هل الدخول الى جزيرة بالي يحتاج الى فيزا

[حشيم]

السلام عليكم جميعاً
هل الدخول الى جزيرة بالي يحتاج الى فيزا
وهل تنصحوني يا من زرتم اندونيسيا أن اوزع الرحلة بين بالي وجاكرتا

[clouds]

يحتاج فيزا بس تاخذها من مطارهم بالي روعه وتستاهل الروحه بس مادري عن جاكرتا انا رحت بالي وسنغافوره في رحله وحده

[حفيد الأنصار]

كل وحدة تختلف عن الثانية جاكرتا فيها انشول اللي هيا على البحر منطقة مطاعم وتلفريك وملاهي ووو ,, وكم مول ,, يعني يومين حلووة فيها
اما بالي طبعا انت عارف جزيرة ومغامرات وكذا
وفيه بونشاك ومعناها الجبل بالعربي طبعا مرتفعه وبارده حلووة صراحة
اذا عندك وقت انصحك ببونشاك طبعا تبعد بالسيارة يمكن من ساعة ونص الى ساعتين وحاول تتجنب الذهاب لها بالويكند لانه سكان جاكرتا كلهم يطلعون بالويكند
وبدل ماتقعد ساعتين راح تقعد أربع ساعات بالخط تقريبا
نصيحتي لك اذا عندك وقت وماعندك مشاكل خذ لك يومين بجاكرتا ومثلها ببونشاك
دامك داق مشوار ورايح طيران 9 ساعات روح وتمشى ولف وشوف الدنيا
من جاكرتا الى بالي ساعتين بالطيارة ,,
ومن جاكرتا الى بونشاك ساعتين بالسيارة خلال ايام الاسبوع
تروح وترجع بالسلامة ان شاء الله ..

[بوخالد911]

هلا

انا رحت مباشرة الى جاكرتا
وعند الوصول يتم منحك الفيزا

وتفضل تقريري عن اندونيسيا ومن ضمنها بالي
http://www.qatarshares.com/vb/showthread.php?t=284476

لا تنسى تروح :
باندونق
بونتشاق
أنشول




وهي أررررررررررررررررررررررررخص من تايلند

والله الموفق