استفسار : العدسات الصلبة في مركز مغربي ..

[khalid Qtr]

السلام عليكم

لو سمحتوا من جرب العدسات اللاصقة الصلبة عند مركز مغربي للعيون اتمنى يفيدنا عن جودتها ومدى راحة العين اثناء استخدامها ..

اضافة الى اسعارها عندهم

وشكرا لكم

[كازانوفا]

اول مره اسمع فيها عدسات صلبه ؟؟؟ ايش يعني ؟؟
اللى اسمع عنها تكون مرنه يعني خفيفه على العين ويادوب نستحملهاا

[khalid Qtr]

اول مره اسمع فيها عدسات صلبه ؟؟؟ ايش يعني ؟؟
اللى اسمع عنها تكون مرنه يعني خفيفه على العين ويادوب نستحملهاا

العدسات الصلبة تستخدم لمن لديهم قرنية مخروطية

http://www.alittihad.ae/details.php?id=35652&y=2012

[آنا غيــر]

ليش انتا شفيها عيونك؟

يعني اذا كان فيك قرنيه مخروطيه .. شتطالع؟

قصدك استقماتيزم اللي هو انحراف فالقرنيه ولا اشلون

[khalid Qtr]

ليش انتا شفيها عيونك؟

يعني اذا كان فيك قرنيه مخروطيه .. شتطالع؟

قصدك استقماتيزم اللي هو انحراف فالقرنيه ولا اشلون

اخوي القرنية المخروطية تأثر على النظر ، ولكن علاجها يكون بعملية زراعة القرنية ، ولكن قبل العلاج ممكن استخدام العدسات اللاصقة لتحسين النظر

[كازانوفا]

اخوي القرنية المخروطية تأثر على النظر ، ولكن علاجها يكون بعملية زراعة القرنية ، ولكن قبل العلاج ممكن استخدام العدسات اللاصقة لتحسين النظر

شكرا على التوضيح ربي ييسرلك امرك وتحصلهم ان شالله

[آنــه]

أنا استخدمتها بس اوريدي يطلبونها من برى ، في الأمريكيه وتكون غاليه وتجيء بعد فتره طويله شهرين وشي
وفي الثانيه الألمانية في 10 أيام تجهز ..

حبيت أوضح شوي موضوع القرنية المخروطية .. هي تحدب القرنية و تشكل ع شكل مخروطي و لعلاجها أولا ينصح النظارة الخاصة بمرضى القرنية المترو طيبة ثم العدسة الصلبة و من ثم التدخل الجراحي و لها أكثر من حل اما زراعة القرنية أو الدعسه

ويكون الشخص المصاب بهذا المرض يكاد أن يرى

[khalid Qtr]

أنا استخدمتها بس اوريدي يطلبونها من برى ، في الأمريكيه وتكون غاليه وتجيء بعد فتره طويله شهرين وشي
وفي الثانيه الألمانية في 10 أيام تجهز ..

حبيت أوضح شوي موضوع القرنية المخروطية .. هي تحدب القرنية و تشكل ع شكل مخروطي و لعلاجها أولا ينصح النظارة الخاصة بمرضى القرنية المترو طيبة ثم العدسة الصلبة و من ثم التدخل الجراحي و لها أكثر من حل اما زراعة القرنية أو الدعسه

ويكون الشخص المصاب بهذا المرض يكاد أن يرى

شكرا على الافادة ..

وبخصوص الراحة في استخدامهم .؟

[آنــه]

اسفه اذا كان الرد السابق ناقص ومب مفهوم

انا ما ارتحت على العدسة لا الصلبة الصغيرة ولا اللي أطرافها لينه لان اصلا انا عيني فيها حساسيه من قبل

بس مفروض يجربون العدسات عليكم قبل لا يجيبونهم لكم .. جرب تروح مستشفى حمد عند الدكتور عمر القحطاني انا أراجع عنده بعد ما لعب في عيني فهد القحطاني .. واذا تنفع لك عملية التثبيت سوها قبل في ظ£ عمليات الواحد يقدر يسويها الحين قبل لا تتطور حالة عينه و يلجأ لزراعة القرنية

اتمنى أني اكون افدتك

[khalid Qtr]

شكرا اختي الكريمة

انا فعلا متابع عند د شما المهندي ، عموما رحت اليوم وجربت العدسة وكانت مريحة
طلبوها لي وبتوصل خلال شهر ان شاء الله

سعرها 1600 ريال ، وبخصوص عملية التثبيت بحاول اسويها بأقرب فرصة ان شاء الله