بماذا تحتفظــــــون ؟؟

[الحياة الخالدة]

السلام عليكم و رحمــــة الله و بركاته

الموضوع بكل بساطة ..

لكل منا أشياء معينـــــة يحب الاحتفاظ بها .. و لا يرميها مهما مرت عليها السنـــــون .. حتى و إن كانت أشياء بسيطة .. إلا أن لها عنده مكانة كبيرة

فما هي الأشياء التي تحبون الاحتفاظ بها

و لكم الشكر الجزيل مقدماً :)

[شبح الصمت]

طبعا اي شيء ينهدى صعب ينحذف او ينقط

يتم حتى لو اخترب لانه يتم ذكرى

وذكرى يا تكون جميله او ذكرى حزينه

المهم اتم


يعطيج الف عآآفيه

[بونووف]

الصور والفيديوات

[بوحمد111]

عن نفسي انا احب الاحتفاظ بأي شي جايني هديه و احب احتفظ بكل شي قديم يذكرني بالوالد والوالده الله يرحمهم

[الحياة الخالدة]

طبعا اي شيء ينهدى صعب ينحذف او ينقط

يتم حتى لو اخترب لانه يتم ذكرى

وذكرى يا تكون جميله او ذكرى حزينه

المهم اتم


يعطيج الف عآآفيه


الله يعافيك يا شبح :)

و الله في البعض إذا مب عاجبته الهدية يرجع يهديها حق حد ثاني

ذكرى .. و يا كثر الأشياء اللي مخلينها ذكرى

حياك الله أخوي شبح

[الحياة الخالدة]

الصور والفيديوات


و هالشي صار أسهل الحين مع الجوالات و الأجهزة الرقمية
عالأقل ما ياخذون حيز كبير مثل الألبومات و أشرطة الفيديو القديمة

شكراً لك أخي الكريم

[الحياة الخالدة]

عن نفسي انا احب الاحتفاظ بأي شي جايني هديه و احب احتفظ بكل شي قديم يذكرني بالوالد والوالده الله يرحمهم


الله يرحمهم و يغفر لهم .. و هاذي من أغلى الأشياء اللي ممكن نحتفظ بها

حياك الله أخوي بوحمــــد

[Dana’1]

بعض الصور عائلية القديمة خصوصا أمي وأبويالله يحفظهم
صور بنتي الله يحفظها

مذكرات بس مو لي لصديقة أيام الثانوي كذا دفتر مشاءلله عليها :)
دفتري الرائع"التجراف" حقي من المتوسطة وربعي كاتبين فية حركات وعيارة :shy:ههههه

كاتبة ومحتفظة بقصايد كثيرة لصديقتي وصديقة العايلة كلها وأختنا إلي ما ولدتها أمي ...طبعا بطلب منها وهي شاعرة ولها كذا قصيدة بالنت:victory: <<أشتقت لها:(

ساعة منبهة قديييمة لأبوي لبى قلبة قديييمة "شغالة بس مشكلتها تشقح رقم من الدقايق هههه
و أيضا بعض الاغراض لأمي لبى قلبها

أغلب رسومات بنتي وأعمالها..مسجلة عليها التاريخ ومحتفظة فيها

ممممم وبعض جوالاتي القديمة..لأن بالغالب ما أبيعهم:)
هذا إلي طرأ علي الحين:)

[ROSE]

عندي مخده من وانا صغيرة محتفظه فيها وامي احتفظت فيها لين ما كبرت وعطتني اياها

وللحين عندي ،، وعندي تسلسل كامل لعيالي من ولادتهم لليوم صور البومات محتفظه فيهم علشان يوم يتزوجون اهديهم اياها

وطبعا صور المدرسة وصديقاتي بالمراسلة احتفظ بمراسلاتهم

[نوار قطر]

انا وااايد احب احتفظ بالاشياء وخاصة اذا كان الي ماعطيني اياها له مكانه في قلبي مممم حتى ورقة التغليف ماافرط فيهاا .. واحب احتفظ في الصور يعني انا عندي البومات حق بنتي من يوم ماكانت في المستشفى مع مراحل عمرهاا واكتب نوته ان هالصوره في المكان الفلاني والتاريخ الفلاني والمناسبه (( لها بارض:shy: )) وعندي ثياب بنتي مجمعتهم وهي في المهاد من كل قطعه مخليه لهاا حتى خصله من شعرها محتفظه فيهاا:shy: احب هالسواالف:victory:

[غزلان]

خاتم هديه من جدي وايد اخاف عليه لايضيع

[الحياة الخالدة]

بعض الصور عائلية القديمة خصوصا أمي وأبويالله يحفظهم
صور بنتي الله يحفظها

مذكرات بس مو لي لصديقة أيام الثانوي كذا دفتر مشاءلله عليها :)
دفتري الرائع"التجراف" حقي من المتوسطة وربعي كاتبين فية حركات وعيارة :shy:ههههه

كاتبة ومحتفظة بقصايد كثيرة لصديقتي وصديقة العايلة كلها وأختنا إلي ما ولدتها أمي ...طبعا بطلب منها وهي شاعرة ولها كذا قصيدة بالنت:victory: <<أشتقت لها:(

ساعة منبهة قديييمة لأبوي لبى قلبة قديييمة "شغالة بس مشكلتها تشقح رقم من الدقايق هههه
و أيضا بعض الاغراض لأمي لبى قلبها

أغلب رسومات بنتي وأعمالها..مسجلة عليها التاريخ ومحتفظة فيها

ممممم وبعض جوالاتي القديمة..لأن بالغالب ما أبيعهم:)
هذا إلي طرأ علي الحين:)




أووووو .. أما الصور القديمة يا كثرها ..
و ذكرتيني بالأوتوغرافرات .. ياما كتبنا فيها أكتب لكي بالمقلوب لتكون المحبة في القلوب و أكتب لكي بالرصاص لتكون المحبة كالإخلاص :nice:
و الله احتفظنا فيها مدة بس عقب ضاعت بالتنقل من بيت لآخر :(

و انا نفس الشي كل جوالاتي القديمة عندي و طايحة بجبدي

الله يخلي لج أمج و ابوج و بنتج و كل من يعز عليج
و حياج الله أختي ديــــور

[الحياة الخالدة]

عندي مخده من وانا صغيرة محتفظه فيها وامي احتفظت فيها لين ما كبرت وعطتني اياها

وللحين عندي ،، وعندي تسلسل كامل لعيالي من ولادتهم لليوم صور البومات محتفظه فيهم علشان يوم يتزوجون اهديهم اياها

وطبعا صور المدرسة وصديقاتي بالمراسلة احتفظ بمراسلاتهم


الله وناسة مخدتــج و انتي صغيرة
و أحلى هدية تهدينها لعيالج الله يبلغج فيهــــــم :omen2:

ذكرتيني يوم رحت اشتريت عطر كانت تستخدمه صديقتي بس عشان أتذكر ريحتها :(

حياج الله أختي روز

[بونووف]

و هالشي صار أسهل الحين مع الجوالات و الأجهزة الرقمية
عالأقل ما ياخذون حيز كبير مثل الألبومات و أشرطة الفيديو القديمة

شكراً لك أخي الكريم

الالبومات كلها قديمه واشرطة الفيديو عندي الكبار والصغار والصغار كلش مالت تسجيل الكيمرا وفي بعض الاشرطه ماتشتغل لكن لحد الحين محتفظ فيهم على امل يشتغلون في يوم من الايام
حتى عندي جهاز ديسك توب ومخترب لكن ماحذفته لانه في صور وفيديوهات قديمه

[حسن]

صورنا للرحلات كلها مع ابوي واخواني الربع
ليسن ابوي وجوازه وبوكه اللي لين الحين في فلوس :)
طبعا جاكيتاتي مالت البحر عندي منها اكثر من 15 سنه لانها خاصه للبرد فطلع مده معينه وترجع ولانها كولتي من النوع الزين

والمره طبعا هذا خلاص ماتنتهي صلاحيتها
معاك مثل الحكم الاعدام لان الموبد بعد يعفى عنه:(

[بوحمد111]

اي والله تذكرت بعد احب احتفظ برسايل عيالي وهم صغار والتنوع في الترحيب وخاصة يوم رجعتي من السفر والكلمات الي يكتبونها وخطهم المعرج وبعد تقريبا 20 سنه خليت عيالي يقرأون رسايلهم وخذ ضحك والعيال نفسهم مستغربين من الاسلوب القديم

وما زلت محتفظ بحوالي عشرين رساله منهم الله يحفظهم ويبلغني فيهم

تحياتي

[شمس2]

اقول اختي من وين تييبين هالمواضيع الحلوا :nice:
عاد الحين مزاجي كلش طفرانه :rolleyes2:
لكان الاسبوع الياي بشارك في موضوعج وبطلع فضايحج وكل الاشياء اللي محتفظه فيها من ملايين السنين :tease:

[الحياة الخالدة]

انا وااايد احب احتفظ بالاشياء وخاصة اذا كان الي ماعطيني اياها له مكانه في قلبي مممم حتى ورقة التغليف ماافرط فيهاا .. واحب احتفظ في الصور يعني انا عندي البومات حق بنتي من يوم ماكانت في المستشفى مع مراحل عمرهاا واكتب نوته ان هالصوره في المكان الفلاني والتاريخ الفلاني والمناسبه (( لها بارض:shy: )) وعندي ثياب بنتي مجمعتهم وهي في المهاد من كل قطعه مخليه لهاا حتى خصله من شعرها محتفظه فيهاا:shy: احب هالسواالف:victory:


اللــــــه يخلي لج إياها و تكبر و تشوف كل اللي يودتيه لها
و أحلى شي خصلة الشعر :victory:

حياج الله أختي نـــــوار

[نوار قطر]

اللــــــه يخلي لج إياها و تكبر و تشوف كل اللي يودتيه لها
و أحلى شي خصلة الشعر :victory:

حياج الله أختي نـــــوار

امين فديت قلبج وربي يخلي لج غاليج :)

[هآيدي]

آممممممم ... آشياء وايد احب احتفظ فيها ...

الي اذكره اني محتفظه بدفتر صغيره أكتب فيه ذكرياتي يوم كنت بالجامعه والاشياء الزينه والشينه والمواقف الي تفشل الي صارت لي ... ودفتر ثاني كنت بعد اكتب فيه يوم اسافر في هاليوم شسوينا وين رحنا و و و ... ومحتفظة بدفتر اكتب فيه الخواطر الي تعجبني الي اقراها من مجلة او جريدة ومحتفظه برسومات قديمه لي .. ومحتفظه برسومات اعيال اخوي هههههه راسميني ><

[بنت مريخ]

محتفظه بجلا بيه من خالتي من سنهظ،ظ©ظ¨ظ§ عطاني إياها لأني كنت برد انه ايام الشتا في منطقه ليوا في الامارات
محتفظه بصندوق من لندن سنه ظ،ظ©ظ¨ظ£
محتفظه بمعضد هديه من يدني الله يرحمها ويرحم جميع أموات المسلمين ظ¢ظ*ظ*ظ*
محتفظه باخر بطوله لبسها يدتي يوم كانت في سكرات الموت ظ¦-ظ¢ظ*ظ*ظ*
هذا الى اذكره

[أمير المحبه]

اهليييييين الحياه صبعه هههههههههههههههه

انه محتفظ بلعبة ام عويجه صار لها عندي 8 سنوات :)

لاتخافين عادي :eek5:

[R 7 A L]

عندي سجادة لها فوق عشر سنوات
بس يأرب اذا رجعت احلصها :weeping:

[نور الحور]

عندي سجادة لها فوق عشر سنوات
بس يأرب اذا رجعت احلصها :weeping:


:secret::secret::secret:


المهم ..ما علينا .. الحياة الخالدة .. بالنسبة لي المفروض يكون السؤال : ماالذي لا تحتفظون به :shy::telephone:

[R 7 A L]

:secret::secret::secret:


المهم ..ما علينا .. الحياة الخالدة .. بالنسبة لي المفروض يكون السؤال : ماالذي لا تحتفظون به :shy::telephone:

تدرين ليش ماتغلطين
لأنك تكتبين من كيبورد كل حرف باصبعبن تضغطين
عليه مؤ مثلي من اي فون :weeping:

[الحياة الخالدة]

خاتم هديه من جدي وايد اخاف عليه لايضيع


ذكرى جميلة و شي يستحق الاحتفاظ به

حياج الله أختــــي غزلان

[Aaziz]

بعد الزواج طلعت في بيت مستقل ،،، غرفتي ايام العزوبيه اخذها اخوي الصغير ،،، سويت معاه اتفاق .
نص كبت غرفة النوم مايستخدمه ولا يفتحة .
فيه ذكريات و اغراض حاليا ناسي اغلبها .
كل كم سنه اقول له بدخل غرفتك و اروح افتح الكبت و الدروج الي فيه .
فيه كمية البومات صور رهيبه ،، افتحها و اتذكر اشياء و وقت مضى ،،، يا الله .
و فيه ظرف الحين تذكرته ،،، لونه بيج ،، تتردد يدي اذا ابي افتحه ،،، ما احب افتحة ابدا . فيه ذكرى اليمه جدا .
احتفظ باول كره شريتها و كانت كانون .
لو اني في الدوحه كان رحت و صورت بعض محتويات هذا الكبت .

[بونووف]

اهليييييين الحياه صبعه هههههههههههههههه

انه محتفظ بلعبة ام عويجه صار لها عندي 8 سنوات :)

لاتخافين عادي :eek5:

تقدر تحط لنا صوره عنها وشلون طريقة اللعب ومن وين :nice:

[intesar]

بكثير من الأشياء لا تعد ولا تحصى.. وفية لأغراضي..

[غرِيبهـ]

انا يسموني ام الذكريات احب احتفظ باشياء قديمه كذكرى


ليسن ابوي الله يرحمه ومسباحه
ساعة من اخوي الله يرحمه بمناسبة نجاحي بالثانويه
احلى ذكرى منه اول مااعلنو اسمي بالراديو اتصل كان مناوب بشغله
وقال روحي الغرفة هديتج موجوده ساعه جوتشي يعني من زمان الماركات:shy:

طبعا هدايا ميلادي والنجاح محتفظه فيهم

واشياء كثيره
احب احتفظ بالاكياس الحلوة
وعندي ليبلات الملابس اللي خذتها من سفرتي امريكا

عندي البومات صور خواتي كلهم عرسو وخلو الالبومات
انا احتفظت فيها وحافظت عليها
ارويهم عيالهم مرات خاصة في اللي مطوعة احين وكانت مب متحجبه
اقولها بروي بنتج
واذا طلبو الالبومات اقولهم بفلوس يحتجون
اقولهم انا حافظ عليهم يقولون بعد عرسنا نسينا كل شي ههههه


يسلمو الحياة الخالدة على الموضوع :)

[وثائقي]

ساعة ابوي الله يرحمه ويرحم اموات المسلمين ^^

[عاهد بن علي]

انا احتفظ بكل شيئ قديم الا ( الزوجه ):anger1:

[بصمة قطرية]

الله على مواضيعج الحلوة ..
كل موضوع يرجعنا للماضي و نقلب الذكريات ..
أحب الذكريات
و أحب أحتفظ بكل شي قديم
الهدايا بالذات أعتز فيها وايد
الجوالات والكاميرات لو ما أستخدمها خلاص
مستحيل أعطي حد أحطها في الكبت
عندي ولاء للأجهزة الإلكترونية غير طبيعي :secret:
محتفظة بخاتم أمي الله يرحمها و ألبسه بين فترة و فترة
صور العيال من ولادتهم
ولدي الكبير شاف صورته يوم عمره شهر تخرع :secret:
قال هاي مب أنا :secret:
خخخخخخخ
هاي اللي تذكرته الحين .. :shy:

[بصمة قطرية]

انا احتفظ بكل شيئ قديم الا ( الزوجه ):anger1:

يا عوين هالزوجة
مأجورة إن شاء الله
لها الجنه :secret:

[qatarshark]

بالنسبة لي أنا
عندي مكتب من حوالي ثلاثين سنة يوم كنت بالاعدادية شراه لي أخوي الكبير :nice::nice:الله يخليه لنا وعندي جواز ابوي الله يطول بعمره مكتوب فيه المهنة سائق مع أن الوالد ما يعرف يسوق:tease:
عندي أسطوانات قديمة شاربها بنص ريال من سوق الحراج القديم عند امي بطاقة تهنئة بمولدي:nice:
عندي شارة الطباخ أيام الكشافة عمرها ثلاثين سنة من تونس في احد المعسكرات العربية للكشافة
عندي سجل القيد مال المدرسة الي كنت فيها سنة 1983 وفيه اسمي :nice:

[وثائقي]

ماشاء الله شارك ارشيف ^^

[qatarshark]

ماشاء الله شارك ارشيف ^^

ميرسوووووووووووووووو:nice:

[مرحباني @]

حلو موضوعج انا سلمج الله محتفظه بكل شي صور تلفونات ارقام فيدوهات

كل شي كل شي بتحصلينه عندي

وايد اشياء خاطري ف يوم من الايام اقطها بس قلبي يقولي لا اتريي

اممممممممممم

يبيلي حجره بروحي بس حق الذكريات


بس فيه شغاب باسمي ضاعت مادري وين دورتها ف كل مكان ماحصلتها


:)

[النهار]

:weeping: وانا كانت عندي اشياء ماتخطر على بالكم تقول متحف متنقل ولكن للاسف سنة 1990 المخزن الي كنت احتفظ فيه الاشياء القديمه ولع شبت فيه النار لين ماجت المطافي الحريق كل المخزن بالكامل ماخليت شي قديم تراثي من سوق الحراج ماشريته مابقي الا التجوري الحديد كان جدي الله يرحمه يحتفظ فيه اوارقه والبيزات والله والتجوري صناعة بومباي بالفيت انه ماحد يقدر يفتحه طالبه طلبيه خاصه من ربعه الي يسافرون بومباي :nice:

[لامار]

‘

مـرحـبــا . .

عـزيـزتـي الحـيــاة الخـالــدة . .

مـوضـوعـج جـداً جـمــيـل . . وفـكـرتـهـ إعـجـبـتـنـي . .

وحـبـيـت إنـي أشــاركـ بـ شـيء بـسـيـط من بـعـض مـا أحتـفـظ بـهـ من ذكـريــات . .





http://www3.0zz0.com/2013/01/07/22/950660235.jpg

‘

[بوحارب]

جوالاتي القديمة :(

[الحياة الخالدة]

الالبومات كلها قديمه واشرطة الفيديو عندي الكبار والصغار والصغار كلش مالت تسجيل الكيمرا وفي بعض الاشرطه ماتشتغل لكن لحد الحين محتفظ فيهم على امل يشتغلون في يوم من الايام
حتى عندي جهاز ديسك توب ومخترب لكن ماحذفته لانه في صور وفيديوهات قديمه


هذيلا هم المشكلة .. يبيلك مكان خاص بس لهم .. بس الديسك توب الخربان لي متى بتم محتفظ فيه :)

حياك الله أخـــــوي

[الحياة الخالدة]

صورنا للرحلات كلها مع ابوي واخواني الربع
ليسن ابوي وجوازه وبوكه اللي لين الحين في فلوس :)
طبعا جاكيتاتي مالت البحر عندي منها اكثر من 15 سنه لانها خاصه للبرد فطلع مده معينه وترجع ولانها كولتي من النوع الزين

والمره طبعا هذا خلاص ماتنتهي صلاحيتها
معاك مثل الحكم الاعدام لان الموبد بعد يعفى عنه:(


الله يرحم الوالد و يغفر له
إي يا حسن .. خلك جذي زين لا تنعدي من صاحبك

حياك الله يا بوعلي

[الحياة الخالدة]

اي والله تذكرت بعد احب احتفظ برسايل عيالي وهم صغار والتنوع في الترحيب وخاصة يوم رجعتي من السفر والكلمات الي يكتبونها وخطهم المعرج وبعد تقريبا 20 سنه خليت عيالي يقرأون رسايلهم وخذ ضحك والعيال نفسهم مستغربين من الاسلوب القديم

وما زلت محتفظ بحوالي عشرين رساله منهم الله يحفظهم ويبلغني فيهم

تحياتي


يا حلو رسايل اليهال و رسوماتهم
الله يبلغك فيهم يا رب

حياك الله أخوي بوحمــــــد

[الحياة الخالدة]

اقول اختي من وين تييبين هالمواضيع الحلوا :nice:
عاد الحين مزاجي كلش طفرانه :rolleyes2:
لكان الاسبوع الياي بشارك في موضوعج وبطلع فضايحج وكل الاشياء اللي محتفظه فيها من ملايين السنين :tease:


ايش هالمزاج اللي للحين ما تعدل
ناطرة رجعتج .. بس بدون فضايح لو سمحتي :secret:

[ضوى]

وايد اشياء احب احتفظ فيها

بطاقات التهنئة اللي وصلتني في عيالي ، بايام ميلادهم بنجاحهم بيوم ميلادي بيوم زواجي ، دفتر ذكريات الاعدادية والثانوية ، رسومات عيالي باول ايامهم في الروضة شهاتهم وتقاريرهم الدراسية صورهم بكل مراحل حياتهم احتفظ فيهم لاني ابي اسوي لهم ملف واهديهم اياه في يوم زواجهم ان شاء الله

[الحياة الخالدة]

آممممممم ... آشياء وايد احب احتفظ فيها ...

الي اذكره اني محتفظه بدفتر صغيره أكتب فيه ذكرياتي يوم كنت بالجامعه والاشياء الزينه والشينه والمواقف الي تفشل الي صارت لي ... ودفتر ثاني كنت بعد اكتب فيه يوم اسافر في هاليوم شسوينا وين رحنا و و و ... ومحتفظة بدفتر اكتب فيه الخواطر الي تعجبني الي اقراها من مجلة او جريدة ومحتفظه برسومات قديمه لي .. ومحتفظه برسومات اعيال اخوي هههههه راسميني ><


أحلى شي لما تقعدين تقرين المذكرات و الخواطر القديمــــة
أنا كنت أحتفظ بملاحق الجرايد اللي تطلع في نهاية السنة تلخص أحداث العام كله
أما رسومات اليهال و رسايلهم يا كثرها .. و أحياناً الرسالة ما فيها إلا كلمتين بس بعد ما يهون عليج تقطينها

حياج الله أختي هايدي

[آنا غيــر]

كل شي قديم اقطه

مستحيل اخلي شي يذكرني فايام قديمه .. سواء كانت حلوه or خايسه

احس مالها فايده .. لاني مب من النوع اللي اتذكر واسرح بفكري لعالمي القديم .. ماعرف ليش

يمكن الاشيا الوحيده القديمه في غرفتي .. هي دبدوب جاني هديه لاني فزت في مسابقة القرآن في صف ثالث ابتدائي .. و سنجاب صغير لعبه من Vienna شروا لي اياه وانا للحين عمري سنتين مادري ثلاث

هاي الشيين اللي بس مخليتهم .. ولا كل الاشيا الباقيه فالزبااااله .. حتى دفاتر الذكرى كلها قطيتهم -_-

[شبح الصمت]

كل شي قديم اقطه

مستحيل اخلي شي يذكرني فايام قديمه .. سواء كانت حلوه or خايسه

احس مالها فايده .. لاني مب من النوع اللي اتذكر واسرح بفكري لعالمي القديم .. ماعرف ليش

يمكن الاشيا الوحيده القديمه في غرفتي .. هي دبدوب جاني هديه لاني فزت في مسابقة القرآن في صف ثالث ابتدائي .. و سنجاب صغير لعبه من vienna شروا لي اياه وانا للحين عمري سنتين مادري ثلاث

هاي الشيين اللي بس مخليتهم .. ولا كل الاشيا الباقيه فالزبااااله .. حتى دفاتر الذكرى كلها قطيتهم -_-





خاطري يوم تكلمين بشيء أيجابي

ههههههههههههههههههاي

تكفين شوفي الدنيا بأيجابيه شنو انتي كل ما اشوف رد لج قبل لا ادخل اقول اشكره سلبي خاااااطري يوم تقولين شيء يطيب الخاطر



حتى اي شي قديم تقطينه اشفيج متهاوشه مع نفسج

هههههههههههههههههههههههههههههههههههههههههههههاي






















يأخي شنو انتي هههههههههههههههههههههاي

ما عرفنا لج الحين مخليه السناجيب وقاطه كل شيء شوفي مره ثانية قبل لا تقطينهم تذكري هل هالشيء الي عندج في له شيء حلو في حيآتج والا لا




تكفوين هدوني عليها

























والا خلاص هونت يبين عليها بتقطين بعد انا

[الزعفراني]

شهادة ميلادي

[آنا غيــر]

خاطري يوم تكلمين بشيء أيجابي

ههههههههههههههههههاي

تكفين شوفي الدنيا بأيجابيه شنو انتي كل ما اشوف رد لج قبل لا ادخل اقول اشكره سلبي خاااااطري يوم تقولين شيء يطيب الخاطر



حتى اي شي قديم تقطينه اشفيج متهاوشه مع نفسج

هههههههههههههههههههههههههههههههههههههههههههههاي






















يأخي شنو انتي هههههههههههههههههههههاي

ما عرفنا لج الحين مخليه السناجيب وقاطه كل شيء شوفي مره ثانية قبل لا تقطينهم تذكري هل هالشيء الي عندج في له شيء حلو في حيآتج والا لا




تكفوين هدوني عليها

























والا خلاص هونت يبين عليها بتقطين بعد انا


شبح بليز لاتسوي سبيسات وايد .. خلصت دفتر المنتدى :anger1:

وبعدين انا غرفتي ماتكفي حق الاغراض القديمه .. لازم اتخلص منها عشان اخلي مكان حق الشي الجديد والجميل << هاي شي مب ايجابي يعني؟ :/

يعني كم كبت تبيني اخلي فالغرفه .. اعنبوه مخزن بتصير ..

ونسيت اقول لك بعد .. كل ويك ايند اسوي جَرد حق غرفتي .. يوم الجمعه عقب الغدا اقعد قعده افلفل و انبّش واشووووف شبي اتخلص منه ومامنه فايده

لان احس كل فتره ذوقي يتغير وفي اشيا اكون ابيها قبل شهر بس عقب احس ان مابيها ولازم اقطها -_-

[آنا غيــر]

شهادة ميلادي

هههه لهالدرجه خايف تموت؟

[شبح الصمت]

شبح بليز لاتسوي سبيسات وايد .. خلصت دفتر المنتدى :anger1:

وبعدين انا غرفتي ماتكفي حق الاغراض القديمه .. لازم اتخلص منها عشان اخلي مكان حق الشي الجديد والجميل << هاي شي مب ايجابي يعني؟ :/

يعني كم كبت تبيني اخلي فالغرفه .. اعنبوه مخزن بتصير ..

ونسيت اقول لك بعد .. كل ويك ايند اسوي جَرد حق غرفتي .. يوم الجمعه عقب الغدا اقعد قعده افلفل و انبّش واشووووف شبي اتخلص منه ومامنه فايده

لان احس كل فتره ذوقي يتغير وفي اشيا اكون ابيها قبل شهر بس عقب احس ان مابيها ولازم اقطها -_-



ماشاء الله شركة ( أنا غير )
اخاف تسوين جرد للي حواليج

الله يزيديج يـارب
انزين والاشياء الي عندج وين تودينها !!!!

اممممم يعني تتبرعين فيها تعطينها أحد تقطينها !!

نبي نعرف وين تروح ولمن وليش ما تسوين لج استور



تدرين مره دخلت حجرة رجال عنده اشياء قديمه وتبين جديده اقولج قالي اسمعني ابي في هالغرفة ( مليون ) :eek5:

قلت له ماشاء الله وين من وبين بجيب لك مشتري قالي تصرف ولك الحلاوه

طلعت في قلبي قلت دورني من الخبل الي بيشتريهم ..

بس طلع اهو صح وانا غلط لانه عنده اشياء أثرررريه تستاهل والله تستاهل


:secret:

[الحياة الخالدة]

خاطري يوم تكلمين بشيء أيجابي

ههههههههههههههههههاي

تكفين شوفي الدنيا بأيجابيه شنو انتي كل ما اشوف رد لج قبل لا ادخل اقول اشكره سلبي خاااااطري يوم تقولين شيء يطيب الخاطر

حتى اي شي قديم تقطينه اشفيج متهاوشه مع نفسج

هههههههههههههههههههههههههههههههههههههههههههههاي
يأخي شنو انتي هههههههههههههههههههههاي

ما عرفنا لج الحين مخليه السناجيب وقاطه كل شيء شوفي مره ثانية قبل لا تقطينهم تذكري هل هالشيء الي عندج في له شيء حلو في حيآتج والا لا

تكفوين هدوني عليها
والا خلاص هونت يبين عليها بتقطين بعد انا


يا شبح ياخوي طول بالك على البنت الله يهداك
خلها تعبر عن رايها و شعورها :) كل واحد و طبيعتـــــه

[شبح الصمت]

ونسيت ما اقولكم شيء


أنا

أحتفظ بنفسي حق نفسي :shy:

[شبح الصمت]

يا شبح ياخوي طول بالك على البنت الله يهداك
خلها تعبر عن رايها و شعورها :) كل واحد و طبيعتـــــه




لا خلاص عبرت اطلعت برئيه
تقط لاجل تاخذ كل شيء جديد

بس في اشياء تنقط لانها منها الكثيرة
وفي اشياء ما تنقط لانها ما تتعوض

فهل كل شيء مشابه للي عندنا نقطه او نحتفظ فيه


هنا يكمن سر المحتفظ


:rolleyes2:

[الزعفراني]

هههه لهالدرجه خايف تموت؟

لا .. بس هي أقدم شي محتفظ فيه لحد الآن :shy:

تدرين لازم اسوي فيها " نفسيّه "

:eek2:

[الزعفراني]

احتفظ برسايل قديمه من بعض ذكرياتي .. صار لها هالرسايل اكثر من 18 سنة ..

[الحياة الخالدة]

محتفظه بجلا بيه من خالتي من سنهظ،ظ©ظ¨ظ§ عطاني إياها لأني كنت برد انه ايام الشتا في منطقه ليوا في الامارات
محتفظه بصندوق من لندن سنه ظ،ظ©ظ¨ظ£
محتفظه بمعضد هديه من يدني الله يرحمها ويرحم جميع أموات المسلمين ظ¢ظ*ظ*ظ*
محتفظه باخر بطوله لبسها يدتي يوم كانت في سكرات الموت ظ¦-ظ¢ظ*ظ*ظ*
هذا الى اذكره


مع إن الأرقام مب مبينة .. بس حلوة الأشياء اللي محتفظة فيها :)
حياج الله أختي بنت مريخ

[للصبر اخر]

ليس الاحتفاظ برساله منهم
او علبة تجمع فيها صورهم مشكله
المشكله هي الاحتفاظ بذكراهم في كل مكان ذهبنا اليه سوياا
فالاشياء الملموسه سهل التخلص منها
ولكن ماعلق بالذاكره
كييف ننسااااه

[الحياة الخالدة]

اهليييييين الحياه صبعه هههههههههههههههه

انه محتفظ بلعبة ام عويجه صار لها عندي 8 سنوات :)

لاتخافين عادي :eek5:


أهليين مخرج الروائــــع
عاد انت و ألعابك .. سكنهم مساكنهم :rolleyes2:

حياك الله أخوي أمير .. بس من غير تخرع

[الحياة الخالدة]

عندي سجادة لها فوق عشر سنوات
بس يأرب اذا رجعت احلصها :weeping:


إن شاء الله تحصلهـــــا :omen2:

حياك الله أخوي رحال

[الحياة الخالدة]

:secret::secret::secret:


المهم ..ما علينا .. الحياة الخالدة .. بالنسبة لي المفروض يكون السؤال : ماالذي لا تحتفظون به :shy::telephone:


هههههههه .. لا عادي .. رحال خذي و خلي من غلطاته

إي و الله و انتي صادقة .. كان المفروض أعكس السؤال :)

حياج الله أختي نور الحور

[شبح الصمت]

نسينا شيء مهم !!


عندنا اشياء كانت ماشاء الله عليها بصحتها وبعافيتها وعطتنا الكثير الكثير








والحين نقول البعض البعض يقولون صاروا أقدام







صاروا شيبان وعجيز



هالشيئين لازم نحطهم في عيوووووووووووووونا



وآسف انحرفت بس لهم حق وحق وحق


الله يسامحنا ان قصرنا وياهم والله يرحم من مات ويغفر لهم ويجمعنا معاهم

[آنا غيــر]

شكرا الحياة الخالده , لان هذا الشخص شكله مايفهم في فسيولوجية المرأه وخاصه اني جوزائيه ودايما اطمح للتجديد والتغيير

يا شبح ... انت تفكر بسوي نفس اللي يمدحون نفسهم واقول اني اتبرع مني والطريج ومحد سالني؟

بس بضطر اجاوبك لانك سالت .. اي اكيد اني اتبرع فيهم اغلب شي .. وفي اشيا تنقط مالها داعي يعني .. مثلا بروش شعر مابيه :/

[شبح الصمت]

شكرا الحياة الخالده , لان هذا الشخص شكله مايفهم في فسيولوجية المرأه وخاصه اني جوزائيه ودايما اطمح للتجديد والتغيير

يا شبح ... انت تفكر بسوي نفس اللي يمدحون نفسهم واقول اني اتبرع مني والطريج ومحد سالني؟

بس بضطر اجاوبك لانك سالت .. اي اكيد اني اتبرع فيهم اغلب شي .. وفي اشيا تنقط مالها داعي يعني .. مثلا بروش شعر مابيه :/




انزين يا الفاهمه عرفنا خلاص خلاص

كلتنا بقشورنا اوكي يالفسيولجيه يالفيزئائيه يالكيمايه يا كل شيء با بتاع كلووو

خلاص عليج بالعافيه الاشياء الجديده والقديمه الله يعوضج خير






















تربين حمام

:shy:

[آنا غيــر]

وليش اربّي حمام اش شايفني؟

امقنزع واحد -_-

[الحياة الخالدة]

بعد الزواج طلعت في بيت مستقل ،،، غرفتي ايام العزوبيه اخذها اخوي الصغير ،،، سويت معاه اتفاق .
نص كبت غرفة النوم مايستخدمه ولا يفتحة .
فيه ذكريات و اغراض حاليا ناسي اغلبها .
كل كم سنه اقول له بدخل غرفتك و اروح افتح الكبت و الدروج الي فيه .
فيه كمية البومات صور رهيبه ،، افتحها و اتذكر اشياء و وقت مضى ،،، يا الله .
و فيه ظرف الحين تذكرته ،،، لونه بيج ،، تتردد يدي اذا ابي افتحه ،،، ما احب افتحة ابدا . فيه ذكرى اليمه جدا .
احتفظ باول كره شريتها و كانت كانون .
لو اني في الدوحه كان رحت و صورت بعض محتويات هذا الكبت .


زين ليش ماخذت أغراضك معاك للبيت الجديد ؟؟ :telephone:
للأسف حتى الذكريات الأليمــــــة نحتفظ فيها .. ليش التعذيب مادري :(

حياك الله أخوي عبدالعزيز

[الحياة الخالدة]

خلاص يا جماعة .. صلوا على النبي .. و خلونا في حدود الموضـــــوع

جزاكم الله خير

[الحياة الخالدة]

بكثير من الأشياء لا تعد ولا تحصى.. وفية لأغراضي..


صفة جميلة يا انتصار

حياج الله عزيزتي

[الحياة الخالدة]

انا يسموني ام الذكريات احب احتفظ باشياء قديمه كذكرى


ليسن ابوي الله يرحمه ومسباحه
ساعة من اخوي الله يرحمه بمناسبة نجاحي بالثانويه
احلى ذكرى منه اول مااعلنو اسمي بالراديو اتصل كان مناوب بشغله
وقال روحي الغرفة هديتج موجوده ساعه جوتشي يعني من زمان الماركات:shy:

طبعا هدايا ميلادي والنجاح محتفظه فيهم

واشياء كثيره
احب احتفظ بالاكياس الحلوة
وعندي ليبلات الملابس اللي خذتها من سفرتي امريكا

عندي البومات صور خواتي كلهم عرسو وخلو الالبومات
انا احتفظت فيها وحافظت عليها
ارويهم عيالهم مرات خاصة في اللي مطوعة احين وكانت مب متحجبه
اقولها بروي بنتج
واذا طلبو الالبومات اقولهم بفلوس يحتجون
اقولهم انا حافظ عليهم يقولون بعد عرسنا نسينا كل شي ههههه


يسلمو الحياة الخالدة على الموضوع :)


الله يسلمج أختي غريبـــــــة
الله يرحم أبوج و أخوج و يرحم موتانا و موتى المسلمين
و أنا مثلج أحب أحتفظ بكل شي .. و لو علي ماقط شي كلش

حياج الله عزيزتي

[الحياة الخالدة]

ساعة ابوي الله يرحمه ويرحم اموات المسلمين ^^


الله يرحمه و يغفر لــــه

حياك الله أخوي وثائقي

[شمس2]

تصدقين اختي دورت على اشياء احتفظ فيها مالقيت ههههههههههه
يمكن ما عندي ماضي :eek5:
تدرين بي ماضيي نظيف ونقي :nice:
انزين تبين اعلم عليج والا البيوت الاسرار :secret:

[الحياة الخالدة]

انا احتفظ بكل شيئ قديم الا ( الزوجه ):anger1:


ما تكون عاهــــد إذا ما تجاوب هالجواب

حياك الله أخوي

[الحياة الخالدة]

الله على مواضيعج الحلوة ..
كل موضوع يرجعنا للماضي و نقلب الذكريات ..
أحب الذكريات
و أحب أحتفظ بكل شي قديم
الهدايا بالذات أعتز فيها وايد
الجوالات والكاميرات لو ما أستخدمها خلاص
مستحيل أعطي حد أحطها في الكبت
عندي ولاء للأجهزة الإلكترونية غير طبيعي :secret:
محتفظة بخاتم أمي الله يرحمها و ألبسه بين فترة و فترة
صور العيال من ولادتهم
ولدي الكبير شاف صورته يوم عمره شهر تخرع :secret:
قال هاي مب أنا :secret:
خخخخخخخ
هاي اللي تذكرته الحين .. :shy:


عيونج الحلوة يا بصمـــة :)
فعلاً أغلب مواضيعي مرتبطة بالذكريات .. هاذي أحد علامات الكبر :(
الله يرحم الوالدة و يغفر لها
أما ولدج فديته أنكر إن الصورة لــــه .. الله يبلغج فيه و في إخوانه :omen2:

حياج الله يا غالية

[الحياة الخالدة]

بالنسبة لي أنا
عندي مكتب من حوالي ثلاثين سنة يوم كنت بالاعدادية شراه لي أخوي الكبير :nice::nice:الله يخليه لنا وعندي جواز ابوي الله يطول بعمره مكتوب فيه المهنة سائق مع أن الوالد ما يعرف يسوق:tease:
عندي أسطوانات قديمة شاربها بنص ريال من سوق الحراج القديم عند امي بطاقة تهنئة بمولدي:nice:
عندي شارة الطباخ أيام الكشافة عمرها ثلاثين سنة من تونس في احد المعسكرات العربية للكشافة
عندي سجل القيد مال المدرسة الي كنت فيها سنة 1983 وفيه اسمي :nice:


الله يخلي لك أبوك و أخوك
و المكتب ما شاء الله للحين تستخدمـــه ؟؟ و الاسطوانات تشتغل ؟؟
ما شاء الله أغلب الأشياء اللي عندك من 30 سنـــة :)

حياك الله أخوي شارك

[الحياة الخالدة]

حلو موضوعج انا سلمج الله محتفظه بكل شي صور تلفونات ارقام فيدوهات

كل شي كل شي بتحصلينه عندي

وايد اشياء خاطري ف يوم من الايام اقطها بس قلبي يقولي لا اتريي

اممممممممممم

يبيلي حجره بروحي بس حق الذكريات


بس فيه شغاب باسمي ضاعت مادري وين دورتها ف كل مكان ماحصلتها


:)


عيونج و طبخاتج الحلوة يا مرحباني :)
ذكرياتنا يبيلهــــا أكثر من حجرة .. خصوصاً إذا كنا من النوع اللي ما يقط شي

حياج الله أختي مرحباني

[الحياة الخالدة]

:weeping: وانا كانت عندي اشياء ماتخطر على بالكم تقول متحف متنقل ولكن للاسف سنة 1990 المخزن الي كنت احتفظ فيه الاشياء القديمه ولع شبت فيه النار لين ماجت المطافي الحريق كل المخزن بالكامل ماخليت شي قديم تراثي من سوق الحراج ماشريته مابقي الا التجوري الحديد كان جدي الله يرحمه يحتفظ فيه اوارقه والبيزات والله والتجوري صناعة بومباي بالفيت انه ماحد يقدر يفتحه طالبه طلبيه خاصه من ربعه الي يسافرون بومباي :nice:


سبحان الله .. حسافة على الأشياء اللي احترقت
بس عالأقل بقى التجوري على قيد الحياة
الله يعينك ارجع جمع مرة ثانية :(

حياك الله أخوي النهــــار