هيئة السياحة والمعارض إلى الخلف

[ابن الرومي]

هيئة السياحة والمعارض

ما هو الحل معاكم

انتم تسيرون إلى الخلف والدول المجاورة تتقدم بافكار ومشاريع جديدة

كل ما تقدمنا بمشروع للهيئتكم يتم الرفض
وبعد فترة تلقى المشروع مشابه للمشروع المقدم ولكن باسم جديد

والماذا يتم اطفاء جهود القطريين واغلاق المجال امامهم
لماذا يعطى الاجنبي مايتمناه وطلباته مجابه
لماذا يقتصر الشركات المنظمة للمعارض والمهرجانات باشخاص معينين

اين مهرجانتكم وفعاليتكم انتم هيئة لا

نتمنى من الرئيس الجديد
ان يرى الاخطاء القديمة ليصححها
فنحن معك نتامل خير

[عيون الدوحة]

السياحة صارة سوق واقف وكتارا فقط
لايوجد شي جديد

[ابن الرومي]

هيئة السياحة والمعارض

تفتقر بالعقول

وتغلق ابواب الشركات القطرية
والمواهب القطرية

شوف الامارات
كل مارحت لها تلقها احلى من قبل
من الفعاليات والتجدد المستمر

[مخطط قطري]

سياسه الهيئة العامة للسياحه هي عدم التطوير فقط تقليد الدول المجاورمع وضع بهارات كاتغير الاسم ومحاربه الابدعات القطرية لاسف انه من قديم الازل الحل شي واحد وهو الغاء الهيئة العامه للسياحه وعدم التقيد بشروط وفتح المجال امام الابدعات القطرية

[NeverLand]

مستانسين لي على الكم ورده اللي وزعوها عند طريق سلوى انهم يعني مسويين جو رومانسي للزوار

ياشين هالحركات بس!!

الامس شفت احتفال دبي بالعام الجديد انبهرررت وقعدت اتحسر على حال هالهيئه الفاشله اللي فاهمه السياحة غلط

[نوفة قطر]

نتمنى والله يلتفتون ويزيدون من الاماكن السياحيه ويرغبون الناس انهم يجون يشوفون قطر والاماكن اللي فيها

بالنسبه لردك اخوي ( NeverLand ) عن احتفالات دبي امس

الحمدلله احنا مانبي احتفالات من هالنوع وبمثل هالمناسبات

وتخخخيل مجرد تخيل وياي لو قطر سوت جذي جان شبيصير ؟ كلكم بتحطون مواضيع اهني فالمنتدى تقولون احنا مب مسيح ! وقطر صارت تراعي المسيحيين وتسوي احتفالات بالسنه الميلاديه ومن هالكلام :rolleyes2: والا شرايكم ؟

-

[ابن الرومي]

الهيئة لا تخطط

بفعاليات اسبوعية

يعني الموظفين والطلاب يبون متنفس
لنهاية الاسبوع يروحون يغيرون جو ونفرحهم

ما عندنا غير المطاعم والسينما

[sweet qatar]

نتمنى من الرئيس الجديد
ان يرى الاخطاء القديمة ليصححها
فنحن معك نتامل خير


اكثر من ست شهور مرت.. كنا نتمنى نشوف تطوير وانجاز..
نحتاج تخطيط وضبط الخدمات والمرافق وتطوير صناعة السياحة..
نحتاج توفير أنشطة وفعاليات احترافية مستمرة..


وياليت تستقطب الهيئة الكفاءات القطرية الي طفشتها الإدارة القديمة بانحيازها للأجانب..


يعطيك العافية ابن الرومي على الطرح..

[ابن الرومي]

صار لي من 2006 الى اليوم

اتقدم بافكار جديدة للسياحة والمعارض
لعمل مشاريع تنمي السياحة في قطر

يتم الرد مرفوض

مع اني مش طالب دعم انا راح ادفع لهم
ولكن تكلم من في السياحة

[NeverLand]

نتمنى والله يلتفتون ويزيدون من الاماكن السياحيه ويرغبون الناس انهم يجون يشوفون قطر والاماكن اللي فيها

بالنسبه لردك اخوي ( neverland ) عن احتفالات دبي امس

الحمدلله احنا مانبي احتفالات من هالنوع وبمثل هالمناسبات

وتخخخيل مجرد تخيل وياي لو قطر سوت جذي جان شبيصير ؟ كلكم بتحطون مواضيع اهني فالمنتدى تقولون احنا مب مسيح ! وقطر صارت تراعي المسيحيين وتسوي احتفالات بالسنه الميلاديه ومن هالكلام :rolleyes2: والا شرايكم ؟

-

نوفه اختي انا ماقصد نسوي احتفالات بالسنة الجديده

بالعكس ادري هالشي غلط

لكن اقصد شوفي كيف ترتيبهم للفعاليات وتنظيمهم الكشخه!! شي يعور القلب

احنا حدنا بدنا كم جراخيه باليوم الوطني انها العاب ناريه والقريه التراثيه اللي افتحوها يومين ثلاثه وجك بم كل شي خلص

نبيهم يقتدون بدبي من ناحية الاحترافيه بالتنظيم!! الابداع بالافكار!!

هاي قصدي

[khalid525]

عطوهم. مقترحات بدال الانتقاد الغير واضح ،
هيئة السياحة بالاشتراك مع باقي الهيئات بدأت تجني ثمار مشاريعها ، خصوصا اخر ثلاث سنين صرنا نشوف العوائل الخليجية بكثرة في المجمعات وكتارا وسوق واقف وهذا انجاز جيد جدا ، ونحن مع السياحة العائلية فهذا النوع من السياحة هو المناسب لمجتمعنا .

اما الانواع الاخرى من السياحة فممكن انجازها بسهولة وبسرعة البرق لكنها مرفوضة عندنا ولا نقبل بها .

[NeverLand]

^
^

تقص على عمرك؟ العوائل الخليجيه من زمان تجي قطر بفعاليات ولا غيرها اصلا

وبعدين اي فعاليات هذي؟ عيوز قاعده تسوي هريس في القرية التراثيه ولا كم لعبه رخيصه حاطينها لليهال مافيها ابسط شروط السلامه ولا هالمهرجين البايخين اللي بالاسواق؟

عن اي فعاليات تتكلم اخوي!!!

كلها سخيفه وماتخلي الواحد يطلع من بيته ويروح لها فمابالك يسافر من بلده عشان يحضرها!!

وبعدين مو احنا اللي نقترح على هيئة السياحه شتسوي!!! عيل هم حاطينهم ويعطونهم راتب حق شنو؟!!

قال سياحه عائلية قال :/

[ابن الرومي]

نوفه اختي انا ماقصد نسوي احتفالات بالسنة الجديده

بالعكس ادري هالشي غلط

لكن اقصد شوفي كيف ترتيبهم للفعاليات وتنظيمهم الكشخه!! شي يعور القلب

احنا حدنا بدنا كم جراخيه باليوم الوطني انها العاب ناريه والقريه التراثيه اللي افتحوها يومين ثلاثه وجك بم كل شي خلص

نبيهم يقتدون بدبي من ناحية الاحترافيه بالتنظيم!! الابداع بالافكار!!

هاي قصدي

انا معاك

احنا اذا شفنا العاب نارية وقفنا
سيارتنا علشان انشوف الالعاب النارية
للنفرح اعيالنا

[للصبر اخر]

اولا اخي الفاضل
دائما الاقتراحات من الجانب القطري لاتعجب المسؤلين
ولو قدمها الاجنبي وافقو عليها وهالكلام عن تجارب شخصييه
وثانيا الاداراه تحتاج الى اكثر من 5 سنوات وليس 6 شهور اختي سويت قطر
والله المستعاان
واذا بتقارنون بدبي
ماراح نوصل مستواهم
هم اهتمامهم الاول والاخير المواطن وراحته

[ابن الرومي]

اولا اخي الفاضل
دائما الاقتراحات من الجانب القطري لاتعجب المسؤلين
ولو قدمها الاجنبي وافقو عليها وهالكلام عن تجارب شخصييه
وثانيا الاداراه تحتاج الى اكثر من 5 سنوات وليس 6 شهور اختي سويت قطر
والله المستعاان
واذا بتقارنون بدبي
ماراح نوصل مستواهم
هم اهتمامهم الاول والاخير المواطن وراحته

انا معاك بان المسؤولين بهيئة السياحة
لا يعجبهم الفكر القطري والاجنبي حتى لو انه مال بالشغلة يعطونه
مثل ما صار بالسنوات الماضية
اما الادارة تحتاج اكثر من 5 سنوات
نعم تحتاج اذا كانت الادارة لا تستطيع وضع الشخص وله ضمير
يخاف على وطنه
وانا كاحدى الشركات القطرية المتخصصة بمجال السياحة في قطر منذ 1994
لا اجد فرصة لاقامة مشروع سياحي ترفيهي وبدون دعم
بل يلاقي بالرفض من دون اسباب واتفاجاء بعمل مشروع مشابه باسم جديد
ولكن التنفيذ يكون فاشل

[sweet qatar]

وثانيا الاداراه تحتاج الى اكثر من 5 سنوات وليس 6 شهور اختي سويت قطر



اخالفج الراي عزيزتي..
اي ادارة جديدة تاخذ لها وقت في التجديد والتنظيم بدون اي مسؤولية لفترة من 3-6 شهور..

بعدها لازم يكون في تطور او على الاقل تغيير من نوع ما..

ابسطها زيادة الموظفين القطريين واستقطاب الكفاءات..
تنظيم عمل الشركات السياحية، و صناعة السياحة، وفتح افاق جديدة مميزة للعمل السياحي..


الاخ khalid525..

مع احترامي لرايك.. لا سوق واقف ولا كتارا يتبعون هيئة السياحة..
ومثل ما ذكر الاخ NeverLand .. الالعاب الي يتم توفيرها في المناسبات المختلفة رديئة وخطرة..


اذا حد بيسمع لنا بنعطي اقتراحات مفيدة.. :)

[khalid525]

^
^

تقص على عمرك؟ العوائل الخليجيه من زمان تجي قطر بفعاليات ولا غيرها اصلا

وبعدين اي فعاليات هذي؟ عيوز قاعده تسوي هريس في القرية التراثيه ولا كم لعبه رخيصه حاطينها لليهال مافيها ابسط شروط السلامه ولا هالمهرجين البايخين اللي بالاسواق؟

عن اي فعاليات تتكلم اخوي!!!

كلها سخيفه وماتخلي الواحد يطلع من بيته ويروح لها فمابالك يسافر من بلده عشان يحضرها!!

وبعدين مو احنا اللي نقترح على هيئة السياحه شتسوي!!! عيل هم حاطينهم ويعطونهم راتب حق شنو؟!!

قال سياحه عائلية قال :/

ههههه شكلك. كنت معصب وانت ترد ، عموما انا احترم وجهه نظرك رغم انها غير صحيحة في كثير من الجوانب ، العوائل الخليجية ماصرنا نشوفهم بها الكثرة الا اخر كم سنه وفي احصائيات معلنه عن هذا الموضوع بس ما تحضرني حاليا ، وارجو ان تقترح علينا اقتراح مشروع سياحي يرضي العوائل عندنا وما يخليهم يسافرون في اي اجازة رسمية ، اذا كانوا هيئة السياحة فاشلين خلونا نساعدهم باقتراحاتنا .

[تغلبية]

^^^

اقتراح

نبي حديقة حيوان سفاري .... ممكن والا صعب !
نبي نعيش مع الطبيعة شوي ..ويكون فيها الحيوانات الاليفة .. وحيوانات البيئة القطرية .. حق اللي ماعندهم عزب
^^ صعب ؟!

[طير]

الله يرحم ايام اول ... ايام علاء الدين .. ايام عيد الفطر والاضحي من خلال اقامة مدن ملاهية مؤقتة وفقرات فلكورية عالمية يستاهل واحد يروح مع عايلته من غير حشرة شباب وعزاب مثل سوق واقف ... نبي هالايام ترجع ما نبي حفلات ومطربين اغاني ... نبي نونس عيالنا

[حبر وقرطاس]

وايد عليهم بعد

اصلا طول ما اصحاب العقول المتحجره من القئمين على السياحه فقطر
وكلن همه يعبي جيوبه فقط
من وين يأتي الابداع الحقيقي؟
وايد عليهم سوق واقف والفرق الفلكلوريه الهابطه التي لاتعرف الهدف من وجودها ولا حتى الناس تفهم ادائها ومظهرها داخل السوق؟؟؟!!

[ابن الرومي]

وايد عليهم بعد

اصلا طول ما اصحاب العقول المتحجره من القئمين على السياحه فقطر
وكلن همه يعبي جيوبه فقط
من وين يأتي الابداع الحقيقي؟
وايد عليهم سوق واقف والفرق الفلكلوريه الهابطه التي لاتعرف الهدف من وجودها ولا حتى الناس تفهم ادائها ومظهرها داخل السوق؟؟؟!!

نعم انا معاك

وذلك لان لا توجد ابواب لطرح الافكار والابداع
وغلق جميع الابواب حتى اذا اردت مقابلت احدى المسؤولين بابه مغلق
والحجة في اجتماع ولا مسافر ولا القانون لا يسمح

[ابن الرومي]

فضيحة هيئة السياحة
تلغي مشروع دوحة بارك بسبب
احدى الشركات المتفق معها لم تلتزم بالشروط
مع ان هناك شركة بديلة للمشروع جاهزة للتنفيذ
ولها خبرتها بهذا المجال

[ابن الرومي]

تخبط بادارة السياحة والمعارض

وفشل باقامة المهرجانات في قطر

حيث اننا لا نرى مهرجاتات
ودائماً نسمع بنعمل وبنخطط

وما شفنا شي

[captin]

يقول المثل عط الخباز خبزه

أي سياحة عندنا بالله عليكم
زيارات للبلديات وكلام جرائد عن مواقع سياحية
في أم صلال والخور والريان والناس مب لاقية مكان
للترفيه سواء في البر أو على البحر

[كازانوفا]

انا ما عمري سمعت عن وزارة السياحه غير لما تقام عندنا المعارض اللى هي محسوبه علينا

[ابن الرومي]

السياحة والمعارض
مش بس معارض وفتح فنادق

السياحة والمعارض

لازم يشوفون جميع انواع التسلية والترفية
من الالعاب والفعاليات على طول السنة وكل موسم
يعني مهرجان الربيع
مهرجان الصيف
مهرجان الخريف
مهرجان الشتاء