صلاة الجمعة وبعض الناس

[الكواري 1972]

والله مب حاله مع بعض المصلين

من اجانب وعرب وقطريين

يجون اخر الناس ويقعدون يشقحون خلق الله ويدزون ويضايقون بالواحد

فوق هذا اول مايسلم الامام اتحصلهم شاردين برع

طيب ليش متعب عمرك داش عرض علينا ومخرب الاستماع علينا ومضايقنا

الله يهديكم ويصلح حالكم وبالكم

ارجوا كل من له اخ او صديق ينصحه ويعلمه ان هذا غلط ونهى
الرسول الحبيب صل الله عليه وسلم

وتحياتي لكم

[MAZEN37]

انا اتضايق من الصبيان الي مسويين ديوانيه وقرقر لين اخر الخطبه ولا احد يكلمهم وتكون اعمارهم كبيره

[ولد العرب]

انا نفسك ولا مصيبة يرفع ولدي ويقعد مكانه :eek5:ولا اني بقادر اقوله شي
ولا يدفك يعني ازحم :anger1:لاحول ولاقوة الا بالله

[النهار]

نفس الشي جاي متأخر على الصلاه اذا ماحصل له موقف سكر على خلق الله تعال دوره لين مايطلع الحبيب من الصلاه عشره ناطرينه يبون يحركون اما التشقح حدث ولا حرج تحصله بعد كل هالتشقح اول واحد شارد من المسجد الاخ فاهم غلط ان كل ماكان في الصف الاول الثواب يكون اكبر

[Dana’1]

الله يأجركم ويعينكم آمين يارب العالمين

والأفضل لو تعملون لوحة كبيرة وبخط واضح بالتعليمات أدآب الدخول و الجلوس في المسجد وغيرها من الضروريات بعد ما تتفقون مع الإمام وأهل العلم في هذا وعلقوها على المدخل

وعمل منشورات أيضا بنفس الفكرة توزع عليهم وبكذا لغة

والأطفال شجعوهم...أجمعوهم وأتفقوا مع الإمام إن الي يلتزم بأدآب المسجد لفترة طوييلة لة جائزة هذا غير الأجر العظيم إلي بينالة لأن حافظ على بيت من بيوت الله سبحانه وتعالى

إمام المسجد لة دور كبير وأنتو تعاونونة

والله يوفق الجميع

[الكواري 1972]

انا اتضايق من الصبيان الي مسويين ديوانيه وقرقر لين اخر الخطبه ولا احد يكلمهم وتكون اعمارهم كبيره

لا هذا بعد موضوع ثاني

اتحصله يقرقر والبيبي بيده الثانيه

هذول رايحين رحله

:)

[الكواري 1972]

انا نفسك ولا مصيبة يرفع ولدي ويقعد مكانه:eek5:ولا اني بقادر اقوله شي
ولا يدفك يعني ازحم :anger1:لاحول ولاقوة الا بالله


يرفع ولدي ويقعد مكانه

:)

هذا شكله مترفعن
يمكن شاري المكان

[الكواري 1972]

نفس الشي جاي متأخر على الصلاه اذا ماحصل له موقف سكر على خلق الله تعال دوره لين مايطلع الحبيب من الصلاه عشره ناطرينه يبون يحركون اما التشقح حدث ولا حرج تحصله بعد كل هالتشقح اول واحد شارد من المسجد الاخ فاهم غلط ان كل ماكان في الصف الاول الثواب يكون اكبر

هذا ودك تبنشر توايره واتخليه يراري عند موتره
:anger1:

[الكواري 1972]

الله يأجركم ويعينكم آمين يارب العالمين

والأفضل لو تعملون لوحة كبيرة وبخط واضح بالتعليمات أدآب الدخول و الجلوس في المسجد وغيرها من الضروريات بعد ما تتفقون مع الإمام وأهل العلم في هذا وعلقوها على المدخل

وعمل منشورات أيضا بنفس الفكرة توزع عليهم وبكذا لغة

والأطفال شجعوهم...أجمعوهم وأتفقوا مع الإمام إن الي يلتزم بأدآب المسجد لفترة طوييلة لة جائزة هذا غير الأجر العظيم إلي بينالة لأن حافظ على بيت من بيوت الله سبحانه وتعالى

إمام المسجد لة دور كبير وأنتو تعاونونة

والله يوفق الجميع


اقتراح طيب

بالسابق كان مثل هذا العمل موجود
اذكر اخوانا يجونا من مسجد ساره يعلمونا في كثير من الامور

الله يوم كنا صغار ايام السياكل كانو يتربصون لنا جزاهم الله خير وكنا نشرد عنهم

بس بكل امانه استفدنا منهم وايد
في امر الدين والدنيا

[fhd4]

أنا رايي ان الائمة في نهاية كل خطبة يذكرون الناس بآداب صلاة الجمعة

[بوخالد911]

سلوكيات مرفوضة كل جمعة مثل :-

اللبس مش ولا بد ؛ جلابية و ملابس رياضة وكأن الأخ رايح يتمشى ع الكورنيش !!!
تخطي المصلين

وقوف السيارات بشكل خاطىء مما يعيق الحركة !!
واللي يبط الجبد يجيك متأخر ويصكر الشارع ولا يطلع الا متأخررررررررررررر
:(

[الكواري 1972]

أنا رايي ان الائمة في نهاية كل خطبة يذكرون الناس بآداب صلاة الجمعة

راي طيب

[الكواري 1972]

سلوكيات مرفوضة كل جمعة مثل :-

اللبس مش ولا بد ؛ جلابية و ملابس رياضة وكأن الأخ رايح يتمشى ع الكورنيش !!!
تخطي المصلين

وقوف السيارات بشكل خاطىء مما يعيق الحركة !!
واللي يبط الجبد يجيك متأخر ويصكر الشارع ولا يطلع الا متأخررررررررررررر
:(

هذا اللي لابس رياضه يبي يحسسك انه رياضي ولا عنده وقت يروح البيت ويغير ملابسه

[بريق الحق]

السلام عليكم ورحمة الله وبركاته

انا عندي تعليق عن الي يقول الي يقعد يشقح لي بداية الصف الصراحة اغلب المساجد الناس تحضر المسجد وتقعد اخر شي عشان يسند ظهر على الطوفه ويخلون فراغ قدام ... اذا المصلين يقعدون ومايتركون فراغ محد راح ياذيهم

[بونووف]

انا أأيد كلام اخوي boabed لانه صج لو كل واحد يدخل المسجد يقعد قدام ويخلص السيد الاول وبعدها الثاني وبالترتيب ماراح يصير تزاحم لانه يدخل متاخر شوي يشوف انه في مكان فاضي قدام بيروح له وراح يضايق الناس ...اما بالنسبه للمواقف ماعتقد انه بيطول اذا صف غلط... وفي شي اتضايق منه اللي هو يجيك واحد يبي يركب سيارته ويطلع بسرعه وفي سياره قدامه وتعرف المصليين يطلعون يمشون على ريولهم فتخليهم يعبرون الشارع وهو وراك يقعد يهرن ويطلع من الدريشه ويصارخ .. على شنو مستعيل يالطيب تبغيني ادعم خلق الله لانك متأخر عالغدا

[الكواري 1972]

السلام عليكم ورحمة الله وبركاته

انا عندي تعليق عن الي يقول الي يقعد يشقح لي بداية الصف الصراحة اغلب المساجد الناس تحضر المسجد وتقعد اخر شي عشان يسند ظهر على الطوفه ويخلون فراغ قدام ... اذا المصلين يقعدون ومايتركون فراغ محد راح ياذيهم

شكلك انت اللي تشقح
:)

المسجد مابه اطوف غير الاطراف والباقي عمدان والمسجد واااااسع ولله الحمد
والناس جالسه على السجاد مافي شئ بظهورهم

وانت تقول يقعدون اخر شئ يعني عادي الطريق مفتوح وذا سند ظهره هذا يعني ماتزاحم بالناس

[الكواري 1972]

انا أأيد كلام اخوي boabed لانه صج لو كل واحد يدخل المسجد يقعد قدام ويخلص السيد الاول وبعدها الثاني وبالترتيب ماراح يصير تزاحم لانه يدخل متاخر شوي يشوف انه في مكان فاضي قدام بيروح له وراح يضايق الناس ...اما بالنسبه للمواقف ماعتقد انه بيطول اذا صف غلط... وفي شي اتضايق منه اللي هو يجيك واحد يبي يركب سيارته ويطلع بسرعه وفي سياره قدامه وتعرف المصليين يطلعون يمشون على ريولهم فتخليهم يعبرون الشارع وهو وراك يقعد يهرن ويطلع من الدريشه ويصارخ .. على شنو مستعيل يالطيب تبغيني ادعم خلق الله لانك متأخر عالغدا

اتأيد ع ايش هو حسبها غلط

هو كلامك صحيح بالنسبه لتعديل الصفوف

اما عن المواتر لله الحمد دوم اطلع متأخر

[Abdulraman]

والله موضوع ممتاز وفعلا هالسلوكيات اسبوعيا نشوفها وغير هذا اللي جايك بجلابيه ولابس كلسون وهو جدامك , ياخي احترم المكان اللي انت فيه اشدعوه داش بجلابيه وبدون صروال ولابس كلسون داش الحمام وانت بكرامه
الله يهدي الجميع

[بونووف]

اايده في كلمته انه المصلين يقعدون ومايتركون فراغ اتوقع انه يقصد الصفوف اللي قدام ماينترك فيها فراغ ..وفي فكره لو انه عند باب المسجد تكون في لوحه ارشاديه ينكتب فيها ترتيب الصفوف عشان المكان يكون فاضي للي يدخل متاخر ومن غير مايسبب ازعاج للي قاعدين .. اما عن المواقف ماعتقد في له حل الا التحلي بالصبر
ونسيت اشكرك على طرحك للمشكله
تحياتي

[العلم]

هذي مسألة تخطي رقاب الناس في الجمعة ... وقد اختلف العلماء في كراهيتها وتحريمها .. لحديث عَبْدِ اللهِ بْنِ بُسْرٍ قالَ: جاءَ رجُلٌ يَتَخَطَّى رقَابَ النَّاسِ يومَ الجُمُعةِ، والنَّبِيُّ صَلَّى اللهُ عَلَيْهِ وَسَلَّمَ يخْطُب، فقالَ لهُ رَسُولُ اللهِ صَلَّى اللهُ عَلَيْهِ وَسَلَّمَ: (اجْلِسْ فَقَدْ آذَيْتَ)

وينبغي للمسلم أن لا يقدم على مثل هذا الفعل إلا لحاجة ماسة ...


وعندي إقتراح .. ياليت لو يعمل به في مساجد الدولة ،، ومنتشر في مساجد السعودية ،،، وهو وضع ممر سراميك بدون فرش في جوانب المسجد ملاصقة للجدار ،، تمكن للشخص الوصول للصف الأول بدون تخطي رقاب الناس ،،،

[بونووف]

هذي مسألة تخطي رقاب الناس في الجمعة ... وقد اختلف العلماء في كراهيتها وتحريمها .. لحديث عَبْدِ اللهِ بْنِ بُسْرٍ قالَ: جاءَ رجُلٌ يَتَخَطَّى رقَابَ النَّاسِ يومَ الجُمُعةِ، والنَّبِيُّ صَلَّى اللهُ عَلَيْهِ وَسَلَّمَ يخْطُب، فقالَ لهُ رَسُولُ اللهِ صَلَّى اللهُ عَلَيْهِ وَسَلَّمَ: (اجْلِسْ فَقَدْ آذَيْتَ)

وينبغي للمسلم أن لا يقدم على مثل هذا الفعل إلا لحاجة ماسة ...


وعندي إقتراح .. ياليت لو يعمل به في مساجد الدولة ،، ومنتشر في مساجد السعودية ،،، وهو وضع ممر سراميك بدون فرش في جوانب المسجد ملاصقة للجدار ،، تمكن للشخص الوصول للصف الأول بدون تخطي رقاب الناس ،،،


+1 معاك في هالفكره

[الكواري 1972]

اايده في كلمته انه المصلين يقعدون ومايتركون فراغ اتوقع انه يقصد الصفوف اللي قدام ماينترك فيها فراغ ..وفي فكره لو انه عند باب المسجد تكون في لوحه ارشاديه ينكتب فيها ترتيب الصفوف عشان المكان يكون فاضي للي يدخل متاخر ومن غير مايسبب ازعاج للي قاعدين .. اما عن المواقف ماعتقد في له حل الا التحلي بالصبر
ونسيت اشكرك على طرحك للمشكله
تحياتي

جزاك الله خير
الشكر لله وحده ورحم الله والديك

لا ادري كيف لا تشغل العقول في ترتيب نفسها

يمكن عندهم لا مبالاه

[الركادة]

الله يعينكم

خاصة انه الواحد ما يقدر يتكلم في صلاة الجمعة

[Qt.1]

ملاحظتك مهمه , وعندي ملاحظه اهم , في بعض الشباب ايجيك المسجد وايتم قاعد في السياره ايطقطق على البلاكبيري لين اقامة الصلااه :rolleyes2: والله تعب نفسه لوقاعد في البيت احسن له وايكمل على البلاكبيري !!

[الزعفراني]

أنا ما يرفع ضغطي الا لى أذن المؤذن للخطبة تلقى آذان الحرم مشتغل من جوال حد من المصلين .. :anger1:

[المتألم]

ليش يتخطون رقاب الناس
معاهم حق

60 % من المسجد فراغات الي يجون بدري ما يجلسون فيها وشتبغي من الناس تسوي يعني
دام في حد تخطاك معناها أنت ما كملت طريقك وتركت فراغ قدامك .
وعقب الصلاه ربنا سمح لنا ننتشر في الأرض بعد أنقضاء الصلاة مباشرة .
عن نفسي أحاول ما أتخطى بس من أشوف على بعد أربع ولا خمس صفوف في فراغ بتخطاهم جميع
والي مب عاجبه يروح يعبي الفراغ الي قدامه
وما شاء الله ع البشر من الإمام يقيم الصلاه فجأه يصير في مكان للجميع والكل يتقدم يبي يلحق ع الصف الي قدامه .

صليت الجمعه الماضي بجامع محمد عبدالوهاب والصف الي قدامي فيه فراغ يكفي لمصلي بعد ما كبرنا تقدمت
إلا الصف اللي قدامه بعد فيه فراغ بس يمين ما عاد كملت بصراحه بقضي الصلاه تسكير الفراغات يعني .

الله المستعان .

اللي يهمني الفشل الذريع والممل للخطباء .

[المتألم]

والله موضوع ممتاز وفعلا هالسلوكيات اسبوعيا نشوفها وغير هذا اللي جايك بجلابيه ولابس كلسون وهو جدامك , ياخي احترم المكان اللي انت فيه اشدعوه داش بجلابيه وبدون صروال ولابس كلسون داش الحمام وانت بكرامه
الله يهدي الجميع

الله يستر علينا
بعض المرات يجيك واحد لابس بنطلون وفنيله
من يسجد نص مؤخرته تبين ياخي هالشي مدري وش الحل معاه .
شيء مؤذي بصراحه

[ولد العرب]

الله يستر علينا
بعض المرات يجيك واحد لابس بنطلون وفنيله
من يسجد نص مؤخرته تبين ياخي هالشي مدري وش الحل معاه .
شيء مؤذي بصراحه

والله ماقدرت امسك نفسي من ضحك ياعليك تعليق ههههههههههههه السموحه نفداك :shy:

[.. الكاش ..]

الله يهديهم ان شاءالله

[khalid525]

صدقت لا ويدش مخيس النفس

[متروس]

ترى ياجماعة على حسب حجم الجامع وعدد المصلين

اذا كان الجامع كبير وعدد المصلي تقريباً يسد نص الجامع ,,,, ماراح يكون فية اي من المشاكل المذكورة

لكن اذا كان العكس ,, الله يعينكم يالي تروحون مساجد مزحومة



صلاة الجمعة مالها طعم اذا ماشفت هنود وبنقالية وجميع الأعراق ,, واحلى شي اذا خلصت الصلاة وطلعوا وشفت كل واحد منهم فاتح حلقة ضحك وسلامات ,, مب ربعنا كل واحد مخيس النفس ومستمت بنظاراتة الشمسية ومايبي احد يوقفة يسلم علية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

صلاة الجمعة لها طقوس ولها جو ,, والي يبي يرتاح نصيحة لايدقق في الأشياء العفوية ويركز في الخطبة والصلاة

[ريم 28]

ولو انكم مضايقين وتشتكون. الصراحه انا فرحت ان هناك مساجد تكون مزدحمه بالمصلين والمواقف

الله يكثرهم ويصلون كل الصلوات في المسجد ويهدي من يؤذي الاخرين

[فرهود]

صلاة الجمعه المفروض تكون عيد وفرحه للمسلمين ونتسابق على الوصل بدري للمسجد عشان الاجر يزيد .لكن للاسف الجامع يكون شبه فاضي لما يطلع الامام للخطبه مع ان اجر الجمعه ينتهي معا صعود الامام كما في الحديث الشريف:

عن أبي هريرة أن رسول الله صلى الله عليه وسلم قال من اغتسل يوم الجمعة غسل الجنابة ثم راح في الساعة الأولى فكأنما قرب بدنة ومن راح في الساعة الثانية فكأنما قرب بقرة ومن راح في الساعة الثالثة فكأنما قرب كبشا أقرن ومن راح في الساعة الرابعة فكأنما قرب دجاجة ومن راح في الساعة الخامسة فكأنما قرب بيضة فإذا خرج الإمام حضرت الملائكة يستمعون الذكر

[فارس قطر]

أنا رايي ان الائمة في نهاية كل خطبة يذكرون الناس بآداب صلاة الجمعة

اكثر الائمة عندنا يبي لهم دروس في الثقافة الدينية
والوعظ والارشاد

لو اشرح لكم مشاكل المساجد بتتعبون منها
وعلى كثرتها لاكن
لامن مجيب ولاتطوير

عسى الله يخلف
ويهدي وزارة الاوقاف والشئون الدينية
و تواكب التقدم الي صاير في هذة البلاد
مب يجيبون لي امام مايعرف ينطق الله اكبر صح.

[الكواري 1972]

سبحان من حرك مشاعر بعض الناس وانهم ليس لديهم علم بخطر التخطي

الي عنده شئ يفيد يقول ترى في ناس تقرا وتراجع نفسها وتصلح اخطائها


وجزاكم الله خير

[حميداني]

الله المستعان , تسلم على النصيحه والتذكير

[بريق الحق]

شكلك انت اللي تشقح
:)

المسجد مابه اطوف غير الاطراف والباقي عمدان والمسجد واااااسع ولله الحمد
والناس جالسه على السجاد مافي شئ بظهورهم

وانت تقول يقعدون اخر شئ يعني عادي الطريق مفتوح وذا سند ظهره هذا يعني ماتزاحم بالناس

جزاك الله خير

اتمنى تروح تحضر بدري للمسجد واتجووف الناس وين تقعد ... اغلبهم يقعدون ورى او يحضر متاخر

[الكواري 1972]

الله المستعان , تسلم على النصيحه والتذكير

ونعم بالله

الله يسلمك

وانت تسلم ع المرور

[الكواري 1972]

جزاك الله خير

اتمنى تروح تحضر بدري للمسجد واتجووف الناس وين تقعد ... اغلبهم يقعدون ورى او يحضر متاخر

اصدق انا اروح بدري واقعد ف مكان معين يعني متذري بعمود المسجد لكن في ايام اتأخر
ويكون مكاني راح اجلس اي مكان بعدها

خل نقول
بابتدي بنفسي وثم ربعي وثم من نعرفهم (اللي يترددون ع المسجد يوم الجمعه)

وفي النهاية ماهي سالفة عناد وكل واحد بشيل ازره

يعي جنبك ع يمبك

يعطيك العافيه

[بنت الشمال]

مشكلة السيارات وطريقة المواقف

[حبر وقرطاس]

عيب والله عيب هالسلوكيات

التواجد فالمساجد يعلم الرقابه الذاتيه للرجل على نفسه في مسأله النظام

اذا جاي المسجد عشان الثرثره وباستهتار احسن لا تجي

[الكواري 1972]

اذكر اولا نفسي وثم اذكركم

باجر الوعد

[بوخالد911]

للحين الاستهتار وعدم اللامبالاة مستمررر

أمس بمسجد ال سعد بالمعمورة
1 جاي متأخر وصاف سيارته بالغط
ولا طلع وهل

والناس مستغربة منه وهو بلفيت يتعبد ربه !!!!!!!!!!!!!!!!!!!!!!!!

وشفايدى التعبد ع حساب خلق الله

[qews]

اولا احيانا في اماكن فاضيه جدام
ثانيا المسجد للكل المصلين واحيانا بعض المصلين ياخذ مساحه شخصين او اكثر
والله يعينك

[al_maystro]

للحين الاستهتار وعدم اللامبالاة مستمررر

أمس بمسجد ال سعد بالمعمورة
1 جاي متأخر وصاف سيارته بالغط
ولا طلع وهل

والناس مستغربة منه وهو بلفيت يتعبد ربه !!!!!!!!!!!!!!!!!!!!!!!!

وشفايدى التعبد ع حساب خلق الله

هذه الاشكال بالذات من تكون جنسيته قليل ادب ومب متربي

[تويتري]

شغلتهم دنياهم وألهتهم عن أخراهم .. لا حول ولا قوة إلا بالله

[بنت الشمال]

:nice:

[العميل 007]

الله يكتب أجرك

[kuwari]

هي جات بالشقحه ناس تدز برودكاست والله يستر

[ولد شرق]

انا اتضايق من الصبيان الي مسويين ديوانيه وقرقر لين اخر الخطبه ولا احد يكلمهم وتكون اعمارهم كبيره


لا هذا بعد موضوع ثاني

اتحصله يقرقر والبيبي بيده الثانيه

هذول رايحين رحله

:)

قرقر وبيبي هههه على اللغة العربية السلام...

[بورصواوي]

لو الناس يصفون عدل قبل واثناء الخطبة ( مايخلون فراغات بينهم )محد بيشقح

[المستريح]

راي طيب

انا فى مره الخطيب فى نص الخطبه قال حق واحد لاتتخطى الناس اجلس مكانك وحول الخطبه الى اداب دخول المسجد احرج الرجال بس ماعاد احد قام يشقح خلق الله والله واحد جدامى ضرب واحد بركبته فى ظهره والرجال غافل منتبه للخطبه انا بغيت اتهاوش معاه بس الرجال مسكين قال لاحول ولاقوه الابالله استغفر الله العظيم انا سكت وطالعه وسكت

[الوعـد]

اي والله صح

جزاك الله خير

[جفى الجوارح]

الي تقوله هين
ولا اذا جاك واحد بجلابيته مصنن وقعد جنبك

[الكواري 1972]

الي تقوله هين
ولا اذا جاك واحد بجلابيته مصنن وقعد جنبك

ع طول بتحصلني انا اللي شاقح خلق الله

:)

[بوحارب]

والله انك صادق يالكواري بعض الناس مزعجين في الصلاة الله يهديهم

احسنت على النصيحة :)

[الكواري 1972]

والله انك صادق يالكواري بعض الناس مزعجين في الصلاة الله يهديهم

احسنت على النصيحة :)

تسلم

ويسلم مرورك