المساعد الشخصي الرقمي

مشاهدة النسخة كاملة : @@ صديقتي وسيارتها الجديدة @@


بنـ الدحيل ـت
31-12-2012, 08:30 PM
السلام عليكم ورحمة الله وبركاته

صديقتي اول مرة تشتري سيارة جديدة

فهي تريد مشورتكم من حيث الأسعار في التنجيد والعازل الحراري

ولكم جزيل الشكر
البحار00
31-12-2012, 10:10 PM
يعتمد على نوع السيارة اذا فورويل

التنجيد يكلف للكروزر مثلا

تنجيد الكراسي تقريبا 800 ريال على حسب نوع الخامه والارضيه النايلون معروفه

سعرها ثابت 350* للفورويل و250 للصالون

اما العازل فيه محلات تسويه على 1000 ريال وضمان 7 سنوات

وفيه محلات من 2500 وفوق وضمان بعد 7 سنوات

يختلف السعر من محل الى محل

*
Al-Kuwari
31-12-2012, 11:10 PM
الله يعطيها خير السيارة ويكفيها شرها ان شاء الله

بخصوص التنجيد فما عندي دراية فالموضوع

بالنسبه للعازل فخل تركب V-Cool ولا تفكر بأي عازل اخر

بالتوفيق
آلملآزم
31-12-2012, 11:20 PM
مبرووك عليها السياره الله يعطيها خيرها ويكفيها شرها
بالنسبه للتنجيد تختلف من محل الى اخر والمحلات كثيره في هالمجال بس أنصحها تروح لمسة فن شارع المطار قبل البراشوت على اليمين شغل 100% وخامات ولا أروع وبالنسبه للعازل فيه كذا محل ولابأس فيهم بس أنا عني أتعامل مع لولمن اللي فالعزيزيه وماشاء الله شغلهم ممتاز

أتمنى أني قدرت أفيدكم
عاشقه الصمت
28-03-2013, 09:38 AM
الله يعطيها خيرها
AL-MAYSTRO
28-03-2013, 09:42 AM
بالمبارك عليها السياره
محلات التنجيد في الغرافه عند الدولي الاسلامي فيه اكثر من محل هناك جنب بعض
وتتوفر عندهم الوان للخلق .. شامواه والا مخمل وغيره
تمرهم وتشوف .. من حكم تجربه شغلهم ممتاز واسعارهم في المعقول ويرجع لنوع السياره اذا كانت فرويل اعلى سعر من الصالون

بالتوفيق
™كاسـبر™
28-03-2013, 10:34 AM
الله يعطيها خيرها ويكفيها شرها

بخصوص التنجيد

روحوا محل لمسة فن طريق المطار ممتاز

وتوهم جايتهم بضاعه جديدة وحلوة

وبالتوفيق انشالله
بونووف
28-03-2013, 10:45 AM
مثل ماقالوا الشباب الاسعار تختلف وفي اماكن وايد للتنجيد والمحلات احذا بعض فالغرافه تشوف وتقارن وتختار .. اما بالنسبه لمحلات العازل صاروا اكثر من الحلاليق في كل زاويه محل للعازل وكلهم يقولون احنا الافضل وطلعوا اسامي جديده للعازل سيراميك وسوبرسيراميك وبلاط ورخام ومن هالكلام الفاضي .. والافضل المحلات العالميه مثل ... لومار .. في كول .. زيبارت

ويعطيها خيرها ويكفيها شرها
القلم الصريح
28-03-2013, 11:13 AM
خل تروح محل الالماني للجلود جنب رافكو وتيك اوي الريان شغلهم مضبوط يطلع السياره حلوه انا سوا لي جلد مع شامواه طلعت تجنن السياره ، حتى النايلون نوعيته ممتازه