قلة أدب

[جوال 11]

أسمحوا لي على العنوان لكن هذا التصرف يدل على عدم أحترام الآخرين .
كنت في موقف أمام المحلات التي بجانب محطة البترول عند الجوازات لمراجعة البنك وعندما رجعت للسيارة واذا بهذا الشخص يصف خلف سيارتي ويفقل السيارة فقلت له حرك سيارتك فأزال سيارته دون أعتذار أو غيره وبعد يوم كنت في موقف بجانب برجر كنج المرخية وعندما أتيت الى السيارة واذا بسيارة خلف سيارتي ويوجد في السيارة سيدة من الجنسية الأسيوية وسالتها اشارت بان السائق داخل المطعم وشاهدته فقلت له حرك سيارتك وليش واقف بهذه الطريقة شوفوا الرد قال أنت غير موجود في السيارة وصلت الجرأة عند بعض الناس للأستهتار بالقوانين أنا مواطن لا أ ستطيع عمل هذه الافعال .
يا ترى الاستهتار بقوانين المرور وعدم احترام الناس ما هو سببه ؟.

[حبر وقرطاس]

انت لو راد عليه بالريوس

كان الخطا لابسه من ساسه لراسه تصدق والا ماتصدق؟

[حميداني]

بس سؤال في بالي يطرح نفسه

هالاشخاص الي اغلطو , انت كيف عاملتهم ؟
هل عاملتهم باحترام وازدروك ام عاملتهم بقلة احترام لما توقعته يرد عليك بمعاملة ملك كبديل

صدق او لا تصدق
الناس لها ظروف ويمكن البعض ما شافك وعنده شغله ضروريه وما لقى موقف
والبعض ممكن ما يطول حتى دقايق يخلص الي يبي يسويه ويطلع
البعض يغلط ويسويها

ادري ان موقف يوتر لكنه يصير , فلازم توسع صدرك وتكون عندك مرونه ولباقه اكثر حتى في هذي الظروف
وعامل الناس مثل ما تحب انهم يعاملوك

ان هو غلط وما بغيت تسامح عندك المرور والقانون
اتصلهم ويخلص موضوعك وذاك يتعاقب ان طول
اما تقلب الدنيا فوق تحت على شي تافه , فاعذرني اقولك انك صج ما عندك سالفه

بالتوفيق

[khaldoon]

انت لو راد عليه بالريوس

كان الخطا لابسه من ساسه لراسه تصدق والا ماتصدق؟

لا والله يا اخوي اسمحلي ما اصدق لانه اي رجوع للخلف بيكون الحق عليك

[MAZEN37]

انا التمس العذر للناس ةاصبر شوي وما وتر نفسي
وكل انسان واخلاقه تعود عليه
اصلا لا تفكر فيه ما يستاهل

[khaldoon]

اخوي العزيز راعي الموضوع.... تصدق لو قلت لك انه يكون في صف طويل جدا من السيارت المتوقفه بالمواقف على طول الشارع و دائما الاقي سيارة واقفة خلف سيارتي انا بس ... ما اعرف اشلون.... كأن فيها مغناطيس يجذبهم و يخليهم يوقفون وراها دونا عن باقي السيارات

خلها على ربك يا اخوي

[بوحمد111]

كل شخص وله اسلوبه في التعامل مع مثل هذه المواقف

ومن عفى واصلح فأمره الى الله

خل روحك رياضية ولا تتعصب من هذه الافعال

تحياتي

[خليفـة]

الأدب والأخلاق .. والرقي في التعامل مع الناس لا جنسية لهم

قد يكون أي شخص محترم وخلوق
وقد يكون أي شخص غير محترم وغير خلوق

الله يهدي ويصلح حال الجميع

خليفــة

[Super Cool]

بسيطة....ارجع على موترة بقلص النيسان اعطيه ضربة من الزين و بعدين اتصل فالمرور ابلغ ولا كني سويت شي

مثل ما هو عنده ظروف هم احنى عندنا ظروف و اللي ما احترمنا من الاساس ليش احنى نحترمه؟ اقلها يخلي الموتر شغال علشان نحرك موتره شوي و نمشي اما شفت موتر مطفي وراي.....اوعده و احلفله ان بيرجع و يلاقي في موترة ضربه و خله يقول للمرور كنت مسكر عليه و دعمني ما عندي مانع

[shaikhaaaa]

بصراحة مثل ما أحنا ندور مواقف وما نحصل ونظل ندور ساعة وإلا ساعة ونص عشان حد يطلع ليش هم ما يسوون نفس الشي بس هم اللي مستعيلين ألحين كل الناس مستعيلة واللي موقف سيارته ساعة أو ساعة ونص وموهق الأوادم شنقول له يعني يحط سيارته وراي ساعة أو ساعة ونص وأقول عليه مستعيل ، صادفني هالموقف مرة في شارع حمد الكبير عند البنوك من الخلف تميت أحوط على موقف أكثر من ساعة عشان ما أوقف ورا حد وأعطله لأني ما حب هالحركة ويمكن أتأخر في البنك المهم طلعت بعد ربع ساعة وإلا واحد واقف وراي وأنطر يجي ربع ساعة نص ساعة ساعة ما جه المهم بعد ساعة ونص وإحنا واقفين في الشمس والحر اتصلنا بالمرور وجابوا برجدون حرك السيارة وهو للحين ما طلع تخيلوا شهالإستهتار بالناس ومشاغلهم إنت عندك شغل والناس بعد إنت مستعيل ليش تعطل الناس وانت ما تعرف ظروفهم

[المجدم]

إنما بعثت لأتمم مكارم الأخلاق ، والصبر والتسامح من حسن الأخلاق والتمس لأخيك عذرا

[Qt.1]

أسمحوا لي على العنوان لكن هذا التصرف يدل على عدم أحترام الآخرين .
كنت في موقف أمام المحلات التي بجانب محطة البترول عند الجوازات لمراجعة البنك وعندما رجعت للسيارة واذا بهذا الشخص يصف خلف سيارتي ويفقل السيارة فقلت له حرك سيارتك فأزال سيارته دون أعتذار أو غيره وبعد يوم كنت في موقف بجانب برجر كنج المرخية وعندما أتيت الى السيارة واذا بسيارة خلف سيارتي ويوجد في السيارة سيدة من الجنسية الأسيوية وسالتها اشارت بان السائق داخل المطعم وشاهدته فقلت له حرك سيارتك وليش واقف بهذه الطريقة شوفوا الرد قال أنت غير موجود في السيارة وصلت الجرأة عند بعض الناس للأستهتار بالقوانين أنا مواطن لا أ ستطيع عمل هذه الافعال .
يا ترى الاستهتار بقوانين المرور وعدم احترام الناس ما هو سببه ؟.

بيض الله وجهك هذا كان ردي في احد المواضيع وفي ناس افهمتني غلط , بمعنى اني اقول عادي المواطن يخطي ويخالف والمقيم لا ليخالف , والقصد لا القانون على الكل مافي مواطن ولامقيم القانون يمشي على الكل , ولكن كمقيم يمكن على الاقل احترم البلد وماقعد اخالف واضرب القانون عرض الحائط ! , لكن للاسف الي لاحظته ان بعض المقيمين ماعاد يفتكرون بقانون البلد والله ايخالف ويلف عليك ويلف قدامك عيني وعينك كانه ايقول اشبسوي روح انت وقوانينك !! وانا عن نفسي اتكلم عن نفسي شخصيا والله اني ماسوي الي ايسويه المقيم في الشارع , احس اني اخالف القانون وهالشي غلط , لكن المثل قال , ياغريب كن اديب , والظاهر المثل تغير مع الوقت !

[رجل الجزيرة]

كل شخص وله اسلوبه في التعامل مع مثل هذه المواقف

ومن عفى واصلح فأمره الى الله

خل روحك رياضية ولا تتعصب من هذه الافعال

تحياتي


أتمنى لو سوى مثل واحد من الربع:

كان واقف على دوار المنطقة الصناعية في موتره الفي إكس أر وقدامه أمريكي والأمريكي طول وهو واقف على الدوار والدوار فاضي فدقه له هرن شوي إلا طلع صبعه بالإشارة الوصخة من الدريشة ويعطي موتره الدبل العود ويدفه بالصادم لين نص الدوار وطنش له.

:)

[7llo]

ياخوي لو موترك فورويل لو راد عليه ريوس كنت بطير له موتره وبيتعلم.. والله اني مركب رمانه شطولها حق المناحس والناس الي نفس جي

[عيون الدوحة]

عادي وايد تصير عندنا بسبب التخطيط العشوائي للمواقف وعدم كفايتها
بعد كم سنة يتشوق الناس تصف صف ثاني وصف ثالث مثل حال مصر

[R 7 A L]

السبب إخوانا في المرور
ماعاد لهم هيبه ولا رهبة
كلمتين مع اي ضابط في المرور وأمورك ميه بالميه

[نوفة قطر]

هو تصرف يرفع الضغط بس هو وااايد يصير لما يجي شخص عارف انه بينزل دقيقه وبيرجع يعني دكان خباز شي جذي

يمكن قلة ذوق منهم ان ما عتذروا لك .. بس وايد تصير هالحركه سواء من مواطنين والا مقيمين

بعد اذا هاي جو وحركوا في غيرهم ينقعونك :nice:

...

اذكر مره رحت مكان ع اساس بنزل اقل من ربع ساعه وارجع .. رجعت والا سياره واقفه وراي وصاكه علي مافي امل اطلع ... وتخيلوا ان هالربع ساعه صارت 5 ساعات تقريبا مدة دوام كاااامل

نزلت فالمكان اللي انا جايته وظليت قاعده انتظر متى راعي السياره يجي :rolleyes2: ويوم نفذ صبري واتصلت الشرطه قلت ان في سياره مخالفه و واقفه وراي والا بجية راعية السياره طلعت وحده

نزلت وانا جي :anger1: الا تمت تعتذر وتقول هاي سياره اجار ولا تشتكين علي وبليز ومن هالكلام وسامحتها مع انها نقعتني من قللللللللللللب ><


....

تعقيبا ع رد اخوي اللي قال ارجع ريوس عليه وبيكون هو الغلطان

انا اخوي مره طالع من الموقف وريوس على سياره ماره بالخطأ ما انتبه وطلع هو الغلطان قالوا له اللي يطلع من موقف لازم ينتبه ع اللي وراه :victory:

واصلا اخلاقيا اذا احنا نتكلم في الموضوع من باب ننادي بالاخلاقيات .. اكيد مايصير تريوس ع احد وراك حتى لو غلطان

-

[CH Engineer]

عادي كلمه يحرك موتره وخلاص كلها الا 10 ثواني
مره صارت لي ولا حصلت الي صف وراي
اتصلت فالشرطة ولا حركت الا لين عطوه المخالفه وصوروا موتره

[أبو بكر سالم]

انا صارت لي هل الحركة اتصلت ظ©ظ©ظ© وعطيتهم رقم السياره هم بدورهم اتصلوا مشكورين براعيها وحضر في الحال

[النهار]

تصير وانت واقف تجي سياره وتوقف خلف سيارتك والسائق في السياره والمدام داشه المحل يشوفك وانت راكب الموتر يطالعك ويصد لوحرك لازم يلف له لفه كامله صارت معاي دقيت له هرن اخوك اصمخ ترى المدام قالت له لاتحرك ولاعليك من حد قلت امد يدي عليه واصير انا الغلطان دقيت على واحد من الربع في الاخويا قلت انت وين قال انا الحين في الدوريه في مدينة خليفه حددت المكان عندالجوازات 5 دقائق الاهو عندي قلت شوف هالمنظر صار لي نصف ساعه اقوله حرك واخوك اصمخ الا اشوف المدام يوم شافت الدوريه جات تركض لاوتكذب تقول توه ماصار لنا حتى 3 دقائق رد عليها والوكيل الريال متصل من ربع ساعه فيني وانت تقولين توه عموما صكه ذيك المخالفه والله مدري كم

[حميداني]

انا صارت لي هل الحركة اتصلت ظ©ظ©ظ© وعطيتهم رقم السياره هم بدورهم اتصلوا مشكورين براعيها وحضر في الحال

:) خوش حل , صج ما طرى على بالي
الله يقويك ياخوي ابوبكر

[حميداني]

تصير وانت واقف تجي سياره وتوقف خلف سيارتك والسائق في السياره والمدام داشه المحل يشوفك وانت راكب الموتر يطالعك ويصد لوحرك لازم يلف له لفه كامله صارت معاي دقيت له هرن اخوك اصمخ ترى المدام قالت له لاتحرك ولاعليك من حد قلت امد يدي عليه واصير انا الغلطان دقيت على واحد من الربع في الاخويا قلت انت وين قال انا الحين في الدوريه في مدينة خليفه حددت المكان عندالجوازات 5 دقائق الاهو عندي قلت شوف هالمنظر صار لي نصف ساعه اقوله حرك واخوك اصمخ الا اشوف المدام يوم شافت الدوريه جات تركض لاوتكذب تقول توه ماصار لنا حتى 3 دقائق رد عليها والوكيل الريال متصل من ربع ساعه فيني وانت تقولين توه عموما صكه ذيك المخالفه والله مدري كم

الحركه الي سواها قمه في الوقاحه
وشوي عليه مخالفه والله

[بـارود]

مثل هالحركات تصير وايد
السبب يرجع الى قلة المواقف

في رايي ؛

اذا الشخص الغلطان صف سيارته ورا سيارتي ونزل يشتري غرض بسيط من الدكان أو المكتبة
هاذي ما فيها شي وبتعاطف معاه وبسامحه لو ما اخرني وايد

أما يجيك شخص يصف وراك وتهرن له وكل العالم يلتفتون له هذا اعتبره شخص عديم الشعور و وجه بليته لا والمشكلة البعض يجيك وده يتهاوش والله قواة عين يعني فوق غلطته ما يعتبر نفسه غلطان !

خلوها على الله :(

[تاسيتوس]

بالفعل قل الذوق في الشوارع بشكل كبير .

[غزلان]

من كم يوم عند دوار القوس الصبح سياره ورانا والله انه ماوقفت الهرن تبينا نمشي داخل الدوار والمشكله كل السيايير واقفه لأن الدوار زحمه السواق يتلفت يحسب السياره فيها شي او ان الباب مفتوح كل شي اوكيه شوي الا توقف بصف سيارتنا وتأشر على لدريول تهاوشه ليش ماتدخل بالدوار طلعت وحده تسوق امي قالت للسايق التفت الجهه الثانيه لاتطالعها خلها تصارخ بروحها

[الخزرجي قطر]

التمس العذر وخذ الامور ببساطه
كان الواجب مايسكرعليك لكن مهو العمل
القياده فن وذوق واخلاق