استفسار : بطلب من موقع ابل

[ClassicRoyal]

السلام عليكم ورحمة الله وبركاته

اخباركم عساكم بخير ...

فالبدايه انا اعرف كيف اطلب من النت وكل شي

فقررت اطلب لي كمبيوتر اي ماك من موقع ابل الاستور الامريكي

بس حبيت اسالكم

هل اذا طلبت لي كمبيوتر اي ماك من امريكا من موقع ابل الاستور الامريكي

هل في الكمبيوتر لغة عربية وهل فيه اختلافات اومشاكل ممكن تصير عندي اذا جبته قطر في الكمبيوتر ولاعادي؟

منتظر ردكم

[ClassicRoyal]

للرفــع

[بونووف]

ماطلبت أي ماك من قبل لكن الايفون والايباد طلبتهم وماكان في مشكله فالكيبورد ينزل عادي والامور طيبه وانا اقولك اخوي أي شي من ابل مصنع انترناشونال يعني لو من أي مكان بتستعمله بيمشي معاك من غير ضمان ولا شي
اما بخصوص المشكله الي بتواجهها انه السوكت مال الجهاز بيجيك امريكي وبس
اتوقع الاي ماك من غير كيبورد وانت تاخذه عربي من الدوحه او في لزقه تنباع تنحط فوق الكيبورد بالاحرف العربيه اتمنه اني افدتك

[ClassicRoyal]

مشكور اخوي qdvc على المعلومات وماتقصر اخوي يعني الكيبور بس انجليزي .. مشكور وماتقصر اخوي

[بوNasser]

لصالحك :

1- ما عندك مشكلة في الكهرباء لانه يشتغل من Line voltage: 100-240V AC

2- لوحة المفاتيح المعربة مب مشكلة، نقدر تشتريها من هنية (اذا كنت بتاخذ اي ماك يعني الكمبيوتر المكتبي)

ضدك:

1- اذا كنت من مستخدمي مايكرسوفت اوفيس ، بتفتقد في الورد الكتابة بالعربي ، طبعا فيه برامج بديلة لكن ما اشوفها تغني عن الاوفيس.
ولو توفر دعم للغة العربية في اصدارات مايكرسوفت اوفيس للماك، اجزم اني باعطي كمبيوتري الثاني اجازة مفتوحة وباستخدم الماك بس.

2- تكلفة الشحن، ترى الكرتون حجمه كبير شوي.

3- الضمان!!!

اخيرا ال ايماك جهاز محترم تراه عندي من 2009 تقريبا (ما شاء الله) شغال آخر حلاوة

موفق ان شاء الله

[Charisma]

شوف يالغالي مانصحك تطلبه من ابل ستور امريكا

انا كنت طالبه من اهناك وبعدين هونت

عليك بالاستور الاماراتي .. اسعاره نفس الستور الامريكي

اما انا فطلبت اي ماك باعلى المواصفات
iMac 27
1- 3.4 i7
2- 32GB RAM
3- 1TB Fusion Drive كنت بختار الـ3TB بس فيه مشاكل بالنسبه للبوت كامب وتنصيب الويندوز
4- Geforce 2GB

كلفني كامل 11600 وبدون طلب مسبق من ابل ستور هونغ كونغ دخلت وطلبت الجهاز وجابوة لي بنفس الوقت اما نفس المواصفات وصلتني الدوحه عن طريق ارامكس وابل ستور امريكا كانت بتكلفني تقريبا 13000

لوحه المفاتيح من الستور الامريكي تكون انجليزية ويقدرون يطلبون لك كيبورد عربي بس بيكون بمبلغ زياده وتقريبا مقارب لسعر الكيبورد في قطر يعني بالاخير بتنتهي بكيبوردين لو طلبت