"العمل" تقترح مكافأة نهاية خدمة وتحديد إجازات للخدم

[ابن الرومي]

عن جريدة الشرق اليوم
علمت "الشرق" أن وزارة العمل قد قدمت اقتراحاً إلى مجلس وزراء العمل بدول مجلس التعاون الخليجي بخصوص موضوع استقدام وتشغيل عمال الخدمة المنزلية وموضوع عقد العمل النموذجي الموحد، الذي ينظم العلاقة بين رب الأسرة وعامل الخدمة المنزلية والمزمع تعميمه على دول الخليج بعد إقراره، حيث أوصت الوزارة بتضمين المشروع نصاً خاصاً يقضي بحق العامل المنزلي في الحصول على مكافأة نهاية الخدمة إذا قضى في العمل لدى صاحب العمل "رب الأسرة" سنة كاملة أو أكثر.

[R 7 A L]

هذا الي مهتمين فيه اكثر شي
اما الامور الأخرى ولا يدرون عنها

[العنيده]

حق العامل هااي اللي بس مركزين عليه

وين حق الكفيل لما يهرب ولما يرتكبون جرائم .. مب الكل ظالم مع الخدم في ناس تتقي الله ونعاملهم زين ..
سنه ومكافاة يالله الحين بنفتك من هروب بعد ال3 شهور الى سنه وبعدها يطالبون بالكفاله ,,

ياريت يقللون اسعار المكاتب ويراعونا لما ندفع 10 الاف وبعدهاا هروب ولا غيروا رايهم مايبون يشتغلون ..
اتمنى مايضيعون حقوقنا اكثر ..

[ابن الرومي]

الاجانب في قطر عايشن اخر دلع

رواتب ما يحصلونها بابلادهم
سيارات اخر موديل
افضل اكل ياكلونه
امن واستقرار والحمدلله

والمشكله الاجنبي ما طلبوا لان في الدول ما عندهم
و مايعطونهم وياخذوون منه ضريبه 20%

بس إدارة العمل فاضين عندهم هم كبير هو
كيف نفضي جيوب المواطن القطري

[جارح]

صراحة عندما قرأت عنوان الخبر بالجريدة الرسمية خطر في بالي وقتها موضوع مشابة جدا لما تم اقتراحة من وزارتنا المبجلة وهو لماذا لم تتقدم وزارة العمل لمنظومة مجلس التعاون الخليجي بدراسة تؤكد فيها وبالدليل والبرهان انة لايوجد مواطن قطري خارج مقاعد الدراسة تحت مسمى عاطل او حتى باحث عن العمل لماذا يامن قدمت الاقتراح لم تقدم هذة الدراسة اليس هم المواطن عليكم اهم من هم الاجنبي ام انكم تغردون خارج رؤية سيدي سمو الامير المفدى وولي عهدة الامين والذين لايألون جهدا صباحا ومساء من اجل المواطن القطري وتحقيق سبل العيش الكريم له في كل وقت

[نوفة قطر]

أوصت الوزارة بتضمين المشروع نصاً خاصاً يقضي بحق العامل المنزلي في الحصول على مكافأة نهاية الخدمة إذا قضى في العمل لدى صاحب العمل "رب الأسرة" سنة كاملة أو أكثر.

والله ؟

عجب ! يطلعون لهم حقوق من تحت الارض

والكفيل المسكين ماله حقوق كلللش .. يجيب العامل بالآلاف عشان متى مابغى يشرد ومايخسر شيء بعد

والله سالفه

-

[ابن الرومي]

اذا بنعيطهم نهاية الخدمة

انزين ليش ندفع لمكتب الاستقدام 9000 ريال

الغي المكاتب الاستقدام وخلهم يجون البلاد على احسابهم
وبلا تعقيد

ادارة العمل انتم ناس مضيعين

[رجوان]

الحمد لله والشكر شكله الي مقترح هالقانون اما مارقد عدل او انه مفهي او يستهبل

[ابن الرومي]

لا وحطين يوم اجازة

يعني من يخلي خدامته تروح بنفسها
ومادري وين تروح السوق والكنيسة
ولا اي مكان غير معروف

بكرة اذا اتفقت مع حد بعمل جريمة لاهل البيت

هل ادارة العمل راح تحمينا

[شموخ دائم]

,

,


مرحبا


هذي الامور كلها نسويها من زمان حق ( عمال الشركه )
والحمدالله
نهايه خدمه
اجازه يوم في الاسبوع
اعتقد هذي ابسط حقوق أي موظف او عامل بالدنيا

والخادمات والسائقين ايضا هم يستحقون الاجازه يوم ونهايه الخدمه

ومو شرط الاجازه يوم ان الخادمه تطلع من البيت لا طبعا
نعطيها اجازه يوم وترتاح ( داخل البيت )

مافي انسان او انسانه يقدر يشتغل ( متواصل )
تعب جسدي وتعب نفسي
واكثر الحالات والمشاكل تحصل بسبب الامور النفسيه والضغوط
الي يتعرضون لها
الراحه يوم راح تخفف عليهم كثير من الضغط النفسي


لو فكرنا بالعقل والمنطق القرار والقانون هذا صحيح

والله سبحانه وتعالى امرنا نعطي الاجير حقة
من راتب ومن راحه يوم ومن باقي الامور


مسئله المكاتب الاستقدام وارتفاع اسعارهم
هذا موضوع مختلف
وموضوع الهروب
هذا موضوع مختلف
المفروض الدوله تسن له قانون يراعي حقوق الطرفين


هل في موظف قطري يقدر يشتغل ( متواصل ) بدون اجازه يوم
والله راح نستخف ويصيدنا الجنون
:)

تخيل نفسك بدون اجازه
:)

,

,


اخوك


شموخ دائم

[حميداني]

,

,


مرحبا


هذي الامور كلها نسويها من زمان حق ( عمال الشركه )
والحمدالله
نهايه خدمه
اجازه يوم في الاسبوع
اعتقد هذي ابسط حقوق أي موظف او عامل بالدنيا

والخادمات والسائقين ايضا هم يستحقون الاجازه يوم ونهايه الخدمه

ومو شرط الاجازه يوم ان الخادمه تطلع من البيت لا طبعا
نعطيها اجازه يوم وترتاح ( داخل البيت )

مافي انسان او انسانه يقدر يشتغل ( متواصل )
تعب جسدي وتعب نفسي
واكثر الحالات والمشاكل تحصل بسبب الامور النفسيه والضغوط
الي يتعرضون لها
الراحه يوم راح تخفف عليهم كثير من الضغط النفسي


لو فكرنا بالعقل والمنطق القرار والقانون هذا صحيح

والله سبحانه وتعالى امرنا نعطي الاجير حقة
من راتب ومن راحه يوم ومن باقي الامور


مسئله المكاتب الاستقدام وارتفاع اسعارهم
هذا موضوع مختلف
وموضوع الهروب
هذا موضوع مختلف
المفروض الدوله تسن له قانون يراعي حقوق الطرفين


هل في موظف قطري يقدر يشتغل ( متواصل ) بدون اجازه يوم
والله راح نستخف ويصيدنا الجنون
:)

تخيل نفسك بدون اجازه
:)

,

,


اخوك


شموخ دائم

بيض الله وجهك يا شموخ
الخدامه انسانه وللانسان حقوق

[غزلان]

الدوحة - الشرق:

علمت "الشرق" أن وزارة العمل قد قدمت اقتراحاً إلى مجلس وزراء العمل بدول مجلس التعاون الخليجي بخصوص موضوع استقدام وتشغيل عمال الخدمة المنزلية وموضوع عقد العمل النموذجي الموحد، الذي ينظم العلاقة بين رب الأسرة وعامل الخدمة المنزلية والمزمع تعميمه على دول الخليج بعد إقراره، حيث أوصت الوزارة بتضمين المشروع نصاً خاصاً يقضي بحق العامل المنزلي في الحصول على مكافأة نهاية الخدمة إذا قضى في العمل لدى صاحب العمل "رب الأسرة" سنة كاملة أو أكثر.

كما أوصت وزارة العمل باعتماد الصيغة الثنائية لمشروع عقد العمل النموذجي وعدم الأخذ بالصيغة الثلاثية المعمول بها في بعض دول الخليج، وذلك لأن عقد عمل الخدمة المنزلية يتناول حقوق وواجبات طرفي العلاقة أي العامل المنزلي وصاحب العمل، ودور مكتب الاستقدام لا يتعدى عملية الاستقدام فقط.

كما اقترحت الوزارة أن يتضمن مشروع العقد النموذجي الموحد معالجة بعض المسائل المفصلية في العلاقة بين العامل وصاحب العمل كتنظيم ساعات العمل والإجازات، حيث إنها من الحقوق الأساسية التي نصت عليها اتفاقية منظمة العمل الدولية بخصوص العمل اللائق للعمال المنزليين.

ويأتي ذلك ضمن ملاحظات دولة قطر على صيغة العقد النموذجي، الذي اقترحته المملكة العربية السعودية لتنظيم العلاقة ما بين عمال الخدمة المنزلية وأصحاب العمل ليكون نسخة موحدة بين دول الخليج كافة، الذي تضمن أيضا القيام بالتأمين على العمالة مع ترك مسألة تحديد الراتب لكل دولة حسب ظروفها.

[لمت اب]

وزارة العمل تخيط وتبيط على كيفها
تحمل المواطنينن التزامات بدون اي مراعا للمواطنين
حملتهم تكاليف في القطاع الخاص وصار العامل سيد والمواطن لعبه في يد العامل والاجنبي بصفه عامه
والان جا الدور على خدم المنازل
مافيه جد يوقفهم عند حدهم
ويقولهم مانبي منكم شيء ولا تدخلات
واللي يمشي في دول الخليج يمشي عندنا
ولا يجيبون لنا قوانين تخسرنا مخاسير ازيد من طاقتنا

[GRNAS2002]

حسبي الله عليهم
اصلن عقد العمل الي هم حاطينه حافظ حقوق العامل اكثر من الكفيل
واذا هرب العامل او مابغى الشغل او خرب وبغيت تشتكي محد يعترف بل العقد الي مصدق من وزارة العمل
اما اذا اشتكى العامل كلن يعتد بلعقد
وش يبغون اكثر

[تاسيتوس]

مكتب الاستقدام لا يتعدى عملية الاستقدام فقط.


خلاص يكنسلون مكاتب الاستقدام او يخفضون رسومهم الى 1000 ريال

[سهم عتيج]

بصراحة اذا كان هذا الخبر صحيح

فما الوم الفلبين او الهند او غيرهم من الدول في انهم كل يوم يزيدون شروطهم في سبيل ما يسمى حماية مصالح مواطنيها

لانهم ماشافوا من يردعهم ويرد عليهم

للاسف الخدم عاشوا بيننا سنين طويلة وماطلبوا مثل هالطلبات
ودام ان دولهم ووزارة العمل وحقوق الانسان معاهم حتى لو كحو كحة صغيرة والمواطن ماعليه الا انه كل كم شهر يدفع الاف الريالات لمكاتب الخدم لان حضرات الخدم اعرفوا الطبخة وقاموا بعد الثلاث شهور بعمل اضراب عن العمل او الهروب

وفي النهاية المواطن المسكين عليه تحمل كل ذلك *

[شيخ الديرة]

أتوقع أكثر الناس يعطون الخدم بغشيش لما يريدون يرجعون لبلادهم من باب الصدقة في سبيل الله، هي نفسها اللي انحطت بالمقترح

[CH Engineer]

اتوقع وزارة العمل ضاغطين عليهم من حقوق الانسان
ولا ذيله وين وحقوق البشر وين!! المفروض يعطون القطري مكافئة نهاية الخدمه بالاول

ماشوف لو الخادمه خذت 1000 ريال تراها تغربت عن بلادها عشان رزقها وريحوهم ماله داعي تشتغل 24 و7 ايام بالاسبوع ومب شرط انها تروح تسهر برى عشان ترتاح ريحوها بالبيت بس بنفس الوقت الغوا التجاره بالخدم وكنسلوا مكاتب الخدم ورجعوا حق الكفيل بحال الهروب او عدم الالتزام بالعقد..

[حسن]

دام احنا محتاجينهم ونهضه الخليج بكبرها قايمه عليهم وتطاول الامر الى درجه مربين عيالنا وشالينهم وومودينهم المدارس المستشفيات الالعاب
وقامين بشبانا وعجايزنا ووموسعين صدورنا في البحر والبر
لابلالله لهم الحق ونص

انا احسد ولد عمي اللي بيته لا خادمه ولا سواق الصراحه لازم يكرم
من قبل الدوله وعلى مجلس الاسره يعمل له بحث حاله
وان تقوم جامعه قطر بعمل دراسه عنه وتدرج من خلال ماده في الجامعه

اللي يبي الدح مايقول اح

[ANONYMOUS]

وزارة العمل عبد المأمور

كلها اتفاقيات دوليه وراح تتطبق مع الايام مع أو بدون وجود الوزاره


من ناحيه انسانيه يستحقون راحه هالشغالات وغيرهم من العمال

والمفروض ها لمكاتب تسكر أو تكون اتعابهم ظ،ظ*ظ* ريال

[رجل مثالي]

بعد أخذ راي المواطنين عبر عمل استفتاء لهذا الموضوع من جميع جوانبه بعد ذلك يعرض مجلس الشورى لأخذ رايهم بعد والله اعلم

[الصغيره]

اجازه وتقعد بالبيت اي اما تروح تنقل لنا ايدز او بلوى او حمل لاااااااااااااااا والف لا

لا خدم بعد اليوم

[هارودز]

الاجانب في قطر عايشن اخر دلع

رواتب ما يحصلونها بابلادهم
سيارات اخر موديل
افضل اكل ياكلونه
امن واستقرار والحمدلله

والمشكله الاجنبي ما طلبوا لان في الدول ما عندهم
و مايعطونهم وياخذوون منه ضريبه 20%

بس إدارة العمل فاضين عندهم هم كبير هو
كيف نفضي جيوب المواطن القطري

كلامك صحيح

[khalid525]

نهاية الخدمة واجازة اسبوعية وراتب محدد هي من الشروط الاساسية لاي عمل ، ليش شايفين ان هالامور مب من حق الخدم وين الخوف من الله والدين ، ولا اذا امور وصلت للفلوس ننسى الاسلام والله .

[basma222]

وزارة العمل ليش ما تعطي الموظف القطري نهايه خدمه

[متواصل]

القطري يطلع تقاعد
ما طالبو له بنهاية خدمة حتى عصير بو نص ريال ،،

[طبيب قطري]

انا أبي اعرف الي يحطون مثل هالاقتراحات ما عمرهم صادفوا مشاكل مع خدمهم ؟! ماعندهم خدم !! بلا إجازات بلا خرابيط !!

[ابن الرومي]

حدث في لندن

نزلت من القطار وبعد 10 ساعات لقيت
نفس الموظفين
سألت انت للحين مداوم قال نحن دوامنا 12 ساعة وما عندهم يوم اجازة

استغربت مع ان عندنا ادارة العمل حاطين قانون العمل لايتعدى 8 ساعات للاجانب
وعقود تحمي الاجنبي

ولكن سالني سؤوال سريع قال انت من اي دولة قلت من قطر
قال انتم ماعندكم ضريبة صح قالت اي ما عندنا ضريبة وانت شنهو عرفك
قال بريطانين اصحابي طلعوا من البلاد علشان عندكم الراتب عالية سيارات فخمة
وافضل سكن اتمنى ان اكون في قطر

[qtr qtr]

مساكين هالخدم والعماله .. بستاااهلون اكثر ..

[ام حمد ومحمد]

انا مع قانون الخدم
وبعطيها اجازة وراتب واقعدها فالبيت وانا اخدمها بعد
انا هلكت مع الخدامات ,,, وين حق القطري يوم يدفع 10000 وبعضهم ملعين ينتظرون لين 3شهور ويقولون مانبي نشتغل ،،،هذا بدل مايحطون لنا قانون ان الخدامة اللى ترفض العمل تدفع المبلغ اللى دفعة القطري ،،وليش ترفض عيل ليش جايه البلد تلقى نظرا مثلا وتغير جو ب10000وترد والله احنا المساكين مب هم
ولا اعتقد فى اسر قاسية ع الخدامات كل واحد بيخاف ربه ،،هم اللى فيهم لعانه وخبث

[ابن الرومي]

باعلى صوت

القرارات الفردية يجب ان لا يقر فيها
فرد من اصحاب الكراسي

بل يجب عمل استفتاء
يخصص بمواقع اجتماعية للاستيفاء
من مواطنين قطر لمشاركتهم بالايجاب او الرفض

والف لا بالقرارات الفردية والتي تضر مجتمعنا

[المرحب]

الاجانب في قطر عايشن اخر دلع

رواتب ما يحصلونها بابلادهم
سيارات اخر موديل
افضل اكل ياكلونه
امن واستقرار والحمدلله

والمشكله الاجنبي ما طلبوا لان في الدول ما عندهم
و مايعطونهم وياخذوون منه ضريبه 20%

بس إدارة العمل فاضين عندهم هم كبير هو
كيف نفضي جيوب المواطن القطري

:nice:

[ابوحشر]

هههههههه
ازيدكم من الشعر بيت


نسوا دراسه انكم تزوجون العامل والخدمة اللي مب متزوجين وتبنيي لهم ملحق بالبيت

هذا اللي ناقص

[dream~qa]

,

,


مرحبا


هذي الامور كلها نسويها من زمان حق ( عمال الشركه )
والحمدالله
نهايه خدمه
اجازه يوم في الاسبوع
اعتقد هذي ابسط حقوق أي موظف او عامل بالدنيا

والخادمات والسائقين ايضا هم يستحقون الاجازه يوم ونهايه الخدمه

ومو شرط الاجازه يوم ان الخادمه تطلع من البيت لا طبعا
نعطيها اجازه يوم وترتاح ( داخل البيت )

مافي انسان او انسانه يقدر يشتغل ( متواصل )
تعب جسدي وتعب نفسي
واكثر الحالات والمشاكل تحصل بسبب الامور النفسيه والضغوط
الي يتعرضون لها
الراحه يوم راح تخفف عليهم كثير من الضغط النفسي


لو فكرنا بالعقل والمنطق القرار والقانون هذا صحيح

والله سبحانه وتعالى امرنا نعطي الاجير حقة
من راتب ومن راحه يوم ومن باقي الامور


مسئله المكاتب الاستقدام وارتفاع اسعارهم
هذا موضوع مختلف
وموضوع الهروب
هذا موضوع مختلف
المفروض الدوله تسن له قانون يراعي حقوق الطرفين


هل في موظف قطري يقدر يشتغل ( متواصل ) بدون اجازه يوم
والله راح نستخف ويصيدنا الجنون
:)

تخيل نفسك بدون اجازه
:)

,

,


اخوك


شموخ دائم

كلام سليم

[الحاقول]

اقتراح غبي من ادارة العمل

[حبر وقرطاس]

قطر تستعد للجان الاروبيه والغربيه بشكل عام لاستضافه بطولات ضخمه عالميه

بميزانيات خياليه ، فكان لزاما تعديل القوانين التي تختص بالعماله

حتى تظهر قطر انها دوله حضاريه بالرغم من كونها اسلاميه وتعاليم الدين سبقت تلك اللجان بقرون

الا ان الوضع كان متدهورا بسبب سوء اوضاع العماله وسوء تطبيق القوانين المنبثقه من الدين


لذا يجب انا تستعد قطر

غدا قطر ستستقبل جاليات وشعوب واجناس لا تعرف شئ عن قطر سوى انه دوله عصريه
متطوره واسعه الافق تتسع وتحتوي جميع الثقافات..

وينتعش الاقتصاد وينفتح الفكر القطري..

[دلة الرسلان]

عن جريدة الشرق اليوم
علمت "الشرق" أن وزارة العمل قد قدمت اقتراحاً إلى مجلس وزراء العمل بدول مجلس التعاون الخليجي بخصوص موضوع استقدام وتشغيل عمال الخدمة المنزلية وموضوع عقد العمل النموذجي الموحد، الذي ينظم العلاقة بين رب الأسرة وعامل الخدمة المنزلية والمزمع تعميمه على دول الخليج بعد إقراره، حيث أوصت الوزارة بتضمين المشروع نصاً خاصاً يقضي بحق العامل المنزلي في الحصول على مكافأة نهاية الخدمة إذا قضى في العمل لدى صاحب العمل "رب الأسرة" سنة كاملة أو أكثر.

الله يهداكم ياوزارة العمل فشلتونا عند دول مجلس التعاون الحين شوفوا التعليقات الي بتجينا:(

طبعا المقترح عبارة عن حصاة وانحذفت بدون تفكر!!

[بونووف]

اغلب البيوت فيه اكثر من خدامه فالبيت واذا جا الويك اند ترقد وترتاح وتطلع مع معزبيها هاي يعتبر يوم اجازه مافي شغل وفوقها طلعه وتتعشى من احسن المطاعم بعد شتبي انزين واللي تقعد فالبيت اغلب الناس يطلعون وهي تسرح وتمرح فالبيت وفالاجازات ماعندها شي تسويه.... اما سالفة نهاية خدمه لاتحاتونهم الخدم يدهم طويله ولازم بعد ماتخلص السنتين تاخذ لها ذكريات من اغراضك : قلم ساعه زرار تي شيرتات جنزات..

من بدال مايفكرون فالخدم خلي يفكرون فالمواطن اللي يدفع مبلغ وقدره عشان يجيبهم من المكتب 10000 ريال شدعوه ياجماعه لو اجيبها على الفرست كلاس تطلع علي اقل

[ابن الرومي]

قطر تستعد للجان الاروبيه والغربيه بشكل عام لاستضافه بطولات ضخمه عالميه

بميزانيات خياليه ، فكان لزاما تعديل القوانين التي تختص بالعماله

حتى تظهر قطر انها دوله حضاريه بالرغم من كونها اسلاميه وتعاليم الدين سبقت تلك اللجان بقرون

الا ان الوضع كان متدهورا بسبب سوء اوضاع العماله وسوء تطبيق القوانين المنبثقه من الدين


لذا يجب انا تستعد قطر

غدا قطر ستستقبل جاليات وشعوب واجناس لا تعرف شئ عن قطر سوى انه دوله عصريه
متطوره واسعه الافق تتسع وتحتوي جميع الثقافات..

وينتعش الاقتصاد وينفتح الفكر القطري..

يعدلون على الموظفين المقيمين من المدرسين
والمهندسين والمدراء

مش الخدامات والخدم شدراهم في بيوتنا
بعد خلهم يشاركونا في بيوتنا يشوفنا نتغدى ونتعشى

[dream~qa]

للأسف بعض الردود فيها تعالي وعنصرية واضحة .

[ام ناصر1]

اعتقد الاجازة من حق اي انسان مهما كانت نوعية عمله ، ولأنه راتبهم ضعيف يستحقون نهاية خدمة بس لاتطلع وزارة العمل
فيها وتحدد مبلغ خل الجود من الموجود ...