الى الادارة العامة للجمارك

[CH Engineer]

السلام عليكم ورحمة الله وبركاته

كلنا نعلم بالضريبة الجمركية (5%) الي تاخذها الجمارك على كل سيارة تدخل قطر بس السؤال ليش حاطين ضريبة جمركيه على السيارات الجايه من دول الخليج مع انها دول مستورده وليست مصدره!!
ابي اعرف كم نسبة الارباح الي تجنيها الجمارك من الضريبة على السيارات الجايه من دول الخليج!!
اذا كان الرقم بسيط ليش مايتم الغاء الضريبة على السيارات الجايه من دول الخليج وبنفس الوقت يصير في توزان بالاسعار ومنافسه كفايه احتكار الوكيل داخل قطر..
المفروض يتم الغاء الجمارك بين دول الخليج او على الاقل البداية بضريبة السيارات لانها ماتحقق شي للجمارك والغاءها يعود بالنفع على المستهلك القطري والخليجي

تحياتي..

[ROSE]

ما فهمت وش تقصد اخوي ،، تقصد اذا شريت سيارة من الخليج

[درع الوطن]

بناءً على القرار الصادر من قادة دول مجلس التعاون بإلغاء الضريبة الجمركية بين دول الخليج تم إلغاء الضريبة ... ولكن ...
تم تغيير المسمى من ضريبة جمركية إلى رسوم وزارة الخارجية ... ليش؟ مادري ....

والعلم عند أهل العلم .... بس ماخذينها ماخذينها ... ماتغير شي ....

[الكبير الله]

في يوم من الايام تسائلت مثلك

وقالولي : ان المستورد في البلد اللي انت اشتريت منها السيارة يجب عليه دفع الضريبة او اعادة تصدير السلعة على ان يتكفل المشتري الجديد في دفع الضريبة في البلد المصدر اليه

[CH Engineer]

ما فهمت وش تقصد اخوي ،، تقصد اذا شريت سيارة من الخليج

اذا شريتي سياره من دوله مجاروه بقيمة 100 الف يجبرونج تدفعين 5000 ريال غير الرسوم والاجرائات والشحن.. 5% من قيمة السياره

[CH Engineer]

بناءً على القرار الصادر من قادة دول مجلس التعاون بإلغاء الضريبة الجمركية بين دول الخليج تم إلغاء الضريبة ... ولكن ...
تم تغيير المسمى من ضريبة جمركية إلى رسوم وزارة الخارجية ... ليش؟ مادري ....

والعلم عند أهل العلم .... بس ماخذينها ماخذينها ... ماتغير شي ....

توني ادري بهالكلام بس بسألك الحين لو شريت سيارة ب300 الف وجبتها الدوحه على اساس ان سعرها 50 الف يمشونها بهالسهوله ولا في موافقه وتحقيق و...

[درع الوطن]

توني ادري بهالكلام بس بسألك الحين لو شريت سيارة ب300 الف وجبتها الدوحه على اساس ان سعرها 50 الف يمشونها بهالسهوله ولا في موافقه وتحقيق و...


من له حيلة فليحتال ..... والأمور ماشية ... أعتقد فهمت

[CH Engineer]

في يوم من الايام تسائلت مثلك

وقالولي : ان المستورد في البلد اللي انت اشتريت منها السيارة يجب عليه دفع الضريبة او اعادة تصدير السلعة على ان يتكفل المشتري الجديد في دفع الضريبة في البلد المصدر اليه


المستورد دفع الضريبه وخلص وبيبيعها لي وهو مستفيد وانا باخذها وبتكفل بنقلها..
في الحاله الاولى يتم دفع الضريبه لانها من خارج دول مجلس التعاون الخليجي
في الحاله الثانيه انا راح انقلها من بلد خليجي لقطر ليش ياخذون مني الضريبه؟
خلك من المستورد انا خذتها وسجلتها باسمي سواء من وكاله او مستعمله من شخص..

[CH Engineer]

من له حيلة فليحتال ..... والأمور ماشية ... أعتقد فهمت

:nice:

[الكبير الله]

المستورد دفع الضريبه وخلص وبيبيعها لي وهو مستفيد وانا باخذها وبتكفل بنقلها..
في الحاله الاولى يتم دفع الضريبه لانها من خارج دول مجلس التعاون الخليجي
في الحاله الثانيه انا راح انقلها من بلد خليجي لقطر ليش ياخذون مني الضريبه؟
خلك من المستورد انا خذتها وسجلتها باسمي سواء من وكاله او مستعمله من شخص..

في حالتك المستورد مادفع الضريبة وخلا الجمرك عليك وفي حال دفع الجمارك في بلد التصدير يختمون على ورقة البيان انه تم دفع الجمرك

(الجمرك لا معاك ولا معاه)

[CH Engineer]

في حالتك المستورد مادفع الضريبة وخلا الجمرك عليك وفي حال دفع الجمارك في بلد التصدير يختمون على ورقة البيان انه تم دفع الجمرك

(الجمرك لا معاك ولا معاه)



تقصد جمرك للتصدير
يعني الدوله الي شريت منها هي الي تاخذ ال5% لان السياره اطلعت من اراضيها؟؟
لا ماتوقع ان هالكلام صحيح ياخذونها اهني على اي سياره والدليل النسبة ثابته لاكثر من جهة

سواء كان الجمرك للتصدير او للاستيراد لماذا لا يتم الغاءه؟

[GENIUS]

روح اوروبا او امريكا . أي بضاعة مستوردة تشتريها من السوق طبعا عليها جمارك محسوبة ضمن سعر البيع اللي انت دفعته وإذا كنت زائر لك الحق في المطالبة برسوم الجمارك وارجاعها لك عند إبراز الفواتير وانت مغادر البلد . على فكرة رسوم الخارجية التي تم ذكرها في الموضوع لا تتعلق بإتفاقية جمركية خاصة بين دول مجلس التعاون ولها قصة ومصدر آخير ولا يمكن ذكره هنا .

[CH Engineer]

روح اوروبا او امريكا . أي بضاعة مستوردة تشتريها من السوق طبعا عليها جمارك محسوبة ضمن سعر البيع اللي انت دفعته وإذا كنت زائر لك الحق في المطالبة برسوم الجمارك وارجاعها لك عند إبراز الفواتير وانت مغادر البلد . على فكرة رسوم الخارجية التي تم ذكرها في الموضوع لا تتعلق بإتفاقية جمركية خاصة بين دول مجلس التعاون ولها قصة ومصدر آخير ولا يمكن ذكره هنا .

في دول اوروبا في سيارات صنع محلي والضريبه لو تم رفعها تدعم السوق المحلي عندهم و يعتمد اقتصاد الدوله على الضرائب
عندنا الحمدلله الخير موجود ولا اتكلم عن الغاء الضرائب للسيارات الجايه من برى الخليج
الغاءها فقط بين دول الخليج لان مافي دوله خليجيه منتجه للسيارات يعني كميه صغيره من السيارات تتحرك بين دول الخليج وفرض الضرائب لا يعود بالفائده الكبيره والعكس الغاءه بيخلق توازن فالسوق الخليجي

[البرونزي]

ياخوي اذا بغيت تستورد سياره او اي بضاعه من دول الخليج
لازم اخذ ورقة مقاصه ومختومه من الدوله المستورده منها البضاعه
على اساس الجمارك القطريه تاخذ منك ورقة المقاصه وتطالب
بنسبه من الرسوم الجمركيه من الدوله المصدر منها البضاعه
اذا طبقت هذا الاجراء ماراح تدفع رسوم جمركيه 5%
أما اذا ماخذت هالورقه فلازم تدفع الرسوم
واتوقع انك غلطت او ماكان عندك علم وماطلعت ورقة المقاصه
وخذوا منك رسوم ان شاء الله انك فهمت الموضوع

[CH Engineer]

ياخوي اذا بغيت تستورد سياره او اي بضاعه من دول الخليج
لازم اخذ ورقة مقاصه ومختومه من الدوله المستورده منها البضاعه
على اساس الجمارك القطريه تاخذ منك ورقة المقاصه وتطالب
بنسبه من الرسوم الجمركيه من الدوله المصدر منها البضاعه
اذا طبقت هذا الاجراء ماراح تدفع رسوم جمركيه 5%
أما اذا ماخذت هالورقه فلازم تدفع الرسوم
واتوقع انك غلطت او ماكان عندك علم وماطلعت ورقة المقاصه
وخذوا منك رسوم ان شاء الله انك فهمت الموضوع

ورقة المقاصه وين احصلها في أي وزاره وتحت اي ادارة

[عضو قديم]

انا من شهر شاري موترين من دبي كل موتر قيمته 300 الف واخذت ورقه المقاصع من وكالة الجمس ودخلت المواتر بدون لا ادفع اي ضريبة اللهم رسوم فقط يمكن ما تتعدى 300 ريال

[وحيد-الشوق]

المواتر الخليجية ماعليها رسوم من موديلات السنة او قبلها

[بوخليفة3]

اخوي مافي شي اسمه رسوم بين دول المجلس

الموضوع كالتالي :

لما تاخذ سياره من الامارات مثلا وتبي تصدرها الى قطر تروح الى ادارة الجمارك عندهم وتاخذ ورقه اسمها المقاصه هذي تعفيك من الرسوم في دولة المقصد النهائي اللي هي قطر
والمقاصه عباره عن شهاده ان رسوم البضاعه اندفعت في نقطه الدخول الاول اللي هي الامارات وبعدين قطر تطالب الامارات بهالرسوم --- يعني ماتدفع بس لازم موديل السياره مايتعدى سنتين من السنه اللي انت فيها ... واتمنى اني وضحت لك

[بونووف]

اذا شريت سياره موديل السنه ومن الوكاله في الخليج تقدر تطلب ايصال جمركي ..انه السياره اوردي متجمركه من الوكاله وامورك تمام وماراح تدفع فالجمارك

[CH Engineer]

انا من شهر شاري موترين من دبي كل موتر قيمته 300 الف واخذت ورقه المقاصع من وكالة الجمس ودخلت المواتر بدون لا ادفع اي ضريبة اللهم رسوم فقط يمكن ما تتعدى 300 ريال


المواتر الخليجية ماعليها رسوم من موديلات السنة او قبلها


اخوي مافي شي اسمه رسوم بين دول المجلس

الموضوع كالتالي :

لما تاخذ سياره من الامارات مثلا وتبي تصدرها الى قطر تروح الى ادارة الجمارك عندهم وتاخذ ورقه اسمها المقاصه هذي تعفيك من الرسوم في دولة المقصد النهائي اللي هي قطر
والمقاصه عباره عن شهاده ان رسوم البضاعه اندفعت في نقطه الدخول الاول اللي هي الامارات وبعدين قطر تطالب الامارات بهالرسوم --- يعني ماتدفع بس لازم موديل السياره مايتعدى سنتين من السنه اللي انت فيها ... واتمنى اني وضحت لك


اذا شريت سياره موديل السنه ومن الوكاله في الخليج تقدر تطلب ايصال جمركي ..انه السياره اوردي متجمركه من الوكاله وامورك تمام وماراح تدفع فالجمارك

يعطيكم العافيه ماقصرتوا

[رُفق المجنّا]

حق للدولة لحماية سوقها المحلي ، وإلغاء رسوم الجمارك بين دول الخليج يهدد مصلحة السعودية في المقام الاول واللي تشترك مع دول الخليج بمنافذ برية ( باستثناء عمان كما اعتقد )

[بوعيسى]

السلام عليكم

رد الادارة العامة للجمارك على موضوع رسوم السيارات في جريدة الوطن

http://www6.0zz0.com/2013/01/03/06/257897033.jpg (http://www.0zz0.com)

نشكرهم على تفاعلهم وردهم على الموضوع

[CH Engineer]

السلام عليكم

رد الادارة العامة للجمارك على موضوع رسوم السيارات في جريدة الوطن

http://www6.0zz0.com/2013/01/03/06/257897033.jpg (http://www.0zz0.com)

نشكرهم على تفاعلهم وردهم على الموضوع

بوعيسى ماقصرت على النقل المتميز وكل الشكر لجريدة الوطن للمتابعة والاهتمام