المحافظ ليست ساذجه ...

[majdqatar]

اخواني الاعزاء لا ادري ليش هالرعب اللي احنا فيه وخايفين من نزول السوق انا اقدر شعوركم بانه الثقه اصبحت مفقوده بسبب النزول الحاد اللي كان لكن يا اخوان هناك محافظ قاعده فعلا تلم الاسهم شوي شوي سواء ريان ولا غيره والدليل قبل اسبوعين الملاحه كانت 120 وكيوتل كانت 210 والناقلات كانت 20 وبروه 23 وقطر التامين كانت 110ووقود كان 83 النقل البحري كان 63 الوطني كان 205 الدولي كان 140 وغيرها وشوف الاسعار الحين كيف ارتفعت هذا دليل انه السوق برتفع شوي شوي وهذا هو الصحيح المحافظ عارفه انه السوق راح يرتفع ويتخطى 10000 نقطه خلال شهرين صدقوني المحافظ تعلمت الدرس تماما
ليش الرعب لا تخافوا وكفا تطبيل هنا وهناك وكانه الريان اذا تم فيه عرض وطلب الاسبوع القادم وكانه ستكون نهايه السوق...............
قارنوا الاسعار الماضيه والاسعار الحين ستجدون الفرق وهذا كله ولسه النتائج لم تظهر فما بالكم لو ظهرت ارباح الشركات النصفيه يا جماعه النزول طبيعي والارتفاع طبيعي اطمئنوا سوقنا بخير والمحافظ في السوق بتشتغل صح .

[خسران ومتوهق]

بنظرك هاذا نزول طبيعي اللة يهديك بس المؤشر نازل من ل 13000 الف نقطة وانت تقول عادي وين اصرفها ذي وبعدين اي لم اللي انت اتكلم عنة من شهر 9 وانتو ذابحينا لم ولم كلها مضاربات بحتة على قولة اخونا الاستشاري يوم لمت اب واسبوع لمت داون وهاذا هو الحاصل حاليا واحين بعد بتجيك الاولى اكملت عدل السالفة
انا مش متشائم لا واللة ابدا وابغي السوق يرتفع ويتحسن بس وين ايتحسن وكل يوم تنزل شركة جديدة يعني احين بتجيك الاولى واكتتاب المصرف واكتتاب المخازن وبنك الخليج التجاري اتمنى ان ذي الامور ماتئثر وكل الناس اتعوض خسايرها

[majdqatar]

اخوي العزيز متوهق وخسران للتوضيح فقط انا لم اذكر لين كان السوق 13000 انا ذكرت من قبل اسابيع فقط بدت المحافظ تشتري وبالتحديد قبل اسبوعين ...........



يسلموااااااااا على مرورك اخوي

[مراقب السوق]

السلام عليكم .. وصول المؤشر .. ال 12000 نقطة .. كان له ظروفه

في نهاية توزيع الأرباح للعام الماضي ..


___________

واحنا مازلنا في منتصف الطريق ..


ونعم خلال الأسبوعين الماضين الحمدالله السوق عوض جزء من خسارته ..

وارتفع المؤشر ..


ومن خلال العمليات الضخمه وضخ سيوله عاليه في السوق .. لابد من ان

نواجه عملية تصحيح .. لا محاله منها .. وهذه تساعد على حفظ توازن السوق


واتوقع ان يتم المحافظه .. على مؤشر ال 8000 لفتره معينه ..

وقبل نزول شركة الأسمنت اتوقع ان يصل المؤشر الى 9000 إن شاء الله


هذا والله اعلم

رأي يتحمل الصواب والخطأ

[لمت داون111]

الله يستر

[زمان الصمت]

السوق بخير وكل الدلائل تشير على ان الوضع الحالي والي قاعد يصير حاليا ارتفاع تدريجي بالعقل حتى لاتكون هناك ارتدادات قوية للمؤشر وللأسعار

[majdqatar]

وانشالله راح يكون السوق احسن من اول وخلونا نتابع كل اسبوعين كيف السوق راح يرتفع بالتدريج ان شالله


ويسلمووووووا على مرورك اخوي

[عبــ الرحمن ــد]

السوق بخير وكل الدلائل تشير على ان الوضع الحالي والي قاعد يصير حاليا ارتفاع تدريجي بالعقل حتى لاتكون هناك ارتدادات قوية للمؤشر وللأسعار
:nice: :nice: :nice: :nice: