انا في حلم والا علم ؟!

[مشاكل]

مدري ياجماعة الخير هو انا بس اللي احس هالاحساس والا في حد مشاركني نفس الشعور ،،،

بخصوص الشوارع والاسواق والمناطق الحيوية
شسالفة ؟! الدنيا شبه فاضية والامور سهالات ؟!
والله انه صار لي يومين نفسيتي متغيرة للأحسن مركلس ورايق واكتشفت ان الزحمة هي اللي مسببتلي الصداع المستمر والعصبية على اقل الاسباب !!!
اتمنى ان يستمر الحال على ماهو عليه ،،، والله اني مب مصدق عيوني ،،،
اللهم لك الحمد

[ضوى]

مدري ياجماعة الخير هو انا بس اللي احس هالاحساس والا في حد مشاركني نفس الشعور ،،،

بخصوص الشوارع والاسواق والمناطق الحيوية
شسالفة ؟! الدنيا شبه فاضية والامور سهالات ؟!
والله انه صار لي يومين نفسيتي متغيرة للأحسن مركلس ورايق واكتشفت ان الزحمة هي اللي مسببتلي الصداع المستمر والعصبية على اقل الاسباب !!!
اتمنى ان يستمر الحال على ماهو عليه ،،، والله اني مب مصدق عيوني ،،،
اللهم لك الحمد



بالفعل لاحظت هالشي امس واليوم ،وايد سهالات الحمد لله

يمكن عشان المدارس الاجنبية كلها معطلة لين 7/1 عشان الكريسماس :(

الله يديم علينا هالهدوء والروقان

[العنيده]

ضيوفنا مسافرين اجازات حق اهلهم واحنا موجودين بس ..

[shaikhaaaa]

مدري ياجماعة الخير هو انا بس اللي احس هالاحساس والا في حد مشاركني نفس الشعور ،،،

بخصوص الشوارع والاسواق والمناطق الحيوية
شسالفة ؟! الدنيا شبه فاضية والامور سهالات ؟!
والله انه صار لي يومين نفسيتي متغيرة للأحسن مركلس ورايق واكتشفت ان الزحمة هي اللي مسببتلي الصداع المستمر والعصبية على اقل الاسباب !!!
اتمنى ان يستمر الحال على ماهو عليه ،،، والله اني مب مصدق عيوني ،،،
اللهم لك الحمد

يا خوي لا تستانس كلها اسبوعين وتبتدي الزحمة مرة ثانية لأن المدارس الخاصة والأجنبيه في إجازة لمدة إسبوعين وبيداومون يوم 4/1 يعني يا قلبي لا تفرح

[La Bella]

الناس مسافرين للكرسمس في بلدانهم
والمدارس الاجنبية كلها أجازات

[مرتبش]

صحيح
حتى المواقف اليوم في الدوام نص فاضية
اقول لك ليش
اليوم الكرسمس .. والاسبوع كله سهالات الصبح عشان المدارس الخاصة اجازة ا تقريبا من عقب اليوم الوطني الى بدء السنة الجديدة

[مشاكل]

اشكركم وبارك الله فيكم على سرعة الاستجابة والتوضيح ،،،
ان شالله مايكون الكرسمس هو السبب لان المدارس الاجنبية محدودة ومب لهالدرجة تأثيرها على الشوارع ،،، لأنه حتى فالليل مافيه زحمة ،،، بتقولون بعد مدارس ؟! اعتقد والله اعلم انه تم فتح شوارع ومنافذ جديدة ومع الايام الامور بتتضح اكثر ،،،
وبأذن الله يستمر الحال على ماهو عليه ،،، وان شالله يكون علم مب حلم

[حميداني]

اي والله ... خووش شي

[مرتبش]

اشكركم وبارك الله فيكم على سرعة الاستجابة والتوضيح ،،،
ان شالله مايكون الكرسمس هو السبب لان المدارس الاجنبية محدودة ومب لهالدرجة تأثيرها على الشوارع ،،، لأنه حتى فالليل مافيه زحمة ،،، بتقولون بعد مدارس ؟! اعتقد والله اعلم انه تم فتح شوارع ومنافذ جديدة ومع الايام الامور بتتضح اكثر ،،،
وبأذن الله يستمر الحال على ماهو عليه ،،، وان شالله يكون علم مب حلم

تظن؟!

خليتني احلم بشوارع جديدة.. الا بالعكس الشوارع تسكيراتها اكثر هاليومين

[جوهرة قطر]

اى لاحضت انا بعد الله يعني بس احنا اللى تمينا .... جان زين انتم جي على طول هههههه

[بو علاوي]

فعلا هاليومين مافي زحمة لدرجة انني اروح من الهلال لين الخيسة يمكن 12 دقيقة بس

[أبو سعود]

شوارع الدوحه ما في زحمه

شي غريب اللي تقولونه

واذا كان كلامكم صح مافي زحمه فهي مؤقته تعتبر كاستراحه محارب

تبون تعرفون وين الزحمه راحت

أخذوا جوله بالسيارة من دوار الوقود لغايه مبنى الكنيسه وفي أي وقت

الا بتشوفون الزحمه انتقلت الى هناك وبتشوفون المعاناة الشديدة للسائقين لجميع السيارات

وبتشوفون تواجد رجال المرور بكثرة لتنظيم حركه السير

اصبروا شوي وبترجع لكم الزحمه اكثر واكثر

[Anas_G]

اعتقد ان الكل سوا مثلي وصار ما يطلع من البيت لاويك اند ولا اي شي خلاص مشوار صغير صار ساعه ونص ف الحين انا كله فالبيت ما اطلع الا للضرورى القصوى جدا واعتقد الاغلب مثلي ماعاد حد يطلع من الزحمة

[وطن]

لان الاجانب ثلاث ارباعهم مسافرين
عشان أعياد الميلاد على قولتهم

يوم اللي سافرت زحمه في المطار من قلب
أول مره اشوف هالزحمه

[الـخـالـدي]

اعتقد ان الكل سوا مثلي وصار ما يطلع من البيت لاويك اند ولا اي شي خلاص مشوار صغير صار ساعه ونص ف الحين انا كله فالبيت ما اطلع الا للضرورى القصوى جدا واعتقد الاغلب مثلي ماعاد حد يطلع من الزحمة

الواحد يتضايق اذا صار عنده مشوار فالدوحه بسبة الزحمه

[سهم عتيج]

سبحان الله

اذا كانت اعياد راس السنة والكريسمس بتخلي المواطنين ينعمون بالهدوء خلال هالاسبوعين ، فياريت تكون اعيادهم طوال العام

على الاقل الواحد يرتاح شوي من هالزحمة الغير طبيعية طوال العام

انه بعد هاليومين احس بريلاكس غير طبيعي واحس ان اعصابي مرتاحة وانه اسوق في الشوارع

[تاسيتوس]

انه الكريسمس ياعزيزي

[الزلزال]

نسبه الاجانب في الدوحه مش سهله

اكيد بتفضى في الاعياد المسيحية

[كازانوفا]

طول الطريق وانا ادعي يارب على طول اضل الشوارع فااااااااضيه

[airbus]

وين ياطيب رحلات القطرية من الدوحة كلها فل مافي ولا مكان اجانب و مواطنين

[نوفة قطر]

اي اليوم شوارع الدوحه شي مب طبيعي ... الطريق اللي اقضي فيه كل يوم ساعه الا ربع تقريبا من بيتنا للدوام

اليوم وصلت في نص ساعه هههههه :nice: تخيلوا

والمواقف فاااااااااااااااااااااضيه .. اللي كل يوم الناس صافه ع الرصيف والحاله حاله

صج نسبة الاجانب والمسيحيين كبيره

-

[رايق البال x]

جعلهم روحة بلا ردة هالمسيح والنصارى ضيقوا علينا بكل شي
الدوحة صارت احلى

[R 7 A L]

اليوم مريت على دوار الخزان الساعة 7 الاربع
من زود الفرحة لفيت عليه مرتين
كان خاطري ادخل الدوار وانسدح بس طلعتي من البيت متأخرة :tease:


تذكرت موضوعك
ليت شوارع مثل هالايام على طول

[MAZEN37]

نفس الملاحظه
حتى الكربون الي بسيارتي طلع ههه

[Locale]

صج واعليه مادري عن الدنيا
عيل فرصه اروح الستي اكره روحته بسبت مواقفه والزحمه

[Aaziz]

سبحان الله

اذا كانت اعياد راس السنة والكريسمس بتخلي المواطنين ينعمون بالهدوء خلال هالاسبوعين ، فياريت تكون اعيادهم طوال العام

على الاقل الواحد يرتاح شوي من هالزحمة الغير طبيعية طوال العام

انه بعد هاليومين احس بريلاكس غير طبيعي واحس ان اعصابي مرتاحة وانه اسوق في الشوارع

اخوي ليش ما تشارك معانا دوم.
مشرف كده :thumbup1:

[Abdulraman]

اي والله راحه نفسيه بس هل عدد اللي يدرسون في المدارس الخاصه اكثر من اللي في المدارس المستقله لان فعلا الشوارع فاضيه تذكرني في التسعينيات عشر دقايق ولا انت واصل الشغل

[عذايب قطر]

ياريت اتم الشوارع جذيه
حتى الدوام نوصل بدري ومن دون تأخير وأعصاب وعوار راس

تحياتي لكم
عذايب قطر

[العنيده]

يارب يدووم هالهدوء علينا يارب