سيارتك جديدة وتحافظ عليها ... وفجأة؟

[(محمد)]

السلام عليكم ورحمة الله وبركاته

:anger1:




سيارتك جديدة وتحافظ عليها ... وفجأة؟




انت في المواقف
وواحد يصف حذاك ويفتح باب سيارته بقو ويضرب باب سيارتك
وكنه العيد ...
يطلع ويسكر بابه ويروح وانت


مبطل حلجك :eek5: ....


تنزل وتشوف الظربة ... طعجة والصبغ طاير :weeping:


صارت لي قبل 7 سنوات تقريبا




http://www.darksydetint.com/images/pdr/dentanim.gif




قبل شوي .... صفيت بعيد عن السيارات ... وعندي هالخوف في داخلي ... لتجاربي السابقة


سيارتي جديدة بقراطيسها


دخلت الجمعية وخليت عيالي في السيارة


اول مارجعت .... لاحظت سيارة لاصقة بسيارتي


وعيالي يأشرون .. وولدي طلع من الدريشة ... وقالي ... يبه : ظربوا باب السيارة.


سويت نفسي ما سمعت ... دخلت السيارة .. وقلت لولدي شالسالفة !!!!


قالي يبه فيه بنت صغيرة .... طلعت من السيارة اللي حذانا ... وبطلت الباب بقووووووه ... وضربت باب السيارة .


نزلت وشفت الباب ... الصبغ راح وطعجه في الباب :anger1:




شالحل معاهم الحين .. :weeping:

[وثائقي]

والله صارت معاي اكثر من مره شي يقهر صراحة خصوصا لما تكون سيارتك جديدة وهو قديمة بس وش تسوي عالم تفكيرها كذا واهنيك على اخلاقك اخوي محمد ^^

[عيون الدوحة]

عشان جي الواحد يستخسر ياخذ سيارة جديدة
كم مليون سيارة صارة بالدوحة أكيد الي بيجي وقيدهم ويحرك
والي يزلق السيارة وهو محرك

[(محمد)]

والله صارت معاي اكثر من مره شي يقهر صراحة خصوصا لما تكون سيارتك جديدة وهو قديمة بس وش تسوي عالم تفكيرها كذا واهنيك على اخلاقك اخوي محمد ^^



تهنيني على اخلاقي ! :unsure:

[بن غيث]

قالي يبه فيه بنت صغيرة .... طلعت من السيارة اللي حذانا ... وبطلت الباب بقووووووه ... وضربت باب السيارة .


نزلت وشفت الباب ... الصبغ راح وطعجه في الباب

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ

اي انسان معرض لهذا الموقف .. حط نفسك مكان ابو البنت الصغيرة .. ايش راح تسوي

وسع صدرك .. وسامح الناس .. وقل الحمد لله على كل حال

[وثائقي]

تهنيني على اخلاقي ! :unsure:

اكيد اهنيك اخوي محمد كثير غيرك سوو مشاكل عشان الموضوع وانت تركب السيارة ولا كان شي صار اهنيك صراحة خيوو ^^

[(محمد)]

عشان جي الواحد يستخسر ياخذ سيارة جديدة
كم مليون سيارة صارة بالدوحة أكيد الي بيجي وقيدهم ويحرك
والي يزلق السيارة وهو محرك

خاطري اعرف احساس راعي البنتلي ولا لامبرجيني ولا رولز رايس بعد هالموقف :funny:

[(محمد)]

قالي يبه فيه بنت صغيرة .... طلعت من السيارة اللي حذانا ... وبطلت الباب بقووووووه ... وضربت باب السيارة .


نزلت وشفت الباب ... الصبغ راح وطعجه في الباب

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ

اي انسان معرض لهذا الموقف .. حط نفسك مكان ابو البنت الصغيرة .. ايش راح تسوي

وسع صدرك .. وسامح الناس .. وقل الحمد لله على كل حال



اخوي بن غيث ...


احنا في الاستراحة والدعوة ضحك وابتسامه طال عمرك .. والقلب صافي والحمدلله دائما وابدا ...


شدعوه ياخوي :)

[(محمد)]

اكيد اهنيك اخوي محمد كثير غيرك سوو مشاكل عشان الموضوع وانت تركب السيارة ولا كان شي صار اهنيك صراحة خيوو ^^

قول هالكلام حق :this: بن غيث

[ذيب ازغوى]

والله مره صار لي هالموقف في دبي باركنق الموقف والمشكله الموتر كان موتر البيت وتوه يديد

والله ياخوي التفت الا مره ولاهي بنت صغير ولاهي عيوز وكان في مكان وسيع بس هي بطلته حده

والله التفت ولكنه صار شيي

[نوار قطر]

اي انتو يالشباب الي يبي يقهركم ويرفع ضغطكم ويمكن تدفون الي قدامكم خل حد يسوي في سيارتكم شي :secret:

[البحار00]

حتى انا والله موتري جديد 2013

ثاني يوم من طلعته من الشركه رحت أخذ البنت من المدرسه

وقفت في المواقف ونزلت اجيب بنتي رجعت لقيت صدام موتري فيه زلق

لكن ثاني يوم عرفت من الي زلق موتري طلع هندي

لكن خمست بوجهه ولعنت شكله

تدري ليش لانه ماوقف يوم زلق موتري شرد من الخوف

[يوسف0]

صارلي نفس الموقف بس ماصار شئ فالصبغ او السياره لاكني زفيت راعي السياره الي حذاي زف لا ومع هله.

انزين شرايك بهاي الموقف

صاف سيارتي فالمواقف الي على الشارع عند البيت وايجي واحد ويطير بورش الاهل للرصيف ضربه من الرف رف الي ورا ويدعم سيارتي وجه بوجه!! وكان مع هله وماكان ضارب ابرة السكر:weeping::weeping:والسياره مواليد شهرين.

وبعد شهرين شاحنه من باب السايق لييين نهاية السياره!:victory: فنفس الموقف وبدون سايق.

ويالله انتظر تصليح عبد الغني اي بعد رحت اخذ السياره وشمخو باب السايق وزفيتهم لاكن شالفايده.

خلاص خلاص نطلع من الربوي.

[النكن]

ياخي حرام تلاقيه خايف والا بيوقف كل شي ع التأمين

[المبرمج صلاح]

اكثر شي تضايقني هذه الحركة دايما لمن اصف اعمل حسابي اخلي مجال له وبس الاحيان وخاصة الجمعيات ما نقدر نخلي مسافة فيكون انت ونصيبك

ودايما لمن يكون حد معاي اقوله انزل بحرص عشان سيارة الناس اللي جنبك اكيد بيخاف عسيارته مثل انا مابخاف عسيارتي الحمد لله لهذا اليوم لم تحصل لي هالحركة وان شاء الله ما تحصل لي

[بريق الحق]

ههههه لازم يكون عندكم موتر قديم هدد ولا نيسان محد راح يصف جمبك وحتى اذا شمخ موترك ولا جانه صار شي الا موتره الي بتعور

[أمير المحبه]

ههههه لازم يكون عندكم موتر قديم هدد ولا نيسان محد راح يصف جمبك وحتى اذا شمخ موترك ولا جانه صار شي الا موتره الي بتعور

http://im33.gulfup.com/6Dn91.jpg (http://www.gulfup.com/?SV4yvq)

بيغمى علي :(

اذبحني بس لاتقرب صوب الموتر :swoon:

[معماري قطري]

انا غيركم عدو نفسي كله أسهى وأضرب في شيء .. مره أرجع ريوس والكيمرة واضحة وراي طوفة والحساسات تزاعق علي خلاص وقف وانا مكمل لين عرفت إن الصدام إنشمخ شمخ كبير وللحين متكيسل أصلحه.

[التميمي 3]

الواحد يكره يشتري سياره جديده :weeping:
خذلك مستعمل وريح راسك
عندك ناس تتعلم السواقه في ديرتك وتلقاه في ديرته معاه سيكل :anger1:
والله مشكله

[elders]

في الحديد ولا العبيد ..ولعلها سبب في وصولك لدرجة الاحسان"والكاظمين الغيظ والعافين عن الناس والله يحب المحسنين" بس انت احتسب والله كريم


السؤال الاهم كيف الواحد بيعتني بسيارتو الجديدة ؟ ياريت واحد من الاخوان اللي الهم عهيك قصص يفيدنا بخطوات عملية يومية -شهرية والله يجزيكم الخير

[معماري قطري]

في الحديد ولا العبيد ..ولعلها سبب في وصولك لدرجة الاحسان"والكاظمين الغيظ والعافين عن الناس والله يحب المحسنين" بس انت احتسب والله كريم


السؤال الاهم كيف الواحد بيعتني بسيارتو الجديدة ؟ ياريت واحد من الاخوان اللي الهم عهيك قصص يفيدنا بخطوات عملية يومية -شهرية والله يجزيكم الخير

وقفيها في طبيله

[elders]

وقفيها في طبيله

طبيلة ؟؟
يعني تحت مظلة ؟؟

[Miss]

ههههههههههه الله يعينك


اي انتو يالشباب الي يبي يقهركم ويرفع ضغطكم ويمكن تدفون الي قدامكم خل حد يسوي في سيارتكم شي :secret:

تبين تقهرين حد منهم انزلي من السيارة وارضخي الباب ورااج :secret: ههههههههههههه

[elders]

ههههههههههه الله يعينك



تبين تقهرين حد منهم انزلي من السيارة وارضخي الباب ورااج :secret: ههههههههههههه


يا الله شو بكره هالحركة !!!!
شو ذنب السيارة ؟؟

[التميمي 3]

ههههههههههه الله يعينك



تبين تقهرين حد منهم انزلي من السيارة وارضخي الباب ورااج :secret: ههههههههههههه


حرام عليك والله
تراني أنقهر من الحركات هذي :anger1:
ياكثرها ماتصيرلي

[qatarman8008]

اخوي انت انشالله ما تواجه اللي يدعم سيارتك وعن قصد بعد ...
صارت لي مره وطلعت السيارة اجار ...
وصارت من يومين مع واحد من الربع ... وسيارة شركة ..
لا حسيب ولا رقيب .. يصلح لك على حساب التامين وهو يروح البيت كانه العيد

[Miss]

يا الله شو بكره هالحركة !!!!
شو ذنب السيارة ؟؟

:secret::shy:


حرام عليك والله
تراني أنقهر من الحركات هذي :anger1:
ياكثرها ماتصيرلي

:tease: ههههههههههههه

[حميداني]

دفعة بلاء ويا زينها من دفعه ان كانت في شي مثل هذا
صراحه استغرب الشي ههه سبحان الله لما واحد يقعد يحط عينه على شي ويخاف عليه بدرجه مبالغه
العاده تدور الدنيا والله يعطيه ما بخاطره علشان يريحه من هالوساوس فيصير ما هو متخوف منه او الاقرب له
بعدها على قد ماهو معصب من الي صار اتحصله ارتاح من داخل بدون ما يحس
تفائل خير تحصله يجيك وتفائل شر تلاقيه يركظ وراك
قلب الصغيره يسوى كل الالوان والاشكال والدعامات والمكاين الي بقلب هذي السياره
فراري او كرسيدا , بيتم الشي حديد مهما اختلف شكله ومحتواه
ما يسوى تزعل نفسك ولا غيرك لاجله
عليك العوض يا رجل

[حميداني]

في الحديد ولا العبيد ..ولعلها سبب في وصولك لدرجة الاحسان"والكاظمين الغيظ والعافين عن الناس والله يحب المحسنين" بس انت احتسب والله كريم


السؤال الاهم كيف الواحد بيعتني بسيارتو الجديدة ؟ ياريت واحد من الاخوان اللي الهم عهيك قصص يفيدنا بخطوات عملية يومية -شهرية والله يجزيكم الخير

من ناحيتي أشوف احسن حل انج تعاملينها مثل ما تعاملين اي سياره عاديه
حطيها داخل البيت تحت الظل وبرى وقفيها مثل ما توقفين اي سياره
الاهتمام الزايد نتيجته عكسيه حتى في الجماد :shy:

[بوعلي2]

انا تعقدت من هالسوالف فقمت اصف بعيد وضرب جحتتته لين المول او المكان الي ابيه

اخر مره بالمعرض صاف اخر الدنيا ههههههه على حزم

ياريال طول بالك ومر محل الكرستال بخط سلوى يردها لك شركه

[شبح الصمت]

مب شيء في ناس اعرفهم يأخذون موقفين تقوله ليش يقول ياخي خلاص

ومع الايام اقتنعت انه صح وانا غلط

خذ موقفين واستمتع

:nice:

[نوفة قطر]

هاذي قلة ذوق من الشخص .. لو مابي منه شيء بس ع الاقل يعتذر

أما واحد ينزل ويصفق باب سيارتي هو والا حد من عياله ويمشي والحياة حلوه ! شيء يقهر

انا اول ما طلعت سيارتي كانت توها ما كملت شهر وبقراطيسها .. صفيت عند الدوام ويوم طلعت الا السياره من ورى متشمخه :rolleyes2: مبين ان واحد مايعرف يطلع من الموقف وحك في سيارتي ومشى عااااااادي

والله حزتها ماقدرت امسك لساني .. لان تشوف سياره جديده تخطبها وتمشي :anger1:

..

انا مره ضربت السياره اللي يمي نزلت وانا بنت وقعدت اشوف ومع ان السياره ماصادها الا شمخ صغغغغير .. كنت ناويه احط رقم اخوي

بس وصل الرجال واهله وقتها وقال عادي وقال شكراً لانج وقفتي اصلا لو احد غيرج جان مشى

-

[elders]

من ناحيتي أشوف احسن حل انج تعاملينها مثل ما تعاملين اي سياره عاديه
حطيها داخل البيت تحت الظل وبرى وقفيها مثل ما توقفين اي سياره
الاهتمام الزايد نتيجته عكسيه حتى في الجماد :shy:

ضحكني ردك ...احطها تحت الظل داخل البيت وبرى اوقفها عادي ؟؟

طيّب :nice:

لما كنت بالثانوي كان جارنا كل يوم الصبح يفتح سيارتو من قدام ومابعرف شو كان يعمل فيها هو زيت او مي او تشييك ..المهم كل يوم يفتحها ويقعد قريب الربع ساعة بعدين يشغلها ويروح يلبس ويطلع ..وبتذكر لما كانت مرتو تستخدمها يضل يتصل فيها كل شوي ....اكيد هاد مبالغ فيه بس برضو لازم نعملها تشييك يومي او بلاش خليها اسبوعي ..بس انا ما بعرف كيف

بالمناسبة عندي قناعة انو الجمادات اللي بتحبها بتحبك .. والرفق حلو بكل شي :nice:

[R 7 A L]

الموضوع مع انه في الاستراحة
بس يقهر لما الواحد يتذكر هالمواقف

[fhd4]

سيارتك جديدة او قديمة … هذا الموقف لازم منه … دام البشر منتشرين حولك …

… الحمدلله صارت عندي مناعة بعد القناعة …

وأقول الحمدلله على كل حال …

[حميداني]

ضحكني ردك ...احطها تحت الظل داخل البيت وبرى اوقفها عادي ؟؟

طيّب :nice:

لما كنت بالثانوي كان جارنا كل يوم الصبح يفتح سيارتو من قدام ومابعرف شو كان يعمل فيها هو زيت او مي او تشييك ..المهم كل يوم يفتحها ويقعد قريب الربع ساعة بعدين يشغلها ويروح يلبس ويطلع ..وبتذكر لما كانت مرتو تستخدمها يضل يتصل فيها كل شوي ....اكيد هاد مبالغ فيه بس برضو لازم نعملها تشييك يومي او بلاش خليها اسبوعي ..بس انا ما بعرف كيف

بالمناسبة عندي قناعة انو الجمادات اللي بتحبها بتحبك .. والرفق حلو بكل شي :nice:

ههههه صح السانج في ان الرفق شي حلو ومطلوب , ما شاءالله عليه جاركم الله يعينه ويعين مرته ان صار للموتر شي .. ياني حاسس ان الدنيا بتقوم وباليالله بتقعد
لا تدلعينها لا يكبر راسها فتخترب وتعور قلبج ... قد ما حبيتيها قد ما بتكدرج ان حصل شي لا سامح الله :S

من ناحيتي موتري يديد ولا مب يديد عندي عادي لو اطلع فيه البحر من ثاني يوم
:discuss: خلك ايزي

[غايه الطواش]

مسكينه سيارتي مطربله وفي الطبيله اكثر من اني استخدمها لدرجه اني فكرت ابيعها بس سيارتي طالبتها علي مزاجي احبها وايد :)

[elders]

ههههه صح السانج في ان الرفق شي حلو ومطلوب , ما شاءالله عليه جاركم الله يعينه ويعين مرته ان صار للموتر شي .. ياني حاسس ان الدنيا بتقوم وباليالله بتقعد
لا تدلعينها لا يكبر راسها فتخترب وتعور قلبج ... قد ما حبيتيها قد ما بتكدرج ان حصل شي لا سامح الله :S

من ناحيتي موتري يديد ولا مب يديد عندي عادي لو اطلع فيه البحر من ثاني يوم
:discuss: خلك ايزي

لا لا شكلي ماعرفت اعبر ..انا بسأل شو اعملها لاني ما بعملها شي ..
ايزي ولله الحمد ..نيالو موترك بتاخدو معك بالرحلات ..احسن بلا مايزهق :secret:

[ابو صقر]

اللي عنده موتر جديد ياخذ موقفين ويرتاح ..

انا عندي موتر جديد .. مخليه حق الشغل والتمشايه .. بتقول لي مجمعات ولا جيب اليهال من المدرسه ولا الجمعيه ههههه مستحيييل

عندي القديم حق الدواعيس والمزاحم والمحلات وامورك ماشيه