سكـن عائلي في دبي :.. ــــــــــــــــــــــــــــــــــــ !

[بو الجوري]

السلام عليكـم ، شخباركـم جميعاً :)

رايح دبي مع الأهل إن شاء الله :..

و بغيت إقتراحاتكـم ونصايحكـم لـ شقق فندقيه أو فنادق

شقه من غرفتين أو غرفتين متصلتين في فندق

ماتتجاوز 1000 درهم لليله ويكون الموقع ممتاز ،
يعني قريب أو حوالين الأماكن السياحيه :..

:)

[للصبر اخر]

مرحبا الشيخ

شوف هالموقع ممكن يفيدك

http://www.dubai.ws/ar-apartments.htm

[(عبدالله)]

أنصحك بـ

Dusit Residence Dubai Marina

عن تجربة لأحد الشباب راح مع عائلته

موقعه في شاطئ جميرا

موقع السكن في بوكنق:

http://www.booking.com/hotel/ae/dusit-residence-dubai-marina.html?aid=345198&checkin=2013-01-24&interval=2&label=112687459&lang=en&selected_currency=AED&utm_source=hotelcombined&utm_medium=SPCC&utm_term=hotel-76751&show_room=7675102

للعلم في فندق "دوسيت ثاني" لنفس السلسلة موقعه على شارع الشيخ زايد قريب من مول دبي

موفق

[للصبر اخر]

http://www.agoda.ae/pages/agoda/default/DestinationSearchResult.aspx?asq=eLhneWNY11IM1Yb53 FMgApPLdp1zRC%2bYD2FkMMKZ4xcX0cNDp14%2bumXx6SFt%2b cdvL6Q7T8Q40X%2b%2fFftVxWLTVc%2bfbF2KxfucRQMrR9nxw zditl0HRYfEUcm3UGUf0t3KdtT7VAdBX837QAyZVbg69%2fIs3 U%2fpLsbkZgz94hwzftQ%3d&tick=634930837592

[بو الجوري]

ماقصرتوا :..

بس هل فيه فنادق بهالاسعار حوالين برج خليفه !!
عشان اليهال يشوفون النوافير :shy:

[الســـهم]

هلا اخوي بوالجوري ..

عندك شقق الامارات جراند على شارع الشيخ زايد ومسافة خمس دقايق او اقل لين دبي مول ..

انا ماسكنتها , بس الناس تمدحها واسعارها حلوة ..

[القلم الصريح]

انا سكنت في جراند الامارات مرتين ، موقعها حلو وشققها مرتبه ونظيفه وسعرها بحدود ال1000 بس عيبها اصنصيراتها طابور على الاصنصير

[بونووف]

في شقق فندقيه على شارع الشيخ زايد احذا المطاعم كنتاكي وابل بيز وستار بكس اعتقد .. اسمه ون والفندق من برع على شكل رقم 1 اتوقع اسعاره رخيصه ومكانه ممتاز

[بونووف]

http://www.booking.com/hotel/ae/number-one-tower-suites.en-us.html?sid=c419e5b39dc8c54c2433db6766cf8527;dcid= 1;checkin=2013-01-10;checkout=2013-01-11;srfid=96b1167b36b94ebf221203c1fa6dbd28bd619d83X 13

سوري اسمه number one لقيت لك شقه 3 غرف الليله 891

[بو الجوري]

تسلمون

و الله ياخوي qdvc شكله الفندق حلو وسعره زين ، بس مادري بشوف

[بونووف]

لا الفندق جيد ومكانه ممتاز وجربته وسكنت فيه من قبل بس غرفه وحده وكان السيرفس ممتاز

يالله تروح وترد بالسلامه انشاءالله

[مرحباني @]

هلا اخوي عليكم السلام والرحمه


اقرب صوبنا حياك اخوي

عن دبي جراند زوين

الحينه عسب مهرجان التسوق يبدون يزيدون ف الاسعار

[ذيب ازغوى]

اخوي اذا تبي عائليه ماعندك الا تسكن في الشارجه ابرك لك وفي شقق نظييفه على البحر مطله على الكورنيش انصحك فيها ونظامها فندقي وممتاز

[بوحارب]

ييبلي معاك قطع غيار حق الهدد :(

[العنود55]

ماعتقد بتلاقي أرخص من نمبر ون موقعه حلو والشقه شرحه وحجمها زين والستاف اذا بغيت اي شي يوفره لك بدون تأخير وفيه احذاه كوفي وقريب منه جمعيه وكذا مطعم بس يعيبه انه شكله من داخل عادي جداً بس الشقه ماعليها كلام تروحون وترجعون بالسلامة

[بو الجوري]

تسلمون جميعاً :.. وجاري التشييك :..

وبخصوص اللي يبي قطع غيار ، للأسف رده مب طايع يلبق ، فبالتالي مادري شكاتب :shy:

[خالد_قطر]

في فندق على شارع الشيخ زايد تشوف النافورة الراقصة إذا خذت مطل عليها اسمه City Premiere

[بو الجوري]

في فندق على شارع الشيخ زايد تشوف النافورة الراقصة إذا خذت مطل عليها اسمه city premiere


جربته !!

[رجل الجزيرة]

البستان تاور في الشارقة الليلة ب 450 ريال على كيف كيفك. لين الطابق 21 غرفتين كل غرفة بسريرين وغرفة دبل سرير وصالة وحمامين ومطبخ وغسالة، الصراحة عجيب.

[الزجاجي]

انا قبل كم يوم راجع من دبي ويا الاهل وسكنت في كورال الخوري للشقق الفندقيه
موقعه خلف مول الامارات وسعر الليله 840 ريال للشقه غرفتين

وانا طالع منه شفت تقريبا عائلتين من قطر ساكنين فيه

[{ام غاليه}]

فندق كورب اكزيكتيف خلف مول الامارات فندق هادي وراقي وحولك مطاعم مغاسل صالونات دكاكين حلاليق وكل شي تبيه

[عاشق الشهادة]

وعليكم السلام ورحمه الله وبركاته




تبي شقق نظيفه واسعارها معقوله عندك شقق الجوهره في ديره ,
وتروح وترجع بالسلامه يالغالي .

[(عبدالله)]

البارحة حجزت شقة لمدة 3 ليالي

Pullman Dubai Deira City |Center

نوع الشقة (ديلوكس غرفتين + صالة + مطبخ)

Deluxe-Two Bedroom Apartment

طلغت علي 1150 ريال/الليلة عن طريق بوكنق

[سهم ماينزل]

أحسن شقق بس غاليه شور وهي شقق فندقية راقية جدا شقق الواحة اللي في الجي بي آر بجميرة

[بو الجوري]

تم الحجز في سيتي بريميير للشقق الفندقية

شارع الشيخ زايد

City Premiere Hotel Apartments

مع الأسف دايماً احجز فاللحظات الأخيره :shy: ،،

5 ليالي بـ 6950 ريال ( غرفتين وصاله )


و ماقصرتوا جميعاً و أبشروا بالتقرير :nice::victory::discuss::omen2:

إن شاء الله بكره الفجر بتحرك

[للصبر اخر]

في حفظ الله الشيخ
ولاتنسى الصووغه

[بو الجوري]

رجعت الحمدلله على سلامتي :nice:

وماجبت صوغه حق ولانفر:shy:

إن شاء الله بس أفضى بنزل تقرير :..

[بونووف]

حمدالله على السلامه بس ارجوك توقيعك خله في زاوية الصوره عشان ماتغطي على الصوره ..ههههه

[بو الجوري]

حمدالله على السلامه بس ارجوك توقيعك خله في زاوية الصوره عشان ماتغطي على الصوره ..ههههه

هههههههههههه أنا عمري ماحطيت توقيع يخرّب الصوره لاتحاتي

[بونووف]

http://im26.gulfup.com/ca3M2.jpg (http://www.gulfup.com/?lYoII7)

ههههههه التوقيع كل صوره في مكان

[بو الجوري]

هههههههههههههههههههههههه

المهم ماخربت الصوره ، يعني ماحط التوقيع في نص الفتوش هههههههه

والدليل إني كل مره أحطه في مكان :..

وأهتم إنه التوقيع مايخرب المنظر أو يغطي على صوره

[بونووف]

هههههههه لا ماختربت بس كذا موضوع لك في صور اقعد ادور وين حط التوقيع هالمره ههههه

اهم شي لاتخلي التوقيع كل دقيقه في مكان... ههههه خله في زاويه الصوره ولا في نص الطاوله بين الفتوش والخبز

ههههههه اتغشمر معاك

[kka]

http://www.booking.com/hotel/ae/city-premiere-apartments.ar.html?sid=5cffa2eebcd56acaa6a2f2d8940 9ae63;dcid=1