مالفرق بين عملية قص المعده وتكميم المعده ؟؟؟

[QTR-1978]

السلام عليكم ورحمه الله وبركاته
انا ابي اعرف الفرق بين العمليتين من ناحيه الاضرار والفوائد وايهما افضل
المعروف ان قص المعده يتم استئصال جزء كبير من المعده تقريبا 80%
اما التكميم يتم طي المعده (يجفسها) ويخيطها
قص المعده خلاص مافي خط رجعه ماتقدر ترد الجزء اللي راح
اما التكميم ممكن ان يفتح لك الخياطه وترد مكانها
انا الحين ماعرفت وين الانسب لي انا طولي 180 ووزني 100 مب متين السبب الرئيسي للعمليه لاني مريض سكر والسكر مايتجاوز عندي 180 وبدون اي ادويه اثنين من ربعي
مسوين عمليه قص المعده وفيهم سكر والحمدالله الحين من 6 شهور والسكر عندهم طبيعي مايزيد عن 110 عندهم .
اللي عنده معلومات عن العمليتين ياليت يفيدنا الله يجزاكم

[ضوى]

والله انا سمعت بهالشي انه مريض السكر اللي عنده بدانة هو اللي يحتاج يسوي قص معدة لاجل التخلص من مرض السكر ، اما اصحاب الاوزان العادية من مرضى السكر فمالها اي علاقة بزوال المرض هكذا وصلني

ياريت طبيب يوضح شنهي العلاقة بين عمليات المعدة وزوال مرض السكر والسمنة ؟

[Rider]

انا مانصحك ياخوي روح حد المراكز المتخصصه في تنزيل الوزن وبيسعدونك في انقاص وزنك باذن الله بتباع برنامج غذائي معين يتناسب مع حالتك الصحية ابرك من العمليات الي تضر اكثر مما تنفع

[QTR-1978]

انا مانصحك ياخوي روح حد المراكز المتخصصه في تنزيل الوزن وبيسعدونك في انقاص وزنك باذن الله بتباع برنامج غذائي معين يتناسب مع حالتك الصحية ابرك من العمليات الي تضر اكثر مما تنفع

حتى لو نزلت وزني عقب فتره بيرد يرتفع واقولك انا مب متين حتى وزني ماوصل 100 كان ونزل لين 97 واقدر انزله انا اقولك تجربه من ربعي مسوين العمليه خذت الكلام منهم حرفيا غير في ناس كلموني عن رببعهم ان السكر انتظم عندهم
الرياضه ماقولك زينه وتخفيف الوزن بس انا اقولك من النوع اللي اتملل وماحب انتظم على رياضه او جدول غذائي :weeping:

[QTR-1978]

:والله انا سمعت بهالشي انه مريض السكر اللي عنده بدانة هو اللي يحتاج يسوي قص معدة لاجل التخلص من مرض السكر ، اما اصحاب الاوزان العادية من مرضى السكر فمالها اي علاقة بزوال المرض هكذا وصلني

ياريت طبيب يوضح شنهي العلاقة بين عمليات المعدة وزوال مرض السكر والسمنة C

في ناس وزنها تقريبا نفس وزني انا يعني شوووي زايد وزني عن المفترض سوت العمليه وراح منهم في عمليه تصغير المعده اللي يسلمج اللي يصير ان البنكرياس يفرز اقل من المطلوب لما تكون المعده كبيره ويدخل اكل وايد البنكرياس مسكين :weeping: يلحق على شنو والا شنو لان الانسولين ينفرز ف المعده ع الاكل واذا الاكل وايد الانسولين مايغطي بالتالي اذا صغر حجم المعده الاكل بيكون اقل والبنكرياس يقدر يغطي كميه الاكل اللي دخلت

الحين ترا التكميم والقص نفس الهدف ونفس قياس المعده بعد العمليه بس انا ابي اعرف الفرق في المستقبل والاضرار المتوقعه بين العمليتين بالنسبه لحالتي انا

[QTR-1978]

والله انا سمعت بهالشي انه مريض السكر اللي عنده بدانة هو اللي يحتاج يسوي قص معدة لاجل التخلص من مرض السكر ، اما اصحاب الاوزان العادية من مرضى السكر فمالها اي علاقة بزوال المرض هكذا وصلني

ياريت طبيب يوضح شنهي العلاقة بين عمليات المعدة وزوال مرض السكر والسمنة ؟

في ناس وزنها تقريبا نفس وزني انا يعني شوووي زايد وزني عن المفترض واجروا العمليه وراح منهم في عمليه تصغير المعده اللي يسلمج اللي يصير ان البنكرياس يفرز اقل من المطلوب لما تكون المعده كبيره ويدخل اكل وايد البنكرياس مسكين يلحق على شنو والا شنو لان الانسولين ينفرز ف المعده ع الاكل واذا الاكل وايد الانسولين مايغطي بالتالي اذا صغر حجم المعده الاكل بيكون اقل والبنكرياس يقدر يغطي كميه الاكل اللي دخلت

الحين ترا التكميم والقص نفس الهدف ونفس قياس المعده بعد العمليه بس انا ابي اعرف الفرق في المستقبل والاضرار المتوقعه بين العمليتين بالنسبه لحالتي انا

[ضوى]

سبب منطقي جدا


شاكرة لك اخوي، وربي يشفيكم ويعطيكم ماتتمنون ياااارب

[Dana’1]

إسأل أكثر من طبيب مختص...من كل عيادة أو حتى خارج البلاد
عشان تزخذ العلم الصيحيح من أهلة
والله يشفيك ويشفي كل مريض آمين يارب العالمين

[عاهد بن علي]

عسى الله يشفيك

[حسن]

بتقص المعده علشان وزنك وصل 100 بل عجل انا يبيلي نشيل الكرشه كامل
دش الجيش وامورك بتسير طيبه

[اهل قطر]

انت خالط بين العمليتين
الاولى قص المعدة وهي التي تسمى بالتكمييم وهذي لاصحاب الاوزان الثقيله والا انت شوية تخفيف بيصير وزنك زين , لانك لو قصيت المعدة بتنزل وايد وما تقدر تتحكم في مقدار النزول
الثانيه وهي طي المعده : ولكن الى الان لم نسمع باحد طي المعده ثم فردها هذي الاعضاء قابلة للتليف اذا خذت وضع ثابت

[Chambray]

التكميم - التدبيس - السليف - القص
كلها ( عملية وحده وهي تحت المسمى العلمي sleeve gastrectomy )
وهي استئصال ( 75% من المعدة ) ..



اما الثانية الي تقصدها فأسمها عملية ( طي المعده ) وهي مش ناجحه بنفس التكميم أو السليف ..
اسمها العلمي ( Laparoscopic Greater Curvature Plication ) LGCP
وهي طي المعده وخياطتها


*************

1- الحلقة ( ربط المعدة ) تعتبر أفشل عملية .. والي قبلها ( بالون المعده ) ..
2- طي المعدة ( النتائج مقبوله ) وليست جيده ..
3- التكميم ( جيده النتائج ) .. وهذي الي منتشره في قطر والخليج والعالم .
4- تحويل المعدة ( للي اوزانهم 180 ومافوق ) وانا واحد ما انصح فيها ..


وبالتوفيق

[أسد الجزيرة]

تكميم المعدة او قص المعدة الطولي
يتم قص المعدة طولياً مع الجزء الي يحتوي على خلايا الجوع و التي تفرز الهرمون المتسبب بالجوع

تحوير المعدة يتم فصل المعدة الى جزئين جزء صغير يتم وصله بالامعاء مقصوص منها عشرين الى ثلاثين سانتي الجزء الي يتم فيها امتصاص السكريات والفيتامينات مع ابقاء الجزء الكبير من المعدة من اجل عصارة المعدة

التكميم او التحوير يتم الاستمرار على الفيتامينات ( تسعة انواع من الفيتامينات ) و الكالسيوم و الحديد و البروتين لمدة سنتين الى ثلاثة حسب حاجة الجسم حتى يستطيع الجسم امتصاصهم من نفسهم

تحوير المعدة يتم الاعتماد على الفيتامينات و الكالسيوم و البروتين و الحديد مدى الحياة

مريض السكري النوع الثاني سبب من اسباب اصابته بالسكري هو السمنة

عند تقليل الاكل يكون هناك حاجة اقل للانسولين فينزل السكر ويقل الوزن لقلة الاكل

عدم الانتظام على الفيتامينات و الحديد والكالسيوم و البروتين يؤدي الى الضعف الجسدي و الوهن و الشحوب

اهم شئ الفحوصات الدورية و الفيتامينات *

[مرتبش]

السكر من النوع الثاني ممكن تضبطه بتخفيف الوزن اما اذا كان من النوع الاول فلازم ابر حتى بعد العملية.

وزنك شوية زايد.. رجيم ورياضة وتشوف النتيجة خلال كم شهر بدل التعب المصاحب للعملية.. لوعة وترجيع واكل عصافير لو كل هالتعب تحط نصه وتتبع رجيم صحي يكون افضل واريح لك

الله يوفقك

[أسد الجزيرة]

السكر من النوع الثاني ممكن تضبطه بتخفيف الوزن اما اذا كان من النوع الاول فلازم ابر حتى بعد العملية.

وزنك شوية زايد.. رجيم ورياضة وتشوف النتيجة خلال كم شهر بدل التعب المصاحب للعملية.. لوعة وترجيع واكل عصافير لو كل هالتعب تحط نصه وتتبع رجيم صحي يكون افضل واريح لك

الله يوفقك

النوع الثاني ممكن يستفيد ايضاً القاعدة اذا قل الاكل يقل تحويله الى سكر فمستوى السكر يقل

[QTR-1978]

النوع الثاني ممكن يستفيد ايضاً القاعدة اذا قل الاكل يقل تحويله الى سكر فمستوى السكر يقل


انا قلت لكم رياضها مب حولها واذا نزل وزني لين 80 انشالله والمفروض ان السكر ينتظم مشكله انا يومي مزحوم جدا من الصبح لين فليل واذا قدرت اليوم اسوي رياضه بكره وعقبه ماقدر هاي السالفه عالعموم انشالله عميلتي ( قص معده ) 31 هالشهر ددعواتكم لي اللي يقومني بالسلامه

[بوالبيض]

ما انصحك والله الرياضه افضل عود نفسك عليها وامورك بتصير طيبه ساعه في اليوم
ما تضر ... العمليه لها مخاطر في المستقبل ما تعرف الظروف الرياضه احسن صحيا
وجسديا شلفايده تضعف عمرك بدون رياضه

[غرِيبهـ]

امس في ام بي سي حلقة داوود الشريان عن هالعمليات
انصحك تشوف الحلقة وايد مفيده وفيها وضحو الدكاتره انواع عمليات
السمنة و مخاطر ومضاعفات كل عملية وايجابياتها

وركزو على نقطة مهمة ان اللي يسوي هالعمليات يحتاج الى متابعة
مدى الحياة عشان مايكون فيه اي مضاعفات

[بنـ ابوها ـت]

بالفعل امس حلقة داواد الشريان ممكن اتفيدك واجد جوفها وانشاء الله اتلاقي جواب ع كل اسالتك

[بونووف]

واحد من الربع قبل فتره راح يبي يسوي تكميم معده وقالوا له انه بعد 6 شهور راح ترجع المعده طبيعيه يعني راح يرجع الوزن نفس ماكان اذا مب اكثر مع ترهلات اذا مارتبت اكلك يعني لازم في كل الحالات انك توزن اكلك... شي ثاني
زوج بنت خالتي سوى عمليه تحويل معده ومن بعدها الريال ماترقع ومحد عرف شفيه كل مايكشف على نفسه يقولون له مانعرف شفيك ... تعب وحالته الصحيه تدهورت لدرجة انه الريال كتب وصيته والريال توه صغير ماكمل 30سنه...
فالدوحه قالوا له فيك السل .. وتايلند قالوا مانعرف شفيك وفي لندن قالوا له فيك جرثومه بسبة العمليه ..وبعد ماعدت فترة 7 شهور الرجال بدت حالته الصحيه تتحسن والحمدالله الريال صار احسن .

يعني خلك على مينونك احسن لك واضمن لك والله يكون في عونك اللي عليك تعدل اكلك وترتب نومك وتدخل ساعه او ساعتين رياضه في جدولك اليومي وانشاءالله ماعليك شر

[دانة الطواش]

اسمع يا أخوي نسبة نجاح العملية وايد مرتفع وأنصحك تسويها في حمد اعرف وحده فيها السكر اكثر من عشرين سنه وعملت العملية السنه الماضية وتقول الحمدلله السكر راح ولا احتاج للأبر وقفتها نهائيا والوزن نزل واليوم شفت فيديو لطفل سعودي عمره سنتين عاملين له العملية لان وزنه 52 كيلو والعملية الاولى التدبيس او القص أنا سمعت دكتور يقول لو المريض محاسب في الأكل ممكن المعدة تتوسع ويكبر حجمها .
توكل على الله وسوها وترا أنا صار لي سنة انتظر دوري .

[QTR-1978]

امس في ام بي سي حلقة داوود الشريان عن هالعمليات
انصحك تشوف الحلقة وايد مفيده وفيها وضحو الدكاتره انواع عمليات
السمنة و مخاطر ومضاعفات كل عملية وايجابياتها

وركزو على نقطة مهمة ان اللي يسوي هالعمليات يحتاج الى متابعة
مدى الحياة عشان مايكون فيه اي مضاعفات

شفتها :nice: عشان جذيه مشتط

[QTR-1978]

اسمع يا أخوي نسبة نجاح العملية وايد مرتفع وأنصحك تسويها في حمد اعرف وحده فيها السكر اكثر من عشرين سنه وعملت العملية السنه الماضية وتقول الحمدلله السكر راح ولا احتاج للأبر وقفتها نهائيا والوزن نزل واليوم شفت فيديو لطفل سعودي عمره سنتين عاملين له العملية لان وزنه 52 كيلو والعملية الاولى التدبيس او القص أنا سمعت دكتور يقول لو المريض محاسب في الأكل ممكن المعدة تتوسع ويكبر حجمها .
توكل على الله وسوها وترا أنا صار لي سنة انتظر دوري .

انتي الوحيده اللي تشجعين من الاعضاء اللي ردوا :nice: هل من مشجع اخر

[ابوحشر]

انا اعرف شباب عملوا العملية والحين الحمدلله امورهم عادية وياكلون طبيعي اي اكل يعجبهم اللهم في البداية 3 اسابيع تاكل روب وشوربه حتى المعدة تاخذ على الاكل


وتوكل على الله وان شالله تقوم بالسلامه ، وتدخل في المنتدى تعلمنا عن اعلومك