لماذا يا الخطــوط القطريـة ؟؟؟؟ [الأرشيف] - منتديات شبكة الأسهم القطرية

مشاهدة النسخة كاملة : لماذا يا الخطــوط القطريـة ؟؟؟؟

المرحب

10-01-2013, 11:19 AM

أخوانـي وأخواتــي أعضــاء المنتدى الكرام ...
السلام عليكم ورحمة الله وبركاته ،،،
عندي طلب ... وهو الرجاء عدم التعرض لأي شخص بعينه وعدم التجريح مهمــا بلغ الموضوع !!!
حسبنــــا الله ونعم الوكيل على الخطوط القطرية ،،،
موضوعي بسيط ولكن فيه ظلم وتعسف واستنزاف للجيوب واستغلال كالعادة من خطوطنا القطرية
حجزت يوم الاثنين الماضي تاريخ 7 يناير
الدوحة للبحرين تاريخ 10 من الشهر والعودة السبت تاريخ 12 وذلك عن طريق الأميــال
وتم خصم مبلغ 290 ريال كضرائب مع خصم 6000 ميل
ولكن تأجل موعدي هناك بسبب ظرف طارئ وقررت تأجيل السفر !!!
إتصلت لإلغـــاء السفر قالوا بما أن التأجيل أو التغيير يكون في أقل من 24 ساعه
يجب أن تدفع 125 دولار أمريكي يعني ما يعادل 460 ريال قطري
سؤالي هل هذا يعقل ؟؟؟
وأتمنى أن نجد حلاً مع ما يجري مع الخطوط القطرية ...
يكفينـــــا قول حسبنــــا الله ونعـــم الوكيـــــل ...

عيون الدوحة

10-01-2013, 11:22 AM

لو رايحة على الخليج ب 700 ريال ابرك لج
ودايما خلي الاميال حق الرحلات الطويلة افظل

ضوى

10-01-2013, 11:24 AM

هالشروط اخوي المرحب مكتوبة وراء التذكرة يعني لازم الواحد يقرا سياسة الالغاء او التاجيل

المرحب

10-01-2013, 11:31 AM

لو رايحة على الخليج ب 700 ريال ابرك لج
ودايما خلي الاميال حق الرحلات الطويلة افظل

عيون الدوحة

أنا قررت أسافر على خطوطنا الوطنية وأستخدم الأميال

شكراً على المرور

المرحب

10-01-2013, 11:32 AM

هالشروط اخوي المرحب مكتوبة وراء التذكرة يعني لازم الواحد يقرا سياسة الالغاء او التاجيل

ضوى

تشرفت بالمرور والتعليق

ما يجهلني الشروط والسياسة ...

لكن لماذا يجب أن أدفع 125 دولار ؟؟؟

ضوى

10-01-2013, 11:34 AM

ضوى

تشرفت بالمرور والتعليق

ما يجهلني الشروط والسياسة ...

لكن لماذا يجب أن أدفع 125 دولار ؟؟؟

على فكرة بكل الخطوط مو بس القطرية

انا جربت التركية وطيران الخليج ياخذون مبلغ معين عالتاجيل ومبلغ مختلف عالالغاء

المرحب

10-01-2013, 11:37 AM

على فكرة بكل الخطوط مو بس القطرية

انا جربت التركية وطيران الخليج ياخذون مبلغ معين عالتاجيل ومبلغ مختلف عالالغاء

مره ثانية ما أختلفنــا يا أخت ضوى

لكل طيران سياسة بيعية

لكن خطوطنــا قالوا يجب تدفع المبلغ مع استخدام الأميــــال

يعني 290 + 460 = 750 ريال مع الأميـــال

كأنك يا أبو زيد ما غزيت

ضوى

10-01-2013, 11:39 AM

هو كلامك صححي اخوي سياسة جائرة بس شنسوي اه من بطني واه من ظهري :(

المرحب

10-01-2013, 11:42 AM

هو كلامك صححي اخوي سياسة جائرة بس شنسوي اه من بطني واه من ظهري :(

هذا القهــــر لأنهــــا خطوطنــــا الوطنيـــــة الوحيـــدة

:(

monatee

10-01-2013, 12:07 PM

رحت ورجعت على البحرينيه ب 475 ريال

فريج النجادة

10-01-2013, 12:16 PM

أثنين انا لا اصدقهم عروضهم القطرية وكيوتل

كازانوفا

10-01-2013, 12:23 PM

معلش من يوم ما وعينا على الخطوط القطريه وهي استغلاليه لابشع درجه
ربك يعينك وشوف لك طيران ثاني
بس الحق ينقال خدمتهم احلى وارقى بكثير من غيرها

الهتان

10-01-2013, 12:27 PM

أحنا وش اللي يحدنا عليهم دام فيه البديل

سارونه

10-01-2013, 12:29 PM

ولد العرب

10-01-2013, 12:40 PM

انا عندي خصم 50% للصم ومرافق معي 25% الوكاد اني انقلبت بالسيارة مع عايلتي رحت للخطوط القطرية بالخبر وكلي امل بالفزعه وطلبت حجز وخصم ومرفق الكتاب يفيد بالخصم وقالوا اسمحلنا الخصم تاخذه من الدوحة بس:eek5: يعني وش الفرق والله صدمة

معماري قطري

10-01-2013, 12:44 PM

الأميال خدعه ما عدت أهتم بها .. مره رحت دبي بالأميال ودفعوني على كل تذكرة 600 ريال ضرائب وعذرهم إن الضرائب أغلبها مفروضة من الإمارات .. وتلاقيت هناك وواحد جاي على الإماراتية دافع سعر 600 ريال للتذكرة شاملة الضرائب اللي يقولون عنها .. يعني ضرايبهم تطلع أغلى من سعر التذكرة.

المرحب

10-01-2013, 12:47 PM

رحت ورجعت على البحرينيه ب 475 ريال

monatee

شكراً ع المرور والتعليق

بـارود

10-01-2013, 03:59 PM

شكلهم ناويين يطلعون قيمة عقد الرعاية مع برشلونة من قبل ما يبدء الموسم الجاي من جيوبنا !

والله ما تسوى علينا :(

حتى تشجيع المنتخب في خليجي 21 بفلوس !

شيخ الديرة

10-01-2013, 04:15 PM

الكيومايلز صارت دقة قديمة، استغرب ناس بعدها تنخدع بهذا البرنامج

Engineer

10-01-2013, 07:08 PM

السلام عليكم ورحمة الله وبركاته
اختي الجواب بكل بساطة لانج قطرية !
انا حجزت بالاميال على الاماراتية دوحة دبي لندن و عودة
و غيرت موعد الرحلة اكثر من خمس مرات لظروف طارئه ولا دفعت ريال واحد !
فرق بين طيران يقدر المسافر و يعامل الكل معامله واحده طبعا معامله خاصة للاماراتين و من حقهم وبين طيران يفضل جنسية معينه و معروفه غلى كل الجنسيات و طبعا القطري ماله كرت مجرد يدفع و هو ساكت
تحياتي

Engineer

10-01-2013, 07:16 PM

معلش من يوم ما وعينا على الخطوط القطريه وهي استغلاليه لابشع درجه
ربك يعينك وشوف لك طيران ثاني
بس الحق ينقال خدمتهم احلى وارقى بكثير من غيرها

مرحبا
بالعكس خدماتهم صفر على الشمال مقارنة بالاماراتية و هذا كلام مب من عندي و الحين القطرية طلعت ٣ نجوم ترى الاتحاد من 2007 الى الان الافضل في الدرجة الأولى

وهذا موقع سكاي تراكس و شوفي القطرية وين

http://www.airlinequality.com/Experience/bestFclass_seats.htm

تحياتي

نوار قطر

10-01-2013, 07:53 PM

الخطوط الجوية القطرية :(

جربتها يوم سافرت لتايلاند مع خواتي - مع الاسف اخذو مقاعدنا واعطوها الاجانب :anger1:

وخيرونا بان نستاذن من الراكبين :( والا نجلس مع الاجانب واحنا مسلمات
(كيف نجلس مع اجنبي) وكل وحده حاطينها مع 2 رجال بعد :eek5:

لا من خيرهم ولا من كفاية شرهم :anger1: خلونا واقفين بالطيارة نص ساعة علشان يعطونا حل :(
ومافي غيرنا القطريات بالطيارة ( انصدمنا ) رايحين للعلاج ومستعجلين ومو قادرين ننزل :(

حسبنا الله ونعم الوكيل مافي الا الطيران الاماراتي بس :weeping:

حبيبتي اهني غلطتكم انتو مب غلطة القطرية في طريقتين يا انج تحجزين وتختارين اماكن المقاعد دايركت يعني قبل السفر انتي عارفه مكانج وين وعلى اي طياره اقصد نوع الطياره

اووو انج عند الكاونتر تقولين لهم احنا نبي احذى بعض وهم بيرتبون لكم عموما الحمدلله على سلامتكم وزين انها عدت على خير :)

نوار قطر

10-01-2013, 07:56 PM

على كثر الشكاوي على القطريه بس تبقى الاحسن القطريه والاماراتيه وطيران الخليج في الاونه الاخيره خاصة للرحلات الطويله مغيرين طياييرهم والله المستعان

Falcon7

10-01-2013, 10:38 PM

للعلم ضرائب الخطوط القطرية هي الاعلى بين جميع الخطوط الي في المنطقه
:
لايش الله أعلم

.. الكاش ..

11-01-2013, 10:46 PM

ياجماعه حبيت انصحكم الاميال استخدموه فقط حق الرحلات الطويله لانه لن تستفيدو من الرحلات القصيره واحسبوه وبعتعرفون معنى كلامي ليقصون عليكم القطريه

samira_bake3000

11-01-2013, 10:49 PM

لكل طيران سياسة بيعية

fhd4

11-01-2013, 11:58 PM

اميال القطرية ما تسوى للمسافات القصيرة او الترقية لدرجة اعلى

غزلان

12-01-2013, 12:04 AM

اخوي كلنا ندفع لو تغير الموعد
او حتى لو تاخرت عن موعد الطياره بعد تدفع

R 7 A L

12-01-2013, 03:27 AM

لكل عمل اخوي المرحب ضريبة او بأي اسمى تسمى
معليش استحمل اهم شي تمشي أمورك