يا مهندسين يا مفكرين يا معماريين .. احتاج مساعدتكم في غرفـة

[روح الاطلس]

السلام عليكم ورحمة الله


عندي غرفة احترت في تصميمها

هي كانت مقررة تكون صالة

بس بنقلبها غرفة نوم

مساحتها 6*6

سداسية تقريباً

ابي اضيف لها dress ( غرفة تبديل ملابس - الخزاين) لكن عجزت فيها اقلبها يمين يسار كلش التصميم مب ضابط معاي

وين احط الدريس ؟ الحمام مسبب مشكلة

وين انقل الحمام وكيف احط الدريس


الحمام بدل ماهو 1 ونص بضيف عليه متر من مساحة الغرفة عشان اكبره شوي

ابي تصميم مثالي للحمام مع الدريس ويضبط لي شكل غرفة النوم


محتارة بعد في مساحة الدريس كم افضل تكون ؟ وتصميمها شلون



http://im16.gulfup.com/UvUJ1.jpg

[روح الاطلس]

اوووووووووووووووف الصورة وايد كبيرة :( سوووووري ماعرفت اصغرها

[Chambray]

تم تعديل الصورة :)

[بن غيث]

السلام عليكم ورحمة الله ..

اولاً : يجب استشارة مصمم الخرائط شخصياً او مهندس معماري متخصص
ثانياً : هل موضع الحمام الحالي على واجهة المنزل ..؟
ثالثاً : ماذا يوجد اسفل هذه الغرفة .. ؟
رابعاً : تأكد أن الحمام في الجهة الشرقية والغرفة في الجهة الغربية

أنا شخصياً لدي ملاحظات على التصميم .. ويرجى قبل التنفيذ التأكد من جميع التفاصيل الدقيقة التي سوف تحتاجونها لبناء المنزل .. لان المصمم يرمي المشاكل على المقاول .. والمقاول غالباً لا يفهم ما يرمي اليه المصمم .. والخسران في النهاية .. صاحب المنزل

أنا طولت الموضوع .. بس كنت حاب أوضح شغله مهمة جداً وكثير ما تكلمت عنها

أهم ما في البناء هو التصميم الصحيح .. فلا توفر 1000 ريال ثم تخسر مليون ريال

أرجوا أن تكون الفكرة واضحة ..

[captin]

مرحبا أخوي

أنا بحط لك تعديل أنا أشوفه مناسب من وجهة نظري وهو كالتالي

http://im23.gulfup.com/dKyL2.jpg (http://www.gulfup.com/?eDrYz9)

http://im23.gulfup.com/dKyL2.jpg

التعديلات كانت بإضافة متر للحمام داخل مساحة الغرفة صارت مساحة الحمام
3.5 * 2.5 وصارت مساحة الغرفة 6 * 5 .

وكانت المعالجة انا سحبنا الحائط إلى بداية الغرفة لنقطة موازية للدرج وأنشئنا مساحة كافية
للدريس مقابل الحمام أول ما تدخل الغرفة على يسارك ومع نهاية منطقة الحمام والدريس نسوي قوس للفصل بين المنطقتين ( منطقة الحمام والدريس ومنطقة الغرفة )

من ناحية ثانية سكرنا الشباك اللي في الكسرة بالطابوق عشان نحط مكانه السرير وعشان نحافظ على المنظر من الخارج ممكن نخلي مكان الشباك اللي سكرناه شباك وهمي من الخارج على الطوفة فقط .

أرجو أن يكون المقترح مناسب وبالتوفيق إن شاء الله

[khaldoon]

اقتراح ممتاز و رائع فعلا يا كابتن..... اللهم قد يحتاج شوي تعديل بالابعاد بس الفكرة ذكية

[روح الاطلس]

تم تعديل الصورة :)

مشكور ماقصرت بس اختفت الصورة :(

[روح الاطلس]

السلام عليكم ورحمة الله ..

اولاً : يجب استشارة مصمم الخرائط شخصياً او مهندس معماري متخصص
ثانياً : هل موضع الحمام الحالي على واجهة المنزل ..؟

لا ليس على الواجهه
الواجهه هي الجزء السداسي المضلع هي الواجهه
ثالثاً : ماذا يوجد اسفل هذه الغرفة .. ؟

اسفلها نفسها بالضبط صالة وحمام بنفس القياسات طبعا لكن بنلغي الحمام بنخليها فقط صالة
رابعاً : تأكد أن الحمام في الجهة الشرقية والغرفة في الجهة الغربية

أنا شخصياً لدي ملاحظات على التصميم .. ويرجى قبل التنفيذ التأكد من جميع التفاصيل الدقيقة التي سوف تحتاجونها لبناء المنزل .. لان المصمم يرمي المشاكل على المقاول .. والمقاول غالباً لا يفهم ما يرمي اليه المصمم .. والخسران في النهاية .. صاحب المنزل

أنا طولت الموضوع .. بس كنت حاب أوضح شغله مهمة جداً وكثير ما تكلمت عنها

أهم ما في البناء هو التصميم الصحيح .. فلا توفر 1000 ريال ثم تخسر مليون ريال

أرجوا أن تكون الفكرة واضحة ..



ياليت تذكر ملاحظاتك على التصميم

هالتصميم خذ منا حوالي سنه كاملة تعديل وتغيير وبعد احس يبي تعديلات

انا حطيت فقط الصالة اللي بالدور العلوي واللي انوي اقلبها غرفة نوم وتظل الصالة اللي تحت كافية

[روح الاطلس]

مرحبا أخوي

أنا بحط لك تعديل أنا أشوفه مناسب من وجهة نظري وهو كالتالي

http://im23.gulfup.com/dkyl2.jpg (http://www.gulfup.com/?edryz9)

http://im23.gulfup.com/dkyl2.jpg

التعديلات كانت بإضافة متر للحمام داخل مساحة الغرفة صارت مساحة الحمام
3.5 * 2.5 وصارت مساحة الغرفة 6 * 5 .

وكانت المعالجة انا سحبنا الحائط إلى بداية الغرفة لنقطة موازية للدرج وأنشئنا مساحة كافية
للدريس مقابل الحمام أول ما تدخل الغرفة على يسارك ومع نهاية منطقة الحمام والدريس نسوي قوس للفصل بين المنطقتين ( منطقة الحمام والدريس ومنطقة الغرفة )

من ناحية ثانية سكرنا الشباك اللي في الكسرة بالطابوق عشان نحط مكانه السرير وعشان نحافظ على المنظر من الخارج ممكن نخلي مكان الشباك اللي سكرناه شباك وهمي من الخارج على الطوفة فقط .

أرجو أن يكون المقترح مناسب وبالتوفيق إن شاء الله


يعني الدريس بس بيكون طولة 2.5 !!! احسه بيكون صغير وايد

الفكرة حلوة لكن حجم الدريس بيكون صغير


الشباك اللي سكرته هل يحتاج اسد الطوفة عشان السرير؟؟؟

احس عادي ينحط السرير تحت الشباك مباشرة واكون احتفظت بالشباك لاضافة نور على الغرفة بحكم حجمها الكبير

ولا اشرايك؟

[روح الاطلس]

اقتراح ممتاز و رائع فعلا يا كابتن..... اللهم قد يحتاج شوي تعديل بالابعاد بس الفكرة ذكية

خلدون احتاج لافكارك العبقرية لا تحرمنا منها

[القلم الصريح]

الملاحظ فالغرفة فيها 4 شبابيك

سكري شباكين w1 في الكسره والجنب وخلي w8 الشباكين في الزاوية

او سكري 3 شبابيك وخلي شباك واحد اللي فالكسره w1

واضن انه شباك واحد فالغرفة كافي ، اذا كثرت الشبابيك حرارة الغرفة تزيد والمكيف مايبرد

[نور الحور]

اممممم .. نفس تعديل كابتن بالضبط بس مع تغيير بسيط .. وهو نقلب باب الحمام ويكون على داخل الغرفة والمساحة اللي جنبه (اللي رسمها كابتن للملابس تتسكر ويكون لها باب على الغرفة بعد وتكون غرفة ملابس اميريكية 2 ونص في 2ونص مسكرة من 3 جهات
وباب الغرفة (المدخل) خليه بداية الجدار اليمين

ومو حلو ابدا يكون السرير تحت الدريشة ..
من نواحي صحية وجمالية :)

[القلم الصريح]

اممممم .. نفس تعديل كابتن بالضبط بس مع تغيير بسيط .. وهو نقلب باب الحمام ويكون على داخل الغرفة والمساحة اللي جنبه (اللي رسمها كابتن للملابس تتسكر ويكون لها باب على الغرفة بعد وتكون غرفة ملابس اميريكية 2 ونص في 2ونص مسكرة من 3 جهات
وباب الغرفة (المدخل) خليه بداية الجدار اليمين

ومو حلو ابدا يكون السرير تحت الدريشة ..
من نواحي صحية وجمالية :)




مو من الجمالي ان يكون باب الحمام (الله يعزكم ) داخل فالغرفة مباشره

[شموخ دائم]

,

,


مرحبا

ما شاء الله

كبتن ونور الحور

طلعوا حل ممتاز جدا جدا ومناسب لهذه المشكله لغرفه الملابس والباب
وبالنسبه للسرير ( عاده ) يكون مافي شباك خلفه احسن للديكور ومصممين الديكور يبحثون عن حيطه كامله مافيها شباك ولا مكيف
حتى يبدع فيها ويتفنن
ممكن نستغل الحيطه بعمل ديكورات لخلفيه السرير

ما شاء الله هذا القسم فيه ناس فنانه ومهندسين ومقاولين وعشاق ديكور
ومافي شي يصعب عليهم

وعلى مالك البيت ان يعرف ( مو كل شي نقدر نسويه )
هناك امور تحكم من قوانين ومساحه المكان والامور الفنيه
ولكن نقدر نوصل الى ( احسن ) الموجود

خزانه غرفه الفندق بحدود المترين
ويسكن فيها شخصين
:)


الله يرحم ايامنا القديمه والعزوبيه كان هو سرير وهو خزانه ملابس وهو مكتبه للواجبات وهو ستور لملابس الرياضه
كل شي مقطط فوق السرير
ههههه

,

,

اخوك

شموخ دائم

[نور الحور]

مو من الجمالي ان يكون باب الحمام (الله يعزكم ) داخل فالغرفة مباشره



بالعكس حلو وخاصة لو تم توزيع الحمام بحيث تكون المغسلة في النص وبيعطي اتساع اكبر

[الزلزال]

مالي في التصميم

[معماري قطري]

لو عندك فايل اوتوكاد باسوي لك توزيع أفضل.

بس مبدئياً تعديل كابتن إعتمده .. وتقدر تمد خزانة الحائط إلى آخر الغرفة وتلغي الدريشة اللي في الطرف لأنها تطل على حائط شكل ما يبين لي ومب مستفيد منها.

الحمام 1.5 في 3.5 كافي لمغسلة وبانيو في الطرف الأخير أو شاور، وتكرم كرسي حمام وبديه حتى .. ما ادري ليش تبي تكبره إذا فيه سبب مقنع قوله .. ولو تبي تسوي شيء عملي سو شاور بكامل العرض في الأخير ومدخله من الطرف وخل حوايطه قزاز أو طابوق من تحت وقزاز فوق.

لو البنيان للحين ما استوى وانت في مرحلة التخطيط كل شيء سهل.

عندك عرض حايط الحمام صوب الغرفة 3.7 متر وهذي مسافة كافية تحط فيها أكبر نوع من الأسرة ويكون مجابل الدرايش.

متعجب من الزاوية الحادة تحت اللي يسويها حايط الغرفة المسدسة مع حايط مدخل البيت .. هذي لو للحين ما استوت خلها سيده أحسن وحتى اللي على اليسار خلها سيدة وخل الدرايش الثلاث بطريقة ثانية بارزة شوي وتجيك جلسة تطل منها على ثلاث جهات.

باجهز لك سكتش أوتوكاد وباحطه هنيه بس المقاسات بتكون مب مضبوطه بس شرح للفكره.

[روح الاطلس]

روووووووووووووووووووووووووووعه فكرتج يا نور

عبقرية


ماخطرت ببالي كلش

حلو اخلي باب الحمام داخل الغرفة بكون استفدت من جدار

بس فكرتج فهمت نصها بصراحة الباقي مافهمته شلون بوزع خزاين الدريس؟ شلون اسكرها هل بيكون مدخل الغرفة اول ماتدشين خزاين؟

فكرة اني الغي شبابيك ما فضلتها بصراحة لان الغرفة فوق الصالة اللي تحت والواجهه الخارجية كلها بتتغير ان سكرت الشبابيك او خليتها بس منظر!

احس فكرة نور خطيرة بس ماوصلت لي بشكل كامل للاسف :(

[الســـهم]

هلا اختي روح الاطلس ..

ضفت فكرة يمكن تعجبج ..

والله يوفقكم ويجعله منزل مبارك ..

http://im25.gulfup.com/P7z11.jpg (http://www.gulfup.com/?UE8Gid)

ملاحظة بسيطة :-

ممكن تخلين باب الحمام ( يكرم القارئ ) مكان غرفة الشاور , وبهالحال راح يطلع قياس الحمام تقريبا 2*3.5 متر صافي باعتبار خذنا 50 الى 60 سم لخزانة الملابس , واعتقد الباب راح ينمحي اثره بالحمام وراح يكون رحب وواسع , ممكن تسوين غرفه للشاور وغرفه للمرحاض ومغسلة كبيرة ..

[روح الاطلس]

لو عندك فايل اوتوكاد باسوي لك توزيع أفضل.

بس مبدئياً تعديل كابتن إعتمده .. وتقدر تمد خزانة الحائط إلى آخر الغرفة وتلغي الدريشة اللي في الطرف لأنها تطل على حائط شكل ما يبين لي ومب مستفيد منها.

صح هالدريشه مامنها فايدة بس كانت ضرورية للحصول على الشكل السداسي لواجهة البيت ! والشكل السداسي للصالة تحت

الحمام 1.5 في 3.5 كافي لمغسلة وبانيو في الطرف الأخير أو شاور، وتكرم كرسي حمام وبديه حتى .. ما ادري ليش تبي تكبره إذا فيه سبب مقنع قوله .. ولو تبي تسوي شيء عملي سو شاور بكامل العرض في الأخير ومدخله من الطرف وخل حوايطه قزاز أو طابوق من تحت وقزاز فوق.

السبب اني افضل الحمام يكون رحب واسع 1.5 في 3.5 بيعطيني حمام مستطيييييييييل وضيق جداً


لو البنيان للحين ما استوى وانت في مرحلة التخطيط كل شيء سهل.

البنيان الحين في صب القواعد


عندك عرض حايط الحمام صوب الغرفة 3.7 متر وهذي مسافة كافية تحط فيها أكبر نوع من الأسرة ويكون مجابل الدرايش.

روووووووعه هالفكرة لمكان السرير حبيتها تقريبا هي الطوفة الانسب للسرير بما ان الاخوان نصحوني مايكون السرير تحت دريشة


متعجب من الزاوية الحادة تحت اللي يسويها حايط الغرفة المسدسة مع حايط مدخل البيت .. هذي لو للحين ما استوت خلها سيده أحسن وحتى اللي على اليسار خلها سيدة وخل الدرايش الثلاث بطريقة ثانية بارزة شوي وتجيك جلسة تطل منها على ثلاث جهات.

اتمنى توضح لي هالنقطة اكثر بس الشكل السداسي حابته يكون مثل ماهو اذا خليته سيده اخترب الديزان للبيت

تصميم البيت بيكون مدخل البيت في النص وعلى اليمين انحاء الجدران بشكل نص دائره (قوس) وعلى اليسار سداسي

بحاول اصور وارفع الخريطة كامله اذا ماوضحت فكرة التصميم




باجهز لك سكتش أوتوكاد وباحطه هنيه بس المقاسات بتكون مب مضبوطه بس شرح للفكره.



ياريت اخوي وجزاك الله خير اتابع مواضيعك وتعجبني افكارك وايد مبدع

[روح الاطلس]

,

,


مرحبا

ما شاء الله

كبتن ونور الحور

طلعوا حل ممتاز جدا جدا ومناسب لهذه المشكله لغرفه الملابس والباب
وبالنسبه للسرير ( عاده ) يكون مافي شباك خلفه احسن للديكور ومصممين الديكور يبحثون عن حيطه كامله مافيها شباك ولا مكيف
حتى يبدع فيها ويتفنن
ممكن نستغل الحيطه بعمل ديكورات لخلفيه السرير

ما شاء الله هذا القسم فيه ناس فنانه ومهندسين ومقاولين وعشاق ديكور
ومافي شي يصعب عليهم

وعلى مالك البيت ان يعرف ( مو كل شي نقدر نسويه )
هناك امور تحكم من قوانين ومساحه المكان والامور الفنيه
ولكن نقدر نوصل الى ( احسن ) الموجود

خزانه غرفه الفندق بحدود المترين
ويسكن فيها شخصين
:)


الله يرحم ايامنا القديمه والعزوبيه كان هو سرير وهو خزانه ملابس وهو مكتبه للواجبات وهو ستور لملابس الرياضه
كل شي مقطط فوق السرير
ههههه

,

,

اخوك

شموخ دائم





هههه اي والله صدقت


فنانين المنتدى لا غنى لنا عنهم

بتواصل معاكم لين نشوف حل لهالغرفة اللي دوختني :(

[روح الاطلس]

هلا اختي روح الاطلس ..

ضفت فكرة يمكن تعجبج ..

والله يوفقكم ويجعله منزل مبارك ..

http://im25.gulfup.com/p7z11.jpg (http://www.gulfup.com/?ue8gid)




مدري اشفيها الصورة ماطلعت لي :(

[نور الحور]

روووووووووووووووووووووووووووعه فكرتج يا نور

عبقرية


ماخطرت ببالي كلش

حلو اخلي باب الحمام داخل الغرفة بكون استفدت من جدار

بس فكرتج فهمت نصها بصراحة الباقي مافهمته شلون بوزع خزاين الدريس؟ شلون اسكرها هل بيكون مدخل الغرفة اول ماتدشين خزاين؟

فكرة اني الغي شبابيك ما فضلتها بصراحة لان الغرفة فوق الصالة اللي تحت والواجهه الخارجية كلها بتتغير ان سكرت الشبابيك او خليتها بس منظر!

احس فكرة نور خطيرة بس ماوصلت لي بشكل كامل للاسف :(



ههههه تدرين عاد اشتطيت اللحين بزيادة :shy:

شفتي باب الغرفة (المدخل) اللي ارسمه كابتن.. تلغينه ..وبجذي بتكون هالمساحة كلها جدران من 3 جهات وباب غرفة الملابس بيكون جنب باب الحمام اللي قلنا بنخليه على داخل الغرفة ..يعني بتصير لج غرفة كبتات بنظام أمريكي يدخل الواحد فيها ..
بيتم لنا شي واحد اللي هو باب الغرفة اللي بتدخلين منه(المدخل) ..حطيه في الجدار اليمين ..

ياريت أقدر أرسم لج على المخطط لو أعرف :(

[نور الحور]

بالنسبة للدريشة عادي سديها ومن برا حطي قزاز عليها شكل بس ....

[captin]

ما شاء الله صار عصف ذهني والكل أدلى بدلوه وصارت الافكار ممتازة الحين للتنفيذ

هذا تصور ثاني لو حبيت تستفيد أكثر من منطقة إضافية للدريس
انا شخصيا أفضل ما يكون باب الحمام مفتوح على الغرفة مباشرة لذلك خليته مثل ما هو
لكن خليت مدخل الغرفة من الطوفة الثانية للغرفة وصار عندنا مساحة كاملة للدريس
يعني نقدر نسوي الدريس على ثلاث حوائط .

بالنسبة للشبابيك لازلت أفضل نسكر الوسطية منهم ونخلي راس السرير مكانها ونسكر اللي على الجنب أيضا بصير معانا في هالحالة شباكين اللي في الكسرات وهم كفاية للتهوية واالإضاءة .

وإن شاء الله تستفيد من باقي الآراء

http://im25.gulfup.com/ylaE1.jpg (http://www.gulfup.com/?1Cm58I)

[روح الاطلس]

هلا اختي روح الاطلس ..

ضفت فكرة يمكن تعجبج ..

والله يوفقكم ويجعله منزل مبارك ..

http://im25.gulfup.com/p7z11.jpg (http://www.gulfup.com/?ue8gid)

ملاحظة بسيطة :-

ممكن تخلين باب الحمام ( يكرم القارئ ) مكان غرفة الشاور , وبهالحال راح يطلع قياس الحمام تقريبا 2*3.5 متر صافي باعتبار خذنا 50 الى 60 سم لخزانة الملابس , واعتقد الباب راح ينمحي اثره بالحمام وراح يكون رحب وواسع , ممكن تسوين غرفه للشاور وغرفه للمرحاض ومغسلة كبيرة ..



دشيت من الايفون طلعت الصورة الظاهر اللاب توب فيه مشكلة

عجبتني فكرة الشاور بوكس او التعديل ويكون المدخل لداخل بس ماحبيت فكرة اني افصل الدريس جزء هني وجزء عند مدخل الغرفه


انا بخاطري نفس فكرة حور تكون ثلاث جدران كلها دريس بحيث اقدر اقسمها براحتي وفيه مشكلة ماذكرتها بخصوص اقتراح حور الحين بوضحه :(

[روح الاطلس]

ههههه تدرين عاد اشتطيت اللحين بزيادة :shy:

شفتي باب الغرفة (المدخل) اللي ارسمه كابتن.. تلغينه ..وبجذي بتكون هالمساحة كلها جدران من 3 جهات وباب غرفة الملابس بيكون جنب باب الحمام اللي قلنا بنخليه على داخل الغرفة ..يعني بتصير لج غرفة كبتات بنظام أمريكي يدخل الواحد فيها ..
بيتم لنا شي واحد اللي هو باب الغرفة اللي بتدخلين منه(المدخل) ..حطيه في الجدار اليمين ..

ياريت أقدر أرسم لج على المخطط لو أعرف :(

فكرتج لاستغلال المساحة عبقرية وايد اذهلتني

بس فيه مشكلة ماذكرتها لكم للاسف وهي اللي بتكنسل الفكرة كلها :(


على اليمين اللي تبينه يكون مدخل الغرفة بيكون موجود صالة داخلية لملحق داخلي في البيت يعني على اليمين لا يمكن يكون باب الغرفة :(

انا صورت من العجلة الصالة التحتيه والمفروض كنت اصور الصالة اللي فوق اللي هي محور العملية الجراحية :(


ولا الفكرة وااااااااااااااااااايد هي اللي ابيها بالضبط تكون غرفه الدريس ثلاثية الجدران لاستغلال المساحة

[روح الاطلس]

ما شاء الله صار عصف ذهني والكل أدلى بدلوه وصارت الافكار ممتازة الحين للتنفيذ

هذا تصور ثاني لو حبيت تستفيد أكثر من منطقة إضافية للدريس
انا شخصيا أفضل ما يكون باب الحمام مفتوح على الغرفة مباشرة لذلك خليته مثل ما هو
لكن خليت مدخل الغرفة من الطوفة الثانية للغرفة وصار عندنا مساحة كاملة للدريس
يعني نقدر نسوي الدريس على ثلاث حوائط .

بالنسبة للشبابيك لازلت أفضل نسكر الوسطية منهم ونخلي راس السرير مكانها ونسكر اللي على الجنب أيضا بصير معانا في هالحالة شباكين اللي في الكسرات وهم كفاية للتهوية واالإضاءة .

وإن شاء الله تستفيد من باقي الآراء

http://im25.gulfup.com/ylae1.jpg (http://www.gulfup.com/?1cm58i)


هههه اي لازم يكون عصف ذهني وماشاء الله مبدعين بالافكار وانت اول من اعطى الفكرة وتم البناء عليها وكنت مقتنعه فيها اول ماشفتها بس لقيت ان الدريس بيكون وايد صغير لازم نلقى له حل


اشرايك بفكرة معماري للسرير يكون السرير على طوفة الحمام

[روح الاطلس]

طيب اشرايكم في فكرة نقل الحمام بكبره وتتغير موقعه ؟؟؟؟؟؟ بيطلع معنا شي اذا فكرنا بنقل مكانه ؟

[نور الحور]

انزين روح عندي لج فكرة شاطحة شوي ..

نرد لفكرة كابتن الأولى ..
نخلي الحمام نفس ماهو ومدخل الغرفة نفس ماهو ..
نجي لنص الغرفة ونسوي جدار مستعار لكن ما يسكر الغرفة كلها من اليمين لليسار ..لا بس في النص ويكون من الجانبين مفتوح ..
هالجدار بنحط عليه السرير وخلفه بتكون كبتات وبعد على الدريشة اللي بتتسكر كبتات .. يعني بيكون لج صفين متوازيين ..
ان شاء الله الفكرة واضحة ؟؟

[معماري قطري]

هذا مقترح على السريع .. والدريشة اللي صوب التسريحة سكرها ولو تقدر سو الحايط زاوية قائمة بتستفيد أكثر تقدر تخلي التسريحة مقابلة الحمام وتسوي المدخل الثاني قوس .. وبتصفي على كبت طوله 6 متر كافي ووافي.

على هالوضع الكبت 5.7 متر والحمام عرضه 1.5 شكل ما كان والدرايش في مكانها بس ما وضحتها .

http://im16.gulfup.com/9ebK1.bmp (http://www.gulfup.com/?F4HJfC)

[معماري قطري]

تخلي التلفزيون ممكن ينلف للجهتين جهة القعدة أو السرير وسامحوني على كبر الصورة .. والسرير ثراه أكبر نوع كنغ سايز باب الغرفه متر وباب الحمام 80 سم وممكن تخليه 90 لو تبي وعرض الكبت 70 سم من الخزاين الجاهزة الأمريكية

[روح الاطلس]

حلو يانور بس وين احط هالجدار المستعار؟؟؟

[روح الاطلس]

معماري يعطيك العلفيه عجبني توزيع الاقاث بس معناها ماتبي اغير ولا شي في الغرفه صح ؟ نفس التصميم اتم عليه؟؟؟

انا بخاطري فكرة نور غرفه ثلاثه للدريس بس شلوووون انفذها كل الافكار ممتازه بس ماوصلت للي ابيه

[نور الحور]

روح .. الجدار المستعار حطيه نفس ما المكان اللي حط فيه معماري التلفزيون بس يكون في النص ومن الجهة اليمين واليسار مفتوح بيكون هو راس السرير .. ومن ورا الجدار تجي الكبتات
بحاول ارسم لج وبنزل لج الفكرة

[معماري قطري]

معليش سويت مقترحين بشرط عمل الحائط اللي جنب حايط البيت عمودي.

مقترح بغرفة ملابس Walk-in-closet نظام أمريكي اللي يمشي فيه الواحد بس بتبقى لنا في هالمقترح دريشتين .. وممكن تكون وحده ثالثه صغيره في غرفة الملابس .. أطوال الكبتات هنيه توصل 9 متر، والغرفه ملمومه والتسريحه بعيده عن مكان السرير.

النظام الثاني خزانة حايط طويله 6 أمتار وتسريحة والغرفة مفتوحة والتعديل الوحيد بيكون في الدريشة اللي في زاوية البيت الداخلية.

http://im23.gulfup.com/YCdO1.bmp (http://www.gulfup.com/?yVGPcK)

[نور الحور]

معماري أول تصميم من اليمين روعة مبدع بصراحة :victory:


أخت روح
شوفي هالصورة ولا تضحكين على الرسم بليز :secret:


http://up.arabseyes.com/uploads/24_12_1213563504321.jpg (http://up.arabseyes.com/)

[معماري قطري]

معماري أول تصميم من اليمين روعة مبدع بصراحة :victory:


أخت روح
شوفي هالصورة ولا تضحكين على الرسم بليز :secret:


http://up.arabseyes.com/uploads/24_12_1213563504321.jpg (http://up.arabseyes.com/)

مشكوره مهندسه نور انا كنت أتسابق وياج باسوي إقتراحج وزين خلصته شكله أحسن إقتراح والبارتشن خشب أو رخام أو جبس 5 سم وأقواس على حسب ما تبون.

http://im19.gulfup.com/eI9b1.bmp (http://www.gulfup.com/?Pu9ruc)

[معماري قطري]

والدرايش ممكن يبقون بالكامل على حالهم والشكل السداسي باسوي له الحين توزيعه مثل ذي.

[معماري قطري]

هذا التعديل يحتوي على أقل تعديل ممكن وأكبر حجم للخزاين.

http://im26.gulfup.com/joUr1.bmp (http://www.gulfup.com/?4f0FHg)

[روح الاطلس]

معماري ونور ماقصرتوا وكل الشباب تعبتكم وايد معاي

فكرة نور كلش ماتخطر ع البال يبي لها جرإة اني انفذها

فكرة معماري ممتاااازه وايد. وشكلي بستقر عليها اخر سكتش

من شوي كنت اعصر مخي بناءا على افكاركم وطلعت بفكره ابي رايكم فيها اذا تصلح او لا بس طبعا المساحات مهمه ماعرفت اوزعها قلت بنزلها لكم
بنشوف اذا تمشي او برجع على اقتراح معماري


http://i.imgur.com/oOptq.jpg



http://i.imgur.com/ZQWDy.jpg

[روح الاطلس]

طبعا الغرفه ظ¦*ظ¦


بالغلط مكتوب ظ¥*ظ¦

[روح الاطلس]

الغرفه 6 في 6 وليس 5 في 6


الحمام قلت بدال ماهو 3 ونص عرض

اصغره الى 3 او 2 ونص وامده طولياً الى 3

عشان اعطي مساحة للدريس


بس التوزيع بناءاً على المساحة هل يمشي ؟؟؟ في هالحال باخذ برايكم واكنسل الدريشه اللي على اليسار لان الحمام بيدخل عليها بالطول

[معماري قطري]

[SIZE="6"][COLOR="Purple"]آخر ما عندي خلاص مخي شوط

أرشح النموذج اليسار .. بعد الدخول يجي القوس ووراه ثلاجة صغيرة فوقها عدة للشاي والقهوة مثل الفنادق ومدخل بعدين يمين بقوس وبارتشن ممكن يكون خشب منجد بقماش وإسفنج .. يمتص الصوت ويعطي شكل وهدوء .. وممر 80 سم بين كبتات تفصيل بطول يقارب 10 متر وينتهي بمدخل على مكان السرير.

الدرايش تبقى على ما هي عليه والحمام بس تتعدل توزيعته شكل الرسم .. اللي في الزاوية سويتها زاوية قائمة وممكن اللي تحت تستوي مثلها بسهولة.


http://im16.gulfup.com/xTkI1.bmp (http://www.gulfup.com/?fUlzH9)

[روح الاطلس]

هههه الله يعطيك العافيه معماري


من قلب حتى انا مخي ضرب من كثر ماحوس لي ثلاث ايام

تصميمك الاخير ع اليسار عملي اكثر ومرتب بس الحمام ابيه اكبر شوي

[معماري قطري]

هههه الله يعطيك العافيه معماري


من قلب حتى انا مخي ضرب من كثر ماحوس لي ثلاث ايام

تصميمك الاخير ع اليسار عملي اكثر ومرتب بس الحمام ابيه اكبر شوي

شالسبب تبينه أكبر؟ إذا لج حاجة حق قطعة إضافية يصير .. لأن المساحة عندج محدودة وحق 4 قطع الحمام كافي بالراحة.. لو كبرتي نص متر ولا 30 سم وإستوى عرضه 180 سم بيكون كافي حق جكوزي حتى .. والطول 3.5 متر مب مضيق في شيء بالعكس مرتب مدخل الغرفة.

[معماري قطري]

هذا مع تكبير الحمام 30 سم.

http://im18.gulfup.com/YyDd1.bmp (http://www.gulfup.com/?Ujf0GM)

[نور الحور]

أخيراً ..صرت مهندسة .. وبشهادة معماري :nice:

ههههه روح ..كيفج عاد انتي ربطتي صبعج وكل نعت لج دوا ....
صراحة مقترحات معماري ولا اروع .طبي وتخيري

[معماري قطري]

أخيراً ..صرت مهندسة .. وبشهادة معماري :nice:

ههههه روح ..كيفج عاد انتي ربطتي صبعج وكل نعت لج دوا ....
صراحة مقترحات معماري ولا اروع .طبي وتخيري

لتنسين إنتي اللي ذكرتيني بفكرة البارتشن وانتي ما شاء الله ذوقج الهندسي عالي .. انا كنت أسمعج وأطبق.

بس صدقيني في النهاية روح الأطلسي بتقط كل ذيه في الأطلسي وبتسوي شيء ثاني كلش بتشوفين هي سئلت وتورطت.

[معماري قطري]

هذي عاد آخر آخر الممكن لو وسعنا تكرمين الحمام خليناه 2 في 3.5 .. بنقدر
نحط جكوزي وشاور بخار مسكر بزجاج لا بيكون مخرب منظر المكان ولا يتناثر الماي.

http://im19.gulfup.com/qh331.bmp (http://www.gulfup.com/?twcdk6)

[نور الحور]

لتنسين إنتي اللي ذكرتيني بفكرة البارتشن وانتي ما شاء الله ذوقج الهندسي عالي .. انا كنت أسمعج وأطبق.

بس صدقيني في النهاية روح الأطلسي بتقط كل ذيه في الأطلسي وبتسوي شيء ثاني كلش بتشوفين هي سئلت وتورطت.



شهادة أعتز فيها :shy:
بس ما شاء الله عليك أبدعت بالأفكار صراحة :victory:

[روح الاطلس]

ههههههه معماري حرام عليك والله استفدت من اقتراحاتكم وايد مب قاطتها في الاطلسي هههه

بخصوص الحمام انا احب يكون رحب واسع مب عشان القطع الاساسية

عشان اقدر اصمم فيه ديكور احب اضيف اكسسورات في الحمام وارفف للمواد اللي استخدمها افكر اخلي الارفف حفر بالطوفة اشرايك بالفكرة؟


تصميم الغرفه ولو اني تورطت فيها من قلب وما اخفي عليكم مب مقتنعه وايد بشكلها احس ترتيبها كان ورطة من قلب

بس اخر شي رسيت على تصميمك معماري مع الشكر للبش مهندسة نور


اني اخلي التسريحة هي عند المدخل واخلي الكبتات خلف البارتشن


بس كيف يكون شكل البارتشن؟ هل خشب ملبس اسفنج؟ ولا حديد مشغول مثل الدرابزين ؟

[القلم الصريح]

عندي اقتراح وفكره للغرفة النوم بتعديل تصميم اخوي معماري قطر

http://im19.gulfup.com/jtIm1.bmp (http://www.gulfup.com/?M6SdKW)


يكون السرير على جهة اليسار من غرفة النوم ومقابله خزانه على طول الطوفه وتكون فتحه داخل الخزانه مخصصة للتلفزيون وتكون التسريحه في ظهر طوفة الحمام الله يعزج والكراسي تكون صوب كسرة الشبابيك
والحمام الله يعزج زيدية نص متر تصير مساحته 2*3.5
ومساحة الغرفة 5.5 *6

جذي تكون عندج الغرفة واسعه وكبيره من غير تضيقينها بأي بارتشن فيها

[معماري قطري]

ههههههه معماري حرام عليك والله استفدت من اقتراحاتكم وايد مب قاطتها في الاطلسي هههه

ما عليج كانت دعابة وأكيد في النهاية بتسوين شيء مقتنعه به.

بخصوص الحمام انا احب يكون رحب واسع مب عشان القطع الاساسية

عشان اقدر اصمم فيه ديكور احب اضيف اكسسورات في الحمام وارفف للمواد اللي استخدمها افكر اخلي الارفف حفر بالطوفة اشرايك بالفكرة؟

هذي فكرة انا بديت أطبقها وحفرة 10 سم كافية للصابون والشامبو والخشاوير الثانية وتوزعينها حسب الأماكن اللي تبينها .. وتقدرين تحطين فيها إضاءَة خافتة وألوان لو حبيتي .. انا سويت مثلها في موضوع بناء حوض سباحة داخلي تقدرين تشوفين كيف استوت بسهولة.


تصميم الغرفه ولو اني تورطت فيها من قلب وما اخفي عليكم مب مقتنعه وايد بشكلها احس ترتيبها كان ورطة من قلب

بس اخر شي رسيت على تصميمك معماري مع الشكر للبش مهندسة نور

انا أحس التصميم الأخير بيكون مريح .. بتكونين وسعتي الحمام شوي وتقدرين تضيفين كل القطع اللي تبينها، ولو خلاص قررتي باسوي لج واجهات الحمام الداخلية .. بس مهم تاخذين للحمام قطع وسيراميك يناسبه.

إنتي بتكونين وازنتي بين مرافق الغرفة وخليتي مساحة زينه كبيرة للتخزين وحافظتي على الدرايش بسهولة تفتحينها وعندج جلسه وكل شيء تحدد مكانه حتى اللي يسمونه ميني بار أو بوفيه صغير عندج بعد.


اني اخلي التسريحة هي عند المدخل واخلي الكبتات خلف البارتشن


بس كيف يكون شكل البارتشن؟ هل خشب ملبس اسفنج؟ ولا حديد مشغول مثل الدرابزين ؟



أحلى وأرخص لو يكون بورد خشب ملبس قماش ومطرز .. شوفي اللي يسوون الستاير يقدرون يسونه بسهولة .. بعدين بيكون عندج ظهر حق السرير بعد من نفس المادة .. وطبعاً بين الخشب والقماش إسفنج يعطيه فخامة ويخليه منتفخ شوي.

الله يعينج تنسيق هالأشياء مب سهل، وإن شاء الله تتوفقين في ناس زينين يسونها.

[معماري قطري]

عندي اقتراح وفكره للغرفة النوم بتعديل تصميم اخوي معماري قطر

http://im19.gulfup.com/jtim1.bmp (http://www.gulfup.com/?m6sdkw)


يكون السرير على جهة اليسار من غرفة النوم ومقابله خزانه على طول الطوفه وتكون فتحه داخل الخزانه مخصصة للتلفزيون وتكون التسريحه في ظهر طوفة الحمام الله يعزج والكراسي تكون صوب كسرة الشبابيك
والحمام الله يعزج زيدية نص متر تصير مساحته 2*3.5
ومساحة الغرفة 5.5 *6

جذي تكون عندج الغرفة واسعه وكبيره من غير تضيقينها بأي بارتشن فيها
بس هشكل حطيت قطع جدام الدرايش وانت تقدر تخليها بدون أي عوائق وبسهولة تفتحها وتسكرها.

[@north_star@]

http://www.majaless.com/up/get-12-2012-rikwazt2.jpg (http://www.majaless.com/up)

[معماري قطري]

^^

حلاة الحمام مهوى وتدخله الشمس

[روح الاطلس]

صح حلوه فكره نورث

فكرت في شي قريب منها

بس الحمام بيصير مخنوق ماله متفذ تهويه!
مع ان التصميم مرتب وايد

[روح الاطلس]

اوووه فكرة نورث الهمتني بفكره ثانيه


معماري اشرايك

نفس تصميم نورث بس نعكس نخلي الحمام مكانه وبابه اقصى اليسار داخل الغرفه والخزاين ادخل لها من مدخل في الحمام !
يعني نفس تصميم نورث بس الحمام مكانه والخزاين على يمين الحمام مع عتبه مرتفعه عشان الماي مايدش لغرفه الخزاين

[روح الاطلس]

كل مااحد نزل لي فكره ترددت وزادت الحيره عندي ههه

[معماري قطري]

بالنسبه حق إنج تسوين الحمام في الطرف وغرفة الملابس مجابلته بتطلع مساحة الحمام صغيره وايد .. وغرفة الملابس صغيره .. وشكلج مب مقتنعه من فكرة البارتشن .. وتبين تسوين الحمام مترين ونص .. وهو بيكون وسيع بدون فايدة .. في رايي 2.2 وبطريقة التوزيعه ذي أوكي .. وإذا بتلغين الشاور وبتكتفين ببانيو بتكون عندج مساحة زينه بعد.

شوفي هالإقتراح بعرض الحمام 2.5 متر.

http://im17.gulfup.com/ht3Z1.bmp (http://www.gulfup.com/?VPucP9)

[الدمعه]

ما شاء الله صار عصف ذهني والكل أدلى بدلوه وصارت الافكار ممتازة الحين للتنفيذ

هذا تصور ثاني لو حبيت تستفيد أكثر من منطقة إضافية للدريس
انا شخصيا أفضل ما يكون باب الحمام مفتوح على الغرفة مباشرة لذلك خليته مثل ما هو
لكن خليت مدخل الغرفة من الطوفة الثانية للغرفة وصار عندنا مساحة كاملة للدريس
يعني نقدر نسوي الدريس على ثلاث حوائط .

بالنسبة للشبابيك لازلت أفضل نسكر الوسطية منهم ونخلي راس السرير مكانها ونسكر اللي على الجنب أيضا بصير معانا في هالحالة شباكين اللي في الكسرات وهم كفاية للتهوية واالإضاءة .

وإن شاء الله تستفيد من باقي الآراء

http://im25.gulfup.com/ylaE1.jpg (http://www.gulfup.com/?1Cm58I)




لو غرفتي بسويها جيه. اضبط. لأني احب أفر الغرفة فر هههههههه.

والسرير يكون مقابل الباب مع ظهر بسيط عشان لو مليت منه أغيره بسرعه :victory:

والدريشة اللي على اليسار سكريها واكتفي ب3 الدرايش اللي عالواجهة ،، أو صغريها شوي و سويها روشنه ..

[روح الاطلس]

امممممم شلون اصغرها واسويها روشنه"؟ مافهمت الروشنه شنو قصدج بلكونه؟

[روح الاطلس]

معماري

هو فكرة البارتشن بصراحة ماقتنعت فيها وايد لكن حاولت اقنع نفسي فيها لما شفت مافي حل غيره :) لكن بالتاكيد اني اخلي الدواليب في مكان لوحدهم مايضايق في النظر اكيد افضل


الحمام فقط بكتفي بثلاث قطع ( المغسله و الافرنجي ومكان للشاور بس ) مع الارفف الحفر بالطوفة ( اهني ابي تفيدني متى اطلب منهم يسوون الحفر؟ ) هل بعد الطابوق ماينحط؟ ولا قبل ماينحط الطابوق عقب يحفرونه" ؟ في اي مرحلة اطلب الحفر لاني حابه انفذها مب بس بالحمامات وفي اماكن ثانيه بالبيت.


بخصوص اخر مقترح من نورث ستار وفكرة اني اخلي الخزاين مقابله للحمام صح المساحة بتحكم بجرب الحين ارسمها واوزع المساحة واشوف

طبعا عرض الغرفة بس سته متر ونشيل متر لباب الغرفة يبقىى عندي بس 5 متر لازم اوزعها بين حمام وغرفه الدريس :(

[روح الاطلس]

طلع معاي جذي

http://i.imgur.com/TwUeZ.jpg

[@north_star@]

حلو فكرتج بس لو تكبري الحمام شوي يعني على الاقل 2.5 بدال ماهو 2.2

[معماري قطري]

إذا بتكتفين ب3 قطع عيل الوضع بيكون سهل جداً .. انا عندي حمام في بيتي 2 في 2 وب3 قطع وبعد يبين وسيع .. باحط رسمه عن طريقة توزيعه هنيه مع اني حطيتها في الموضوع المثبت عن تصميم الحمامات والمطابخ.

وهذا مخطط للحمام اللي سويته ولاحظوا إن الحايط الخارجي عريض فيه عازل وطابوق دبل والدريشة كبيرة عرض 80 سم ومرتفعه .. واستوت قاعدتها رف كبير وكنت أقدر أسوي قزاز حول الشاور عن تناثر الماي بس ما سويت .. والمساحة الداخلية بالضبط 2 في 2 متر.

عن الكسرات ممكن تستوي بعد صف الطابوق وقبل التبليط .. بحيث ينقص الطابوق بالمنشار الكهربائي ويتكسر من داخل بعمق حول 10 سم وينعمل بلاستر وينحط عليه سيراميك.

http://im19.gulfup.com/llYe1.bmp (http://www.gulfup.com/?HW8kLv)

[معماري قطري]

حل تقليدي لمشكلة توزيع الغرفة بس يعتمد إذا ممكن فتح باب على الجهة هذي .. حتى الحمام ممكن تصغيره لين 2.6 متر ونكسب 20 سم في مساحة الخزاين اللي على هالوضع طولها 3.3 متر .. وبعرض 70 سم وهو مقاس الخزائن الأمريكية .. بس من واقع تجربة الحريم ما تكفيهم غرف تخزين كاملة.

http://im23.gulfup.com/o4nJ1.bmp (http://www.gulfup.com/?6wGlTH)

[نور الحور]

روح التصميم الأخير اشوفه أنسب شي ..

معماري .. ترى مشكلة روح هي في هالباب ..تقول ما تقدر لأنها بتكون غرفة جنبها ..وعلى هالأساس غيرنا المقترحات :victory:

[معماري قطري]

روح التصميم الأخير اشوفه أنسب شي ..

معماري .. ترى مشكلة روح هي في هالباب ..تقول ما تقدر لأنها بتكون غرفة جنبها ..وعلى هالأساس غيرنا المقترحات :victory:

حطينا كل نوع من الحلول وانا عجبني حل عمل البارتشن الخشبي بيفصل الغرفة عدل وبيخلي سهولة في الحركة وخصوصية .. حتى لو تبي تركب باب ثاني يفصل منطقة الحمام والتسريحة .. يعني لو حد نايم وحد ينشف شعره ما يوصل صوت وأي أصوات داخل البيت ما توصل للنايم .. غير حافظنا على الدرايش كلها تنفتح بسهولة .. وشكل ما وضحت إذا الحمام 3 قطع بس 2 في 2 كفاية وزود.

أتذكر صديق لي كان يبني بيته واشتغلت في توزيعة حمامه اللي كان 4 في 3 وسويت له كم توزيعه وحطيت كم قطعة وفي النهاية يوم زرت بيته تفاجأت إنه حاط طقم عادي كلش وصغير ومن ثلاث قطع .. قلت عيل ليش مسوي الحمام كبير هشكل بدون فايده حتى مشوار انه يروح من زاويه لزاويه .. :happy:

[روح الاطلس]

صحيح نور المشكله في الباب لان ع اليمين صاله اخرى

برايك معماري حجم الحمام اذا بدون قطع وايد بيكون كافي توزيع المساحة؟


توزيع اثاث الغرفه اللي حطيته لي اخر شي بعتمده عشان اكسب الطوفه اللي ع اليمين لراس السرير لاني افكر اسوي ديزاين مودرن واضاءة داخليه بالطوفه خلف السرير

[khaldoon]

ما انصح باب الغرفة الرئيسي يطل على الصالة مباشرة من اجل الحفاظ على الخصوصية....المدخل الاصلي افضل

[معماري قطري]

صحيح نور المشكله في الباب لان ع اليمين صاله اخرى

برايك معماري حجم الحمام اذا بدون قطع وايد بيكون كافي توزيع المساحة؟


توزيع اثاث الغرفه اللي حطيته لي اخر شي بعتمده عشان اكسب الطوفه اللي ع اليمين لراس السرير لاني افكر اسوي ديزاين مودرن واضاءة داخليه بالطوفه خلف السرير

انا ضعت الحين .. تقولين الباب ما يصير حسب التصميم الأخير وفي نفس الوقت تقولين بتعتمدينه .. إذا تبين تحطين إضاءَة وتسوين حتى فتحات في الطوفة بإنارة مخفية هادية .. تقدرين تسوين ذيه كله ببارتشن خشب أو حتى جبس .. وتقدرين تستفيدين من مكان الباب السابق وتصغرين الحمام حتى يكفي الثلاث قطع وترتبين الغرفة حسب احتياجج .. كل المقترحات اللي انا سويتها بمقاسات رسم فعلية وسهل تنفيذها.

[معماري قطري]

ما انصح باب الغرفة الرئيسي يطل على الصالة مباشرة من اجل الحفاظ على الخصوصية....المدخل الاصلي افضل

صحيح وممكن تحط باب ثاني لخصوصية أكبر لمنطقة التسريحة والحمام.

[khaldoon]

صحيح وممكن تحط باب ثاني لخصوصية أكبر لمنطقة التسريحة والحمام.

متفق معاك:victory:

[نور الحور]

أوبيييييييه .. روح توني انتبه إن التصميم على مخطط بس !
حسبت انج بتعدلين فيه في بيتج الحالي ..
إذا جذي التصميم اللي اقترحتيه واللي يكون للحمام بابين مو مناسب ..فكرت فيها شفت الموضوع مو عملي انج كل ما احتجتي غرفة الملابس بتمرين لازم على الحمام الله يكرمج ..ومو حلوة لحمام صغير هالشكل يكون له بابين ..

لقيت لج حل ممكن ينفع بما أن كل شي للحين على الورق ..

الحل اللي اقترحه لج هو انج تخلين الحمام بالطول ..يعني تفرينه يصير الضلع الطويل صوب القصير والعكس ..والمساحة اللي بتبقى قدامه سويها كبتات كغرفة ملابس ..
بحاول ارسمه وانزله لج

[روح الاطلس]

انا ضعت الحين .. تقولين الباب ما يصير حسب التصميم الأخير وفي نفس الوقت تقولين بتعتمدينه .. إذا تبين تحطين إضاءَة وتسوين حتى فتحات في الطوفة بإنارة مخفية هادية .. تقدرين تسوين ذيه كله ببارتشن خشب أو حتى جبس .. وتقدرين تستفيدين من مكان الباب السابق وتصغرين الحمام حتى يكفي الثلاث قطع وترتبين الغرفة حسب احتياجج .. كل المقترحات اللي انا سويتها بمقاسات رسم فعلية وسهل تنفيذها.

صح معماري ولو رجعت لصورة المخطط اللي حطيته مع المقاسات بتلقى على اليمين مكتوب setting صالة تقاسمني طوفة غرفتي اليمنى

انا قلت بعتمد توزيع الاثاث نفس ماسويته لي

فقط توزيع الاثاث اما باب الغرفة مافي مجال اغير موقعه من الطوفة اللي هي ممتدة من الحمام

الباب لا يمكن انقل مكانه

[روح الاطلس]

أوبيييييييه .. روح توني انتبه إن التصميم على مخطط بس !
حسبت انج بتعدلين فيه في بيتج الحالي ..
إذا جذي التصميم اللي اقترحتيه واللي يكون للحمام بابين مو مناسب ..فكرت فيها شفت الموضوع مو عملي انج كل ما احتجتي غرفة الملابس بتمرين لازم على الحمام الله يكرمج ..ومو حلوة لحمام صغير هالشكل يكون له بابين ..

لقيت لج حل ممكن ينفع بما أن كل شي للحين على الورق ..

الحل اللي اقترحه لج هو انج تخلين الحمام بالطول ..يعني تفرينه يصير الضلع الطويل صوب القصير والعكس ..والمساحة اللي بتبقى قدامه سويها كبتات كغرفة ملابس ..
بحاول ارسمه وانزله لج

اي فديتج لين الحين مخطط

بس تم صب القواعد والبنيان توه ما قام

بخصوص بابين في الحمام وهو صغير صح كلامج بس شاسوي هاي اللي اخر شي توصلت له وحسيته ارتب شكلاً من البارتشن


انزين اذا خليت الحمام طوووولي مثلا طوله خليته 3 متر او 3.5 تخيلي الباقي من مساحة الغرفة شلون بتصير؟؟ خاصة ان الغرفه بس 6*6 اخذي منها طول 3.5 كم بيبقى لمساحة الغرفة ؟ 2.5 بس ولا تنسين فيه دريشة عووووده على اليسار

[روح الاطلس]

ما انصح باب الغرفة الرئيسي يطل على الصالة مباشرة من اجل الحفاظ على الخصوصية....المدخل الاصلي افضل

صحيح

واصلا الصالة الملاصقة لي بتكون لملحق داخلي (ِشقة داخلية) مافي مجال ابداً ينفتح فيها باب

[نور الحور]

روح حبيبتي انتي بس بتاخذين متر ونص تقريبا .. لأن عرض الحمام اللحين 1 و50

شوفي .. ومعليه سامحيني على الرسم :shy:


http://im18.gulfup.com/XftC1.jpg (http://www.gulfup.com/?3f87xV)

[@north_star@]

http://www.majaless.com/up/get-12-2012-ywmz4yte.jpg (http://www.majaless.com/up)

[معماري قطري]

اي فديتج لين الحين مخطط

بس تم صب القواعد والبنيان توه ما قام

بخصوص بابين في الحمام وهو صغير صح كلامج بس شاسوي هاي اللي اخر شي توصلت له وحسيته ارتب شكلاً من البارتشن


انزين اذا خليت الحمام طوووولي مثلا طوله خليته 3 متر او 3.5 تخيلي الباقي من مساحة الغرفة شلون بتصير؟؟ خاصة ان الغرفه بس 6*6 اخذي منها طول 3.5 كم بيبقى لمساحة الغرفة ؟ 2.5 بس ولا تنسين فيه دريشة عووووده على اليسار

المساحة للغرفة 6 في 6 ما تعني إن داخله فيها مساحة الحمام والمدخل .. والغرفة 6 في 6 = 36 متر مربع وهذي مساحة محترمة.

على سبيل المثال انا غرفتي 7 في 5 = 35 متر مربع، وأشوفها كبيرة بما فيه الكفاية بس حظي إن عندي الحمام وغرفة الملابس والتسريحة كلها قسم ثاني .. وإنتي نفس الحال حسب اللي سويناه من إختيارات قبل .. نصيحتي حافظي على المدخل شكل ما هو وخلي مساحة الحمام مثل ما هو 1.5 في 3.0 متر .. قصريه بس نص متر وبيكون كافي للثلاث قطع وزود وبعدين حسب إختيارج أما طريقة البارتشن وغرفة الملابس المفتوحة أو كبت حايط بطول 6 متر .. سعره بيوصل يمكن 11 الف من الخزائن الأمريكية.

وهذي آخر الفتاوي وبمقياس رسم صحيح .. وحتى الحمام تقدرين تسوين الشاور مع جهاز بخار ومسكر كامل بقزاز ومع كرسي للجلوس.

http://im16.gulfup.com/b3Vh1.bmp (http://www.gulfup.com/?XboNXM)

[الدمعه]

صح روح. آخر تصميم لمعماري انسب تصميم وريحي راسج من التفكير والتقلب ،،، بتكون الغرفة مساحتها وافيه وما فيها عك وايد ،،،

والتسريحة عند الباب مكانها عدل وفي مساحة بسيطه قبل الحمام تقدرين تحطين فيها خزاين بسيطه وعملية.

والغرفة تكون فيها خزانه مصممة بتصاميم حديثة تناسب ذوقج واحتياجاتج.

والله يوفقج ومنزل مبارك مقدما

[روح الاطلس]

لحظه لحظه

لحظظظه

نووووووووووووور شنو هالابدااااااااع شنو هالافكاااااااار شنو هالمخ ماشاء الله لا اله الا الله

كل فكرة تطلعينها احلى من الثانية الحين تغير رايي كله ابي فكرتج الاخيرة صج صج هاي هو الحل شلون ماخطر ببالنا

روعه من قلب مشكوووورة


معمااااااااااااري ربي يسلمك ويعافيك انت اكثر واحد تعبت لين شوط مخك هههههه مشكور وايد ومشكور انك لفتت نظري للتفكير في توزيع الاثاث مع التصميم

بس فكرة البارتشن احسها حوسة ويبي لها جرأة على التصميم شي مب تقليدي

اما الكبت الطوووووووويل مب هو اللي ارغب فيه صح بيحافظ لي على المساحة لكن مابيه بهالشكل

انا اللي حابته ان الدواليب ماتبين في الغرفه تكون صادة عشان اخليها مثلا ارفف مفتوحة او معاليق بس بدون بيبان تتسكر تكون فيها تهويه عشان جي ابيها صادة اتحكم في التصميم العملي واللي يناسبني بدون مراعاة للشكل الجمالي :) وبدون تنسيق مع الاثاث

اشرايك في فكرة نور الاخيرة ؟؟ بتكون صادة وبنفس الوقت مب مدخلها من الحمام


لكن المساحة شلون ؟؟

واتوقع ان 6*6 المقصد منها المساحة كلها مع الحمام لاني قريت المساحات جذي برجع انزل صورة المخطط مع المساحات وافتينا بشمهندس معماري *_*

[روح الاطلس]

حhttp://i.imgur.com/oOptq.jpg

[نور الحور]

لحظه لحظه

لحظظظه

نووووووووووووور شنو هالابدااااااااع شنو هالافكاااااااار شنو هالمخ ماشاء الله لا اله الا الله

كل فكرة تطلعينها احلى من الثانية الحين تغير رايي كله ابي فكرتج الاخيرة صج صج هاي هو الحل شلون ماخطر ببالنا

روعه من قلب مشكوووورة


معمااااااااااااري ربي يسلمك ويعافيك انت اكثر واحد تعبت لين شوط مخك هههههه مشكور وايد ومشكور انك لفتت نظري للتفكير في توزيع الاثاث مع التصميم

بس فكرة البارتشن احسها حوسة ويبي لها جرأة على التصميم شي مب تقليدي

اما الكبت الطوووووووويل مب هو اللي ارغب فيه صح بيحافظ لي على المساحة لكن مابيه بهالشكل

انا اللي حابته ان الدواليب ماتبين في الغرفه تكون صادة عشان اخليها مثلا ارفف مفتوحة او معاليق بس بدون بيبان تتسكر تكون فيها تهويه عشان جي ابيها صادة اتحكم في التصميم العملي واللي يناسبني بدون مراعاة للشكل الجمالي :) وبدون تنسيق مع الاثاث

اشرايك في فكرة نور الاخيرة ؟؟ بتكون صادة وبنفس الوقت مب مدخلها من الحمام


لكن المساحة شلون ؟؟

واتوقع ان 6*6 المقصد منها المساحة كلها مع الحمام لاني قريت المساحات جذي برجع انزل صورة المخطط مع المساحات وافتينا بشمهندس معماري *_*






ههههه ..أخجلتيني :shy:

لا لاتخافين هذا مقاس الغرفة بس ..

ومثلج بانتظار راي معماري:)

[معماري قطري]

ههههه ..أخجلتيني :shy:

لا لاتخافين هذا مقاس الغرفة بس ..

ومثلج بانتظار راي معماري:)

والله حاولت أسوي هالمقترح .. يكون الباب في الطرف كلش ويمين تجي غرفة ملابس وبعدها تكرمين الحمام بس طلعت المساحات ضيقة وما تنفع كلش الا يمكن لولد ما يحتاج خزاين كبيرة .. يعني بابين وبس .. لكن إحتديت أزيد في عرض الحمام لين 2.6 متر واستوت عندي كبتات عادية على الجنبين وباب الحمام في الوسط وبعد مب مقتنع كلش من نظام الغرفة بهالطريقة .. بس مشتغل بمحاولة عمل اللي انتوا مفكرين فيه، وتفضلوا الصورة.

http://im24.gulfup.com/wXSo1.bmp (http://www.gulfup.com/?8CMnYl)

رجعت للتصاميم السابقة وألغيت فكرة البارتشن الخشبي وحطيت فكرة بارتشن طابوق وفيه أنواع خفيفة مثل الطيني الأحمر ومثل الأبيض اللي كلش وزنه خفيف .. وممكن يتحفر أو ينعمل الحايط من الجبس أسهل بفتحات للديكور وممكن بقزاز معشق وإناره خلفه وممكن أشياء كثيره .. وعزلت غرفة الملابس كغرفة بروحها بس يلزم تعديل على الدرايش في المنطقة.

http://im23.gulfup.com/TY9L1.bmp (http://www.gulfup.com/?3qSVQY)

[روح الاطلس]

ًااو ماتوقعت يطلع كل هالتصاميم وفي البدايه كنا مقفلين حسيت الموضوع صعب


معماري حبيت تصميمك اخر شي ع اليمين هاي احسه ارتبهم



فكرة نور حلوه بس خفت من المساحات ماتضبط وفعلا لما انت سويتها بالبرنامج ماجات معاك المساحة للاسف

[نور الحور]

زين معماري لو حطينا باب الغرفة بدل اقصى اليمين جنب باب الحمام الله يكرمك بتصير عندنا مساحة حلوة على اليمين نسويها خزانة امريكية لها 3 جدران ..اشرايك ..عملية ولا لا ؟ لأني أشوف روح مايلة أكثر لذاك التصميم وتخاف تغامر وايد ..

[نور الحور]

هذا اللي اقصده .. بس الرسم الله بالخير ..معليه اهم شي الفكرة توصل ..



http://hh7.an3m1.com/Sep/an3m1.com_13566466281.jpg (http://hh7.an3m1.com/)

[معماري قطري]

الباب بيستوي ضيق وايد يعني لو واحد مكرش ما يقدر يدخل بالعرض .. يبي له بس معصقلين .. وكلش الباب على عتبة الدرج ما له حلاه .. بعدين فيه عمود أساسي .. انا ما ادري ليش الحلول اللي انعرضت كلها ما تصلح؟

[روح الاطلس]

معماري اخر تصميم ع اليمين حبيته احس هاي الارتب بس راجعت لي الخزيطه مع المساحات؟ ابي تأكد لي هل مساحة الغرفه 6*6 مع الحمام او بدون؟

[معماري قطري]

معماري اخر تصميم ع اليمين حبيته احس هاي الارتب بس راجعت لي الخزيطه مع المساحات؟ ابي تأكد لي هل مساحة الغرفه 6*6 مع الحمام او بدون؟

هذا واضح من الرسم ما يبي له مراجعة .. وأصلاً ألحين كل شيء مخطط ويتنفذ ممكن حتى الفورمان اللي يشتغل يأكد الأبعاد .. وهي بتكون 6 في 6 ناقصة شوي الكسرتين اللي في الزوايا.

[العرّاف]

انا رايي يكون كذي تقريبا نفس نظام الفنادق


http://homestylerdesign1.autodesk.com/UserDesigns-ec2/Images/93d08553-ca69-4cf7-8c8b-aec1ec8d939b-8-large.jpg?rand=0.30008640687384713

هذي صورة
http://autodesk-dragonfly-ec2.s3.amazonaws.com/UserDesigns-ec2/Images/1df41a34-2915-4b12-b887-517643da79bf-snapshot.jpg


دشي هذا الرابط واضغطي على الصورة الصغيره الي عليها سهم ملتف على نفسة الي تحت الكبيرة وبتشوفين الحجرة بانوراما
http://www.homestyler.com/wordpress//wp-content/images/homestyler/manipulator.png
http://www.homestyler.com/designprofile/11b7f0a2-c3df-4d19-97b5-d2a5bfec624f



بس لو اتكبرين عرض الحمام الى 180 بدل 150 اعتقد بيكون افضل لاني احس انه ضيق

[روح الاطلس]

روووعه البر نامج يالعراف مشكور ماقصرؤت


الحمام ايه اكيد لازم بكبره شوي

[العرّاف]

روووعه البر نامج يالعراف مشكور ماقصرؤت


الحمام ايه اكيد لازم بكبره شوي

:nice: العفو

[نور الحور]

معماري .. ههههه ضحكني ردك .. يعني لزوم الواحد يكون على الدايت 24 ساعة ..

صح أنا لاحظت العمود وبالفعل مكان الباب غير مناسب .. بس السالفة كلها أن احنا نحاول نعطي اكبر قدر من المقترحات لأختنا روح .. وبالفعل المقترحات اللي قدمتها انت وخاصة الأخيرة ممتازة خاصة من ناحية التخزين ..لأن الكبتتات بتكون كثيرة .. وفي نفس الوقت الغرفة فيها خصوصية ..
بس مثلما قلت أختنا روح اربطت صبعها وكل نعت لها دوا ههههه

يالله روح عاد قولي لنا شرسيتي عليه؟ ..أهم شي يكون التصميم مريح بالنسبة لج وراضية عنه مية بالمية :victory:

[معماري قطري]

معماري .. ههههه ضحكني ردك .. يعني لزوم الواحد يكون على الدايت 24 ساعة ..

صح أنا لاحظت العمود وبالفعل مكان الباب غير مناسب .. بس السالفة كلها أن احنا نحاول نعطي اكبر قدر من المقترحات لأختنا روح .. وبالفعل المقترحات اللي قدمتها انت وخاصة الأخيرة ممتازة خاصة من ناحية التخزين ..لأن الكبتتات بتكون كثيرة .. وفي نفس الوقت الغرفة فيها خصوصية ..
بس مثلما قلت أختنا روح اربطت صبعها وكل نعت لها دوا ههههه

يالله روح عاد قولي لنا شرسيتي عليه؟ ..أهم شي يكون التصميم مريح بالنسبة لج وراضية عنه مية بالمية :victory:

ههههههه شكلج حسيتي بإحباطي .. يمكن وصلت المخططات اللي سويتها حق الغرفة 12 مخطط أو أكثر وخلاص ما بقى الا نقسم الغرفة دورين نخلي دور للسرير ودور غرفة ملابس وجلسة وحمام... تستوي ثرى واحد من الإخوان دكتور معماري مسوي غرف بيته كل غرفة طابقين وما شاء الله طالع بيت متميز وغريب.

[نور الحور]

ههههه .. عاد تدري أول مخطط حق بيتنا سوينا الماستر دورين .. فكرة وايد حلوة .. بس بعدين غيرنا وعدلنا وكنسلنا الفكرة ..
الله يعطيك العافية معماري صراحة مساعداتك لنا ولكل الأعضاء من قلب الله لا يحرمك الأجر :)

[معماري قطري]

ههههه .. عاد تدري أول مخطط حق بيتنا سوينا الماستر دورين .. فكرة وايد حلوة .. بس بعدين غيرنا وعدلنا وكنسلنا الفكرة ..
الله يعطيك العافية معماري صراحة مساعداتك لنا ولكل الأعضاء من قلب الله لا يحرمك الأجر :)

هي فكرة بسيطة خصوصاً للأدوار المرتفعة يعني 4.5 متر تنقسم ميزانين فلور .. بس تطلع أحلى على المساحات الصغيرة يعني في حدود 5 في 4 تستوي كل غرفة جناح بجلسة تحت وخدمات ومكان النوم فوق.

الله يعافيج ويسلمج .. بالنسبة لكم ولبيتكم ما شاء الله ما قدرت أضيف شيء كل شيء مرتب عندكم صح الله يوفقكم .. بيطلع إن شاء الله بنيان مميز بس أتمنى تحطون التجربة كاملة لإستفادة الجميع.

[نور الحور]

جزاك الله خير معماري .. شهادة نعتز فيها .. وإن شاء الله نفيد غيرنا بتجربتنا :victory:

[روح الاطلس]

امممممممم

بصراحة عجبتني فكرة الدورين ههههههههه <<< نور ومعماري بيطردونها من المنتدى براااااا



نور بخصوص اش رسيت عليه والله لين الحين عندي متسع من الوقت بما ان المقاول عندنا ميت ومايشتغل الا بالقطارة وبالدز

لكني حفظت الموضوع هاي عندي عشان ارجع له قلت برتاح شوي من التفكير لاني بصراحة تعبت وتعبتكم وياي

بس كل الافكار اللي انطرحت مميزة ماقصرتوا والله

وانتي نور مميزة خسارة ماطلعتي مهندسة ديكور او معماريه *_*

[khaldoon]

ما شاء الله.... للحين الموضوع شغال..... يا حظك يا روح الاطلس...مين قدك