يبا حبيبي !!

[المهاجر]

ترسل لك ابنتك الصغيره هالرساله

يبا حبيبي بنات عمتي وبنات فلان وفلانه ورفيجتي الفلانيه وبنت فلان حاجزين استراحه باليوم الفلاني

في المكان الفلاني وشوف انت اللي يريحك واتمنى إنك ماتردني:shy:


وتقولك عمتي بتكون معانا

لو بنتك ارسلت لك هالرساله شلون بتتصرف وشبترد عليها :omen2:

[R 7 A L]

بما ان عمتها معها
بوافق انها تروح

[مشاكل]

بالعب فيهم كونج فو ،،، هي وعمتها :omen2:

[حسن]

متابع ولا ضيف شرف

[المهاجر]

بما ان عمتها معها
بوافق انها تروح


حتى لو كانت الاستراحه بعيده وما في معاهم رجال؟

[حميداني]

أول شي اتصل على عمتها وازفها ان كان الكلام صج , المشكله الي تبط الجبد انها تامن بنات الناس الغرب في مثل هالاماكن البعيده
الي الله اعلم وش فيها وما فيها من غير حد يصد عنهم الاذى

طبعاً برفض ان بنتي وعمتها يروحون بروحهم يقعدون اهناك
برد عليها بكل بسطاه , لو واحد من هالهيلق طب عليكم السور وقام يسوي فيها ... وش بتسوين ؟
لا يكثر , ماكو طلعه انثبري انتي وعمتج

[النهار]

بما ان عمتها معها
بوافق انها تروح


مش في الاول اعرف من هم رفيجاتها الي تتكلم عنهم نخلي عمتهم على صوب مو شرط العمه تكون اكبر من البنت في العمر مره اشوف واحد من الربع عمره 28 سنه ومعاه واحد يمكن 13 او 14 سنه سألته من الاخ يامعرفته هاي عمي عبدالرحمن ( بنات في ستراحه بروحهم ومامعاهم حد كبير في العمر لاوالف لا )

[المهاجر]

بالعب فيهم كونج فو ،،، هي وعمتها :omen2:


:omg:

مب لهالدرجه اخوي البنت ارسلت لك تاخذ رايك

بكل ود واحترام والمفترض اتكلم معاها باسلوب الاقناع

اذا كنت غير موافق واقنعها بوجهة نظري او اني اقتنع واوافق

يعني اللي ابيه طريقة التحاور مع البنت


يعطيك العافيه اخوي

[المهاجر]

متابع ولا ضيف شرف


بوعلي قول قول مانبيك ضيف شرف

[يوسف0]

مابرد وانتظرها لين تقابلني وجه بوجه ويصير خير بعدين:omen2:

[flourish]

بروح معاهم حارس على الاستراحة :) وبعين حسابنا مع العمة :)

[al_maystro]

اولا مثل هالموقف ما اقبله كأب مثل هالامور لازم تكون بيني وبين بنتي مع امها واناقشها هذا اولا ثانيا لو بتروح ما تطلع الا مع امها رجلها على رجلها وما اسمح لا للعمة ولا للخالة التدخل في امورنا الشخصيه .
ما ضيع البنات اللي مثل هالامور تذكرت اب يقولي مرة لو غلطت بنتي غلطه بسحبها من الجامعه وبعدها بالبيت
قلت له البنت اصلا حياتها معلقه على غلطة فالتربيه مب سهلة واللي يظن انها سهلة ما اعتقد انه ربى

[ريم 28]

لازم معهم رجال مثل عم بنتي موجود بعد
بنات بروحهم كأم طبعا بخاف عليهم وبقنعها باللين لان العمه مب رجال والمكان غير امن

والثقه موجوده في العم لله الحمد

ولو خال بعد بوافق حتى لو تسافر معاهم مب بس استراحه

بس بنتي الحين عمرها 6 سنوات بس الله يحفظها من كل شر.
من الحين بنام بيت خالي او بيت عمي او خالتي

موضوعك للاب بس انا قلبته للام شنسوي ملل. :weeping:

وادري ان الشور مب عندي عند ابوها بس اعرف ابوها بيقول انا باخذج لهم ما يقصر الله يحفظه ويبارك فيه ولا يكسر بخاطرها ابدا

شكرا لموضوعك

[حميداني]

لازم معهم رجال مثل عم بنتي موجود بعد
بنات بروحهم كأم طبعا بخاف عليهم وبقنعها باللين لان العمه مب رجال والمكان غير امن

والثقه موجوده في العم لله الحمد

ولو خال بعد بوافق حتى لو تسافر معاهم مب بس استراحه

بس بنتي الحين عمرها 6 سنوات بس الله يحفظها من كل شر.
من الحين بنام بيت خالي او بيت عمي او خالتي

موضوعك للاب بس انا قلبته للام شنسوي ملل. :weeping:

وادري ان الشور مب عندي عند ابوها بس اعرف ابوها بيقول انا باخذج لهم ما يقصر الله يحفظه ويبارك فيه ولا يكسر بخاطرها ابدا

شكرا لموضوعك

ومنو يكوك الابو ان راضي ويخرب غير مرته
كبرنا وتعلمنا
:weeping:

[ms-qtr]

لو ان العمه كبيرة وعاقلة
عادي ما فيها شي
في ايدي امينة

[ريم 28]

ومنو يكوك الابو ان راضي غير مرته
كبرنا وتعلمنا
:weeping:

:nice:

ضحكتني والله

المشكله مع طلبات البنت الام هي الضحيه تنجبر على التجمعات وامور كثيره

ما راح اكوكه بس بقنع بنته عل وعسى تقتنع :anger1:
لو على ابوها الله يحفظه مستعد للتضحيات لا تنسى هذه فلذة كبده.

[المهاجر]

أول شي اتصل على عمتها وازفها ان كان الكلام صج , المشكله الي تبط الجبد انها تامن بنات الناس الغرب في مثل هالاماكن البعيده
الي الله اعلم وش فيها وما فيها من غير حد يصد عنهم الاذى

طبعاً برفض ان بنتي وعمتها يروحون بروحهم يقعدون اهناك
برد عليها بكل بسطاه , لو واحد من هالهيلق طب عليكم السور وقام يسوي فيها ... وش بتسوين ؟
لا يكثر , ماكو طلعه انثبري انتي وعمتج


الشق الاول من كلامك بخصوص زف العمه هل تعتقد ان مجدي وبعدين اذا كانت العمه متزوجه وزوجها موافق وهي مب صغيره فهل لي الحق ازفها ؟

اعتقد هالزمن ولا وراح الحين إما تقنعني أو اقنعك
يعني ممكن اتصل حق عمتها واتكلم معاها بالتفاهم وإن هالمكان خطر عليكم ولازم يكون معاكم رجال

إن ردت علي واقتنعت كان بها وإن ما اقتنعت مالي إلا اقول لها مره ثانيه لاتقولون حق بنتي انكم بتروحون مكان وهنا ممكن يصير زعل وخلاف وقطيعه


بالنسبه للشق الثاني كلامك صحيح ولازم اقعد مع البنت وافهمها إن هالشي غلط وخطر عليكم

بس لابد أن اعوضها بأني اطلعها وأوديها ولو لزم الأمر احجز لهم استراحه وأوديهم بنفسي

بس الكلمه الاخيره مش معاك فيها ومالها داعي ابد اني اتلفظ بهالكلمات لها واكيد بيكون لها أثر سلبي في نفسها


زمنا تغير عن أول

شاكر مرورك اخوي

[روح الاطلس]

بقولها حبيبتي اي مكان تبينه حاضرين بس بشرط وجود محرم هاتي محرم وياكم وابشري :)


لكن لو البنت اصلا متعوده تطلع اماكن عامة بدون محرم اهني الموضوع يخرج من اطار موقف الى اطار اخر يحتاج الى مراجعه كامله ووقفه لاسلوب التعاطي مع البنت

[المهاجر]

مش في الاول اعرف من هم رفيجاتها الي تتكلم عنهم نخلي عمتهم على صوب مو شرط العمه تكون اكبر من البنت في العمر مره اشوف واحد من الربع عمره 28 سنه ومعاه واحد يمكن 13 او 14 سنه سألته من الاخ يامعرفته هاي عمي عبدالرحمن ( بنات في ستراحه بروحهم ومامعاهم حد كبير في العمر لاوالف لا )


واذا البنات عاقلين ومحترمات والعمه كبيره

هل بتوافق يرحون بدون رجال معاهم ؟

[المهاجر]

مابرد وانتظرها لين تقابلني وجه بوجه ويصير خير بعدين:omen2:


شبيصير اذا قابلتها هذا اللي نبي نعرف:omen2:

شلون بيكون تصرفك معاها

[R 7 A L]

حتى لو كانت الاستراحه بعيده وما في معاهم رجال؟

اذا كلها نساء يختلف الوضع

[المهاجر]

بروح معاهم حارس على الاستراحة :) وبعين حسابنا مع العمة :)


هذا حل حلو

لكن كل مره بتقولي باروح اروح انا حارس لهم :rolleyes2:

[R 7 A L]

مش في الاول اعرف من هم رفيجاتها الي تتكلم عنهم نخلي عمتهم على صوب مو شرط العمه تكون اكبر من البنت في العمر مره اشوف واحد من الربع عمره 28 سنه ومعاه واحد يمكن 13 او 14 سنه سألته من الاخ يامعرفته هاي عمي عبدالرحمن ( بنات في ستراحه بروحهم ومامعاهم حد كبير في العمر لاوالف لا )


بما ان المكان بعيد ولامعهم رجال غيرت رأيي

[Aaziz]

لهالسبب كانو العرب في الجاهليه يوئدون البنات :tease:

الله يخليلكم اولادكم، بالنسبه لي اذا المكان اعرفه و واثق فيه من ناحيه الامان مع وجود نساء كبار ثقات بوافق.
و اذا ما ارتحت بقول للبنت ماني مرتاخ و اخاف عليكم من هذي الاماكن.
اعزمي الي تحبين في البيت و مالج الي الي يجهز لج الي تبين في البيت.

اذا مافاد عطها سلوقا :nice:

[Engineer]

السلام عليكم ورحمة الله وبركاته
عن نفسي و من وجهة نظري ارفض انها تروح و انا اللي احجز استراحة و اخذها مع عمتها و البنات اللي يقربون لها و نعرف اهاليهم
وشكرا

[حميداني]

الشق الاول من كلامك بخصوص زف العمه هل تعتقد ان مجدي وبعدين اذا كانت العمه متزوجه وزوجها موافق وهي مب صغيره فهل لي الحق ازفها ؟

اعتقد هالزمن ولا وراح الحين إما تقنعني أو اقنعك
يعني ممكن اتصل حق عمتها واتكلم معاها بالتفاهم وإن هالمكان خطر عليكم ولازم يكون معاكم رجال

إن ردت علي واقتنعت كان بها وإن ما اقتنعت مالي إلا اقول لها مره ثانيه لاتقولون حق بنتي انكم بتروحون مكان وهنا ممكن يصير زعل وخلاف وقطيعه


بالنسبه للشق الثاني كلامك صحيح ولازم اقعد مع البنت وافهمها إن هالشي غلط وخطر عليكم

بس لابد أن اعوضها بأني اطلعها وأوديها ولو لزم الأمر احجز لهم استراحه وأوديهم بنفسي

بس الكلمه الاخيره مش معاك فيها ومالها داعي ابد اني اتلفظ بهالكلمات لها واكيد بيكون لها أثر سلبي في نفسها


زمنا تغير عن أول

شاكر مرورك اخوي

عاد الله يهديك , عمتها شنو

عمتها اختي ... اموون عليها ومايكون هواش بالصوره الي انت متصورها يالمهاجر كهواش وصراخ

هو اكثر واقرب لــ ... ياخي نسيت الكلمه

الكلمه خليط من تذكير على حن على شلون تاخذين معاج يهال الناس امانه واتروحين بروحج
يعني .. هو تأنيب شي على حرص و خوف

الكلمه والله توها عالقه ما أدري شلون افرطت ...



علاقة كل واحد باهله واقاربه تختلف من شخص لاخر وهالامور على حسب الطريقه والاسلوب

وتعليقاً على ردك

"
اعتقد هالزمن ولا وراح الحين إما تقنعني أو اقنعك
يعني ممكن اتصل حق عمتها واتكلم معاها بالتفاهم وإن هالمكان خطر عليكم ولازم يكون معاكم رجال "

اوافقك هو عادي ان ما كان لي مزاج للمزح معاها اكلمها بروقان واقولها لا لا تروحون ومو مشكله ناخذ ونعطي ويا بعض ..

" إن ردت علي واقتنعت كان بها وإن ما اقتنعت مالي إلا اقول لها مره ثانيه لاتقولون حق بنتي انكم بتروحون مكان وهنا ممكن يصير زعل وخلاف وقطيعه "

اختلف معاك الا العكس

اهني العمه بتحط بخاطرها لما تكون انت بهالجديه , كأنك اتوصل رساله خفيه انه ابعدي عن البنت انتي قدوه سيئه لها وماكو ثقه بيني وبين اختياراتج لبنتي

خلهم يقولون لها , راعي الكلمه الاولى والاخيره على البنت هو انا ابوها
لو يروحون المريخ على راحتهم بس ان انا مب راضي البنت ما تطلع

واشوفها دلع زايد ان الياهل كل ما شافت بنات عمها او ربعها يروحون مكان لازم تروح وياهم او مثلهم
اوديها ان بغيت ومب واعدها بشي ولا قايلها , بس بطيب خاطرها بطريقه ثانيه


الجمله الاخيره الي تطرقت لها
اقولها باسلوب مزح , مش بعصبيه وجد مثل ما انت متخيلها يالمهاجر

بالتوفيق

[المهاجر]

اولا مثل هالموقف ما اقبله كأب مثل هالامور لازم تكون بيني وبين بنتي مع امها واناقشها هذا اولا ثانيا لو بتروح ما تطلع الا مع امها رجلها على رجلها وما اسمح لا للعمة ولا للخالة التدخل في امورنا الشخصيه .
ما ضيع البنات اللي مثل هالامور تذكرت اب يقولي مرة لو غلطت بنتي غلطه بسحبها من الجامعه وبعدها بالبيت
قلت له البنت اصلا حياتها معلقه على غلطة فالتربيه مب سهلة واللي يظن انها سهلة ما اعتقد انه ربى


بارك الله فيك اخوي والله يحفظ لك عيالك

نعم التفاهم هو المطلوب في هالحاله ولازم نقعد مع البنت ونفهمها ونقنعها

العمه او الخاله قد لايتدخلون في امورنا الشخصيه ولكن قد يعزمون البنت معاهم

والبنت بتقولك مع عمتي اوخالتي وهي كبيره فما فيها شي لو رحنا

هنا يجي دورنا ان نفهمها إن حتى لو العمه كبيره في خطوره عليكم وإن المكان بعيد وما يجوز تروحون بدون رجال معاكم

وبالفعل التربيه صعبه جداً خصوصاً في هالوقت اللي فيه الحريه والانفتاح اصبح يعم المجتمع بالكامل

شاكر لك مرورك اخوي

[النهار]

واذا البنات عاقلين ومحترمات والعمه كبيره

هل بتوافق يرحون بدون رجال معاهم ؟



لا والف لا حتى لوكانوا محترمين اصلا وجود الحريم وفي استراحه لوحدهم خطر عليهم لو لاسمح الله صار لهم شي ومن قاصرها ماتروح علشان ماضل احاتي واعيش انا واهل البيت في قلق

[حميداني]

:nice:

ضحكتني والله

المشكله مع طلبات البنت الام هي الضحيه تنجبر على التجمعات وامور كثيره

ما راح اكوكه بس بقنع بنته عل وعسى تقتنع :anger1:
لو على ابوها الله يحفظه مستعد للتضحيات لا تنسى هذه فلذة كبده.

:court: كلكم على نفس الموال , تقولون شي والواقع شي
:) انا اقولج شبيصير

بتروحين تقنعينها , يمين يسار يمين يسار
البنت راسها يابس ومب مقتنعه .. بتنافخين عليها اوكي كيفج ان ابوج راضي روحي
البنت بتشق الحلج مترين لان ابوها توه قايلها راضي

بتسبقينها لبوها وبتأشرين له لا ترضى من تحت لتحت
هي بتروح مشتطه يبا !!! اروح :nice: ؟
الابو : لا! انا مب موافق !!!
البنت : :eek5: شنوو ؟؟ بس توك توك قلت !! وتروح تصيح في غرفتها
وانتي تروحين لها اما تكسر خاطرج وترجعين لابوها اتقولين له خلاص ودها
فالابو يلبس ويقولها خلاص يالله نروح ..فتبتسم والدمعه على خدها تراكظ بسرعه بسرعه قبل ما يغير رايه ابوها وتطلع وهي ماسكه ايده
او ترشينها انه تعالي بنروح ماكدونالز فتقول مابي وترضى بعدين
او ان المزاج ما يسمح لج تعشينها كنتاكي

والحياه تستمر


توته توته خلصت الحتوته

علينا !

[المهاجر]

لازم معهم رجال مثل عم بنتي موجود بعد
بنات بروحهم كأم طبعا بخاف عليهم وبقنعها باللين لان العمه مب رجال والمكان غير امن

والثقه موجوده في العم لله الحمد

ولو خال بعد بوافق حتى لو تسافر معاهم مب بس استراحه

بس بنتي الحين عمرها 6 سنوات بس الله يحفظها من كل شر.
من الحين بنام بيت خالي او بيت عمي او خالتي

موضوعك للاب بس انا قلبته للام شنسوي ملل. :weeping:

وادري ان الشور مب عندي عند ابوها بس اعرف ابوها بيقول انا باخذج لهم ما يقصر الله يحفظه ويبارك فيه ولا يكسر بخاطرها ابدا

شكرا لموضوعك


كلام حلو اختي ريم والله يحفظ بنتج ويبارك فيها

بس موضوع المبيت في بيت خالها او عمها ما أأيده عشان ماتتعود تبات برا بيتها

تروح وتسهر عندهم لين تشبع اوكي بس تبات اقول لها ما اقدر اصبر عنج تباتين بعيد عني وبتستانس من هالكلمه وبتقتنع

وتصرف ابوها ان يوديها بنفسه ويردهاوهو قريب منهم سليم الله يحفظه ويخليه لكم

[المهاجر]

لو ان العمه كبيرة وعاقلة
عادي ما فيها شي
في ايدي امينة


من قال ايدي امينه

لو حد تعدى وتهجم عليهم من حولهم

تعتقدين العمه بتصده او تمنعه

هي بتكون ضحيه معاهم

[ريم 28]

:court: كلكم على نفس الموال , تقولون شي والواقع شي
:) انا اقولج شبيصير

بتروحين تقنعينها , يمين يسار يمين يسار
البنت راسها يابس ومب مقتنعه .. بتنافخين عليها اوكي كيفج ان ابوج راضي روحي
البنت بتشق الحلج مترين لان ابوها توه قايلها راضي

بتسبقينها لبوها وبتأشرين له لا ترضى من تحت لتحت
هي بتروح مشتطه يبا !!! اروح :nice: ؟
الابو : لا! انا مب موافق !!!
البنت : :eek5: شنوو ؟؟ بس توك توك قلت !! وتروح تصيح في غرفتها
وانتي تروحين لها اما تكسر خاطرج وترجعين لابوها اتقولين له خلاص ودها
فالابو يلبس ويقولها خلاص يالله نروح ..فتبتسم والدمعه على خدها تراكظ بسرعه بسرعه قبل ما يغير رايه ابوها وتطلع وهي ماسكه ايده
او ترشينها انه تعالي بنروح ماكدونالز فتقول مابي وترضى بعدين
او ان المزاج ما يسمح لج تعشينها كنتاكي

والحياه تستمر


توته توته خلصت الحتوته

علينا !

لا لا اعرف ابوها
بيجبرني انا وياه انوديها
اما انه يوافق اتروح بروحها من غير محرم هذا مستحيل

لذلك قلت اقنعها ولا انجبر اروح معاهم :nice:

والقصه اللي كتبتها شكلها صارت معاك خربوا عليك :secret:
بس اكيد طلباتك ما اتخلص :omen2:

[ريم 28]

كلام حلو اختي ريم والله يحفظ بنتج ويبارك فيها

بس موضوع المبيت في بيت خالها او عمها ما أأيده عشان ماتتعود تبات برا بيتها

تروح وتسهر عندهم لين تشبع اوكي بس تبات اقول لها ما اقدر اصبر عنج تباتين بعيد عني وبتستانس من هالكلمه وبتقتنع

وتصرف ابوها ان يوديها بنفسه ويردهاوهو قريب منهم سليم الله يحفظه ويخليه لكم

اتفق معك
الطفل اذا تعود مشكله

[مشاكل]

من قال ايدي امينه

لو حد تعدى وتهجم عليهم من حولهم

تعتقدين العمه بتصده او تمنعه

هي بتكون ضحيه معاهم



انا الذيب باكلكم :vampire:
انا امكم بحميكم escape

[حميداني]

لا لا اعرف ابوها
بيجبرني انا وياه انوديها
اما انه يوافق اتروح بروحها من غير محرم هذا مستحيل

لذلك قلت اقنعها ولا انجبر اروح معاهم :nice:

والقصه اللي كتبتها شكلها صارت معاك خربوا عليك :secret:
بس اكيد طلباتك ما اتخلص :omen2:

ههههههه لا انا كنت صايدها من وانا اصغير , بس شفتها استوت في اخواني الصغار
انا ما اتكلم عن هالسالفه , انا اقول بوجه عام

العاده الريال بيشتري راحة باله من الحن والزن من زوجته على بنتها
وبيخليها هي تختار ان بان عليها متوتره ومب راضيه
لانه هو الي بياكلها بعدين ان راحت البنت

كان بيت عمها بيت خالها , ماكدونالز الي هو
وخلاص المهاجر بسكت :secret: هههه اشكرك على سعة صدرك

في امان الله

[الخزرجي قطر]

الرد المناسب بدون احراج البنت وعمتها
المناقشه معهم ومن بيوديهم والمسافه للاستراحه
وياليت الاب يوديهم ويتاكد من الموقع ويرجع ياخذهم
اعطي الثقه في البنت وعمتها لكن الحرص واجب ؟؟؟

[بوحمد111]

نجوم السما اقرب لها من هذه الطلعه وفوق هذا الطلب بنتي بتحصل عقاب ما فيه طلعة اسبوع كامل غير المدرسه وعمتها مقاطعة حتى تعتذر

[المهاجر]

:nice:

ضحكتني والله

المشكله مع طلبات البنت الام هي الضحيه تنجبر على التجمعات وامور كثيره

ما راح اكوكه بس بقنع بنته عل وعسى تقتنع :anger1:
لو على ابوها الله يحفظه مستعد للتضحيات لا تنسى هذه فلذة كبده.


الأب لازم يكون صارم في مثل هالأمور مع استخدام اسلوب لطيف للإقناع

ودامها فلذة كبده لازم يحافظ عليها حتى لو عور قلبها شوي معليه

وفي النهايه هي بتفهم إن هالشي لمصلحتها وخف عليها وحب فيها

[× الجــوري ×]

انه ضد ترك البنت لحالها بدون ولي امرها لا في سوق ولا بيوت صديقاتها
الواحد لازم يستفيد من اخطاء غيره ويقول انه الحمد لله واثق والدنيا للحين بخير ومن هالكلام
ترى ليت ماتفيد عقب :omen2: ومناطق بعيده بدون رجال حرام دينين والمناطق الخارجيه ماتبيلها رجال واحد سبحان الله صار شي ولا شي يكون حد معاه
الله يستر على جميع امة محمد

[المهاجر]

بقولها حبيبتي اي مكان تبينه حاضرين بس بشرط وجود محرم هاتي محرم وياكم وابشري :)


لكن لو البنت اصلا متعوده تطلع اماكن عامة بدون محرم اهني الموضوع يخرج من اطار موقف الى اطار اخر يحتاج الى مراجعه كامله ووقفه لاسلوب التعاطي مع البنت


كلام جميل ومنطقي اختي روح الاطلس

شاكرلج مشاركتج

[المهاجر]

اذا كلها نساء يختلف الوضع


شلون بيكون وشنهي ردة فعلك معاها

[R 7 A L]

شلون بيكون وشنهي ردة فعلك معاها

طبعاً برفض من باب مافيه امان

[Al-Kuwari]

لا و لا والف لا

ماضيعنا الا الثقة الزايدة

العمه لنفرض فيها حسن النية مره كبيره بتحط راسها وبتنام

والله العالم البنات كلهم وش جوهم و وشلون تربيتهم واخلاقهم

طبعاً البنت ما راح تتفهم سبب رفضي وبتزعل , لكن مع الوقت بتعرف ان ماسويت هالشي الا لمصلحتها

[نوفة قطر]

العنوان وبداية الموضوع ذكرتني بالرسايل اللي كنت اكتبها يوم كنت صغيره حق ابوي ( رسايل ورقيه طبعاً ) واحطها له في باب الصاله < يفتح الباب تطيح الرساله :victory:

يبه حبيبي عادي تحط لي فلوس عشان نروح السوق اذا راضي حطهم لي على الطاوله واذا مب راضي خلاص :shy:

ههههههههه

<<<< خارجه عن نص الموضوع

-

[basma222]

لا ما عندنا بنات يروحون استراحه
انا فهمت بناتي
طلعه من بنات مرفوضه لا استراحه ولا مجمعات ولا مطاعم
يبون مكان انا اروح معهم و ابوهم اللى يوصلنا
خالتي عمتي ما عندنا
والحمد لله بناتي ماشين على هالطريقه اى صديقه تقولوا لهم بطلعون معانا يقولون امي ما ترضى

[Super Cool]

بوافق بدون تردد

خواتي "عماتها" عن عشر رجال و متربين احسن تربية و يخافون الله اكثر مما يخافون من الناس و كلامها

و انتهى النقاش

[fahd]

لا ما عندنا بنات يروحون استراحه
انا فهمت بناتي
طلعه من بنات مرفوضه لا استراحه ولا مجمعات ولا مطاعم
يبون مكان انا اروح معهم و ابوهم اللى يوصلنا
خالتي عمتي ما عندنا
والحمد لله بناتي ماشين على هالطريقه اى صديقه تقولوا لهم بطلعون معانا يقولون امي ما ترضى

:nice:

ولا بلاك بيري

[نوار قطر]

معليه احنا نشارك ولا بس الرياييل:secret:

[نوار قطر]

مب ناطره ردكم اذا عادي او لا:shy:

كون البنت بتطلع مع عمتها مافيها اي اشكاليه بس انهم يروحون استراحه او شاليه وهم بنات حتى لو كانت وحده كبيره معاهم لا طبعا ... بعيد عن الثقه وانها متربيه وووو . بس الواحد مايدري شيصير عليهم في مكان بعيد ومقطوع سبحان احتاجو شي يبوون شي من لهم ذيك الساعه:)

[ROSE]

طبعا ما بوافق ،، كلهم بنات ،، وعلى افتراض ان عمتهم كبيره هذي لو ماكنت قريبه من سنهم

كلهم حريم وما معاهم ريال والدنيا مامنها امان لو بثق في كبيرتهم وشو اللي بيخليني اثق في عيال الحرام

اللي ما يخافون الله

[المهاجر]

لهالسبب كانو العرب في الجاهليه يوئدون البنات :tease:

الله يخليلكم اولادكم، بالنسبه لي اذا المكان اعرفه و واثق فيه من ناحيه الامان مع وجود نساء كبار ثقات بوافق.
و اذا ما ارتحت بقول للبنت ماني مرتاخ و اخاف عليكم من هذي الاماكن.
اعزمي الي تحبين في البيت و مالج الي الي يجهز لج الي تبين في البيت.

اذا مافاد عطها سلوقا :nice:
:omg:

شلون لهذا السبب كانوا يوئدون البنات ؟ عشان مايروحون الاستراحات:secret:

ويخليلك عيالك اخوي

حل مناسب واعتقد بيرضي البنت :victory:

شاكر لك مرورك

[ريم 28]

الأب لازم يكون صارم في مثل هالأمور مع استخدام اسلوب لطيف للإقناع

ودامها فلذة كبده لازم يحافظ عليها حتى لو عور قلبها شوي معليه

وفي النهايه هي بتفهم إن هالشي لمصلحتها وخف عليها وحب فيها

صحيح ما تقوله والاهم هو الاسلوب واعلم جيدا بان الرفق هي الطريقه المثلى

ما دخل الرفق في شي الا زانه

والقسوه لا تكون حل ابدا بل تزرع الحقد في قلب البنت وتجعلها تفكر بطريقه سلبيه وان كل ممنوع مرغوب

فالاب في هذا الزمن صعب يراقب البنت اربع وعشرين ساعه

فالافضل من التحقيق والقسوه والاساليب العنيفه

هو زرع المحبه والاكتفاء العاطفي لتلك البنت لذلك قلت له بانه سياخذها لهم ولن يتركها تتحسر لذلك

ليس ضعف منه بل تفكير سليم. عندما تعطي الحب وتوزعه في اركان منزلك لن تجد سواء رد الجميل واقولها عن تجربه

ابي لم يقصر معنا يوما واغرقنا بالحب ولم يرفع يده يوما. وعظم الله في نفسه وثم عظمه في داخلنا.

بعد كل ذلك العطاء ستجد ابنتك مجرد ان ترى في عينك نظرة انكار او رفض. سترفضه تلقائيا وبمحض ارادتها. ارضاء لك وليس اجباراً وكسراً

كتبت ذلك بشكل عام وطلبات اخرى حتى افيد نفسي وغيري
فهناك من يمنع بكف ومن يمنع بكتاب

الكف نتيجه سلبيه ومن خلفك سيحدث ما لا تريد

الكتاب وهو سيرة الرسول وقرائتها واتباع نهجه واسلوبه ورفقه وسكنيته وسيعم الخير كله في البيت

اليوم استفدت كثير من خطبة الامام في قناة قطر وتم ذكر الكثير في تربية الابناء

[ابوعلي]

بالنسبة لي اذا المكان قريب وامان وانا فاضي بوافق بشرط وجودي قريب منهم

[Travel Q6r]

بالعب فيهم كونج فو ،،، هي وعمتها :omen2:

هههههههههههههههههههههههههههههههههههههههههههه
ضحكت من قلب على تعليقك :nice:

[Travel Q6r]

والله انا بنت وحاسه فيها , اكيد بتزعل اذا منعتها وترى مب زين الشدة اكثر من اللازم
خلها تروح مع عمتها وتستانس مع البنات وتفرفش شوي , واتصل في عمتها ووصها على البنات وبنتك بعد سمعها كم كلمة من مابي مشاكل ومتى ترجعون ومن هالكلام عشان اتحس انك حريص عليها
والله يستر عليها وعلى بنات المسلمين

[المهاجر]

السلام عليكم ورحمة الله وبركاته
عن نفسي و من وجهة نظري ارفض انها تروح و انا اللي احجز استراحة و اخذها مع عمتها و البنات اللي يقربون لها و نعرف اهاليهم
وشكرا

عليكم السلام ورحمة الله وبركاته

تصرف طيب اخوي ودام الواحد عنده وقت الافضل انه هو اللي يوديهم

بارك الله فيك اخوي

[Travel Q6r]

من قال ايدي امينه

لو حد تعدى وتهجم عليهم من حولهم

تعتقدين العمه بتصده او تمنعه

هي بتكون ضحيه معاهم




وي ياساتر وين قاعدين في ميامي ولا لاس فيغاس عشان حد يتهجم !!!
الحمدلله رب العالمين ديرتنا ديرة مسلمة وفيها امن وامان وعلى اقل تقدير لو صار تهجم ولا شيء من هالقبيل بتكون فيه تلفونات وتواصل !!!
واهم شيء يكونون البنات الي معاها عاقلات وثقة وماعندهم خرابيط !!!

متابعه الموضوع :)

[Lili2005]

الشق الاول من كلامك بخصوص زف العمه هل تعتقد ان مجدي وبعدين اذا كانت العمه متزوجه وزوجها موافق وهي مب صغيره فهل لي الحق ازفها ؟

اعتقد هالزمن ولا وراح الحين إما تقنعني أو اقنعك
يعني ممكن اتصل حق عمتها واتكلم معاها بالتفاهم وإن هالمكان خطر عليكم ولازم يكون معاكم رجال

إن ردت علي واقتنعت كان بها وإن ما اقتنعت مالي إلا اقول لها مره ثانيه لاتقولون حق بنتي انكم بتروحون مكان وهنا ممكن يصير زعل وخلاف وقطيعه


بالنسبه للشق الثاني كلامك صحيح ولازم اقعد مع البنت وافهمها إن هالشي غلط وخطر عليكم

بس لابد أن اعوضها بأني اطلعها وأوديها ولو لزم الأمر احجز لهم استراحه وأوديهم بنفسي

بس الكلمه الاخيره مش معاك فيها ومالها داعي ابد اني اتلفظ بهالكلمات لها واكيد بيكون لها أثر سلبي في نفسها


زمنا تغير عن أول

شاكر مرورك اخوي
ياخي انت انسان رائع

[حميداني]

بالنسبة لي اذا المكان قريب وامان وانا فاضي بوافق بشرط وجودي قريب منهم

نفس الراي :discuss:

[المهاجر]

عاد الله يهديك , عمتها شنو

عمتها اختي ... اموون عليها ومايكون هواش بالصوره الي انت متصورها يالمهاجر كهواش وصراخ

هو اكثر واقرب لــ ... ياخي نسيت الكلمه

الكلمه خليط من تذكير على حن على شلون تاخذين معاج يهال الناس امانه واتروحين بروحج
يعني .. هو تأنيب شي على حرص و خوف

الكلمه والله توها عالقه ما أدري شلون افرطت ...



علاقة كل واحد باهله واقاربه تختلف من شخص لاخر وهالامور على حسب الطريقه والاسلوب

وتعليقاً على ردك

"
اعتقد هالزمن ولا وراح الحين إما تقنعني أو اقنعك
يعني ممكن اتصل حق عمتها واتكلم معاها بالتفاهم وإن هالمكان خطر عليكم ولازم يكون معاكم رجال "

اوافقك هو عادي ان ما كان لي مزاج للمزح معاها اكلمها بروقان واقولها لا لا تروحون ومو مشكله ناخذ ونعطي ويا بعض ..

" إن ردت علي واقتنعت كان بها وإن ما اقتنعت مالي إلا اقول لها مره ثانيه لاتقولون حق بنتي انكم بتروحون مكان وهنا ممكن يصير زعل وخلاف وقطيعه "

اختلف معاك الا العكس

اهني العمه بتحط بخاطرها لما تكون انت بهالجديه , كأنك اتوصل رساله خفيه انه ابعدي عن البنت انتي قدوه سيئه لها وماكو ثقه بيني وبين اختياراتج لبنتي

خلهم يقولون لها , راعي الكلمه الاولى والاخيره على البنت هو انا ابوها
لو يروحون المريخ على راحتهم بس ان انا مب راضي البنت ما تطلع

واشوفها دلع زايد ان الياهل كل ما شافت بنات عمها او ربعها يروحون مكان لازم تروح وياهم او مثلهم
اوديها ان بغيت ومب واعدها بشي ولا قايلها , بس بطيب خاطرها بطريقه ثانيه


الجمله الاخيره الي تطرقت لها
اقولها باسلوب مزح , مش بعصبيه وجد مثل ما انت متخيلها يالمهاجر

بالتوفيق

اشكرك اخوي على التوضيح والكلام المفيد

[المهاجر]

لا والف لا حتى لوكانوا محترمين اصلا وجود الحريم وفي استراحه لوحدهم خطر عليهم لو لاسمح الله صار لهم شي ومن قاصرها ماتروح علشان ماضل احاتي واعيش انا واهل البيت في قلق

كلامك صحيح اخوي الواحد بيتم يحاتي

طول الوقت

تسلم على مشاركتك

[تاجر كشخة]

تبون الصج المشوار الالف ميل تبدء بخطوة وفساد البنت تبدء من العمة ... والله يا بنتي وين رايحة مع عمتي مع بنت عمتي ليش متاخرين والله مع بنت عمتي والابو خبر خيييير في بنته وهي تتستر على طلعاتها بعمتها وبناتها

[الخيالة]

لا مب عدله مثل ما قالوا لا سمح الله لو صار شي ومو معاهم ريال شبيسوون احسن ان مايروحون الا اذا معاهم محرم

[بنت الشمال]

:eek5:

[المهاجر]

اتفق معك
الطفل اذا تعود مشكله




لذلك يجب على الأباء والامهات أن يحرصوا على عدم تعود
الأبناء إلا على السلوك الطيب وأن لا يعتادوا على الحريه الزائده
والخاطئه

نعم نعطيهم حريه ولكن بحدود المعقول والتي تنفعهم ولاتضر بهم

لبناء شخصياتهم والإعتماد على أنفسهم

[المهاجر]

انا الذيب باكلكم :vampire:
انا امكم بحميكم escape


ههههههههه

هذا يعني أن الأم هي من تحمي اسرتها وتدافع عنهم بحنانها وحبها وعطفها

والأب هو من يمسك بزمام الأمور ويكون الصارم في وقت الحاجه

[المهاجر]

ههههههه لا انا كنت صايدها من وانا اصغير , بس شفتها استوت في اخواني الصغار
انا ما اتكلم عن هالسالفه , انا اقول بوجه عام

العاده الريال بيشتري راحة باله من الحن والزن من زوجته على بنتها
وبيخليها هي تختار ان بان عليها متوتره ومب راضيه
لانه هو الي بياكلها بعدين ان راحت البنت

كان بيت عمها بيت خالها , ماكدونالز الي هو
وخلاص المهاجر بسكت :secret: هههه اشكرك على سعة صدرك

في امان الله


ليش تسكت اخوي

بالعكس نقاشكم مثمر وفيه فائده

اشكرك اخوي

[مخطط قطري]

ممكن سؤال( انت راضي بنتك تغيب عن عينك لحضه؟) الفكرة هي اني ارضى اخلي بنتي تسهر مع بنات مع اي كن امهم عمتهم خالاتهم ابروحهم في مكان بعيد اسمها استراحه لا طبعا البيت واسع تبيي تقعد معاهم تقعد الا بحاله اني اكون موجود بالاستراحه ومثلا اكون حاط مكان خاص لنساء الفكرة من اصلها غلط اذا بخلي النسوان يرحون ابروحهم لانه لازم محرم وياهم

[Riku3]

في البداية لازم امهم تكون موجوده .. وانا بروح معاهم وبقعد بغرفة داخلية مصكر على نفسي الباب واسمع بس :] .. بمسكلي لاب توب وعندي تلفوني ولا اي شي اسلي نفسي فيه وبسويلهم جو اطلع اشويلهم بالليل او شي كذا وبكون حارس المكان .. انا هذا شغلي لو رحنا استراحه او شي كذا تحصلني اخر الليل اتمشى اشيك البيبان والدرايش والمكان هههه .

ما يصير يروحون بروحهم مهما كان .. البلاد مب امان مثل اول خصوصاً ان قطر ما فيها استراحات متخصصه بمناطق محترمه ولكن استراحات عشوائية في مناطق بعيده وفيها تجمعات عمالية .

[المهاجر]

الرد المناسب بدون احراج البنت وعمتها
المناقشه معهم ومن بيوديهم والمسافه للاستراحه
وياليت الاب يوديهم ويتاكد من الموقع ويرجع ياخذهم
اعطي الثقه في البنت وعمتها لكن الحرص واجب ؟؟؟


كلام طيب اخوي

اشكرك عليه

[المهاجر]

نجوم السما اقرب لها من هذه الطلعه وفوق هذا الطلب بنتي بتحصل عقاب ما فيه طلعة اسبوع كامل غير المدرسه وعمتها مقاطعة حتى تعتذر



طالما الأب بيوفر لها كل ماتحتاجه وتحت رعايته هو فما في مشكله ان تكون نجوم السما اقرب لها

لأن القمر بيكون بيدها فما راح تحتاج للنجوم

لكن يا اخي العزيز لماذا العقاب ؟!

هل أخطأت البنت عندما تكلمت معك وطلبت طلب قد تكون هي مخطئه فيه لعدم خبرتها بالحياه
ولوجود هذه الرغبه وقد استشارت الأب
فبدلاً من ان يوجهها ويعلمها ويفهمها الصح من الخطأ بالإقناع حتى تتعلم وتفهم الحياه وهذا واجب الاباء والامهات

اما ان نعاقب ونحرم بدون أن يكون هناك خطأ قد اقترف وبدون ان نقوم بدورنا فاسمح لي مع احترامي الشديد لك

هذا ضعف من الاب الذي يستخدم هذا الأسلوب وتهرب من المسؤليه التي عليه

[توشيبا]

ترسل لك ابنتك الصغيره هالرساله

يبا حبيبي بنات عمتي وبنات فلان وفلانه ورفيجتي الفلانيه وبنت فلان حاجزين استراحه باليوم الفلاني

في المكان الفلاني وشوف انت اللي يريحك واتمنى إنك ماتردني:shy:


وتقولك عمتي بتكون معانا

لو بنتك ارسلت لك هالرساله شلون بتتصرف وشبترد عليها :omen2:




السلام عليكم ورحمة الله وبركاته

فيه بعض الردود ماشوف لها داعي مثل اتصل في العمه وازفها بالاول العمه بتكون اخته الا اذا اهو يشوف ان اخته سارحه مارحه محد صوبها لا زوج ولا عيال ولا اخوان

شي ثاني لو بنتي ولا ابي تروح ليه ازفها وتشوفني بنتي بنظره ثانيه بتصلها وبسالها اي يوم بيرحون واذا قالت مثلا بكره بقول لها بس انا في خاطري بكره اخذج انتي وامج نطلع مع بعض تفضلي تروحي مع ابوج ولا مع عمتج :tease: :nice:

بس ازفها وازف عمتها شدعوه

واذا تضطريت اني اوافق انها تروح مع عمتها بتكون امها وياها من غير الاساله اللي بسالها اياها من هالبنات ومن بيكون وياكم

عمتها ماخذت الاستراحه الا بموافقه زوجها او عيالها او اخوانها او ابوها والحمدالله احنا في دوله امان

[القطو السمين]

الرحلة من الاساس مالها داعي والبنت ماتبات برا بيت اهلها حتى لو بيت عم اوخال فمابالكم مكان بعيد وصديقات وكل وحدة مختلفة بالطباع عن الثانية ليش انا اعرض بنتي للخطر اذابنتي تبي شاليه اوديها مع اهلها وعماتها وخالاتها ويكون ردي بهدوء ولاعودها على زيارات الصديقات ولاعلى الحفلات اللي هابين فيها البنات هالايام و يكون نظام في البيت البنت ماتطلع الا مع امها

[شموخ-qtr]

حلو الموضوع ..

بس لفت انتباهي بعض الردود
ازفها وأزف عمتها ...؟؟

ليش ليش كل هذا البنت حبت تستشيرك قمت تشوط
اخذ وخل معا البنت اخذ الي بخاطرها مب تعصب عليها من اول كلمه
ترى الدنيا ماتسوى من ردت فعلك انت بتبعد البنت منك وبتخش عليك اشياء
وماراح تاخذ رايك وبتخاف ترى الانسان نفسيه وأحساس سواء مرآه او رجال .. :)




المهم ..

الموضوع في استراحه شوي صعبه خصوصاأ الاستراحات اللي عندنا كلها في مناطق بعيده وتخرع
لو شاليهات بوافق بس طبعاً محد يوصلهم غير ابوهم يشوفهم ويطمن عليهم ..

الحمدلله الثقه حلوه بس مب الثقه العمياء ..
وشكراً

[المهاجر]

انه ضد ترك البنت لحالها بدون ولي امرها لا في سوق ولا بيوت صديقاتها
الواحد لازم يستفيد من اخطاء غيره ويقول انه الحمد لله واثق والدنيا للحين بخير ومن هالكلام
ترى ليت ماتفيد عقب :omen2: ومناطق بعيده بدون رجال حرام دينين والمناطق الخارجيه ماتبيلها رجال واحد سبحان الله صار شي ولا شي يكون حد معاه
الله يستر على جميع امة محمد


نعم البنت لاتترك لحالها مهما كانت على خلق وتربيه عاليه

الاب لابد ان يكون معها والزوج لابد ان يكون قريبا منها

صحيح الثقه مطلوبه ولكن الحرص واجب ايضاً

لو أمنا بانها لن تخطىء فلن نأمن غدر من لا ضمير لديهم

بارك الله فيج اختي

[المهاجر]

طبعاً برفض من باب مافيه امان


الرفض امر طبيعي اخوي رحال

ولكن شلون بترد عليها وكيف تقنعها بوجهة نظرك وانه خوف عليها مش منع وبس

[بريق الماسه]

0

ياحياتي

تكفي كلمتها يبا حبيبي .....اروح معاها آخر الدنيا

ياساتر ..... ردودكم قاسيه

[bos3eed]

يمكن يجيها كف اخليها تدور مية مره و وبعدين لي تفاهم مع امها وعمتها وزج عمتها وابوان رفيجاتها وراعي الاستراحه

[نوار قطر]

يمكن يجيها كف اخليها تدور مية مره و وبعدين لي تفاهم مع امها وعمتها وزج عمتها وابوان رفيجاتها وراعي الاستراحه

وعليه شيخصه راعي الاستراحه :secret:

[المهاجر]

لا و لا والف لا

ماضيعنا الا الثقة الزايدة

العمه لنفرض فيها حسن النية مره كبيره بتحط راسها وبتنام

والله العالم البنات كلهم وش جوهم و وشلون تربيتهم واخلاقهم

طبعاً البنت ما راح تتفهم سبب رفضي وبتزعل , لكن مع الوقت بتعرف ان ماسويت هالشي الا لمصلحتها


ما اختلفنا على الرفض الغالبيه منا رايهم الرفض

واللي نبيه شلون نفهم البنت نقنعها بإسلوب لطيف ومقنع عشان ماتنفر منا وتقتنع بوجهة نظرنا

الرفض سهل وبكلمه وحده لا وخلاص

لكن الا تعتقد أن هذا الإسلوب بالرفض قد تكون نتايجه عكسيه على نفسيتها وتفكيرها؟

لا نريد أن نتركها في حيره من أمرها حتى تصل إلى مرحلة الفهم لوحدها

قد يتخلل تلك الفتره أمور تؤثر على البنت ونفسيتها

[المهاجر]

العنوان وبداية الموضوع ذكرتني بالرسايل اللي كنت اكتبها يوم كنت صغيره حق ابوي ( رسايل ورقيه طبعاً ) واحطها له في باب الصاله < يفتح الباب تطيح الرساله :victory:

يبه حبيبي عادي تحط لي فلوس عشان نروح السوق اذا راضي حطهم لي على الطاوله واذا مب راضي خلاص :shy:

ههههههههه

<<<< خارجه عن نص الموضوع

-


اسلوب لطيف من البنت ويدل على انها تحترم ابوها وتحبه

وتبي تاخذ رايه وموافقته بطيب خاطر

المشكله في بعض البنات اللي يسون سالفه وهليله
وتقوم الدنيا وتقعد عشان أمر تريده أن يتم بأي شكل من الأشكال

وكأنها تقول انا باسويه باسويه:rolleyes2:

[المهاجر]

لا ما عندنا بنات يروحون استراحه
انا فهمت بناتي
طلعه من بنات مرفوضه لا استراحه ولا مجمعات ولا مطاعم
يبون مكان انا اروح معهم و ابوهم اللى يوصلنا
خالتي عمتي ما عندنا
والحمد لله بناتي ماشين على هالطريقه اى صديقه تقولوا لهم بطلعون معانا يقولون امي ما ترضى


بارك الله فيج اختي والله يحفظ لج بناتج

دام متفاهمه معاهم وهم مقتنعين فهذا هو المطلوب

على الام أن تكون صديقة بناتها وتروح معاهم توديهم بنفسها

[المهاجر]

بوافق بدون تردد

خواتي "عماتها" عن عشر رجال و متربين احسن تربية و يخافون الله اكثر مما يخافون من الناس و كلامها

و انتهى النقاش


رايك ونحترمه

اخوي احنا ماتكلمنا عن الأخلاق والتربيه وليس هذا المقصد

المقصد أن الإستراحه بتكون بعيد ومحد حولهم

وقد يتعرض لهم واحد من عيال الحرام

فكيف راح يدافعون عن نفسهم وهم حريم ما معاهم رجال

وياهلا فيك

[لمعة الالماس]

ليش الرفض

الاستراحة مكان مغلق ويقدرون البنات ياخذون راحتهم فيه بعيد عن المنتجعات المكشوفة مثل سيلين والغارية وجراند حياة

ترى بعد البنات يبون يستانسون ويسبحون وياخذون راحتهم

بس اهم شي يكون مع البنات امهات كبار يراقبونهم ويكون معاهم

وان شاء الله ما عليهم شر

[لمعة الالماس]

انزين ليش بس العمة اللي تروح ليش امها ما تروح معاها ؟

يعني جمعة بنات وجمعة امهات

[المهاجر]

معليه احنا نشارك ولا بس الرياييل:secret:


اكيد اختي نوار

مشاركاتكم مهمه

[BeN QaTaR]

آشكرك على هآلموضوع آلحمآسي

آتخيل نفسي متزوج

وآول شي بقولة لبنتي آفآآ بآآبآآ بتخليني وبتروحين عني مآآقدر آنآآ وبعطيهآ مده آلبوز آلزعلآنية وآكيد مآبهون عليهآ وبتتكنسل آلسآلفة<وآآثق من قلب ههه

آمآآ آلعمه (إختي) آكيد إنهآ مآبتقترح هآلسآلفة إلآ لمآ يكون آلوضع في آلسيفتي

[المهاجر]

مب ناطره ردكم اذا عادي او لا:shy:

كون البنت بتطلع مع عمتها مافيها اي اشكاليه بس انهم يروحون استراحه او شاليه وهم بنات حتى لو كانت وحده كبيره معاهم لا طبعا ... بعيد عن الثقه وانها متربيه وووو . بس الواحد مايدري شيصير عليهم في مكان بعيد ومقطوع سبحان احتاجو شي يبوون شي من لهم ذيك الساعه:)


هذا هو اختي الكريمه

لايمكن انا نتركهم بمفرهم للأسباب التي ذكرتيها بارك الله فيج

ولابد ان يكون هناك رجل قريب منهم

ولكن ما نريده هو كيف نقنعل البنت برفضنا؟

[نوار قطر]

هذا هو اختي الكريمه

لايمكن انا نتركهم بمفرهم للأسباب التي ذكرتيها بارك الله فيج

ولابد ان يكون هناك رجل قريب منهم

ولكن ما نريده هو كيف نقنعل البنت برفضنا؟

اخوي مايبي له واحد اثنين الابو يقعد مع البنت ومع عمتها ويفهمهم ان اذا رحتو تدرون شيصير عليكم ؟؟ انتو في مكان محد من الرياييل حواليكم لو صار فيكم شي على مانوصل لكم قد الطيور طارت بارزاقها ... تبوون تروحون انا بشوف اقرب فرصه وبوديكم ومنها كلنا نغير جوو..

بس ماناخذهم بشراع وميدااف وبالصراخ

[لمعة الالماس]

هذا هو اختي الكريمه

لايمكن انا نتركهم بمفرهم للأسباب التي ذكرتيها بارك الله فيج

ولابد ان يكون هناك رجل قريب منهم

ولكن ما نريده هو كيف نقنعل البنت برفضنا؟

تعوضها وتوديها مرة ثانية لنفس المكان

سواء جمعة من الاهل والعمات والعمام او طلعه اسرية

بس توعدها ان توديها في اقرب وقت

[المهاجر]

طبعا ما بوافق ،، كلهم بنات ،، وعلى افتراض ان عمتهم كبيره هذي لو ماكنت قريبه من سنهم

كلهم حريم وما معاهم ريال والدنيا مامنها امان لو بثق في كبيرتهم وشو اللي بيخليني اثق في عيال الحرام

اللي ما يخافون الله


كلام سليم اختي روز

طيب انتي بعد الرفض او قبل الرفض مطالبه بتوضيح اسباب الرفض ولابد ان تكون مقنعه

فما هي طريقة اقناعك لها ؟

[المهاجر]

صحيح ما تقوله والاهم هو الاسلوب واعلم جيدا بان الرفق هي الطريقه المثلى

ما دخل الرفق في شي الا زانه

والقسوه لا تكون حل ابدا بل تزرع الحقد في قلب البنت وتجعلها تفكر بطريقه سلبيه وان كل ممنوع مرغوب

فالاب في هذا الزمن صعب يراقب البنت اربع وعشرين ساعه

فالافضل من التحقيق والقسوه والاساليب العنيفه

هو زرع المحبه والاكتفاء العاطفي لتلك البنت لذلك قلت له بانه سياخذها لهم ولن يتركها تتحسر لذلك

ليس ضعف منه بل تفكير سليم. عندما تعطي الحب وتوزعه في اركان منزلك لن تجد سواء رد الجميل واقولها عن تجربه

ابي لم يقصر معنا يوما واغرقنا بالحب ولم يرفع يده يوما. وعظم الله في نفسه وثم عظمه في داخلنا.

بعد كل ذلك العطاء ستجد ابنتك مجرد ان ترى في عينك نظرة انكار او رفض. سترفضه تلقائيا وبمحض ارادتها. ارضاء لك وليس اجباراً وكسراً

كتبت ذلك بشكل عام وطلبات اخرى حتى افيد نفسي وغيري
فهناك من يمنع بكف ومن يمنع بكتاب

الكف نتيجه سلبيه ومن خلفك سيحدث ما لا تريد

الكتاب وهو سيرة الرسول وقرائتها واتباع نهجه واسلوبه ورفقه وسكنيته وسيعم الخير كله في البيت

اليوم استفدت كثير من خطبة الامام في قناة قطر وتم ذكر الكثير في تربية الابناء


لم اقصد من كلامي بأن يكون صارم

ان يكون عنيف لا أبداً انا ضد العنف وضد استخدام اسلوب القوه

كل ما اقصده ان يكون صارم في الرفض بأن إذا كان الأمر خطأ لا يوافق عليه مهما كان

وعليه أن يقنع بإسلوب لطيف وبرفق وبحب

نعم يا اختي الكريمه على الأب ان يغمر منزله واهله بالحب والعطف وسيجد نتيجة ذلك بكل تأكيد


بارك الله فيج اختي على هذه المشاركه الطيبه

وادام عليكم المحبه