تاريخ 19 يناير .. لاهل الـ Instgram فقــــــط..

[sweet qatar]

السلام عليكم ورحمة الله وبركاته..


http://simpliblog.org/wp-content/uploads/2012/11/201271-instagram-logo.jpg

حبيت استفسر بخصوص شروط الاستخدام الجديدة..

الحمدلله ان الشركة تراجعت عن سالفة ملكيتها للصور وحقها في البيع..


لكــــن السؤال.. هل بتبقى شروط الاستخدام مثل شروط 2010 ..

ولا في شي بيتغير.. ؟؟!!

[آنا غيــر]

شسالفه :/ !

شالمطلوب يعني يا سويته؟

[sweet qatar]

كتبت حبيبتي فوق..

ابي اعرف اذا في شي بيتغير ولا لا.. و شنو بالضبط..
حاولت ادور شي اكيد بالنت.. بس المقالات طويلة.. افتر راسي..

[نور الحور]

سمعت وايد أخبار عن ملكية الشركة للصور .. بس مادريت عن صحة خبر تراجعها ..
بالنسبة للشروط ما ادري بس الأفضل تشوفين الموقع نفسه ..

[sweet qatar]

شوفي سلمج الله.. اول شي قالوا بياخذون صورنا وبتصير ملكيتها تابعه لهم.. يعني ممكن يبيعونها..

عقب قالوا انهم ما يقصدون البيع.. بس انهم بيستخدمون الصور بدون اذن للدعاية..

وطبعا قامت عليهم الشركات الكبيرة منها ناشيونال جيوجرافيك..


http://i.telegraph.co.uk/multimedia/archive/02432/natgeo_2432193b.jpg


الظاهر اني بشيك على كل الشروط بنفسي.. :(


شكرا لتفاعلكم .. انا غير ..و نور الحور.. ما قصرتوا..

[abdo222]

اول مره اذاعوا الشروط الجديده كانت كالاتي
الشروط الجديده :

1- للانستجرام الحق في اخذ اي صوره من صور الاعضاء (اذا مب كان حاط خاصيه الخصوصيه فقط) ياخذون الصوره لتكون دعايه للانستجرام لجلب شركات تضع اعلاناتها
مثال: انتي الحين لين تحطين صوره لكي الامكانيه تحطين الموقع بعد (جي بي اس) , مثلا صورتي صوره حلوه لمطعم تشيك شاك في فيلاجيو, هنا الانستجرام له الاحقيه انه يعرض صورتك لتشيك شاك ويقول له "شوف في صوره حلوه لكم, شرايكم نحطها دعايه لكم وتعطونا فلوس على هال الدعايه"

هال القانون جعل ناشونال جيوجرافيك يوقفون يحطون صور لهم, لانك لو تشوف صورهم مب طبيعيه ابداع ولاشياء متنوعه,

بعدها بكم يوم جاء صاحب الانستجرام يقول "we are listening" سمعنا مخاوفكم والي فهمتوه غلط وراح نبين الموضوع ونغير البند,,

اولا واخيرا, بالنسبه لي خخخ مب من زين صوري عشان الانستجرام ياخذها من بين الملايين , وانا ماعندي مانع بالعكس هههه بفرح p: ,,
والي ما يبي هال الشرط يتطبق يقدر يخلي "خاصيه الخصوصيه" مفعله انه محد يقدر يشوف صورك الا لما يسويلك فولو وانت توافق,

بالنسبه لي اتوقع انهم بينزل بند جديد هال اليومين يوضح النقطه حق بيع الصور

[sweet qatar]

اهاااا يعني الي اكاونته برايفت ماعليه شي..؟؟!


ادري بالصور ابدااااع.. اغلبهم محترفين..


يعني للحين ما نشروا التعديل.. زين بنطرهم من اليوم لين 18/ 1 .. عل وعسى توضح السالفة ..


شاكرة لك ردك وتوضيحك اخوي abdo222 ما قصرت..

[بوحارب]

طرشلون حسابتاكم بضيفكم :secret::telephone:

ماعندي حد :tease:

[النهار]

متابع

[sweet qatar]

طرشلون حسابتاكم بضيفكم :secret::telephone:

ماعندي حد :tease:


الشباب ما بيقصرون معاك... :)



متابع


حياك الله اخوي..

[sweet qatar]

.
.
How to back up your Instagram photos and delete your account (http://howto.cnet.com/8301-11310_39-57559810-285/how-to-back-up-your-instagram-photos-and-delete-your-account/)


لحد يستعجل.. just in case

[الزعفراني]

عاد من زين لصور اللي يحطونها العرب .. كله صور أكل والا مواتر.. والا اكسسوارات وعدسات كانون .. احس اني داش مول

[sweet qatar]

هذا المطلوب يالزعفراني.. الفكرة من الأساس الصور الواقعية الي تظهر الزباين او المستهلكين..

هذي الشركات تستفيد منها في الدعاية.. اكثر من صور الطبيعة والمناظر ..




تعجبني الصور بكل اشكالها لاني استفيد منهم كلهم..
والعرب حالهم من حال الاجانب.. عندهم صور من كل نوع..


بس الصور الي ما اطيقها وانفولو على طول للي يستعرضون نفسهم شباب وبنات..

[راشد محمد]

متابع

[ضوى]

سويت فلو لمبدع في التصوير اجنبي عليه صور خيال هذا لازم ياخذ فلوس على الانستستغرام اذا استخدمت صوره لانها صج صور محترفين

[ضوى]

اما صور العرب حدث ولا حرج ، اكل وشرب وايادي واساور وخرابيط تبين انها تسليه فقط ، مع انه في واحد سعودي صوره الطبيعية عجيبة وياخذها من قلب الجزيرة العربية ولا احد ممكن يصدق انها في بلاد خليجية

[Aaziz]

اذا ممكن ياضوى اسم الاشخاص عشان اتابعهم. نزلت الانستقرام و يصفر مالقيت فيه الا واحد من ربعي مادري شلون انضاف

[ضوى]

dankhole

ebc2006

chenpamela

eme-qtr

himo605

[ضوى]

واللي له اهتمامات معينة مثل صور دعوية او صور اطفال او طبخ او اي اخر مجرد يحط فب البحث ويقدر يضيف من يرغب بعد الاطلاع على صوره سواء بالانجليزي او بالعربي

[sweet qatar]

راشد محمد..حياك الله..


واللي له اهتمامات معينة مثل صور دعوية او صور اطفال او طبخ او اي اخر مجرد يحط فب البحث ويقدر يضيف من يرغب بعد الاطلاع على صوره سواء بالانجليزي او بالعربي

مشكورة حبيبتي على الاضافة المميزة.. :victory:
بس ظلمتي العرب، ترى فيهم الزين والشين مثل الاجانب..


Aaziz .. استخدم خاصية البحث.. وكل ما تضيف حد شوف هو متابع من..

.
.
الي يبي يبحث في البرنامج يضغط على النجمة مثل الصورة.. و اكسبلور للي يبيه ..

http://media.idownloadblog.com/wp-content/uploads/2012/06/Instagram-2.5-search-hashtags.jpg

[Aaziz]

سويت قطر ،،، تسلمين .

الانستقرام زين بس حسيته حق شو شوي

[sweet qatar]

الله يسلمك اخوي..

معاك حق.. لكن هذا الانطباع الأول.. وحسب الأشخاص الي بتسوي لهم فولو..

التجار والتاجرات من قطر في كل المجالات..
رحالة خليجين وعرب واجانب وصورهم والاماكن الي يزورونها..


اكثر شي جذبني للبرنامج الموضة، الميك اب، الستايل، اتواصل مع هلي في الغربة..

احلى برنامج ايفير.. وان شالله الكل يحبه مثل ما احبه.. :)

[OM_OMAR_QATAR]

عاد من زين لصور اللي يحطونها العرب .. كله صور أكل والا مواتر.. والا اكسسوارات وعدسات كانون .. احس اني داش مول

:secret::secret::secret::nice:

[sweet qatar]

^
حرام عليكم دوم ظالمين العرب..


المشكلة اغلب لستتي من اهل قطر برايفت ولا كنت حطيتهم لكم عشان تشوفون ابداعاتهم وحركاتهم..


QatarOnlines .. ولكم ... :)

[مهرة]

ويش هذا ..؟؟ بالضبط ..! لا تقولون نفس الفيس بوك ..!:omen2:

[الدمعه]

مشكورة سويتي عالموضوع فطنتيني ...

وننتظر تاريخ 18 وبنشوف ...

[sweet qatar]

ويش هذا ..؟؟ بالضبط ..! لا تقولون نفس الفيس بوك ..!:omen2:

وش ذا الفيس بوك.. :looking:
فديتج هالبرنامج تدخلين عليه وتشوفين صور..
كل واحد يفتح اكاونت وينزل صور والناس تشوف..
وفي ناس عندها حساب ولاتنزل شي..

انا وايد مستفيدة منه.. لاني ضايفة تاجرات وطباخات..
لو بغيت عباة او فستان وغيره اشوف التصميم واتواصل مع التاجرة..
واذا عندنا حفلة الاكل والكيك كله اطلبه من الحريم الي ضايفتهم..
واذا بغيت افكار او اغير الستايل او اجرب مطاعم جديدة كل شي موجود.. :nice:



مشكورة سويتي عالموضوع فطنتيني ...

وننتظر تاريخ 18 وبنشوف ...


العفو ياقلبي..
لحد الحين ما نزل شي.. بحاول اشيك واذا في جديد بكتبه هني..