البنوك الأسلامية ورأس السنة !!!!

[غيور]

صباح الخير اخواني وأخواتي

اريد اعرف لماذا تغلق البنوك الاسلامية ابوابها اول يوم من السنة الميلادية ؟

بعضكم سوف يقول علشان الجرد السنوي :omg:

الى هذه الدرجة يعتبروننا ساذجين ؟ لماذا لايقولون احتفالا برأس السنة ؟

تحياتي والله يكون بعونكم

[أسد الجزيرة]

من اجل الجرد السنوي لانه السنة تنتهي عندهم مع السنة الميلادية

[بونواف78]

ياخوي انا عندي ناس وايد بالبنوك واعرف ليش يسكرون
والسبب علشان الجرد لان السنه المالية مرتبطه بالسنة
الميلادية

[الزعفراني]

صباح الخير اخواني وأخواتي

اريد اعرف لماذا تغلق البنوك الاسلامية ابوابها اول يوم من السنة الميلادية ؟

بعضكم سوف يقول علشان الجرد السنوي :omg:

الى هذه الدرجة يعتبروننا ساذجين ؟ لماذا لايقولون احتفالا برأس السنة ؟

تحياتي والله يكون بعونكم

:rolleyes2:

[مخطط قطري]

اخوي ترى مو بس البنوك الاسلامي جميع الشركات والمؤسسات المالية مو بس جرد لا هي اعداد ميزانية وحسابات وجرد ودائين ومدين وارباح السنة الماضية والفائض البنكي وامور تتشارك فيها بعد مصرف قطر المركزي من امور محاسبيه بحته وبعدين قطر مشتركة مع الدول خارجية ولازم تتبع نفس النظام فالاتعتقد انها عشان راس السنة ترى جد امور مالية واسعه صعب اشرحها لك في يوم

[نوفة قطر]

صباح النور

كل البنوك فالدوله تسكر عشان الجرد السنوي بغض النظر عن كونها اسلاميه او لا

على فكره اوردي الموظفين ترى مايقعدون في بيوتهم

يداومون عشان الجرد لكن الافرع تكون مسكره يعني ما تستقبل عملاء

يعني هي سالفة جرد وحسابات مب لف و دوران عشان راس السنه :eek5:

-

[غيور]

اّذا كيف تكون اسلامية والسنة عندهم تنتهي بنهاية السنة الميلادية ؟

مشكور عزيزي على ردك ومشكور ايضا لأنك ضحكتني مع هذا الصباح .

[للصبر اخر]

عَنْ أَبِي هُرَيْرَةَ ، عَنِ النَّبِيِّ صلى الله عليه وسلم ، قَالَ: إِيَّاكُمْ وَالظَّنَّ ، فَإِنَّ الظَّنَّ أَكْذَبُ الْحَدِيثِ .. الى اخر الحديث
السموحه على المداخله الغلط
بس مو كل الناس تحتفل براس السنه

[غيور]

صباح الخير اخوي
انا مااظن انشاالله ولااتهم احد باأي سوء نية ولكن الكتاب واضح من عنوانه .

اليسا هذا تشبها ؟ سؤال اخير وهو هل تعرف مامعنى الاغلاق والاحتفالات في راس السنة في الاسلام؟ وماذا يعني راس السنة في الديانات الأخرى ؟

الموضوع مجرد نقاش .

[Dana’1]

مثل ما كتب الاعضاء عشان الجرد... ومو بس البنوك حتى المؤسسات ةبعض المحلات التجارية الكبيرة تسكر عشان هالجرد

[دفرنت]

لا حول ولا قوة الا بالله

احسن الظن باخوانك

يغلقون للعملاء بس هم مداومين الله يطولي بعمرك

[نوفة قطر]

اّذا كيف تكون اسلامية والسنة عندهم تنتهي بنهاية السنة الميلادية ؟

مشكور عزيزي على ردك ومشكور ايضا لأنك ضحكتني مع هذا الصباح .

استغربت تعليقك ؟! ... يعني البنوك التجاريه تبيهم يمشون على سياسه والبنوك الاسلاميه سياسه ثانيه ؟ اعتقد نظام البنك المركزي واحد وهاي امور ماليه اكبر من انها تكون محليه

بس عندي سؤال .. الحين لين جيت تعبي طلب والا تكتب التاريخ في اي شيء والا سألت اي واحد تقابله اليوم تاريخ كم ؟ ...

تعتقد بيجاوب بالميلادي والا الهجري ؟

الواقع ان الميلادي هو اللي الدنيا كلها تعرفه والهجري نص المسلمين مايدرون احنا الحين سنة كم

-

[غيور]

مثل ما كتب الاعضاء عشان الجرد... ومو بس البنوك حتى المؤسسات ةبعض المحلات التجارية الكبيرة تسكر عشان هالجرد

هل هذه المؤسسات والمحلات التجارية مكتوب عليها اسلامية ؟ او ادعت باانها اسلامية وتحارب كل مايخالف الاسلام ؟

اعتقد جوابك سوف يكون لا.

[منابر خالده]

عَنْ أَبِي هُرَيْرَةَ ، عَنِ النَّبِيِّ صلى الله عليه وسلم ، قَالَ: إِيَّاكُمْ وَالظَّنَّ ، فَإِنَّ الظَّنَّ أَكْذَبُ الْحَدِيثِ .. الى اخر الحديث
السموحه على المداخله الغلط
بس مو كل الناس تحتفل براس السنه
-------
:)

[غيور]

استغربت تعليقك ؟! ... يعني البنوك التجاريه تبيهم يمشون على سياسه والبنوك الاسلاميه سياسه ثانيه ؟ اعتقد نظام البنك المركزي واحد وهاي امور ماليه اكبر من انها تكون محليه

بس عندي سؤال .. الحين لين جيت تعبي طلب والا تكتب التاريخ في اي شيء والا سألت اي واحد تقابله اليوم تاريخ كم ؟ ...

تعتقد بيجاوب بالميلادي والا الهجري ؟

الواقع ان الميلادي هو اللي الدنيا كلها تعرفه والهجري نص المسلمين مايدرون احنا الحين سنة كم

-

اعجبني كلامك وهو نعم لو ساألتني انا شخصيا سوف اقولك اليوم راس السنة لاني انسان واضح ولا البس قناع ولكن لو ساألت مدير بنك اسلامي في اي بلد اخرى وسوف يجاوبك اليوم صفر 1434 هجري.

[إينشتاين]

هل هذه المؤسسات والمحلات التجارية مكتوب عليها اسلامية ؟ او ادعت باانها اسلامية وتحارب كل مايخالف الاسلام ؟

اعتقد جوابك سوف يكون لا.

الحين لو خذيت مديونية من بنك إسلامي هل القسط ينسحب نهاية الشهر الهجري أم الميلادي ؟

يعني شمعنى وقت الجرد السنوي دققت عليه وهذي مادققت عليها ؟

[Dana’1]

هل هذه المؤسسات والمحلات التجارية مكتوب عليها اسلامية ؟ او ادعت باانها اسلامية وتحارب كل مايخالف الاسلام ؟

اعتقد جوابك سوف يكون لا.


هل تستخدم التاريخ الهجري في طباعة وتحديد افراحكم
هل تستدخم التاريخ الهجري في كتابة مذكرة عمل او موعد
طبعا أخترت امور شخصية لك ولعائلتك تقدر تكتبها بالتاريخ الي يعجبكم .. مو تاريخ مفروض عليك ان لازم يكون بالميلادي
اذا الجواب لا
إذن هل انت مسلم او تدعي الاسلام؟!!!!!!

[المتألم]

خل يستانسون عليهم بالعافيه

بروحه شغلهم ممل ويضايق الصدر

ألعن شغل الي تتعامل فيه مع البشر بمختلف طبائعهم .

[Abdulraman]

لاتسئ الظن

[غيور]

الحين لو خذيت مديونية من بنك إسلامي هل القسط ينسحب نهاية الشهر الهجري أم الميلادي ؟

يعني شمعنى وقت الجرد السنوي دققت عليه وهذي مادققت عليها ؟

هنا مربط الفرس .
انا احترم البنوك الربوية عفوا التقليدية لانها واضحة وصريحة . انا شخصيا اخذت قرض من بنك ربوي واخذ علي فوائد تقريبا 30 الف ريال وطلعت منه وانا اضحك لانه كان واضح معاي ولكن لما حولت بنك اسلامي بعد عدة سنوات اخذت نفس القيمة من البنك الاسلامي واخذ علي فوائد 35 الف ريال ؟

هل تقدر انت شخصيا تأخذ مائة الف ريال من بنك اسلامي وترجعها لهم بنك سنة نفس القيمة ؟ اتحداك .

السؤال لك ماذا تسمي او ليش اخذوا 30 الف ريال زيادة ؟ ماذا تسميها ؟ هل دفعوها للأرامل واليتامى والمحتاجين ؟ وياويلك لو تسميها فوائد والله سوف يطردونك من البنك ويدعون الأمن عليك .

نحنوا في القرن الواحد والعشرين وكفاية خداع والله عيب .

نقطتي واضحة وهي مادامك تدعي الاسلام فلابد بأن تتقيد باالشريعة الاسلامية .

اعتقد موضوعنا اخذ منحنى اخر وهذا ليس موضوعي الاساسي وشاكر لك على سعة صدرك والله يبعدنا من الحرام .

[غيور]

هل تستخدم التاريخ الهجري في طباعة وتحديد افراحكم
هل تستدخم التاريخ الهجري في كتابة مذكرة عمل او موعد
طبعا أخترت امور شخصية لك ولعائلتك تقدر تكتبها بالتاريخ الي يعجبكم .. مو تاريخ مفروض عليك ان لازم يكون بالميلادي
اذا الجواب لا
إذن هل انت مسلم او تدعي الاسلام؟!!!!!!

احترم كلامك ولكن لن اظر احد لان اللي اعمله شي خاص وامثل نفسي فقط ولكن لايجوز امثل شريحة من الناس واقول انا كذا وكذا وانا اصلا العب عليهم .

تضر نفسك شي راجع لك ولكن تضر الناس شي يرجع لهم.

اخيرا
انا لم اطلع امام الناس واقول انا قدوة وانا الاحسن .

[روح الاطلس]

غيور يعني تبي البنك الاسلامي يكون جمعيه خيريه ؟ يقدم لك قرض بدون ربح؟؟؟

الربح على القرض الاسلامي حلالا زلالا على البنك
واذا انت فضلت البنك الربوي عشان فرق خمس الالاف فهنيئا لك ان تكون معاون للشيطان (البنك الربوي)

اقرأ وتفقه في آلية عمل البنك الربوي وآلية عمل البنك الاسلامي القائمة على البيع والشراء حينها ستعرف لماذا الربح اعلى في قرض البنك الاسلامي من الفائدة اللذيذة في البنك الربوي

[روح الاطلس]

غيور يعني تبي البنك الاسلامي يكون جمعيه خيريه ؟ يقدم لك قرض بدون ربح؟؟؟

الربح على القرض الاسلامي حلالا زلالا على البنك
واذا انت فضلت البنك الربوي عشان فرق خمس الالاف فهنيئا لك ان تكون معاون للشيطان (البنك الربوي)

اقرأ وتفقه في آلية عمل البنك الربوي وآلية عمل البنك الاسلامي القائمة على البيع والشراء حينها ستعرف لماذا الربح اعلى في قرض البنك الاسلامي من الفائدة اللذيذة في البنك الربوي

[al_maystro]

عن اي جرد يتحدثون يوميا تتم التسويات وليس يدويا عبر الكمبيوتر تقولون
عايشين بالعصر الحجري يشوفون لهم مبرر ثاني في مكاتب محاسبيه يندفع لها فلوس هي اللي تقوم باعداد الميزانيه والبيانات المرحليه والفلوس هذه من جيبه المساهمين
خل عنكم هالكلام جرد وخرابيط التسويه تتم بالضغط على enter في اقل من ثانيه وسلامتكم

[jassim_007]

قبل لاتفتي و تقول شالفرق اقرى >>>

http://islamqa.info/ar/ref/128923

[Abdullah_89]

للعلم :

البنوك كلها مع الشركات الماليه تغلق أبوابها فقط للعملاء حتى لاتتم اي حركه على الحسابات حتى تسهل عمليه الجرد


وللعلم ان جميع موظفين البنوك الربويه والأسلاميه مداومين عادي ودوام رسمي لكن لايتم استقبال اي عملاء

[الركادة]

هههههههههههههههههه

والله ضحكتني يا خوي
شلفايدة طيب (اجازة راس سنة ) علفتراض انها اجازة
والموظفين مداومين .؟؟؟

السبب ياخوي
حتى لاتتم اي حركه على الحسابات
وبذلك تكون انتهت البنوك سواء ( التقليدية او الاسلامية ) من اعداد الحسابات الختامية لعام 2012

[khalid525]

البنوك الاسلامية والتقليدية تخضع لمعايير المحاسبة الدولية او النظام المحاسبي الموحد ، وهذه المعايير تستخدم السنة المالية الميلادية وهي 360 يوم ، الموضوع ماله علاقة بالتقاليد المسيحية او الاحتفال برأس السنه الميلادي ، واليوم الاخير من السنة يتم فيه الاغلاق المحاسبي .

وكما قالت احدى الاخوات احنا كلنا نعتمد على التاريخ الميلادي ولا حلال علينا وحرام على غيرنا .

[intesar]

الجرد السنوي.. حتى وقود سكرت يوم أو يومين قبل العام الجديد.. أتوقع من أجل الجرد السنوي.. الدولة تعمل بالتاريخ الميلادي..

[R 7 A L]

اعتبرها استراحة محارب
والتقاط أنفاس

[قطرية مثقفة]

اّذا كيف تكون اسلامية والسنة عندهم تنتهي بنهاية السنة الميلادية ؟

مشكور عزيزي على ردك ومشكور ايضا لأنك ضحكتني مع هذا الصباح .

لانها حتى لو كانت إسلامية بس بعد مرتبطة بالأسواق المالية العالمية

[غيور]

لانها حتى لو كانت إسلامية بس بعد مرتبطة بالأسواق المالية العالمية

صباح الخير للجميع,

اليسا من حق كل صاحب حساب في بنك اسلامي باان يحصل على تفاصيل عن وين تروح جميع الفوائد اللتي يأخذونها من المساكين؟ وين الشفافية ؟

متى اخر مرة رحتي المحاكم ؟ كم واحد مرفوع عليه قضية بسبب الفوائد ؟ مادام انهم يقولون حرام فلماذا يقاضونهم عليهم في المحاكم ؟

اخيرا.
كل واحد عقله في راسه يعرف خلاصه.

[بونووف]

سؤال بخصوص الجرد السنوي اللي صار امس ....حاولت اسحب امس الظهر طلع حسابي مكشوف 7600 استغربت اتصلت فيهم اابي اعرف فلوسي وين راحت قالوا من الساعه2 فالليل لين 4 العصر راح يكون ابتديت في سيستم البنك كامل وماتقدر تسوي اي عمليه لين 4 .. صج تعلوزت شوي لكن الفيزا كانت شغاله اوكي مع انها تابعه لل مصرف

..اما بخصوص اخوي صاحب الموضوع انت تكلمت فالبدايه عن الاجازه وليش ماخذين اجاززه وبعدها تبي تعرف شسالفة الفلوس وين تروح .. ليش حاط على البنوك الاسلامه وشايل عليهم كلها عشان ال 5000 اللي خذوها زياده

[حرم النعمه]

من قال انها تسكر .!
احنا موظفات فالبنك وداومنا تاريخ 1/1/2013

وصحيح كان الاغلاق للجرد مش اجازه .!

[ابوعلي]

اخوي هل عندك حساب بالبنك الاسلامي

[للصبر اخر]

هنا مربط الفرس .
انا احترم البنوك الربوية عفوا التقليدية لانها واضحة وصريحة . انا شخصيا اخذت قرض من بنك ربوي واخذ علي فوائد تقريبا 30 الف ريال وطلعت منه وانا اضحك لانه كان واضح معاي ولكن لما حولت بنك اسلامي بعد عدة سنوات اخذت نفس القيمة من البنك الاسلامي واخذ علي فوائد 35 الف ريال ؟

هل تقدر انت شخصيا تأخذ مائة الف ريال من بنك اسلامي وترجعها لهم بنك سنة نفس القيمة ؟ اتحداك .

السؤال لك ماذا تسمي او ليش اخذوا 30 الف ريال زيادة ؟ ماذا تسميها ؟ هل دفعوها للأرامل واليتامى والمحتاجين ؟ وياويلك لو تسميها فوائد والله سوف يطردونك من البنك ويدعون الأمن عليك .

نحنوا في القرن الواحد والعشرين وكفاية خداع والله عيب .

نقطتي واضحة وهي مادامك تدعي الاسلام فلابد بأن تتقيد باالشريعة الاسلامية .

اعتقد موضوعنا اخذ منحنى اخر وهذا ليس موضوعي الاساسي وشاكر لك على سعة صدرك والله يبعدنا من الحرام .

نفس سؤال اخونا المراقب
انت حسابك في وين بالضبط ؟؟
في تناقض في الموضوع

[qatar.syria]

موضوع اغلاق البنوك باخر السنة هو قرار من قبل مصرف قطر المركزي.... وكل البنوك تلتزم به بشكل اجباري ...

[حبر وقرطاس]

نحمد الله على الفساد المنتشر مع ذلك مازلنا نرفع شعار


ثابت على قيمي