تركيب الساعات الرقمية على الإشارات المرورية

[محمد ناصر]

الساعة الرقمية : عباره عن ساعة رقمية توضع بجانب الإشارة المرورية لتحدد الوقت المتبقي من الإشارة المضيئه بشكلا تناقصي.ولها فوائد كبيرة حيث انها(تقلل الحوادث وتخفف الأزدحام) ومن فترة ليست بالقصيرة والأخوة في إدارة المرور يصروحون في وسائل الإعلام بإنه سيتم تركيبها قريبا وللأسف الشديد لم ترا النور بعد.وللعلم أنني شاهدتها في دول عربية عديدة ومن فتره لاتقل عن خمس سنوات .

[بـارود]

ومن فوائدها تقدر تستغفر ربك لين ما تشتغل

:)

[OREO]

شخصيا ما اوافقك الراي ،، و السبب بأن اضاءة النوعية هذه من الاشارات ضعيفة مقارنتاً بالموجود حاليا ،،

تجوز الاشارات بتقنية الــ led تنفع للمدن اللي شوارعها صغيره و المسافة مابين كل اشارة و الثانية مهب كبيرة لاجل اذا السايق وصل للاشارة يقدر يشوفها في عز القايلة و هذا عكس اشاراتنا الحاليه اللي تشوف اضائتها من بعيد ،،

[مرتبش]

نفس الشي
الهندي بيطق بريك قبل لايخلص الوقت بعشر ثواني والشباب بيقولون ثانيتين تكفي اطوف الاشارة.

الحين عندك لما ترمق الاشارة خضرا ثلاث مرات وعقبها صفرا كذلك هذا مو وقت؟ والا لازم تشوف ارقام عشان تصدق ان عندك وقت

[GENIUS]

ماتنفع ولا يقدرون يركبونها عندنا على حسب التصريحات والسبب إن معظم أنظمة الإشارات عندنا يسمونه نظام الإشارات الذكية التي تحتوي على حساسات ومجسات بالارض تعمل على ضبط آلية عمل هذه الإشارات

[R 7 A L]

ياليت يركبونها
ماراح نخسر شي
وجودها افضل من عدم وجودها

[بريق الحق]

ياجماعة والله العظيم الهنود سواقتهم غريبه عجيبه انا مادري شلون يسقون ... السبب مدارس تعليم السواقه
الهندي يكع بريك مرة وحده يتمنى الاشاره تصير حمره عشان يكع بريك بس

[السكين]

مثل ما ذكر الأخ جينيوس ، لحد الآن أكثر السائقين وخاصة الآسيويين ما عندهم دراية عن السنسرات اللي بالارض ويفكر لو اجتازها والاشارة حمراء بتصديه الكاميرا مع ان العكس هو الصحيح لو ما اجتازها بيتم واقف للصبح والاشارة حمراً على اساس انه الشارع فاضي .واكثر من مرة تصير قدامي هالحركة ويضطر واحد من السايقين يروح يكلم اول سيارة تمشي قدام شوي .

أعتقد الوضع حالياً جيد ، يعني ثلاث مرات خضراء وبعدها برتقالية ولفترة طويلة ممكن حتى وهي برتقالية تكمل من بعيد قبل لا تصير حمراً .

المسألة مسألة قيادة ووعي وتركيز وتقدير مسافة لا أكثر .

[حسن]

المفروض قبل رادارات الاشارات يركبونها
السبت اللي راح مريت الحساء اكثر الاشارات فيها
يمكن لانها مافيها فايده وبعدين السائقين بينتبهون للتوقيت فا بتخف المخالفات وبيسر عجز في الميزانيه العامه

[حفيد الأنصار]

اذا كانت الاشارة تشتغل على الحساسات الارضية مستحيل يصير عداد الثواني
لكن اذا كانت مبرمجه بالعكس شي حلوو

[MAZEN37]

الافضل انهم يوحدون زمن ومض الخضرا قبل ما تصير صفرا ويوحدون زمن الصفرا قبل ما تصير حمرا
علشان يصيروا السائقين فاهمين الاشارات ويحسون فيها سواء من بعيد او قريب
الحاصل الحين انه كل اشاره على شكل ووقت غير اشاره تحصلها طويله لين ما تقلب احمر لدرجه انك تتحسف الي ما طفتها
واشاره ثانيه تقلب بسرعة البرق للاحمر لدرجة انك تتوهق وتخاف الي وراك يلبسك الطبلون

[khalid525]

اقتراح جيد ، وهي تخفف الضغط النفسي من انتظار الاشارة

[السكين]

اذا كانت الاشارة تشتغل على الحساسات الارضية مستحيل يصير عداد الثواني
لكن اذا كانت مبرمجه بالعكس شي حلوو

اشارات برزان فيها حساسات أرضية وفيها ارقام

[حفيد الأنصار]

اشارات برزان فيها حساسات أرضية وفيها ارقام



ممكن تفهمني أخوي كيف تجي :secret:
لو افترضنا ان الاشارة حقت الشارع الرئيسي اعطاني العداد 20 ثانية باقي على انتهاء الضوء الاخضر
وجاء واحد بالشارع الفرعي ووقف على السنسور يعني بينتظر الى 20 ثانية ماتخلص ( ايش فائدة الحساسات هنا )

[بوخالد911]

مؤيد لها

والحركة مطبقة من سنوات ببانكوك

الشي الجميل : البعض راح يستغل الوقت المتبقي بالذكر
:)

[السكين]

ممكن تفهمني أخوي كيف تجي :secret:
لو افترضنا ان الاشارة حقت الشارع الرئيسي اعطاني العداد 20 ثانية باقي على انتهاء الضوء الاخضر
وجاء واحد بالشارع الفرعي ووقف على السنسور يعني بينتظر الى 20 ثانية ماتخلص ( ايش فائدة الحساسات هنا )

ما جبت شي من عندي والله :nice:

روح بنفسك وشوف .. الارقام التنازلية موجودة ثري تو ون وبعدين اصفر واحمر .

وشوف بنفس الوقت الحساسات على الأرض :)

أما كيف تشتغل عاد اسأل اللي ركبوها :nice:

[kuwari]

فكره حلوه نفس اشارات الحسا

[راشد محمد]

صح اغلب اشارات الحسا فيها

[حفيد الأنصار]

ما جبت شي من عندي والله :nice:

روح بنفسك وشوف .. الارقام التنازلية موجودة ثري تو ون وبعدين اصفر واحمر .

وشوف بنفس الوقت الحساسات على الأرض :)

أما كيف تشتغل عاد اسأل اللي ركبوها :nice:



اخوي انا مش من سكان قطر
يمكن يكون فيه حساسات بالارض لكن مو شغاله
لو تفكر فيها صدقني ماتجي تشتغل الحساسات وعداد الثواني مع بعض
احنا عندنا بعض المدن بحساسات كل الاشارات وبعض المدن اغلب الاشارات بعداد الثواني ( صدقني ماتجي )
الا اذا كان الحساس مجرد حساس وغير شغال فعلا ..

[أسير الأحلام]

ياريت الارقام تكون في حالة التوقف وليس في حالة تحول الإشارة إلى اللون الأحمر