عمليتي بعد اسبوع ( تكميم ) للسمنه

[بوسـعد]

حددولي موعد العملية في مستشفى حمد بعد اسبوع وهي عملية تكميم وقالولي الدكتور الي راح يعملها دكتور زائر اسمه بيتر

سؤالي حد سوه عنده نفس العمليه وهل هو ممتاز ام لا ؟ لان سألت دكتور محمد جهام الكواري وقالي ممتاز الدكتور

[نور الحور]

والله ما عرف .. بس دخلت ادعو لك بالتوفيق في عمليتك .. الله يسهل عليك :)

[دانة الطواش]

توكل على الواحد الأحد وسوها ، وقول وصار فيك عقب ألعملية ، وانا ممن ينتظر الدور .

[حياة]

توكل على الله وسو العمليه وماراح تندم باذن الله
بنتي سوتها في حمد وعمليتها الحمد لله ممتازه
اهم شي تصدق قبل لاتدخل العمليه بنيه الشفاء
ودفعه بلا ان شاء الله.. ولاتحاتي بامر الواحد
الاحد ...

[مشاكل]

توكل على الله وسم بالرحمن
اغلب الشباب لمتان اللي اعرفهم سووها والنتيجة بفضل من الله رهيبه
الله يوفقك يابوسعد ويرزقك الصحة والعافية

[حراير قطر]

الله يسهل عليك ويقومك بالسلامه

اخوي قبل ما اتسوي العمليه فكرت بالريجيم

فكرت بأنك تتحكم واتقلل كمية الاكل .. فكرت انك اتسوي رياضه

والا على طول فكرت بالعمليه لانها اسرع طريقه للضعف ...

[Chambray]

معروف بيتر

هو سنغافوري ، ودكتور زائر .. ورائد عمليات السمنه في سنغافورة
بالاشافة إلى دكتور امريكي ، والدكتور ميشيل ..

طبعاً الدكتور محمد الكواري مع دكتور عصام بيكونون مساعدين له ..
مدة العملية 75 دقيقه ( اقل بربع ساعه اكثر بربع ساعه )

وموفق يالطيب

[المتألم]

وش هالعملية

أستغرب إن الناس وصلوا لمرحله لا يستطيعون السيطرة على انفسهم وامعائهم
ويحتاجون لمن يكممهم او يربطهم .

معقوله الناس ما يجون الا بالضرب ولاجبار وليس بالاراده والاختيار .

ما انصحك ابد

ياخي مارس الرياضه وقلل اكل ، خلك قوي .

[المتألم]

http://www.************/watch?v=No2kPCUxLmE&feature=youtube_gdata_player

[theeb_qatar]

صباح الورد
انا عملتها فالعمادي تاريخ9/12/2012
والحمدلله انجحت العملية بدون اي تسريب

كان وزني 140 .. وحاليا انا 125 وفي نزول مستمر
بدون حبوب فيتامينات

توني اليوم مبتدي في المهروسات والحمدلله

توكل ياخووك العملية جدا سهله لكن الحركه راح تكون نوعا ما صعبه بتحس بوخز في البطن عادي لاتحاتي
يوم عن يوم يخف

وفالك التوفيق يالرشيق مقدما

[R 7 A L]

تقوم بالسلامة

[الدوحي7]

الله يسهل عليك ويقومك بالسلامه

اخوي قبل ما اتسوي العمليه فكرت بالريجيم

فكرت بأنك تتحكم واتقلل كمية الاكل .. فكرت انك اتسوي رياضه

والا على طول فكرت بالعمليه لانها اسرع طريقه للضعف ...[/

عدل كلامك والله،،
ونصيحه مني لاتسوى هالسوالف،،

[اهل قطر]

الله يوفقك ويقومك بالسلامه

[لاجل QT]

الله يوفقك لما فية الخير لك

بس لازم تتبع التعليمات بعد العملية

بخصوص الاكل لاتكثر لان المعدة ماراح تحمل والله يعزك بيصير ترجيع وكثرة الترجيع يجرح المعدة

الله يقومك بالسلامة ..موفق باذن الله

خاطري انا بعد اسويها:shy:

حاولت بالرجيم ماينزل الوزن ثابت:(

[حسن]

الله يعينك
بس هل انت من اللي وزنه فوق 150 يعني ولا ماتستطيع تسوي رجيم معى تمارين

بالتوفيق مع اني اكره اسمع طاري هل العمليات

[الصغيره]

توكل على الله

بيتر ممتاز

المشكله مش بالعمليه المشكله بعد العمليه كيف تتقيد ست اسابيع على نظام خاص سوائل ثم وسط السوائل ثم مهروس ثم تحديد الكميات والالتزام


ننتظرك بعد العمليه تخبرنا باللي يحصل معك

[Bozizoo]

توكل على اخوي
ناس وااايد سووها و مافيهم الا العافيه
انتم السابقون و نحن اللاحقون
فبراير بروح احتفل بالعيد الوطني بالكويت
عندهم دكاترة ممتازين والعمليه تكلف ظ¢ظ¨ظ*ظ* دينار
وشعارنا اليوم
لا سمنه بعد اليوم

[qtrose]

الله يقيمك بالسلامة ... وتشوف نتايج مرضية.



أعرف وحدة كان وزنها 94 وسوت العملية غصب مع أن الدكتور قال

لها أن وزنها مش كبير كبير ... يعني كان ممكن تسوي رجيم وتنزل كيلوات...

المهم سوت العملية في مستشفى خاص وقام وزنها ينزل بشكل مستمر وبدون

توقف ... كان ودها يوصل 60 لكن ما قدرت تسوي كنترول على ثبات الوزن

ومن أيام شفتها صار فيني جذيه :eek5: وصل وزنها 48 كأنها مومياء وأكيد

تأثرت بشرتها ... وتقول انها فقدت سوائل وصار عندها شحوب :omg:

بس في ناس ارتاحوا للعملية ...

ونصيحة مني لا تسون عمليات ، كل اللي مطلوب منكم تمشون على نظام غذائي صحي

مع رياضة منتظمة.

[المتألم]

روحوا شهرين سفر لاي دوله من هالدول التي تحتاج للنشاط والحركه وابشروا بالرشاقه

روحوا مع بعثات الجمعيات الخيريه لافريقيا وشاركوا في بناء مسجد او حفر بئر

هناك مع الحركه بتعرفوا أن الكسل والرباده والأكل بكل وقت سبب السمنه

الموضوع يحتاج اراده فقط .

بس احنا بعصر الكسل
سمنه ودهون بسبب الكسل
العمليات بسبب الكسل
كل شيء نبغيه يصير بدون ما نتعب

وأول درس يتعلمه الإنسان بهالدنيا إن ما في شيء بدون ثمن ومافي شيء بالساهل .

[الزعفراني]

ماعندي فكره عن الدكتور .. الله يقومك بالسلامة

[بـومحمد]

الله يوفقك ويقومك بالسلامه عليك بصلاة الاستخاره

[بونووف]

شنو يعني تكميم شاللي راح يسونه لك ..؟ الله يقومك بالسلامه

[ابوسعود]

ادعو لك بالسلامه

توكل على الله سو لاجراء العمليه

او من غير عمليه

بعدالاستخاااااره

اخوي هناك من يكسر المجاديف وهناك من يهرف في مالايعرف

[alsenator]

انت كم وزنك الحين

[حراير قطر]

ادعو لك بالسلامه

توكل على الله سو لاجراء العمليه

او من غير عمليه

بعدالاستخاااااره

اخوي هناك من يكسر المجاديف وهناك من يهرف في مالايعرف

اسمح لي اخوي ابوسعود

محد كسر مجاديفه ولا شيء ..

قلنا له حلول قبل ما يخاطر بعمره ويسوي العمليه

مثل .. انا اعرف وحده متينه ما شاء الله

بس لو اتشوف اكلها والله خفيف وتنصدم اتقول هالمتن من وين جايها

الواحد يعرف الاسباب ويشوف لها حلول قبل ما يلجأ للعمليه

وبالاول والاخير قراره والله يسهل عليه ...

[بوجاسم 75]

الله يوفقك ويقومك بالسلامه عليك بصلاة الاستخاره ، اخوي

[قطرية مثقفة]

الله يوفقك ويكتب لك الخير من هالعملية اخوي استخير وتوكل على الله