التقييم الوظيفي!!!

[pink pearl]

السلام عليكم ورحمة الله،،

أنا موظفة بمكان حكومي، بس لايطبق عليه قانون الموارد البشرية، وحابة أسال بخصوص التقييم، يعني ما عندنا معايير محددة في التقييم، وكله على هوى مديرة القسم اللي مستحيل تعطي أكثر من 3 للموظفين الصغار مثلنا ( القطريات خصوصاً) والله أعلم بالأجانب كم تعطيهم ( لأنهم ما يحبون يقولون تقييمهم) !!!

يعني مواظبين على دوامنا بالدقيقة طوال السنة، ومنضبطين بالشغل وتكاليفه والدورات وفي الأخير يا نحصل 2 ولا 3 للي يستحق واللي مايستحق!!! وهذا الحال من سنيين مثل ما عرفت من صديقاتي!!

السؤال:/ هل فيه معايير محددة بخصوص التقييم ؟؟وشنو فايدة التقييم الوظيفي؟!؟ ووين نقدر نشتكي إذا حسبنا بالظلم من هذا المدير قطري ؟!

ولا الدينا سايبة وكل واحد يسوي اللي على هواه!!!

[الزلزال]

بعض المدراء يخلونه سري وسبه الاحراج

[pink pearl]

بعض المدراء يخلونه سري وسبه الاحراج

اوكي سري ما قلنا شئ، بس شنو المعيار اللي يحدد أعطي هذا الموظف تقييم 3 ولا 5 !!

[العربية نت]

التقييم الوظيفي فائدته كبيرة لو تم تطبيقه قانونياً لكن الي حاصل فيه تلاعب ومحسوبيات بغيضه
لكل ن التقييم مهم لمعرفة حضور الموظف والحضور المقصود به ليس الحضور المعروف وانما ان يكون موجود جسداً وذهناً بمعني يفيد الجهة شخص منتج مبتكر يطور من نفسه وياثر ايجاباً في عمله
يكون منمي قدراته من خلال دورات تدريبية وورش عمل يستفيد منها الموظف والعمل

وغيره من الامور لكن بشكل عام ما يتم التقيد بذلك وانما يتم التقييم بناءاً على الشكل والمظهر للموظف يعني الوسامه سواءاً رجل او امرأه :eek5: خاصة عند المدراء المريضين نفسياً وياكثرهم بالدوائر الحكومية اذا كنتي فيها ؟

والتقييم ما يكون سري يتم اعطاء الموظف نسخه منه عن طريق الاتش آر

بالتوفيق .... :)

[pink pearl]

التقييم الوظيفي فائدته كبيرة لو تم تطبيقه قانونياً لكن الي حاصل فيه تلاعب ومحسوبيات بغيضه
لكل ن التقييم مهم لمعرفة حضور الموظف والحضور المقصود به ليس الحضور المعروف وانما ان يكون موجود جسداً وذهناً بمعني يفيد الجهة شخص منتج مبتكر يطور من نفسه وياثر ايجاباً في عمله
يكون منمي قدراته من خلال دورات تدريبية وورش عمل يستفيد منها الموظف والعمل

وغيره من الامور لكن بشكل عام ما يتم التقيد بذلك وانما يتم التقييم بناءاً على الشكل والمظهر للموظف يعني الوسامه سواءاً رجل او امرأه :eek5: خاصة عند المدراء المريضين نفسياً وياكثرهم بالدوائر الحكومية اذا كنتي فيها ؟

والتقييم ما يكون سري يتم اعطاء الموظف نسخه منه عن طريق الاتش آر

بالتوفيق .... :)



لاحول ولاقوة إلا بالله ! الموضوع صار على مقياس المظهر، وبالنسبة للتقييم يتم إخبار الموظف ويوقع هذا الشي مفروغ منه، لكن على شنو يستند عليه هذا التقييم؟ الله العالم

هذي التقاييم فيها ذمم ناس، والظلم ظلمات يوم القيامة، والله أتمنى تشديد الرقابة من هيئة الشفافية اللي سمعنا عنها وتفعيل دورها بشكل أكبر ،،

تسلمين على المشاركة الطيبة

[النجلا]

وايد نااس ينظلمون في التقييم بسبة انهم مب داشين مزاج الشخص المسؤول عن تقييمهم .!

[بوخالد911]

هلا

التقييم له عدة معايير وضوابط
من ضمنها :-
الانضباط بالدوام الرسمي
التعاون مع الزملاء
تقبل المسؤوليات
انجاز العمل دون اخطاء
التغيب المفاجيء

وغيرها


والله يعييينكم
وأفضل حل ركعتين بجنح الليل وادعوا ع من ظلمكم

[khalid525]

مزاجية المدير لها دور في التقييم ، لكن اذا الموظف يضيف قيمة كبيرة للعمل سوف تجد المدير يقيمه افضل تقييم ، الموظف يجب ان يعرف ماهي الاهداف المهمة من وجهة نظر الادارة العليا ويركز عليها .

[ريم المدينة]

المزاج

[6alal]

مزاجية المدير لها دور في التقييم ، لكن اذا الموظف يضيف قيمة كبيرة للعمل سوف تجد المدير يقيمه افضل تقييم ، الموظف يجب ان يعرف ماهي الاهداف المهمة من وجهة نظر الادارة العليا ويركز عليها .

نعم خالد هو التوجيه الصحيح ليصح الصحيح ً ، هذا ما يجب على الموظف السعي له في الوظيفه المنوطه اليه وفقا للأهداف الاداره ويسعى لتحقيقها (والموظف يجب أن يتقي الله في عمله ، لا ينظر للتقييم كهدف ولا لإرضاء مسؤول ، ابتكر وأسعد بوظيفتك وأتقنها ضع بصماتك عليها ( ) أما التظلم أكيد فيه لجنه في أي اداره او جهه أداريه هناك جهه ترفع اليها تلك التقاييم لتقوم بالنظر في تلك الطعون .

[moonبنتnight]

كل تقييم له أسس ومعايير يمشي عليها كل مدير 00

[تاسيتوس]

متى التقييم؟

[قطرية مثقفة]

اوكي سري ما قلنا شئ، بس شنو المعيار اللي يحدد أعطي هذا الموظف تقييم 3 ولا 5 !!

مايصير سري @@ المفروض الموظف يوقع على ورقة تقييمه السنوي @@ ذكرتيني بأيام لول المديرات في المدارس ماكانوا يعطونه التقييم @@

[CH Engineer]

كل تقييم له أسس ومعايير يمشي عليها كل مدير 00

مايعرفون لا اسس ولا معايير وبعضهم مايعرف يمشي

http://www.partysuperstores.co.uk/img/bm235_old_man.jpg

[pink pearl]

الله يكون في العون ،،
والله ثم والله إني حاسة بظلم كبييييير !!

هذا الظلم مأثر في نفسيتي وفي شغلي وأنا مب راضية بتاتاً عن التقييم، المشكلة مديرة القسم مالها خص وتقول أكثر شي أعطيه 3 !! وإذا حد يبي 5 يشتغل ويخترع لي شي جديد للقسم ...

بذمتكم هذا منطق ؟؟!!

[ضوى]

والله لو اقدر احط لج معايير التقييم اللي عندح بيدور راسج ، نقاط تفصص الموظف واخر المعايير الحضور والانصراف ، مجلد مب تقييم ، بس الصراحة منصف حتى الكل يتقيم حسب هالمعايير ويعرف نقاط الضعف عنده ويحاول يطورها

بالنسبة لكم وعدم اتباعكم للموارد البشرية فاكيد الانظمة تختلف والمقاييس تختلف والمفروض تقعدون ويا المدير وتناقشونه في هالمعايير سواء كنتي موظف صغير والا موظف كبير ماله العلقاة بس ادائج وكفائتج في المكان اللي انتي فيه

[نوفة قطر]

انا بعد مديري ما رضى يرفعني عن 3 :nice: .. والمفروض ان نحط تعليقاتنا ونقيم نفسنا فالبدايه

قيمت نفسي وحطيت تعليقاتي .. فالاجتماع قال لي انه غير الدرجات وغير الكومنتات بعد :victory: واقنعني انه سوى الافضل لي و وقعت هههههههه

الله كريم

-

[pink pearl]

وايد نااس ينظلمون في التقييم بسبة انهم مب داشين مزاج الشخص المسؤول عن تقييمهم .!
الله المستعان، هذي مسوؤلية كبيرة في ذمة كل مدير، لازم يكون عادل ولا الظلم ظلمات يوم القيامة!


هلا

التقييم له عدة معايير وضوابط
من ضمنها :-
الانضباط بالدوام الرسمي
التعاون مع الزملاء
تقبل المسؤوليات
انجاز العمل دون اخطاء
التغيب المفاجيء

وغيرها


والله يعييينكم
وأفضل حل ركعتين بجنح الليل وادعوا ع من ظلمكم
فعلاً إذا هذي المعايير لا إختلاف عليها، لكن شنو هي المعايير التعجيزية للحصول على تقييم 5 ؟!



مزاجية المدير لها دور في التقييم ، لكن اذا الموظف يضيف قيمة كبيرة للعمل سوف تجد المدير يقيمه افضل تقييم ، الموظف يجب ان يعرف ماهي الاهداف المهمة من وجهة نظر الادارة العليا ويركز عليها .

وإذا أساساً كان الموضوع سايب وعايم؟! شالحل ؟


المزاج
فعلاً هذا هو الواقع المرير!



نعم خالد هو التوجيه الصحيح ليصح الصحيح ً ، هذا ما يجب على الموظف السعي له في الوظيفه المنوطه اليه وفقا للأهداف الاداره ويسعى لتحقيقها (والموظف يجب أن يتقي الله في عمله ، لا ينظر للتقييم كهدف ولا لإرضاء مسؤول ، ابتكر وأسعد بوظيفتك وأتقنها ضع بصماتك عليها ( ) أما التظلم أكيد فيه لجنه في أي اداره او جهه أداريه هناك جهه ترفع اليها تلك التقاييم لتقوم بالنظر في تلك الطعون .
إن شاء الله كل ذي حق يآخذ حقه...

[pink pearl]

كل تقييم له أسس ومعايير يمشي عليها كل مدير 00
هذي الأسس والمعايير هل هي قابلة للتطبيق ولا تعجيزية للموظف؟ّ




متى التقييم؟
ما أدري بس في ناس نهاية 12 وناس شهر 4 ؟!!!



مايصير سري @@ المفروض الموظف يوقع على ورقة تقييمه السنوي @@ ذكرتيني بأيام لول المديرات في المدارس ماكانوا يعطونه التقييم @@
أكيد الموظف يوقع ويعرف بس قصدت سري بين المسؤول والمدير والموظف..






مايعرفون لا اسس ولا معايير وبعضهم مايعرف يمشي

http://www.partysuperstores.co.uk/img/bm235_old_man.jpg

الله يكون في العون ...

[NINA RICCI]

الله يعين هالتقاييم تلعب بنفسية الموظف وايد .. خاصة لو انظلم مراح يقدر يعطي وينجز

[ام جراح%]

انا الحين ترينينق الله يستر اذا تثبت

[The Master]

اممممم

ان شاء الله مافي ظلم...
والتقييم مثل ماقال اخوي بوخالد

وزيادة عليها هل انت حققت متطلبات عملك ف الوقت المحدد وهكذا...

طبعا حدك 3 او 2

و 4 اتحصل عليها اذا حققت شي غير عن العادة واتقدمه للمسؤولين وهم بيشوفونه وعقب يعطونك 4
واتحصل من وراها بونس :nice:

ف شدي حيلك
واتركي عنك القيل والقال
واجتهدي
وربي ماراح يضيع عملك :)