الحذر من جناح لندن شو بالمعرض التجاري

[l0o0rd-qtr]

السلام عليكم

انا اول امس كنت بالمعرض وشريت من هالجناح عطر ماركه توم فورد على اساس انه اخر موديل نزل من هالعطر وعطاني معاه هديه يابلفيت تعال زورنا مره ثانيه انت وربعك ولما رجعت البيت فتحت العلبه مالقيت العطر لقيت غرشه عليها اسم المحل وتصميمها يشبه عطر توم فورد

شنو اللي تنصحوني فيه يالربع اسويه

[بن غيث]

حماية المستهلك .. فوراً
لاتخاذ الاجراء القانوني ضدهم .. وبعد بلغ ادارة المعرض أنه تم اتخاذ أجراء ضد أحدى المشاركين في المعرض بسبب الغش التجاري

[sweet qatar]

راجع حماية المستهلك او البلدية ..

البلدية وايد متعاونين كلمهم قبل لا يخلص المعرض ويضيع حقك..

[butterfly]

لا حول ولا قوة إلا بالله
لازم يتاخذون معاهم اجراء رادع عبره لغيرهم

[لمعة الالماس]

قدم شكوى

وروح المحل واخذ فلوسك

[جادووور]

يمكن غلط في التعبئه والمحل لايعلم بها ،اشوف تروح المحل وترويهم العطر آذا اعتذروا وتم استبدالك كان بها وآذا رفضوا او اعترفوا بالغلط روح من غير تردد اشتكي عليهم

[لاجل QT]

يفضل شراء العطور والعود من الوكلاء فقط

[راشد محمد]

رجعه لهم وخذ بداله

[.. الكاش ..]

يمكن في لبس في الموضوع ارجع لهم

[l0o0rd-qtr]

يمكن غلط في التعبئه والمحل لايعلم بها ،اشوف تروح المحل وترويهم العطر آذا اعتذروا وتم استبدالك كان بها وآذا رفضوا او اعترفوا بالغلط روح من غير تردد اشتكي عليهم

رجعت له وهزأته قدام كم من وحده كانت تبي تشتري من عنده وعقب لما سمعوا سالفتي تركوه لانه نصاب

يقول ماخذ وكاله من الشركه الام ويقول الورقه في السياره قلت له تعال نشوف الورقه توهق وقالي بعد ربع ساعه لاني مشغول قمت سبيته وصاح قالي تعال ابدل لك العطر واعطيك اللي تبيه

[وحيد-الشوق]

يفضل شراء العطور والعود من الوكلاء فقط

هذا الصح :nice:


رجعت له وهزأته قدام كم من وحده كانت تبي تشتري من عنده وعقب لما سمعوا سالفتي تركوه لانه نصاب

يقول ماخذ وكاله من الشركه الام ويقول الورقه في السياره قلت له تعال نشوف الورقه توهق وقالي بعد ربع ساعه لاني مشغول قمت سبيته وصاح قالي تعال ابدل لك العطر واعطيك اللي تبيه

زين سويت فيه

بعدين يا اخوان قاطعوا هالمعارض النصابة الي كلها بضايع صينية فاشلة واسعار خيالية

[كازانوفا]

وليش ما فتحت العلبه قدامه قبل لاتاخذه ؟؟؟

[راشد محمد]

رجعها له شتنطر

[sweet qatar]

رجعت له وهزأته قدام كم من وحده كانت تبي تشتري من عنده وعقب لما سمعوا سالفتي تركوه لانه نصاب

يقول ماخذ وكاله من الشركه الام ويقول الورقه في السياره قلت له تعال نشوف الورقه توهق وقالي بعد ربع ساعه لاني مشغول قمت سبيته وصاح قالي تعال ابدل لك العطر واعطيك اللي تبيه

ياخوي لو انك مكلم البلدية بيرسلون موظف للمعرض ويكون معاك لما ترجع للمحل..
ويمكن يصكه مخالفة على هالغش ويفك الناس من شره وتكسب انت الاجر..

[النجلا]

انا هالمعرض مقاطعته بسبب النهب وارتفاع الاسعار المبالغ فيه ..

ترى كل شي تبونه بتلاقونه برع مب شرط في المعرض .. وخاصة العبي والجلابيات والله الاسعار خيآآآآلية

وبالنسبة للعطور مثل ماقال لك احد الاعضاء لاتشتري الا من الوكلاء ..

وزين سويت فيه :)

[النكن]

مافيه شي قاهرني في هالمعرض غير عطر السنافر اللي يوزعونه مجانا على اساس عطر مب ماي

[السحابة]

مشالله عليا الحين صيرت حرمه عاقلة من ادش المعرض مايغريني بضاعتهم واكره مافي المعرض اللي يبعون العبايات ومسويين حالهم مصممين أزياء والمبلغ مبالغ فيه لدرجة الجنون صراحه انا اروح المعرض لطلب اوغرض بعينه واطلع بس وياكرهي اللي يبعون الاكسسسوارات خصوصا اللبنانيات كاننا مو شيفين خير والله بلادنا فيها كل شي بس ايش نقول الله المستعان

[المريخي77]

المعرض التجاري عباره عن سوق فالح والجبر واللولو، غش وبضائع سخيفه ونصب .

عندك محلات العطور المعروفه بالمجمعات والشوارع الرئيسيه ولديهم اشهر واحدث الماركات .
كثير انغشوا في بعض البضايع واحد شاري بطانيه وشراشف بمبلغ ، وتفاجأ ان حصلهم في سوق الجبر او العسيري :) نفس اللون والماركة :) والسعر اقل طبعا

[Mohammed2]

آسف أخوي
بس يعني يصير لك هالموقف وتنزل موضوع تسال إيش أسوي ؟!!

يعني هذا يبيله سؤال !!

اي شي تشتريه من اي محل وطلع مختلف عن اللي تبيه او خربان او اي شي غير مرغوب فيه رجعه مكان ماشريته

[l0o0rd-qtr]

آسف أخوي
بس يعني يصير لك هالموقف وتنزل موضوع تسال إيش أسوي ؟!!

يعني هذا يبيله سؤال !!

اي شي تشتريه من اي محل وطلع مختلف عن اللي تبيه او خربان او اي شي غير مرغوب فيه رجعه مكان ماشريته

بعد للتنبيه بارك الله فيك

[المالك]

هذولا ماعندهم شي اصلي
حاطين اسامي عطورات ماركة والخلطة خلطتهم ><
ولدليل سعره
لان فباريس جاليري مايقل عن 700

[Markato]

عندهم محل في وزن سنتر في الهلال
وعطورهم مضروبة وعن تجربة