توقف الحركة المرورية في طريق 22 فبراير اليوم

[سيف قطر]

توقف الحركة المرورية في طريق 22 فبراير اليوم
الدوحة - بوابة الشرق:

http://www.al-sharq.com/NewsImages//2013/1/9/f3a03139-944c-4fea-bcf6-f605f8128c39.jpg

أدى تزايد الازدحام المروري نتيجة إغلاق بعض الطرق والمسارات واتجاه الناس إلى طريق 22 فبراير كطريق بديل وحل أمثل إلى توقف الحركة المرورية وحصول اختناقات مرورية تزايد مستواها مساء اليوم، وتسبب الاختناق بشل الحركة المرورية بشكل ملحوظ، وامتدت طوابير ازدحام السيارات لمسافات طويلة، وخصوصا من جهة نفق العسيري باتجاه الدوار العلوي حيث تتكدس السيارات على المخرج بعد تقاطع الريان، للراغبين بالذهاب إلى طريق سلوى أو العودة لمنطقة السد، مما يتسبب بتوقف الحركة المرورية نوعا ما في أسفل النفق وتعطيل حركة طريق الدوحة السريع باتجاه منطقة الهلال والمطار.

الازدحام المروري المتزايد يرجح السائقون المواطنون سببه إلى أن مشكلة عدم وجود مخارج واسعة وتزايد أعداد السيارات التي تستخدم الطريق، بالاضافة إلى إغلاق طريق سلوى وأعمال الطرق الحاصلة فيه والازدحام بالدائري الثالث كل هذه العوامل تشكل ضغطا على الطريق الحيوي، الذي يتحول إلى شارع بطيء على عكس اسمه أنه طريق سريع.

وطالب مرتادو الطريق إلى وضع حلول سريعة لحين وجود طرق بديلة تساعد على انسيابية الحركة المرورية في الأيام القادمة، ومنها توسعة المداخل أو تسريع الحركة عند دوار العسيري.

[bos3eed]

اي والله امس تبهدلت بسبة الزحمة, كانت اسوأ زحمة مرت علي في 22 فبراير, بس من اليوم ورايح بطلع 5 ونص للدوام

[زهرة بنفسجية]

فعلا امس كانت الزحمه لا تطاق في الشارع
الله يرحم ايام كان طريق سريع
الحين تقعد ساعه من اوله لاخره

الله المستعان

[الباحثة]

الله المستعان

[alawi23]

اذا اعتدلت شوارعنا

اعرفو ان منتخبنا اخذ كاس العالم


بالعربي الشيئين مستحيل يصيرون في يوم من الايام

[MAZEN37]

لازم يحولونه لخط بطيء ويصير كل 100متر مطب وكل السيارات تمشي شوي شوي

[نوفة قطر]

حاله من حال الكورنيش اليوم الصبح

على ثاني دوار من صوب الديوان صاكين شارع من الشوارع وتعالوا شوفوا الزحمه !!!

يعني الشرطه جات وحطت حواجز مادري على اي اساس

بفهم بس هم ليش اطق في راسهم فجأه ويصكون بعض الشوارع ؟ احسهم لين شافوا حركة المرور اوكي يقولون يالله خل نصك شارع عشان يتجمعون كلهم في شارع ونستمتع !!!!

والله من كثر الدوريات مب عارفين شيسوون

..

اما عن طريق 22 فبراير ..... عادي حاله من حال كل الدوحه والتنظيم الرائع

-

[بونووف]

اي والله امس تحسفت طلعت من البيت لانه كان عندي مشوار صوب المعموره بااال لوعه وقسم بالله

[ابوعلي]

فعلا مأساة امس بالرغم ان طلوعي في هالاوقات شي نادر ولكن فعلا الله كان بعونهم الي كانوا بوسط الزحمة

[نيساني]

الحمدلله بالنسبه لي دوامي بعيد لكن مجبور امر على هالخط اذا عندي شغل

تحياتي للجميع وحبيت اقول ماشفتوا شي بعد مايفتحون الخمس مجمعات وش اللي راح يصير

مشاهده ممتعه

[كبير المتداولين]

لازال اقتراحي في طريق 22 فبراير قائم

دور ثاني فوق الخط الرئيسي يحل مشكله الازدحام

[Darco]

امس شفت الوضع والحمد لله أني ما اطلع على الطريق هذا في أوقات الذروة لانه فعلا مأساة ..

السبب كان ان زحمة طريق سلوى واصلة لين فوق جسر العسيري، وهذا خلى اللي يبون يدخلون طريق سلوى من الدوار تحت الجسر يسدون الشارع للي جايين من طريق 22 فبراير من الشمال، والنتيجة تفتح الاشارة خضرا بس محد يطوف الا قليل، والنتيجة ان طريق 22 فبراير انسد وبدوره خلا اللي جايين من إشارات السودان يسدون إشارات السودان ههههههه يعني تراكمت المشكلة مثل أحجار الدومينو كل زحمة تسبب زحمة ثانية...

الحل الوحيد لطريق 22 فبراير هو انشاء طريق بديل محاذي يمر من بوهامور لين الشمال مرورا بالوعب والغرافة من غرب.

[ضوى]

امس شفت الوضع والحمد لله أني ما اطلع على الطريق هذا في أوقات الذروة لانه فعلا مأساة ..

السبب كان ان زحمة طريق سلوى واصلة لين فوق جسر العسيري، وهذا خلى اللي يبون يدخلون طريق سلوى من الدوار تحت الجسر يسدون الشارع للي جايين من طريق 22 فبراير من الشمال، والنتيجة تفتح الاشارة خضرا بس محد يطوف الا قليل، والنتيجة ان طريق 22 فبراير انسد وبدوره خلا اللي جايين من إشارات السودان يسدون إشارات السودان ههههههه يعني تراكمت المشكلة مثل أحجار الدومينو كل زحمة تسبب زحمة ثانية...

الحل الوحيد لطريق 22 فبراير هو انشاء طريق بديل محاذي يمر من بوهامور لين الشمال مرورا بالوعب والغرافة من غرب.

ارجوك لا تجيب اسم بو هامور ، مب ناقصنا زحمة شوف طريق بديل الله يخليك ، تبهدلنا

[كود نمبر]

والله امس طحت في الزحمه الاشارة تولع اخضر لكن السيارات موقفه
الشارع غلط في غلط والمخارج ضيقه
لابد من عمل جسور طويله وعمل شارع دائري بديل عن 22 فبراير
عندنا شارع الاحتفالات وانت جاي من الشمال ليش مايكملونه حتى يشبك
مع طريق امسعيد لا بد من عمل طريق دائري اخر

[غير البشر]

عندي حلول تقضي على الزحمه في شارع 22 فبراير بس يبغيلها شغل اشوي

بس ماتوقع ينفذونها :rolleyes2:

[أسد الجزيرة]

الحل عمل شارع بديل من اجل عبور الاسيويين سرعته 15 كم في الساعة و بتخف الزحمة في الدوحة

[غير البشر]

امس شفت الوضع والحمد لله أني ما اطلع على الطريق هذا في أوقات الذروة لانه فعلا مأساة ..

السبب كان ان زحمة طريق سلوى واصلة لين فوق جسر العسيري، وهذا خلى اللي يبون يدخلون طريق سلوى من الدوار تحت الجسر يسدون الشارع للي جايين من طريق 22 فبراير من الشمال، والنتيجة تفتح الاشارة خضرا بس محد يطوف الا قليل، والنتيجة ان طريق 22 فبراير انسد وبدوره خلا اللي جايين من إشارات السودان يسدون إشارات السودان ههههههه يعني تراكمت المشكلة مثل أحجار الدومينو كل زحمة تسبب زحمة ثانية...

الحل الوحيد لطريق 22 فبراير هو انشاء طريق بديل محاذي يمر من بوهامور لين الشمال مرورا بالوعب والغرافة من غرب.



اشدرااااااك هاا اعترف :omg:

فعلا الحين يوجد تخطيط على هذا المشروع وبيتم تنفيذه عما قريب

[@north_star@]

الاختناقات بهالشارع يوميا والله يعين وان شاء الله يلاقونله حل جذري

[مخطط قطري]

يعني اذا سمعت ولا قريت انه توقفت الحركه المرورية في 22 فبراير امر عادي ويحصل كل يوم
اذا سمعت ولا قريت انه الطريق سالك والحركه المروريه في انسياب هنيه تخاف وتقول اكيد في شي:)
حقيقه علميه.....

[شجاع]

صراحة اللي صمم هذا الطريق شخص فاشل بكل معنى الكلمة طريق لاتوجد به اي مسارات جانبية لمرور سيارات الاسعاف والشرطة
حررررررررام والله هدر الاموال على شي مايستاهل

[الزعفراني]

يعني اذا سمعت ولا قريت انه توقفت الحركه المرورية في 22 فبراير امر عادي ويحصل كل يوم
اذا سمعت ولا قريت انه الطريق سالك والحركه المروريه في انسياب هنيه تخاف وتقول اكيد في شي:)
حقيقه علميه.....

:nice:

فعلا في هالخط .. الشيء المستغرب انسيابية الحركه.. لكن الزحمة اعتقد صارت جزء لا يتجزأ من هالخط وشي طبيييييييييييييييعي

[النكن]

كله من الهنود انا اتحدى اي واحد منكم الحين يروح صوب جسر الجوازات يصف ع اليمين ويدق دنجر اذا ماوصلت الزحمة لين الرويس ماعرف شي !!

في داخل كل هندي شخص دايم يسال شنو مشكل

[ابن الرومي]

لازم يكون في حل
والله انا صرت اخاف
امر على هذا الشارع
لانه من جسر الشمال لين جسر مدماك
زحمة وممكن اي واحد يضرب بريك فجاءة
والي في الخلف يكون جاي مسرع ومايحاسب ويصير
حادث

الله يستر علينا وعلى الجميع

[معماري قطري]

زرنا دول كثيرة وشفنا كيف تنظيم الطرق الرئيسية الا قطر غير .. المفروض الشارع بعيد عن المدينة يكون 3 حارات أو ثنتين وكل ما قرب للمدينة وللمخارج يتوسع أكثر وممكن يوصل ل 8 حارات في كل إتجاه.

وبعدين حول مخارج ومداخل الطريق السريع تكون الطرق مفتوحة وتاخذ سرعة الطريق السريع، والحين قاموا يعطون تراخيص حق بنايات كم دور وملاصقة لبعض المسارب للخروج والدخول يعني بروحها ذي البنايات تسبب ربكة في المرور وناس تصف عندها وتخفف وتعرقل السير وراها.

الخلاصة تصميم الطريق فاشل فاشل فاشل وبيلحقه شارع سلوى في الفشل الذريع، وفلوس تنصرف بغير حساب مثل المنتخب سبستيان ومحمد صقر وغيرهم من خبراء الكوره ثرى موجودين مثلهم يلعبون على ربعنا في أشغال، وربعنا الله خير قليل منهم اللي في المكان الصح بس مقيد.

[al_maystro]

دايما متوقف هالشارع وين الجديد هو ما توقف الا يعد ما راحوا الاجانب يحتفلون
بالكريسمس لكن السؤال وين اداره المرور عن زحمه شارع فبراير وين الدوريات وين مدير المرور !!
هو شارع واحد طويل ليش ما يتم الاهتمام به من قبل اداره المرور يعني دوريات تختفي عن مثل هذا الشارع الحيوي
عيل شنو وظيفتهم المرور ؟؟!!

[sahrleel]

وللاسف مازالت الحركة المرورية تتوقف كل كم ساعة والمشكلة موجودة وبشكل مستمر
وامس العصر شفت حادث 6 سيارات مع بعض مرة واحدة ويوميا عشرات الحوادث على هذا الشارع
ولا يوجد اي بوادر للحل ... ولا حياة لمن تنادي...

[اداري]

اشدرااااااك هاا اعترف :omg:

فعلا الحين يوجد تخطيط على هذا المشروع وبيتم تنفيذه عما قريب

زين ... خل يحططون للقطار بعد

[Abdullah_89]

يوم الأربعاء الساعه 7 الا ربع الصبح زحمه 22 فبراير موقفه السيد حتى اشارات المول


يعني معقوله السيارات واقفه من اشارات المول وانت رايح خط 22 فبراير @@

وصلت الدوام 8 ونص :(

[اداري]

يوم الأربعاء الساعه 7 الا ربع الصبح زحمه 22 فبراير موقفه السيد حتى اشارات المول


يعني معقوله السيارات واقفه من اشارات المول وانت رايح خط 22 فبراير @@

وصلت الدوام 8 ونص :(

عاد تعال اشرح لمديرك ليش تاخرت

اغبطهم اللي ساكنين جنب الدوام

[سيف قطر]

حياكم الله جميعا

[أسير الأحلام]

الحل سهل بس الجهة المسؤولة ما تبي تتدخل ...

الحل يكمن في منع دخول ومرور الشاحنات الخاصة والعامة وسيارات النقل الكبيرة والمتوسطة وكذلك باصات نقل العمال والشركات " منع تام على مدار الساعة وطول السنة " .. واقتصار استخدام الشارع على السيارات الخاصة وسيارات النقل الخاصة الصغيرة وباصات المدارس فقط ... وعقبها بنشوف الزحمة شلون بتخف ... ما يصير احنا الدولة الوحيدة الي في العالم اغلبية شوارعها زحمة

[monatee]

اجوف جدامي وجدام اللي جدامي و وراي ويميني و يساري وحواليهم كلهم اجانب

والله لو يسحبون اللياسن من الاجانب احنا بخير ،، ولا بعد يسفرونهم احسن

لو اهل قطر كلهم وبسيايرهم على هالشارع مابتصير هالزحمه اللي قاعده تصير الحين

قسم بالله لوعه مب حاله هاذي مشاوير المفروض انها سريعه ناخذ عليها اقل شي ساعتين

كل 50 سيارة في الزحمه ،، القطريين فيهم مايتعدون 3

ماكرههم بس ترى صج خلاص الوضع لا يطاق ،،، هم الزحمه مب احنا الزحمه

[أسير الأحلام]

اجوف جدامي وجدام اللي جدامي و وراي ويميني و يساري وحواليهم كلهم اجانب

والله لو يسحبون اللياسن من الاجانب احنا بخير ،، ولا بعد يسفرونهم احسن

لو اهل قطر كلهم وبسيايرهم على هالشارع مابتصير هالزحمه اللي قاعده تصير الحين

قسم بالله لوعه مب حاله هاذي مشاوير المفروض انها سريعه ناخذ عليها اقل شي ساعتين

كل 50 سيارة في الزحمه ،، القطريين فيهم مايتعدون 3

ماكرههم بس ترى صج خلاص الوضع لا يطاق ،،، هم الزحمه مب احنا الزحمه

100 % كلام صحيح وأؤيد هالمقترح

[qatarat]

الحمد لله انا ما اروح هذي المناطق ابدا

[سيف قطر]

اجوف جدامي وجدام اللي جدامي و وراي ويميني و يساري وحواليهم كلهم اجانب

والله لو يسحبون اللياسن من الاجانب احنا بخير ،، ولا بعد يسفرونهم احسن

لو اهل قطر كلهم وبسيايرهم على هالشارع مابتصير هالزحمه اللي قاعده تصير الحين

قسم بالله لوعه مب حاله هاذي مشاوير المفروض انها سريعه ناخذ عليها اقل شي ساعتين

كل 50 سيارة في الزحمه ،، القطريين فيهم مايتعدون 3

:tease::tease:عماكرههم بس ترى صج خلاص الوضع لا يطاق ،،، هم الزحمه مب احنا الزحمه

ههههههههههههههه
كلام غريب ومقترح اغرب

[سيف قطر]

100 % كلام صحيح وأؤيد هالمقترح

:secret::rolleyes2:

[البرجوازي]

اجوف جدامي وجدام اللي جدامي و وراي ويميني و يساري وحواليهم كلهم اجانب

والله لو يسحبون اللياسن من الاجانب احنا بخير ،، ولا بعد يسفرونهم احسن

لو اهل قطر كلهم وبسيايرهم على هالشارع مابتصير هالزحمه اللي قاعده تصير الحين

قسم بالله لوعه مب حاله هاذي مشاوير المفروض انها سريعه ناخذ عليها اقل شي ساعتين

كل 50 سيارة في الزحمه ،، القطريين فيهم مايتعدون 3

ماكرههم بس ترى صج خلاص الوضع لا يطاق ،،، هم الزحمه مب احنا الزحمه
تبون تنمية وبدون اجانب مايجوز يعني من يساعدنا الجن الازرق

[monatee]

ههههههههههههههه
كلام غريب ومقترح اغرب

عيل لو تعرف افكاري وقت الزحمه اشبتقول :waiting: غوانتنامو على طول


تبون تنمية وبدون اجانب مايجوز يعني من يساعدنا الجن الازرق

ماذكر احد اخذ راي الشعب اذا نبي تنميه او لا ،،، عن نفسي مابي ،،، اشحلاتة زمان الاول :(

[سيف قطر]

عيل لو تعرف افكاري وقت الزحمه اشبتقول :waiting: غوانتنامو على طول



ماذكر احد اخذ راي الشعب اذا نبي تنميه او لا ،،، عن نفسي مابي ،،، اشحلاتة زمان الاول :(
لا ....شكرا ما يحتاج :eek5: