تقييمك السنوي وذمة مديرك

[قانوني متميز]

السلام عليكم ورحمه الله
مع بدء التحضيرات الادارية في اغلب مؤوسسات الدولة واقتراب موعد التقييم السنوي للموظفيين بشكل عام
وحيرة المدراء
وتوقعات وامال الموظفين
حبيت أعرف ردت فعل كل موظف في عند صدور تقييمة
سوء كان التقييم : يرضي طموحة او العكس
وشنو اول اجراء راح تتخذة لو كان تقييمك السنوي عكس توقعاتك فمثلا لو كنت مجتهد من ناحية الشغل وملتزم في مواعيد الحضور والانصراف ولا تأخر الشغل اللي يجيك نهائيا

وهل التقييم له علاقة برزة ال وجهه يوميا في مكتب المدير ولا ؟
وهل تقدير جيد جدا يرضيك لو كنت مجتهد وتخلص شغلك يوميا ولا اتأخرة نهائيا ؟

وشكرا

[تاسيتوس]

مطلوب معايير جديدة للتقييم حتى نخرج من دائرة المزاجية والتقدير العشوائي للموظفين .

[ROSE]

انا سالفة التقييم تخليني افكر الف مره قبل ما اقيم موظفيني واتبعت اسلوب جديد

علشان محد يحس انه مظلوم او اني عطيته اكثر من حقه

يلست وياهم اول السنه وكل واحد عارف شنهي المهام اللي عليه تطبيقها

جدول اسمه Objectives

واحط لهم المهام اللي عليهم لو في حالة اي واحد فيهم وصل التارغت يعني سكر المهم بشكل مرضي بيكون ياخذ 3 ولكن بعد عندهم نقاط ثانيه تعطيهم علامات اكثر لو سووها

مثل تطوير الذات باخذ دورات ،،

الابتكار ،، ياخذون عليها 4 ونقعد قبل التقييم نراجع الجدول اللي اتفقنا عليه بداية السنه

ونحسب المتوسط فنطلع كلنا من التقييم راضيين ولله الحمد

[تاسيتوس]

انا سالفة التقييم تخليني افكر الف مره قبل ما اقيم موظفيني واتبعت اسلوب جديد

علشان محد يحس انه مظلوم او اني عطيته اكثر من حقه

يلست وياهم اول السنه وكل واحد عارف شنهي المهام اللي عليه تطبيقها

جدول اسمه objectives

واحط لهم المهام اللي عليهم لو في حالة اي واحد فيهم وصل التارغت يعني سكر المهم بشكل مرضي بيكون ياخذ 3 ولكن بعد عندهم نقاط ثانيه تعطيهم علامات اكثر لو سووها

مثل تطوير الذات باخذ دورات ،،

الابتكار ،، ياخذون عليها 4 ونقعد قبل التقييم نراجع الجدول اللي اتفقنا عليه بداية السنه

ونحسب المتوسط فنطلع كلنا من التقييم راضيين ولله الحمد

يا زين القطاع الخاص لما يكون فيه عدالة

[R 7 A L]

واحد من الربع مدير إدارة توه ماسك
والتقييم عندة من خمسة ونازل
المهم معطي موظفينه اربع دخلوا عليه
وناقشوه وقالوا له في ذمتك وش عاد تبينا
نسوي اكثر من اللي سويناه
قال ولا شي قالوا اتق الله فينا
في نفس اليوم عطاهم كلهم خمس
يقول معهم حق شغلهم ميه الميه ولا فيه تأخير

[ROSE]

يا زين القطاع الخاص لما يكون فيه عدالة

لا مب قطاع خاص شبه حكومي وحاطين سيستم للتقييم والموظف هو يحط النقاط اللي اتفقنا عليه من البداية

[تاسيتوس]

واحد من الربع مدير إدارة توه ماسك
والتقييم عندة من خمسة ونازل
المهم معطي موظفينه اربع دخلوا عليه
وناقشوه وقالوا له في ذمتك وش عاد تبينا
نسوي اكثر من اللي سويناه
قال ولا شي قالوا اتق الله فينا
في نفس اليوم عطاهم كلهم خمس
يقول معهم حق شغلهم ميه الميه ولا فيه تأخير

وين الإبداع وين الأفكار الجديدة هذا الي يأخذ التقييم النهائي.

[مشاكل]

المشكلة لين يجيك المتسيب اللي مايدل مكتبه طول السنه ،،، وبوجه قوي ومعضل يبي امتياز :anger1:
والحين بعد مع الغاء نسب التقاييم الكل يعتبر الامتياز حق مكتسب سواء اشتغل ولا ماشتغل
شخصياً ،،، ومع الكرف اللي اكرفه طول السنة ،،، اذا مديري ماعطاني امتياز ،،، والله مب احسن له :threaten:

[قانوني متميز]

محد جاوبني هل التقييم له علاقة برزة الوجهه كل يوم في مكتب المدير ولا يكفي اني اخلص الشغل اللي حوله لي ؟
:secret:

[Bin Hood]

^

رزة الوجه في وجه طويل العمر اهم من الشغل !

( بعض الاحيان طبعا )

[بوحمد111]

فعلا فيه ما مدراء ما عندهم ذمه ولا في قلوبهم رحمه واللي يتلمحس عندهم ويخدمهم خارج نطاق العمل بيحصل ممتاز والعكس صحيح

ولكن فيه مدراء يراعون الكفائه والدين في تقيم موظفيهم وقلوبهم على موظفيهم واتمنى ان اكون انا واحد منهم ولا اظلم احد ان شاء الله

وعن نفسي انا ارضى بأي تقيم لي من مديري والي بحصل عليه مكتوب لي

[Me&OnLy]

طيب انا ابي حد يفيدني

مديري تم تغييره من ظ¢ظ* يوم تقريبا

هل اذا قيمني جيد جدا اتظلم لانه كارف السنه كلها
عشان اخذ امتياز يجي هو يعطيني جيد جدا وين عايشين

[ريتويت]

الله المستعان

[لاجل QT]

انا حاطة يدي على قلبي ..الله يستر هالسنة

[قلب الحدث]

نحن عنا في الشركة موضوع التقيم مسخرة وحسب مزاج الرئيس التنفيذي مثلا قال حق رئيس القسم الي عنا عطي موظفينك 2 من اصل 4 اقصى تقدير ليش مايندرا مع ان في موظفين اكفاء ويداومون ليل نهار شنو نقول

[قانوني متميز]

زين أنا اللحين صار لي 5 شهور متوظف
والحمدلله اداوم بدري بالكثير الساعة 7 الا عشر أكون في مكتبي
وأي شغل يجيني ما أتاخر فية
والحمدلله الملاحظات كلها ايجابية
بس بالنسبة للتقييم انا قاعد افكر ؟؟؟؟؟؟؟؟؟؟؟
ممكن ما اخذ امتياز بحجة اني موظف جديد ؟
في نفس الوقت أفكر ؟؟؟؟؟؟؟؟؟؟؟
من الظلم أتقيم وانا ماصار لي الا 5 شهور ؟؟؟؟؟؟
وفي نفس الوقت التقييم له تاثير كبير على الموظف وخصوصا لو كان اول تقييم في العمر بالنسبة للموظف

[بوخالد911]

اول اجراء : مناقشته
وبعدين رفع كتاب تظلم

وآخرا : دعوات عليه بجنح الليل

[qatarman8008]

محد جاوبني هل التقييم له علاقة برزة الوجهه كل يوم في مكتب المدير ولا يكفي اني اخلص الشغل اللي حوله لي ؟
:secret:

رزة الوجه لاتكفي اذا لم يكن هناك لسان ... عشان يترجم ..
و اللسان لايكفي اذا لم يكن هناك بروش ... عشان تدهن ..
واذا ما عندك ذاك ولا ذاك .. فلا تتعب نفسك وتحك عمرك وانا اخوك ..
ترى ما بتحصل شي غير كتاب شكر ..
اما التقديرات والترقيات والمكافئات والدورات الخارجية و ال ...
هذي كلها عند صاحبك الفول ابشن .. طال عمرك ...

[نوار قطر]

الحمدلله خلال فترة شغلي والمدراء الي مرو علي كلهم انصفوني اللهم واحد منهم كان ماعطني امتياز بس وايد منزل في التقييم كلمته وناقشته قال معاج حق رجعي التقييم وبعدل عليه والحمدلله تم التعديل عليه ،،،، احنا الموظفين الملتزمين نعرف شنو الي نستحقه بس المصيبه لما يجي واحد مايداوم وطوول السنه غيااب والمدير يراعيه ويقيمه بجيد ومايعجبه ويرفع كتاب تظلم ضد مديره :)

[للصبر اخر]

واللي مايدري عن التقيم
ومديره مايدري عنه
الله المستعاان

[راشد محمد]

الله المستعان

[راشد محمد]

زين أنا اللحين صار لي 5 شهور متوظف
والحمدلله اداوم بدري بالكثير الساعة 7 الا عشر أكون في مكتبي
وأي شغل يجيني ما أتاخر فية
والحمدلله الملاحظات كلها ايجابية
بس بالنسبة للتقييم انا قاعد افكر ؟؟؟؟؟؟؟؟؟؟؟
ممكن ما اخذ امتياز بحجة اني موظف جديد ؟
في نفس الوقت أفكر ؟؟؟؟؟؟؟؟؟؟؟
من الظلم أتقيم وانا ماصار لي الا 5 شهور ؟؟؟؟؟؟
وفي نفس الوقت التقييم له تاثير كبير على الموظف وخصوصا لو كان اول تقييم في العمر بالنسبة للموظف

مفروض ما يقيمونك الا بعد سنه..

[ضوى]

محد جاوبني هل التقييم له علاقة برزة الوجهه كل يوم في مكتب المدير ولا يكفي اني اخلص الشغل اللي حوله لي ؟
:secret:

بإدارتنا ماله علاقة الكل ياخذ حقه

[بوالبيض]

محد جاوبني هل التقييم له علاقة برزة الوجهه كل يوم في مكتب المدير ولا يكفي اني اخلص الشغل اللي حوله لي ؟
:secret:

في مدارء لزم ترز الويه ومدراء عادي خلص الي عليك وانضبط تاخذ
حقك وكله نصيب ان شاء الله

[خــالــد]

لا مب قطاع خاص شبه حكومي وحاطين سيستم للتقييم والموظف هو يحط النقاط اللي اتفقنا عليه من البداية

يحظكم نظام حلو ابرك من الدكتاتوريات الي عندنا هذا تقيمك عجبك او اضرب راسك بالطوفة الواحد يقول الله كريم

[خــالــد]

شكلي بعزم مديري على صحن كيماء في الزرقاء يمكن يرفع تقيمي

[للصبر اخر]

لو مديرنا ماعنده ذمه
شالحل معاه ؟؟؟؟؟؟

[تاسيتوس]

محد جاوبني هل التقييم له علاقة برزة الوجهه كل يوم في مكتب المدير ولا يكفي اني اخلص الشغل اللي حوله لي ؟
:secret:

القريب من العين قريب من القلب ، لازم تطبع صورتك بخياله علشان ما ينساك وقت التقييم.