Gxr 12013 او نيسان باترول 2013

[بورصجي_جديد]

السلام عليكم

مساكم الله بالخير ياكرام :nice:

بغيت الراي والمشوره بارك الله فيكم من افضل gxr 8 2013سلندر ولا النيسان الباترول 2013 لاني محتار:rolleyes2: بارك الله فيكم الاسبوع الجاي بشتري واحد منهم ان شاء الله :nice:

منتظر رايكم :telephone:

تحياتي لكم

[وثائقي]

اخوي اعتقد النيسان مانزل 2013 بعد عيد الفطر نزل 2012 لان شركة نيسان ماعندهم تخبيص الشركات الاخرى ينزلون الموديل قبل السنة نيسان يصنعون الموديل بنفس السنة ويبدون تصديره ويوصلنا على آخر السنة

وانا بالنسبة لي باخذ نيسان بدون تردد ولو اقل بموديل لانها سيارات فعلا ويكفي راحتها على الطريق وتصنيعها باليابان قطعة قطعة مو مثل باقي الشركات تجميع ^^

ومبروك مقدما خيوو ^^

[بورصجي_جديد]

مشكور بارك الله فيك اخوي وثائقي جزاك الله خير

مديل 2013 نزل في المعارض تقريبا
على العموم منتظر باقي الاخوان

تحياتي لك

[وثائقي]

معقولة نيسان نزل 2013 ؟؟

غريبة وكيل نيسان بالمملكة الحمراني يقول الموديل يصل على منتصف العام يعني بعد 6 او 7 شهور ياليت تتأكد لاني باخذ واحد ان شاء الله قريب ^^

[BO.ABDULLA]

نيسان بدون تردد بس لاتخذه من الوكاله غالي وايد ويطيح سعره

[بونووف]

نيسان وانت مغمض و 2013 نزل فالمعارض ... واخوي وثائقي الوكيل يقولك انه مانزل عشان يصرف اللي عنده ... 2013 جاء زياده تشغيل عن بعد الفرق الوحيد بينه وبين 2012 وقيمته فالمعارض ال 320 حصان فل اوبشن 225 اتوقع... عند اخونا بو سيف الهاجري معرض ليوا وفي معرض العمادي بعد

[بونووف]

موضوع اخونا بوسيف

--------------------------------------------------------------------------------


بسم الله الرحمن الرحيم

يعلن معرض ليوا للسيارات عن توفير نياسين بجميع انواعها استيشن و بيك اب وصوالين
وعرض خاص لاصحاب مكاتب تاجير السيارات لاكثر من 10 سيارات

نيسان le400 2013حصان جميع الالوان 5كاميرات صدام ستي جلد بيج السعر 305 الاف
نيسان400le2013حصان جميع الالوان شاشه كاميرا وحده شاشات خلفيه جلد بيج السعر 290 الف
نيسان320se2013 حصان جميع الالوان نفقيشن كاميرا خلفيه شاشات جلد بيج السعر225 الف
نيسان 320se2013 حصان جميع الالوان نفقيشن كاميرا خلفيه مخمل بيج السعر 210 الاف
نيسان320se2013 حصان جميع الالوان فتحه شنطه كهرباء مخمل بيج السعر 195 الف
نيسان320se2013حصان جميع الالوان ستاندر السعر 185 الف
نيسان باترول بيك اب 4800 2012 قير عادي ثلاجه دف لوك اصفار السعر 112 الف
الاسعار شامله الشحن و التسجيل و التامين ضد الغير
ضمان وكاله قطر 3 سنوات
التسليم من اسبوع الى 10 ايام
الدفع مقدم وكاش
با النسبه البيع عن طريق البنك دفع 10%من قيمه السياره مقدم غير قابله للرد


http://www.qatarshares.com/vb/showthread.php?t=533524

[almaf1a]

Gxr v8 بدون تردد

[monatee]

نيسان طبعا ،، لو تقول نيسان ولكزس ،،هم بنقولك نيسان وانت مغمض

[بورصجي_جديد]

السلام عليكم مشكورين يا اخوه على الاهتمام

بس ممكن تقولون لي بشنو النيسان احسن

الله يعطيكم العافيه

[BO SAUD]

اخوي اذا بتاخذ إل أي 400 حصان فا أقولك مافيه اي مقارنه بينه وبين الجي أكس آر لا من حيث الوسع والعزم والريافه والثبات والشكل مع احترامي للتويوتا من داخل مافيه أي جماليه بعكس النيسان الجي أكس آر حتى التحكم بثبات السياره مافيه والله ثم والله كان عندي جي اكس آر ثمانيه سلندر وبعته وخذت النيسان وبصراحه مافيه اي وجه للمقارنه كلش كلش وسوااقته غييييييير بسم الله ماشاءالله وبعدين اللي يقولك شيك بالمخبا ومش عارف ايش هاذي المقوله عفا عليها الزمن انا دفعت فلوس علشان حاجه استمتع ومقتنع فيها مش علشان كلام الناس ولا علشان ماخسر فيها بعد استخدام 3 او اربع سنوات وربي يوفقك باختيارك والله يباركلك مقدما والله يعطيك خيره ويكفيك شره يارب
إضافه أخيره بالنسبه للـــ se فماقدر افيدك فيه اخوي اسمحلي لأني ماجربته ولا ابغي اقولك يقولون ويقولون فانا عطيتك من واقع تجربه

[بورصجي_جديد]

الله يعطيك العافيه اخ بوسعود مشكور على ردك انا لو باخذ نيسان باخذ الي سعره قريب من الجي اكس ار يعني بو 200 الف \\

تحياتي لكم

[وثائقي]

نيسان وانت مغمض و 2013 نزل فالمعارض ... واخوي وثائقي الوكيل يقولك انه مانزل عشان يصرف اللي عنده ... 2013 جاء زياده تشغيل عن بعد الفرق الوحيد بينه وبين 2012 وقيمته فالمعارض ال 320 حصان فل اوبشن 225 اتوقع... عند اخونا بو سيف الهاجري معرض ليوا وفي معرض العمادي بعد

اوووف اووف يعني يبي يصرفها على حسابي لكن هذا وجهي اذا عمري دخلت الحمراني مشكور اخوي انت وبو سيف ماقصرتوا نورتوني والحمد لله الي ماستعجلت وشريت ^^

تشكرات ^^

[بوراشد82]

نيسان وانت مغمض

[بونووف]

اوووف اووف يعني يبي يصرفها على حسابي لكن هذا وجهي اذا عمري دخلت الحمراني مشكور اخوي انت وبو سيف ماقصرتوا نورتوني والحمد لله الي ماستعجلت وشريت ^^

تشكرات ^^

حاضرين لك اخوي وثائقي والله يعطيك خيره ويكفيك شره مقدما:nice:

[ابو صقر]

مرحبا الشيخ

موترين ماعليهم كلام .. بس في الاخير الراي يرجع لك انت ، وعلى كلام الشباب ان النيسان مريح والتيوتا يتعب .. انا متأكد ان في ناس بتقول العكس ،، فما راح ترسي على بر ،،، تأكد مافي شي كامل .. انا اشوف ان الموترين قايم سوقهم والإقبال عليهم كثير

شوف اي موتر تناسبك فخامته ،، وتوكل على الله

تقبل مروري

[Thamer_Qat]

النيسان سيارة والكروزر ماعليه اي منقود طبعا

النيسان افخم واقوى وفزته وقومته عجيبه تقول هوندا خفيفه.
اضف ان شكله جديد وماسك سعره اذا بغيت تبيعه تالي خاصة اذا كان نظيف

طبعا الخيار لك واذا حولك حد عنده نيسان 400* حصان جربه يوم وبتقدر تقرر.

وذا كنت راعي كروزرات حالك حال معظم الناس مايمنع انك تغير شوي والتغيير يقولون صحي
وبالتوفيج


بس ملاحظه اخيره
اسعار اخونا بوسيف الهاجري عجيبه لاهي بدعاية له بس كلمة حق تنقال ان الرجال مايطمع بمواتره ويرضى بالربح القليل وتشوف سياراته تروح بسرعه والله يوفقه

[بورصجي_جديد]

الله يبارك في كل الاخوه الي شاركوني بالموضوع

ان شاء الله باخذ نيسان رحت الوكاله قالو لي ب 227 جلد 320 حصاان مع شاشه وفتحه في المعارض لقيت اصفار بس قالو لي من غير ضمان الوكاله بس قالو لي ضمان شركة مادري شنو ب 1500 ريال شرايكم بهالضمان شنو طريقته وهل في حد جربه

تحياتي لكم

[بوحارب]

نصيحتي لك ولا واحد

خذلك لكزس 570

حتى لو 2010 او 2011

موفق

[أسد الجزيرة]

الله يبارك في كل الاخوه الي شاركوني بالموضوع

ان شاء الله باخذ نيسان رحت الوكاله قالو لي ب 227 جلد 320 حصاان مع شاشه وفتحه في المعارض لقيت اصفار بس قالو لي من غير ضمان الوكاله بس قالو لي ضمان شركة مادري شنو ب 1500 ريال شرايكم بهالضمان شنو طريقته وهل في حد جربه

تحياتي لكم

شوف اخونا بو سيف يجيب 2013 مع الضمان واصل عندك في الدوحة مع التسجيل بـ225 الف ريال

[بنت مريخ]

حتى انا محتاره حي اكس او نيسان
حق الدريول
الكل يقول التويوتا يتم ماسك سعره والنسيان يطيح سعره بسرعه
ياليت تفيدونا

[بنت مريخ]

رود علي يا عبااااااااد الله

[بونووف]

اذا مفكره تاخذين سياره وتبيعينها خذي النيسان حاليا لانه الكروزر خلال 3 سنوات او سنتين ونص راح يغيرون شكله... اذا بتبيعينها قبل السنتين خذي جي اكس احسن