وبعدين يا المرور يعني مع اللي يتجاوزن من على يمين الاشاره [الأرشيف]

البحار00

29-12-2012, 10:59 PM

عندي موتر قديم

اطلع فيه بعض الأوقات واصادف هالاشكال ذي خاصه عند تقاطع اللاندمارك

من احصل واحد بيدخل علي في الخط لحست له صدام موترة بصدام موتري

وعلمته ان الله حق

الخزرجي قطر

29-12-2012, 11:33 PM

مثل هذه الحركات وايد تشوفها
خاصة عند الدورات وقت الذروه

مرتبش

29-12-2012, 11:38 PM

هالحركة في كل تصير في كل التقاطعات والدوارات...

الحركة الجديدة الحين من الخط الوسطي يلف عليك يمين وتكثر عند دوار الاعلام .. يعني غصب الف يمين

بو علاوي

29-12-2012, 11:40 PM

انا ارتاااااااح جدا لما اشوف الشرطة الصبح يخالفونهم وخصوصا عند اشارة الوعب :funny::funny:

al_maystro

30-12-2012, 12:06 AM

عندي موتر قديم

اطلع فيه بعض الأوقات واصادف هالاشكال ذي خاصه عند تقاطع اللاندمارك

من احصل واحد بيدخل علي في الخط لحست له صدام موترة بصدام موتري

وعلمته ان الله حق

والله الواحد ما يبي يلجأ لمثل ما تفضلت لكن الظاهر المرور يغرد خارج السرب

al_maystro

30-12-2012, 12:08 AM

مثل هذه الحركات وايد تشوفها
خاصة عند الدورات وقت الذروه

صدقت يعني في اليوم الوطني تم توفير اكثر من 200 دوريه راضيين ب20%
من العدد اللي تم توفيره باليوم الوطني

al_maystro

30-12-2012, 12:10 AM

هالحركة في كل تصير في كل التقاطعات والدوارات...

الحركة الجديدة الحين من الخط الوسطي يلف عليك يمين وتكثر عند دوار الاعلام .. يعني غصب الف يمين

انزين لو قلنا عدد الاشارات المروريه حوالي عشرين اشاره يتم فيها التجاوزات
اللي هي احد اسباب الزحمه الرئيسيه ليش ما يتم توفير دوريه لكل اشاره من هالاشارات؟
صدقني شهر واحد ما تشوف تجاوز واحد

al_maystro

30-12-2012, 12:11 AM

انا ارتاااااااح جدا لما اشوف الشرطة الصبح يخالفونهم وخصوصا عند اشارة الوعب :funny::funny:

يستاهلون والله

عيون الدوحة

30-12-2012, 08:11 AM

الشرطة المرور اقصد يحبون دوام المكاتب
عكس لخويا والفزعة

MAZEN37

30-12-2012, 08:28 AM

الحل بالكمرات لكل الشوارع وحزتها يتادبون
الحين الموديل صاروا الحريم يتجاوزون

خــالــد

30-12-2012, 08:44 AM

انا ما اشوف شي اسمة مرور ما اشوف غير الفزعة ولخويا

al_maystro

30-12-2012, 09:10 AM

الحل بالكمرات لكل الشوارع وحزتها يتادبون
الحين الموديل صاروا الحريم يتجاوزون

الحريم مشكله بروحها تتجاوز عنك مثل اللي تقولك الطريق لي انا مب لك

امر اخر بالعاده الشباب يسمحون للحريم تطلع قدامهم تقدر انت تجرب مرة وتحاول
تخلي الحريم يسمحون لك تطلع قدامهم وعطني النتيجه.
انا جربت على 20 حاله ولا وحده تسمح لك لا واضيق عليك بعد

khalid Qtr

30-12-2012, 09:47 AM

عندي اقتراح ينفع لمنع اللي يتجاوزون في المواقف الجانبية ، ان المرور يحطون حواجز في هذي المواقف بين كل حاجز والثاني مسافة بسيطة تكفي لوقوف سيارة عند الضرورة ، وبالتالي محد يقدر يتجاوز لوجود الحواجز

اما عند الاشارة يفضل وجود رادار لرصد المتجاوزين على اليمين ، يصيده الرادار اذا مر من فوق الخط اللي يدخله للمسار

sweet qatar

30-12-2012, 09:57 AM

الحل ان ادارة المرور تنزل تطبيق يخلينا نصور السيارة المخالفة ونرسل لهم الصورة..

من فترة احترق دمي في شارع البنوك.. اجنبي حرق الهرن وطلع الرصيف.. بدون داعي..
اللفة الي يبيها مابينه وبينها الا سيارة تحركت لما فتحت الاشارة..

ياليتني سجلت رقم السيارة واشتكيت عليه..

لان تصرفه بعيد عن الاخلاق والاحترام واحنا في مكان حيوي.. وما في اي سبب يبرر له هالتصرف البايخ..

بـارود

30-12-2012, 11:46 AM

هالحركة تصير في اشارات المطار كل يوم وفي كل وقت
حتى لو المسار اليمين فاضي والهنود قاموا يسونها :secret:

لاجل QT

30-12-2012, 11:48 AM

مافي الا يحطون اشارات عند اللفات

حراير قطر

30-12-2012, 12:09 PM

انا عند اشارات السلام الصبح

اخذ الاشارة اروح يسار والمدخل مسارين

يجيك واحد المفروض يأخذ الاشارة ويروح سيده

ما توعى الا لف معاك يسار :rolleyes2:

وغير التجاوزات واغلبيتهم اجانب ...

eXpert*

30-12-2012, 12:44 PM

انا عند اشارات السلام الصبح

اخذ الاشارة اروح يسار والمدخل مسارين

يجيك واحد المفروض يأخذ الاشارة ويروح سيده

ما توعى الا لف معاك يسار :rolleyes2:

وغير التجاوزات واغلبيتهم اجانب ...

كلام سليم خصوصاً الناس اللي تطلع من لفة قطر غاز وتدخل الإشارة يسار .:anger1:

بومحمد المطاوعه

30-12-2012, 05:13 PM

جزاك الله خير على هالموضوع الطيب

صحيح بعض الناس مايحترمون الشارع

وياكلون حق غيرهم

انا لا اسمح لأي شخص يدخل امامي

الا باستثناء

اذا كان شخص كبير في السن

او اذا كان شخص يستأذن او اذا سياره فيها عائله

اسمح لهم

اما اذا شباب وسياره سبورت ويسوي له حركات اني بدخل قدامه بالغصب ويدخل قدامي والله ما اتركه

انا عن نفسي ادعمه ولا اعور راسي معاه

الغلط يكون عليه واهو يتحسف لأن سيارته غاليه وانا سيارتي عاديه مب ذيك القيمه

ولاكن يتأدب من بعد هالحركه

واذا تناحس معاي ما اخليه يدخل لو يصيح جدامي

اذا الواحد مايحترم نفسه ليش احترمه

ناخذه على قد عقله

الله يهديهم

فيروزه

30-12-2012, 06:29 PM

اي والله كلام صدق انا اعاني كل يوم من هالحركة السخيفة الصبح

بوخالد911

30-12-2012, 10:06 PM

يبيلهم كاميرات مراقبة
وهات يا مخالفات

khaldoon

30-12-2012, 10:12 PM

اخوي صورهم و ارسل الصور للمرور

الجوكر90

31-12-2012, 03:03 AM

السلام علييكم
المشكله ان مب بس الشباب
حتى الحريم والبنات والشياب والدريوليه
امس ركبت مع الدريول وانا من النوع الي ماحب اسوق احب الراحه
ركبت عبري الا اشوف بوالشباب الدريول تجاوز عند الاشاره وكنت اتكلم فالتلفوت
الا اقول حق الي معاي لحظه ةاسفل فيه ليش تتجاوز مافي زحمه وتميت اتكلم عشان يتادب
بط جبدي والله
عاد انا اذا واحد يبي يتجاوز اصير نحيس ماخليه وحتى يوم اعديه امشي شوي شوي عشان الي وراي يقرب ومايعطيه فرصه بس عاد من يفهم لي

واخبر فوطني الحبيب العميد الخرجي يوم اسالوه اذا يصير نصور واحد مخالف او ï»» قال احنا نرحب فاي شخص يحب يتعاون معانا حتى لو كان مب عسكري وكان من الجمهور بس يفضل اذا في شخص عبري هو الي يصور عشان محد ينشغل فالتصوير ويدعم

فارس قطر

31-12-2012, 04:01 AM

واخبر فوطني الحبيب العميد الخرجي يوم اسالوه اذا يصير نصور واحد مخالف او ï»» قال احنا نرحب فاي شخص يحب يتعاون معانا حتى لو كان مب عسكري وكان من الجمهور بس يفضل اذا في شخص عبري هو الي يصور عشان محد ينشغل فالتصوير ويدعم

من يوم استلم الخرجي المرور

وان اشوف التجاوزات في الشوارع كثرت
1- سباق الحافلات وشاحنات في شوارع الدوحة

2-السماح للااجانب بتجاوزات قوانين المرور
بمزاولة مهنة التاكسي في سياراتهم الخاصة

3-سواقة الدراجات الهوائية ليلا بدون انارة

4-عدم وجود شرطة الدوريات في كثير من الشوارع
لتسهيل حركة السير

5 قلة التوعية المرورية في الاعلام

6- كثرة التجاوزات من اليمين.

الجوكر90

31-12-2012, 06:27 AM

من يوم استلم الخرجي المرور

وان اشوف التجاوزات في الشوارع كثرت
1- سباق الحافلات وشاحنات في شوارع الدوحة

2-السماح للااجانب بتجاوزات قوانين المرور
بمزاولة مهنة التاكسي في سياراتهم الخاصة

3-سواقة الدراجات الهوائية ليلا بدون انارة

4-عدم وجود شرطة الدوريات في كثير من الشوارع
لتسهيل حركة السير

5 قلة التوعية المرورية في الاعلام

6- كثرة التجاوزات من اليمين.

مره تكلمت ان خل يعطي المجال حق غيره وانحذف الموضوع

مبتدئة

31-12-2012, 11:25 AM

الباصات اللي تمسك اليسار

والا المازدا اللي تسابق وتجاكر في الشارع

زاد عليهم ألحين المقطورات وشاحنات وقود يقولون لنا: حالنا من حالكم

خاااااطري مرة اشوف دورية مرور على خط 22 فبراير وتخالف اللي يسوقون 70

أو تخالف الباصات وسيارات المازدا اللي تمسك اليسار

اللغز اللي يحتاج حل:

كل المداخل لـ شارع 22 فباير عليها لافته (ممنوع دخول الشاحنات)

وأصلاً الشارع متروووووس شاحنات ! من أين؟! لا اعلم

+ عند التقاطات .. راعي الباص بيروح سيده
تشوفه ماسك اليسار!!
أو شارع مسارين .. وكل مسار فيه باص .. شتسوي فيهم!

نقطة مهمة: مدارس تدريب السواقه لها دور كبير في هالشي
مدربي السواقه يبي لهم غسال وتثقيف .ز عشان ينقلون الثقافه الصح للمتدرب

صباح الخير يالمرور

شبح الصمت

31-12-2012, 11:42 AM

مفروض يكون للمرور جوال بلاك بيري او خدمة على النت ورقم يكون مجاني الي يتجاوز يحق للمواطن انه يصوره ويرسل الصورة لهم وهم من ثم يتأخذون آجراءاتهم

وطبعا ما ندري شنهي ظروف الشخص هذا بعدين المرور يتحقق منه ..

وريحوا رؤوسكم ساعدوا المرور لاجل نساعد غيرنا على عدم الاستهتار

للعلم في ناس ملتزمين ولكن في بعض الاوقات ينجبرون يتجاوزون وانا واحد منهم ابي رادع لي لاجل اشوي انقرص !!

:shy:

@north_star@

31-12-2012, 11:49 AM

ياما تكلمنا بنفس الموضوع وفعلا شي ينرفز ونتمنى اتخاذ اجراءات رادعة بحق مثل هؤلاء المتجاوزين

بيانو

31-12-2012, 11:54 AM

اغلب التجاوزات فى السيارات الخاصه = هي المظاهر

أما الباصات والتريلات وماشبه ذلك = عدم ثقافه المخاطر التى ممكن ان يسببها

GENIUS

31-12-2012, 11:56 AM

اليوم الصبح كنت ماسك المسار الأيمن قبل الدوار ( دوار محطة بترول التيسير في الوكير ) في شارع ذو مسارين واشوف كل العالم ( الغالبية العظمى أجانب ) تتجاوز من اليمين من خط المواقف وانا محلك سر.

والشرطي موجود على نفس الدوار بس يمشي الزحمة من الجهة الأخرى للدوار .

بإختصار : من أمن العقوبة أساء الأدب .

اذا تم تشديد المخافة وتطبيقها بشكل حازم أتوقع خلال يومين الكل راح ينضبط بس يبغيلهم حملة قوية لتطبيق هذا المقترح.

al_maystro

31-12-2012, 12:04 PM

المشكله ان الحل بسيط يركزون على 10 اشارات مركزيه يتم فيها التجاوزات
وهي معروفه بالاضافه الى شارع 22 فيراير يعني بالعربي عشر دوريات فقط
مع المخالفات لمده شهر ما بتحصلون واحد يتجاوز مع رفع رسوم المخالفه الى 5000 ريال

Super Cool

31-12-2012, 12:59 PM

اولا تاكد ان نص اللي ردوا عالموضوع يتجاوزون من اليمين بس يدعون المثالية و مستحين يعترفون بقلة الذوق و عدم الحترام القانون و الغير للاسف

ثانيا...في شي محيرني....ناس تصف عالرصيف بعيد عن الشارع في منطقة العمارات اللي اصلا فيها سوء تخطيط و قلة مواقف تتخالف خلال اقل من دقيقة مع انها ما تظر احد و الخطأ مب منها....و ناس يوميا يتجاوزون من اليمين عند الاشارات و يعرقلون السير و يسببون ازمة بل احيانا حوادث و ما نشوف عسكري واحد من دورية و الا فزعة و الا غيرهم يبطل حلجه....في خلل فالموضوع و الا انا غلطان؟؟؟؟؟

Crown

31-12-2012, 05:13 PM

اغلب التجاوزات فى السيارات الخاصه = هي المظاهر

أما الباصات والتريلات وماشبه ذلك = عدم ثقافه المخاطر التى ممكن ان يسببها

انت اكيد مقيم من ردودك الي مالها اي معنى وشدخل المظاهر فالموضوع الحين؟

بيانو

31-12-2012, 05:37 PM

انت اكيد مقيم من ردودك الي مالها اي معنى وشدخل المظاهر فالموضوع الحين؟

شكرا لردك وملحوظتك العبقريه اني مقيم - نعم انا مقيم ولكن ايش دخل هذا فى رأي الذى قولته بالموضوع - يا أخي انا شايف كده انا حر كيفى دام إني لم اعدتى على رأي احد ولا على حريه احد وقولت راي دون سب ولا قذف وبكل احترام وقد أكون مخطأ فى رأي ايضا مافى مشكله الله يهيدك
وعلى فكره راي يكمل الكثير من المعاني ولكنها تحتاج لتمعن داخلها وليس بقراتها فقط

Rosso

31-12-2012, 06:11 PM

شالفايده يتخالفون وبعدين بتلفون واحد يطيرون المخالفه
لازم يكون في حل ثاني

al_maystro

01-01-2013, 01:19 PM

شالفايده يتخالفون وبعدين بتلفون واحد يطيرون المخالفه
لازم يكون في حل ثاني

ياريت تذكر لنا حاله من هالحالات بادلة لانه البعض احيانا يقول هالكلام وهو غير صحيح وهو بنفس الوقت يكون دافع المخالفه ويعزي نفسه من القهر
انا اتمنى اصيد واحد شال مخالفته من التلفون لكن شلون ؟

al_maystro

01-01-2013, 01:20 PM

al_maystro

01-01-2013, 01:26 PM

اخوي صورهم و ارسل الصور للمرور

شلون يعني اشتغل حق المرور ليش رجال المرور شنو وظيفتهم
لو امور بسيطه ونادرة او مشكله اساعد لكن ...
اتكلم عن ظاهره مستشريه تحتاج الى انضباط ووجود على الارض
يعني انشغل عن الطريق واقعد اصور السيارات المتجاوزة ورجل المرور جالس في مكتبه ليش اخوي عسى ماشر خلهم يحللون رواتبهم البعض منهم

Rosso

01-01-2013, 02:02 PM

ياريت تذكر لنا حاله من هالحالات بادلة لانه البعض احيانا يقول هالكلام وهو غير صحيح وهو بنفس الوقت يكون دافع المخالفه ويعزي نفسه من القهر
انا اتمنى اصيد واحد شال مخالفته من التلفون لكن شلون ؟

انا اعرفهم اشكثر شخصيا وحصلت قدامي
مجرد انه يعرف واحد يشتغل بالمرور يتصله وهذاك يمسح المخالفه:nice:
يجيك يخالف ولا هو مهتم لانه يدري ما بيدفع ولا فلس:victory: