زيادة الحملات المروريه والتوعويه للقياده في قطر @@@

[Qt.1]

لايخفى عليكم كم وصلت مرحلة قيادة السيارات في قطر , اصبح حالنا من اسوء لاسوء , تجاوزات , عدم اكتراث في القوانين , التعدي على حقوق السائقين الااخرين , تعريض حياة الااخرين للخطر , السرعه الزائده , كلها اخطاء تدل على اننا بحاجه لتوعيه مروريه قويه , وحملات ربما قد تجدي في تصحيح تفكير وقيادة بعض السائقين , بحكم دراستي حاليا في امريكا , عندما اقود سيارتي هناك وارجع لقطر واقود سيارتي هنا والله ياتيني شعور باني في غابه , الكل يريد ان يفرض سيطرته في الشارع , الكل يريد ان يعبر قبلك , الكل مشغول وعلى عجله من امره الاا انت فغير مستعجل !!

المشكله ليست في القوانين , لا المشكه في عقول بعض الناس , لا يعلمون ان القياده هي فن وذوق واخلاق فان تخلو بعض الناس عن اخلاقهم فعلى القياده السلام , ارجو ان تشن حملات قويه , وان يوجد عند كل دوار كاميرات تسجل مخالفات السائقين وتجاوزاتهم , وان تكون المخالفات بمبالغ خياليه , مبالغ غير منطقيه ولكن لعلها توئثر في عقول السائقين المتهورين.

[بريق الحق]

خلهم يسون شوارع نفس الناس اول شي عشان الناس تعرف تسوق شوارع ضيقه تخطيط فااشل
بعض الدوريات قاعد فالموتر يكرك ولا مفتكر فالزحمه ...وبعض اليهالو الي شغالين في الدوريات الي مايعرف ينظم السير
اتمنى يعطونهم دورات

[Qt.1]

خلهم يسون شوارع نفس الناس اول شي عشان الناس تعرف تسوق شوارع ضيقه تخطيط فااشل
بعض الدوريات قاعد فالموتر يكرك ولا مفتكر فالزحمه ...وبعض اليهالو الي شغالين في الدوريات الي مايعرف ينظم السير
اتمنى يعطونهم دورات

فعلا نقطه مهمه بصراحه , مشكلة تخطيط الشوارع تؤدي الى الزحمه , والزحمه تؤدي الى التجاوزات , مشكله تتبع مشكله .

[يوسف0]

اولأ مثل ماذكر الاخ بوعابد الشوارع تعيسه

كفايه توعيه وخرابيط لازم يبتدون يحطون خطوط حمراء اذا يبون شوارع مثاليه.

مثلا واحد حاط هدرز فلتر وخرابيط في السيارة او يستعرض اويشيل. يامرور اسحبو سيارته وبيعوها فمزاد علني لاحجز ولانقاط ولا خرابيط وفكونا كل شوي توعيه وتوعيه.
واذا كررها مره ثانيه اسحبو ليسنه نهائيأ.
واذا ثالثه الله الله فيه.

واحد تتكرر عنده الحوادث فس السنه الواحده اسحبو ليسنه حتى لو هو مش غلطان.

واحد يمشي ببطئ شديد اسحبو ليسنه.

واحد يتفرج على حادث اكتبو رقمه وصكوه مخالفه على وجهه.

وغير وغير الكثير.

واصدروا كتاب بالهندي والفلبيني والايراني والانجليزي والعربي فيه كيفيه السواقه في قطر ويكون شامل والطفل يقدر يفهمه وفي شرح بالفيديو.

خلكم صارمين شوي توعيه ومحد مفتكر فيها واتكون القرارات للكل مب فلان ولد فلان فوق القانون.

وغيروا هيكلة كبار المرور لياقتهم ماتت.

[النهار]

المفروض توجد ماده تدرس تحت مسمى الثقافه المروريه مثلها مثل اي ماده فيها نجاح وسقوط وتحسب درجتها ضمن المواد المدرجه من الصف الاول الي نهاية الدراسه تشمل جميع الاشياء حتى الاعطال الميكانيكيه التي تحدث اثناء القياده
اعطيك مثال بسيط اتصل فيني احد الاصدقاء يقول لي سيارتي ماتشتغل مافيها سلف تعال وجيب معاك بركدون نوديها لاقرب مكيانيكي الاخ حاط ناقل الحركه سياره على d والي معاه ايظا مثله جابوا له واير الشارج ماحد فكر ان ناقل الحركه على d عموما وصلت عنده ابي اشوف مشكلته قلت له اعطني المفتاح حطيت ناقل الحركه p ودقيت سلف اشتغلت السياره شوف ابسط شي في السياره مايعروفون واحد ثاني يقول الموتر صار ثقيل من يومين الاخ عياله لاعبين في الدبل وهو ماعنده خبر ومايدري ليش السياره صايره ثقليه
وشي ثاني الاسيوين الي عمرهم ماركبوا سيارات في بلادهم هني قدم اختبار وتعال وذبح خلق الله في الشارع السرعه فيه 100 هو ماشي 70 وماسك يسار وعينه مش على الطريق عينه على العداد خايق من المخالفه والله يهدي بعض الكفلاء يقولون للسائق اي مخالفه تدفع من معاشك
والمستهترين يجب على جهات الاختصاص وضع قوانين مشدده منها مصادرة السياره ودفع غرامه ماليه كبيره لوعاد مره اخرى تشدد الاجرات اكثر منها السجن

[بوحمد111]

موضوع يستحق الاشاده به

من وجهة نظري اتمنى مضاعفة مبلغ المخالفات عشر مرات يعني السرعه بدل لا تكون مخالفتها 500 تصير 5000 وقطع الاشاره اقل شي 50000 والتجاوز من اليمين اقل مخالفه 5000 والله صدقني ما راح تشوف مخالفين لأن هذه المبالغ راح يسوون لها الف حساب وحساب ولكن في الوقت الحاضر 500 ريال مخالفة سرعه عاديه عند اغلب الناس وحتى السائقين بالاتفاق مع الكفيل بيدفعها ولا عنده مشكله وهذه وجهة نظري ولا اعبر فيها عن رأي احد

اتمنى تطبيق القوانين وبصرامه والابتعاد عن الواسطات بحذف المخالفات وحذف حجز السيارات مثل ما هو حاصل الآن

تحياتي

[al_maystro]

http://cdn.akhbaar24.com/f0233741-b1a4-4757-a207-6b250db4155e.jpg


http://cdn.akhbaar24.com/8ce34d1d-1452-4b41-95bf-e24a0b1c3761.jpg


http://cdn.akhbaar24.com/30376889-f943-4cfa-9aeb-d3199061ce72.jpg

[Qt.1]

اولأ مثل ماذكر الاخ بوعابد الشوارع تعيسه

كفايه توعيه وخرابيط لازم يبتدون يحطون خطوط حمراء اذا يبون شوارع مثاليه.

مثلا واحد حاط هدرز فلتر وخرابيط في السيارة او يستعرض اويشيل. يامرور اسحبو سيارته وبيعوها فمزاد علني لاحجز ولانقاط ولا خرابيط وفكونا كل شوي توعيه وتوعيه.
واذا كررها مره ثانيه اسحبو ليسنه نهائيأ.
واذا ثالثه الله الله فيه.

واحد تتكرر عنده الحوادث فس السنه الواحده اسحبو ليسنه حتى لو هو مش غلطان.

واحد يمشي ببطئ شديد اسحبو ليسنه.

واحد يتفرج على حادث اكتبو رقمه وصكوه مخالفه على وجهه.

وغير وغير الكثير.

واصدروا كتاب بالهندي والفلبيني والايراني والانجليزي والعربي فيه كيفيه السواقه في قطر ويكون شامل والطفل يقدر يفهمه وفي شرح بالفيديو.

خلكم صارمين شوي توعيه ومحد مفتكر فيها واتكون القرارات للكل مب فلان ولد فلان فوق القانون.

وغيروا هيكلة كبار المرور لياقتهم ماتت.

معاك في كل كلمه

[Qt.1]

المفروض توجد ماده تدرس تحت مسمى الثقافه المروريه مثلها مثل اي ماده فيها نجاح وسقوط وتحسب درجتها ضمن المواد المدرجه من الصف الاول الي نهاية الدراسه تشمل جميع الاشياء حتى الاعطال الميكانيكيه التي تحدث اثناء القياده
اعطيك مثال بسيط اتصل فيني احد الاصدقاء يقول لي سيارتي ماتشتغل مافيها سلف تعال وجيب معاك بركدون نوديها لاقرب مكيانيكي الاخ حاط ناقل الحركه سياره على d والي معاه ايظا مثله جابوا له واير الشارج ماحد فكر ان ناقل الحركه على d عموما وصلت عنده ابي اشوف مشكلته قلت له اعطني المفتاح حطيت ناقل الحركه p ودقيت سلف اشتغلت السياره شوف ابسط شي في السياره مايعروفون واحد ثاني يقول الموتر صار ثقيل من يومين الاخ عياله لاعبين في الدبل وهو ماعنده خبر ومايدري ليش السياره صايره ثقليه
وشي ثاني الاسيوين الي عمرهم ماركبوا سيارات في بلادهم هني قدم اختبار وتعال وذبح خلق الله في الشارع السرعه فيه 100 هو ماشي 70 وماسك يسار وعينه مش على الطريق عينه على العداد خايق من المخالفه والله يهدي بعض الكفلاء يقولون للسائق اي مخالفه تدفع من معاشك
والمستهترين يجب على جهات الاختصاص وضع قوانين مشدده منها مصادرة السياره ودفع غرامه ماليه كبيره لوعاد مره اخرى تشدد الاجرات اكثر منها السجن

تصدق علشان تاخد الليسن في امريكا لازم تنجح في هالاختبار الي اهو اختبار على الكمبيوتر , وهو عباره عن قوانين المرور على شكل اسئله لازم اتجاوب عليها صح وعقب اتسوي اتري .

[Qt.1]

موضوع يستحق الاشاده به

من وجهة نظري اتمنى مضاعفة مبلغ المخالفات عشر مرات يعني السرعه بدل لا تكون مخالفتها 500 تصير 5000 وقطع الاشاره اقل شي 50000 والتجاوز من اليمين اقل مخالفه 5000 والله صدقني ما راح تشوف مخالفين لأن هذه المبالغ راح يسوون لها الف حساب وحساب ولكن في الوقت الحاضر 500 ريال مخالفة سرعه عاديه عند اغلب الناس وحتى السائقين بالاتفاق مع الكفيل بيدفعها ولا عنده مشكله وهذه وجهة نظري ولا اعبر فيها عن رأي احد

اتمنى تطبيق القوانين وبصرامه والابتعاد عن الواسطات بحذف المخالفات وحذف حجز السيارات مثل ما هو حاصل الآن

تحياتي

عقب هالمبالغ في ناس بتعرف اشلون تمشي سيدا.

[مبتدئة]

اللي يقهرررررني

اللي في الباصات اللي تمسك اليسار

والا المازدا اللي تسابق وتجاكر في الشارع

زاد عليهم ألحين المقطورات وشاحنات وقود يقولون لنا: حالنا من حالكم

خاااااطري مرة اشوف دورية مرور على خط 22 فبراير وتخالف اللي يسوقون 70

أو تخالف الباصات وسيارات المازدا اللي تمسك اليسار

حتى عند التقاطع .. راعي الباص بيروح سيده
تشوفه ماسك اليسار!!
أو شارع مسارين .. وكل مسار فيه باص

نقطة مهمة: مدارس تدريب السواقه لها دور كبير في هالشي
مدربي السواقه يبي لهم غسال وتثقيف .ز عشان ينقلون الثقافه الصح للمتدرب

صباح الخير يالمرور

[online]

الخط الوسطي خط يبيله دراسه

نتمى تكون قرارات ادارة المرور توعوية اكثر من المادية وتكون صارمة بدون استثنائات

وعلى فكره نتمنى اللي تعطونهم تصريح مخفي كامل يحط ستيكر يبين ان عنده تصريح او يكون مصرح للكل .
ونتمنى اي تصريح من ادارة المرور يكون بكتاب مش شفوي وعقب تنكرون وياكثر التصاريح الشفويه .

وقبل كل شي سوو دراسه للشوارع وأهمهم شارع ظ¢ظ¢ فبراير