شاي وقهوة وسوالف

[ms-qtr]

بسم الله الرحمن الرحيم

اليوم حابة أكتب عن موضوع دخل اسئله كثيرة في بالي

لما أسأل صديقاتي الي يشتغلون في بعض الدوائر الحكومية عن طبيعة شغلهم

يقولون والله مافي شغل نداوم 7 او 8 ونقعد نشرب جاي وقهوة وسوالف لين ما يخلص الدوام

والبعض اذا دوامه 7 يداوم 9 واذا يخلص 2 يطلع 12 ولا حسيب ولا رقيب

الشيئ الغريب إنه لما نقيم عمل كل من هالدوائر الحكومية

راح نجد بطئ شديد في الانجاز وعدم حل بعض المشاكل الواضحة الي من تخصص هالدوائر

طيب دام ان هناك الكثير من الشاكل الي يبيلها شغل !!!!

ليش مافي شغل!!!

وين التخطيط وين البحث عن الحلول وين متابعة بعض المشاريع القديمة وين الابتكار؟؟؟

ليش المسؤولين عن هالدوائر والمدراء ما يستفيدون من الطاقات الشبابية الي عندهم؟؟

لو أن هناك تخطيط ناجح ودراية أكبر وإستفادة حقيقية لوقت الدوام لشاهدنا حلول كثيرة لمشاكل البلد

وين الخلل ومن يتحمل المسؤولية؟؟؟

[مخطط قطري]

البلا والله من مدراءهم الي همهم بس مصالحهم الشخصيه وتجارتهم ولا العمل الحكومي والابتكار والابداع اخر همه والمصيبه يقتل مهارات وكفاءات تحته هم احق واجدر منه بالتخطيط والمتابعه والانجاز
واذا قدرنا نشكل لجنه من مجلس الوزراء همها بس البحث عن المتميزين في الادارات الحكوميه ويكنون قد الثقه والامانه والبحث يكون مش بالواسطه الا بالكفاءه راح تصير نقله نوعيه مهمه وراح تشوف الابداعات وانجاز سريع للمهام بس اهم شي الواحد يكون مسؤل كفو لهالشي بس انا حاس وان شاءالله احساسي مش في محله الشي الي يصير في بلادنا في هذا الجانب بالذات شي متعمد التركيز في قطاعات حيويه مثل الغاز والبترول ويستلم القياده اجنبي وتحته قطريين حتى لو غلط عادي وحتى لو اخفق بعد عادي وفي القطاع العسكري نقيب كرشته متر قدام بعد عادي ومافي اي شي يذكر الامور طيبه والامن بخير بفضل اجهزه مطوره
والجيش في معاهدات سلميه ومنظمه امم متحده يعني التطوير فيه بطئ جدا (اذا وجد)
بس القطاع الحيوي الحكومي ليش في افراد تنفذين في الحكومه نفسها تحارب تطوره وحطت عصا قليظه في عجله التنميه فيه ووقفته هذا سر لحد الان ماعرفت الاجابه عليه

[عيون الدوحة]

والله الاخطا من المدراء صغار السن
كل ماجيت تقترح اوتوضح له طريقة لتسهيل العمل
يقعد يتنافض ويعرق خايف على كرسية وماعندهم القدرة على مواجهة وكلاء الوزارة او الوزير

[ms-qtr]

البلا والله من مدراءهم الي همهم بس مصالحهم الشخصيه وتجارتهم ولا العمل الحكومي والابتكار والابداع اخر همه والمصيبه يقتل مهارات وكفاءات تحته هم احق واجدر منه بالتخطيط والمتابعه والانجاز
واذا قدرنا نشكل لجنه من مجلس الوزراء همها بس البحث عن المتميزين في الادارات الحكوميه ويكنون قد الثقه والامانه والبحث يكون مش بالواسطه الا بالكفاءه راح تصير نقله نوعيه مهمه وراح تشوف الابداعات وانجاز سريع للمهام بس اهم شي الواحد يكون مسؤل كفو لهالشي بس انا حاس وان شاءالله احساسي مش في محله الشي الي يصير في بلادنا في هذا الجانب بالذات شي متعمد التركيز في قطاعات حيويه مثل الغاز والبترول ويستلم القياده اجنبي وتحته قطريين حتى لو غلط عادي وحتى لو اخفق بعد عادي وفي القطاع العسكري نقيب كرشته متر قدام بعد عادي ومافي اي شي يذكر الامور طيبه والامن بخير بفضل اجهزه مطوره
والجيش في معاهدات سلميه ومنظمه امم متحده يعني التطوير فيه بطئ جدا (اذا وجد)
بس القطاع الحيوي الحكومي ليش في افراد تنفذين في الحكومه نفسها تحارب تطوره وحطت عصا قليظه في عجله التنميه فيه ووقفته هذا سر لحد الان ماعرفت الاجابه عليه

فعلا صدقت في ردك
مادري متى بتتطور القطاعات الحكومية
وهل سترتقي لتساعد في الوصول الى رؤية قطر!

[حسن]

بطاله مقنعه

[المهاجر]

بطاله مقنعه

قصدك بطاله مقننه

[abo0o0od QtR]

ماتوقع لو عطوهم شغل ما بيشتغلون

شوف عيني كوادر قطرية تتحيد وتنحط على الرف علشان يعينون اجانب بدبل راتب القطري

هالموظف الي يشرب شاي وقهوة لو عنده شغل بيشتغله بس دام مافي شغل يجيه نهائيا ومش مطلوب منه يشتغل شبيسوي بيتم قاعد لين يتملل وبيطلع

العله في الاداره ولا الموظف تراه عبد المأمور

[.. الكاش ..]

بالفعل كنت في احدى الدواير الحكوميه الاسبوع الماضي وشفت هذا المنظر واستغربت وايد ضرب سندويشات وشاي وبلاليط وعقب جابو المدخن وحاطين بخور والله اتقولون قاعدين في عزيمه ريحت اكل وفوضى المفروض يحطون لهم مكان حق الاكل والشراب نفس البنوك في نظام وترتيب مب بشكل الي شفته

[شموخ دائم]

,

,

مرحبا

تطوير الموظف و الاداء وتسريع انجاز المعاملات شي مطلوب في القطاع الحكومي

بالنسبه للتكدس والشغل خفيف

انا بسئلك سؤال

ايش الاحسن ( نوظف القطريين والقطريات ) ويتكدسون المكان المحتاج 2 نحط فيه 7

او

نقول لهم عندنا اكتفاء ومافي وظائف ؟؟؟؟؟

اذا عرفتي الاجابه

راح تعرفين انها ( سياسه ) طيبه في الاطار العام للدوله

:)

,

,

اخوك


شموخ دائم