السفر للندن وفرنساء

[فريسيا]

لو سمحتم شلون اطلع فيزا لفرنسا وابريطانيا احنا اربع اشخاص ومعنا طفلين وابي تنصحونا وين نروح في لندن وفرنسا مع العلم احنا سفرتنا اول لندن وعقب من القطار الى فرنسا وهل دزني مفتوحه في عطله الربيع( فبراير) وشلون الجو

[بونووف]

فيزا فرنسا من السفاره الفرنسيه .. وفيزا بريطانيا من مكتبهم عند اشاراة عبد الغني عمارة الشريف بس لازم تعبين الطلب من على النت ... تقدرين تروحين اي محل سفريات يرتب لج الطلب حق البريطانيه والشنقن...
بخصوص على حسب كم يوم بتقعدين ووين بتقعدين... وديزني لاند مفتوحه في عطلة الربيع والجو بديع

[فريسيا]

شكرا ويعطيك العافيه بنجلس انشاء الله 12 يوم ومادري شلون نقضيها اقصد جم يوم في لندن وجم يوم في ديزني

[بونووف]

باريس 6 ايام لندن 6 ايام تقسمين باريس 4 و ديزني يومين اذا معاكم اطفال افضل السكن في ديزني ...عندنا اخونا شامبري متخصص فرنسا ماشاءالله عنده خلفيه كبيره عن فرنسا

[MHA]

عيل مرو على outlet مول مالهم في قريه مسوينها في منطقه اوكسفورد..و احسن وقت تروحون له يوم الاربعاء

[MHA]

واذا اي استفسارات عن لندن احنا حاضرين بس على الخاص لاني عادي انسى الموضوع هذا

[كايدهم قطر]

لندن من سفارة بريطانيا وطلعي حجز مبدئي عشان يستعجلون الفيزا هههههه


والافضل من الفيزا الفرنسية فيزا المانيا اشنغل لانها تكون اسرع


وبنسبة للاماكن في فرنسا فيها المجمعات وشارع الشانز وفيها مدينة ديزني بس يبي لها يوم كامل :)


واي خدمة حاضرين ونصيحة لاحد يشغل كرت كيوتل وهو مسافر :)

<<==== للحين يدفع متاخرات السفرة

[فريسيا]

ماقصرتم والله يعطيكم العافيه

[الزلزال]

تروحون وترجعون بسلامة

[Chambray]

http://www.qatarshares.com/vb/showthread.php?t=528136

[كونكورد]

لو سمحتم شلون اطلع فيزا لفرنسا وابريطانيا احنا اربع اشخاص ومعنا طفلين وابي تنصحونا وين نروح في لندن وفرنسا مع العلم احنا سفرتنا اول لندن وعقب من القطار الى فرنسا وهل دزني مفتوحه في عطله الربيع( فبراير) وشلون الجو

اختي فريسيا أول شي بالنسبة لبريطانيا قدمي اون لاين حق فيزا بريطانيا واخذي موعد واذا ماتعرفين روحي لاي سفريات بيساعدونج بس عطيهم الجوازات وتفاصيل الفندق في بريطانيا
اماكن كثيرة تقدرين تروحين لها في بريطانيا متحف مدام توسو وهايدبارك وحق العيال وديهم الاكوابراك قريب ساعة البنج بن واذا تحبين الشوبنج روحي بيكاديللي وهارودز وويست فيلد وطبعا اوكسفورد ستريت وحق المطاعم العربية عندج الادجوار رود .
وفيه قرية اسمها بيكستر فيلج هذي الاوت لت ماركات بأسعار أقل تبعد تقريبا 45 دقيقة بالقطار من محطة مارلبون. اذا عيالج صغار واول مرة تروحين لندن ما انصحج ابدا تروحين بالاندر قراوند لأنه خطر .

بالنسبة لفرنسا تقدرين تروحين السفارة الفرنسية صوب الخليج الغربي بس أهم شي ودي معاج حجز فندق وتذكرة وتأمين صحي لفرنسا وبيخلصونه لج نفس اليوم أو اليوم الثاني.
وبالنسبة للأماكن في باريس اكثريتها اماكن اثرية مثل قصر فيرساي ومتحف اللوفر اذا ماتحبين هالاماكن لاتضعين وقتج لأن الطوابير طويلة وتقدرين تروحين شوبنج جالاري لافييه وبرج ايفل وشلرع شانزليزيه وفيه اسواق رخيصة صوب نوتردام وطبعا احلى شي للعيال ديزني لاند روحيه في يومين. ولاتنسين تطبعين حجز الفندق في باريس عشان تعطينه للتاكسي اول ماتوصلون باريس بالقطار وبالنسبة للغة الفرنسية بتحصلين عرب مغاربة وتوانسه في كل مكان.

تحياتي

[كونكورد]

لو سمحتم شلون اطلع فيزا لفرنسا وابريطانيا احنا اربع اشخاص ومعنا طفلين وابي تنصحونا وين نروح في لندن وفرنسا مع العلم احنا سفرتنا اول لندن وعقب من القطار الى فرنسا وهل دزني مفتوحه في عطله الربيع( فبراير) وشلون الجو

نسيت اقولج بالنسبة للجو ترى في هالوقت بررررررررررد حتى شهر فبراير لبسي عيالج جاكيت ولاتنسين القفازات والكبابيس والجوارب
وخل عندكم مظلات وجاكيتات المطر واذا عيالج صغار بتحتاجون للجاري او التروللي (عربة الاطفال)

واذا عندج بلاكبيري كيوتل شغلي خدمة جواز كيوتل أوفر لج ولا تشغلين الواير لس الا في الفندق بيعطونج خدمة مجانية للواي فاي.

نصيحتي لكم حفاظا على سلامتكم لاتعلمون اي حد غريب في لندن او باريس انكم من قطر قولو لهم احنا من عمان :nice: ماتدرون من يكن لنا الكره والحقد

ولا توقفون حق اي حد يقول لكم انه ضايع او يبغي مساعدة لان اكثريتهم نصابين
امشوا وكأنكم ماتسمعونه:thumbup:

حق أي طلعة اخذوا معاكم ماي واكل للعيال لأنكم بتطولون ولاتنسين المنديل المعقم :victory:

واحنا :nice:حاضرين لأاي استفسارات

[فريسيا]

ابي ارخص فنادق وتكون حلوه في لندن وديزني (غرفتين مفتوحين) على بعض وجم سعر تذاكر القطار من لندن الى ديزني وجم ساعه تاخذ المسافه ومعلومات عن القطار وجباتهم وشلون احجز القطار والفندق في لندن وفرنسا وين اروح لانها اول مرة اطلع وهدفنا مو وايد التسوق الهدف نستانس ونشوف الطبيعه واليهال ينبسطون .

[فريسيا]

ماقصرت اخوي كونكورد شكرا على النصايح عيالنا بو خمس وتسع سنين مااعرف وشي الملابس اللي يحتاجونها وكم العدد اذا بنقعد 12 يوم بنقسمهم بين لندن وفرنسا وهل الحجاب ممنوه في فرنسا صج وتغطيه الوجه شلون عادى ولا لا .. لا تبخلون علينا بنصايحكم وجزاكم الله خير .

[فريسيا]

يعطيك العافيه اخوي الزلزال وشكراوالله يسلمك

[فريسيا]

شكراmha وانا مااعرف اشلون اتواصل با الخاص اذا ممكن توضحون اكون شاكرة لكم .

[فريسيا]

يعطيك العافيه Chambrayوماقصرت

[تلفزيون قطر]

هلا اختي روحي وتوكلي على الله ولا تخافين من أي شي والحجاب مب ممنوع وانا قبل ماسافر كنت نفسج اسأل عن كلشي بس يوم رحت هناك والله الأمور سهلة ولا تحتاج كل هذي الأسئلة والله يعطيهم العافية الشباب ماقصروا عطوج كل المعلومات الي ممكن تفيدج في سفرتج ومثل ماقالوا ترى واايد عرب هناك وخليجين ممكن تسألين أي احد فيهم .. والله يحفظكم وتروحون وتردون بالسلامة إن شاء الله




فالج التوفيق




تلفزيون قطر

[العريق]

هلا أختي
بالنسبة للملابس طبعاً شتوية بس لا تكثرون أهم شيء الجاكيتات و القفازات و الكابات
و أذا بغيتوا زيادة اشتروا من هناك كل شي بتحصلونه انتم في لندن و التسوق هناك متعة المتع ههههههههههه

[قطرية مثقفة]

عزيزتي إذا تبين تسوقين إذا ماركات الغالية أخذي من فرنسا ولا تنسين تاخذين اوراق تاكس فري من المحلات ترااااا ضروري تسترجعين فلوس الضرائب من المطار لان تطلع مبالغ خصوصا ان الماركات أسعارها عالية بس الماركات العادية أخذي من لندن ترااااا وااااااايد أفضل @@@ وتحملي في باريس من المهاجرين الأفارقة تراااااا أغلبهم نصابين وينخاف منهم

[مخطط قطري]

فرنساء

[التيما]

يا زين ما اخترتي اختي .. ما قصروا خواتي وإخواني اللي قبل .. اختي كل شئ تقدرين تسوينه من النت اهم شئ يكون معاج ايباد وفي الفندق احجزي تذاكر القطار لديزني لاند في فرنسا بس بتغيرين قطار في باريس وتركبين قطار لديزني .. في باريس عندج متحف اللوفر وشارع الشانز وبرج ايفل .. وربع ساعه بالسيارة لقصر فرساي روووووووعه وفيه حديقه تجنن .. وعندج العباره ممكن تركبونها وتمشيكم في الراين لمده ساعه .. ونصيحة اول يوم اركبوا الباصات السياحية في لندن وفي فرنسا بتحصلينها في كل مكان في لندن عند الهايد بارك وعند قصر باكينجهام .. هالباصات تمشي فيج لمده ساعه أو ساعه ونص وتقدرين تنزلين أي مكان يوقف فيه وعقب تدورين في المكان وتركبين باص نفسه يجئ نفس المكان اللي وقفتوا فيه بنفس التذكرة اللي خذتيها تراوينهم التذكرة وتركبين كل المحطات بنفس ألطريقه بس انتبهي للوقت لان بعض التذاكر خاصه في لندن محدده بالوقت ..

لندن فيها الاكواريوم والله يعينج عالزحمه والمطر وانتي تنطرين وعادي جداً تنطرين ساعه بالطابور .. وتحتهم في العاب للاطفال .. واحذاها عين لندن هاي طابورها أخف شوي عند التذاكر بس عقب عشان تطلعين بتنطرين شوي .. وطبعا عندج الهايد بارك ويبي لها نص يوم وخذي معاج اكل لليهال وماي .. وقصر باكينجهام .. وهارودز .. وسالفردج .. شارع أكسفورد حق الزحمة .. والاجوارد رود شارع العرب .. حديقة النباتات .. متحف مدام توسو للشمع تذاكره وايد غاليه ..