[ السايق و " معزبته " .. وشراء مقاضي البيت ..!! ]

[الزعفراني]

.
.
.
.
.
.


أن تلجأ بعض البيوت إلى الاستعانه بالسائق لغرض القيام بمهمة توصيل وقضاء مشاوير أفراد البيت من زوجة وأبناء ... إلخ ، فالأمر يمكن أن يتقبله الإنسان فلكل ظروفه التي دفعته الى جلب مثل هذا السائق .

لكن أن ينتقل هذا السائق من مهمته الأساسية .. إلى مرافقة " معزبته " دافعا " القاري " خلفها بين أرفف كارفور او الميرة بينما هي تجمع مقاضي البيت .. فتلك مصيبة !!!

كيف إرتضت هذه الزوجة أو الأم او الفتاة لنفسها أن تجّر خلفها هذا السائق ليجمع لها مقاضي البيت من على الأرفف ؟؟

كيف ارتضى هذا الزوج او الأب بالسماح للسائق بمرافقة زوجته او ابنته أثناء شراء مقاضي البيت ؟؟

كيف تنظر لهذه الأم او الزوجة او الفتاة عندما تشاهد مثل هذا " المنظر " ؟؟

[فارس الكلمة]

لا أرى مشكلة في ذلك .. أفضل من أن تجر العربة بنفسها أمام الناس ..

و ما الذي تغير .. هي تركب معه في السيارة .. ثم يمنع السائق من جر العربة عنها .. ؟


تحية جميلة لك ..

[باراكودا]

لايجوز وهى تمشى أمامه يكون التركيز قوي وأكثر على الجسد .

[النهار]

وفي بعض الحريم تعطي السايق لسته وهو بدوره يكتبها بلغته وتعال فجج في الجمعيه اللغز تحصله كل شويه موقف له واحد هذي ايش مكتوب وين مكانه يروح المكان يحصل نفس المنتج بعدة اشكال هنى يتوهق :nice:بعد ساعه تحصله راد الجمعيه مع الفاتوره مرجع نصف الاغراض طبعا الجمعيه ماترد له الفلوس لازم يأخذ بدل الاغراض شي ثاني وبنفس السعر تحصله كل شويه ناقز عند المشرف ومسلمه الجوال علشان المدام :nice:تبي تكلم حد في الجمعيه يساعد بابو :nice:

[طبيب قطري]

لا أرى مشكلة في ذلك .. أفضل من أن تجر العربة بنفسها أمام الناس ..

و ما الذي تغير .. هي تركب معه في السيارة .. ثم يمنع السائق من جر العربة عنها .. ؟


تحية جميلة لك ..

وايش المشكله أنها تجر العربه بنفسها امام الناس ؟!

[ضوى]

سويتها مرة في قديم الزمان وحصلت كلام من زوجي وزعل ومشكلة ماحلتها الا اختي الكبيرة صج كانت قضية خطيرةً

[ANONYMOUS]

وايش المشكله أنها تجر العربه بنفسها امام الناس ؟!

يمكن مشلوله :p

تجر صعب

تدز العربه اسهل

ولا عمري شفت حد يجر عربه الا اذا كان مريوس

[الاجوديه]

.
.
.
.
.
.


كيف تنظر لهذه الأم او الزوجة او الفتاة عندما تشاهد مثل هذا " المنظر " ؟؟


هي ما سوت كيذا الا مضطره مسكينه ..!

بس استحقر الرجال اللي مسؤول عنها سواء أب او زوج او أخ ..!

ويعطيك العافيه

[الأصيلة]

يا أخوي كلٍ وظروفه
انا شخصيا إذا ماكانت الخدامة معاي أخلي السايق يجر العربة ويحط الفواكه والخضار
أنا ما أقدر أشيل صناديق الطماط والبرتقال وأكياس البصل وأحطهم في العربة...
ولا أقدر اتمرمط في السوبرماركت وأدز العربة للكاشير وأركنها على جنب وأسحب عربة ثانية عشان أحط باقي الأغراض...
فقط أكتفي بعربة خاصة لي فيها أغراضي الخاصة
أضعها بنفسي وبعيد عن عيون السايق
( صابون ، شامبو ، معجون ، كلينكس ، كلونيا ، والأشياء الخفيفة )
وما أشوف فيها شي لو السايق يجر العربة ويحط الأغراض المنزلية الثقيلة ويوقف عند الكاشير يحاسب ....!!!

[الأصيلة]

هي ما سوت كيذا الا مضطره مسكينه ..!

بس استحقر الرجال
اللي مسؤول عنها سواء أب او زوج او أخ ..!

ويعطيك العافيه

وين الحين الزوج او الأخ أو الأب اللي يرافقون شوفاتهم
للجمعية ويجيبون معاهم الأغراض المنزلية...
نادر وجودهم ..إلا من رحم ربي...
وأرد وأقول كلٍ وظروفه وطبيعة عمله وشغله واهتماماته....!!!

[R 7 A L]

الله يعين بعضهم قاعد في المجلس ولا القهوة ولا مع الربع
ومخلي أمة او زوجتة او أخته مع السائق
في هال حاله اللوم الاول والأخير على المره المفروض تقول
هيه قمت هذا دورك

[بوعامر]

لا حول و لا قوة إلا بالله

والله ما ينقص من الرجال شئ لو خذ من وقته ساعه ولا ساعتين ف الجمعية يجيب مقاضي بيته
والمره سترها بيتها
وإذا هي مضطره للذهاب فلا حول ولاقوة
ولكن يدز القاري الدريول هذي الي ما لها لزوم
مهما كان للمرة آشيا خاصه
وكيف منظرها قدام الدريول وكيف نظرته لها كرجل

اسأل الله أن يهدي جميع شباب و شابات المسلمين

[لاجل QT]

.
.
.
.
.
.


أن تلجأ بعض البيوت إلى الاستعانه بالسائق لغرض القيام بمهمة توصيل وقضاء مشاوير أفراد البيت من زوجة وأبناء ... إلخ ، فالأمر يمكن أن يتقبله الإنسان فلكل ظروفه التي دفعته الى جلب مثل هذا السائق .

لكن أن ينتقل هذا السائق من مهمته الأساسية .. إلى مرافقة " معزبته " دافعا " القاري " خلفها بين أرفف كارفور او الميرة بينما هي تجمع مقاضي البيت .. فتلك مصيبة !!!

كيف إرتضت هذه الزوجة أو الأم او الفتاة لنفسها أن تجّر خلفها هذا السائق ليجمع لها مقاضي البيت من على الأرفف ؟؟

كيف ارتضى هذا الزوج او الأب بالسماح للسائق بمرافقة زوجته او ابنته أثناء شراء مقاضي البيت ؟؟

كيف تنظر لهذه الأم او الزوجة او الفتاة عندما تشاهد مثل هذا " المنظر " ؟؟

دوم تطري على في هالموضيع علي اغنية محمد عبدة وينك يادرب المحبة....وينك ياسبع البرومبة

انا انظر للزوجة او البنت بنظرة شفقة لان وضع انفرض عليهم للاسف بغياب او تكاسل رب الاسرة

المنظر غير لائق بالذات اذا كانت الزوجة شابة..واللدريول يختلس النظر لها:(

اما اذا مرة كبيرة في السن عجوز واجد اشوف هالشي

السؤال شاللى يخلى الزوج يوصل لهالمواصيل ليش التعيز والكسل في هالامور مع ان من واجباتة

بس فالحين في العنن والسهر..والمفوشر الخرطي

واللدريول صار هو رب الاسرة يودي ويجيب..وين دورك ياسبع البرومة:omen2:

كل اللوم على الزوج هو اللى فرض هالوضع على الزوجة باهمالة:(

[مستجدة]

اذا الزوج والابن والاخ كلهم همهم نفسهم دومات ونوم والمساء يبون يطلعون مع ربعهم
في هالحالة الزوجه مضطره انها تستعين بالسائق لتقضية متطلبات البيت

[qrt_trading]

الحمد لله أنا ما أروح الجمعية إلا مع زوجي وانقسم اللسته بيني وبينه أنا أخذ الصابون والشامبو والكونفورت والازي منو وهو يأخذ الأشياء الثقيلة مثل الخضره والعيش واللحم والدجاج والسمك وهكذا، وساعات أروح بنفسي بدونه اذا كانت الأغراض خفيفه مثل ما قلت سابقاً.

[khaldoon]

والله يا اخوي حسب ظروف الناس.....انا ما أأيد هالشي و لا عندي سايق طبعا بس ما تعرف ظروف الناس..... لو قدروا يتجنبوا هالاشياء و كل واحد بالبيت يقوم بدوره المطلوب منه ان شاء الله ما نشوف الاشياء هذه في المجتمع

[MAZEN37]

الله يعين بعضهم قاعد في المجلس ولا القهوة ولا مع الربع
ومخلي أمة او زوجتة او أخته مع السائق
في هال حاله اللوم الاول والأخير على المره المفروض تقول
هيه قمت هذا دورك

ويتصل فيها وهي بالجمعيه يقولها لا تنسين تجيبين وياج التويكس

[نوار قطر]

لا والله الي تخلي الدريول يتمخطر معاها ويدز الترولي هذي ماعندها سالفه ... مب منقصه يدها اذا دزته بروحها . ساعات في اشياء ثقيله وفعلا ممكن اتثقل على الترولي مثل الصابون الديتول الماي في هالحاله يصير صعب انها اتحرك بسهوله .. الله لا يهينها تخلي الدريول ياخد ترولي غير عن الي عندها وتقول له روح حط كذا وكذا وانطرني عند الكاشير ... اما انه يلاحقني من مكان لي مكان جنه ظلي لا بالله ماله حايه لا هو ابوي ولا اخوي ولا ريلي ..:secret:

[روح الاطلس]

ااذا عيوز شنو المشكله؟!!!

[مرت محمد]

عاااااااااااادي ولا فيه شي في الموضوع خادم ويساعد معزبته في الشيل والحط يمه منكم ومن سوالفكم

[غايه الطواش]

اغلب هالحركه شفتها من عيايز الله يطول باعمارهم
اما غيرهم اشوفهم مع الشغالات

[المرحب]

كلٍ وظروفه وطبيعة عمله وشغله واهتماماته....!!!

:nice:

ما أختلفنـــــا

لكــن فيه رجـــال خلاص صار السائق الكل بالكل في البيت والمسؤول الأول والأخيــر

عن البيت والعائلــــة !!!

[غيور]

لا أرى مشكلة في ذلك .. أفضل من أن تجر العربة بنفسها أمام الناس ..

و ما الذي تغير .. هي تركب معه في السيارة .. ثم يمنع السائق من جر العربة عنها .. ؟


تحية جميلة لك ..


صباح الخير واعذروني على كلامي قبل ماأبدى . واذا تبون تحذفونه على كيفكم.

انا شخصيا اشوف المرأة تخرج مع السائق لحالها مسخرة وقلة حياء وفيه علامات استفهام.
واعتقد باأن زوجها في وجهة نظري يعتبر ديوثي . هل السائق محرم لها ؟

او يمكن مايكون ديوثي ولكن هي راكبة فوق راسه , فهذه مصيبة اعظم واعتقد باأنه لايستحق باأن يكون زوج .

والله عالم غريب !! انا شايف السائق يستقبل معزبته في المطار !!! وين رجل البيت ؟

عادي اثق فيها !! القضية ليست ثقة بل القضية حرام حرام .

اخيرا . انا اعتذر اذا البعض لم يعجبه كلامي وصحيح اللي قال ( ماكل من لبس الثوب صار رجال ).

[dream~qa]

للأسف البعض يستهين في هالموضوع ..

والموضوع كبير .

الكل فكر في نظرة المجتمع

لكن محد فكر في نظرة الدريول نفسه للمعزبة ؟؟؟؟؟

استغفر الله .

[قطري !]

ماشالله عليكم حتى القاري ومن يدفه تناقشونه


ههه



صار لي زمان عن المنتدى وعبالي تطورتوا :tease:

[غيور]

هذه المصيبة .
ردي عليك هو اقرأء كلام الأخت Wahaj ودقق فيه عدل وياريت تقرأه كذا مرة.

تحياتي

[عيون الدوحة]

أنا دوم الي أصادفهم مع السايق بالجمعيات ولا المجمعات ويدز القاري
كلهم امهات كبار في السن وماتقدر هي تدف القاري
تخيل أمك أو جدتك عنرها 50 وطالع وين تقدر تدز قاري متروس مقاضي البيت من دجاج الخ

[غيور]

أنا دوم الي أصادفهم مع السايق بالجمعيات ولا المجمعات ويدز القاري
كلهم امهات كبار في السن وماتقدر هي تدف القاري
تخيل أمك أو جدتك عنرها 50 وطالع وين تقدر تدز قاري متروس مقاضي البيت من دجاج الخ

الظاهر ماقرأت كلامي عدل !!

انا قلت المتزوجة يعني لسى شباب وعندها زوج . ولم اتطرق الى كبار السن ابدا.

[عيون الدوحة]

الظاهر ماقرأت كلامي عدل !!

انا قلت المتزوجة يعني لسى شباب وعندها زوج . ولم اتطرق الى كبار السن ابدا.

عمري ماشفت بنات الدريول يدز لها القاري
أصلا أغلب المتزوجات حاليا ونقول 80% منهم يسوقون سياراتهم الشخصية وماعندها دريول

[حنان k]

أنا دوم الي أصادفهم مع السايق بالجمعيات ولا المجمعات ويدز القاري
كلهم امهات كبار في السن وماتقدر هي تدف القاري
تخيل أمك أو جدتك عنرها 50 وطالع وين تقدر تدز قاري متروس مقاضي البيت من دجاج الخ



صباح الخير
لبا قلبك الأمهات الكبار ما عندهم عيال ؟
وين بر الأبناء بوالدينهم
وش فيها لا يوم واحد راح مع أمه السوبر ماركت وقضى لها حاجاتها

ما في أمرأة تقبل أن الزوج تمشي ووراه الخادمة تتبعه
كيف الزوج قبل السائق يتبع زوجته ؟؟

[الزعفراني]

لا أرى مشكلة في ذلك .. أفضل من أن تجر العربة بنفسها أمام الناس ..

و ما الذي تغير .. هي تركب معه في السيارة .. ثم يمنع السائق من جر العربة عنها .. ؟


تحية جميلة لك ..

وجهة نظر .. لكن شخصيا أشوف ان هالأمر " مستهجن " عند العقلاء الغيورين من الناس .. بخلاف الشرع طبعا ..

[الزعفراني]

ااذا عيوز شنو المشكله؟!!!

وإذا مب عيوز ؟

[الزعفراني]

لايجوز وهى تمشى أمامه يكون التركيز قوي وأكثر على الجسد .

كان الله في عون كل سايق او خادم ابتلى بمثل هالأمور

[راشد محمد]

اذا عيوز كبيرة شالمشكلة..انا مرة شفت ريال ومرته شباب ومعاهم الدريول والخدامة وطبعا المعزبة تاشر والخدامة تحط في القاري..

[الزعفراني]

اذا عيوز كبيرة شالمشكلة..انا مرة شفت ريال ومرته شباب ومعاهم الدريول والخدامة وطبعا المعزبة تاشر والخدامة تحط في القاري..

وإذا مب عيوز ؟

[عيون الدوحة]

صباح الخير
لبا قلبك الأمهات الكبار ما عندهم عيال ؟
وين بر الأبناء بوالدينهم
وش فيها لا يوم واحد راح مع أمه السوبر ماركت وقضى لها حاجاتها

ما في أمرأة تقبل أن الزوج تمشي ووراه الخادمة تتبعه
كيف الزوج قبل السائق يتبع زوجته ؟؟

هم خر يزورونهم أول بعدين خل يوديها الجمعية ومشاويرها
اذا العيوز تمت تنطر عيالها
عز الله ماتت من الجوع

[الركادة]

انا اقضي للبيت واذا في اشيا ثقيلة ما اقدر اشيلها .. الله يسلم العمال اللي فالجمعية ما يقصرون
موجودين في كل مكان ..يحطونه فالقاري ... و يعني ماله داعي ابدا اني اخذ السايق معاي هذا اللي ناقص

مشكلة لما تنخلط الامور علبعض الناس
الخادمة : المفروض تخدم فالبيت بس فجاة تصير هي الخادمة والمربية
السايق : المفروض يسوق السيارة فجاة يصير هو السايق والخادم واحيانا رب الاسرة


واللي يقولون مافي سايق ييدز القاري لا في
وان كان الاغلب معزباتهم كبار فالعمر

[الدمعه]

أنا شفت في الجمعية هالشي واستنكرته. لكن كل شخص وحر بتصرفاته.

وحتى لو كانت صغيره ممكن تكون فيها عله ما تقدر تدز القاري ،،،

ممكن استفيد من السائق إذا بخليه يأخذ قاري بروحه وأوصيه على الأغراض

الثقيلة اللي ابغيها وبس.

[OTOsan]

يمكن مشلوله :p

تجر صعب

تدز العربه اسهل

ولا عمري شفت حد يجر عربه الا اذا كان مريوس


يقصد انه (يدفع) العربة:p

[نوفة قطر]

اذا كانت حرمه كبيره وماعندها احد يساعدها و ولا واحد من عيالها قايم ورايح وياها ... ليش ما يساعدها ؟

هو مب ماسكها هو الا بيدز القاري وبيساعدها في شيل الاغراض !!!

واذا بيكون في عتب فهو ع الزوج والعيال مب على السايق

انا لين شفت مثل هالمناظر اقول الله يعزه على الاقل معاونها : ))

وبعدين انتوا ترى ماتعرفون ظروف العالم

-

[مدرسة]

ومن قال تجر خلفها سائق

أنا شفت حرمتين في الجمعية ,,, اعطيهم اواخر العشرينات بداية الثلاثينيات من العمر

الهندي يشتري الأغراض و هم مناشبينة كل شوي : فلان نشتري هاي ؟؟ يقوللهم لا ماما في موجود

فلان نحتاج هاي حق مادري وشو ؟ لا ماما ما يحتاج .... و كان مستااااء جداً :secret: ( الوضع بالعكس )

و مبين ان هم الثنتين ما دروا المطبخ شفيه وش مافيه و لا حصروا احتياجاتهم قبل لا يجون

بس جايين في ظل الهندي و هو عنده اللستة




رااااحوا الطيبات ربات البيوت السنعات

[مدرسة]

ويتصل فيها وهي بالجمعيه يقولها لا تنسين تجيبين وياج التويكس

أي عادي في هالزمن بعض الرياييل عادي متسمت في البيت و يدق على مرته جيبي معاج عشا

[الدمعه]

ومن قال تجر خلفها سائق

أنا شفت حرمتين في الجمعية ,,, اعطيهم اواخر العشرينات بداية الثلاثينيات من العمر

الهندي يشتري الأغراض و هم مناشبينة كل شوي : فلان نشتري هاي ؟؟ يقوللهم لا ماما في موجود

فلان نحتاج هاي حق مادري وشو ؟ لا ماما ما يحتاج .... و كان مستااااء جداً :secret: ( الوضع بالعكس )

و مبين ان هم الثنتين ما دروا المطبخ شفيه وش مافيه و لا حصروا احتياجاتهم قبل لا يجون

بس جايين في ظل الهندي و هو عنده اللستة




رااااحوا الطيبات ربات البيوت السنعات


:eek5::eek5::eek5::eek5::eek5::eek5:

يمكن الطباخ وهو ماسك زمام الأمور :tease:

برستيجها ما يسمح لها تدخل المطبخ وتشوف النواقص

[دانة الطواش]

أخوي فارس الكلمة ومن أيده برايه أختلف معاك في القول أنه عادي ومافي شي وأقف ضد هذا المنظر ،
فالزوجة أو الأم لو كانت وحيدة ليس لديها حد وكبيرة في السن هنا نعذرها ولكن لو كانت بصحتها فالأولى أن تقوم بجر عربتها بنفسها ،أما الزوجة أو الأم التي لديها زوج وأبناء هذا خطأهم المفروض أن يتكفلوا بهذا الموضوع وعدم تركها لوحدها تقضي حاجات المنزل .

[الخزرجي قطر]

كل عائله حسب ظروف رب الأسره بصفته هو المسئول عن مثل هذه الامور
الدريول في البيت في بعض الاسر صاير يعرف متطلبات الاسره ومواعيدها
وبيوت الاهل والمعارف اكثر من رب الاسره .. الله يصلح حالنا وحال المسلمين

[♫ احسـاسـ طفلـهـ ♫]

ممكن سالفة ان السائق يجر العربه ويجيب الاغراض ( تنبلع) بس اللي ما ينبلع صج و اشوفه جدا خطير ان ارى (المعزبه) تتمشى مع العيال ومعاهم السايق احس كأنه خذ مكان الزوج !! هالمنظر يقرفني شوي والانكى ان ممكن تسولف وياه وتضحك وتتغشمر و تقول له شرايك راجوا هالزيت اوكيه ولا الثاني!! ويقول لا ماما هادا مافي زين وتستمر السوالف والمصخره !! الشرهة مو عليهم على رجاجيلهم اللي يرضون بهالمناظر ..


واعليه علي وعلى امي مسكينه تروح الجمعيه مع السايق بس تنزل بروحها وتاخذ اغراض وتاخذ العربانه لين السياره ولا تدفع حق الحماليه .. وشخصيا لما اشتري اروح بروحي واشتري اغراضي بروحي وحتى لو شي ثقيل اشله بروحي لو تنكسر يدي هههههه بس ماحب حد يشتغل عني تعودت خلاص الدلع الزايد ترى كلش ماله حلاه :tease: ..

[روح الاطلس]

وإذا مب عيوز ؟

اذا شابة ماعتقد لها حاجة بأن الدريول البودي قارد يدز العربة عنها

اما لو عيوز عودة فوق الستين وين المشكلة؟! خاصة ان الدريول هو اللي يوديها ويجيبها ومعاها بكل مشوار

[روح الاطلس]

صباح الخير
لبا قلبك الأمهات الكبار ما عندهم عيال ؟
وين بر الأبناء بوالدينهم
وش فيها لا يوم واحد راح مع أمه السوبر ماركت وقضى لها حاجاتها

ما في أمرأة تقبل أن الزوج تمشي ووراه الخادمة تتبعه
كيف الزوج قبل السائق يتبع زوجته ؟؟



ياحبي لتس يا حنان

الحين وين الابناء اللي يهتمون بأهلهم!

من يتزوج الواحد خلاص حياته واهتماماته كلها للمدام

والام والاهل اخر همه

واللي ماتزوج اهتماماته بربعه وطلعاته وحياته الخاصة

الوضع عندنا ترا غير عنكم

نادر ريال في قطر هو بنفسه يجيب اغراض البيت او يروح سوق الخضرة او يروح المقصب

هالامور مسؤلية النساء + الدريول + الخادمة :)

[باراكودا]

يقصد انه (يدفع) العربة:p

مشكور على الترجمة لكنها عبارة قوية وين المشرفين .

[نوار قطر]

ياحبي لتس يا حنان

الحين وين الابناء اللي يهتمون بأهلهم!

من يتزوج الواحد خلاص حياته واهتماماته كلها للمدام

والام والاهل اخر همه

واللي ماتزوج اهتماماته بربعه وطلعاته وحياته الخاصة

الوضع عندنا ترا غير عنكم

نادر ريال في قطر هو بنفسه يجيب اغراض البيت او يروح سوق الخضرة او يروح المقصب

هالامور مسؤلية النساء + الدريول + الخادمة :)

لا يا روح الاطلس من قال لج ان مافي عيال يقومون بأمهم ولا ابوهم فديتج الدينا للحين فيها خير والعيال الي يقومون بأهلهم واااايد وواحد منهم اخوي فديت رووحه مواعيد ابوي هو الي يوديه وهو الي يدزه على الكرسي وحق العلاج يهد بيته وعياله ويسافر والي نفس اخوي وااايد يشيلوون اهاليهم على روسهم ،،، ومن سوى سوي له ومثل ماقام بامه وابوه بكره عياله بيقومون به

[عاهد بن علي]

انا عمري ما حطيت سايق ولله الحمد

[الزعفراني]

وفي بعض الحريم تعطي السايق لسته وهو بدوره يكتبها بلغته وتعال فجج في الجمعيه اللغز تحصله كل شويه موقف له واحد هذي ايش مكتوب وين مكانه يروح المكان يحصل نفس المنتج بعدة اشكال هنى يتوهق :nice:بعد ساعه تحصله راد الجمعيه مع الفاتوره مرجع نصف الاغراض طبعا الجمعيه ماترد له الفلوس لازم يأخذ بدل الاغراض شي ثاني وبنفس السعر تحصله كل شويه ناقز عند المشرف ومسلمه الجوال علشان المدام :nice:تبي تكلم حد في الجمعيه يساعد بابو :nice:

هذي مشكلة ثانيه وعويصه :rolleyes2:

[الزعفراني]

سويتها مرة في قديم الزمان وحصلت كلام من زوجي وزعل ومشكلة ماحلتها الا اختي الكبيرة صج كانت قضية خطيرةً

فعلا أي زوج أو انسان عاقل ما يرضى بمثل هالشيء .. السايق يبقى سايق له مهام محددة اما انه يتجاوز هالشيء الى انه يرافق معزبته في شراء مقاضي البيت .. هذي المصيبة بعينها

[الزعفراني]

انا عمري ما حطيت سايق ولله الحمد

نفسي ولله الحمد ، والله لا يحدنا على السواقين او الخدم .. وكان الله بعون من ابتلى بشرّهم .

[الزعفراني]

هي ما سوت كيذا الا مضطره مسكينه ..!

بس استحقر الرجال اللي مسؤول عنها سواء أب او زوج او أخ ..!

ويعطيك العافيه

حتى لو اضطرت وحتى لو استحقرنا الرجال المسؤول عنها .. هي نفسها كيف ارتضت لنفسها هالشيء ؟؟

[الزعفراني]

يا أخوي كلٍ وظروفه
انا شخصيا إذا ماكانت الخدامة معاي أخلي السايق يجر العربة ويحط الفواكه والخضار
أنا ما أقدر أشيل صناديق الطماط والبرتقال وأكياس البصل وأحطهم في العربة...
ولا أقدر اتمرمط في السوبرماركت وأدز العربة للكاشير وأركنها على جنب وأسحب عربة ثانية عشان أحط باقي الأغراض...
فقط أكتفي بعربة خاصة لي فيها أغراضي الخاصة
أضعها بنفسي وبعيد عن عيون السايق
( صابون ، شامبو ، معجون ، كلينكس ، كلونيا ، والأشياء الخفيفة )
وما أشوف فيها شي لو السايق يجر العربة ويحط الأغراض المنزلية الثقيلة ويوقف عند الكاشير يحاسب ....!!!

وجهة نظر .. وكان الله في عونج على الظروف اللي تخليج تستعينين بالسايق وانتي اتشرين مقاضي البيت .. لكن تأكدي ان هالشيء على الأقل في نظر غالبية الناس خصوصا الرجال .. شيء غير مقبول .. ومش من السنع اللي نعرفه .

[الزعفراني]

وين الحين الزوج او الأخ أو الأب اللي يرافقون شوفاتهم
للجمعية ويجيبون معاهم الأغراض المنزلية...
نادر وجودهم ..إلا من رحم ربي...
وأرد وأقول كلٍ وظروفه وطبيعة عمله وشغله واهتماماته....!!!

موجودين .. لكن ندرتهم ما تعطي الحق للزوجه مثلا او البنت انها تستعين بالسايق عشان يدف لها العربانه .. أبسطها تخلي خدامتها ع الاقل من جنسها .. لكن انه السايق يقوم بهالمهمه اشوف مش حلوه .. من وجهة نظري الشخصية

[الزعفراني]

الله يعين بعضهم قاعد في المجلس ولا القهوة ولا مع الربع
ومخلي أمة او زوجتة او أخته مع السائق
في هال حاله اللوم الاول والأخير على المره المفروض تقول
هيه قمت هذا دورك

الفئة اللي تسوي هالشيء انه الرجال قاعد مع ربعه والا لاهي ومخلي هله يتقضون للبيت مع السايق .. للاسف مافيهم شي من الرجولة ..

[الزعفراني]

لا حول و لا قوة إلا بالله

والله ما ينقص من الرجال شئ لو خذ من وقته ساعه ولا ساعتين ف الجمعية يجيب مقاضي بيته
والمره سترها بيتها
وإذا هي مضطره للذهاب فلا حول ولاقوة
ولكن يدز القاري الدريول هذي الي ما لها لزوم
مهما كان للمرة آشيا خاصه
وكيف منظرها قدام الدريول وكيف نظرته لها كرجل

اسأل الله أن يهدي جميع شباب و شابات المسلمين

مابعد كلامك كلام ..

مشكور اخوي ع المداخلة اللي اثرت الموضوع

[تغلبية]

الزعفراني ..
شكرا على طرح الموضوع .. وأنت تطرقت لنقطة حساسة جداً
كثير من النساء يشوفون الموضوع عادي .. لانهم بحاجة فقط " عضلات" تشيل وتجر عنها .. يعني موب قضية ان السايق محل المعزب بس انتو الرجال خذتوها بشكل حساس .. طيب ليش .. فهمونا ..؟؟
سويت الحركة كمن مرة وماحبيتها .. ليش مادري .. مارتحت للموقف ولاحظت تمنع السايق في مرات عديدة

فك اللغز الله يعافيك:rolleyes2:

[Al-Kuwari]

بعيداً عن اهمال الزوج او الأب او الأخ

ما راح اعذرهم , اصلاً مالهم عذر مهما قلت او عبرت ..

لكن هل تخاذل شخص او طرف يعطي للطرف الأخر العذر في عمل شيء غير محبب ومذموم عند المجتمع ؟ بعيداً عن الحلال والحرام لأني ما ابي افتي فـ شي انا ما اعرفه ..

كـ مثال لتبسيط الأمور , هل تخاذل جهاز الأمن في الدولة يبرر للسارق ان يسرق ؟ طبعاً لا ..

مهما بدر من الطرف الثاني , الطرف الأول ملزم بأن يعمل بأخلاقه وتربيته بعيداً عن تصرفات الطرف الثاني

منظر السائق وهو يجر الترولي خلف المعزبة منظر مقزز ولا يستسيغه اي انسان سليم الفطرة

السائق اسمه سائق , وظيفته تبدأ وتنتهي بقيادة السيارة لا اكثر

و لا يوجد مبرر لجعل السائق يجر الترولي , اغلب الاشياء في المحلات التجارية او الميرة خفيفة الوزن او متوسطه الوزن

بخصوص صناديق الخضار حسب علمي واللي اذكره ان يوجد عامل قريب من قسم الخضراوات من الممكن ان تطلب منه ان يضع الصندوق في الترولي , ولو لم يكن هناك عامل , فالوزن ليس بذاك الوزن الخيالي اللي ما تستطيع حمله فتاة او امرأة , لنكن واقعيين و صريحين مع انفسنا

هل الموضوع موضوع برستيج ؟ ام هو فعلاً موضوع وزن ثقيل وحمله صعب و شاق ؟

ان كان برستيج , فلا حول ولا قوة الا بالله

وان كان وزن ثقيل جدا جدا جدا فـ اعتقد في خلل في تكوين الفتاة الجسماني لان مهما بلغت الفتاه من ضعف لا اعتقد ان صندوق طماطم وزنه كيلوين او 3 كيلو يستصعب عليها ان تحمله وتضعه في ترولي !

نفس الفتاة في البيت تلاعب اطفالها وتحملهم وهم اوزانهم بـ 15 و 20 كيلو واحيانا 25 كيلو !!

يعطيك العافيه اخوي الزعفراني عالموضوع الطيب ..

[المبرمج صلاح]

اسأل الله أن يهدي جميع شباب و شابات المسلمين

[alsoq]

السلام عليكم

اود ان اعلق
الرجل الذي لا يقوم بواجبات بيته لا يستحق ان يكون زوج او اب ان يترك زوجته الخادم خلفها وينظر الى ظهرها مصيبه

2- ان يترك بنته معا سائق بنفسها فهذي طامه الكبرى

الرجل عنده وقت للربعه بالساعات او بالايام في رحله وليس لديه الوقت في الذهاب هو وزوجته او بنفسه للمطلاب البيت علمآ انها في الاسبوع مره ما ضيع اولادنا واهل بيتنا سوى الخدم وغياب دور الرجل في البيت

[Locale]

اساسا ركوب المرأه مع السايق خلوه

[الزعفراني]

دوم تطري على في هالموضيع علي اغنية محمد عبدة وينك يادرب المحبة....وينك ياسبع البرومبة

انا انظر للزوجة او البنت بنظرة شفقة لان وضع انفرض عليهم للاسف بغياب او تكاسل رب الاسرة

المنظر غير لائق بالذات اذا كانت الزوجة شابة..واللدريول يختلس النظر لها:(

اما اذا مرة كبيرة في السن عجوز واجد اشوف هالشي

السؤال شاللى يخلى الزوج يوصل لهالمواصيل ليش التعيز والكسل في هالامور مع ان من واجباتة

بس فالحين في العنن والسهر..والمفوشر الخرطي

واللدريول صار هو رب الاسرة يودي ويجيب..وين دورك ياسبع البرومة:omen2:

كل اللوم على الزوج هو اللى فرض هالوضع على الزوجة باهمالة:(

فعلا وينك يادرب المحبه :rolleyes2:

[الزعفراني]

اذا الزوج والابن والاخ كلهم همهم نفسهم دومات ونوم والمساء يبون يطلعون مع ربعهم
في هالحالة الزوجه مضطره انها تستعين بالسائق لتقضية متطلبات البيت

الله يعينها اللي تضطر .. بس هل هالشيء حل او يحق لها ؟

[الزعفراني]

الحمد لله أنا ما أروح الجمعية إلا مع زوجي وانقسم اللسته بيني وبينه أنا أخذ الصابون والشامبو والكونفورت والازي منو وهو يأخذ الأشياء الثقيلة مثل الخضره والعيش واللحم والدجاج والسمك وهكذا، وساعات أروح بنفسي بدونه اذا كانت الأغراض خفيفه مثل ما قلت سابقاً.

هذا هو السنع .. الله يحفظكم لبعض :nice:

[الزعفراني]

والله يا اخوي حسب ظروف الناس.....انا ما أأيد هالشي و لا عندي سايق طبعا بس ما تعرف ظروف الناس..... لو قدروا يتجنبوا هالاشياء و كل واحد بالبيت يقوم بدوره المطلوب منه ان شاء الله ما نشوف الاشياء هذه في المجتمع

ان شاء الله تختفي مثل هالمناظر

[الزعفراني]

لا والله الي تخلي الدريول يتمخطر معاها ويدز الترولي هذي ماعندها سالفه ... مب منقصه يدها اذا دزته بروحها . ساعات في اشياء ثقيله وفعلا ممكن اتثقل على الترولي مثل الصابون الديتول الماي في هالحاله يصير صعب انها اتحرك بسهوله .. الله لا يهينها تخلي الدريول ياخد ترولي غير عن الي عندها وتقول له روح حط كذا وكذا وانطرني عند الكاشير ... اما انه يلاحقني من مكان لي مكان جنه ظلي لا بالله ماله حايه لا هو ابوي ولا اخوي ولا ريلي ..:secret:

يعطيج العافيه على المداخله

[الزعفراني]

عاااااااااااادي ولا فيه شي في الموضوع خادم ويساعد معزبته في الشيل والحط يمه منكم ومن سوالفكم

لا تعليق

[ريم 28]

اذا كبيره في السن او فتاه مريضه او من ذوي الاحتياجات الخاصه لا يمنع ان يساعدها السائق للضروره احكام ويحتمل لا يوجد لديهم محارم يساعدونهم او يعيننهم


لكن لو كنتي بنت وفي كامل صحتك لماذا تجعلين من نفسك محل ملفت للانظار. وكانه من محارمك يمشي معك او خلفك والمنظر مرفوض فتجنبه افضل

اعتمدي على نفسك وفي الاغراض الثقيله اطلبي من العامل مساعدتك

باختصار حتى لو الزوج مهمل غائب لا يصح ذلك فرضا اطفالك مشوا على نهجك واعتبروه بابا هنا المشكله

واذا على خادم منذ متى والخادم هو من يخدم معزبته بجوارها او خلفها بل هذا دور الخادمه من بني جنسك


وشكرا

[ANONYMOUS]

عادة انا اللي اجيب الاغراض

واذا في شي شبه ثقيل او بعيد اقول لاي عامل يجيبه او يحطه في القاري

مادري شسالفة الاشياء الثقيله اللي طلعت فجأه وصارت فوبيا في الموضوع

[النهار]

عادة انا اللي اجيب الاغراض

واذا في شي شبه ثقيل او بعيد اقول لاي عامل يجيبه او يحطه في القاري

مادري شسالفة الاشياء الثقيله اللي طلعت فجأه وصارت فوبيا في الموضوع


برستيج اخوي اكبر مثال في المطاعم بالشوكه والسكين وفي البيت بالخمس يخمسون تقول داشين دراق ريس :nice:

[khalid525]

الحين مسموح يوصلها في السيارة ، وتقول ليش يشيل لها الاغراض او المقاضي على قولتك ،

ما اعتقد فيها مشكله وكل انسان وله ظروف خاصة فيه .

[الأصيلة]

وجهة نظر .. وكان الله في عونج على الظروف اللي تخليج تستعينين بالسايق وانتي اتشرين مقاضي البيت .. لكن تأكدي ان هالشيء على الأقل في نظر غالبية الناس خصوصا الرجال .. شيء غير مقبول .. ومش من السنع اللي نعرفه .

قلنا كل بيت له ظروفه ..
وكل عائلها لها طريقة في حياتها حسب تغيرات الزمن...
مب كل بيت فيه رجل يروح مع الزوجة ويجيب لها الأغراض أو يجر العربة...
والضرورات تبيح المحضورات..
وانا ما أشوف فيها شيء أبدا لو السايق يجر العربة
وتآمره المعزبة يحط مقاضي البيت وخاصة الفواكه والخضروات ...
يعني السنع مايطلع إلا على ها السوالف...
في السوبرماركت تشوف العجايب ..
ـ زوج يمسك ورقة وفيها المقاضي وبخط الخادمة يمشي ويحط
كل شيء ..
حاجات الزوجة والبيت والأطفال والخدم وكل صغيرة وكبيرة..
والأخت نايمة في البيت ومريحة مخها ...
ـ أو زوج ومعاه الخادمة ويشتري الأغراض وهي الآمره الناهية...
ـ سائق وخادمة ومعاهم ورقة ويشترون أغراض
البيت والله أعلم شيخيطون ويبيطون بفلوس المدام...
مناظر كثيرة تبرأ منها السنع...

والله المستعان...

[دلة الرسلان]

ان شئت ان تحيا سليما من الاذى ودينك موفور و عرضك صيّن

لسانك لا تذكر به عورة امرئ فكلك عورات و للناس السن

و عينك ان ابدت لك معايبا فدعها و قل:يا عين للناس اعين

و عاشر بمعروف و سامح من اعتدى و فارق و لكن بالتي هي احسن

من الخطأ ان نحكم على زوج بأنه ديوث لأن السائق يجر ولا يدفع عربة الجمعية للمعزبة .

[بصمة قطرية]

طول عمري أتسوق و خدامتي معاي ..
أدز أنا عادي إش فيها ..!!!

كل شخص حرفي تصرفاته
و مثل ما قالتالأصيلة كل بيت و له ظروفه
ليش ندقق على كل شي ..!!!؟؟

[× الجــوري ×]

عسى ماشر اخليه يمشي معاي وانا اتسوق :anger1:الدريول يوصلني مكان مابغي بس ينزل معاي معصي بس اذا حرمه كبيره وضروفها يات هالشكل نو بروبلم
بس اولا واخيرا اللوم على رجال البيت :tease: سبع البرومبه

[الزعفراني]

اسأل الله أن يهدي جميع شباب و شابات المسلمين

اللهم آمين

[مشاكل]

انا اشوف المره اللي تستعين بدريولها وتمشي معاه وهي اتشرى مقاضي البيت وكأنها تستعين بصديق زوجها او زوج رفيجتها او زميلها فالعمل او اي رجال فالشارع ،،، يعني نفس الشي ،،،
لأنهم فالنهاية ليسوا بمحارم لها ،،، ولذلك كلهم سيان ،،، الا اذا كان الدريول محرم لها فالمسأله هنا تكون حلال ،،،

وبعدين يعني احبكت الا الدريول اتشرى معاه ،،، وليش ماتكون الخدامة بداله ؟
الله يعين بعض البيوت ويستر عليها
الله لايبلينا

[بـومحمد]

ياخي لا انا ولا انت ندري شنو ضروف هالمره ولا نعرف الاسباب الي خلته تسحب السايق معاه لانا ولا انت ولا غيرنا يعرف شنو في بيت اي حد يمكن ارمله يمكن مطلقه يمكن زوجها مسجون يمكن عانس وابوها وامها كبار يمكن اعياله صغار
ماعندها اخوان يعني 100 سبب وسبب مادام المراه مستوره وفي حاله الله يستر عليه وعلى جميع المسلمين ياخي تكلموا في شي يستاهل والله العظيم الناس مب خاليه كلن له مشكله يعني اذا ماراحت تاكل تبن اهي واعياله ولا علشان الناس بيشوفونه بنظره غلط الناس ماعندها الاكلام ولا محد بينفعه كلن همه نفسه

[بـومحمد]

ياخي الا مب عاجب اي تصرف لايقعد يتكلم ويقول هذا غلط وهذا صح علطول يغيره يعني اي رجل يشوف المنظر مب عاجبه ممكن يكلم المراه ويقوله انتي روحي السياره وانا باخذ كل اغراضج بس الاي تسوينه غلط ولا وين الشهامه والنخوه ولا ماتطلع الابلانتقادات بس

[بـومحمد]

:anger1:مادري شفيني انفعلت:anger1: بس بصراحه شي يزعل قول بدون فعل والله يزعل الله يستر على جميع المسلمين

[الدمعه]

نادر ريال في قطر هو بنفسه يجيب اغراض البيت او يروح سوق الخضرة او يروح المقصب

هالامور مسؤلية النساء + الدريول + الخادمة :)

لا فديتج مب نادر. الحمدلله زوجي هو يجيب كل الأغراض بشكل أسبوعي وانا إذا بغيت شي أروح أما على أغراض البيت مايقصر.

بس في حالة انه مسافر عشان الشغل وغيره اضطر أروح الجمعية بس ولدي يدز القاري وانا أساعده ،،، والأشياء الثقيلة الدريول يجيبها.

في واحد من الأعضاء ذكر البرستيج.

السالفة مب سالفة برستيج سالفه أني لين حطيت هالاغراض في القاري بيصير ثقيل وبقعد احفص مكاني وهو مب متحرك.

والشي الثاني الأغراض أحيانا تكون في الرف التحتي فما في داعي ادنع عشان سحارة طماط وإلا ليمون .

بس بعد سالفة الدريول مب مقبولة :secret:

[سيدة الموقف]

وجودك يا رجل مع شوفاتك مهم جدا لا تتركهم مع السائق



الحريم ما يتحملون القاري والخضار والثقل وحتى الخدامه ما تتحمل لانها انسانه وانثى



يا رجل يا رجل يا رجاااااااال وينك

واذا الرجال مش موجود من بيساعد هالمسكينه اللي غصبا عنها لقت السايق الرجل اللي يعاون
يشيل
يحط
يوصل
يستقبل
ومع اليهال طيب حليو يوديهم يجيبهم
وينك يا رجااااااااال بسك كسل اهمال لو قمت بواجبك محد بيستعين بالسايق

[الأصيلة]

لا فديتج مب نادر. الحمدلله زوجي هو يجيب كل الأغراض بشكل أسبوعي وانا إذا بغيت شي أروح أما على أغراض البيت مايقصر.

بس في حالة انه مسافر عشان الشغل وغيره اضطر أروح الجمعية بس ولدي يدز القاري وانا أساعده ،،، والأشياء الثقيلة الدريول يجيبها.

في واحد من الأعضاء ذكر البرستيج.

السالفة مب سالفة برستيج سالفه أني لين حطيت هالاغراض في القاري بيصير ثقيل وبقعد احفص مكاني وهو مب متحرك.

والشي الثاني الأغراض أحيانا تكون في الرف التحتي فما في داعي ادنع عشان سحارة طماط وإلا ليمون . بس بعد سالفة الدريول مب مقبولة :secret:


وهذا اللي قاعدين نقوله ..
مايسوى أشيل كيس الصابون الكبير ويتنثر على عبايتي .
أو أتعلبش في أكياس الطحين المرفوعة فوق واتمردغ بالطحين..
بس عشان مايقولون السايق يساعدها...
اش ها العقلية اللي خلت كل المشاكل والسلبيات
المنتشرة في المجتمع
واللي تأثر على سمعة الناس واعراضهم
وركزت على السايق يدز عربة الجمعية...!!!

[تاسيتوس]

دام الموضوع كله عن الافتراضات انا افترض انها مطلقة

[Locale]

يانااااس خلو امور الخلق للخالق لاتدققون هذا دز وهذا شل وهذا سوا
الناس لهم ظروفهم الله يعلم بها

[no problem]

شفت نفس هالمنظر مره .. واستنكرته :/

صراحه ماله داعي !!

[بنت مريخ]

مب عيب ولا غلظ
خصوصا اذا فيها اشيا ثقيله
كل وظروفه

[ريتويت]

ماشوفها مشكله صراحه

[dream~qa]

وهذا اللي قاعدين نقوله ..
مايسوى أشيل كيس الصابون الكبير ويتنثر على عبايتي .
أو أتعلبش في أكياس الطحين المرفوعة فوق واتمردغ بالطحين..
بس عشان مايقولون السايق يساعدها...
اش ها العقلية اللي خلت كل المشاكل والسلبيات
المنتشرة في المجتمع
واللي تأثر على سمعة الناس واعراضهم
وركزت على السايق يدز عربة الجمعية...!!!

طيب ايش رايج باللي تكون عربتها فاضية وما فيها إلا أشياء خفيفة تقدر تدزها بروحها ومع ذلك الدريول هو اللي يتمشى معاها ويحط لها الاغراض ؟؟ ( شفت بعيني )

والحين بعد في ظاهرة جديدة وحدة في المجمع مع عيالها والسايق معاها ماسك اليهال عنها
( شفت بعيني ) في البداية توقعت زوجها بس واضح جدا أنه الدريول ؟؟؟؟؟؟

[ohlaladesign]

موضوع مميز

يعطيك العافية

[مرتبش]

ماله داعي يدز القاري عنها ولا حتى يكون وياها في الجمعية.. مكانه السيارة .. العمال في كل مكان يشيلون ويحطون الاغراض في القواري ويوصلونها للسيارة .

[شبح الصمت]

وين وصل القاري !!




خاطري اركب قاري الحياة بلازا وحد يدزني


:shy:

[بريق الماسه]

ههههههههههههه

مالك الا سايق لمعزبه

[الأصيلة]

طيب ايش رايج باللي تكون عربتها فاضية وما فيها إلا أشياء خفيفة تقدر تدزها بروحها ومع ذلك الدريول هو اللي يتمشى معاها ويحط لها الاغراض ؟؟ ( شفت بعيني )

والحين بعد في ظاهرة جديدة وحدة في المجمع مع عيالها والسايق معاها ماسك اليهال عنها
( شفت بعيني ) في البداية توقعت زوجها بس واضح جدا أنه الدريول ؟؟؟؟؟؟

عاد هذا العيب في الزوجة وفي زوجها..
بعد انا كم مرة شفت السايق هو اللي يمشي العيال ويدفع لهم ويستعينون فيه وكأنه ابوهم...
طبعا هذولا عيال اللي مايستاهل
يكون أب وعيال الأم اللي ماتستاهل تكون أم...
مهما كانت الظروف ماتوصل لهذا الحد...

[بنت الاجواد]

اشوفها سخافه ان الدريول يدز القاري اويتسوق للعيال

[هبوب الكوس]

عيب صراحه

يعني اذا الزوج او الاب راقد ومخلي القرعه ترعى

يعني خلاص المراه تسوي اللي تبيه لو مايجوز اوغلط

وين القيم وين مخافت الله

انزين وين الخدامه :omen2:

[الزعفراني]

عيب صراحه

يعني اذا الزوج او الاب راقد ومخلي القرعه ترعى

يعني خلاص المراه تسوي اللي تبيه لو مايجوز اوغلط

وين القيم وين مخافت الله

انزين وين الخدامه :omen2:

هذا اللي نقوله

[تاسيتوس]

عيب صراحه

يعني اذا الزوج او الاب راقد ومخلي القرعه ترعى

يعني خلاص المراه تسوي اللي تبيه لو مايجوز اوغلط

وين القيم وين مخافت الله

انزين وين الخدامه :omen2:

افترض أن الخادمة مع الزوج والعيال في الألعاب .

[BIRDS]

الرجاجيل الحين كله مشغولين في الدوارة من مجلس لين مجلس
واذا قلت لهم شي قال عندي شغل
ماينلامون الحريم اذا سوا كذا لان مايقدرون يعضلون ويحملون بس لان رجاجيلهم يلعبون برازيليه مع الربع

[R 7 A L]

يمكن مشلوله :p

تجر صعب

تدز العربه اسهل

ولا عمري شفت حد يجر عربه الا اذا كان مريوس


خخخخخخخخخخخخخ
:tease:

انا في امريكا مشتري لي عربة ورابط فيها حبط واجرها في بعض المواقع خبرك لفتات ودواعيس ضيقة ومرمطه :weeping:

[حميداني]

الله يستر على الزوج المهمل الكسول لما يتسبب به على نفسه
والمعذور معذور

ننظر الى الناس بأحسن الظنون

[jassim69]

الله كريم