سمعة قطر وابنائنا ..

[عبدالعزيز الهتمي]

السلام عليكم ورحمة الله وبركاته
في البدايه احب اعتذر لادارة المنتدى بخصوص موضوعي السابق واشكرهم على جهودهم المبذوله في سبيل رقي هذا المنتدى العزيز ,,
الموضوع يا اخوان موضوع سمعة قطر في عالم الانترنت .. وخاصة الشبكات الاجتماعيه مثل الفيسبوك واليوتيوب والتويتر ..سمعة قطر زي العسل ..وماعمرنا سمعنا عن قطري اهبل او حاب يصير عبيط عن طريق الهبل او ماشابه وكل المواضيع عن قطر تتمحور حول وضعها السياسي وهذا الشي احنا ما راح نتطرق له .. نبي نتطرق ل سمعة الفرد في قطر طول عمرها مثل العسل ..


كلنا نتذكر الاجداد الي شاركوا وماتوا رحمة الله عليهم في جميع حروب قطر السابقه وكيف انهم توارثوا قطر كدوله وككيان وكافراد وكيف انهم ضحو وابذلوا الغالي والنفيس لاجل قطر ..
فاحنا لازم نحافظ على هذا الارث من كل الجهات ..مب بس من ناحية الدوله كجغرافيا ولكن حتى كسمعة المواطن ..

نجي للغمنده على قولتهم ونقول ان جيل ابائنا ماقصرو ولكن ياريت نكمل الجمايل وننتبه على الابناء وننشئهم نشئه صالحه وحميده من اجل وطنا الغالي .. صحيح ان الدنيا كلها تكنولوجيا وتطور والناس الحمدالله بخير ونعمه في ظل القياده الحكيمه ..ولكن بنفس الوقت التكنولوجيا مثل مالها من فوايد لها اضرار وخصوصا على الاطفال ..
انا وانت ناس عاقلين ونقدر نفرق الصح من الغلط .. وهالشي ما جا من فراغ .. جا من تربية الوالد والوالده وياما انضربنا وياما هاوشونا وياما علقونا فالمراويح وعادي لا تعقدنا ولا صابنا مرض نفسي .. احنا ما ننادي ولا نطالب بالضرب .. لكن نطالب بمبدا الثواب والعقاب ..الولد لازم يحس انه شايل اسم ابوه واسم امه بنفس الوقت .. وبعد شايل اسم الدوله .. ياولدي انت لما تسوي كذا قدام الناس انت ما تظر نفسك انت توك صغير .. انت تضرني ياولدي .. علموهم انهم محسوبين عليكم .. وان خطاهم يضركم .. وان صوابهم فرحه لكم ولهم .. فهالشي لازم ما نتساهل ولا نتهاون فيه علشان لما يكبر الولد ويكتشف انه على غلط مايحط الغلط على هله ويقول الله يسامحهم خلوني ولا اسالوا عني .. ياريتهم كانوا يتابعون وراي ..
حلو ومهم الولد يكون عنده تلفون ويكون عنده كمبيوتر ويكون عنده كل شي يلزمه .. ولكن يتم ذلك بمتابعة الاهل لانه اذا اساء استخدام هذه التكنولوجيا .. محد بيشره عليه .. بيشرهون على ابوه وامه واهله ..
انا ما بقولكم امنعوهم عن البلاكبيري او عن قنوات التواصل الاجتماعي لانه هالشي صار شي اساسي لبعض الابناء ولكن.. نتمنى متابعتهم والحرص عليهم وتوجيهم ومعاقبتهم اذا صدر منهم شي مخالف مثلا ..
الاولاد زينة الحياة الدنيا .. وفي ناس الله يرزقهم ان شااءالله انحرموا منهم .. ولفوا الدنيا كلها وخسروا الي فوقهم واللي تحتهم عشان يجيبون هاليهال .. وفي ناس عندها بدال الولد عشرين ولاهو داري عنهم ودوره مقتصر على الصرف فقط ويشتري لهم كل شي تلفونات ومدري وشو وخلاص كان دور الاب انتهى !
السالفه مب سالفة فلوس .. ولاسالفةولد عمه عنده تلفونين ولدي لازم يكون عنده ثلاث تلفونات لا .. خل ولدك امير بنظرك.. باخلاقه وبادبه ووبتعليمه على المجالس الطيبه .. وانت بعد صوبك لاتقصر وياه بشي .. وحسسه بهالشي ..والي عندي تراه حلالك كله عقب كم سنه .. بس ابيك تكون رجال وماتخيب ظني فيك .. ونفس الشي بالنسبه للبنت ..
وبالنهايه نرجع ونقول .. سمعة قطر مسوؤلية كل شخص .. سمعة قطر ما يحددها اشخاص معينين .. سمعة قطر يحددها كل فرد في دولة قطر .. من مواطن .. ومن مقيم
من مسوؤل ومن عامل ..
سمعة قطر يحددها الناس المشاركين في تويتر واليوتيوب والشبكات بشكل عام ..
انتوا يا اباء ويا امهات ماقصرتوا وبيض الله وجيهكم بس بالنسبه لاولادكم شبيسون للدوله ..؟



فالنهايه حاب اعتذر للمشرف (سهم عتيج) واتمنى يكون الموضوع ينفهم بالشكل الصحيح

وصلى الله وسلم وبارك على سيدنا محمد وسامحونا على القصور ..

[R 7 A L]

أبشرك سمعه قطر اهلها فوق فوق في السماء
واغلبيتنا شاف فعلهم في الخارج والداخل

في الداخل المقيمين هم اكثر مايعرف اهل قطر وقطر وش تعني لهم


في الخارج فعايل اهل قطر الكل يشهد بها
وهذا من فضل ربي ومن تربيه شيبانا وامهاتنا


شكرًا على الموضوع الطيب

[غزلان]

معاك حق بالموضوع الطيب

قطر ماقصرت ولازم احنا بعد مانقصر في الحفاظ على سمعتها خاصه من الوسائل التكنلوجيه قربت بين الناس والدول

كل اب وام مسؤولين عن نصيحة ابنائهم عن ضرر كل كلمه وسلوك على سمعتهم وسمعة بلدهم

[ريم 28]

قطر بلد العز. بلد الخير.والكرامه
قطر السمعه الطيبه ورجالها واهلها يفتخر بهم. احمد الله واشكره
باذن الله سنحافظ عليها مثل ما حافظت علينا (الله يحفظج يا بلادي )

[.. الكاش ..]

الله يحفظك ياقطر ويحفظ اميره وولي عهده وشعبها الكريم ان شاءالله

[sweet qatar]

احب اشكرك اخوي الهتمي على طرح الموضوع..
قصدك واضح من الموضوع السابق ولو ان البعض ما فهمه يمكن لانهم ما شافوا الفيديو..



اتمنى توصل رسالة لكل اب وام و ولي امر.. اي حد يحط جهاز فيه تواصل اجتماعي من هالنوع في يد الطفل
لازم ينبهه عن الي يجوز ينشره والخطوط الحمرا الي ما يتجاوزها..


من اول ما نزلت برنامج الكييك وسويت لي اكاونت..
وانا اشوف 95% من الي ينزلون فيديوهات يهال والعرب نسبتهم قليلة جدا..
شي طبيعي لان في هالسن الطفل ما يدرك التكنولوجيا الي تحت يده.. ولا آثارها..

خطورة الموضوع لما احد يمسك الفيديو وينتشر ويصير مثار سخرية الناس واستهزائهم..
لما يكبر شوي ويستوعب ويشوف ردة فعل الناس بيتعقد..

والله يهدي الجميع..

[روز باريس]

اخي عزوز الهتمي ماقصرت على الكلام الطيب وبيضا الله وجهك
والله يحفظ عيالنا علشان يحفظون بلادهم

[الاجوديه]

أبشرك سمعه قطر اهلها فوق فوق في السماء
واغلبيتنا شاف فعلهم في الخارج والداخل

في الداخل المقيمين هم اكثر مايعرف اهل قطر وقطر وش تعني لهم


في الخارج فعايل اهل قطر الكل يشهد بها
وهذا من فضل ربي ومن تربيه شيبانا وامهاتنا


شكرًا على الموضوع الطيب



:victory:


صح عليك ياخوي

[امـ حمد]

فديت ترابج ياقطر

الله يعز قطر ويديم علينا الأمن والأمان
في ظل أميرنا أبو مشعل الله يحفظه من كل شر ويطول في عمره وعمر عياله
اللهم امين

[دلة الرسلان]

شسالفة ؟؟

[عبدالعزيز الهتمي]

أبشرك سمعه قطر اهلها فوق فوق في السماء
واغلبيتنا شاف فعلهم في الخارج والداخل

في الداخل المقيمين هم اكثر مايعرف اهل قطر وقطر وش تعني لهم


في الخارج فعايل اهل قطر الكل يشهد بها
وهذا من فضل ربي ومن تربيه شيبانا وامهاتنا


شكرًا على الموضوع الطيب

بشروك بالجنه ورحم الله والديك وهذا شي معروف مثل ما تفضلت نورت الموضوع يالغالي

[عبدالعزيز الهتمي]

معاك حق بالموضوع الطيب

قطر ماقصرت ولازم احنا بعد مانقصر في الحفاظ على سمعتها خاصه من الوسائل التكنلوجيه قربت بين الناس والدول

كل اب وام مسؤولين عن نصيحة ابنائهم عن ضرر كل كلمه وسلوك على سمعتهم وسمعة بلدهم

جزاج الله خير وهذا المطلوب من الاباء والامهات الحفاظ على ابنائهم من هالتكنولوجيا وتوجيهم التوجيه السليم في سبيل خدمة وطنهم ورد له الجميل شاكر لج عالمداخله اختي نورتي

[عبدالعزيز الهتمي]

قطر بلد العز. بلد الخير.والكرامه
قطر السمعه الطيبه ورجالها واهلها يفتخر بهم. احمد الله واشكره
باذن الله سنحافظ عليها مثل ما حافظت علينا (الله يحفظج يا بلادي )

الله يحفظ ابلادنا ويحفظ اعيالنا يارب وان شااءالله نحافظ عليها من عبث العابثين من بعض الاطفال الي محتاجين اعادة تاهيل وتوجيه من قبل اهاليهم شاكر لج اختي الفاضله على المرور

[عبدالعزيز الهتمي]

الله يحفظك ياقطر ويحفظ اميره وولي عهده وشعبها الكريم ان شاءالله

اللهم امين

[المقاول]

شكرا للتنبية نعم سمعة قطر اليوم طيبة وفوق الريح بجهود اهلها وقائدها
ومطلوب منا فقط نحافظ عليها .. من السهل الكتابة في اي موقع على النت
بس اللي قاعد يكتب هو يمثل قطر حكومة وشعب .. فلنقدم الافضل .

[عبدالعزيز الهتمي]

احب اشكرك اخوي الهتمي على طرح الموضوع..
قصدك واضح من الموضوع السابق ولو ان البعض ما فهمه يمكن لانهم ما شافوا الفيديو..



اتمنى توصل رسالة لكل اب وام و ولي امر.. اي حد يحط جهاز فيه تواصل اجتماعي من هالنوع في يد الطفل
لازم ينبهه عن الي يجوز ينشره والخطوط الحمرا الي ما يتجاوزها..


من اول ما نزلت برنامج الكييك وسويت لي اكاونت..
وانا اشوف 95% من الي ينزلون فيديوهات يهال والعرب نسبتهم قليلة جدا..
شي طبيعي لان في هالسن الطفل ما يدرك التكنولوجيا الي تحت يده.. ولا آثارها..

خطورة الموضوع لما احد يمسك الفيديو وينتشر ويصير مثار سخرية الناس واستهزائهم..
لما يكبر شوي ويستوعب ويشوف ردة فعل الناس بيتعقد..

والله يهدي الجميع..

يعطيج العافيه اختي وفعلا مثل ماتفضلتي هذا الموضوع يعتبر تكمله لموضوعي السابق ولكن ما حبيت اذكر هالشي استجابة لرغبة الاخوان المشرفين واحترم وجهة نظرهم ..
وبالنسبه لاثار هالتكنولجيا ففعلا بتكون كارثيه فالمستقبل على الطفل في حال استخدامها بنشر مثلا مقاطع وهو يهز اكتافه او ما شابه وينتشر هالشي وعقب لي كبر يقولون له هز يا وز و شاكر لج عالمرور وعلى الاضافه القيمه

[عبدالعزيز الهتمي]

اخي عزوز الهتمي ماقصرت على الكلام الطيب وبيضا الله وجهك
والله يحفظ عيالنا علشان يحفظون بلادهم
ووجهج ان شااءالله ورحم الله والديج نورتي

:victory:


صح عليك ياخوي
نورتي الموضوع

فديت ترابج ياقطر

الله يعز قطر ويديم علينا الأمن والأمان
في ظل أميرنا أبو مشعل الله يحفظه من كل شر ويطول في عمره وعمر عياله
اللهم امين
اللهم امين وعسى ربي رحم الله والديج


شسالفة ؟؟
السالفه سالفه عامه اختي .. واتمنى ترجعين لرد الاخت sweet qatar شاكر لج عالمرور


شكرا للتنبية نعم سمعة قطر اليوم طيبة وفوق الريح بجهود اهلها وقائدها
ومطلوب منا فقط نحافظ عليها .. من السهل الكتابة في اي موقع على النت
بس اللي قاعد يكتب هو يمثل قطر حكومة وشعب .. فلنقدم الافضل .
لا شكر على واجب ياخوي وكلنا بمركب واحد وواجب علينا التناصح فيما بينا وربي يحفظ لنا بلدنا ويديم علينا الامن والامان ويحفظ ولاة امورنا شاكر لك عالمرور

[sweet qatar]

الشكر لك اخوي على طرح الموضوع..
كان ودي انزل تنبيه لأولياء الأمور من شفت فيديوهات عيال قطر..

وبالأخص البنات بس خفت اني ادل الناس على البرنامج اكثر من اني انبههم..

شفت فيديو لبنت قطرية الاكاونت باسمها الصريح عمرها 14 سنة.. تستهبل وتغني و في كومنت مادري من بنت او شاب..
كتهديد ان المقاطع الي تنزلهم اذا انتشرت في البلاك بيري مع اسمها بتروح فيها..

ماادري ياخوي شلون اتصرف..

ارسل برودكاست في البيبي؟؟.. اخاف اني لاتكلمت ونبهت ازيد عدد المشاهدات وتنفضح البنت وبدل لا اكحلها اعميها..

واخاف المرضى يدلون طريق البنات الصغار ويستغلونهم..


المشكلة وايد مثلها.. الشباب مهما استهبلوا و غنوا حتى لو باسمهم الكامل اهون من البنات..

لما شفت اسماء البنات وعوايلهم تخرعت قعدت ادور عسى ما احصل وحدة من قرايبنا والحمدلله ما شفت..

ونويت ان شالله في جمعاتنا مع الاهل اكلمهم واحذرهم..


بارك الله فيك اخوي على جرأتك لطرح الموضوع.. في ميزان حسناتك ان شالله..

[mr. abdulla]

اخوي عزوز.. ليش ما انت تكون خير سفير في المنتدى و تبدل اسمك من عزوز الى عبدالعزيز.. ما اعتقد اي شخص غيور من هلك بيرضى تسمي نفسك عزوز بدل عبدالعزيز

[ضوى]

بجد وبكل صراحة لاحظت انه القطريين في العموم ثقال ولهم وزن في الشبكات الاجتماعية ، نااادر اذا نحصل قطري يستهبل والا يستظرف ، فيهم رزانة وتكانة ، وشهادتي فيهم مجروحة بس كلمة حق تنقال خاصة لما اشوف الهبل والاستعباط من بعض الجنسيات الاخرى ، القطري غير غير ثقل ورجاحة عقل واذا ناقش ناقش باحترام وتكانة

وفي العموم سمعة القطريين في القمة خاصة اني اسمع هالكلام من ناس وايد

[عبدالعزيز الهتمي]

الشكر لك اخوي على طرح الموضوع..
كان ودي انزل تنبيه لأولياء الأمور من شفت فيديوهات عيال قطر..

وبالأخص البنات بس خفت اني ادل الناس على البرنامج اكثر من اني انبههم..

شفت فيديو لبنت قطرية الاكاونت باسمها الصريح عمرها 14 سنة.. تستهبل وتغني و في كومنت مادري من بنت او شاب..
كتهديد ان المقاطع الي تنزلهم اذا انتشرت في البلاك بيري مع اسمها بتروح فيها..

ماادري ياخوي شلون اتصرف..

ارسل برودكاست في البيبي؟؟.. اخاف اني لاتكلمت ونبهت ازيد عدد المشاهدات وتنفضح البنت وبدل لا اكحلها اعميها..

واخاف المرضى يدلون طريق البنات الصغار ويستغلونهم..


المشكلة وايد مثلها.. الشباب مهما استهبلوا و غنوا حتى لو باسمهم الكامل اهون من البنات..

لما شفت اسماء البنات وعوايلهم تخرعت قعدت ادور عسى ما احصل وحدة من قرايبنا والحمدلله ما شفت..

ونويت ان شالله في جمعاتنا مع الاهل اكلمهم واحذرهم..


بارك الله فيك اخوي على جرأتك لطرح الموضوع.. في ميزان حسناتك ان شالله..

لاحول الله ولا قوة الا بالله اول مره اعرف انه في بنات فالموضوع والمشكله يا اختي كلهم تحت 13 ومايعرفون السالفه وماعليهم رقابه وعقب لي طاح الفاس بالراس ماينفع الندم نرجو من الاهالي مراقبة ابنائهم وشاكر لج اختي على اضافة هالمعلومات وان شااءالله الاباء والامهات الافاضل يستمعون لنصيحتج منوره اختي

[عبدالعزيز الهتمي]

اخوي عزوز.. ليش ما انت تكون خير سفير في المنتدى و تبدل اسمك من عزوز الى عبدالعزيز.. ما اعتقد اي شخص غيور من هلك بيرضى تسمي نفسك عزوز بدل عبدالعزيز

ابشر اخوي وجزاك الله خير على النصيحه

[dream~qa]

للأمانة أنا دايما أتابع تويتر والحمدلله مقارنة القطريين بباقي أخوانا الخليجيين .. واضح أن القطريين ما زالوا محافظين على رزانتهم وثقلهم . ونتمنى أن ننقل هالاشياء حق عيالنا وهذا الشي يتميز به القطري عن غيره ..

الحمدلله نسبة الاستهبال عندنا قليلة مع أني أشوف البعض من الخليجيين يتفاخرون فيها وهي تعتبر عيب عندنا .

[عبدالعزيز الهتمي]

بجد وبكل صراحة لاحظت انه القطريين في العموم ثقال ولهم وزن في الشبكات الاجتماعية ، نااادر اذا نحصل قطري يستهبل والا يستظرف ، فيهم رزانة وتكانة ، وشهادتي فيهم مجروحة بس كلمة حق تنقال خاصة لما اشوف الهبل والاستعباط من بعض الجنسيات الاخرى ، القطري غير غير ثقل ورجاحة عقل واذا ناقش ناقش باحترام وتكانة

وفي العموم سمعة القطريين في القمة خاصة اني اسمع هالكلام من ناس وايد

هذا المطلوب وان شااءالله الابناء والاجيال القادمه يكونون احسن منا ويمثلون بلدهم خير تمثيل في كل المجالات بشرط اهتمام الاباء والامهات شاكر لج عالمرور اختي

[عبدالعزيز الهتمي]

للأمانة أنا دايما أتابع تويتر والحمدلله مقارنة القطريين بباقي أخوانا الخليجيين .. واضح أن القطريين ما زالوا محافظين على رزانتهم وثقلهم . ونتمنى أن ننقل هالاشياء حق عيالنا وهذا الشي يتميز به القطري عن غيره ..

الحمدلله نسبة الاستهبال عندنا قليلة مع أني أشوف البعض من الخليجيين يتفاخرون فيها وهي تعتبر عيب عندنا .

فعلا الرزانه والثقل هذا ما يميزنا كقطرين ويحق لنا الافتخار بهذا الشي والمحافظه عليه وعدم ترك بعض الاطفال تشويه هاذي السمعه الطيبه شاكر لك عالمرور اخوي

[::محمد::]

لاحول الله ولا قوة الا بالله اول مره اعرف انه في بنات فالموضوع والمشكله يا اختي كلهم تحت 13 ومايعرفون السالفه وماعليهم رقابه وعقب لي طاح الفاس بالراس ماينفع الندم نرجو من الاهالي مراقبة ابنائهم وشاكر لج اختي على اضافة هالمعلومات وان شااءالله الاباء والامهات الافاضل يستمعون لنصيحتج منوره اختي


الموضوع تعدى للبنات الكبار .. والمقاطع تنتشر انتشار النار بهالشيم والعياذ بالله ..
الله يستر من اللي جاي ..

[khalid525]

كلام درر يا ولد الهتمي جزاك الله خير

[عبدالعزيز الهتمي]

الموضوع تعدى للبنات الكبار .. والمقاطع تنتشر انتشار النار بهالشيم والعياذ بالله ..
الله يستر من اللي جاي ..

صدقني آخوي محد يدري من أهاليهم عن سوالفهم أنا أنصدمت من الي شفته ناس فاضيه الله يستر عليهن ونتمنى من اهاليهم يمسكونهم
نورت آخوي شاكر لك عالمداخله

[ضوى]

انا اليوم انصدمت ، مقطع لبنت الله يهديها ويصلحها ياااارب صج صج صج صدمه فاتحين هاشتاق خاص عنها بالتويتر ، بالفعل مب قادرة استوعب اللي سوته معقوله تكون بنت بكامل قواها العقلية حتى لو كانت بزر ومراهقة ؟؟؟

[عبدالعزيز الهتمي]

كلام درر يا ولد الهتمي جزاك الله خير

تسلم آخوي خالد وشاكر لك على المداخله الطيبه

[عبدالعزيز الهتمي]

انا اليوم انصدمت ، مقطع لبنت الله يهديها ويصلحها ياااارب صج صج صج صدمه فاتحين هاشتاق خاص عنها بالتويتر ، بالفعل مب قادرة استوعب اللي سوته معقوله تكون بنت بكامل قواها العقلية حتى لو كانت بزر ومراهقة ؟؟؟

ناس فاضيه يا آختي ضوى وعلى بالهم الأمر بسيط ومجرد فيديو والسمعه آخر اهتماماتهم والاهل موفرين هالأجهزه حق أعيالهم وتاركينهم على راحتهم وهاذي النتيجه والله يستر من الجاي
وللعلم البنت الي تقصدينها عندها كذا فيديو والله يستر عليها والي يعرفونها ياريت ينصحونها