متى استحق السنير ؟

[ملاك]

صبآآآآح / مسآآآآآء الخير

ياليت احد يفيدني في هالموضوع واكون شاكره له

انا موظفه اشتغلت في 3 جهات حكوميه ومجمل خدمتي 8 سنوات وفي جهة عملي الاخيره

صار لي 4 سنوات واخر ترقيه استثنائيه وشملت معظم الموظفين كانت في يناير 2010م

متى المفروض اطالب بالسنير؟

يعني بعد 8 سنوات خدمه هل يحق لي المطالبه بالسنير ولا لازم 10 سنوات مثل ماسمعت؟

[hamoor4ever]

على اي درجه انتي حاليا

[ملاك]

على اي درجه انتي حاليا

الدرجه الثامنه اساسي 10900 ريال

[ولي العهد]

صبح صبح ...

متى تستحقين؟؟؟ متى مارضوا عليج الي فوق الي هم المسئولين

واذا على القانون ... غني ياليل مطولك

عطيتج اياها من الاخر

[ملاك]

صبح صبح ...

متى تستحقين؟؟؟ متى مارضوا عليج الي فوق الي هم المسئولين

واذا على القانون ... غني ياليل مطولك

عطيتج اياها من الاخر


شدخلني انا باللي يرضى واللي مايرضى

انا اتكلم قانونيا حسب اللائحه !!

[ولي العهد]

شدخلني انا باللي يرضى واللي مايرضى

انا اتكلم قانونيا حسب اللائحه !!


قلت لج قانونيا ... غني ياليل مطولك
وعطيتج اجابتين والايام بتثبت لج اذا كنت على خطأ ولا على صواب

[طموحي عالي]

حبيبتي انا اشتغل بالشؤون الاداريه
هم اظلموج لمن عطوج الاستثنائيه

مفروض الحين ترفعين تظلم يرجعونج فيه عالتاسعه واطالبين باستحقاقج للدرجه واللي هي حسب خدمتج اللي هي 8 سنوات تكونين عالسابعه

عقب اذا تبين اطالبين بالاستثانئيه انتي حره


او ترفعين تظلم بأنج انظلمتي بالتعيين وعلى الاقل يساوونج ويحطونج عالسابعه
لان الحين مر قريب ثلاث سنوات مستحيل يردونج تاسعه
الافضل انج ترفعين تظلم

للعلم اذا انتي تعليمج اعدادي فالترقيه كل 5 سنوات
اما اذا ثانوي فكل 4 سنوات

ولاتنسين ان سنه 2009 كل اللي على العاشره صاروا عالتاسعه حسب القانون
يعني انا محتاجه منج بعض المعلومات عشان اقدر افيدج اكثر

اتمنى اني وصلت لج المعلومه الصحيحه

[R 7 A L]

ابحثي لك عن واسطة وامورك ميه الميه
يمكن يعطونك السادسة على طول
على حسب نفوذ الواسطة الي بتختارينها

[hamoor4ever]

اذا ثانويه باقي لج تقريبا سنتين بس التقدير لايقل عند جيد جدا هالشغله مهمه وتاخذين الدرجه قانونيا

[ملاك]

حبيبتي انا اشتغل بالشؤون الاداريه
هم اظلموج لمن عطوج الاستثنائيه

مفروض الحين ترفعين تظلم يرجعونج فيه عالتاسعه واطالبين باستحقاقج للدرجه واللي هي حسب خدمتج اللي هي 8 سنوات تكونين عالسابعه

عقب اذا تبين اطالبين بالاستثانئيه انتي حره


او ترفعين تظلم بأنج انظلمتي بالتعيين وعلى الاقل يساوونج ويحطونج عالسابعه
لان الحين مر قريب ثلاث سنوات مستحيل يردونج تاسعه
الافضل انج ترفعين تظلم

للعلم اذا انتي تعليمج اعدادي فالترقيه كل 5 سنوات
اما اذا ثانوي فكل 4 سنوات

ولاتنسين ان سنه 2009 كل اللي على العاشره صاروا عالتاسعه حسب القانون
يعني انا محتاجه منج بعض المعلومات عشان اقدر افيدج اكثر

اتمنى اني وصلت لج المعلومه الصحيحه

هذا الكلام اللي كنت ابي اعرفه

مشكوره اختي كفيتي ووفيتي وجزاج الله خير :)

[بـــــدوي]

بالتوفيق اختي

[الإكسير]

8 سنين وتبين سنير بدري

[طموحي عالي]

8 سنين وتبين سنير بدري

لا عادي انا ان شاء الله شهر 4 او 5 بسنير وانا لي 4 سنوات بس

[Amigo]

في ناس وقطريين صار لهم تقريبا 15 سنه وفي جهه وحده وبدون اي انذارات ماصارو سنير الله المستعان
طبعا الجواب مالج الا الواسطه او الشهاده
الله يوفقج وتاخذين سنير يارب

[almaf1a]

الدرجات لا تحدد بسنين الخدمة
على حسب المكان
في جهات الدرجات مفتوحه لهم
وفي جهات ساحبين عليها
انتي وحظج

[تعليقي]

لا عادي انا ان شاء الله شهر 4 او 5 بسنير وانا لي 4 سنوات بس

ممكن افهم كيف

ممكن بهذي الطريقة ؟؟؟ ثانوية توظف على التاسعة وبعد اربع سنوات استحق الدرجة الثامنة وقدم على درجة إستثنائية وعطوه السابعة .

[غير البشر]

اختي شنو شهادتج
وتاريخ كم تعيينج
وكم ترقيه حصلتي للحين من تاريخ تعيينج مع الاستثنائيه ياريت اتقولين لي
على اساس شنو تستحقين ومتى تستحقين

[Google]

ماراح تستحقين الدرجة الا اذا حجت البقر على قرونها او اذا حصلتي واحد خايف من الله ينصف تعبج. غيرها امسحي بوزج مافي سنير.

:nice: :nice: :nice: :nice: :nice: :nice:

[Q-tr]

والله الشور والنصيحة مني انج تتواصلين مع الامانة العامة عند الاستاذ الفاضل/ عبدالله المريخي او من ينوب عنه وهو ان شاء الله بيفيدج لان كل واحد اهني بيفتي لج بشغلة ،،،
للعلم الاستاذ عبدالله المريخي هو مدير إدارة الموارد البشرية الحكومية بالأمانة العامة لمجلس الوزر... وهو غني عن التعريف نصيحة تواصلي معاهم