للبيع للكزس 2012

[Rider]

للبيع لكزس 2012 خروج شهر 2
الون لؤلؤي من داخل اف وايت ( بيج ) فول أبشن
الموتر ماشي 16000 الف
للعلم ياخوان انا شاري الموتر من كم شهر عن طريق قطر سيل ومافحصت الموتر بعد ماشريت الموتر قلت خلني افحصه وديته الالماني طلع الموتر فيه صبغ البابين الي على اليمين وجزء من الرفرف الخلفي والصدام الخلفي طبعا قالي الموتر مب مدعوم مجرد انه شكله زالغ هالجنب قلت بعد بتاكد رحت الوكالة وسالت عن الموتر طبعا هو مغير ارقام السيارة سالت برقم الشاصي فعلا طلع الموتر داخل الوكالة وفيه صبغ وقالي الموتر كان فيه زلغ جهت اليمين مصبوغ شغل وكالة يعني الصبغ مايبين فعلا الي زعلني انه الرجال الي خذيت منه الموتر ولد قبائل ويحلف بالله انه الموتر مافيه شي لكن قدر الله وماشاء فعل
والحين انا عارض الموتر للبيع مب بسبب الصبغ لكن محتاج فلوس للبناء لكن حبيت ابين هالشي لانها امانه
انا طالب فالموتر 360 الف مع اني شاريه باكثر من هذا السعر
والله يوفق الجميع

[العربية نت]

بيض الله وجهك يا رايدر على امانتك والله يوفقك بالبيعه الي تطيب خاطرك .. :)

[بن مفتاح]

الله يجزيك خير اخوي على صدقك ..
والله يوفقك بالشراي الصامل ..


موفق باذن الله ..

[المبرمج صلاح]

http://islam.makcdn.com/image3033_500_361/500X361.jpg
بالتوفيق ان شاء الله

[Rider]

ردودكم تاج على راسي

[بني تميم]

الله يوفقك يااخوي

[DR.Hamad]

يعطيك العافيه اخوي ع صراحتك والله يرزقك

واذا الرجال الي باع لك الموتر شريطي ياليت تنبهنا بسمه ولو ترسلي ع الخاص عشان نقاطعه وبيض الله وجهك

[بويعقوب]

مرحبا اخوي

نصيحه للكل ( افحصوا السياره قبل لاتشترون )

الله يوفقك في بيعته

وابشر بالعوض ياخوي

[Rider]

يعطيك العافيه اخوي ع صراحتك والله يرزقك

واذا الرجال الي باع لك الموتر شريطي ياليت تنبهنا بسمه ولو ترسلي ع الخاص عشان نقاطعه وبيض الله وجهك

لا والله ياخوي مب شريطي واحد من كبار القبائل واهل خير ويكذب ويحلف بسم الله وانا خذيت كلام رجال

[Rider]

مرحبا اخوي

نصيحه للكل ( افحصوا السياره قبل لاتشترون )

الله يوفقك في بيعته

وابشر بالعوض ياخوي

تسلم ياخوي انا الحمد الله ياخوي كله اشتري من الوكلة بس مادري شفت السيارة وعجبتني وانا الحمد الله اعرف في موضوع الصبغ والاشياء لكن الرجال الظاهر خذني بالكلام الحلو والمعسول علشان لا انشغال بالسيارة وصار الي صار لكن وين بيروح من الله سبحانه وتعالى

[عاشق ميونخ]

الله يوفقك ع امانتك ويعوضك خير ان شاء الله

[Rider]

الله يوفقك ع امانتك ويعوضك خير ان شاء الله

تسلم يالغالي كلامكم ذهب

[م.قطري]

الله يعوضك خير ياخوي

[Rider]

الله يعوضك خير ياخوي

تسلم يالغالي

[هارودز]

موفق اخوي

[Rider]

موفق اخوي

تسلم ياخوي

[qatar72]

الله يوفقك اخوي

[Rider]

تسلمون على الردود الطيبة

[العربية نت]

سبحان الله العظيم وبحمده ...

بالتوفيق الشيخ ... :)

[علاوي قطر]

فيك الخير ،الله

[Mr-Khalifa]

الله يعطيك العافية على صدقك و صراحتك يالغالي

و هذا اللي باعك الموتر ذمته وسيعه الله يهديه

و من فتره بعت موتر ماشي 1000 كيلو فقط و الشراي طلب ان يفحصه و هذا حقه وهذا هو الصح

و الله يوفقك فالبيعة ياخوي

[الكواري 1972]

السلام عليكم ورحمة الله وبركاته

مالكم غير

حسبي الله ونعم الوكيل

حسبي الله لا اله الا هو عليه توكلت وهو رب العرشى العظيم

ياكثرهم اللي ينصبون والله الواحد الحين مايدري يثق في من

يااااكثر القضايا في المحاكم لا حسيب عليهم ولا مايحزنون

ليله سعيده

[BuFaisal]

الله يوفقك على امانتك ويرزقك بالبيعه الي تطيب خاطرك

[Rider]

تسلمون يالغاليين

[alwahesh]

مرحبا اخوي

نصيحه للكل ( افحصوا السياره قبل لاتشترون )

الله يوفقك في بيعته

وابشر بالعوض ياخوي


وين يالطيب

وين ممكن الواحد يفحص سيارته لان كلهم نصابين

انا شريت سيارتين وفحصت عند الخبراء الالمان والسيارتين فيهم صبغ كامل ويقول لك يمكن الباب او الرفرف ويعطيك اوراق الفحص بدون ما يكتب لك ( تم فحص الصبغ بناء على طلب الزبون) عشان ما تقدر تشتكي عليه

[بويعقوب]

وين يالطيب

وين ممكن الواحد يفحص سيارته لان كلهم نصابين

انا شريت سيارتين وفحصت عند الخبراء الالمان والسيارتين فيهم صبغ كامل ويقول لك يمكن الباب او الرفرف ويعطيك اوراق الفحص بدون ما يكتب لك ( تم فحص الصبغ بناء على طلب الزبون) عشان ما تقدر تشتكي عليه


مرحبا اخوي
الخبراء الالمان عندهم جهاز يقيس سمك الصبغ واذا كان فيه معجون .

في طريقة ثانيه , تروح المرور وتتاكد اذا السياره فيها حوادث من قبل , لان الكراج مايقدر يصلح من غير ورقة المرور

والله يحفظنا واياكم من كل شر