ارائكم حول افضل انواع البايبات للحمامات

[ولد شرق]

السلام عليكم

لذوي الخبر والاختصاص الافاضل

ماهي افضل البيبات المخفية للحمامات
سمعت عن الالماني الاخضر لكن مع الايام يبدأ يسرب خصوصا من الوصلات الملحومه

حد عنده اي فكره عن افضل تقنيه او انواع البيبات لاستخدام الحمامات وتكون مخفيه واتعمر؟

شاكر لكم...

[شموخ دائم]

,

,

مرحبا

اخوي الكريم

اللحام الحراري هو افضل تقنيه موجوده الان


لاتمشي على اللون الاخضر لان في بحريني اخضر وتركي اخضر ومصري اخضر

وفي نوع سعودي ونوع صيني السوق مليان

وماتقدر تفرق بينهم

الانواع الطيبه كثيره منها انجليزي ومنها ايطالي انا برشح لك هذا النوع

اكوا ثيرم الماني

و

http://www.kermezian.com/files/images/products/piping/banninger.jpg

banninger ppr

البيبات والاكواع لابد تكون نفس الماركه

http://www3.0zz0.com/2013/01/03/09/923078649.jpg

هذي الصوره انا مصورها وانا اعاين البيبات بانيينقر
محل اسمه ( المنهل ) يبيعهم وسعرهم معقول



( المهم )

العامل الي يركب لابد ان يكون جيد جدا
ودائما نشدد ( كل مشاكل المساكن في قطر ) سببها العامل في الفنش الاخير
لان التسريب يحصل بسبب ( قله خبره العامل ) واستعجاله في العمل

البحث عن العامل ( الجيد ) وليس العامل ( الارخص )

عمل ضغط بالمكينه على البيبات قبل تغطيتها يوم او يومين
واذا مافي أي تسريب
توكل على الله وتغطي البيبات بالسيراميك
وباذن الله ماتحصل أي مشكله


ولاتنسون المثل الشهير
من استرخص اللحم خانت به المرقه
:)

,

,


اخوك


شموخ دائم

[MAZEN37]

الله يفتح عليك انشهد انك خبره وتستاهل الخير

[بن غيث]

السلام عليكم ورحمة الله وبركاته

العيب الاساسي في اي مشكلة .. طريقة التركيب

معظم المشاكل في المباني لاعمال التمديدات الصحية ليست نوعية البايب .. انما طريقة تنفيذ اللحام

[مضارب دوسري]

اخوي الافضل على الاطلاق هو الالماني اكواثيرم ووكيله ف طريق سلوى نسيت اسمه جنب محل الضحى

[ولد شرق]

جزاكم الله خير يالاخوان ماقصرتوا

[اللوز]

اخوي الافضل على الاطلاق هو الالماني اكواثيرم ووكيله ف طريق سلوى نسيت اسمه جنب محل الضحى

محل السهو
:):):):)