استفسار من اصحاب الخبره العقاريه..بيت في ...

[مختصة]

السلام عليكم ورحمة الله
اخواني الغاليين
حبيت تفيدوني برايكم
بيت شعبي جيد المستوى في الريان قريب من مصلي العيد
مساحته 720 م
مؤجر قرابة العشرين الف وشوي
مقسم الى اربعة اجزاء
وسعره 2800000
هل يسوى ؟؟
والسعر مناسب عليه ..؟؟
اتمنى النصح ..
وجزاكم الله الف خير ...

[السكين]

أختي ليش ما حطيتيه بقسم العقارات ؟ هناك الإخوة يفيدونك أكثر

[مختصة]

لان الدخول هني اكثر
واللي يدخلون ماشاء الله خبره..
ومارده بينتقل قسم العقارات

[alsoq]

نعم يسوى اختي
واحد من ربع بايع بيت ب 3000000 وعمر البيت قديم
فا توكلي على الله العقار ما فيه خساره صدقيني

[معماري قطري]

الأراضي في إرتفاع في الأسعار وقيمة البيت في الأرض .. فإذا القيمة متوفره توكلي على الله بس تأكدي إن البيت تسجل بإسمج وإن الأوراق كلها صحيحة مب مثل اللي صاير ناس يبيعون شيء مب لهم .. ولو تمكنتي من زيادة الإيجار ل 24000 أو 28000 بتكونين وصلتي لنسبة 1% شهرياً كمردود إستثماري وبتقل طبعاً إن سوينا صيانه.

توقعين عقود جديدة وتكون الصيانة على المستأجر أفضل و20 ألف صافية تعادل 240 ألف سنوياً، وهذي كنسبة من المبلغ المستثمر تساوي 8.57 % سنوياً .. وتستردين راس المال في حدود 12 سنة وهي فترة معقولة مع قلة المخاطرة كل سنة واحتمال البيع بعد فترة بسعر أغلى بكثير، وبالتوفيق إن شاء الله.

[كتكوت الوحش]

أتوقع سعره مناسب وساريتي لو لتحاول معاه عبر ظ¢ظ¥ظ*ظ*ظ*ظ*ظ* فقط

[QtrGate]

السعر ممتاز
بس أتوقع البيت قديم جداً
لان صعبة تلقين بيت بهاي السعر

[جارح]

صباح الخير اختي حبيت افيدج بموضوع البيت من واقع خبرة
السعر عالي جدا ولا يستحق هالمبلغ وبشرح لج الاسباب
اولا لو كنتي ماخذه البيت كاستثمار شهري متواصل احسبيها ببساطه
20000 في سنة بمجموع 240000 في عشر سنوات بمجموع 2400000 يعني تطلعين دافعة 400000 زيادة عن قيمة الاسترداد هذا اذا توقعنا الايجار بيتم نفسه ولا اعتقد بهالشي
ثانيا لو كنتي تبين تهدمينة وتعيدين بنائة وبيعة فاعتقد المساحه بتاخذ فلتين بالغصب وتعتبر فلل صغيرة جدا عالمساحة وبتكلفج كل فلة بناء تجاري متوسط مايقارب 800000 يعني 1600000 للفلتين ونزيد عليها القيمة الحالية للشراء 2800000 يصير 4400000 وبالاخير مستحيل تبيعين هالفلل لصغار باكثر من
4000000
ثالثا لو كنتي ماخذة البيت للسكن فاعتقد مابيصلح سكن لعائلة بعد فترة هالايجار وما ترتب عليها من استهلاك حاليا يعني بينهدم البيت وبتعيدين بنائة ومن هنا نحسب قيمة الارض 720*10.76*سعر الفوت حاليا تقريبا 300 =2324160 ريال اي اقل من سعر الشراء بمبلغ 500000 تقريبا
وبهذا الشرح اختي تقدرين تحسبينها بنفسج هل انتي خسرانه بالشراء او ربحانه
اتمنى اكون وضحت لج الصورة كاملة وموفقة باي خطوة وانصح بالاستخارة قبل كل شي والخير فيما اختارة الله سبحانه والسلام عليكم ورحمة اللة وبركاته

[مختصة]

شكرا جزيلا
والله يوفقنا بكل طرق الخير
منتظرين خبراتكم..

[فارس الكلمة]

بعد شرح العضو ( جارح ) أعلاه .. نستنتج إن الاستثمار في العقار في الوقت الحالي .. غير مجزي ..

[مختصة]

والله ماعرف..
الاخوان شجعوني
والاخ جارح كلامه حلو
بس ماعرف....
مترددين..

[مختصة]

?????????

[مختصة]

؟؟؟؟؟؟؟؟؟