أرجوكم انقذوني

[essa66]

فيني عصبة( العضلة مشدودة فوق الكتف مع الرقبة) وما اعرف ايش أسوي
جربت الدكاترة مافاد جربت المراهم بعد مافاد.. ايش الحل ارجوكم

[MAZEN37]

الدفا عفا
دفها وماعليك شر

[die 4 qtr]

سو مساج
او اذا تعرف حد يسويها مااعرف اسم الطريقة بس اخوي يسويها لامي اذا جاتها
الطريقة يخلي الشخص مسترخي ع بطنه بعدين يضغط عليها بإيده وع ماظن يسمونها الواهنه

[die 4 qtr]

لو تسوي بحث في النت عن الواهنه بتلاقي شكثر طرق لها

والله يشفيك

[essa66]

أخوي مازن ظ£ظ§ جربت الدفا وزاد علي

[elders]

الله يشفيك وجميع المسلمين

[نور الحور]

نفس المشكلة .. وقالوا لي هذي عصبة ..
أنا أحط عليها كريم زين مال العضلات وأنام ويخف علي .. لكنه يرجع مرة ثانية كل فترة :(

الله يشافيني ويشافيك ..

[fifa 2022]

ما عليك شر ان شاء الله

اخوي انصحك تروح عن دكتور/ ياسر البرديني .. في عيادة الكندي
تخصصة كيربراكتك Kerbraktk وان شاء الله بتستفيد وبيروح

[مكين]

يمكن انت متوتر وقلق فتكون أعصاب مشدودة وليست عضله

وشفاك الله وعافاك

[جارح]

اخوي عيسى مالك شر انشالله وفعلا من خلال وصفك لها هي تعتبر عصب ملتوي ويحتاج لمتمرس حتى يزيلها بأذن الله ويجب ان يكون شخص ذي خبرة حتى لاتتفاقم الألام عليك وطريقة علاجها هي الضغط عليها بطريقة معينة حتى تنفك وترجع كما كانت
مشافا بأذن الله ولو تبي ادلك على شخص معين لأزالتها راسلني عالخاص وابشر

[khaldoon]

اخوي هذا اسمه ديسك رقبة و الله اعلم.... روح المركز الصحي و خليهم يحولوك لعيادة العظام و منها بتسوي علاج طبيعي

هل انت بتلعب حديد حاليا او بتشيل اثقال؟

[Aaziz]

روح لمساج بن داوود (مساج هندي بالزيت الساخن) يشيل ظ¥ظ*ظھ من الالم على اقل تقدير.

ماتشوف شر

[حراير قطر]

حبوب مسكادول مع مرهم

وهاي صار فيني ما فاد معاها اي شيء

وتجنبت الزعل والضيقه والحمدلله راحت عني

وما عليك شر اخوي ...

[نجم سهيل]

السلام عليكم

عندك حجي حبيب في سوق واقف .. احذى اذاعة صوت الريان

ماتشوف شر

[عضو قديم]

الله يرحم سعيد البدبد لو موجود كان طرقعها لك

[khaldoon]

طمنا يا اخوي ايش صار معاك