مزهريات في العمل !!!!

[تاجر كشخة]

كثير منا يواجة مشكلة الزملاء السيئون وانا يوميا اعاني منهم
الواحد فيهم يجيك الدوام ونفسيته في خشمة ولا مواصل وحالتة حالة ولا مصكوك بطراق على أذنه من النسره الي في بيته :nice: تحصلهم مثله مثل الكرسي الطاولة ولا المزهرية

وانت المسكين شاد حيلك رايح جاي لين قرب نهاية الدوام وانهد حيلك وهم لا شغل ولا مشغلة وفوق كذا مسويين لك ازعاج مثل الذبان على راسك

الحين أيش الحل معهم حزات خاطري افجرها فيهم واشتكي حق الراس العود :telephone:
بس أخاف يقولون علي فتان ومن ذاك الكلام

ادري انه اليوم خميس ومب لكم خلق حق سوالف الدوامات بس هذي المشكلة لازم يكون لها حل
لو كنت مكاني ايش كنت سويت :rolleyes2:

[تاسيتوس]

اشتري راحتي واطلب نقل .

[ROSE]

هههههههههه يعتمد

اذا هم بنفس الادارة وبنفس شغلك عطهم شغل وقول لهم انك مشغول وياريت يساعدونك


خلني افكر لك في حلول ثانيه


انا وحده اعطي كاش لو جاتني وحده وانا بعز شغلي مشغوله واشوف ماعندها سالفة اقول لها ممكن لو سمحتي تخليني اخلص شغلي وبعدين بمر عليج وبسولف وياج

لكن حزات عادي استقبلهم مره ولا مرتين في اليوم اسولف وياهم وافهمهم بطريقة ذكيه اني مشغوله يعني وهم يسولفون ارد على ايميلات ولا اتكلم في التيلفون فيفهمون من نفسهم

[Riku3]

عليك من نفسك ولا تعور راسك معاهم .. اذكر قبل يوم كنت اشتغل في جهة شبه حكومية كنا نطلع جولات ميدانية خارجية كرقابه على جهات ثانية .. كنا فريق من 2 ودايم اطيح مع واحد الله يستر عليه لازم ياخذله زاويه وينام بالخش اول ما نوصل الجهة لين 10 او 11 هههه ..

مشي حالك :] .. اما الحين اشتغل في شركة مساهمه مافي من هالاشكال :] .

[غزلان]

اتجاهلهم وهو الحل الأفضل

[R 7 A L]

هع
اما اللي مضروب على أذنه ماله حل
المفروض تواسيه وتساعدة بطريقة يأخذ فيها ثارة

[روح الاطلس]

شوف نصيحة خاصة لو توك جديد في العمل لا تصير جامد مع الكل ولا تصير وايد متساهل خلك مـــــرن


بمعنى تعلم تكون دبلوماسي واكسب الجميع بصفك ان رحت اشتكيت شوف عاد العداوات اللي بتجيك من وراهم

وان قلت بصير في حالي واطنش وادش اشتغل واطلع اشتغل اهني بعد بتاكلها بتصير الجندي المجهول اللي بس يكرف ولا له صيت

المزعجين حواليك قسمهم على فئات

طبعا انا ماعرف طبيعتهم ولا طبيعة عملك وياهم هل تشتغلون كفريق او كل واحد شغلته مختلفه عن الثانية

المهم

قسمهم على فئات اللي تشوف انه معاك يسوي نفس شغلك هاي الشخص خلك وياه انسان دبلوماسي اضحك معاه وعاونه لانك مستفيد بالاخير ورتب شغلك معاه لا تصير جاف وتعطي كاش وتصير مشكلجي

واللي مب معاك ولا بينكم علاقة عمل مشتركة هاي تقدر تسكت عنه وبسهولة صرفه وخلك في شغلك

واللي تحسه محبوب عند الراس العودة حتى لو مزعج ومايسوي شغل خلك معاه ودووود ولطيف وكثر من المجاملات بس بدون نفاق :)

لان هالشخص ورقة رابحة ان حدتك الظروف :)

[مشاكل]

اشتك عليهم وريح راسك ياشيييخ :vampire:

[تاجر كشخة]

شوف نصيحة خاصة لو توك جديد في العمل لا تصير جامد مع الكل ولا تصير وايد متساهل خلك مـــــرن


بمعنى تعلم تكون دبلوماسي واكسب الجميع بصفك ان رحت اشتكيت شوف عاد العداوات اللي بتجيك من وراهم

وان قلت بصير في حالي واطنش وادش اشتغل واطلع اشتغل اهني بعد بتاكلها بتصير الجندي المجهول اللي بس يكرف ولا له صيت

المزعجين حواليك قسمهم على فئات

طبعا انا ماعرف طبيعتهم ولا طبيعة عملك وياهم هل تشتغلون كفريق او كل واحد شغلته مختلفه عن الثانية

المهم

قسمهم على فئات اللي تشوف انه معاك يسوي نفس شغلك هاي الشخص خلك وياه انسان دبلوماسي اضحك معاه وعاونه لانك مستفيد بالاخير ورتب شغلك معاه لا تصير جاف وتعطي كاش وتصير مشكلجي

واللي مب معاك ولا بينكم علاقة عمل مشتركة هاي تقدر تسكت عنه وبسهولة صرفه وخلك في شغلك

واللي تحسه محبوب عند الراس العودة حتى لو مزعج ومايسوي شغل خلك معاه ودووود ولطيف وكثر من المجاملات بس بدون نفاق :)

لان هالشخص ورقة رابحة ان حدتك الظروف :)

عين صواب نقشت الطير من السما :nice:

[روح الاطلس]

^

هذا ما تعلمته من الحياة :)

[تاجر كشخة]

هع
اما اللي مضروب على أذنه ماله حل
المفروض تواسيه وتساعدة بطريقة يأخذ فيها ثارة

ههههه يا رجال البيوت اسرار وهذي عينة بسيطة بس :nice:

[معماري قطري]

شوف نص الكوب المليان .. أي موظف لا بد وأدى واجب كبير ويمكن يمر بتعب أو مشاكل أو " مضروب على إذنه " وإنت لا بد بتجيك ظروف في يوم وبتتمنى حد يقدر وضعك .. لكن اللي ما يشتغل ويتحول شغله لك إشتك ولا عليك وخلك حقاني تاخذ حقك أول بأول وحتى جدامه .. كم مره اشتكيت على منهم أعلى مني ورفضت شغل يتحول علي منهم لأننا نكون تحت إدارة معينة ومديرنا واحد هو اللي يحول الشغل وهم يستغلون وضعهم انهم أقدم مثلاً أو أكثر خبره وبدون وجه حق.

[Bin Hood]

روح الاطلس

الصراحة ردك خبرة 20 سنة

المفروض اي موظف جديد يقراه قبل لا يداوم

[راشد محمد]

طنشهم عشان ما يعادونك ويسون لك مشاكل

[المتألم]

المفروض يتحكمون بمشاعرهم
وما يخلطون ولا ينقلون مشاكلهم بالبيت للعمل
ومشاكلهم في العمل ما يوصلونها للبيت

كثيرين يحتاجون للتحكم بمشاعرهم لأن محد ملزم بتحمل الآخرين وخصوصا
لو الموضوع يتكرر بكثره .

[معماري قطري]

على طاري التحمل والتعب .. مره كنت في بنك والمكاتب مفتوحة وفيه كاونتر جدام لخدمة العملاء، وفجأة وحده تصرخ ورا بقوه وتقول خلاص ما اقدر ما اتحمل .. والمدير يركض لها يشوف شفيها .. المشكلة فضيحة وزحمه ومسكينه ما قدرت تتحمل الظاهر تعبانه وصرخت فجأه ولكم تتخيلون الموقف.

[ANONYMOUS]

كله كوم وانه ياخذ تقدير امتياز ونت تاخذ مقبول

اهنيه لازم تسوي حفله :p

[تاجر كشخة]

على طاري التحمل والتعب .. مره كنت في بنك والمكاتب مفتوحة وفيه كاونتر جدام لخدمة العملاء، وفجأة وحده تصرخ ورا بقوه وتقول خلاص ما اقدر ما اتحمل .. والمدير يركض لها يشوف شفيها .. المشكلة فضيحة وزحمه ومسكينه ما قدرت تتحمل الظاهر تعبانه وصرخت فجأه ولكم تتخيلون الموقف.


بااال بس تعرف ما الومها حزات تبي تطلع رشاش وترش كل الي قدامك :tease:

ولا تدري بكبر مخي

واطلع فوق الطاولة واقولهم اطلعوا من مخخخخخخخخخخخخي :tease:

[الزعفراني]

هههههههههه متابع وياكم موضوع شيق وواقعي

يعطيكم العافيه

[تاجر كشخة]

هههههههههه متابع وياكم موضوع شيق وواقعي

يعطيكم العافيه

الزعفراني اهنيه هههههههه حياك ادلو بدلوك ولا اقولك صب الدلو كله :tease:

[ريم 28]

افضل انك تشتري ورود تفتح النفس وتعبي المزهريه علشان تنتج اكثر امزح معك

الحل الثاني شربهم مشروب الطاقه وخلهم ياكلون مكسرات ههه بعد امزح معاك

المهم اخوي ان كانوا في نفس مجال عملك ونفس القسم وطبيعة العمل فانصح انك بكل صراحه تقول له يا اخوي اشتغل معاي ساعدني تعال بالطيب يمكن كسلان او اذهب لمديرك وقول يجب عليك تقسيم العمل بنفسك وتحوله بالاسامي لان زميلي لا يعمل وانا اعمل

واذا يزعجك بالكلام كل شوي قوله ما سمعتك عيد السالفه خله يعيد لك عشر مرات لين يمل قول له مب امركز معاك لاني اشتغل

المهم لا ترد علئ السوالف او تعلق قل فقط اها. وبس واذا مصخها صارحه باللين والطيب

واذا بعد ما نفع الله يعينك ويصبرك لان بعضهم لديهم هذرررره مش طبيعيه ولا يستحون مهما فعلت يمرضون لو مايتكلمون.

[بنت الشمال]

:eek5: