استفسار عن الفنادق في مناطق تركيا

[atamy]

السلام عليكم

انا مسافره مع هلي تركيا ان شاء الله على شهر 2 ومحتارين علشان السكن :weeping:
وابي فنادق او شقق فندقيه تكون 5 نجوم واسعارهم حلوه :victory:

وراح تكون الرحله اسبوعين منها ف (اسطنبول ..ميدان تقسيم ..يلوه ..بورصا)
يالت اللي عنده خلفيه يفيدني
واكون شاكره لكم ..

[نوار قطر]

هلا حبيبتي اتاامي ان شالله الاعضاء يفيدونج

[abdo222]

بخصوص اسطنبول السكن في منطقه "تقسيم" -تكسيم- احسن شيء (الجزء الاوروبي)
المنطقه فيها "شارع الاستقلال كله محلات-حديقه-متاحف" والمواصلات سهله

فندق 5 نجوم في قلب تقسيم "فندق مرمره"
فندق 4 نجوم في قلب تقسم "ماربل اسطنبول"

يلوا و بورصه انا رأيي السكن فيهم مب ضروري (يالوا تكفيلها يوم كامل في رحله سياحيه مع جروب سياحي -جربوا قروب الحران, رحنا وياهم العام وزينين- من 7 الصبح ل 5 المغرب احس كفايه لها)
(ساعتين تاخذون فيها الباخره والسياره) "حسب ما اذكر تقريبا 250-300ريال على الشخص متضمنه الاكل-

بورصه نفس القروب السياحي خذونا مناك من الصبح للمغرب ووصلنا لين تقريبا قمه الجبل ورحله ما تتفوت
(تقريبا ساعتين ونص بالباخره والسياره)

اما في حاله انكم تبون تقعدون مناك, الشباب ان شاءالله يفيدونكم بفنادق زينه,,

-حطوا منطقه سبانجا بالمخطط بعد, وبالتوفيق :)

[الدوسري قطر]

السكن في منطقة تقسيم افضل لك من اي منطقة ثانية بالنسبة للامان والخصوصية والمطاعم والمحلات كل شي حولك خاصة في شارع الاستقلال

[نوار قطر]

الاعضاء ماقصرو بس حبيبتي محد بيفيدج في هالموضوع وفي الحجوزات الا غيـــر البــشــر صج انه غير البشر ماشالله عليه خبره في هالسوالف :nice:

[NINA RICCI]

اسنطبووول ....

عندج فندق مرمره تقسيم خمس نجوم , على طول تنزلين على شارع الاستقلال كلشي حوووولج ,, ( قهاوي + شوبينغ + مطاعم فاتحه 24 ساعه ) .. واطلالته على الشارع تشوفين العالم من الدريشه ^^ بس عيبه ان الللوبي صغير ..
وفندق سويس اوتيييل(خمس نجوم) .. هالفندق فضيييع وفخخم , وااللوبي ماله شرح وكبيرررر , وطال على البحرر .. وفيه قعدات حلوووه .. وبينه وبين شارع الاستقلال خمس دقايق بالسياره ..

هالفندقين في اسطنبوول .. باقي المناطق بصراحه مارحت لهم ..
انشاءالله باقي الاعضاء يفيدووونج