هل تأيد أن القطري يتبرع بلبسة للدريول وكذلك بالنسبة للمرأة

[collection]

انا مستغربة من هالحالة ،،،تلاقي دريول تابع للأهل يلبس ملابس وساعة المعزب ،،شرااااايكم ،،معقولة المعزب ما يزعل من نفسة ،،وخاصة انه الدريول خاص بالأهل ،،او الخدامة تلبس
ملابس المعزبة بالبيت ،،هل هل الشي طبيعي ،،وما يأثر في مشاعر كلا الطرفين
أنا ما اقصد الهدايا أتكلم عن استخدامة بنفس المحيط

[عيون الدوحة]

عادي مأسوف فيها شي
إحنا يوم نسوي فرز ونكنسل ملابسنا اول شي نجدهم جداه الخامات يأخذون الي عاجبهم والباقي نطلعة للفقراء

[Abdulraman]

وين المشكله؟

[بونووف]

نفس كلام عيون الدوحه هو الللي صاير في بيتنا ..اما فالاعياد والمناسبات نوديهم يتشرون او الوالده تشتري لهم

[حياة]

الاجر فيهم

[ولد شرق]

السلام عليكم ورحمة الله وبركاته

وين المشكله حتى لو كان في نفس المحيط؟
الفقير جدامي و اروح اتبرع حق واحد بعيد؟؟؟

يقول المصطفى صلى الله عليه و سلم
(من كان عنده فضل ظهر فليعد به على من لا ظهر له ومن كان عنده فضل زاد فليعد به على من لا زاد له حتى ظننا أنه لا حق لأحد منا في الفضل)

[ساس الوفا]

مع ولد شرق بنفس الرأي

[روز باريس]

عن نفسي ماحب يلبسون ملابسي ولا ملابس عيالي
ام السايق عادي لو لبس الثوب

[ms-qtr]

عادي ما اجوف فيها شي
لو يبون الملابس القديمة ياخذونها
على الاقل اكون متأكدة انهم فقراء
وهم أولى من غيرهم
على الرغم من انا نشتري لهم وما مقصرين معاهم

[kawkawii]

اهو مب حلوه ان زوجي يشوف لبسي مثلا على الخدامه !! ويمكن صدفه يغلط على باله انا ولا شئ لا سمح الله
فالافضل لو التبرع يكون لشخص بعيد ... اما الشغاله والسواق فممكن نعطيهم فلوس يشترون لهم او احنا نجيب لهم شئ جديد مب غالي افضل !!!

[دوحة الجميع]

اهو مب حلوه ان زوجي يشوف لبسي مثلا على الخدامه !! ويمكن صدفه يغلط على باله انا ولا شئ لا سمح الله
فالافضل لو التبرع يكون لشخص بعيد ... اما الشغاله والسواق فممكن نعطيهم فلوس يشترون لهم او احنا نجيب لهم شئ جديد مب غالي افضل !!!

انا معاج في الراي وفي كل كلمه قلتيها

[ابوعلي]

مافيها شي بالنسبة للسايق ان يلبس ثوبي اذا اعطيه

ولكن اتحفظ على الخدامة بسبب كثرة اعمال السحر من الخدامات ولكن لو اضمن الخدامة اشوفها احق في لبس الجلابيات

[collection]

عادي مأسوف فيها شي
إحنا يوم نسوي فرز ونكنسل ملابسنا اول شي نجدهم جداه الخامات يأخذون الي عاجبهم والباقي نطلعة للفقراء

أنا أسوي نفسج حتى أنهم يأخذونها لهلهم ،بس دريول يلبس ملابس زوجي أحسها قوية،

[collection]

وين المشكله؟

المشكلة أن السواق الخاص لرفيجتي ،،وتقول يلبس ثوب زوجها وساعتة وغترتة وتقول هالاشياء تذكرها بزوجها ،،أحسها مصخت

[collection]

نفس كلام عيون الدوحه هو الللي صاير في بيتنا ..اما فالاعياد والمناسبات نوديهم يتشرون او الوالده تشتري لهم

أنا ما أتكلم عن الهدايا ،،أتكلم عن لبسكم الشخصي

[collection]

السلام عليكم ورحمة الله وبركاته

وين المشكله حتى لو كان في نفس المحيط؟
الفقير جدامي و اروح اتبرع حق واحد بعيد؟؟؟

يقول المصطفى صلى الله عليه و سلم
(من كان عنده فضل ظهر فليعد به على من لا ظهر له ومن كان عنده فضل زاد فليعد به على من لا زاد له حتى ظننا أنه لا حق لأحد منا في الفضل)
يعني عادي بذمتك. خدامة لبسة لبس زوجتك وإلا لابسة لبس انت شاريها لها

[عيون الدوحة]

بعدين الخدامات ياخذون الاغراض ويطرشونها بلادهم يعني لبسهم معروف في البيت يونوفورم

[دااانة قطر]

معروف أن الشغاله تلبس اليونيفورم فـâ™،ـي البيت
ومو أي شئ نعطيها تلبسه فـâ™،ـي وسط البيت
حتى لو فـâ™،ـي المناسبات

سائق ماجربناه فنا اقدر احكم

[MAZEN37]

لا طبعا
فلكل شيء اصول
كل مهنه لها الينوفورم خاص بها
طبعا ما احب اشوف شيء خاص باهلي لابساه خدامه بالبيت

[تعليقي]

اعتقد ان هذا التصرف خطء

[basma222]

خادمتي اشتريها يديد

بس خادمه بيت اختي هي تطلب مني ملابسي وملابس بناتي

[qatara]

ليش الرديول مادام كل يسوق

وحتا الخادمه في الحقيقه ليس لها حاجه لو كل قام بدوره

نقلد الغرب بكل شي ليش مانقلدهم نعيش بدون خدم

!

[روح الاطلس]

ليش التكبر على البشر يا ابناء الماء المهين والطين؟!!!

كلنا من تراب واخرتنا حفرة ولا عشان الدنيا خلتكم اسياد وخلتهم فقراء خدم وعمال!!

ماشوف فيها اي شي اذا لبس قديم او زايد عن الحاجة وقدمتوه للسايق هو بيفرح فيه وكأنه جديد واحسن من انه ينرمي او تتصدقون فيه لناس برا والسايق هو اللي يودي الاغراض ونفسه فيها !

والخادمة نفس الشيء اكيد طبعا مب معطيتها لبس المناسبات بس على االاقل لو فيه عبايات او شيل او بلوزات او جلابيات ساترة او تنانير تقدر تلبسهم في البيت وين المشكلة؟! باستثناء ملابس المناسبات اللي اكيد مابتلبسهم الخادمة في البيت ممكن تاخذهم لاهلها

عندنا الخدامة دايما تاخذ من لبسنا وتطرش لاهلها وهي تفرح واهلها يفرحون هم اولى من الجمعيات الخيرية

احنا حتى يونيفورم ما نرضى نلبسها اياه احس فيه كسرة نفس واهانه
والله يحز بخاطري شكل الخادمة باليونيفورم ونحسسها بأنه في فرق بينا وبينها!
امي ربي يطول بعمرها كانت حتى الاكل تبيها تاكل معانا على نفس الطاولة بس الخدامة مارضت وتعاملها كبنت لها واحنا نعاملها كأخت لنا

اكره التعالي والبرستيج الزائف

والمعذرة ان كان ردي مزعج :)

[ام حمادي]

جدا عادي بالعكس عمرنا ماتبرعنا بملابس الا قبل لايشوفونها شغالات البيت وياخذون الي يبون منها ..

بعدين شبعطيها انا علشان ما ارضى زوجي يشوفه عليها ؟ اكيد مراح تلبس شي بعيد عن الاحتشام ف البيت والملابس الزينه الخدامات مايلبسونها في الشغل هم من نفسهم علشان لاتخترب ..

اما بخصوص العماله من الرجال انا اشوف ابوي يجمع ثيابه وثياب اخوي ويوديها لهم عادي الحين كل ملابس الرجال تتشابه اي واحد لابس ثوب ابيض بيذكرني بزوجي؟؟ شي غريب

[Locale]

كل واحد يسوي الشي اللي يريحه
ممكن اعطيها ولكن اقولها تلبسه لما تكون فبلادها
ماحب يشوفه زوجي عليها ويقارن بين الأجسام ولو ان زوجي مايقعد فالبيت ونادر مايتصادف مع الشغالات

[Serenade]

ليش مب بشر هم؟ ليش هالتقليل بخلق الله؟
استغفر الله بس

[ريم 28]

صاحب الموضوع يقصد ان الزوج سيقارن بين جسم الخادمه وجسمك

لانه راى هذه الملابس عليك جلابيه او غيره

وانا مع صاحب الموضوع انه ملفت بالفعل ولتجنب ذلك الافضل اعطائه لخادمه تعمل في منزل اخر وهكذا

[ms-qtr]

جدا عادي بالعكس عمرنا ماتبرعنا بملابس الا قبل لايشوفونها شغالات البيت وياخذون الي يبون منها ..

بعدين شبعطيها انا علشان ما ارضى زوجي يشوفه عليها ؟ اكيد مراح تلبس شي بعيد عن الاحتشام ف البيت والملابس الزينه الخدامات مايلبسونها في الشغل هم من نفسهم علشان لاتخترب ..

اما بخصوص العماله من الرجال انا اشوف ابوي يجمع ثيابه وثياب اخوي ويوديها لهم عادي الحين كل ملابس الرجال تتشابه اي واحد لابس ثوب ابيض بيذكرني بزوجي؟؟ شي غريب

:nice::nice::nice:
معاج في كل كلمة

[Al-Kuwari]

ليش التكبر على البشر يا ابناء الماء المهين والطين؟!!!

كلنا من تراب واخرتنا حفرة ولا عشان الدنيا خلتكم اسياد وخلتهم فقراء خدم وعمال!!

ماشوف فيها اي شي اذا لبس قديم او زايد عن الحاجة وقدمتوه للسايق هو بيفرح فيه وكأنه جديد واحسن من انه ينرمي او تتصدقون فيه لناس برا والسايق هو اللي يودي الاغراض ونفسه فيها !

والخادمة نفس الشيء اكيد طبعا مب معطيتها لبس المناسبات بس على االاقل لو فيه عبايات او شيل او بلوزات او جلابيات ساترة او تنانير تقدر تلبسهم في البيت وين المشكلة؟! باستثناء ملابس المناسبات اللي اكيد مابتلبسهم الخادمة في البيت ممكن تاخذهم لاهلها

عندنا الخدامة دايما تاخذ من لبسنا وتطرش لاهلها وهي تفرح واهلها يفرحون هم اولى من الجمعيات الخيرية

احنا حتى يونيفورم ما نرضى نلبسها اياه احس فيه كسرة نفس واهانه
والله يحز بخاطري شكل الخادمة باليونيفورم ونحسسها بأنه في فرق بينا وبينها!
امي ربي يطول بعمرها كانت حتى الاكل تبيها تاكل معانا على نفس الطاولة بس الخدامة مارضت وتعاملها كبنت لها واحنا نعاملها كأخت لنا

اكره التعالي والبرستيج الزائف

والمعذرة ان كان ردي مزعج :)

بارك الله فيج

[collection]

ليش التكبر على البشر يا ابناء الماء المهين والطين؟!!!

كلنا من تراب واخرتنا حفرة ولا عشان الدنيا خلتكم اسياد وخلتهم فقراء خدم وعمال!!

ماشوف فيها اي شي اذا لبس قديم او زايد عن الحاجة وقدمتوه للسايق هو بيفرح فيه وكأنه جديد واحسن من انه ينرمي او تتصدقون فيه لناس برا والسايق هو اللي يودي الاغراض ونفسه فيها !

والخادمة نفس الشيء اكيد طبعا مب معطيتها لبس المناسبات بس على االاقل لو فيه عبايات او شيل او بلوزات او جلابيات ساترة او تنانير تقدر تلبسهم في البيت وين المشكلة؟! باستثناء ملابس المناسبات اللي اكيد مابتلبسهم الخادمة في البيت ممكن تاخذهم لاهلها

عندنا الخدامة دايما تاخذ من لبسنا وتطرش لاهلها وهي تفرح واهلها يفرحون هم اولى من الجمعيات الخيرية

احنا حتى يونيفورم ما نرضى نلبسها اياه احس فيه كسرة نفس واهانه
والله يحز بخاطري شكل الخادمة باليونيفورم ونحسسها بأنه في فرق بينا وبينها!
امي ربي يطول بعمرها كانت حتى الاكل تبيها تاكل معانا على نفس الطاولة بس الخدامة مارضت وتعاملها كبنت لها واحنا نعاملها كأخت لنا

اكره التعالي والبرستيج الزائف

والمعذرة ان كان ردي مزعج :)
شدخل التعالي بالموضوع ،،،،محد فهمني الا قليل ،،أنا ارجع وأقول اللبس اللي أطرشة لهلها عااااااااااااااادي أنا بعد اعطي خدمي ملابسي يطرشونها لهلهم ،،،بس تلبس جلابيتي قدام زوجي أحسها قووووية ،،وإلا دريولي يلبس بناطلين وفنايل زوجي ،،،

[collection]

صاحب الموضوع يقصد ان الزوج سيقارن بين جسم الخادمه وجسمك

لانه راى هذه الملابس عليك جلابيه او غيره

وانا مع صاحب الموضوع انه ملفت بالفعل ولتجنب ذلك الافضل اعطائه لخادمه تعمل في منزل اخر وهكذا
محد فهمني إلا انتي ،،،تخيلي الدريول يلبس لبس المعزب وياليتة ابيض عشان الواحد ما يميز

[ريم 28]

محد فهمني إلا انتي ،،،تخيلي الدريول يلبس لبس المعزب وياليتة ابيض عشان الواحد ما يميز

(فاهمه عليج)
انتي مسئوله عن ما تقصدين ولست مسئوله عن ما يفهمه الاخرين

عموما من اراد ان يجرب ذلك فليجرب
وهناك مؤيد لرايك ومعارض

وانا اؤيد وبقوه ولا يعني ذلك اي تعالي او تكبر

[روح الاطلس]

ليش تحسينها قوييييه؟؟؟

[راشد محمد]

اشتر لهم جديد احسن

[حميداني]

في البدايه اول ماقريت الموضوع كان رايي من راي الشباب
انه وشفيها يعني انت من تراب وهو كذلك وانه ماله داعي الاستعلاء والتكبر على هالفقير

بعدين كملت بالردود وشفت بقية الاراء , فتخيلت الموقف
وصراحه احس ان الدريول ان لبس ثيابي القديمه قدامي كل ما اشوفه بيذكرني اني متفضل عليه
او يمكن من داخله بيحس انه هذي ثياب معزبي ويمكن , ما ادري احس يمكن تذكره الثياب اني متفضل عليه
هالشي يضايق ...

والخدامه نفس الشي وبعد مثل ما فصلو فيه الشباب انه ممكن يخيل له انها زوجته او شي

أفضل نشترلهم ثياب جديده لانه هذا شي المفروض يكون أصلاً من حقهم

اما الفقاره البعاد عن الاعين الي ما تعرفهم ولا يعرفونك
فهذول الي ارتاح وهم بعد يرتاحون بهالصدقه من الثياب المستعمله

يعطيكم العافيه

[فريسيا]

الخادمه الملابس المحتشمه مافيها شي بس الملابس المميزة والماركه تخذها وتحطها لين تسافر تلبسها في بلادها بس ماتلبسها هنا اسمحو لي الخدم معادو مثل اول ماينعطون ويه

[ضوى]

مدري اشوفه شي عادي اصلا مافرز واطلع ملابسي الا لمايشوفونه الشغالات ياخذون اللي يبون والباقي يعطونه لخدم العايلة عادي عندي لبست لبسي خاصة الجلابيات المطرزة للطلعات العائلية ؛ واذا ريلي بيقعد يخز بالشغالات وش لابسين وبيقارن اجسام هذا مب كفواشره عليه مع انه مايسويها اطلاقا

[حميداني]

او يمكن اني حساس حبتين ومكبرها وهي صغيره
ما ادري , في نفس الوقت شكل الموضوع عادي وما فيها شي الا هو شي طيب ... متابع للردود

[نور الحور]

بالنسبة لي ما احب اعطي الخدامات ملابسنا احتياطا عن السحر وهالسوالف الله يكفينا شرها
اتبرع بالقديم من ملابس عيالي وزوجي للجمعيات الخيرية
أما الخدامة فلها يونيفورم ساتر وعملي

بعدين أنا ما اعتقد ان فيه ملابس من ملابسي بتكون مناسبة للخدامة ..
أما الأغراض فأنا ممكن أعطيها الجديد اللي ما ابيه وما استخدمته من قبل

وبالنسبة للي يقولون الأجر فيهم ..أنا أقول بعد الأجر في الفقارى الثانيين ..
والخدامات عليهم بالعافية كل جديد :victory:

[deema117]

بالنسبة لي ما احب اعطي الخدامات ملابسنا احتياطا عن السحر وهالسوالف الله يكفينا شرها
اتبرع بالقديم من ملابس عيالي وزوجي للجمعيات الخيرية
أما الخدامة فلها يونيفورم ساتر وعملي

بعدين أنا ما اعتقد ان فيه ملابس من ملابسي بتكون مناسبة للخدامة ..
أما الأغراض فأنا ممكن أعطيها الجديد اللي ما ابيه وما استخدمته من قبل

وبالنسبة للي يقولون الأجر فيهم ..أنا أقول بعد الأجر في الفقارى الثانيين ..
والخدامات عليهم بالعافية كل جديد :victory:


مؤيدة لهذا الرد

انتبهوا لموضوع السحر والشعوذة

ممكن لأي موقف بسيط من ضعاف النفوس

من الخدم يتحول إلى انتقام بطريقة أخرى للكفيل !

[collection]

في البدايه اول ماقريت الموضوع كان رايي من راي الشباب
انه وشفيها يعني انت من تراب وهو كذلك وانه ماله داعي الاستعلاء والتكبر على هالفقير

بعدين كملت بالردود وشفت بقية الاراء , فتخيلت الموقف
وصراحه احس ان الدريول ان لبس ثيابي القديمه قدامي كل ما اشوفه بيذكرني اني متفضل عليه
او يمكن من داخله بيحس انه هذي ثياب معزبي ويمكن , ما ادري احس يمكن تذكره الثياب اني متفضل عليه
هالشي يضايق ...

والخدامه نفس الشي وبعد مثل ما فصلو فيه الشباب انه ممكن يخيل له انها زوجته او شي

أفضل نشترلهم ثياب جديده لانه هذا شي المفروض يكون أصلاً من حقهم

اما الفقاره البعاد عن الاعين الي ما تعرفهم ولا يعرفونك
فهذول الي ارتاح وهم بعد يرتاحون بهالصدقه من الثياب المستعمله

يعطيكم العافيه

لإلا استحالة افكر أني متفضلة عليها ،،،لأني إذا بعطيها شئ تستخدمة في بلادها لكن تلبس ملابسي قدامي صعبة

[collection]

بالنسبة لي ما احب اعطي الخدامات ملابسنا احتياطا عن السحر وهالسوالف الله يكفينا شرها
اتبرع بالقديم من ملابس عيالي وزوجي للجمعيات الخيرية
أما الخدامة فلها يونيفورم ساتر وعملي

بعدين أنا ما اعتقد ان فيه ملابس من ملابسي بتكون مناسبة للخدامة ..
أما الأغراض فأنا ممكن أعطيها الجديد اللي ما ابيه وما استخدمته من قبل

وبالنسبة للي يقولون الأجر فيهم ..أنا أقول بعد الأجر في الفقارى الثانيين ..
والخدامات عليهم بالعافية كل جديد :victory:
أنا خدامتي البسها يونفورم خاص فيها ،،واللي يزيد من اللبس اخليها تختار لكن ما تلبسه قدامي وقدام زوجي وعيالي،،،ونفس الشي الدريول

[collection]

تعرفون الحين المشكلة بشنو،،، الحين رفيقتي متضايقة من تصرفات زوجها كل ملابس زوجها عند دريولها المصري ،،،شرايكم شالحل

[العميل 007]

أكيد أحث على أن الواحد يعطي سايق ملابسه الا ملابس زوجه يستحسن
انه تعطيها أي احد برا

[روح الاطلس]

مدري اشوفه شي عادي اصلا مافرز واطلع ملابسي الا لمايشوفونه الشغالات ياخذون اللي يبون والباقي يعطونه لخدم العايلة عادي عندي لبست لبسي خاصة الجلابيات المطرزة للطلعات العائلية ؛ واذا ريلي بيقعد يخز بالشغالات وش لابسين وبيقارن اجسام هذا مب كفواشره عليه مع انه مايسويها اطلاقا


احسنتي :)

الزوج اللي بيطالع شغاله ويقارنها بزوجته من خلال لبس مب كفو ينشره عليه

ونفس الشي الزوجة اللي تطالع دريولها وهو لابس لبس زوجها


--


من ناحية السحر والشعوذة والاحتياط فطبيعي ان كانوا الخدم جدد مب عشرة عمر فالاحتياط واجب وماينعطون من لبس العائلة مع ان اللي يبون يسوون شي مب منتظرين حد يعطيهم بياخذون ويخشون عندهم من غير ماحد يحس :)

[collection]

احسنتي :)

الزوج اللي بيطالع شغاله ويقارنها بزوجته من خلال لبس مب كفو ينشره عليه

ونفس الشي الزوجة اللي تطالع دريولها وهو لابس لبس زوجها


--


من ناحية السحر والشعوذة والاحتياط فطبيعي ان كانوا الخدم جدد مب عشرة عمر فالاحتياط واجب وماينعطون من لبس العائلة مع ان اللي يبون يسوون شي مب منتظرين حد يعطيهم بياخذون ويخشون عندهم من غير ماحد يحس :)
احترم رأيك ،،،،بس قلوا الناس اللي بالدنيا ياكثرهم المحتاجين

[حميداني]

الحق مع الاثنين من وجهة نظري وكل واحد ينام على الجنب الي يريحه
ولا واحد من الجهتين ظالم .. كل طرف له سببه المنطقي

ابصراحه اميل للطرف ان ما تنعطى الاغراض للعمال في نفس البيت وتشترلهم الملابس كهدايا
أحس احسن ..

يعطيج العافيه كوليكشن عالموضوع

[نوار قطر]

اشووف ان مافيها شي ان راعي البيت يعطي ثيابه حق الدريوليه والصبيان ،،، ووايد الي يسوون هالحركه بس طبعا بدون غتره ،،، اما بالنسبه للخدامات بالنسبه لي اذا بغيت اطلع شي من ثيابنا اخلي الخدامات ياخذون الي يبونه لهم وحق عيالهم والباقي اعطي المحتاجين ،،، والخدامات طبعا مايلبسوونهم يخشوونهم لين مايروحون بلادهم لان طول ماهم في البيت يكون عليهم يونيفورم :)

[lil wana]

بالعكس اذا عطيتهم من لبسي او لبس عيالي بيحسون بالحنية والتقدير
وبعدين الي نعطيهم اياه نظيف واستعمال خفيف وياكثر الخلاقين الي نطلعها ملبوسه مره او مرتين بسسس
اتوقع حال كل بيت قطري
الله يغفر لنا على هالاسراف
تقبلوا مروري

[خــالــد]

زين وين المشكلة انا اعطي الدريولية والخدم الملابس الي ما احتاجهم اجر

[collection]

زين وين المشكلة انا اعطي الدريولية والخدم الملابس الي ما احتاجهم اجر

انا وخدامتي نفس اللبس...الخدم معروفين يالينفورم
اذا تلبسة تلبس عند اهلها مش عندي
جايز رايي مايعجبكم
وجايز رددودكم ماتليق لي

[بنت الشمال]

:anger1:

[عيون الدوحة]

تعرفون الحين المشكلة بشنو،،، الحين رفيقتي متضايقة من تصرفات زوجها كل ملابس زوجها عند دريولها المصري ،،،شرايكم شالحل

خلاص تقول لزوجها اي شي مايحتاجة ان لج صديقة وعندها اهل في بلادها محتاجين هذي الملابس
وتبرعي بهم براحتج

[Al-Kuwari]

انا وخدامتي نفس اللبس...الخدم معروفين يالينفورم
اذا تلبسة تلبس عند اهلها مش عندي
جايز رايي مايعجبكم
وجايز رددودكم ماتليق لي

ممكن انتي تشوفين نفسج اعلى وافضل من الخدامه

لكن تذكري ترى هي مخلوقه من طين وانتي مخلوقه من طين

الله يهديج ويغفر لج

[حميداني]

ممكن انتي تشوفين نفسج اعلى وافضل من الخدامه

لكن تذكري ترى هي مخلوقه من طين وانتي مخلوقه من طين

الله يهديج ويغفر لج

كلنا من طين ياخوي الكواري وما اظن اختنا تشوف نفسها كذلك

مافيها شي ان فضلت البنت ان لبس الشغل للموظف يكون محدد في وقت شغله المفروض عليه
وقت راحتها واجازاتها هي حره في ما تلبس بداخل غرفتها وما يحق للمعزبه او اي كان يتدخل بخصوصيات الخدامه في وقتها الخاص لها بالراحه وكل شي بحسابه

مثل كثار منا في الشغل يلبسون يونيفورمات وللينفورمات ميزات

[Al-Kuwari]

كلنا من طين ياخوي الكواري وما اظن اختنا تشوف نفسها كذلك

مافيها شي ان فضلت البنت ان لبس الشغل للموظف يكون محدد في وقت شغله المفروض عليه
وقت راحتها واجازاتها هي حره في ما تلبس بداخل غرفتها وما يحق للمعزبه او اي كان يتدخل بخصوصيات الخدامه في وقتها الخاص لها بالراحه وكل شي بحسابه

مثل كثار منا في الشغل يلبسون يونيفورمات وللينفورمات ميزات

اخوي حميداني ارجع واقرى رد الأخت كولكشن ولاحظ نبرة التعالي والتكبر الممزوجه بالكلمات وطريقة الكتابه :)

[حميداني]

أبد لا تفترض .. هذا بالنسبه لي درس ثمين تعلمته ما انساه
ممكن جداً خانها التعبير وما اخفيك سر هذا ما ظنيته في بداية دخولي لكن متابعتي للردود
وجدت اختنا تتعذر باشياء منطقيه , فيمكن هي ما وفقت بالاسلوب لكنها وضحت قصدها والمعنى من ورى كلامها وكان مقنع ومنطقي
ما انظن الا خير والنيه على الله , احنا علينا بالنظر بالاسباب والرد على ما يقول كل واحد منا , ما بندش بصدره ونفتش عن ما يدور بداخله
شخصياً ظلمت وانظلمت والسبب هالغلطه

هذا كل اللي اقوله اخوي الكواري

[BeN QaTaR]

تعرفون الحين المشكلة بشنو،،، الحين رفيقتي متضايقة من تصرفات زوجها كل ملابس زوجها عند دريولها المصري ،،،شرايكم شالحل

آلحل إنهآ مآآدقق في آلسآيق وإتشوفه وش لآبس ووش حآط

[الصغيره]

ضد ان المراه تعطي من ملابسها الا ان تغسلها وتكويها وتكيسها وتعطيها جميعه انسانيه توزعها وضد تعطيها اي خدامه بالبيت

اما لبساس الراجل للدريول لا باس به بعد غسله

[قطري10]

الصراحة أنا عن نفسي ما أعطيهم أوديهم الجمعية الخيرية لأنهم يمكن يستغلونها بالسحر الله يبعد الشر عنا وعنكم

[collection]

ممكن انتي تشوفين نفسج اعلى وافضل من الخدامه

لكن تذكري ترى هي مخلوقه من طين وانتي مخلوقه من طين

الله يهديج ويغفر لج


حرااااام عليك ظلمتني
لا واللة ما اشوف نفسي عليهم واعتبرهم خواتي
بس اهم لهم لبس خاص فيهم
مايصير انا وياهم نفس اللبس ونفس المكان؟؟؟
زين تدري قبل يسافرون خدمي كنت شارية لهم لبس راقية حتى انا مالبسة..
لاتظلم ومثل ماكان حميداني لاحظي ردودي كاملة:weeping:

[collection]

ممكن انتي تشوفين نفسج اعلى وافضل من الخدامه

لكن تذكري ترى هي مخلوقه من طين وانتي مخلوقه من طين

الله يهديج ويغفر لج


حرااااام عليك ظلمتني
لا واللة ما اشوف نفسي عليهم واعتبرهم خواتي
بس اهم لهم لبس خاص فيهم
مايصير انا وياهم نفس اللبس ونفس المكان؟؟؟
زين تدري قبل يسافرون خدمي كنت شارية لهم لبس راقية حتى انا مالبسة..
لاتظلم ومثل ماكان حميداني لاحظي ردودي كاملة

[collection]

اخوي حميداني ارجع واقرى رد الأخت كولكشن ولاحظ نبرة التعالي والتكبر الممزوجه بالكلمات وطريقة الكتابه :)

الكواري
لاتظلمني
يمكن انك مافهمتني..بس تابع رددودي وراح تفهم؟واذا على الخدم..الحمد للة هذولا ناس محتاجين .

[الدمعه]

عقب ما افرز الكبت كنت اخليهم يأخذون اللي يبغونه. بس أنا مقاسي أصغر

من مقاسهم بوايد. فإذا شفت عليهم التنورة ضيقه اخليهم يغيرونها وأقول

لهم خلو الثياب اللي بتاخذونها حق بلادكم. لكن اللي اشترية لكم لبسوه

كل شي اشتريلهم مب بس يونيفورم.

وانصدم لين سافروا أنهم مخليين الثياب اللي ماخذينها في الكبت ،،،

يعني لا خلوني أتبرع بها حق حد يستاهلها ولاهم استفادوا منها

لانها صغيره عليهم.

احين مع هالخدم اللي عندي ما اعطيهم شي من عندي ملبوس. أطلعه كله برا. وهم اشتري لهم جديد على مقاسهم.

والسائق زوجي يعطيه مثلا الجاكيتات والقمصان والبناطلين اللي ممكن
تتضبط عند الخياط وبعد يشتري له لبسات جديده كل فتره. غير الأعياد.

[Al-Kuwari]

حرااااام عليك ظلمتني
لا واللة ما اشوف نفسي عليهم واعتبرهم خواتي
بس اهم لهم لبس خاص فيهم
مايصير انا وياهم نفس اللبس ونفس المكان؟؟؟
زين تدري قبل يسافرون خدمي كنت شارية لهم لبس راقية حتى انا مالبسة..
لاتظلم ومثل ماكان حميداني لاحظي ردودي كاملة

ان شاء الله اني ما ظلمتج

بس هالجمله اللي بالاحمر وش تفسيرها ؟

[collection]

ان شاء الله اني ما ظلمتج

بس هالجمله اللي بالاحمر وش تفسيرها ؟

تفسيرها اني البس اللي يعجبني بس هم اجانب على زوجي ولازم يونفورم او جلابية واسعة .

والا بغرفتهم يلبسون اللي يبونة
اتوقع جوابي مقنع

[Al-Kuwari]

تفسيرها اني البس اللي يعجبني بس هم اجانب على زوجي ولازم يونفورم او جلابية واسعة .

والا بغرفتهم يلبسون اللي يبونة
اتوقع جوابي مقنع

جزاج الله خير