شلــــــون كنتو تدرسون ؟؟

[الحياة الخالدة]

لكل واحد منا طريقته الخاصـــــة في الدراسة و المذاكـــــرة
البعض ما يعرف يدرس إلا في الهدوء .. و البعض الآخر عادي عنده حتى لو قدام التلفزيــــون
البعض يدرس بروحه .. و البعض الآخر لازم حد معــــــاه .. و هكذا

شلون كانت / أو ما زالت طقوس المذاكرة عندكم ؟؟

[بوحمد111]

يا الله تذكرت ايام الدراسه الجامعيه في بريطانيا وكانت دراستنا ما تحلا الا مع التلفزيون والتفنن في الطبخ واحلى وقت كان في الليل الى ما تطلع الشمس واكثر الاختبارات قدمناها واحنا مستمرين بدون نوم ولله الحمد كنا من المتفوقين حتى على الانجليز

قبل 20 سنه هذه السوالف

[دفرنت]

ياسلاااام ذكريات ايام الدراسة والطقوس العجيبة

بين كل فترة راحة فترتين راحة :)

انا لازم اكون بروحي لاني اتكلم بصوت عالي:rolleyes2:

بدت هالحالة من الثانوي لين خلصت الجامعة ولله الحمد


وبس ,,,,

شكرا عالموضوع

[شبح الصمت]

الله يعطيج العافيه

ذكريات حلوه ومريره

عصر المخ واطلع وتحآول تحفظ

كانت عقدتي الحفظ لازم اعيد السؤال وغمض عيوني وحفظ ورد لين احفظه .. !!!


وما احب الازعاج لانه الازعاج ما يخليني اركز

واحب قبل يوم اراجع اخلي معاي واحد عقب خلاص ما احفظ يسمع لي ..

[sweet qatar]

انا احسن طريقة عندي للدراسة.. اني اكشخ واجابل المنظرة واسوي نفسي مذيعة واقرا النشرة.. قصدي الكتاب :shy:

بصراحة عمري ما درست عدل.. وهذا الي بعدني عن المراكز الاولى في الثانوي..

حتى الامتحانات افتح الكتاب واحط وسطه رواية واعيش الجو وانسى الامتحان.. واذا اذن الفجر قعدت اصيح عند امي..

بس الحمدلله عدت على خير.. :)

[العلم]

أنا في حياتي مرحلتين ... قبل الإلتزام وبعده .

قبل الإلتزام كانت أيام الثانوية ،،،. ما أقدر أدرس ولا أحل واجباتي إلا وأنا مركب السماعة وأسمع أغاني ... شلون وكيف ما أدري !! :secret:



بعد الإلتزام أيام الجامعة ،،، تغير الحال ولله الحمد صرت ما ادرس إلا وأنا في هدوه تام وأكتب على ورقة أرجوا عدم الإزعاج أنا أذاكر وأعلقها على باب الغرفة ههههههههاي الشباب عارفيني إذا شافوا الورقة محد يطق الباب لأن مجرد الطق يخرب الجو ويعفس المذاكرة كاملة .... وأتم عالمكتب برفقة الأوراق والكتب والأقلام وأقلام التخطيط العريضه الملونه ،، وكوب الشاي بالنعناع
وأقرأ المادة أو المنهج مثل ما أقرأ الروايات يعني أندمج وأقرا بفهم بسس مجرد قراءة ،، وعلى هالحال أربع خمس مرات وأحفظهم دايركت

،، وكل ساعة أخذ راحة وأفتر على ربعي نسولف 15 دقيقة .... وبس :shy:




آآآه .. ذكرتينا بأيام :(

[الحياة الخالدة]

يا الله تذكرت ايام الدراسه الجامعيه في بريطانيا وكانت دراستنا ما تحلا الا مع التلفزيون والتفنن في الطبخ واحلى وقت كان في الليل الى ما تطلع الشمس واكثر الاختبارات قدمناها واحنا مستمرين بدون نوم ولله الحمد كنا من المتفوقين حتى على الانجليز

قبل 20 سنه هذه السوالف


سوالف التلفزيون و الطبــــخ هاذي كلها شردة من المذاكرة :)
و صج أحلى شي الدراسة في الليل

شكراً لك أخوي بوحمد .. و الله يطول بعمرك على طاعته

[نور الحور]

حلو موضوعج وايد .. ذكرتينا بالذي مضى ..

بالنسبة لازم أذاكر على السرير .. حتى كتابة الواجبات على السرير :secret:
ولازم هدووووووء .. وغصب طيب أخلص الفصول أو الدروس اللي حددتها في المدة المحددة .. يعني مثلا فصل واحد أقدر له ساعة وحدة ..لازم أخلص في هالساعة او قبلها ..أحط الساعة وأقعد أسابق نفسي ..
وأحب وايد ألخص النقاط الكثيرة في شكل رسومات مترابطة.. مجرد نظرة وحدة تذكرني بكل النقاط :victory:

وقبل النوم مراجعة سريعة للي أخاف أنساه او أحسه صعب ..وبث :shy:

[الحياة الخالدة]

ياسلاااام ذكريات ايام الدراسة والطقوس العجيبة

بين كل فترة راحة فترتين راحة :)

انا لازم اكون بروحي لاني اتكلم بصوت عالي:rolleyes2:

بدت هالحالة من الثانوي لين خلصت الجامعة ولله الحمد


وبس ,,,,

شكرا عالموضوع


أما فترات الراحـــــة عاد حدث و لا حرج .. ما يمديك تدرس نص ساعة إلا خذت لك عقبها ساعة راحـــــة :)
و انا نفس الشي أدرس بروحي لأني أتكلم بصوت عالي .. و اكتب .. و لازم أشارك كل حواسي عشان استوعب
الله يرحم ذيك الأيام

حياك الله أخوي دفرنت

[@north_star@]

اهم شي الهدوء واكون بروحي وثانيا أختصر وأكتب الاشياء المهمة والخصها على ورق وادرس منها وافضل الدراسه الفجر

[دااانة قطر]

موضوع راائع ..



اياام ابتداائي واعداادي كنت بعد الغداا ابتدي المرااجعه واحل الوااجباات مع اختلااف الوقت احياانا اخلص قبل العصر واحياانا للمغرب لأن وقتها كنا ننامم بدري يمكن 7 ونص او8
الثاانويه لا اول ترم عفستني الفيزياء واللغة العربيه ( الادب العربي ) كنت احس نفسي ضاايعه يوم شفت الدرجات حطيت لي جدول ابتديه بعد صلااة العصر كل مااده بنص سااعه على جدول اليوم الثااني منها ارااجع ومنها احل اي وااجب وبس على هالحاال لين خلصت الثاانويه
في الجاامعه بعد الزوااج ماقدرت اوفق بين البيت والجاامعه حااصة في السنه الثاانيه فاعتذرت وطلعت وبعدها ب4 سنواات اشتغلت

الحين ابي اكمل دعوااتكم

[الحياة الخالدة]

الله يعطيج العافيه

ذكريات حلوه ومريره

عصر المخ واطلع وتحآول تحفظ

كانت عقدتي الحفظ لازم اعيد السؤال وغمض عيوني وحفظ ورد لين احفظه .. !!!


وما احب الازعاج لانه الازعاج ما يخليني اركز

واحب قبل يوم اراجع اخلي معاي واحد عقب خلاص ما احفظ يسمع لي ..


الله يعافيك أخوي شبـــح :)

أما المخ من ناحية عصرناه عصرناه من قلب .. عشان جذي الحين ما قمنا نستوعب بسرعة :)

و انا استغرب شلون في ناس يعرفون يدرسون مع الإزعاج أو حواليهم ناس رايحين و يايين .. لأن بالنسبة لي أي شي يشتت انتباهي

حياك الله أخوي شبح

[الحياة الخالدة]

انا احسن طريقة عندي للدراسة.. اني اكشخ واجابل المنظرة واسوي نفسي مذيعة واقرا النشرة.. قصدي الكتاب :shy:

بصراحة عمري ما درست عدل.. وهذا الي بعدني عن المراكز الاولى في الثانوي..

حتى الامتحانات افتح الكتاب واحط وسطه رواية واعيش الجو وانسى الامتحان.. واذا اذن الفجر قعدت اصيح عند امي..

بس الحمدلله عدت على خير.. :)


هههههههههه يحليلج يا سويت .. اسم على مسمى
صراحـــــة خوش دراسة .. لا و بكل جرأة تروحين تصيحين عند أمج :)
أهم شي إنها عدت على خير

حياج الله حبيبتــــي

[حسن]

اوه اكره شي كانت الدراسه والحفظ بالعافيه واحب الهدوء

[intesar]

أنا مثل العلم العالي قبل الالتزام وبعده بس مو بالدين.. بحب العلام على قولة اخوانا المصريين..

يعني بصراحة بالثانوية كانت دراستي أي كلام.. ودخلت الامتحان من غير دراسة أدرس نص الكتاب وأدخل الامتحان.. بس الحمدلله..
لكن بالجامعة بعد رجوعي من رحلة دراسة بوالعيال.. افتقدت الدراسة جداً جداً.. سحبت أوراقي الجامعية.. لأني عنيدة جداً وكنت أبي تخصص معين وماعطوني اياه.. عشان جذيه لليوم كارهتهم جامعة قطر.. أذكر الموظفة حزنانة علي.. حرام تسحبين أوراقج وتروحين دبلوم عشان التخصص مو طايقته..

المهم حولت دبلوم وبتقدير جيد جداً تخرجت.. ولولا ظروف طفل جديد بحياتي يمكن تخرجت بامتياز..

ولليوم بوالعيال يقول لي انتي ضيعتي مستقبلج.. بدبلوم بدال البكالوريوس..
يمكن.. لكن على الأقل درست تخصص أحبه..

يمكن قبل سنوات كنت متحسفة على هذا القرار.. لكن اليوم وبعد عودة الثقة لنفسي.. بالعكس أشوف إني سويت وأنتجت أشياء أفضل من اللي يحملون شهادات.. وهذا بتوفيق من الله سبحانه وتعالى..

أما عن الدراسة وكيف أدرس.. الموضوع اللي ما أفهمه كنت أخترع له رسمه.. عشان بالامتحان أتخيل هذي الرسمه وأعرف أحل.. بالفعل فادتني هذي الطريقة..

بالكلية كنت بعض المواد أحفظها حفظ مثل اسمي.. لأني أكون مو فاهمته نهائياً..

أعتقد أسلوب الكتابة مع الدراسة.. أسلوب أكثر من ممتاز.. حتى تتركز المعلومات..

الحمدلله حمداً كثيراً.. على كل ما حصلت عليه حتى يومنا هذا..

[الحياة الخالدة]

أنا في حياتي مرحلتين ... قبل الإلتزام وبعده .

قبل الإلتزام كانت أيام الثانوية ،،،. ما أقدر أدرس ولا أحل واجباتي إلا وأنا مركب السماعة وأسمع أغاني ... شلون وكيف ما أدري !! :secret:



بعد الإلتزام أيام الجامعة ،،، تغير الحال ولله الحمد صرت ما ادرس إلا وأنا في هدوه تام وأكتب على ورقة أرجوا عدم الإزعاج أنا أذاكر وأعلقها على باب الغرفة ههههههههاي الشباب عارفيني إذا شافوا الورقة محد يطق الباب لأن مجرد الطق يخرب الجو ويعفس المذاكرة كاملة .... وأتم عالمكتب برفقة الأوراق والكتب والأقلام وأقلام التخطيط العريضه الملونه ،، وكوب الشاي بالنعناع
وأقرأ المادة أو المنهج مثل ما أقرأ الروايات يعني أندمج وأقرا بفهم بسس مجرد قراءة ،، وعلى هالحال أربع خمس مرات وأحفظهم دايركت

،، وكل ساعة أخذ راحة وأفتر على ربعي نسولف 15 دقيقة .... وبس :shy:




آآآه .. ذكرتينا بأيام :(


بالفعل في ناس ما يدرسون إلا على صوت أغاني و موسيقى عالية
بالنسبة لي كنت أحياناً أشغل موسيقى هادية كلش و اقصر على الصوت يا دوووب ينسمع

و أحلى شي الشاي أو النسكافيه مع الدراسة .. بس أحياناً ناخذهم حجة كل شوي نقوم نسوي لنا :)
و حلو إنك تسمتع باللي تقراه كرواية .. بس المشكلة ما تقدر تطبقه على كل المواد :rolleyes2:

مشكور أخوي العلم العالي .. و الله يثبتك على طاعتــــه

[نور الحور]

تذكرت شي بعد ...هههههه
من الوسائل الفتاكة اللي استخدمها في الدراسة التلحين :secret:

والله للحين أذكر في الاجتماعيات في صف ثاني إعدادي كنت أبي أحفظ مدن انكليزية مادري شفيها (الظاهر في إنتاج شي معين) .. ما حفظتها إلا لما لحنتها وللحين اذكرها باللحن : أنبرة وجلاسجو ..يوركشير لانكشير ولندن :nice:

[ام ناصر1]

بالابتدائي ما اذكر اشلون كنت ادرس ...بس كنت من المتوسطين
بالاعدادي ادرس قبل الامتحان بيوم افرش كل الكتب والدفاتر لالتقاط كل المعلومات
بالثانوي ..صارت عاده عندي ادرس بالليل والسبب الاساسي البحث عن وقت هادي للمذاكرة وكنت امسك مادة مادة للمذاكرة
ماعندي وقت محدد للمذاكرة ..المهم اخلص فصلين من الكتاب ...
بالجامعة المذاكرة مثل الاعدادي قبل بيوم ليومين وآخر بهدلة والمعلومات كلها ...بح طارت
ورجع المخ ابيض ونظيف : )

[الحياة الخالدة]

حلو موضوعج وايد .. ذكرتينا بالذي مضى ..

بالنسبة لازم أذاكر على السرير .. حتى كتابة الواجبات على السرير :secret:
ولازم هدووووووء .. وغصب طيب أخلص الفصول أو الدروس اللي حددتها في المدة المحددة .. يعني مثلا فصل واحد أقدر له ساعة وحدة ..لازم أخلص في هالساعة او قبلها ..أحط الساعة وأقعد أسابق نفسي ..
وأحب وايد ألخص النقاط الكثيرة في شكل رسومات مترابطة.. مجرد نظرة وحدة تذكرني بكل النقاط :victory:

وقبل النوم مراجعة سريعة للي أخاف أنساه او أحسه صعب ..وبث :shy:


الحلو تشريفج موضوعي يا نور :)
مشكلة المذاكرة على السرير إنها ممكن تؤدي إلى الاستسلام للنـــــوم في أي لحظة :)
و طريقتج في المذاكرة حلوة و مفيدة جداً للمراجعــــــة السريعة

يعطيج العافية أختي العزيزة

[شمس2]

موضوع عجيب يبيله قعده
لي رجعه :nice:

[حفيد الأنصار]

يوووه اكره المذاكره وانا ماذاكر ابدددا
المواد اللي فيه فهم يمكن الواحد يشغل مخه لكن اللي حفظ وماتذاكرها تتورط :secret:
عن نفسي هذا طبعي من الثانوية وتخرجت وتوظفت ورجعت للجامعه ولسه هذا طبعي
واللحين جالس اعيش هالشي :(
بكرا الساعه 8 بالليل عندي اختبارين قران حفظ الجزء الثاني كامل والاختبار الثاني انجليزي
وربي المادتين الى الان ماحفظت شي ولا اطلعت عليها :weeping:
الله يسهلها بس النجاح 60 من 100 ان شاء الله اجيبها مع الدف :telephone:
مشكلتي اي شي يلهيني وقت الاختبارات :omen2:
قلبتي المواجعع :weeping: :weeping:

[نور الحور]

الحلو تشريفج موضوعي يا نور :)
مشكلة المذاكرة على السرير إنها ممكن تؤدي إلى الاستسلام للنـــــوم في أي لحظة :)
و طريقتج في المذاكرة حلوة و مفيدة جداً للمراجعــــــة السريعة

يعطيج العافية أختي العزيزة



طريقتي ما تنوم ..تدرين ليش؟؟ لأني أقعد متربعة وسط السرير والكتب والأوراق والساعة حواليني وسباق مع الزمن :victory:

[ضوى]

بكل امانة وصدق كنت ادرس والهيد فون في اذني اسمع اغاني ،ماعرف ادرس على مكتب لانه اصلا ماكان عندنا ، يا في المطبخ وامي تطبخ واحنا قاعدين عالارض مجابلينها ونلبي طلباتها ، او بالصالة والتلفزيون شغال وحشرة اليهال من كل صوب عااادي والحمد لله مشينا وعدينا

[Miss]

انا ادرس بصوت عالي.. مستحيل احفظ بصوت واطي .. ولازم في مكان برا مهب داخل البيت .. ومكاني الجميل السري ورا البيت ودلة كرك :nice:

[شمس2]

طبعا ايام kg1وkg2 والابتدائي مافيه دراسه حتى لو مانحل هم يحلون عنا وينجحونا :nice:
اعدادي الدراسه من العصر لين المغرب مجرد قرايه من الكتاب وعقب شخري :shy:
الثانويه سوالف كبار شوي دراسه في الليل وطبعا رايحين يايين على المطبخ الا شاي الا نسكافيه الا مجبوس او معكرونه حسب صعوبة الامتحان ومع حنة الوالده علينا الله يرحمها ويغفر لها مشينا بالدز :secret:
الجامعه صار الصج صرنا ندرس عدل تطورنا قمنا نروح فوق السطح نجهز المده والاوراق والكتب ونطيح دراسه والحمدلله عديناها
الحين المرحلةالاخيره من حياتنا وهي الدراسه بمزاج وباختيارنا دورات وهالسوالف وطبعا الدراسه تكون وسط العيال وحشرتهم :eek5:
وبس والله يا اختيه :tease:

[بو خليفه 123]

من الابتدائيه لين الاعداديه كنت ادرس بالضرب

او الوالد الله يرحمه كان يطلع الفريج يدورني بالسياره و لين لقاني تبتدي المطاردات

بالثانويه كان الوالد يرقدني بالمجلس و يجيني مدرس خصوصي يصلي الفجر بمجلسنا و يراجع لي المناهج قبل الاختبار .. الله يذكره بالخير الآن هذا المدرس تاجر كبير في قطر

بالجامعه بحكم دراستي بالخارج كان لي خيارين اني ابيض وجه هلي او ارجع بسواد وجه فـ اخترت اني اضغط على نفسي بما انه مدينتنا كانت ممله فـ كنت اقعد على البلكونه و اشب الضو و ادرس لين ارقد بالبلكونه :shy:

[بوحارب]

انا كنت احب اسوي جو رومنسي وادرس اشدخل الرومنسية في الدراسة ههههههههه

اذكر كنت احفظ سؤال سؤال لييييييين ما اختم الكتاب كامل عن غيب

اما في المواد العلمية لو يجي وزير التعليم يدرسني ماراح افهم

ولنا في طردي من الكلية اسوة حسنة ههههه

يسلموا الحياة الخالدة على الموضوع اللي ماله داعي ذكرتيني ما كنت ناسيهووو

[نور الحور]

من الابتدائيه لين الاعداديه كنت ادرس بالضرب

او الوالد الله يرحمه كان يطلع الفريج يدورني بالسياره و لين لقاني تبتدي المطاردات

بالثانويه كان الوالد يرقدني بالمجلس و يجيني مدرس خصوصي يصلي الفجر بمجلسنا و يراجع لي المناهج قبل الاختبار .. الله يذكره بالخير الآن هذا المدرس تاجر كبير في قطر

بالجامعه بحكم دراستي بالخارج كان لي خيارين اني ابيض وجه هلي او ارجع بسواد وجه فـ اخترت اني اضغط على نفسي بما انه مدينتنا كانت ممله فـ كنت اقعد على البلكونه و اشب الضو و ادرس لين ارقد بالبلكونه :shy:



الله يجزي والدينا ووالديك كل خير .. عور قلبي ردك .. الله يعينك على برهم

[الحياة الخالدة]

اهم شي الهدوء واكون بروحي وثانيا أختصر وأكتب الاشياء المهمة والخصها على ورق وادرس منها وافضل الدراسه الفجر


في وايد معانا كانوا يدرسون بمكتبة الجامعة و يطالعون الرايح و الياي .. أنا إذا ما كنت بروحي ماعرف أدرس
و احياناً التلخيص يكون نفس كمية المادة بس المهم ان احنا كاتبينه بخط يدنا :)
و يا زين الدراسة الفجـــــر الواحد يكون مصحصح ( لو كان نايم عدل ) و مخه نظيف

حياك الله أخوي نورث ستار

[الزلزال]

ههههههههههه في المرحله الابتدائية كنت ادرس بضرب

[نوفة قطر]

أنا أهم شيء اصارخ واتكلم بصوت :secret:

ادرس بصمت هالشيء معناته ماقاعده افهم شيييي

-

[قطريه أصيله]

امبييييييه بتطلع الفضايح ..
انا كنت انام طول النهار واصحى الساعه 10 فالليل
امي تجهز لي عشا خفيف ودلة شاهي ودلة قهوه
يكون كل البيت خلاص رقد
وابتدي طقوسي في الدراسه ..
ماكنت اعرف أحفظ شي بالقرآئه كان كله عندي كتابه اكتب اكتب اكتب كل شي أكتبه واكرر المعلومه بالكتابه لين تثبت في ذهني
واذا تعبت من الكتابه اقوم اوقف واقعد ادور في الميلس وماسكه كتابي واسمع حق نفسي بصوت عالي
ولما اتعب من الوقوف ارجع اقعد واكتب واكتب واكتب
كنت ادرس دراسه مستمره من الـ 10 pm لين آذان الفير يأذن اقوم اصلي واقرا اذكار الصباح
واكمل دراسه لين موعد الامتحان

والحمدلله نسبتي بيضة الويه في الثانويه العامه 89% أدبي رياضيات وعلوم :$

[بو خليفه 123]

الله يجزي والدينا ووالديك كل خير .. عور قلبي ردك .. الله يعينك على برهم



و يجزاك بمثله و يثبتك على طاعة الرحمن

[sweet qatar]

والحمدلله نسبتي بيضة الويه في الثانويه العامه 89% أدبي رياضيات وعلوم :$


ماشالله عليج قطرية.. عندج اصرار وعزيمة..
انا نسبتي قريبة من نسبتج..



الحياة الخالدة حبيبتي نسيت اشكرج على الموضوع الحلو.. :shy:

[الحياة الخالدة]

موضوع راائع ..



اياام ابتداائي واعداادي كنت بعد الغداا ابتدي المرااجعه واحل الوااجباات مع اختلااف الوقت احياانا اخلص قبل العصر واحياانا للمغرب لأن وقتها كنا ننامم بدري يمكن 7 ونص او8
الثاانويه لا اول ترم عفستني الفيزياء واللغة العربيه ( الادب العربي ) كنت احس نفسي ضاايعه يوم شفت الدرجات حطيت لي جدول ابتديه بعد صلااة العصر كل مااده بنص سااعه على جدول اليوم الثااني منها ارااجع ومنها احل اي وااجب وبس على هالحاال لين خلصت الثاانويه
في الجاامعه بعد الزوااج ماقدرت اوفق بين البيت والجاامعه حااصة في السنه الثاانيه فاعتذرت وطلعت وبعدها ب4 سنواات اشتغلت

الحين ابي اكمل دعوااتكم


الروعة في حضورج أختي دانة :)

ما شاء الله عليج
الله يوفقج و ييسر لج أمـــــورج
و ان شاء الله تبشرينا بتخرجج من الجامعـــــة :victory:

[الحياة الخالدة]

اوه اكره شي كانت الدراسه والحفظ بالعافيه واحب الهدوء

شكلك من يوم كنت صغير و انت طاير مع البحــــــر :)

حياك الله أخوي حسن

[نوار قطر]

بوووو ذكرتينا بالامتحانات :rolleyes2: ايام الدراسه العاديه عااادي في اي مكان ماتفرق عندي اما وقت الامتحانات ابدا ماعرف اسوي مثل باقي البنات واحط خطه ادرس كل يوم ماده ،،،، الصراحه كنت ادرس يوم الامتحان فقط ماعرف ادرس قبل ،:secret: ،،،،، وكانت نسبتي قريب ال80 ههههه هلي كانو يقولون لي انتي نجحتي على البركه :rolleyes2:

[الحياة الخالدة]

أنا مثل العلم العالي قبل الالتزام وبعده بس مو بالدين.. بحب العلام على قولة اخوانا المصريين..

يعني بصراحة بالثانوية كانت دراستي أي كلام.. ودخلت الامتحان من غير دراسة أدرس نص الكتاب وأدخل الامتحان.. بس الحمدلله..
لكن بالجامعة بعد رجوعي من رحلة دراسة بوالعيال.. افتقدت الدراسة جداً جداً.. سحبت أوراقي الجامعية.. لأني عنيدة جداً وكنت أبي تخصص معين وماعطوني اياه.. عشان جذيه لليوم كارهتهم جامعة قطر.. أذكر الموظفة حزنانة علي.. حرام تسحبين أوراقج وتروحين دبلوم عشان التخصص مو طايقته..

المهم حولت دبلوم وبتقدير جيد جداً تخرجت.. ولولا ظروف طفل جديد بحياتي يمكن تخرجت بامتياز..

ولليوم بوالعيال يقول لي انتي ضيعتي مستقبلج.. بدبلوم بدال البكالوريوس..
يمكن.. لكن على الأقل درست تخصص أحبه..

يمكن قبل سنوات كنت متحسفة على هذا القرار.. لكن اليوم وبعد عودة الثقة لنفسي.. بالعكس أشوف إني سويت وأنتجت أشياء أفضل من اللي يحملون شهادات.. وهذا بتوفيق من الله سبحانه وتعالى..

أما عن الدراسة وكيف أدرس.. الموضوع اللي ما أفهمه كنت أخترع له رسمه.. عشان بالامتحان أتخيل هذي الرسمه وأعرف أحل.. بالفعل فادتني هذي الطريقة..

بالكلية كنت بعض المواد أحفظها حفظ مثل اسمي.. لأني أكون مو فاهمته نهائياً..

أعتقد أسلوب الكتابة مع الدراسة.. أسلوب أكثر من ممتاز.. حتى تتركز المعلومات..

الحمدلله حمداً كثيراً.. على كل ما حصلت عليه حتى يومنا هذا..


ما شاء الله عليج أختي انتصـــــار .. جريئة في قراراتج :)
بس أهم شي إنج درستي الشي اللي تحبينـــــه
و حلو تستخدمين موهبـــــة الرسم في الدراسة

بالتوفيق عزيزتي .. و حياج الله

[mr.hamouda]

في الثانويه كنت ادرس على المكتب واسمع أغاني ولازم مشروب ال ice tea بنكهة الخوخ يكون جنبي أو حليب فروله طويل المدى ....أش دخل ما ادري بس هاي أسلوبي !ّ
الحين بالجامعه لازم هدووووووووووووووووووووووء كامل عند حفظ الكلمات الجديده بالأنجليزي
أما أي شيء ثاني على نفس طريقة الثانويه !

[R 7 A L]

أنا في المجلس رايح جاي
وكل ساعة بريك راحة عشر دقايق

[الحياة الخالدة]

تذكرت شي بعد ...هههههه
من الوسائل الفتاكة اللي استخدمها في الدراسة التلحين :secret:

والله للحين أذكر في الاجتماعيات في صف ثاني إعدادي كنت أبي أحفظ مدن انكليزية مادري شفيها (الظاهر في إنتاج شي معين) .. ما حفظتها إلا لما لحنتها وللحين اذكرها باللحن : أنبرة وجلاسجو ..يوركشير لانكشير ولندن :nice:


فتاكة ههههههه
الحاجة أم الاختراع .. بس فكرة حلوة :)

حياج الله أختي نور .. و كلما تذكرتي شي تعالي :)

[الحياة الخالدة]

بالابتدائي ما اذكر اشلون كنت ادرس ...بس كنت من المتوسطين
بالاعدادي ادرس قبل الامتحان بيوم افرش كل الكتب والدفاتر لالتقاط كل المعلومات
بالثانوي ..صارت عاده عندي ادرس بالليل والسبب الاساسي البحث عن وقت هادي للمذاكرة وكنت امسك مادة مادة للمذاكرة
ماعندي وقت محدد للمذاكرة ..المهم اخلص فصلين من الكتاب ...
بالجامعة المذاكرة مثل الاعدادي قبل بيوم ليومين وآخر بهدلة والمعلومات كلها ...بح طارت
ورجع المخ ابيض ونظيف : )


ههههههه أكيد المخ يرجع أبيض نظيف لأن على قولتهم اللي يجي بسرعة يروح بسرعة
و اللي دخلناه في مخنا قبل الامتحان بيوم .. طلعناه في أوراق الامتحان :)

حياج الله أختي أم ناصر

[العلم]

الحياة الخالدة .. ما أدري ليش موضوعچ لامس أذين قلبي:victory: ...



ودي أتم اسولف فيه:secret:

[محب قطر 64]

أيام الدراسة الحلوة كنا زمان نتمنى تخلص حتى نرتاح
وما كنا ندري شو مخبي لنا الزمان
الحمد لله كانت و اقول كانت لدي قدرة كبيرة للحفظ للمعلومات مع الفهم و التحليل خاصة انني علمي
لكن الآن ما اقدر اقرا الا بضع صفحات الا و أنا نعسان و وجفني ثقيل و ودي انام و بنام
ليه لست أدري

[الحياة الخالدة]

الحياة الخالدة .. ما أدري ليش موضوعچ لامس أذين قلبي:victory: ...



ودي أتم اسولف فيه:secret:


يعني ما لامس البطين :)

خذ راحتك أخوي .. و استعيد ذكرياتك :telephone:

[عصير بو نص]

الله على ايام الدراسه ايام الامتحانات كنت احس بتوتر لدرجة ماكنت احب حد يناقشني وامي الله يخليها لي كانت تخاف علي واللي فيه خير يقول لي كلمه وعلى شان اركز كنت اسوي لي دلة شاي ودلة قهوه وما تحلى الدراسه وفرشة الكتب الا ورا الباب
احيانا" افكر ليش كنت ادرس ورا الباب بس لين الحين وبعد اكثر من عشر سنين مالقيت الجواب

[آنــه]

ههههه ذكرتوني بالدراسة انا دراستي فنيه لازم ارسم و اشرح لنفسي اي شي من خلال صوره عشان أتصور الموضوع لأني ما اقدر احفظ حتى القوانين كنت احفظها على شكل رسمه وبعدين ابدع في الشرح على الفهم وكانت هالطريقه وايد زينه في المواد ألعلميه اكثر من الأدبية و نفعتني في الدراسة الجامعية

اما حالات الهيام صارت لي في ثالث ثانوي كنت اعشق كل شي وإسرح فيه الباب السقف السرير الطوفه العلاق الكتاب اي شي بس المهم ما ادرس هههههه ايام ما كنا نفهم أهميتها وعرفناها يوم كبرنا

[الحياة الخالدة]

يوووه اكره المذاكره وانا ماذاكر ابدددا
المواد اللي فيه فهم يمكن الواحد يشغل مخه لكن اللي حفظ وماتذاكرها تتورط :secret:
عن نفسي هذا طبعي من الثانوية وتخرجت وتوظفت ورجعت للجامعه ولسه هذا طبعي
واللحين جالس اعيش هالشي :(
بكرا الساعه 8 بالليل عندي اختبارين قران حفظ الجزء الثاني كامل والاختبار الثاني انجليزي
وربي المادتين الى الان ماحفظت شي ولا اطلعت عليها :weeping:
الله يسهلها بس النجاح 60 من 100 ان شاء الله اجيبها مع الدف :telephone:
مشكلتي اي شي يلهيني وقت الاختبارات :omen2:
قلبتي المواجعع :weeping: :weeping:


الله يعينك يالحربي
الحفظ لا بد منه في بعض المواد .. و لازم تجبر نفسك عليه

بالتوفيق .. و ان شاء الله تجيب امتياز

[الحياة الخالدة]

بكل امانة وصدق كنت ادرس والهيد فون في اذني اسمع اغاني ،ماعرف ادرس على مكتب لانه اصلا ماكان عندنا ، يا في المطبخ وامي تطبخ واحنا قاعدين عالارض مجابلينها ونلبي طلباتها ، او بالصالة والتلفزيون شغال وحشرة اليهال من كل صوب عااادي والحمد لله مشينا وعدينا


ما شاء الله عليج أختي ضوى .. شلون كنتي تركزين :)
سبحان الله الناس قدرات

حياج الله أختي العزيزة

[الحياة الخالدة]

انا ادرس بصوت عالي.. مستحيل احفظ بصوت واطي .. ولازم في مكان برا مهب داخل البيت .. ومكاني الجميل السري ورا البيت ودلة كرك :nice:


أهم شي المكان السري :) .. أنا كان مكاني فوق السطح .. بس من غير دلة كــــرك

حياج الله عزيزتي

[الحياة الخالدة]

طبعا ايام kg1وkg2 والابتدائي مافيه دراسه حتى لو مانحل هم يحلون عنا وينجحونا :nice:
اعدادي الدراسه من العصر لين المغرب مجرد قرايه من الكتاب وعقب شخري :shy:
الثانويه سوالف كبار شوي دراسه في الليل وطبعا رايحين يايين على المطبخ الا شاي الا نسكافيه الا مجبوس او معكرونه حسب صعوبة الامتحان ومع حنة الوالده علينا الله يرحمها ويغفر لها مشينا بالدز :secret:
الجامعه صار الصج صرنا ندرس عدل تطورنا قمنا نروح فوق السطح نجهز المده والاوراق والكتب ونطيح دراسه والحمدلله عديناها
الحين المرحلةالاخيره من حياتنا وهي الدراسه بمزاج وباختيارنا دورات وهالسوالف وطبعا الدراسه تكون وسط العيال وحشرتهم :eek5:
وبس والله يا اختيه :tease:


امممممممم .. قلتي لي kg1وkg2 :con2:
ما علينــــــا
أكيد تختلف الدراسة في كل مرحلة .. و ما تطلع الشطارة في الطبخ إلا وقت الدراسة طبعاً ( للحين أتذكر المعكرونة اللي تغروج )
الله يرحم الوالدة و يغفر لها

نورتي الموضوع يا اختيه

[Fendi]

ماكنت ادرس الا فجر يوم الامتحان او مرات اذا الماده صعبه ادرس قبلها بيوم ماحب الدراسه

[الحياة الخالدة]

من الابتدائيه لين الاعداديه كنت ادرس بالضرب

او الوالد الله يرحمه كان يطلع الفريج يدورني بالسياره و لين لقاني تبتدي المطاردات

بالثانويه كان الوالد يرقدني بالمجلس و يجيني مدرس خصوصي يصلي الفجر بمجلسنا و يراجع لي المناهج قبل الاختبار .. الله يذكره بالخير الآن هذا المدرس تاجر كبير في قطر

بالجامعه بحكم دراستي بالخارج كان لي خيارين اني ابيض وجه هلي او ارجع بسواد وجه فـ اخترت اني اضغط على نفسي بما انه مدينتنا كانت ممله فـ كنت اقعد على البلكونه و اشب الضو و ادرس لين ارقد بالبلكونه :shy:


مشاغب من يومك يا بوخليفة :)
و زين إنه مدينتكم كانت مملة و الا جان صارت علـــــوم
أما البلكونه .. سالفتك وياها سالفة

حياك الله بوخليفة

[الحياة الخالدة]

انا كنت احب اسوي جو رومنسي وادرس اشدخل الرومنسية في الدراسة ههههههههه

اذكر كنت احفظ سؤال سؤال لييييييين ما اختم الكتاب كامل عن غيب

اما في المواد العلمية لو يجي وزير التعليم يدرسني ماراح افهم

ولنا في طردي من الكلية اسوة حسنة ههههه

يسلموا الحياة الخالدة على الموضوع اللي ماله داعي ذكرتيني ما كنت ناسيهووو


عيل خلصت رومانسيتك أيام الدراسة يا بوحارب :)
اشرايك الحين ترد تكمل في الجامعة :nice:
أدري إني ذكرتكم بأيام عصيبـــــــة

حياك الله أخوي بوحارب

[الحياة الخالدة]

ههههههههههه في المرحله الابتدائية كنت ادرس بضرب


ههههههههه حال الكثير من الشباب

حياك الله أخوي الزلزال

[بو خليفه 123]

ايه و نسيت اقول لكم اني خذت الأول على قطر

اذا منتوا مصدقيني انشدوا نور الحور هي بتحلف

:shy:

[بوعلي2]

اذا جيت بادرس اتثاوب :yawn:


:sneaky:

[الحياة الخالدة]

أنا أهم شيء اصارخ واتكلم بصوت :secret:

ادرس بصمت هالشيء معناته ماقاعده افهم شيييي

-


هههههههه نوفة اشدعوة تصارخين
صج الدراسة بصمت تييب النودة :)

حياج الله عزيزتي نوفــــة

[الحياة الخالدة]

امبييييييه بتطلع الفضايح ..
انا كنت انام طول النهار واصحى الساعه 10 فالليل
امي تجهز لي عشا خفيف ودلة شاهي ودلة قهوه
يكون كل البيت خلاص رقد
وابتدي طقوسي في الدراسه ..
ماكنت اعرف أحفظ شي بالقرآئه كان كله عندي كتابه اكتب اكتب اكتب كل شي أكتبه واكرر المعلومه بالكتابه لين تثبت في ذهني
واذا تعبت من الكتابه اقوم اوقف واقعد ادور في الميلس وماسكه كتابي واسمع حق نفسي بصوت عالي
ولما اتعب من الوقوف ارجع اقعد واكتب واكتب واكتب
كنت ادرس دراسه مستمره من الـ 10 pm لين آذان الفير يأذن اقوم اصلي واقرا اذكار الصباح
واكمل دراسه لين موعد الامتحان

والحمدلله نسبتي بيضة الويه في الثانويه العامه 89% أدبي رياضيات وعلوم :$


ما شاء الله تبارك الرحمــــــن
الله يخلي لكم الوالدة

حياج الله أختي قطريــــــة

[الحياة الخالدة]

ماشالله عليج قطرية.. عندج اصرار وعزيمة..
انا نسبتي قريبة من نسبتج..



الحياة الخالدة حبيبتي نسيت اشكرج على الموضوع الحلو.. :shy:


تسلميــــــن يا سويت

[آنا غيــر]

انا كنت لازم امسك الكتاب واسكر غرفتي واجابل المنظره

واحفظ واقرا وانا واقفه .. اقرا من الكتاب وعقب اطالع نفسي فالمنظره اسمّع حق ماي ريفلكشن

والحين نفس الشي .. لو عندي برزنتيشن حق الدوام اسوي نفس الحركه ..

[الحياة الخالدة]

بوووو ذكرتينا بالامتحانات :rolleyes2: ايام الدراسه العاديه عااادي في اي مكان ماتفرق عندي اما وقت الامتحانات ابدا ماعرف اسوي مثل باقي البنات واحط خطه ادرس كل يوم ماده ،،،، الصراحه كنت ادرس يوم الامتحان فقط ماعرف ادرس قبل ،:secret: ،،،،، وكانت نسبتي قريب ال80 ههههه هلي كانو يقولون لي انتي نجحتي على البركه :rolleyes2:


عاد الدراسة قبل الامتحان بيوم صعبة .. بتلحقين على شنو و الا شنو
بس زين ما شالله عليج يبتـــــــي هالنسبة :)

حياج الله أختي نوار

[الحياة الخالدة]

في الثانويه كنت ادرس على المكتب واسمع أغاني ولازم مشروب ال ice tea بنكهة الخوخ يكون جنبي أو حليب فروله طويل المدى ....أش دخل ما ادري بس هاي أسلوبي !ّ
الحين بالجامعه لازم هدووووووووووووووووووووووء كامل عند حفظ الكلمات الجديده بالأنجليزي
أما أي شيء ثاني على نفس طريقة الثانويه !


و الله اللي مدلع نفسك ما شاء الله عليك

الله يوفقك أخوي

[الحياة الخالدة]

أنا في المجلس رايح جاي
وكل ساعة بريك راحة عشر دقايق


خوش دراسة و الله :)

حياك الله يا رحـــــال

[الحياة الخالدة]

أيام الدراسة الحلوة كنا زمان نتمنى تخلص حتى نرتاح
وما كنا ندري شو مخبي لنا الزمان
الحمد لله كانت و اقول كانت لدي قدرة كبيرة للحفظ للمعلومات مع الفهم و التحليل خاصة انني علمي
لكن الآن ما اقدر اقرا الا بضع صفحات الا و أنا نعسان و وجفني ثقيل و ودي انام و بنام
ليه لست أدري


صح كلامك .. في وقتها ما كنا نحبها .. بس بعدين صرنا نحن لها ( مش الكل طبعاً )
و أكيد استيعابنا و احنا صغار يختلف عنه لما نكبــــــر :)

حياك الله أخي الكريم

[الحياة الخالدة]

الله على ايام الدراسه ايام الامتحانات كنت احس بتوتر لدرجة ماكنت احب حد يناقشني وامي الله يخليها لي كانت تخاف علي واللي فيه خير يقول لي كلمه وعلى شان اركز كنت اسوي لي دلة شاي ودلة قهوه وما تحلى الدراسه وفرشة الكتب الا ورا الباب
احيانا" افكر ليش كنت ادرس ورا الباب بس لين الحين وبعد اكثر من عشر سنين مالقيت الجواب


طبعا أيام الامتحانات تعتبر حالة طوارئ و استنفار .. و الواحد مب طايق نفسه
بس الصراحة مذاكرتج ورا الباب عجيبـــــــة :)

حياج الله أختي عصير بو نص .. و الله يخلي لج الوالدة و يحفظها

[الحياة الخالدة]

ههههه ذكرتوني بالدراسة انا دراستي فنيه لازم ارسم و اشرح لنفسي اي شي من خلال صوره عشان أتصور الموضوع لأني ما اقدر احفظ حتى القوانين كنت احفظها على شكل رسمه وبعدين ابدع في الشرح على الفهم وكانت هالطريقه وايد زينه في المواد ألعلميه اكثر من الأدبية و نفعتني في الدراسة الجامعية

اما حالات الهيام صارت لي في ثالث ثانوي كنت اعشق كل شي وإسرح فيه الباب السقف السرير الطوفه العلاق الكتاب اي شي بس المهم ما ادرس هههههه ايام ما كنا نفهم أهميتها وعرفناها يوم كبرنا


و الله خوش طريقة في الدراسة .. هاذي طريقة الفنانين :)
أما السرحان حدث و لا حـــــــرج .. حتى النملة إذا تمشي جدامنا نسرح فيها :nice:

حياج الله أختي آنــه

[الحياة الخالدة]

ماكنت ادرس الا فجر يوم الامتحان او مرات اذا الماده صعبه ادرس قبلها بيوم ماحب الدراسه


هاذي دراسة اللحظات الأخيرة :)

بالتوفيق أختي فنـــــــدي

[الحياة الخالدة]

ايه و نسيت اقول لكم اني خذت الأول على قطر

اذا منتوا مصدقيني انشدوا نور الحور هي بتحلف

:shy:


أما هاذي عاد .. صدقناك فيها .. و من غير حلفان

[الحياة الخالدة]

اذا جيت بادرس اتثاوب :yawn:


:sneaky:


واضــــــح جداً إنك كنت وايد تحب الدراسة :secret:

حياك الله يا بوعلي

[الحياة الخالدة]

انا كنت لازم امسك الكتاب واسكر غرفتي واجابل المنظره

واحفظ واقرا وانا واقفه .. اقرا من الكتاب وعقب اطالع نفسي فالمنظره اسمّع حق ماي ريفلكشن

والحين نفس الشي .. لو عندي برزنتيشن حق الدوام اسوي نفس الحركه ..


ما شاء الله عليج .. بعد طريقتج حلــــــوة .. و وايد تمام حق البرزنتيشن

حياج الله أختي أنا غيــــر

[حميداني]

اذا شغل حفظ

ثلاث طاولات في المجلس ... أدور حولهم وأنا اقرى بصوت عالي
أحيان اطلع الحوش ان حسيت بالحكره

ان شغله ما فيها كيري ميري ولازم تلزق
اكتبها يمكن 3 مرات ولا اربع او ارسمها علشان أفهمها واسوي لي علامات توميه علشان اذكر ان نسيت , بعدها ارقد نص ساعه واشوف نفسي ان متذكرها وارجع اكتبهم بعد 4 مرات

أقسم الكتاب ان 100 صفحه بدرسها
اقسمه لعشر صفحات .. او خمس واعطي ساعه تقريبيه متى اخلص على حسب الماده
على كل خمسه او عشره اخلصها اخذ لي ربع ساعه افتر او اسوي الي اسويه
ان عشر نص ساعه تقريباً او ساعه ... على حسب اليوم p:
خووش موضوع , ارقى تحياتي لك عليه

[نور الحور]

ايه و نسيت اقول لكم اني خذت الأول على قطر

اذا منتوا مصدقيني انشدوا نور الحور هي بتحلف

:shy:


:eek5::omg:

وأنا شدخلني .. انت تقص عليهم وأنا اللي أحلف :telephone:

[بصمة قطرية]

الحياة الخالدة موضوعج وايد حلو ..
ذكريات الدراسة ما في أحلى منها ..
أمممممممم
كنت أدرس في مكانين في البيت
المكتب أو المجلس
الأثنين هاديين و يساعدون على الدراسة ..
كنت أكثر شي أدرس في المكتب
أقتح باب البلكونه
و تهف ريحة الليمون
يا الله
بصيح :weeping:
كان ورا البيت كله شجر و المكتب في مكان حلو
البلكونة كانت من غير حاجز مفتوحة على الزرع
لازم أول شي أخطط الدرس بكذا لون
كل جزء بلون
و أختصر
و لازم دفتر مسودة ما أحفظ إلا بالكتابة
أنسخ مرة مرتين لين أحفظ
مرات إذا مليت و كان الجو حلو أروح فوق السطح مع إختي
ندرس بهدوء :shy:
أجواء رومنسية خخخخخخخخخ

[الحياة الخالدة]

اذا شغل حفظ

ثلاث طاولات في المجلس ... أدور حولهم وأنا اقرى بصوت عالي
أحيان اطلع الحوش ان حسيت بالحكره

ان شغله ما فيها كيري ميري ولازم تلزق
اكتبها يمكن 3 مرات ولا اربع او ارسمها علشان أفهمها واسوي لي علامات توميه علشان اذكر ان نسيت , بعدها ارقد نص ساعه واشوف نفسي ان متذكرها وارجع اكتبهم بعد 4 مرات

أقسم الكتاب ان 100 صفحه بدرسها
اقسمه لعشر صفحات .. او خمس واعطي ساعه تقريبيه متى اخلص على حسب الماده
على كل خمسه او عشره اخلصها اخذ لي ربع ساعه افتر او اسوي الي اسويه
ان عشر نص ساعه تقريباً او ساعه ... على حسب اليوم p:
خووش موضوع , ارقى تحياتي لك عليه


ما شاء الله .. طريقة منظمـــــة في الدراسة
بس ليش تدور على 3 طاولات :)

و تحياتي لك أخوي حميداني

[الحياة الخالدة]

الحياة الخالدة موضوعج وايد حلو ..
ذكريات الدراسة ما في أحلى منها ..
أمممممممم
كنت أدرس في مكانين في البيت
المكتب أو المجلس
الأثنين هاديين و يساعدون على الدراسة ..
كنت أكثر شي أدرس في المكتب
أقتح باب البلكونه
و تهف ريحة الليمون
يا الله
بصيح :weeping:
كان ورا البيت كله شجر و المكتب في مكان حلو
البلكونة كانت من غير حاجز مفتوحة على الزرع
لازم أول شي أخطط الدرس بكذا لون
كل جزء بلون
و أختصر
و لازم دفتر مسودة ما أحفظ إلا بالكتابة
أنسخ مرة مرتين لين أحفظ
مرات إذا مليت و كان الجو حلو أروح فوق السطح مع إختي
ندرس بهدوء :shy:
أجواء رومنسية خخخخخخخخخ


الحلو وجودج يالغالية ( أحبج في الله )
يا سلاااااااام .. عيشتيني الجو معاج .. دراسة رومانسية من قلب

تسلمين أختي بصمـــة

[× الجــوري ×]

انا احب ادرس في غرفتي بروحي واشرح حق عمري ولازم اكتب اكتب اكتب عشان احفظ وافهم وما ارتاح لا حولت الكتاب الى طلاسم وشعوذه :tease:

[العلم]

أي تذكرت بعد .. من الطرق الي كنت استخدمها فالدراسة بعد ... كنت إذا فهمت شيء أو حفظته ،، أروح أمسك واحد من الشباب واجلسه عندي واشرح له الشيء الي ادرسه ...



هذي تلصق فالمخ لين سنة كاملة :victory:

[× الجــوري ×]

أي تذكرت بعد .. من الطرق الي كنت استخدمها فالدراسة بعد ... كنت إذا فهمت شيء أو حفظته ،، أروح أمسك واحد من الشباب واجلسه عندي واشرح له الشيء الي ادرسه ...



هذي تلصق فالمخ لين سنة كاملة :victory:

وشنو ذنب الواحد من الشباب يقعد ويضيع وقته عشان تفهم ذنبه انه رفيجك :tease:

[العلم]

العلم نور .. خله يتعلم :shy:

[× الجــوري ×]

العلم نور .. خله يتعلم :shy:

مايسوى عليه :telephone:

[chillis]

كنت احب ادرس والمسجل شغال ولازم اكون كاشخه مادري ليش :×

[آنا غيــر]

اذا شغل حفظ

ثلاث طاولات في المجلس ... أدور حولهم وأنا اقرى بصوت عالي
أحيان اطلع الحوش ان حسيت بالحكره

ان شغله ما فيها كيري ميري ولازم تلزق
اكتبها يمكن 3 مرات ولا اربع او ارسمها علشان أفهمها واسوي لي علامات توميه علشان اذكر ان نسيت , بعدها ارقد نص ساعه واشوف نفسي ان متذكرها وارجع اكتبهم بعد 4 مرات

أقسم الكتاب ان 100 صفحه بدرسها
اقسمه لعشر صفحات .. او خمس واعطي ساعه تقريبيه متى اخلص على حسب الماده
على كل خمسه او عشره اخلصها اخذ لي ربع ساعه افتر او اسوي الي اسويه
ان عشر نص ساعه تقريباً او ساعه ... على حسب اليوم p:
خووش موضوع , ارقى تحياتي لك عليه


ههههههههههههههههههههههههههههههههههههههه
ههههههههههههههههههههههههههه
هههههههههههههههههههههههههههههههههههههههههههههههههه هه حسبي الله على ابليسك

اي والله ارقد اشوف نفسي متذكرها ولا لا

والرقاد يجي بالساهل عندك يعني لوووووووول

[الحياة الخالدة]

انا احب ادرس في غرفتي بروحي واشرح حق عمري ولازم اكتب اكتب اكتب عشان احفظ وافهم وما ارتاح لا حولت الكتاب الى طلاسم وشعوذه :tease:


صحيح أحياناً يتحــــول الكتاب إلى لوحة فنية من كثر الرسومات و الكتابة عليه

حياج الله أختي الجوري

[الحياة الخالدة]

أي تذكرت بعد .. من الطرق الي كنت استخدمها فالدراسة بعد ... كنت إذا فهمت شيء أو حفظته ،، أروح أمسك واحد من الشباب واجلسه عندي واشرح له الشيء الي ادرسه ...



هذي تلصق فالمخ لين سنة كاملة :victory:


صادق يالعلــــــم .. بس عاد الله يعين اللي بتطيح في راسه

[الحياة الخالدة]

كنت احب ادرس والمسجل شغال ولازم اكون كاشخه مادري ليش :×


ههههههههه يمكن لما تكشخين تكون النفسية مرتاحة فتصير الدراسة أسهل

حياج الله أختي شيلليز و مكانج مبيـــن :)

[bohilal191]

لازم السدحة على البطن عشان اكتب واحفظ هههههههههههههههههه وماعمري استخدمت الطاولة والكرسي في البيت

[شمس2]

عاد الدراسة قبل الامتحان بيوم صعبة .. بتلحقين على شنو و الا شنو
بس زين ما شالله عليج يبتـــــــي هالنسبة :)

حياج الله أختي نوار

بقول لكم سر عن أختي الحياه :secret:
تدرون انه نسبتها في الثانويه كانت 99.9 وكانت زعلانه ومتحطمه وماتت من الصياح ليش نسبتها نازله جذيه :anger1:
ماشاءالله تبارك الله
بصراحه كانت المثل الاعلى لنا بس للأسف ما قدرنا نصير فلص مثلها :shy:
حبيبتي والله أختي :nice:
اقول أمي انتظري اليهال الليله ثراهم مشتاقين حق خالتهم وخصوصا اللي تخبرينه :tease:

[intesar]

اذا جيت بادرس اتثاوب :yawn:


:sneaky:

بس أهم شيء توقيعك ليش على جنب.. أنصفهم..

[الحياة الخالدة]

لازم السدحة على البطن عشان اكتب واحفظ هههههههههههههههههه وماعمري استخدمت الطاولة والكرسي في البيت


السدحة على البطن .. حركات يهال :)
حتى احنا دراستنا كانت كله على الأرض

حياك الله أخـــــوي

[الحياة الخالدة]

بقول لكم سر عن أختي الحياه :secret:
تدرون انه نسبتها في الثانويه كانت 99.9 وكانت زعلانه ومتحطمه وماتت من الصياح ليش نسبتها نازله جذيه :anger1:
ماشاءالله تبارك الله
بصراحه كانت المثل الاعلى لنا بس للأسف ما قدرنا نصير فلص مثلها :shy:
حبيبتي والله أختي :nice:
اقول أمي انتظري اليهال الليله ثراهم مشتاقين حق خالتهم وخصوصا اللي تخبرينه :tease:


هههههههه اشدعوة 99.9 انتخابات مزورة
هذاك أول حبيبتـــي الحين خلاص جيم المــــخ و ما باقي في العمر كثر اللي راح .. الله يبارك لنا في الباقي منه

حياكم الله :)

[حميداني]

ههههههههههههههههههههههههههههههههههههههه
ههههههههههههههههههههههههههه
هههههههههههههههههههههههههههههههههههههههههههههههههه هه حسبي الله على ابليسك

اي والله ارقد اشوف نفسي متذكرها ولا لا

والرقاد يجي بالساهل عندك يعني لوووووووول

ههههههههههه :secret: ( قل اعوذ برب الفلق ......... )
حتى في الرقاد !

[al_jo0ory]

لحوووول حتى لو أخذت بريك من الدراسه احصل موضوع فالمنتدى عن الدراسه هههههههههههه هالدراسه وراي وراي :weeping:

المهم أنا وحده لو أموت ما احفظ شي الا لما اكتبه ... وكل ما أحل سؤال خصوصا لو كان الحل طويييييل او من مادة الكالكولاس لازم اصارخ واسوي حفله هههههههه علشان اشجع عمري على اللي باقي

اييي صح ولازم قبل لا ابتدي الدراسه أعد كم صفحه باقيه ... ليش مادري :nice:

دعوااااتكم امتحاناتي الأسبوع الجاي :weeping:

[الحياة الخالدة]

لحوووول حتى لو أخذت بريك من الدراسه احصل موضوع فالمنتدى عن الدراسه هههههههههههه هالدراسه وراي وراي :weeping:

المهم أنا وحده لو أموت ما احفظ شي الا لما اكتبه ... وكل ما أحل سؤال خصوصا لو كان الحل طويييييل او من مادة الكالكولاس لازم اصارخ واسوي حفله هههههههه علشان اشجع عمري على اللي باقي

اييي صح ولازم قبل لا ابتدي الدراسه أعد كم صفحه باقيه ... ليش مادري :nice:

دعوااااتكم امتحاناتي الأسبوع الجاي :weeping:


ما عليه حبيبتي سامحينا :)
حلو إنج تشجعين عمرج و تكافئين نفسج

الله يوفقج يا رب و تييبين أعلى الدرجات

[غزلان]

انا ماعرف ادرس الا بهدوء ,,وقت الدراسه اقفل الغرفه ومافتحها الا بعد ما اخلص لازم اركز ولا مابفهم شي

[المبرمج صلاح]

يجب ان اكون في غرفة هادئة جدا ولوحدي ومحد يقاطعني وكوب الماء بجواري وكنت اذاكر بمجرد النظر يعني اقرا الكتاب اكثر من مرة واحل الاسئلة بالنظر وعقلي ولا امسك القلم ابدا مع ان موادي كانت كلها علميه ههههههههههههههه ( كنت عارف ومقتنع ان الطريقة خطا ولكني استمريت عليها لغاية ما تخرجت من الجامعه)

وكنت بقول متى اتخرج وافتك من الدراسة والمدرسين والدكاترة كنت منتظر هاللحظة بفارغ الصبر والحين بقول يالها من ايام جميله ما كان عندي هم الا المذاكرة

[بوعلي2]

ياليت الزمن يرجع

[حميداني]

مو مشكله بوعلي , الجامعات ومكثرها
خذلك اجازة تفرغ وارجع لمقاعد الدراسه وخذلك تخصص ثاني قريب من تخصصك او يدعمه , منها تستفيد ومنها تجيك ترقيه

[بوعلي2]

بس أهم شيء توقيعك ليش على جنب.. أنصفهم..

ههههههههههههههههههه

انتصار رسوماتج حلوه الي هناك ماشاء الله عليج

[intesar]

ههههههههههههههههههه

انتصار رسوماتج حلوه الي هناك ماشاء الله عليج

بوعلي أنا لا شيء بمحاذاة المبدعين.. من صجي هذا الكلام..
أحب الخربشات.. من غير تميز.. يعني مجرد فضفضات..
سواء كتابة.. رسم.. تصوير.. الهواية تبقى هواية عندي.. ما يوصل احتراف.. اللهم الكتابة.. هوايتي الأكثر عشقاً.. أتمنى ألاقي نفسي فيه مبدعة.. ليس فقط هواية.. لكن الواحد لما يشوف من حوله يصيده بعضاً من الإحباط.. هو عند المبدعين لا شيء.. وفقنا الله وإياكم لما يحبه ويرضاه..

شكراً للتشجيع..

ودمتم بحفظ الرحمن..

[الحياة الخالدة]

معليش يا جماعة انتو طلعتو عن الموضوع
اسمحوا لي عندكم الاستراحة كملوا سالفتكم فيها

[حسن]

اذكر لما كنت في الكليه والمذاكره الاجباريه لمواد القانون تعلمت من الطلبه ان نقرا الكتاب من الجلده الى الجلده وبشكل يومي
وكنا نخط بقلم الرصاص خط يبتدي من اول حرف في السطر الى اخر حرف في السطر ويخليك يعني نخطط الكتاب كامل
هذا دراسه الحقوق تبيلها قرائه بشكل مستمر

الحين احنا في القول

[ROSE]

اذكر ابوي فديته كان يهئ لنا جو الدراسه

مره على الكورنيش ومره منتزه النساء على ايامه

بس انا كنت احفظ مع المدرسة يعني بكره عندي درس جديد كنت احضر له عدل عشان ماانساه

واتم عليه لين وقت الامتحانات افتح الكتاب وكنت اجيب درجات عالية ولله الحمد

بس جوي كان اغلب الوقت في غرفتي حاطة لي طاولة وكرسي

وكتبي محد ياخذها من عقبي لانها كلها خطوط ورسومات

[ابوعلي]

بالنسبة لي ايام الثانوية ماكنت ادرس وماطلع الكتب من السيارة ووقت الامتحانات خذت مدرسين واسلوب دراستي اني احفظ واكتب ونفس الاسلوب في الجامعه اني احفظ واكتب والاهم الجو يكون هادي وبدون اي ازعاج

[حميداني]

أذكر في أول ثانوي لما خلاص أعلنت استقلاليتي واني ابي أدرس ابروحي
أقولهم بكل ثقه وانا نافخ الصدر , خلاص ابي أدرس بروحي !! ابي أعتمد على نفسي !!!
أقفل علي باب الغرفه , افتح كتاب العربي , أنسدح على السرير وألعب قيم بوي

[الحياة الخالدة]

انا ماعرف ادرس الا بهدوء ,,وقت الدراسه اقفل الغرفه ومافتحها الا بعد ما اخلص لازم اركز ولا مابفهم شي


وانا بعد احس ان الدراسة يبيلها هدوء عشان الواحد يركز فيها

حياج الله أختي غزلان

[حـ ن ـيـ ن]

أفضل الدراسة في جمعة الناس :nice:

[الحياة الخالدة]

يجب ان اكون في غرفة هادئة جدا ولوحدي ومحد يقاطعني وكوب الماء بجواري وكنت اذاكر بمجرد النظر يعني اقرا الكتاب اكثر من مرة واحل الاسئلة بالنظر وعقلي ولا امسك القلم ابدا مع ان موادي كانت كلها علميه ههههههههههههههه ( كنت عارف ومقتنع ان الطريقة خطا ولكني استمريت عليها لغاية ما تخرجت من الجامعه)

وكنت بقول متى اتخرج وافتك من الدراسة والمدرسين والدكاترة كنت منتظر هاللحظة بفارغ الصبر والحين بقول يالها من ايام جميله ما كان عندي هم الا المذاكرة


ما شاء الله عليك تدرس بالنظر بس .. أنا إذا ما أكتب أحس إني ما أستوعب و لا تركز المعلومة

حياك الله أخي الكريـــــم

[الحياة الخالدة]

اذكر لما كنت في الكليه والمذاكره الاجباريه لمواد القانون تعلمت من الطلبه ان نقرا الكتاب من الجلده الى الجلده وبشكل يومي
وكنا نخط بقلم الرصاص خط يبتدي من اول حرف في السطر الى اخر حرف في السطر ويخليك يعني نخطط الكتاب كامل
هذا دراسه الحقوق تبيلها قرائه بشكل مستمر

الحين احنا في القول


القلم الرصاص صديق الدراسة ما نستغني عنه .. ولازم يكون مبري عدل و الا ما ينفع
إيوة انت جذي أصبت الهدف :)

حياك الله يا بوعلي

[الحياة الخالدة]

اذكر ابوي فديته كان يهئ لنا جو الدراسه

مره على الكورنيش ومره منتزه النساء على ايامه

بس انا كنت احفظ مع المدرسة يعني بكره عندي درس جديد كنت احضر له عدل عشان ماانساه

واتم عليه لين وقت الامتحانات افتح الكتاب وكنت اجيب درجات عالية ولله الحمد

بس جوي كان اغلب الوقت في غرفتي حاطة لي طاولة وكرسي

وكتبي محد ياخذها من عقبي لانها كلها خطوط ورسومات


الله يخلي لكم الوالد و يرزقكم بره
تحضير الدرس وايد مفيد
و من ناحية الخطوط و الرسومات في الكتب .. عندنا و عندج خير .. رسومات و أشعار و خواطر و كل شي

حياج الله مراقبتنا العزيزة .. و شكراً :)

[غرِيبهـ]

لي صور وانا صغيرة

على الارض اكتب الواجب و الربيان على الدفتر ياكل معاي :shy:

كنت اكتب في ملصقات احطها بكل غرفتي

ادرسي يا واسمي
اجتهدي والخ
هاي في ابتدائي
وعرفت عقب انها من وسائل الحث

عندي شهادة محتفظه فيها لين احين الطالبة المثالية كنت برابع ابتدائي

كنت اي شي اقراه اطبقه في دراستي

مثل وضع جدول للدراسة قبل الامتحانات بفترة والدراسة بجد

اللي مافهمه او يحتاج حفظ كنت اصمه مثل ماده التربية الوطنية صميتها


ولا ماده علم اجتماع بالجامعه صميتها وخذت فيها الف :shy:



لما كنت شهادة ثانوي احس صار لوني برتقالي من كثر العصير
اللي شربناه انا واخوي مع انه ماكلن شهاده
عصير جزر ولا عصير برتقال
كان جو حلو موفرته امي لنا وابوي الله يرحمه

ادرس لين انام ولكتاب بيدي يمكن انحلم بالاسئله ههههه
اقوم الفجر اراجع
ايام حلوة

الجامعة تخصصي كان حلو واحبه فكنت ادرس عدل
واخلص ابحاثي اول باول وخلصت جامعة بالموعد

شكرا الحياة الخالدة موضوع رجعنا ورا لايام الدراسة

[الحياة الخالدة]

بالنسبة لي ايام الثانوية ماكنت ادرس وماطلع الكتب من السيارة ووقت الامتحانات خذت مدرسين واسلوب دراستي اني احفظ واكتب ونفس الاسلوب في الجامعه اني احفظ واكتب والاهم الجو يكون هادي وبدون اي ازعاج


ذكرتني بولد أختي كتبه في السيارة بس يبدلها الصبح قبل لا ينزل المدرسة
الله يخلي المدرسين الخصوصيين :)

حياك الله مراقبنــــا أبوعلي

[المهاجر]

وين رجعتينا ورا واااااااايد

ذكريات حلوه ما تنسى ابد انا ما كنت ادرس الا بالليل بس

بالنهار احس ان مخي مسكر

احب الهدوء واني اكون بروحي ومحد يزعجني ابد وكنت سريع الحفظ

يعني اقرا الموضوع مره او مرتين واحفظه

واعتقد جاتني عين لاني عقب صرت سريع النسيان

احب امسك قلم وورقه اكتب النقاط والعناصر المهمه وانا اذاكر

وبعد اخط خط تحت الكلام اللي اقراه

كنت اقرا بشكل متواصل ممكن ساعتين بدون ما اوقف واذا حد

قطع علي المذاكره خلاص اقوم واطلع وارجع لين يعتدل المزاج مره ثانيه

تسلمين على الموضوع اللي صغرنا عشرين سنه:victory:

[الحياة الخالدة]

أذكر في أول ثانوي لما خلاص أعلنت استقلاليتي واني ابي أدرس ابروحي
أقولهم بكل ثقه وانا نافخ الصدر , خلاص ابي أدرس بروحي !! ابي أعتمد على نفسي !!!
أقفل علي باب الغرفه , افتح كتاب العربي , أنسدح على السرير وألعب قيم بوي


ههههههه أعلنت استقلاليتك عشان محد يراقبـــــك
خوش دراسة و الله .. و أكيد تقول لهم لحد يزعجني عشان أركز

حياك الله أخوي حميداني

[الحياة الخالدة]

أفضل الدراسة في جمعة الناس :nice:


شي طيب إنج تقدرين تركزين .. ما شاء الله

حياج الله أختي حنين

[الحياة الخالدة]

لي صور وانا صغيرة

على الارض اكتب الواجب و الربيان على الدفتر ياكل معاي :shy:

كنت اكتب في ملصقات احطها بكل غرفتي

ادرسي يا واسمي
اجتهدي والخ
هاي في ابتدائي
وعرفت عقب انها من وسائل الحث

عندي شهادة محتفظه فيها لين احين الطالبة المثالية كنت برابع ابتدائي

كنت اي شي اقراه اطبقه في دراستي

مثل وضع جدول للدراسة قبل الامتحانات بفترة والدراسة بجد

اللي مافهمه او يحتاج حفظ كنت اصمه مثل ماده التربية الوطنية صميتها


ولا ماده علم اجتماع بالجامعه صميتها وخذت فيها الف :shy:



لما كنت شهادة ثانوي احس صار لوني برتقالي من كثر العصير
اللي شربناه انا واخوي مع انه ماكلن شهاده
عصير جزر ولا عصير برتقال
كان جو حلو موفرته امي لنا وابوي الله يرحمه

ادرس لين انام ولكتاب بيدي يمكن انحلم بالاسئله ههههه
اقوم الفجر اراجع
ايام حلوة

الجامعة تخصصي كان حلو واحبه فكنت ادرس عدل
واخلص ابحاثي اول باول وخلصت جامعة بالموعد

شكرا الحياة الخالدة موضوع رجعنا ورا لايام الدراسة


يحليلج غريبة تخيلت صورتج و انتي صغيرة تدرسين .. و أهم شي الربيان :)
أما صار لونكم برتقالي هههههههههه

الله يرحم الوالد .. و يشفي الوالدة و يخليها لكم يا رب

العفو حبيبتي .. و حياج الله

[الحياة الخالدة]

وين رجعتينا ورا واااااااايد

ذكريات حلوه ما تنسى ابد انا ما كنت ادرس الا بالليل بس

بالنهار احس ان مخي مسكر

احب الهدوء واني اكون بروحي ومحد يزعجني ابد وكنت سريع الحفظ

يعني اقرا الموضوع مره او مرتين واحفظه

واعتقد جاتني عين لاني عقب صرت سريع النسيان

احب امسك قلم وورقه اكتب النقاط والعناصر المهمه وانا اذاكر

وبعد اخط خط تحت الكلام اللي اقراه

كنت اقرا بشكل متواصل ممكن ساعتين بدون ما اوقف واذا حد

قطع علي المذاكره خلاص اقوم واطلع وارجع لين يعتدل المزاج مره ثانيه

تسلمين على الموضوع اللي صغرنا عشرين سنه:victory:


ما شاء الله تبارك الرحمــــن .. أنا ما احب الحفظ كلش .. و أكره شي عندي كانت الأسئلة المقالية

حياك الله مراقبنا .. و الله يطول بعمرك على طاعتــــه

[بصمة قطرية]

الحلو وجودج يالغالية ( أحبج في الله )
يا سلاااااااام .. عيشتيني الجو معاج .. دراسة رومانسية من قلب

تسلمين أختي بصمـــة

فديتج والله و أنا أحبج تدرين بهالشي .. :shy:
ما أنسى موقفج معاي :)

عشان تعرفين رومنسية من صغري خخخخخخخخخ :nice:
ايام الجامعة كان عندي بيبي :(
تغيرت طريقة الدراسة لأن المكان تغير :weeping:
كنت أقول لبوالعيال مرات بروح أدرس في بيت هلي
حنيت للمجلس والكتب والسطح .. :weeping:

[غرِيبهـ]

اتذكر بنت عمي تدرس في الجامعة قسم احياء
وعندها مادة اسمها حشرات فعشان تحفظهم
كل واحد فينا مسميته اسم عشان تذكر ونذكرها

انا اسمي روم يوليس اجبتيكس :shy:
يعني فرس النبي بالعربي

http://www.albrkal.com/upload/uploads/Farass.jpg

تقول يشبهج طويل :weeping:

حافظه لين احين الاسم مع اني كنت باول ثانوي ههههه

[غايه الطواش]

بالنسبه لي لين صف رابع وخواتي يدرسوني وعقب من دخلت خامس عطوني طاف
بديت ادرس بروحي الحمدالله دوم من المتفوقين وامي لازم كل سنه تريق المدرسه احتفالا ببنتها المتفوقه
احب اكون بروحي واقرا بصوت عالي ولي يومج هدذا اسلوبي اذا حبيت افهم بسرعه انهالدراسه بصوت عالي تخفز الخلايا العصبيه للمخ طبعا هاي اكتشفتها اخيرا بس كنت اطبقها ايام الدراسه وانا خبر خير
واحب اخطط الكتب بالوان فسفوريه
اما الجامعه كانت عقدتي الحفط احب الفيزيا والرياضات والاحصا والاقتصاد
لكن تعالي حق العربي الثقافه علم الاجتماع اسياسه تطلع روحي وماقدر احفط عدل
وطبعا كانت عقدتي ابوي لازم ماجيب اقل من جيد جدا والا بسمع كلمات تحبطني طول العمر
لازم اكون احسن وحده لازم دجاتي اعلى من الكل ولي يومج
واحس بامزمه نفسيه من هالشي والله
وفي علم الاجتماع جزاها الله خير الدكتوره كلثم الكوري اجلت لي الامتحان خمس مرات هههههههه
مادري شلون خذت عندها سي مع اني متوقعه اني ارسب

[الحياة الخالدة]

فديتج والله و أنا أحبج تدرين بهالشي .. :shy:
ما أنسى موقفج معاي :)

عشان تعرفين رومنسية من صغري خخخخخخخخخ :nice:
ايام الجامعة كان عندي بيبي :(
تغيرت طريقة الدراسة لأن المكان تغير :weeping:
كنت أقول لبوالعيال مرات بروح أدرس في بيت هلي
حنيت للمجلس والكتب والسطح .. :weeping:


من ناحية إنج رومانسية ما عندي أدنى شك :)
الله يخلي لج العيال و أبوهم

تسلمين أختي بصمـــــة

[الحياة الخالدة]

بالنسبه لي لين صف رابع وخواتي يدرسوني وعقب من دخلت خامس عطوني طاف
بديت ادرس بروحي الحمدالله دوم من المتفوقين وامي لازم كل سنه تريق المدرسه احتفالا ببنتها المتفوقه
احب اكون بروحي واقرا بصوت عالي ولي يومج هدذا اسلوبي اذا حبيت افهم بسرعه انهالدراسه بصوت عالي تخفز الخلايا العصبيه للمخ طبعا هاي اكتشفتها اخيرا بس كنت اطبقها ايام الدراسه وانا خبر خير
واحب اخطط الكتب بالوان فسفوريه
اما الجامعه كانت عقدتي الحفط احب الفيزيا والرياضات والاحصا والاقتصاد
لكن تعالي حق العربي الثقافه علم الاجتماع اسياسه تطلع روحي وماقدر احفط عدل
وطبعا كانت عقدتي ابوي لازم ماجيب اقل من جيد جدا والا بسمع كلمات تحبطني طول العمر
لازم اكون احسن وحده لازم دجاتي اعلى من الكل ولي يومج
واحس بامزمه نفسيه من هالشي والله
وفي علم الاجتماع جزاها الله خير الدكتوره كلثم الكوري اجلت لي الامتحان خمس مرات هههههههه
مادري شلون خذت عندها سي مع اني متوقعه اني ارسب


بالفعـــــل تشجيع الأهل كان له دور كبير في التفــــوق
عســـــاج دوم متفوقة و أحسن وحدة :)

حياج الله أختي غايــــة