استشاره عساها في ميزان حسناتكم

[مليونير قادم]

السلام عليكم ورحمه الله وبركاته

اخواني اهل الخبره واللي ان شالله ماراح يبخلون علي با استشارتهم

الموضوع لقيت سجل تجاري واطلعت على النشاط وهو كا الاتي

1-مقاولات
2-بيب فيتر
3-مواد البناء
4_تجاره الاعلاف
5-الموادالصحيه
6-والمواد الكهربائيه

7-والاغنام الحيه

الله لايهينكم ابي منكم النصيحه لاتخلون علي وماخاب من استشار

ووالبايع عنده ختم الشركه هل يقدر اذا الله وفق وشريت السجل يعمل عنده الختم وكيف احتاط واحمي نفسي وشركتي

السجل يبي فيه 20,000


انتظر منكم النصيحه

[bu shhab]

وعليكم السلام ورحمة الله وبركاته

اخوي بالنسبه للسعر هذا شأنك مع صاحب السجل

اما احتياطاتك

الاكيد مالك الشركه او صاحبها بتغير فمن الطبيعي بتغير شهادة المنشاء

وشهادة المنشأ بيكون عليها من هو مخول بالتوقيع + الختم المعتمد

وهذا الختم اللي بيكون على شهادة المنشأ والمخول بالتوقيع هما المعتمدين بكل المعاملات

وبالتوفيق ان شاء الله

[مليونير قادم]

الله يرحم والديك اخوي بوشهاب

بس سؤال معليش اعذرني المنشاء شلون المنشاء

تحيه لك

[مليونير قادم]

للرفع

[KhalidQ]

الختم اي مطبعه تسوي لك ختم و ترى سعره اوكيه اشتريه و شيك على البنوك
المحليه لتأكد ان الشركة ما عليها التزامات و روح المطبعه وسوى لك ختم
و ريح بالك

[bu shhab]

اخوي شهاده المنشأ هذه اتسويها وتخلصها اخر شي بالجوازات

هي عباره عن الختم المعتمد والتوقيع المعتمد وغيره يكون لاغي

وفي كل مكان تكون مطلوبه للتدقيق على توقيع المعتمد والختم كذلك

[مليونير قادم]

هلا اخوي سنك الله يجزاك خير

وعساك على القوه

لكن المشكله هو الخوف ليكون عليها اللتزامات بشيكات بتاريخ معين يعني سنه سنتين

وطيح في راسي كيف اتاكد ان مافي اللتزامات ماليه يعني اقدر اخذ اوراق ثبوتيه من محكمه الخ بتاريخ اللي احولت الشركه با اسمي ان كل الالتزامات الشركه بعد التاريخ لايلزمني ولا راح يضرني لو مثلا حصل شيكات قبل استلامي الشركه

اعذروني لاهنتو

[مليونير قادم]

هلا اخوي بوشهاب جزاك الله خير

وعساها في ميزان حسناتك وونفس الاسئله االمطروحه على سنك

تحيه لك

[حمد]

اخوي المليونير

الي اعرفه ان في بند بالعقد الموجود بوزارة الاقتصاد ( عقد البيع ) وهو الي عليه توقع انت بصفتك المشتري اضافة للبايع صاحب الشركه ... نص هذا البند :

يقر الطرف الاول ( البائع ) ان الشركه اوالمحل المباع منه ليش مدينا بأي دين او محملا بأي حق من حقوق الغير ، وانه يتحمل كافة الالتزامات الخاصة بالمحل حتى تاريخه ( يعني تاريخ البيع ) .... نقل بتصرف .

واعتقد ان اي حد يطالبك بشيكات قديمه ولا اي من هذا القبيل ... تقدر تراويه العقد .

وانصحك انك تراجع محامي متخصص افضل لك .

الله يوفقك

[بو سالم]

السلام عليكم ورحمة الله وبركاته


عندي سؤال لك قبل أن أجاوب


هل من الضروري شراء سجل ؟؟؟
ليش ما يطلعون سجل جديد بهذي المواصفات

والا لأن في عليه عمالة جاهزة

أرجوا الإفادة