آبي آرائكم ونقاشكم في تصميم بيتي المفترض

[معماري قطري]

هذا تصميم للدور الأرضي وتوزيعة الحوش لبيت ناوي إن شاء الله أبنيه .. الله يعطيني وياكم طولة العمر .. في المستقبل القريب إن شاء الله.

الأرض مستطيلة ويجاورني الوالد من يسار وسكه من يمين وشارع رئيسي من أعلى الرسمة، والأعلى مقابل شمال شرق وأكثر لإتجاه الشرق .. ووراي أرض مملوكه.

مساحة الأرض 2265 متر مربع ومساحة البناء ما يقارب ال 1400 موزعة على دورين وملحق ومجلس خارجي .. أدري يمكن مبالغ في المساحات بس إن شاء الله بالتزم بتشطيب وسط وبابتعد عن المبالغة.

تفضلوا التصميم ولتبخلون علي بالآراء وبن غيث ثراك محجوز تبني لي كيفك لتقول دور غيري.


http://im18.gulfup.com/YqBm1.bmp (http://www.gulfup.com/?y5Kjkp)

ما طلعت الصورة واضحة ولو باخليها واضحة بتكون حجم كبير .. شرايكم؟

[بن غيث]

تأمر أمر معمارينا .. وحاظرين لك
ولو بغيت المصممة الخاصة لنا تصمم لك البيت بأرسلك رقمها وترتب معاها الموضوع
وعندي بعد مصمم أيطالي يعتبر من أفضل المعماريين في أيطاليا وحاصل على جوائز حكومية

[معماري قطري]

تأمر أمر معمارينا .. وحاظرين لك
ولو بغيت المصممة الخاصة لنا تصمم لك البيت بأرسلك رقمها وترتب معاها الموضوع
وعندي بعد مصمم أيطالي يعتبر من أفضل المعماريين في أيطاليا وحاصل على جوائز حكومية

ما تقصر يالشيخ .. هشكل بيستوي بيتي بنكهة إيطالية .. ما شاء الله عليك والله يوفقك .. خلني بس أقرر انا توني ساكن ما لي 7 سنين ومنطقتي زينه بس ابوي واخواني بدوا ينتقلون لمنطقة جديدة وإحنا إحتمال يقصون بيتنا وبنطلع بس عايشين على هالإحتمال.. وإن شاء الله خلال فترة قصيرة بابدأ أطور التصميم وتفاصيله.

[بن غيث]

تذكر البيت المصمم على نظرية الفراغ .. ليش ما تسوي مثله ..
بيكون وايد مميز

[khaldoon]

الله يوفقك و يبارك لك فيه

يا ريت لو تذكر وين الجهات اللي بتطل على الشارع و الجيران

لو تبتعد عن الزوايا القائمة في زوايا البيت و تكسرها مثل الشمفر احسه اجمل

الصورة مب واضحه وايد و ما في ابعاد

ليش خليت الدرج مثل الغرفه و ما حاولت تستفيد من تصاميم الادراج و تسوي منظر جميل من الداخل.... ما شاء الله بيتك كبير يعني ما عندك مشكلة بالمساحات لو انك توسع بالدرج شوي يعني مب محكوم بالمساحة


المسبح بالع مساحة كبيرة جدا.... هل هو داخلي و الا خارجي... شكله خارجي

نبي صورة اوضح و ان شاء الله لي عوده ساعتها ......بس اتمنى تبتعد عن الواجهات التقليدية و اللي اشوفه انه الواجهات غير منتظمة و اخشى انها مب جميله مع شباك كبير جدا بالواجهة الامامية من جهة و صغير جدا بالجهة الاخرى

الساحات الخارجية يبيلها اعادة ترتيب .... ارجوك حط صورة اكبر و افضل

[معماري قطري]

تذكر البيت المصمم على نظرية الفراغ .. ليش ما تسوي مثله ..
بيكون وايد مميز

هذيه من نظرية البطن الخالي :) .. وسط البيت مجوف ومفتوح للسما وكم من مساحة تطل على حوض السباحة .. باكمل على باقي المخططات وباحطها إن شاء الله علشان توصل الفكره أكثر.

[Aaziz]

السلام عليكم

والله ياخوي معماري انت تعلمنا مانعلمك ،، ولكن عندي ملاحظه يمكن تكون صحيحه .

احسك حطيت في بالك و انت توزع البيت هدف وهو اني بستغل كل مساحه ممكنه ... حسيت البيت مزدحم بالحوش و بكل شي ،، او ان الصوره الي حطيتها عطتني هذا الايحاء .

[معماري قطري]

الله يوفقك و يبارك لك فيه

الله يسلمك ويخليك شيخنا خلدون

يا ريت لو تذكر وين الجهات اللي بتطل على الشارع و الجيران

ذكرتها وأعيدها لك على يساري بيت الوالد .. وجدامي ساحة فاضية وبعدين شارع فرعي وبعدين أرض مزروعة وبعدين شارع رئيسي .. ويميني سكة خدمات .. ووراي جار من الأهل القريبين.

لو تبتعد عن الزوايا القائمة في زوايا البيت و تكسرها مثل الشمفر احسه اجمل

تدري سويت جزئين شامفرد فوق في المظلة اللي على المدخل وفيها مكتبي بيكون بإذن الله بس ما احب أكثر تضيع عندي مساحة .. انا very conservitive from outside..i consider the functionality and beauty of serviceability only.
أنا عملت تصاميم كامله وثري دي قبل بس كمبيوتري القديم وقف وضاع الشغل كله.

الصورة مب واضحه وايد و ما في ابعاد

صحيح .. الأبعاد مكتوبه كمساحات داخلية صافية .. وطبيعتي أخفي نظام الشبكة والأبعاد المكتوبة للتنفيذ علشان تبين توزيعة المساحات وطريقة التأثيث وممرات الحركة.

ليش خليت الدرج مثل الغرفه و ما حاولت تستفيد من تصاميم الادراج و تسوي منظر جميل من الداخل.... ما شاء الله بيتك كبير يعني ما عندك مشكلة بالمساحات لو انك توسع بالدرج شوي يعني مب محكوم بالمساحة

بيتي الحالي بالغت في الدرج وفايدتي جمالية بس .. يعني حطيت على تشطيبات الدرج من غير الخرسانات الزايدة حول 125000 ريال زيادة، وهذي تعادل سعر مصعد كامل، وعجبتني طريقة الدرج معلق بين حوايط داخلية وشبه مفتوح من جهة ووسطه اللفت.


المسبح بالع مساحة كبيرة جدا.... هل هو داخلي و الا خارجي... شكله خارجي

هو صح خارجي بس سقف البيت في الأخير بيكون مغطى بزجاج ينفتح .. يعني من إرتفاع سطح الدور الثاني .. والجزء اللي في إرتداد الملحق فيه سونا وبخار وغرفة للمعدات ومخزن .. هذي سقفها بيكون دعامه لشلال يصب على المسبح وفوقها بيكون سقف بسيط يغطي باقي المكان صوب صالة الرياضة على اليسار لين الحمام الخارجي ومطبخ البيت على اليمين.

نبي صورة اوضح و ان شاء الله لي عوده ساعتها ......بس اتمنى تبتعد عن الواجهات التقليدية و اللي اشوفه انه الواجهات غير منتظمة و اخشى انها مب جميله مع شباك كبير جدا بالواجهة الامامية من جهة و صغير جدا بالجهة الاخرى

إن شاء الله باحاول بس أكيد بتطلع كبيرة ويحتاج الواحد يحرك بالماوس بعدين بعد بتطلع مزعجة بس علشان الوضوح الظاهر لازم أسويها .. عن الواجهات .. يا اخوي هي موزونه بفن وطول عمري ما احب المباني المتناظره " symetrical facia " وهذا مبدأ قديم في التصميم اعتمدوه العرب وخصوصاً المصريين ولا يغيرون عنه .. انا بالعكس أشوف فيه تناظر وكبرت الدريشة وايد في المجلس وسويتها على شكل قوس حتى تكسر التناظر بالكامل.

الساحات الخارجية يبيلها اعادة ترتيب .... ارجوك حط صورة اكبر و افضل

بالعكس المساحات الخارجية فيها لاندسكيبنغ جيد ومواقف كفاية للسيارات وهذا شيء نعاني منه الحين .. وحاضر لك يا اخوي باحط صورة كبيرة .. وتعجبني أسئلتك .. بعدين ثرى الإرتدادات كلها قانونية وكل شيء محسوب بالملم.

[معماري قطري]

السلام عليكم

والله ياخوي معماري انت تعلمنا مانعلمك ،، ولكن عندي ملاحظه يمكن تكون صحيحه .

احسك حطيت في بالك و انت توزع البيت هدف وهو اني بستغل كل مساحه ممكنه ... حسيت البيت مزدحم بالحوش و بكل شي ،، او ان الصوره الي حطيتها عطتني هذا الايحاء .

عليكم السلام ورحمة الله

ذكرتني بواحد من ربعي فلسطيني الله يذكره بالخير .. يقول ما خليتش خرم ابره ما استغليته .. قصده عن بيتي الحالي .

بس شوف يا اخوي لازم الواحد تكون عنده خطه ومقاسات وأشياء بديله بعد .. وانا ركزت على الإناره الطبيعية وعلى العزل الحراري وعلى التجميل بحدود معقولة وبالزراعة في كم جهة وهذي بروحها يبي لها تفاصيل متعبه.

وهذي صورة أكبر إن شاء الله تكون أوضح.

http://im24.gulfup.com/uvc01.jpg (http://www.gulfup.com/?010v7H)

شكلي بغيت أكحلها عميتها طلعت كلش مب واضحة .. المشكلة إني أحول من رسم أوتوكاد إلى صوره وما يعطيني البرنامج إختيارات أوضح .. باشوف باسوي فايل بي دي إف يمكن يطلع أوضح.

[Aaziz]

سو برنت سكرين للصوره في الاوتو كاد ... ملاحظه ثانيه بالنسبه للتصميم .
هل تعتقد ان الرؤيه بتكون امنه بالنسبه للسيارات ،، يعني السياره الي واقفه عند الدويره ،، هل الي في المنطقه هذي يقدر يكشف الي جاي من اليمين جهه الخمس سيارات ... اقصد مثلا لو كان طفل راكب سيكل ولا جاي يركض لا سمح الله من هذي المنطقه هل الرؤيه مكشوفه

[معماري قطري]

هذي عاد آخر محاولة أعرفها فايل بي دي اف أتمنى يطلع واضح.


http://www.gulfup.com/G.png (http://www.gulfup.com/?EkYkiI)

[بن غيث]

http://www3.0zz0.com/2012/12/24/15/177056986.jpg



http://www3.0zz0.com/2012/12/24/18/729762928.jpg



http://www3.0zz0.com/2012/12/24/18/755996507.jpg

[Aaziz]

بن غيث ،،، ايش هالتصميم ،، مايناسبنا
يمكن فيه مميزات هندسيه ولكن ما اتوقع ينبني

[Aaziz]

هذي عاد آخر محاولة أعرفها فايل بي دي اف أتمنى يطلع واضح.


http://www.gulfup.com/G.png (http://www.gulfup.com/?EkYkiI)



واضح جدا ... بخليك لين تخلص تعديلاتك و بسرق تصميمك :nice:
صار لي 7 سنين متردد في البناء

[Riku3]

الله يوفقك :] .. وهذا سويته لك بصيغة صورة ..
http://i.imgur.com/GxNdO.jpg

[معماري قطري]

واضح جدا ... بخليك لين تخلص تعديلاتك و بسرق تصميمك :nice:
صار لي 7 سنين متردد في البناء

حلالك .. أتمنى حد يسويه قبلي

[معماري قطري]

الله يوفقك :] .. وهذا سويته لك بصيغة صورة ..
http://i.imgur.com/x5pz8.jpg

ما قصرت يا اخوي .. بس بعد فايل البي دي اف طلع عندي من قبل مقصوص شوي.

[معماري قطري]

البيت كله قايم على 24 عمود ..انا شفت بيوت في غرفتين وصاله 24 عمود .. وكل ما قلت لمهندس ضحك علي وقال مستحيل وبيتي اللي انا فيه 1000 متر وقايم على 18 عمود .. بس سووا السترآكجر لي اتحاد قطر للتخطيط .. مهندسين هنود فاهمين شغلهم.

لو تلاحظون المجلس دائري وفيه قبه من الوسط ومعلق منها تلفزوين يعرض على كل جهة وبرسيفر واحد .. يعني تلفزيونين واحد لكل جهة ويمر الشخص من تحته .. وللجالسين ما يتضايقون من التلفزيون مسكر عليهم اللي يبي يشوف رفيجه يشوفه واللي يبي يرفع عينه شوي يتابع افتح يا سمسم أبوابك يتابع.

[khaldoon]

اخوي معماري ان شاء الله راح احاول ارد على مراحل

اشلون غرفة الطعام ما في جنبها مطبخ....وين المطبخ

ما احب الزوايا القائمة لانها ما تعطي فن صراحة

ما اطلب منك تسوي واجهات متماثلة لانها تعتبر فشل في التصميم مثل ما قالي عميد الكلية و هو دكتور بالهندسة المعمارية

حلوة فكرة السينما و لها حمام و مغسلة منفصلة

حلو فكرة عزل المجلس و الطعام عن البيت للخصوصية بس لو حبيت تعزم الضيوف على السينما الطريق مب سالك بسهولة

جناح غرفة النوم كبير و مبالغ فيه

عزل التنك و غرفة المجاري و انتوا بكرامة بحائط حلوة

لي عودة بعدين ان شاء الله

[معماري قطري]

http://www3.0zz0.com/2012/12/24/15/177056986.jpg



http://www3.0zz0.com/2012/12/24/18/729762928.jpg



http://www3.0zz0.com/2012/12/24/18/755996507.jpg

بن غيث كنت مسوي بيتي ثري دي بتفاصيل أكثر من ذي وقهر انتحر كمبيوتري.

[naklan]

هلا اخوي معماري ومنزل مبارك باذن الله :nice:
التصميم حلو وراهي بس حاول تنزل مخطط الدور الثاني للمطابقة المريحة للمنزل
ملاحظاتي بسيطة وقد تلفت نظرك الى شي مفيد لوكان بيت الدرج مكان السينماء بيكون
افضل للدور العلوي ليفتح على صاله يعطي وجاهة اكثر للمنزل ولو عملت زوايا كسرات
لبيت الدرج بيطلع احلا وبيكون له 3 نوافذ للخارج بتعطيك منظر للزجاج المشغول

ملاحظة على حجم بركة السباحة العرض 4 متر جيد الطول مبالغ فيه يعني 9 او 10جيد
وبتكون عندك بركة اولمبية وبتكون عندك مساحة حول المسبح في الطابق العلوي بتواجه
مشكلة في توزيع الغرفة الي على يسار بركة السبحة والي على اليمين بتكون صغيرة لو
اقتطعت من مساحتها دورة مياه والغرف الصغيرة الي بجانب السور مقابلة الجاكوزي ما
عرفت لايش استخدامهم هذا الي لاحظته الان
ولي مداخلة اخرى للتعليق او ابداء
اي رأي او ملاحظة

تحياتي اخوي معماري :)

[معماري قطري]

اخوي معماري ان شاء الله راح احاول ارد على مراحل

حياك إخوي خلدون .. هذي غرفة الطعام للعزايم يدخلونها من الباب من صوب المجلس الخارجي .. أو لإستخدام عائلي من المجلس الداخلي على اليمين.


اشلون غرفة الطعام ما في جنبها مطبخ....وين المطبخ

ما احب الزوايا القائمة لانها ما تعطي فن صراحة .. الكسرات والزوايا المنفرجة بحدود أوكي بس هنيه مب مكانها.. شوف سويت كسره عند المدخل تعطي شوي سعة وتخلي الوصول والدخول أسهل.

ما اطلب منك تسوي واجهات متماثلة لانها تعتبر فشل في التصميم مثل ما قالي عميد الكلية و هو دكتور بالهندسة المعمارية

حلوة فكرة السينما و لها حمام و مغسلة منفصلة

طلب العيال .. ولو جا ضيف ممكن يدخل بسهولة إحنا قعداتنا كلها فوق .. وبعدين محد متفرغ للسينما اليهال يلعبون إيه يمكن .. كانت فكرتي أخلي هذي الغرفة لأنظف الخدامات ومسؤولتهم .. وللحين التصميم قابل للتعديل.

حلو فكرة عزل المجلس و الطعام عن البيت للخصوصية بس لو حبيت تعزم الضيوف على السينما الطريق مب سالك بسهولة

جناح غرفة النوم كبير و مبالغ فيه

صح وباقي الغرف كلها مسويها ماستر .. 1400 متر مب شوي شكلي باغير التصميم بالكامل .. بيتي ألحين كم غرفه ما نستخدمهم إحنا صج نبالغ ونبذر.

عزل التنك و غرفة المجاري و انتوا بكرامة بحائط حلوة

هذي الله يسلمك فكرة مظلة سيارات بحوائط وحديد معلق وواجهة خرسانية .. يعني ما تبين انها سقفها حديد ولها تشكيلة بزوايا حلوة وبعدين لها باب وتكييف بسيط.. وشكل ما قلت تنعزل منطقة التانكي بمثل الجبل الصناعي وتحته شلال وجدول يمر في بيب تحت الطريق للدوار ويرجع مره ثانية للشلال.


لي عودة بعدين ان شاء الله

أتشرف بمرورك وتعليقك وإن شاء الله النقاش يفيدني ويفيد الكل.

[khaldoon]

وين المطبخ...لازم يكون قريب لغرفة الطعام

[نور الحور]

ما شاء الله ما شاء الله ..الله ييسر لك معماري ..
بدقق في المخطط وبرجع أكتب ملاحظاتي :)

[روح الاطلس]

هذا البيت ينقال عنه بيت دلع ورفاهيه

التصميم ابداع كان ودي اشوف شلون الطابق العلوي بعد

عجبتني اللمسات الابداعية والحدايق الداخليه

يمكن ملاحظتي بس على الدرج

انا مافهم في التصميم ولا لي له بس لما شفته تحسفت على تصميم بيتنا الاقل من عادي :( مشكلة المهندسين في قطر مايحبون يتكلفون بتصميم ابداعي

تخيل اول مهندس رحنا لنا صمم لنا خريطة بيت صالة في النص 9* 6 وعلى اليمين واليسار غرف نوم وبس وقال عطوني فلوسي

خسرنا وايد على المهندسين ولا حد طلع لنا افكار مثل اللي اللي انت مسويها

روعه تتنهى فيه واكيد بتعدل وتحط وتزيد

[نور الحور]

شفت التصميم والأفكار فيه وايد حلوة .. بس عندي كم ملاحظة :shy:

1.المجلس صاير في وجه البيت وكان ممكن تخليه جانبي او تكتفي بالخارجي وتخلي المساحة الحلوة ذي لمدخل (بهو) وبعدين تدخل للصالة المخصصة للجلسة العائلية المطلة على المسبح
2.بعدين المسبح مكشوف وايد من عدة جهات .. كمنظر جمالي وايد حلو لكن كاستخدام تخيل الخدامات وهم يدورون في البيت .. بتضطر تسكر كل الستاير قبل لا تحس بالخصوصية ..
لو خليت الدرايش مطلة على حديقة داخلية أو شلال بيكون اوكي لكن المسبح بهالطريقة من وجهة نظري مو عملي كثير
3.المساحات وايد كبيرة أحسها
4.ما شفت مخزن للبيت .. ولا غرفة غسيل ..أو يمكن ما لاحظتهم عدل ..

5.فكرة المجلس الخارجي مبدعة ..وأفكار التصميم والترفيه اللي فيه وايد حلوة بس أحس ممكن يتطور للأحسن والأكثر عملية ..

[Bozizoo]

الله يبارك لك في بيتك

[دااانة قطر]

ماطلعت لي الصوره

[معماري قطري]

هلا اخوي معماري ومنزل مبارك باذن الله :nice:
التصميم حلو وراهي بس حاول تنزل مخطط الدور الثاني للمطابقة المريحة للمنزل
ملاحظاتي بسيطة وقد تلفت نظرك الى شي مفيد لوكان بيت الدرج مكان السينماء بيكون
افضل للدور العلوي ليفتح على صاله يعطي وجاهة اكثر للمنزل ولو عملت زوايا كسرات
لبيت الدرج بيطلع احلا وبيكون له 3 نوافذ للخارج بتعطيك منظر للزجاج المشغول

ملاحظة على حجم بركة السباحة العرض 4 متر جيد الطول مبالغ فيه يعني 9 او 10جيد
وبتكون عندك بركة اولمبية وبتكون عندك مساحة حول المسبح في الطابق العلوي بتواجه
مشكلة في توزيع الغرفة الي على يسار بركة السبحة والي على اليمين بتكون صغيرة لو
اقتطعت من مساحتها دورة مياه والغرف الصغيرة الي بجانب السور مقابلة الجاكوزي ما
عرفت لايش استخدامهم هذا الي لاحظته الان
ولي مداخلة اخرى للتعليق او ابداء
اي رأي او ملاحظة

تحياتي اخوي معماري :)

حي الله شيخنا الطيب

الله يبارك لك في حلالك وعيالك .. خوفوني يا اخوي البعض من أخذ التصميم ومتابعته وبناءَه بعدين أطيح في ورطه .. خصوصاً لو اللي سواه قبل رفع قضية علي بيوقفون بنياني وباتورط .. تدري صارت قضايا من هالنوع في قطر .. مع اني والله أتمنى إن أي حد يسويه بس يسمح للآخرين بإنهم يسونه .. لأن تصاميم المنازل تتشابه بس ما ادري شالقانون ذيه اللي يوقف بنيان بيت بسبب شكوى إن التصميم مشابه!

مشكور على التشجيع وبخصوص راهي كلمه عجبتني .. تصدق إخوي بدأ يبني الله يوفقه ومقارب يخلص وحاولت فيه قبل يسوي نفس الطريقة بس شاف له مهندس مصري .. وراجعت له الرسومات وبينت له شصاير وفي النهاية حصلته مغير ومهدم وراجع لرأيي .. والمشكله طلع بيته غرف مخمسة بعضها وبعضها مثمنة .. وشكل من برا معقول ومن داخل شوي مزعج.

ملاحظتك على بركة السباحة في محلها صج طويله .. هي على ما اذكر قريبه من 13 أو 14،
وكانت الفكرة إن الفراغ ذيه يكون داخلي ومغطى من أعلى بزجاج قابل للفتح .. وأصلاً الدور الأول جاي أوسع من التحتي والغرف والصالة تطل على الحوض وتجيها الإنارة من فوق .. بس نرجع للطول إن في نهايتها يكون شلال يصب عليها وعلى جنب جكوزي مفتوح .. وصالة رياضة صغيرة في الزاوية .. يعني إمتاع لدرجة الإشباع .. ويمكن صج بالغت والله يعينني على التكلفة.

[معماري قطري]

الله يبارك لك في بيتك

الله يسلمك ويبارك في عمرك

[معماري قطري]

شفت التصميم والأفكار فيه وايد حلوة .. بس عندي كم ملاحظة :shy:

1.المجلس صاير في وجه البيت وكان ممكن تخليه جانبي او تكتفي بالخارجي وتخلي المساحة الحلوة ذي لمدخل (بهو) وبعدين تدخل للصالة المخصصة للجلسة العائلية المطلة على المسبح

المجلس الداخلي والعائلي في الغالب يكون نسائي وصج يمكن لو أخليه مفتوح على الصالة أحسن .. شكلج بديتي تفرين مخي بشمهندسه.

2.بعدين المسبح مكشوف وايد من عدة جهات .. كمنظر جمالي وايد حلو لكن كاستخدام تخيل الخدامات وهم يدورون في البيت الخدامات مكانهم في الملحق وصج يمكن الخصوصية التامة معدومة .. بس أحسن للسيفتي وللمنظر .. فيه حل ثاني إني أتخلص من المسبح وأخليه جدول وشلال وشجر .. بتضطر تسكر كل الستاير قبل لا تحس بالخصوصية ..
لو خليت الدرايش مطلة على حديقة داخلية أو شلال بيكون اوكي لكن المسبح بهالطريقة من وجهة نظري مو عملي كثير
3.المساحات وايد كبيرة أحسها

صح والله علشان تتناسب والأرض ويمكن طمعت شويتين .. بالنسبة للمخزن مسوي غرف ملابس كبيرة حتى تكون مساحة تخزين كبيرة .. وعندي مخزن تحت الدرج بمساحة 19 متر مربع .. يعني قريبه من غرفة 4 في 5 .. وعندي مخزن في الملحق مع كسرة بسيطة لغسيل الملابس .. وبتكون عندي مساحة خارجية للتخزين للأشياء الغير مهمة في مواقف السيارات لأني باسوي أرفف حديد مقابل موقف كل سيارة مثل النظام الأمريكي.

4.ما شفت مخزن للبيت .. ولا غرفة غسيل ..أو يمكن ما لاحظتهم عدل ..

5.فكرة المجلس الخارجي مبدعة ..وأفكار التصميم والترفيه اللي فيه وايد حلوة بس أحس ممكن يتطور للأحسن والأكثر عملية ..

المجلس الخارجي درايشه بتكون طوالية ونصف دائرية من فوق وبألوان أو زخرفة جبس وتحت بإطار خشبي .. مثل الدرايش القديمة التراثية .. ما قصرتي على التشجيع وما شاء الله عليج أكيد تتخيلين كيف الجالس في أي مكان بيكون مواجه الكل.

[بن غيث]

نسيت تسوي مكان خاص للألعاب .. سواء للأطفال والكبار ..

بعض البيوت يحبون يسون صاله للبولينج والبليارد ومكان خاص لألعاب الفيديو مع كامل المؤثرات الخاصة

وترى ما تكلفك مبلغ كبير ..

[بن غيث]

http://www5.0zz0.com/2012/12/25/17/923470839.jpg

وممكن تركب شاشة تلفزيون معلقة للأسكور او التسلية .. وممكن تستغل بجانب حمام السباحة

[معماري قطري]

نسيت تسوي مكان خاص للألعاب .. سواء للأطفال والكبار ..

بعض البيوت يحبون يسون صاله للبولينج والبليارد ومكان خاص لألعاب الفيديو مع كامل المؤثرات الخاصة

وترى ما تكلفك مبلغ كبير ..

إنتوا يالمقاولين كله هذي جملتكم ما تكلفك كثير .. ووقت الصج بتحصلني يالله يالله أكمل بيتي .. عاد عيالي قايلين هالفكرة ويبون بولينغ .. تبي الصج ما خلوا شيء حتى مضمار فروسيه وحلبة سباق للبطابط .. وينا عن هالأشياء قبل حدنا نطلب حجره وبس.

[روح الاطلس]

اول مره اسمع قانون يمنع تنفيذ تصميم مشابه@@

اغلبهم يعطون الزبون تصاميم متنفذه قبل ويريحون راسهم

[معماري قطري]

اول مره اسمع قانون يمنع تنفيذ تصميم مشابه@@

اغلبهم يعطون الزبون تصاميم متنفذه قبل ويريحون راسهم

والله صارت واحد إشتكى على واحد إنه باني بيت والتصميم الأساسي له ووقفوا بنيان البيت بأمر المحكمه .. صج والله شيء غريب مصدقين يقولون حقوق طبع .. انا باحط باقي التصميم للنقاش ولإستفادة الجميع وأتوقع ذيك كانت حاله شاذه .. شفت ناس كثيرين يعطون الغير تصاميم بيوتهم ويبون يفيدونهم بس هذي حاله تعبر عن أنانية والمفروض ما يعطونه ويه المحكمه .. وانا ما اصدق أي حد يقول باسوي لك تصميم مبتكر محد سواه من قبل.

مره واحد سوى له واحد عربي تصميم معماري بس ب 50 ألف ريال ومن زمان أيام بعض المكاتب تعطيك تصميم كامل ب5000 .. وقال لي نظام أمريكي وغريب وما ادري شلون .. المهم طلع تصميمه ماخوذ من مجلة بس مغير فيه المهندس شوي في تكرمون الحمامات ومسوي له نموذج من كرتون.

[هدوء العاصفة]

المساحات كبيرة غريبة .. انا دوم ضد هالشي لأسباب كثيرة اكيد ما غابت عنك .. الرغبات كثيرة والاهم بالنهاية انه تكون فعلا مهمة مش وقتية ..

التصميم ما شالله حلو ومبتكر خصوصا ان المساحة اللي عندك تقدر تبدع فيها .. في بعض الامور فيها مبالغة وانصحك تقلل منها حتى لو قال لك الاخ غيث انها ما تكلف .. لأنها ببساطة تكلف وتكلف :)

بالنسبة لي اللاند سكيب محتاج دراسة اكثر .. المواقف يجب ان تكون جزء من جمالية المكان .. وجود حوائط كاملة من الزجاج رائع كشكل وغير عملي حق بيئتنا الا انك تحطه في اماكن قليلة ومعينة .. وممكن الاستعاضة عنها بدرايش طويلة وقليلة العرض يعني تعطيك المطلوب تماما خصوصا في وجود بركة بهالحجم

تنفيذ البيت يحتاج إلى جرأة وخساير عشان يطلع بالصورة المطلوبة .. يعني نقول خمس مليون مع الاثاث حلوين :)

[بن غيث]

عزيزنا .. هدوووء

أنا تكلمت عن مكان التسلية فقط .. وأنا أعرف اذا بتكلف او لا .. ولا أضحك على أحد
ولا أعرف كيف تستطيع أن تعرف انها تكلف وتكلف .. وقمت بالتقيم لها
لدي صديق .. تم بناء منزله على مساحة ارض 1400 متر ومساحة بناء 900 متر بالأضافة الى الملاحق بتكلفة تقدر بــ 600 الف ريال ونوعية التشطيب عالية.. لانه أستشار واستفسر عن كل صغيرة قبل القيام بأي عمل

فأذا اردت أن تعلق لاتذكر أسماء لو سمحت وتتهمهم بالضحك على الغير

[نور الحور]

عزيزنا .. هدوووء

أنا تكلمت عن مكان التسلية فقط .. وأنا أعرف اذا بتكلف او لا .. ولا أضحك على أحد
ولا أعرف كيف تستطيع أن تعرف انها تكلف وتكلف .. وقمت بالتقيم لها
لدي صديق .. تم بناء منزله على مساحة ارض 1400 متر ومساحة بناء 900 متر بالأضافة الى الملاحق بتكلفة تقدر بــ 600 الف ريال ونوعية التشطيب عالية.. لانه أستشار واستفسر عن كل صغيرة قبل القيام بأي عمل

فأذا اردت أن تعلق لاتذكر أسماء لو سمحت وتتهمهم بالضحك على الغير



صج ؟ ما شاء الله .. علمنا شلون بن غيث ..ومنكم نستفيد

[naklan]

حي الله شيخنا الطيب

الله يبارك لك في حلالك وعيالك .. خوفوني يا اخوي البعض من أخذ التصميم ومتابعته وبناءَه بعدين أطيح في ورطه .. خصوصاً لو اللي سواه قبل رفع قضية علي بيوقفون بنياني وباتورط .. تدري صارت قضايا من هالنوع في قطر .. مع اني والله أتمنى إن أي حد يسويه بس يسمح للآخرين بإنهم يسونه .. لأن تصاميم المنازل تتشابه بس ما ادري شالقانون ذيه اللي يوقف بنيان بيت بسبب شكوى إن التصميم مشابه!

مشكور على التشجيع وبخصوص راهي كلمه عجبتني .. تصدق إخوي بدأ يبني الله يوفقه ومقارب يخلص وحاولت فيه قبل يسوي نفس الطريقة بس شاف له مهندس مصري .. وراجعت له الرسومات وبينت له شصاير وفي النهاية حصلته مغير ومهدم وراجع لرأيي .. والمشكله طلع بيته غرف مخمسة بعضها وبعضها مثمنة .. وشكل من برا معقول ومن داخل شوي مزعج.

ملاحظتك على بركة السباحة في محلها صج طويله .. هي على ما اذكر قريبه من 13 أو 14،
وكانت الفكرة إن الفراغ ذيه يكون داخلي ومغطى من أعلى بزجاج قابل للفتح .. وأصلاً الدور الأول جاي أوسع من التحتي والغرف والصالة تطل على الحوض وتجيها الإنارة من فوق .. بس نرجع للطول إن في نهايتها يكون شلال يصب عليها وعلى جنب جكوزي مفتوح .. وصالة رياضة صغيرة في الزاوية .. يعني إمتاع لدرجة الإشباع .. ويمكن صج بالغت والله يعينني على التكلفة.


الله يحييك اخوي معماري قطري
ويبارك فيك ولك وبالنسبة للتصمييم يعتمد انت من وين اخذته
لا اتوقع ان يوقف بنيانك او تعمل لك قضية على ذالك لسبب بسيط ان هذا
التصميم لن تطبقه كما هو او بحذافيره بل ستاخذ منه افكار وبعد الانتها بيصير
مبنى اخر وحتى الواجهة تقدر تغيرها وتطورها الى الاحسن وخلك جاهز باحط مخطط
لعمارتي التجارية للمناقشه بعد فتره للعلم شفت جميع المباني الي قريبه مني وخذت
افكار واستبعدت افكار وبعمل التصميم بنفسي وبما يتوافق مع اقتناعي
ولا نستغني عن شوركم ونظرتكم فانتظروني :tease:


انا نفذت تصاميم لفلل بنفسي وبافكاري
ونفذت تصاميم من تصاميم اخرى واخذت افكار واستبعدت افكار وصارت تصاميم
مختلفه وللعلم اغلب المكاتب الاستشارية تصمم وتاخذ افكار واشكال من الواقع ومن
مشاريع منفذة وتطلع منها شكل جديد توكل على الله وطورالمخطط واشتغل ولا
تلتفت الى الخلف فانت في مامن ولو كان هناك محاكمة لحاكمو الي صمم بيته
على شكل مباني رومانية قديمة مثل البانتثون من قبل دول وليس افراد
وللعلم المكتب الاستشاري بعد عمل الخريطة اهو الي يتحمل اي
حق قانوني على التصميم وانت برا الموضوع


نرجع للملاحظات اوصيك على اقتراحات اخوي خلدون فهو رجل صادق
وذي راْي سديد وقال لك عن المطبخ ونحن معه في ذالك المطبخ غلط يكون
بعيد عن غرفة الطعام ولسهولة تقديم الاكل وعندي ملاحظة اخرى يستحب
ان يكون في بيت ضخم مثل هذا مخازن في اكثر من مكان منها للطعام
ومنها صغيره لادوات التنظيف والمكانس ومنها غرفه خاصة لفلاتر
بركة السباحة ولا تنسى تركب صخان للبركة لاستعمال الشتاء


ولا تنسى تفكر في ملاحظتي على مكان الدرج والاصنصير لو جعلته مكان السينما
والسينما مكانه بيكون افظل علشان يفتح في الصالة الي فوق وبيعطي قيمة مضافه للمبنى
راجع جميع الاقتراحات وعدل بما يتماشى مع منزلك وذوقك وراحتك النفسية


وحنا معاك في هذا المخطط لين تسكن :nice:
تحياتي اخي الكريم :)

[هدوء العاصفة]

الله يهديك يا بن غيث انا وين قلت انك تضحك على حد ... ما ادري ليش خذت الكلام شخصي .. هذي مجرد وجهة نظر واذا تشوف كلامي غلط خلاص ولا تزعل ..

اما 600 الف لفيلا 900 متر مع الملاحق وبتشطيب عالي ما ادري شلون صارت يا خي اش هالكلام تراه مايدخل العقل .. راجع ارقامك وحساباتك وعطينا توضيح اكثر .. علنا نستفيد !

[معماري قطري]

عزيزنا .. هدوووء

أنا تكلمت عن مكان التسلية فقط .. وأنا أعرف اذا بتكلف او لا .. ولا أضحك على أحد
ولا أعرف كيف تستطيع أن تعرف انها تكلف وتكلف .. وقمت بالتقيم لها
لدي صديق .. تم بناء منزله على مساحة ارض 1400 متر ومساحة بناء 900 متر بالأضافة الى الملاحق بتكلفة تقدر بــ 600 الف ريال ونوعية التشطيب عالية.. لانه أستشار واستفسر عن كل صغيرة قبل القيام بأي عمل

فأذا اردت أن تعلق لاتذكر أسماء لو سمحت وتتهمهم بالضحك على الغير

عاد كل شيء ولا زعلك بن غيث

صج يمكن كنت مستفز شوي .. بس والله ما قصدت إنك تضحك على حد وإنت إخو عزيز وغالي علي .. زين لو فرضاً الواحد بيسوي خطين بولينغ شكثر بيحتاج مساحة وكم بيكلفه مع التجهيزات تقديرياً؟ .. يمكن انا أكون فاهم غلط عن تكلفة هالتجهيزات ومتخوف شوي من البنيان في الوقت الحالي مع اني أحس إنه أنسب وقت لأن الجاي أصعب وأغلى.

[معماري قطري]

الله يحييك اخوي معماري قطري
ويبارك فيك ولك وبالنسبة للتصمييم يعتمد انت من وين اخذته
لا اتوقع ان يوقف بنيانك او تعمل لك قضية على ذالك لسبب بسيط ان هذا
التصميم لن تطبقه كما هو او بحذافيره بل ستاخذ منه افكار وبعد الانتها بيصير
مبنى اخر وحتى الواجهة تقدر تغيرها وتطورها الى الاحسن وخلك جاهز باحط مخطط
لعمارتي التجارية للمناقشه بعد فتره للعلم شفت جميع المباني الي قريبه مني وخذت
افكار واستبعدت افكار وبعمل التصميم بنفسي وبما يتوافق مع اقتناعي
ولا نستغني عن شوركم ونظرتكم فانتظروني :tease:


انا نفذت تصاميم لفلل بنفسي وبافكاري
ونفذت تصاميم من تصاميم اخرى واخذت افكار واستبعدت افكار وصارت تصاميم
مختلفه وللعلم اغلب المكاتب الاستشارية تصمم وتاخذ افكار واشكال من الواقع ومن
مشاريع منفذة وتطلع منها شكل جديد توكل على الله وطورالمخطط واشتغل ولا
تلتفت الى الخلف فانت في مامن ولو كان هناك محاكمة لحاكمو الي صمم بيته
على شكل مباني رومانية قديمة مثل البانتثون من قبل دول وليس افراد
وللعلم المكتب الاستشاري بعد عمل الخريطة اهو الي يتحمل اي
حق قانوني على التصميم وانت برا الموضوع


نرجع للملاحظات اوصيك على اقتراحات اخوي خلدون فهو رجل صادق
وذي راْي سديد وقال لك عن المطبخ ونحن معه في ذالك المطبخ غلط يكون
بعيد عن غرفة الطعام ولسهولة تقديم الاكل وعندي ملاحظة اخرى يستحب
ان يكون في بيت ضخم مثل هذا مخازن في اكثر من مكان منها للطعام
ومنها صغيره لادوات التنظيف والمكانس ومنها غرفه خاصة لفلاتر
بركة السباحة ولا تنسى تركب صخان للبركة لاستعمال الشتاء


ولا تنسى تفكر في ملاحظتي على مكان الدرج والاصنصير لو جعلته مكان السينما
والسينما مكانه بيكون افظل علشان يفتح في الصالة الي فوق وبيعطي قيمة مضافه للمبنى
راجع جميع الاقتراحات وعدل بما يتماشى مع منزلك وذوقك وراحتك النفسية


وحنا معاك في هذا المخطط لين تسكن :nice:
تحياتي اخي الكريم :)

تسلم يالغالي وما تقصر ومشكور على مشاركاتك الطيبة.

مثل ما ذكرت انا قبل إن الموضوع للنقاش والأخذ والعطا .. وانا مصمم هالبيت بنفسي وفكرته معروفه وفيه ناس مسوينها بس بطريقة ثانية.

بالنسبة لمكان الدرج بيكون يتناسب مع الوضع فوق وانا هاليومين أمر ببرد قوي وصخونة مب طبيعية حتى صادني اللي يسمونه Disorientation ما اقدر أركز، ولا لازم أحط الدور اللي فوق وأحاول أسوي رسم ثلاثي الأبعاد لو حتى مبسط للشكل الخارجي ككل.

[معماري قطري]

عاد كل شيء ولا زعلك بن غيث

صج يمكن كنت مستفز شوي .. بس والله ما قصدت إنك تضحك على حد وإنت إخو عزيز وغالي علي .. زين لو فرضاً الواحد بيسوي خطين بولينغ شكثر بيحتاج مساحة وكم بيكلفه مع التجهيزات تقديرياً؟ .. يمكن انا أكون فاهم غلط عن تكلفة هالتجهيزات ومتخوف شوي من البنيان في الوقت الحالي مع اني أحس إنه أنسب وقت لأن الجاي أصعب وأغلى.

معليش بن غيث فهمت إن الكلام موجه لي وهدوء العاصفة من الإخوان اللي ما يقصد يكذبك بس الناس تتعجب من هالأسعار الزينة في هالزمان الغالي اللي كلنا إستوينا ما نصدق لو سمعنا عن شيء رخيص.

وإنت واحد من إخواننا الطيبين صدرك وسيع ولازم تعذرنا على بعض الكلمات اللي تطلع أحياناً بدون قصد إساءَة بس تنفهم بمعناها السيء، خلني بس أطلع من وعكتي هذي تطببت في نفسي من الإسبوع الفائت وخذت مضاد حيوي عندي وكنت آخذ حبة وحده كل 12 ساعة ولمدة اسبوع الإنفلونزا عندي تزيد، وكلمت دكتور أمس قال لا لازم تاخذ حبتين كل 12 ساعة والحمد لله الحين بدت صحتي تتحسن .. ولا صخونه وكحة وزكام وتكسر في الجسم الله لا يراويه مسلم، ومع هذا أحاول أتابع معاكم.

[نور الحور]

ما تشوف شر معماري .. أجر وعافية وطهور إن شاء الله

[بن غيث]

المساحات كبيرة غريبة .. انا دوم ضد هالشي لأسباب كثيرة اكيد ما غابت عنك .. الرغبات كثيرة والاهم بالنهاية انه تكون فعلا مهمة مش وقتية ..

التصميم ما شالله حلو ومبتكر خصوصا ان المساحة اللي عندك تقدر تبدع فيها .. في بعض الامور فيها مبالغة وانصحك تقلل منها حتى لو قال لك الاخ غيث انها ما تكلف .. لأنها ببساطة تكلف وتكلف :)
بالنسبة لي اللاند سكيب محتاج دراسة اكثر .. المواقف يجب ان تكون جزء من جمالية المكان .. وجود حوائط كاملة من الزجاج رائع كشكل وغير عملي حق بيئتنا الا انك تحطه في اماكن قليلة ومعينة .. وممكن الاستعاضة عنها بدرايش طويلة وقليلة العرض يعني تعطيك المطلوب تماما خصوصا في وجود بركة بهالحجم

تنفيذ البيت يحتاج إلى جرأة وخساير عشان يطلع بالصورة المطلوبة .. يعني نقول خمس مليون مع الاثاث حلوين :)


الله يهديك يا بن غيث انا وين قلت انك تضحك على حد ... ما ادري ليش خذت الكلام شخصي .. هذي مجرد وجهة نظر واذا تشوف كلامي غلط خلاص ولا تزعل ..

اما 600 الف لفيلا 900 متر مع الملاحق وبتشطيب عالي ما ادري شلون صارت يا خي اش هالكلام تراه مايدخل العقل .. راجع ارقامك وحساباتك وعطينا توضيح اكثر .. علنا نستفيد !

ارجوا ان تحتفظ بوجهة نظرك لنفسك .. وعدم ذكر اسمي في المداخلات الشخصية بك !!
وبالنسبة للفيلا ام 600 الف .. في ناس تسوي روحها ذكية وانها اذكى من المقاول او العمال .. لكن الحقيقة انها العكس
وايضاً عندي معلومة لك .. ان اصغر عامل ممكن ان يضحك على اكبر مهندس مهما كانت خبرته .. وهذا الذي لا تعرفه او تحاول ان لا تعرفه

[معماري قطري]

ما تشوف شر معماري .. أجر وعافية وطهور إن شاء الله

الله يجيرج من الشر إختي

[@north_star@]

ان شاء الله لي عودة اخوي معماري

[معماري قطري]

هذا مخطط الدور الأول بصيغة بي دي اف وأرجو ممن يقدر يحوله لصورة واضحة ينزله ..


http://www.gulfup.com/G.png (http://www.gulfup.com/?cryflL)

[معماري قطري]

وهذا مخطط الدور الأول صوره بس حجمها كبير ولازم بتكبر الصفحة.

http://im17.gulfup.com/pDR81.bmp (http://www.gulfup.com/?Plc04E)

[khaldoon]

اعجبني جدا الدور الاول...الله يهنيك

[معماري قطري]

اعجبني جدا الدور الاول...الله يهنيك

الله يسلمك أخ خلدون

بعد ابي تعليقاتك وتحسيناتك للتصميم بإعتبار الدورين مع بعض .. لو تلاحظ الدور الأول جاي cantileverd على حوض السباحة من ثلاث نواحي. بإنتظار رأيك في كل شيء على بعض.

[khaldoon]

الممر الضيق على اليسار من اجل الغرفتين غريبه فكرته بس لا بأس بها

المكتب جميل بس ما له حمام و انت بكرامة..... يعني بتضطر تروح غرفتك لو احتجت الحمام و ممكن تسبب ازعاج

بيت بهالمستوى لازم تكون حمامته او بعضها به جاكوزي... يعني الغرف كبيرة جدا او غرف تغيير الملابس على حساب الحمامات

يمكن ما في داعي للمر للحمام في الغرفة مقاس 7.45*4.5
الغي الحائط لتكبر الغرفة و بدل مكان السرير مع الكراسي ليبتعد عن الباب من اجل الخصوصية

الغي الحيطة اللي امام المصعد

[هدوء العاصفة]

عشان ما اخرب موضوع الاخ العزيز معماري .. سأترفع على الرد عليك .. سلاما

[معماري قطري]

الممر الضيق على اليسار من اجل الغرفتين غريبه فكرته بس لا بأس بها

هذا الممر بدايته قوس عريض وبعدين مفتوح من الوسط على شكل أرفف زجاجية، هو والجدار اللي مغطي على منطقة الدرج

المكتب جميل بس ما له حمام و انت بكرامة..... يعني بتضطر تروح غرفتك لو احتجت الحمام و ممكن تسبب ازعاج

المكتب قريب من مكتبي الحالي بس شوي كبرته وتحته يجي موقف السيارة .. ويتكون سقفه من مستويين منبسطين الخارجي يجي نازل والداخلي مرتفع لأن تكييف البيت بيكون دكتد سبلت .. وبانزل مستوى سقف المكتب علشان أسوي جزء من الحايط فوقه قلاس بلوك يدخل النور لباقي المكتب وللصالة... بالنسبة للحمام في المكتب أحس مبالغة بتكون والغرف قريبه.

بيت بهالمستوى لازم تكون حمامته او بعضها به جاكوزي... يعني الغرف كبيرة جدا او غرف تغيير الملابس على حساب الحمامات

ممكن تكون كل الحمامات بجكوزي عرضها يسمح .. بس شكلي باسوي عقاب للي ما يستخدمون الجكوزي الحين .. لأن مركب نوعيات ماركة جكوزي والعيال كله شاور أول تولعوا بالجكوزي شوي وبعدين وقفوا .. لي انا شبه يومي أستخدمه وضروري جكوزي وشاور مع بخار.

يمكن ما في داعي للمر للحمام في الغرفة مقاس 7.45*4.5
الغي الحائط لتكبر الغرفة و بدل مكان السرير مع الكراسي ليبتعد عن الباب من اجل الخصوصية

سويت كم توزيعه لهذي الغرفة ودوم منطقة غرفة الملابس والتسريحة تكون منطقة صوت شوي ولو تكون معزولة تكون أحلى، وهي ألحين شبه معزولة .. وعن الخصوصية بالعكس مكان السرير حلو ومتوازن مع توزيعة الغرفة والتلفزيون جدامه وجدام جلسة الكراسي وعرض 4.5 متر عرض جيد للغرفة ولو أقل بعد أحسن.

الغي الحيطة اللي امام المصعد

شكل ما قلت لك هذي بإرتفاع 80 سم كظهر للكراسي وبعدين تجي أرفف زجاج للصور أو التحف وشبه مفتوح المكان بيكون.

[بن غيث]

عشان ما اخرب موضوع الاخ العزيز معماري .. سأترفع على الرد عليك .. سلاما

ههههههه.. عندك الخاص


http://www3.0zz0.com/2012/12/26/23/242968514.jpg

[khaldoon]

الله يهنيك يا معماري قطري بس ايش اخبار الواجهات ......نبي نشوف شي ابداعي مب تقليدي

[نور الحور]

ما شاء الله تبارك الله ..
أخوي معماري الدور الأول وايد عجبني ..الله يهنيك يارب .. خاصة السكاي لايت واطلالات الغرف والصالة ..
بس عندي تعليق بسيط بالنسبة لغرفة الماستر .. لاحظت ما لها صالة .. بس جلسة صغيرة مع تلفزيون .. مادري هل بيكون عملي وما فيه ازعاج ؟..وهل مكان التلفزيون في غرفة النوم صحي ؟؟

ثاني شي الممر الطويل في نفس الغرفة واللي مخليه كتسريحة اعتقد ممكن يترتب بشكل أحلى وبعيد عن الصوت ..

الله يهنيك . ودوم مبدع يا معماري :victory:

[qtr432]

دائماً مبدع اخوي معماري قطر، والدور الاول في قمة الروعه وكان عندي ملاحظتين وحده قالها احد الاخوان وهي الحائط الي امام الدرج، تكرمت وجاوبته بأنها عباره عن 80سم وهي استاند للكراسي وعجبتني الفكره جداً.

والملاحظه الأخرى الغرفتين الي مطليين على بركة السباحه لو كان الحمام تكرم من داخل غرفة الملابس يكون أفضل من ان يكون في غرفة النوم مباشرة الا إذا التصميم يحد من ذلك .

وفي الاخير ما قول الا الله يهنيك ويوفقك ان شاء الله .

[معماري قطري]

دائماً مبدع اخوي معماري قطر، والدور الاول في قمة الروعه وكان عندي ملاحظتين وحده قالها احد الاخوان وهي الحائط الي امام الدرج، تكرمت وجاوبته بأنها عباره عن 80سم وهي استاند للكراسي وعجبتني الفكره جداً.

والملاحظه الأخرى الغرفتين الي مطليين على بركة السباحه لو كان الحمام تكرم من داخل غرفة الملابس يكون أفضل من ان يكون في غرفة النوم مباشرة الا إذا التصميم يحد من ذلك .

وفي الاخير ما قول الا الله يهنيك ويوفقك ان شاء الله .

آمين وربي إن شاء الله يوفقك

هذي الغرف يا اخوي كل وحده لسكن شخص واحد .. وعلى هالأساس توزيعتها جات بتركيز على انها تنفتح على نقطة وسطية اللي هي الحوض .. في تعديل ألحين شغال عليه أفكر ألغي حوض السباحة وأسوي حديقة داخلية مغطاة من الطرف التحتي في الرسمة ومفتوحة من الوسط للتهوئة والإنارة .. بس باسوي شلال وجدول ماي متحرك بين الأشجار والأرضية بتكون عشب.

[معماري قطري]

الله يهنيك يا معماري قطري بس ايش اخبار الواجهات ......نبي نشوف شي ابداعي مب تقليدي

الحمد لله الواجهات إن شاء الله بتطلع حلوه .. انا أحب الزينه في حدود وهذي مشكلتنا المباني كلها تقريباً تتشابه .. سويت سكتش للواجهة الخلفية .. باكمل عليه وباحطه إن شاء الله .. بس خاطري أسوي المبنى رسم ثلاثي ومنه أقدر أسوي منظور لكل جهة وبتكون الفكرة واضحة للكل.

[معماري قطري]

ما شاء الله تبارك الله ..
أخوي معماري الدور الأول وايد عجبني ..الله يهنيك يارب .. خاصة السكاي لايت واطلالات الغرف والصالة ..
بس عندي تعليق بسيط بالنسبة لغرفة الماستر .. لاحظت ما لها صالة .. بس جلسة صغيرة مع تلفزيون .. مادري هل بيكون عملي وما فيه ازعاج ؟..وهل مكان التلفزيون في غرفة النوم صحي ؟؟

جلسة بسيطة لكل غرفة كفاية .. لأن غرف النوم أساساً للنوم والصالات للجلوس والتلفزيون والإستمتاع .. وصح كلامج عن إن التلفزيون في أي غرفة نوم مب صحي واللي يطالع تلفزيون وهو على السرير تتعب رقبته وظهره وكتوفه .. بس أوقات يحتد يشوف شخص مسلسل بروحه مثلاً والباقيين في الصالة وانا دوم أحدد مكان وأجهز له ومب شرط أركب تلفزيون في كل غرفة .. حلوه جمعة العائلة في الصالة خصوصاً إن الصالة وسطية والغرف شوي فيها بعد وخصوصية .. وإبتعدت عن النظام المفتوح بالكامل يعني صالة فوق وتحت شبه منفصلين.

ثاني شي الممر الطويل في نفس الغرفة واللي مخليه كتسريحة اعتقد ممكن يترتب بشكل أحلى وبعيد عن الصوت ..

انا رتبت الغرفة ذي والماستر اللي تحت بعد على حسب اللي أواجهه حالياً .. وخصوصاً من ناحية الكبتات إنتوا يالحريم تزنطون الرياييل وتخلونهم يصفون على درج صغير من كم كبت وتحتلون المنطقة كامله .. وهذا الممر بروحه ممر وجزء تسريحة وجزء خزائن أصغر شوي وصح لازم يترتب بس أساساً هذا الشكل العام أحسه بيكون مرتب المكان صح لأني سويت كم مقترح وكم فكرة وهذا طلع أفضلهم.

الله يهنيك . ودوم مبدع يا معماري :victory:

الله يسلمج .. مشكوره حمستيني إن شاء الله تتوفقون في بنيانكم وتسكنون قريب :)

[معماري قطري]

إستئناساً بآراء الإخوة والأخوات قمت ببعض التعديلات، وتم الغاء حوض السباحة واستبداله بجدول ماء وشلال وزراعة.. أرجو أن يكون هذا المخطط أوضح وبإنتظار آرائكم.

http://im25.gulfup.com/pmSk1.bmp (http://www.gulfup.com/?rn6Ol9)

[@north_star@]

اخوي معماري بالنسبه للمطبخ الصغير الى بالمجلس الدائري الخارجي لو تبدل مكانه ويصير مكان الحمام فبتصير المغاسل والحمام بجهة وحده

وبالنسبة لغرفة السينما لو تحط level بدرجه وحده لاخر صف من الكراسي بحيث يكون أعلى من الكراسي الاماميه

[معماري قطري]

اخوي معماري بالنسبه للمطبخ الصغير الى بالمجلس الدائري الخارجي لو تبدل مكانه ويصير مكان الحمام فبتصير المغاسل والحمام بجهة وحده

وبالنسبة لغرفة السينما لو تحط level بدرجه وحده لاخر صف من الكراسي بحيث يكون أعلى من الكراسي الاماميه

الإقتراحين مسكتين يا بشمهندس .. مشكور وإن شاء الله بيتم التنفيذ.

[naklan]

هلا اخوي معماري للمجلس تعديل بسيط شيل وحده من المغاسل وكبر الحمام
شوي نص متر والمغسلة الرابعة تركب على الحائط مال الحمام لتعطي شكل L بيكون
عندك الحمام والمغاسل والبنتري شكلهم متوازن وجميل :nice:

ثانيا بالنسبة للمطبخ جنب بيت الدرج مكانه بعيد عن المطعم ومسيرة طويلة
لتقديم الطعام لهذا انبهك عليه لو بدلت مكانه بجانب المطعم بيكون احسن للخدمات ومكان
الغرفة ال walk in closet تكون مكان المطبخ

وملاحضة اخوي العزيز نورث ستار جيدة لرفع الصف الاخير للسينما
درجة والافضل هوعمل مدرج للغرفة كاملة 1.20 سنتي مقاس جيد
للدرجة الواحده -- الله يعينك يبيلك 3 شهور مراجعة وتعديل

تحياتي يالغالي :)

[معماري قطري]

هلا اخوي معماري للمجلس تعديل بسيط شيل وحده من المغاسل وكبر الحمام
شوي نص متر والمغسلة الرابعة تركب على الحائط مال الحمام لتعطي شكل l بيكون
عندك الحمام والمغاسل والبنتري شكلهم متوازن وجميل :nice:

ثانيا بالنسبة للمطبخ جنب بيت الدرج مكانه بعيد عن المطعم ومسيرة طويلة
لتقديم الطعام لهذا انبهك عليه لو بدلت مكانه بجانب المطعم بيكون احسن للخدمات ومكان
الغرفة ال walk in closet تكون مكان المطبخ

وملاحضة اخوي العزيز نورث ستار جيدة لرفع الصف الاخير للسينما
درجة والافضل هوعمل مدرج للغرفة كاملة 1.20 سنتي مقاس جيد
للدرجة الواحده -- الله يعينك يبيلك 3 شهور مراجعة وتعديل

تحياتي يالغالي :)

هلا إخوي نخلان

بالنسبة حق السينما المنزلية ولعدد بسيط من الأشخاص ما يتجاوز 6 وعلى التكنولوجيا الموجودة الحين .. أفضل شيء شاشة إل إي دي كبيرة 65 إنش مثلاً وكراسي مريحة وفي هالحال صفين كراسي على هالغرفة الصغيرة بتكون كفاية .. وأكثر الوقت بيكون الإستخدام للألعاب ويتحصل شخصين يلعبون وممكن 2 يتابعون .. يعني عتبة وحدة للكراسي اللي ورا كفاية.. وبالعكس التعديل ياخذ دقايق بسيطة ولا شيء يعني.

بالنسبة للمطبخ الداخلي اللي في الطرف هذا بيكون أصلاً مجهز كغرفة طعام عائلية ومطبخ تحضيري الشغل الكبير بيكون برا .. غرفة الطعام اللي جنب المجلس للرسميات وممكن تشيل عدد أكبر من طاولات البوفيه .. أو باخلي فيها طاولتين على طول .. انا طالع عن عادة الجلوس على الأرض وأحس الغالبية يحبون ألحين طاولة وكرسي أريح وأرتب وأسهل.

وبعدين ألحين المطبخ الداخلي متصل مع الخارجي ويطل على مواقف السيارات ومكانه هو الأنسب ولا شرايك؟

[naklan]

فيه حل ثاني تبديل اماكن المجلس والمطعم كل مكان الاخر ليبقى المطبخ
في مكانه لان نقل المطبخ يبعد مكانه عن المجلس الخارجي وهذي مشكلة لذالك
تبادل اماكن للمجلس والمطعم بيكون اوكي وترجع السينما للخلف الى مستوى
الدرج لعمل طرقة بين المطبخ والمطعم ها وش رايك :nice:

[روح الاطلس]

معماري ممكن فكرة عن السكاي لايت ؟ متى ينعمل؟ في مرحلة ؟ وتكلفته اشكثر تقريبا؟

[معماري قطري]

معماري ممكن فكرة عن السكاي لايت ؟ متى ينعمل؟ في مرحلة ؟ وتكلفته اشكثر تقريبا؟

في مرحلة السقف بس يبي له تصميم إنشائي وتعديل على الموجود .. تكلفته على حسب مواصفاته وحجمه ومن شركة لشركة بتحصلين السعر يختلف .. وفيه أنواع تجي جاهزة وتتركب .. شوفي شركة الزامل يسون تفصيل ووكيلهم في قطر المناعي .. بس أسهل شيء الشكل الهرمي والكل يقدر يسويه من زجاج وفريم ألمنيوم.

[معماري قطري]

فيه حل ثاني تبديل اماكن المجلس والمطعم كل مكان الاخر ليبقى المطبخ
في مكانه لان نقل المطبخ يبعد مكانه عن المجلس الخارجي وهذي مشكلة لذالك
تبادل اماكن للمجلس والمطعم بيكون اوكي وترجع السينما للخلف الى مستوى
الدرج لعمل طرقة بين المطبخ والمطعم ها وش رايك :nice:

ههههههه خلني بارقد وباحلم بهالحل وبارد عليك بعدين :nice:

[نور الحور]

ما شاء الله على التطورات الحلوة ..

عندي ملاحظة شكلية ..
معماري ياليت تنتبه على الله يكرمك مكان الدبليو سي في كثير من الحمامات في المخطط .. مو حلوة تفتح الحمام ويكون في الويه ..

ثاني شي مثل ما قال نكلان ان المطبخ بعيد عن غرفة الطعام النسائية ..
مع إني أشوف إن للحين المجلس كبير وايد إلا لو كنتوا من كثيري الضيوف

بعدين بالنسبة للغرفة اللي تحت وايد كبيرة ..ممكن تخليها غرفتين وبينهم حمام صغير أو غرفة وصالة لو كان ضيوفكم اللي يباتون كثار .. أما لو كانت غرفة احتياطية بس فالأفضل تصغرها ..أو تخصص جزء منها كغرفة صلاة مثلا أو غرفة استرخاء وريلاكسيشن ..تحط فيها كرسي مساج وجلسة صغيرة للتأمل ..وبيكون مكانها وايد حلو مطل على الحديقة

فكرة الملاحق بهالشكل وايد حلوة ما شاء الله بس المخزن وايد مهم للأغراض اللي ما تستخدم دايما أو الموسمية ..

موفق معماري :)

[معماري قطري]

ما شاء الله على التطورات الحلوة ..

عندي ملاحظة شكلية ..
معماري ياليت تنتبه على الله يكرمك مكان الدبليو سي في كثير من الحمامات في المخطط .. مو حلوة تفتح الحمام ويكون في الويه ..

هذي بعضها الصغيرة تنحكمين بالمساحة لو تحطينه بأي مكان نفس القصة .. لكن لاحظي الأغلبية تبدين بالمغسلة وهي أقرب شيء حتى في الحمامات الصغيرة فتحة الباب لو نص توصلج للمغسلة ولو كاملة توصلين للكرسي وأول شيء توصله العين المغسلة للي ما يعرف المكان واول مره يدخل.

ثاني شي مثل ما قال نكلان ان المطبخ بعيد عن غرفة الطعام النسائية ..
مع إني أشوف إن للحين المجلس كبير وايد إلا لو كنتوا من كثيري الضيوف

المجلس مثل طفاية الحريق تخسرين عليه وما تطلعين قيمته ويكون موجود إحتياط لوقت زيارات أو مناسبات.

بعدين بالنسبة للغرفة اللي تحت وايد كبيرة ..ممكن تخليها غرفتين وبينهم حمام صغير أو غرفة وصالة لو كان ضيوفكم اللي يباتون كثار .. أما لو كانت غرفة احتياطية بس فالأفضل تصغرها ..أو تخصص جزء منها كغرفة صلاة مثلا أو غرفة استرخاء وريلاكسيشن ..تحط فيها كرسي مساج وجلسة صغيرة للتأمل ..وبيكون مكانها وايد حلو مطل على الحديقة

الغرفة اللي تحت هذي طلعت زيادة كانت مكانها الصالة الرياضية وفي طرفها الستيم روم والسونا وتكرمين الحمام .. بس حسيت لو أخلي الصالة في زاوية البيت وأحول ذي غرفة رئيسية ثانية كتغيير مثلاً فوق شتوية وتحت صيفية .. مع اني أنصح الكل بعدم المبالغة الا إني بالغت وايد .. وكل الفكرة ان اللي بيبني بيتعب سواءً سوى شيء بسيط أو معقد .. وانا شكل ما ذكرت قبل بيتي الحالي للحين فرش توه وكل خطتي ذي بتتنفذ لو جانا قص لأن الإشاعات والشكوك تقول القص قريب، والوالد بنى هناك وإخواني وأفكر أكون قريب منهم لكن خلال سنتين من الحين.

وحلو إن الجميع يشوفون تطوير تصميم معين ويتناقشون فيه والكل يستفيد .. وممكن حد تعجبه الفكرة وينفذها أو يقتبس منها وبعد بيكون شيء زين .. خليني في الأيام الجايه باحاول أسوي مخطط ثري دي على الأقل خارجي وبعد بنشوف كيف بيكون من الخارج.

فكرة الملاحق بهالشكل وايد حلوة ما شاء الله بس المخزن وايد مهم للأغراض اللي ما تستخدم دايما أو الموسمية ..

ما حبيت إن الملحق ينفتح على الحوش ودوم أحب أسويه متواصل مع البيت حتى لو قوانين التخطيط ما تسمح .. وأسكر بعدين وبتظليل بسيط ولا سقف شبه شفاف يدخل الشمس.

المخازن تحت عندج 4 غير عن أرفف التخزين اللي في الطبيلات لأن ناوي أسويها تتسكر بالكامل

موفق معماري :)

الله يوفقج ويوفق الجميع.

[معماري قطري]

ههههههه خلني بارقد وباحلم بهالحل وبارد عليك بعدين :nice:

نبشت ونبشت كثيراً لكني لم أجد أبداً حل لهذي القضية، والسبب إن التصميم ككل جاي كذا .. واستخدام هذي الغرفة أوقات بسيطة جداً وللرسميات .. وموقع المجلس في زاوية مهمة أحلى وينفتح على حوش وزراعة وله خصوصية بعيد عن البيت .

[naklan]

نبشت ونبشت كثيراً لكني لم أجد أبداً حل لهذي القضية، والسبب إن التصميم ككل جاي كذا .. واستخدام هذي الغرفة أوقات بسيطة جداً وللرسميات .. وموقع المجلس في زاوية مهمة أحلى وينفتح على حوش وزراعة وله خصوصية بعيد عن البيت .



لوغيرت المجلس مكان غرفة الطعام بيكون على الزاوية الاخرى ايضاً وعلى حوش
وزراعة والمطعم مكان المجلس والمدخل مكانه قصدي كل واحد مكان الثاني وماراح يتغير
شي على تصميم الفلة لتقريب مسافة غرفة الطعام من المطبخ لو سويت بدون تعديل بيتعبك
في المستقبل الاكل لازم يمر على الصاله ومكان المطعم في زاوية بعيده وهذا غلط تصميمي
هو يصير لكن بيكون غلط في التصميم وناس وايد وقعوا فيه وندمو على العموم على هواك
ورغبتك بس لازم تفكر انك تعمل بيت جميل واستخدامه سلس ومريح دام انك في البداية
في مرحله التصميم خذ كل الاقتراحات واعمل سكتش بها وقرر بما يريح نفسيتك

[معماري قطري]

لوغيرت المجلس مكان غرفة الطعام بيكون على الزاوية الاخرى ايضاً وعلى حوش
وزراعة والمطعم مكان المجلس والمدخل مكانه قصدي كل واحد مكان الثاني وماراح يتغير
شي على تصميم الفلة لتقريب مسافة غرفة الطعام من المطبخ لو سويت بدون تعديل بيتعبك
في المستقبل الاكل لازم يمر على الصاله ومكان المطعم في زاوية بعيده وهذا غلط تصميمي
هو يصير لكن بيكون غلط في التصميم وناس وايد وقعوا فيه وندمو على العموم على هواك
ورغبتك بس لازم تفكر انك تعمل بيت جميل واستخدامه سلس ومريح دام انك في البداية
في مرحله التصميم خذ كل الاقتراحات واعمل سكتش بها وقرر بما يريح نفسيتك

مشكلة البيت صوب ضيق وصوب شوي أوسع والمجلس طوله 10 متر وغرفة الطعام 6 متر .. وهي غرفة طعام رسمية للضيوف يعني استخدامها بيكون قليل .. بالنسبة لليومي فيه جلسة طعام وبوفيه فوق وفيه جلسة الطعام المدمجة مع المطبخ الداخلي .. وللعزايم الأكل في الغالب يجي جاهز من برا ودخوله من الباب الرئيسي أقرب بيكون.

شاكر لك اهتمامك والله بس مفكر في هالوضعية قبل وهذا تقريباً أنسب شيء.

[حسن الاحمد]

انا شغلي عالواجهات ومالي خص في البلان
ننتظر الواجهات :nice::nice:
وبالتوفيق.

[معماري قطري]

بعد ما قصرت أخ naklan برايك بخصوص تصغير المسبح .. انا أشوف زرع المنطقة بزراعة مرتبة وعمل مسبح في حدود 8 في 4 متر بيسوي جو للمكان وبيطلع أنسب من الوضع الجديد ذيه .. حتى رؤية الماي تفتح النفس .. وجلسة بتكون خارجية أوسع شوي وأرضية مزروعة عشب وسقف ينفتح أو يتسكر كامل بيكون حلو أكيد .. العيال إحتجوا يوم شافوا التعديل الحالي وسوا إضراب عن الكلام فرضخت لطلباتهم.

[معماري قطري]

انا شغلي عالواجهات ومالي خص في البلان
ننتظر الواجهات :nice::nice:
وبالتوفيق.

حي الله هالزائر

الله يوفقك يا اخوي يبي له حجر لازم خصوصاً عن الرطوبة مكان الحوض الصبغ بيتقشر سرعه .. وطريقة تركيبكم ما شاء الله جيدة وما اتوقع تنفك بسهولة.

[النهار]

متابع

[EUPHORIA]

روعه عجبني التصميم وانا اقول بالبركه احلى ..

الله يهداك الحين ماعاجبني المخطط مالي :(

باقي لنا موافقات بس يصير اغيره ؟

طلع المخطط مالي كلش مب شي هههههه

[معماري قطري]

روعه عجبني التصميم وانا اقول بالبركه احلى ..

الله يهداك الحين ماعاجبني المخطط مالي :(

باقي لنا موافقات بس يصير اغيره ؟

طلع المخطط مالي كلش مب شي هههههه

الله يوفقك يا اخوي في مخططك

شوف إذا للحين ما بديت تبني تقدر تسوي تعديلات بسيطة حتى بعد الموافقات النهائية، ويعتمد على أرضك والموقع واحتياجاتك .. انا أكمل الشكل كمجسم ثلاثي الأبعاد وتورطت في العملية صعبة وايد والكمبيوتر يعلق أحياناً ويضيع شغلي .. بس إن شاء الله باكمله على خير وباحط الواجهات والتفاصيل الباقية.

إذا تبي راي ثانوي وتوزيعة أثاث حق بيتك حطه هنيه ولا نزله فايل اوتوكاد وبارتبه لك والله يوفقك إن شاء الله.