا واحيانا يعمل ببطئ قاتل
لكنهم التزموا بالاتفاقية وحصلت على 100 دقيقة وتحميل 1 جيجا من ضمن خدمة جواز كيوتل

صادق استخدمتها في تركيا بعد وفي دبي
ممتازين

بس سفرتي اللي ماصرفت من البيانات شي 7500 على شنو ؟!
وصاحبي اشترك الفاتوره ماوصلت ال1000 عنده
ويعترفون اني مااستخدمت البيانات ويقولون من البيانات

وردهم " اممم. غريبه " بنشيك وبنرد. والرد يقولون مستخدم بيانات وانا اقولهم فالاي فون ماوصلت ال600 ميغا. يقولون صحيح غريبه !!!

[تحداني]

انا لما اتكون عندي مبالغ اضافيه في الفاتوره يحطون احذاها " _ " علامه الماينس
او يذكرون شئ من التفصيل عنها هذا الي لاحظته

وللاسف ما اعرف استخدم الباقات الشهريه " احس مب قادره افهم نظامهم
ولا هم قادرين يستوعبون استغرابي
اشتركت بس اسبوعين وكنسلتها وخذوا مني مقدم شهر او شهرين على ما اعتقد



جملك الله برضاه

[الزعفراني]

نفس الموضوع
اشتركت بالجواز مالهم 10 ايام مرتين 7 ايام و7 ايام الفاتوره 7500 وشابك على شبكتهم المعترفين بها فالخدمه

والبيانات ماوصلت ال1جي بي

الى الان ردهم علي ( هاا ؟! مايصير !!! بنشيك مع القسم وبنرد عليه ! صحيح ظاهر عندنا ماعندك استخدام واجد !! )

الرد ( يقولون تستخدم البيانات !! ) :secret::secret::secret:

لااريدو ان اتواصل معهم حفاظا على عقلي
تنازلت عن حقي


صادق استخدمتها في تركيا بعد وفي دبي
ممتازين

بس سفرتي اللي ماصرفت من البيانات شي 7500 على شنو ؟!
وصاحبي اشترك الفاتوره ماوصلت ال1000 عنده
ويعترفون اني مااستخدمت البيانات ويقولون من البيانات

وردهم " اممم. غريبه " بنشيك وبنرد. والرد يقولون مستخدم بيانات وانا اقولهم فالاي فون ماوصلت ال600 ميغا. يقولون صحيح غريبه !!!

اكيد استخدمت خدمة البلاك بيري ..

اذا استخدمتها حبيت اقولك ان الـ 1 غيغا اللي في خدمة جواز كيوتل مالها خص باستخدام البلاك بيري ..

لان لما تستخدم البلاك بيري يكون عن طريق الجي بي اس .. وتسعيرته بالنسبة لكيوتل 1 ميغا ( تقريبا 1024 حرف ) = 55 ريال قطري :)

لكن الانترنت العادي ثري جي يشمل باقة 1 غيغا اللي مع خدمة جواز كيوتل .. شرط يكون على شبكة متوافقة مع كيوتل في البلد اللي انت فيه .

[fhd4]

أخوي بوعلي ...

فيه مشكلة في الايفون في التحديث قبل الاخير ... الجوال يعطيك انه شابك في وايرلس البيت لكنه فعليا يصرف من الـ 3g ... صارت لي المشكلة شخصيا ...

[BuFaisal]

أخوي بوعلي ...

فيه مشكلة في الايفون في التحديث قبل الاخير ... الجوال يعطيك انه شابك في وايرلس البيت لكنه فعليا يصرف من الـ 3g ... صارت لي المشكلة شخصيا ...

وهناك مشكلة باتصال الايفون مع الوايرلس باخر تحديث وهو 6.1.3
عليكم الانتباه

[BuFaisal]

اكيد استخدمت خدمة البلاك بيري ..

اذا استخدمتها حبيت اقولك ان الـ 1 غيغا اللي في خدمة جواز كيوتل مالها خص باستخدام البلاك بيري ..

لان لما تستخدم البلاك بيري يكون عن طريق الجي بي اس .. وتسعيرته بالنسبة لكيوتل 1 ميغا ( تقريبا 1024 حرف ) = 55 ريال قطري :)

لكن الانترنت العادي ثري جي يشمل باقة 1 غيغا اللي مع خدمة جواز كيوتل .. شرط يكون على شبكة متوافقة مع كيوتل في البلد اللي انت فيه .

ما اتفق معاك
استخدام البلاك بيري من ضمن الواحد جيجا وانا جربت بنفسي عدة مرات

[الزعفراني]

ما اتفق معاك
استخدام البلاك بيري من ضمن الواحد جيجا وانا جربت بنفسي عدة مرات

غير صحيح تأكد منهم .. الـ 1 غيغا .. لا تشمل خدمة البلاك بيري .. اذا عندك الرومينغ للبلاك بيري يعطيك عدد من البيانات مش متذكر الرقم .. مجانا .. وعقب يبلش يحسب عليك .

[لاجل QT]

حتى انا ...؟؟؟مع ان محددة ان ماتزيد عن 500 كل شهر الفاتورة

بس زادت الدبل؟؟

[jaf111]

اكيد استخدمت خدمة البلاك بيري ..

اذا استخدمتها حبيت اقولك ان الـ 1 غيغا اللي في خدمة جواز كيوتل مالها خص باستخدام البلاك بيري ..

لان لما تستخدم البلاك بيري يكون عن طريق الجي بي اس .. وتسعيرته بالنسبة لكيوتل 1 ميغا ( تقريبا 1024 حرف ) = 55 ريال قطري :)

لكن الانترنت العادي ثري جي يشمل باقة 1 غيغا اللي مع خدمة جواز كيوتل .. شرط يكون على شبكة متوافقة مع كيوتل في البلد اللي انت فيه .



مااستخدم بلاك بيري اخوي الزعفراني
استخدامي مازاد عن 600 وشويات فالداتا ويعترفون اني مااستخدمت اكثر من 1 جيجا
اي فون بس المشكله اني استخدم اوريدو " كيوتل "