المشاطه سبا واسعارها

[مهره]

مرحبا اخواني واخواتي قد يكون موضوعي يهم النساء اكثر منه الرجال حبيت اتكلم عن صالون مميز بخدماته وهو صالون المشاطه سبا طبعا المعروف ان هذا الصالون له اكثر من فرع ولكن المشاطه سبا هو احدث فرع اول ما دخلت ورحت له كان شهر 12/2012 وكان سعر المانيكر والباديكير ب 200 ولكن عند رؤيه المنتجات المستخدمه قلت يلا يستاهل وسعر تشقير الحواجب 50 المهم رحت انا وزميله لي حبيت اعرفها علي هذا الصالون شهر 1/2013 بصراحه انصدمت صار المانيكير والباديكير ب 250 وسعر تشقير الحواجب صار 70 ليش والله المواد المستخدمه غاليه علما اني كنت بشترك في عضويه الصالون وهي عبارة عن اشتراك 3اشهر ب 3800 تفاجات والله ان السعر تغير وصار 5920 زين ليش والله ضفنا عليه الايروبيك انا هونت وقلت خلاص ماعاد لي رجعه بالرغم من الرفاهيه والنظام والترتيب في الصالون الا اني ابدا ماحب هالاستغلال نهبه عيني عينك بصراحه *

[عاهد بن علي]

ممكن ارد ؟؟؟؟؟؟؟؟؟؟؟؟؟؟

[نوار قطر]

بحكم انه بعيد عنا ماقد رحت له ولا جربت اي فرع لهم بس وااايد سمعت عنه وعن اسعاره الغاليه ،،، اشتكي عليهم في البلديه قسم الصالونات اعتقد بيفيدونج ،،، من فتره كنت في صالون بيشا شوي دخلت وحده من بنات البلديه وشافت قائمة الاسعار واسالتني شنو سويتووو وبكم واذا كان السعر كان زين ولا غالي وقارنت السعر الي سووه لنا مع السعر الي بالقائمه ،،، اقصد ان عندهم الموظفات مهتمين بهالسوالف :victory:

[كازانوفا]

بالفعل غااااااااااااااااالي بس اكيد في بددددددددددددديل

لا ياعاهد لا ترد

[بوحارب]

لاقيين بنات يقصون عليهم وارفعوا الأسعار

[للصبر اخر]

صدقت بو حارب
المشكله الاسعار وايد مبالغ فيهااااا

[آنا غيــر]

روحي صالون غيداء 2 اللي فالخريطيات .. يحليل مانيكيورهم وبديكيورهم .. سعرهم مناسب اقل من 100 بس ماتذكر كم بالضبط ..حتى يحطون لج شي وردي فقاعة رجلج عشان تصير ورديه خخخخ

يعني خاصه اذا دايما تسوين اشلج تروحين تسوين ب 200 و 300 واخرتها مواد شارينها برخص التراب ..

[سارونه]

روحي صالون غيداء 2 اللي فالخريطيات .. يحليل مانيكيورهم وبديكيورهم .. سعرهم مناسب اقل من 100 بس ماتذكر كم بالضبط ..حتى يحطون لج شي وردي فقاعة رجلج عشان تصير ورديه خخخخ

يعني خاصه اذا دايما تسوين اشلج تروحين تسوين ب 200 و 300 واخرتها مواد شارينها برخص التراب ..

صادقة :nice:

[التيما]

أنا صار لي سنتين مارحت هالمشاطه .. آخر مره رحت كانوا رافعين سعرهم مانيكير وباديكيير 200 * هونت اللي حذا بيتنا نفس السعر اقرب وممتازين بعد شحادني أمسك خط للهلال ..

[Alshoog84]

شدعوة؟؟؟
توني رحت له من اسبوعين تشقير حواجب ب 40
وحف فوق الشفه ب 5

اسعاااااااااااار معقولة جداااا

[عيون الدوحة]

بديكير ومنيكير في ماليزيا ب 50 ريال
تايلند 30 ريال

[السحابة]

بديكير ومنيكير في ماليزيا ب 50 ريال
تايلند 30 ريال

هههه بس لو يدرون انك من قطر بيعطوكي سعر :nice:هههههه
السعر اللي قلتي عنه يمكن عشان يدرون انك خليجيه بس لو بنات بلادهم اكيد ارخص بعد

[BonBons]

صحيح هالصالون وايد رفع اسعاره بطريقه واضحه في كل شي
صاحبه الصالون اولمافتحت الفرع الجديد تعمدت ماترفع الاسعار لتكسب زباين وتضمنهم والحينمع بداية السنه الجديده زادت على كل شي 50 ريال
اشدعوة عاد 50 ؟؟الناس تزيد 10 20 مب مرة وحده 50
الدوحه مليانه صالونات وحلو الوحده تجرب كذا صالون يكون قريب منها وتشوف خدمتهم
مافي بهالبلد الا هالولد؟

انا عن نفسي من زمان مقاطعه هالصالون مع انه الخدمه ممتازة بس ماحب اسلوب الاستغلال

[ورده البنفسج]

اي والله الاسعار ارتفعت عند المشاطة لانهم صاروا سبا انا من ناحيتي غيداء حلو شغلهم

[سبحاان الله]

طبيعي يرفعون اسعارهم اذا البنات راضيين ويدفعون ،، محد بيرفس النعمه

مانسى كلمه بياع لبناني يوم قلت له ليش اسعاركم اوفر قال لان الحريم يدفعون ومايهمهم وخلينا نترزق.

مظاهر بــ مظاهر